|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 9
Sūkta 111
|
1. Info |
| To: | soma pavamāna | |
| From: | anānata pārucchepi | |
| Metres: | 1st set of styles: nicṛdaṣṭiḥ (1); bhurigaṣṭiḥ (2); aṣṭiḥ (3) 2nd set of styles: atyaṣṭi |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
09.111.01 (Mandala. Sukta. Rik)
7.5.24.01 (Ashtaka. Adhyaya. Varga. Rik)
09.07.103 (Mandala. Anuvāka. Rik)
Samhita Devanagari Accented
अ॒या रु॒चा हरि॑ण्या पुना॒नो विश्वा॒ द्वेषां॑सि तरति स्व॒युग्व॑भिः॒ सूरो॒ न स्व॒युग्व॑भिः ।
धारा॑ सु॒तस्य॑ रोचते पुना॒नो अ॑रु॒षो हरिः॑ ।
विश्वा॒ यद्रू॒पा प॑रि॒यात्यृक्व॑भिः स॒प्तास्ये॑भि॒र्ऋक्व॑भिः ॥
Samhita Devanagari Nonaccented
अया रुचा हरिण्या पुनानो विश्वा द्वेषांसि तरति स्वयुग्वभिः सूरो न स्वयुग्वभिः ।
धारा सुतस्य रोचते पुनानो अरुषो हरिः ।
विश्वा यद्रूपा परियात्यृक्वभिः सप्तास्येभिर्ऋक्वभिः ॥
Samhita Transcription Accented
ayā́ rucā́ háriṇyā punānó víśvā dvéṣāṃsi tarati svayúgvabhiḥ sū́ro ná svayúgvabhiḥ ǀ
dhā́rā sutásya rocate punānó aruṣó háriḥ ǀ
víśvā yádrūpā́ pariyā́tyṛ́kvabhiḥ saptā́syebhirṛ́kvabhiḥ ǁ
Samhita Transcription Nonaccented
ayā rucā hariṇyā punāno viśvā dveṣāṃsi tarati svayugvabhiḥ sūro na svayugvabhiḥ ǀ
dhārā sutasya rocate punāno aruṣo hariḥ ǀ
viśvā yadrūpā pariyātyṛkvabhiḥ saptāsyebhirṛkvabhiḥ ǁ
Padapatha Devanagari Accented
अ॒या । रु॒चा । हरि॑ण्या । पु॒ना॒नः । विश्वा॑ । द्वेषां॑सि । त॒र॒ति॒ । स्व॒युग्व॑ऽभिः । सूरः॑ । न । स्व॒युग्व॑ऽभिः ।
धारा॑ । सु॒तस्य॑ । रो॒च॒ते॒ । पु॒ना॒नः । अ॒रु॒षः । हरिः॑ ।
विश्वा॑ । यत् । रू॒पा । प॒रि॒ऽयाति॑ । ऋक्व॑ऽभिः । स॒प्तऽआ॑स्येभिः । ऋक्व॑ऽभिः ॥
Padapatha Devanagari Nonaccented
अया । रुचा । हरिण्या । पुनानः । विश्वा । द्वेषांसि । तरति । स्वयुग्वऽभिः । सूरः । न । स्वयुग्वऽभिः ।
धारा । सुतस्य । रोचते । पुनानः । अरुषः । हरिः ।
विश्वा । यत् । रूपा । परिऽयाति । ऋक्वऽभिः । सप्तऽआस्येभिः । ऋक्वऽभिः ॥
Padapatha Transcription Accented
ayā́ ǀ rucā́ ǀ háriṇyā ǀ punānáḥ ǀ víśvā ǀ dvéṣāṃsi ǀ tarati ǀ svayúgva-bhiḥ ǀ sū́raḥ ǀ ná ǀ svayúgva-bhiḥ ǀ
dhā́rā ǀ sutásya ǀ rocate ǀ punānáḥ ǀ aruṣáḥ ǀ háriḥ ǀ
víśvā ǀ yát ǀ rūpā́ ǀ pari-yā́ti ǀ ṛ́kva-bhiḥ ǀ saptá-āsyebhiḥ ǀ ṛ́kva-bhiḥ ǁ
Padapatha Transcription Nonaccented
ayā ǀ rucā ǀ hariṇyā ǀ punānaḥ ǀ viśvā ǀ dveṣāṃsi ǀ tarati ǀ svayugva-bhiḥ ǀ sūraḥ ǀ na ǀ svayugva-bhiḥ ǀ
