|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 9
Sūkta 112
|
1. Info |
| To: | soma pavamāna | |
| From: | śiśu āṅgirasa | |
| Metres: | 1st set of styles: virāṭpaṅkti (1-3); nicṛtpaṅkti (4) 2nd set of styles: paṅkti |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
09.112.01 (Mandala. Sukta. Rik)
7.5.25.01 (Ashtaka. Adhyaya. Varga. Rik)
09.07.106 (Mandala. Anuvāka. Rik)
Samhita Devanagari Accented
ना॒ना॒नं वा उ॑ नो॒ धियो॒ वि व्र॒तानि॒ जना॑नां ।
तक्षा॑ रि॒ष्टं रु॒तं भि॒षग्ब्र॒ह्मा सु॒न्वंत॑मिच्छ॒तींद्रा॑येंदो॒ परि॑ स्रव ॥
Samhita Devanagari Nonaccented
नानानं वा उ नो धियो वि व्रतानि जनानां ।
तक्षा रिष्टं रुतं भिषग्ब्रह्मा सुन्वंतमिच्छतींद्रायेंदो परि स्रव ॥
Samhita Transcription Accented
nānānám vā́ u no dhíyo ví vratā́ni jánānām ǀ
tákṣā riṣṭám rutám bhiṣágbrahmā́ sunvántamicchatī́ndrāyendo pári srava ǁ
Samhita Transcription Nonaccented
nānānam vā u no dhiyo vi vratāni janānām ǀ
takṣā riṣṭam rutam bhiṣagbrahmā sunvantamicchatīndrāyendo pari srava ǁ
Padapatha Devanagari Accented
ना॒ना॒नम् । वै । ऊं॒ इति॑ । नः॒ । धियः॑ । वि । व्र॒तानि॑ । जना॑नाम् ।
तक्षा॑ । रि॒ष्टम् । रु॒तम् । भि॒षक् । ब्र॒ह्मा । सु॒न्वन्त॑म् । इ॒च्छ॒ति॒ । इन्द्रा॑य । इ॒न्दो॒ इति॑ । परि॑ । स्र॒व॒ ॥
Padapatha Devanagari Nonaccented
नानानम् । वै । ऊं इति । नः । धियः । वि । व्रतानि । जनानाम् ।
तक्षा । रिष्टम् । रुतम् । भिषक् । ब्रह्मा । सुन्वन्तम् । इच्छति । इन्द्राय । इन्दो इति । परि । स्रव ॥
Padapatha Transcription Accented
nānānám ǀ vái ǀ ūṃ íti ǀ naḥ ǀ dhíyaḥ ǀ ví ǀ vratā́ni ǀ jánānām ǀ
tákṣā ǀ riṣṭám ǀ rutám ǀ bhiṣák ǀ brahmā́ ǀ sunvántam ǀ icchati ǀ índrāya ǀ indo íti ǀ pári ǀ srava ǁ
Padapatha Transcription Nonaccented
nānānam ǀ vai ǀ ūṃ iti ǀ naḥ ǀ dhiyaḥ ǀ vi ǀ vratāni ǀ janānām ǀ
takṣā ǀ riṣṭam ǀ rutam ǀ bhiṣak ǀ brahmā ǀ sunvantam ǀ icchati ǀ indrāya ǀ indo iti ǀ pari ǀ srava ǁ
09.112.02 (Mandala. Sukta. Rik)
7.5.25.02 (Ashtaka. Adhyaya. Varga. Rik)
09.07.107 (Mandala. Anuvāka. Rik)
Samhita Devanagari Accented
जर॑तीभि॒रोष॑धीभिः प॒र्णेभिः॑ शकु॒नानां॑ ।
का॒र्मा॒रो अश्म॑भि॒र्द्युभि॒र्हिर॑ण्यवंतमिच्छ॒तींद्रा॑येंदो॒ परि॑ स्रव ॥
Samhita Devanagari Nonaccented
जरतीभिरोषधीभिः पर्णेभिः शकुनानां ।
कार्मारो अश्मभिर्द्युभिर्हिरण्यवंतमिच्छतींद्रायेंदो परि स्रव ॥
Samhita Transcription Accented
járatībhiróṣadhībhiḥ parṇébhiḥ śakunā́nām ǀ
kārmāró áśmabhirdyúbhirhíraṇyavantamicchatī́ndrāyendo pári srava ǁ
Samhita Transcription Nonaccented
jaratībhiroṣadhībhiḥ parṇebhiḥ śakunānām ǀ
kārmāro aśmabhirdyubhirhiraṇyavantamicchatīndrāyendo pari srava ǁ
Padapatha Devanagari Accented
जर॑तीभिः । ओष॑धीभिः । प॒र्णेभिः॑ । श॒कु॒नाना॑म् ।
का॒र्मा॒रः । अश्म॑ऽभिः । द्युऽभिः॑ । हिर॑ण्यऽवन्तम् । इ॒च्छ॒ति॒ । इन्द्रा॑य । इ॒न्दो॒ इति॑ । परि॑ । स्र॒व॒ ॥
Padapatha Devanagari Nonaccented
जरतीभिः । ओषधीभिः । पर्णेभिः । शकुनानाम् ।
कार्मारः । अश्मऽभिः । द्युऽभिः । हिरण्यऽवन्तम् । इच्छति । इन्द्राय । इन्दो इति । परि । स्रव ॥
Padapatha Transcription Accented
járatībhiḥ ǀ óṣadhībhiḥ ǀ parṇébhiḥ ǀ śakunā́nām ǀ
kārmāráḥ ǀ áśma-bhiḥ ǀ dyú-bhiḥ ǀ híraṇya-vantam ǀ icchati ǀ índrāya ǀ indo íti ǀ pári ǀ srava ǁ
Padapatha Transcription Nonaccented
jaratībhiḥ ǀ oṣadhībhiḥ ǀ parṇebhiḥ ǀ śakunānām ǀ
kārmāraḥ ǀ aśma-bhiḥ ǀ dyu-bhiḥ ǀ hiraṇya-vantam ǀ icchati ǀ indrāya ǀ indo iti ǀ pari ǀ srava ǁ
09.112.03 (Mandala. Sukta. Rik)
7.5.25.03 (Ashtaka. Adhyaya. Varga. Rik)
09.07.108 (Mandala. Anuvāka. Rik)
Samhita Devanagari Accented
का॒रुर॒हं त॒तो भि॒षगु॑पलप्र॒क्षिणी॑ न॒ना ।
नाना॑धियो वसू॒यवोऽनु॒ गा इ॑व तस्थि॒मेंद्रा॑येंदो॒ परि॑ स्रव ॥
Samhita Devanagari Nonaccented
कारुरहं ततो भिषगुपलप्रक्षिणी नना ।
नानाधियो वसूयवोऽनु गा इव तस्थिमेंद्रायेंदो परि स्रव ॥
Samhita Transcription Accented
kārúrahám tató bhiṣágupalaprakṣíṇī nanā́ ǀ
nā́nādhiyo vasūyávó’nu gā́ iva tasthiméndrāyendo pári srava ǁ
Samhita Transcription Nonaccented
kāruraham tato bhiṣagupalaprakṣiṇī nanā ǀ
nānādhiyo vasūyavo’nu gā iva tasthimendrāyendo pari srava ǁ
Padapatha Devanagari Accented
का॒रुः । अ॒हम् । त॒तः । भि॒षक् । उ॒प॒ल॒ऽप्र॒क्षिणी॑ । न॒ना ।
नाना॑ऽधियः । व॒सु॒ऽयवः॑ । अनु॑ । गाःऽइ॑व । त॒स्थि॒म॒ । इन्द्रा॑य । इ॒न्दो॒ इति॑ । परि॑ । स्र॒व॒ ॥