dhārā ǀ sutasya ǀ rocate ǀ punānaḥ ǀ aruṣaḥ ǀ hariḥ ǀ
viśvā ǀ yat ǀ rūpā ǀ pari-yāti ǀ ṛkva-bhiḥ ǀ sapta-āsyebhiḥ ǀ ṛkva-bhiḥ ǁ
09.111.02 (Mandala. Sukta. Rik)
7.5.24.02 (Ashtaka. Adhyaya. Varga. Rik)
09.07.104 (Mandala. Anuvāka. Rik)
Samhita Devanagari Accented
त्वं त्यत्प॑णी॒नां वि॑दो॒ वसु॒ सं मा॒तृभि॑र्मर्जयसि॒ स्व आ दम॑ ऋ॒तस्य॑ धी॒तिभि॒र्दमे॑ ।
प॒रा॒वतो॒ न साम॒ तद्यत्रा॒ रणं॑ति धी॒तयः॑ ।
त्रि॒धातु॑भि॒ररु॑षीभि॒र्वयो॑ दधे॒ रोच॑मानो॒ वयो॑ दधे ॥
Samhita Devanagari Nonaccented
त्वं त्यत्पणीनां विदो वसु सं मातृभिर्मर्जयसि स्व आ दम ऋतस्य धीतिभिर्दमे ।
परावतो न साम तद्यत्रा रणंति धीतयः ।
त्रिधातुभिररुषीभिर्वयो दधे रोचमानो वयो दधे ॥
Samhita Transcription Accented
tvám tyátpaṇīnā́m vido vásu sám mātṛ́bhirmarjayasi svá ā́ dáma ṛtásya dhītíbhirdáme ǀ
parāváto ná sā́ma tádyátrā ráṇanti dhītáyaḥ ǀ
tridhā́tubhiráruṣībhirváyo dadhe rócamāno váyo dadhe ǁ
Samhita Transcription Nonaccented
tvam tyatpaṇīnām vido vasu sam mātṛbhirmarjayasi sva ā dama ṛtasya dhītibhirdame ǀ
parāvato na sāma tadyatrā raṇanti dhītayaḥ ǀ
tridhātubhiraruṣībhirvayo dadhe rocamāno vayo dadhe ǁ
Padapatha Devanagari Accented
त्वम् । त्यत् । प॒णी॒नाम् । वि॒दः॒ । वसु॑ । सम् । मा॒तृऽभिः॑ । म॒र्ज॒य॒सि॒ । स्वे । आ । दमे॑ । ऋ॒तस्य॑ । धी॒तिऽभिः॑ । दमे॑ ।
प॒रा॒ऽवतः॑ । न । साम॑ । तत् । यत्र॑ । रण॑न्ति । धी॒तयः॑ ।
त्रि॒धातु॑ऽभिः । अरु॑षीभिः । वयः॑ । द॒धे॒ । रोच॑मानः । वयः॑ । द॒धे॒ ॥
Padapatha Devanagari Nonaccented
त्वम् । त्यत् । पणीनाम् । विदः । वसु । सम् । मातृऽभिः । मर्जयसि । स्वे । आ । दमे । ऋतस्य । धीतिऽभिः । दमे ।
पराऽवतः । न । साम । तत् । यत्र । रणन्ति । धीतयः ।
त्रिधातुऽभिः । अरुषीभिः । वयः । दधे । रोचमानः । वयः । दधे ॥
Padapatha Transcription Accented
tvám ǀ tyát ǀ paṇīnā́m ǀ vidaḥ ǀ vásu ǀ sám ǀ mātṛ́-bhiḥ ǀ marjayasi ǀ své ǀ ā́ ǀ dáme ǀ ṛtásya ǀ dhītí-bhiḥ ǀ dáme ǀ
parā-vátaḥ ǀ ná ǀ sā́ma ǀ tát ǀ yátra ǀ ráṇanti ǀ dhītáyaḥ ǀ
tridhā́tu-bhiḥ ǀ áruṣībhiḥ ǀ váyaḥ ǀ dadhe ǀ rócamānaḥ ǀ váyaḥ ǀ dadhe ǁ
Padapatha Transcription Nonaccented
tvam ǀ tyat ǀ paṇīnām ǀ vidaḥ ǀ vasu ǀ sam ǀ mātṛ-bhiḥ ǀ marjayasi ǀ sve ǀ ā ǀ dame ǀ ṛtasya ǀ dhīti-bhiḥ ǀ dame ǀ
parā-vataḥ ǀ na ǀ sāma ǀ tat ǀ yatra ǀ raṇanti ǀ dhītayaḥ ǀ