Padapatha Devanagari Nonaccented
कारुः । अहम् । ततः । भिषक् । उपलऽप्रक्षिणी । नना ।
नानाऽधियः । वसुऽयवः । अनु । गाःऽइव । तस्थिम । इन्द्राय । इन्दो इति । परि । स्रव ॥
Padapatha Transcription Accented
kārúḥ ǀ ahám ǀ tatáḥ ǀ bhiṣák ǀ upala-prakṣíṇī ǀ nanā́ ǀ
nā́nā-dhiyaḥ ǀ vasu-yávaḥ ǀ ánu ǀ gā́ḥ-iva ǀ tasthima ǀ índrāya ǀ indo íti ǀ pári ǀ srava ǁ
Padapatha Transcription Nonaccented
kāruḥ ǀ aham ǀ tataḥ ǀ bhiṣak ǀ upala-prakṣiṇī ǀ nanā ǀ
nānā-dhiyaḥ ǀ vasu-yavaḥ ǀ anu ǀ gāḥ-iva ǀ tasthima ǀ indrāya ǀ indo iti ǀ pari ǀ srava ǁ
09.112.04 (Mandala. Sukta. Rik)
7.5.25.04 (Ashtaka. Adhyaya. Varga. Rik)
09.07.109 (Mandala. Anuvāka. Rik)
Samhita Devanagari Accented
अश्वो॒ वोळ्हा॑ सु॒खं रथं॑ हस॒नामु॑पमं॒त्रिणः॑ ।
शेपो॒ रोम॑ण्वंतौ भे॒दौ वारिन्मं॒डूक॑ इच्छ॒तींद्रा॑येंदो॒ परि॑ स्रव ॥
Samhita Devanagari Nonaccented
अश्वो वोळ्हा सुखं रथं हसनामुपमंत्रिणः ।
शेपो रोमण्वंतौ भेदौ वारिन्मंडूक इच्छतींद्रायेंदो परि स्रव ॥
Samhita Transcription Accented
áśvo vóḷhā sukhám rátham hasanā́mupamantríṇaḥ ǀ
śépo rómaṇvantau bhedáu vā́rínmaṇḍū́ka icchatī́ndrāyendo pári srava ǁ
Samhita Transcription Nonaccented
aśvo voḷhā sukham ratham hasanāmupamantriṇaḥ ǀ
śepo romaṇvantau bhedau vārinmaṇḍūka icchatīndrāyendo pari srava ǁ
Padapatha Devanagari Accented
अश्वः॑ । वोळ्हा॑ । सु॒ऽखम् । रथ॑म् । ह॒स॒नाम् । उ॒प॒ऽम॒न्त्रिणः॑ ।
शेपः॑ । रोम॑ण्ऽवन्तौ । भे॒दौ । वाः । इत् । म॒ण्डूकः॑ । इ॒च्छ॒ति॒ । इन्द्रा॑य । इ॒न्दो॒ इति॑ । परि॑ । स्र॒व॒ ॥
Padapatha Devanagari Nonaccented
अश्वः । वोळ्हा । सुऽखम् । रथम् । हसनाम् । उपऽमन्त्रिणः ।
शेपः । रोमण्ऽवन्तौ । भेदौ । वाः । इत् । मण्डूकः । इच्छति । इन्द्राय । इन्दो इति । परि । स्रव ॥
Padapatha Transcription Accented
áśvaḥ ǀ vóḷhā ǀ su-khám ǀ rátham ǀ hasanā́m ǀ upa-mantríṇaḥ ǀ
śépaḥ ǀ rómaṇ-vantau ǀ bhedáu ǀ vā́ḥ ǀ ít ǀ maṇḍū́kaḥ ǀ icchati ǀ índrāya ǀ indo íti ǀ pári ǀ srava ǁ
Padapatha Transcription Nonaccented
aśvaḥ ǀ voḷhā ǀ su-kham ǀ ratham ǀ hasanām ǀ upa-mantriṇaḥ ǀ
śepaḥ ǀ romaṇ-vantau ǀ bhedau ǀ vāḥ ǀ it ǀ maṇḍūkaḥ ǀ icchati ǀ indrāya ǀ indo iti ǀ pari ǀ srava ǁ