tridhātu-bhiḥ ǀ aruṣībhiḥ ǀ vayaḥ ǀ dadhe ǀ rocamānaḥ ǀ vayaḥ ǀ dadhe ǁ
09.111.03 (Mandala. Sukta. Rik)
7.5.24.03 (Ashtaka. Adhyaya. Varga. Rik)
09.07.105 (Mandala. Anuvāka. Rik)
Samhita Devanagari Accented
पूर्वा॒मनु॑ प्र॒दिशं॑ याति॒ चेकि॑त॒त्सं र॒श्मिभि॑र्यतते दर्श॒तो रथो॒ दैव्यो॑ दर्श॒तो रथः॑ ।
अग्म॑न्नु॒क्थानि॒ पौंस्येंद्रं॒ जैत्रा॑य हर्षयन् ।
वज्र॑श्च॒ यद्भव॑थो॒ अन॑पच्युता स॒मत्स्वन॑पच्युता ॥
Samhita Devanagari Nonaccented
पूर्वामनु प्रदिशं याति चेकितत्सं रश्मिभिर्यतते दर्शतो रथो दैव्यो दर्शतो रथः ।
अग्मन्नुक्थानि पौंस्येंद्रं जैत्राय हर्षयन् ।
वज्रश्च यद्भवथो अनपच्युता समत्स्वनपच्युता ॥
Samhita Transcription Accented
pū́rvāmánu pradíśam yāti cékitatsám raśmíbhiryatate darśató rátho dáivyo darśató ráthaḥ ǀ
ágmannukthā́ni páuṃsyéndram jáitrāya harṣayan ǀ
vájraśca yádbhávatho ánapacyutā samátsvánapacyutā ǁ
Samhita Transcription Nonaccented
pūrvāmanu pradiśam yāti cekitatsam raśmibhiryatate darśato ratho daivyo darśato rathaḥ ǀ
agmannukthāni pauṃsyendram jaitrāya harṣayan ǀ
vajraśca yadbhavatho anapacyutā samatsvanapacyutā ǁ
Padapatha Devanagari Accented
पूर्वा॑म् । अनु॑ । प्र॒ऽदिश॑म् । या॒ति॒ । चेकि॑तत् । सम् । र॒श्मिऽभिः॑ । य॒त॒ते॒ । द॒र्श॒तः । रथः॑ । दैव्यः॑ । द॒र्श॒तः । रथः॑ ।
अग्म॑न् । उ॒क्थानि॑ । पौंस्या॑ । इन्द्र॑म् । जैत्रा॑य । ह॒र्ष॒य॒न् ।
वज्रः॑ । च॒ । यत् । भव॑थः । अन॑पऽच्युता । स॒मत्ऽसु॑ । अन॑पऽच्युता ॥
Padapatha Devanagari Nonaccented
पूर्वाम् । अनु । प्रऽदिशम् । याति । चेकितत् । सम् । रश्मिऽभिः । यतते । दर्शतः । रथः । दैव्यः । दर्शतः । रथः ।
अग्मन् । उक्थानि । पौंस्या । इन्द्रम् । जैत्राय । हर्षयन् ।
वज्रः । च । यत् । भवथः । अनपऽच्युता । समत्ऽसु । अनपऽच्युता ॥
Padapatha Transcription Accented
pū́rvām ǀ ánu ǀ pra-díśam ǀ yāti ǀ cékitat ǀ sám ǀ raśmí-bhiḥ ǀ yatate ǀ darśatáḥ ǀ ráthaḥ ǀ dáivyaḥ ǀ darśatáḥ ǀ ráthaḥ ǀ
ágman ǀ ukthā́ni ǀ páuṃsyā ǀ índram ǀ jáitrāya ǀ harṣayan ǀ
vájraḥ ǀ ca ǀ yát ǀ bhávathaḥ ǀ ánapa-cyutā ǀ samát-su ǀ ánapa-cyutā ǁ
Padapatha Transcription Nonaccented
pūrvām ǀ anu ǀ pra-diśam ǀ yāti ǀ cekitat ǀ sam ǀ raśmi-bhiḥ ǀ yatate ǀ darśataḥ ǀ rathaḥ ǀ daivyaḥ ǀ darśataḥ ǀ rathaḥ ǀ
agman ǀ ukthāni ǀ pauṃsyā ǀ indram ǀ jaitrāya ǀ harṣayan ǀ
vajraḥ ǀ ca ǀ yat ǀ bhavathaḥ ǀ anapa-cyutā ǀ samat-su ǀ anapa-cyutā ǁ