|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 7
|
1. Info |
| To: | agni | |
| From: | trita āptya | |
| Metres: | 1st set of styles: nicṛttriṣṭup (1, 3, 5, 6); triṣṭup (2, 4); virāṭtrisṭup (7) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.007.01 (Mandala. Sukta. Rik)
7.6.02.01 (Ashtaka. Adhyaya. Varga. Rik)
10.01.043 (Mandala. Anuvāka. Rik)
Samhita Devanagari Accented
स्व॒स्ति नो॑ दि॒वो अ॑ग्ने पृथि॒व्या वि॒श्वायु॑र्धेहि य॒जथा॑य देव ।
सचे॑महि॒ तव॑ दस्म प्रके॒तैरु॑रु॒ष्या ण॑ उ॒रुभि॑र्देव॒ शंसैः॑ ॥
Samhita Devanagari Nonaccented
स्वस्ति नो दिवो अग्ने पृथिव्या विश्वायुर्धेहि यजथाय देव ।
सचेमहि तव दस्म प्रकेतैरुरुष्या ण उरुभिर्देव शंसैः ॥
Samhita Transcription Accented
svastí no divó agne pṛthivyā́ viśvā́yurdhehi yajáthāya deva ǀ
sácemahi táva dasma praketáiruruṣyā́ ṇa urúbhirdeva śáṃsaiḥ ǁ
Samhita Transcription Nonaccented
svasti no divo agne pṛthivyā viśvāyurdhehi yajathāya deva ǀ
sacemahi tava dasma praketairuruṣyā ṇa urubhirdeva śaṃsaiḥ ǁ
Padapatha Devanagari Accented
स्व॒स्ति । नः॒ । दि॒वः । अ॒ग्ने॒ । पृ॒थि॒व्याः । वि॒श्वऽआ॑युः । धे॒हि॒ । य॒जथा॑य । दे॒व॒ ।
सचे॑महि । तव॑ । द॒स्म॒ । प्र॒ऽके॒तैः । उ॒रु॒ष्य । नः॒ । उ॒रुऽभिः॑ । दे॒व॒ । शंसैः॑ ॥
Padapatha Devanagari Nonaccented
स्वस्ति । नः । दिवः । अग्ने । पृथिव्याः । विश्वऽआयुः । धेहि । यजथाय । देव ।
सचेमहि । तव । दस्म । प्रऽकेतैः । उरुष्य । नः । उरुऽभिः । देव । शंसैः ॥
Padapatha Transcription Accented
svastí ǀ naḥ ǀ diváḥ ǀ agne ǀ pṛthivyā́ḥ ǀ viśvá-āyuḥ ǀ dhehi ǀ yajáthāya ǀ deva ǀ
sácemahi ǀ táva ǀ dasma ǀ pra-ketáiḥ ǀ uruṣyá ǀ naḥ ǀ urú-bhiḥ ǀ deva ǀ śáṃsaiḥ ǁ
Padapatha Transcription Nonaccented
svasti ǀ naḥ ǀ divaḥ ǀ agne ǀ pṛthivyāḥ ǀ viśva-āyuḥ ǀ dhehi ǀ yajathāya ǀ deva ǀ
sacemahi ǀ tava ǀ dasma ǀ pra-ketaiḥ ǀ uruṣya ǀ naḥ ǀ uru-bhiḥ ǀ deva ǀ śaṃsaiḥ ǁ
10.007.02 (Mandala. Sukta. Rik)
7.6.02.02 (Ashtaka. Adhyaya. Varga. Rik)
10.01.044 (Mandala. Anuvāka. Rik)
Samhita Devanagari Accented
इ॒मा अ॑ग्ने म॒तय॒स्तुभ्यं॑ जा॒ता गोभि॒रश्वै॑र॒भि गृ॑णंति॒ राधः॑ ।
य॒दा ते॒ मर्तो॒ अनु॒ भोग॒मान॒ड्वसो॒ दधा॑नो म॒तिभिः॑ सुजात ॥
Samhita Devanagari Nonaccented
इमा अग्ने मतयस्तुभ्यं जाता गोभिरश्वैरभि गृणंति राधः ।
यदा ते मर्तो अनु भोगमानड्वसो दधानो मतिभिः सुजात ॥
Samhita Transcription Accented
imā́ agne matáyastúbhyam jātā́ góbhiráśvairabhí gṛṇanti rā́dhaḥ ǀ
yadā́ te márto ánu bhógamā́naḍváso dádhāno matíbhiḥ sujāta ǁ
Samhita Transcription Nonaccented
imā agne matayastubhyam jātā gobhiraśvairabhi gṛṇanti rādhaḥ ǀ
yadā te marto anu bhogamānaḍvaso dadhāno matibhiḥ sujāta ǁ
Padapatha Devanagari Accented
इ॒माः । अ॒ग्ने॒ । म॒तयः॑ । तुभ्य॑म् । जा॒ताः । गोभिः॑ । अश्वैः॑ । अ॒भि । गृ॒ण॒न्ति॒ । राधः॑ ।
य॒दा । ते॒ । मर्तः॑ । अनु॑ । भोग॑म् । आन॑ट् । वसो॒ इति॑ । दधा॑नः । म॒तिऽभिः॑ । सु॒ऽजा॒त॒ ॥
Padapatha Devanagari Nonaccented
इमाः । अग्ने । मतयः । तुभ्यम् । जाताः । गोभिः । अश्वैः । अभि । गृणन्ति । राधः ।
यदा । ते । मर्तः । अनु । भोगम् । आनट् । वसो इति । दधानः । मतिऽभिः । सुऽजात ॥
Padapatha Transcription Accented
imā́ḥ ǀ agne ǀ matáyaḥ ǀ túbhyam ǀ jātā́ḥ ǀ góbhiḥ ǀ áśvaiḥ ǀ abhí ǀ gṛṇanti ǀ rā́dhaḥ ǀ
yadā́ ǀ te ǀ mártaḥ ǀ ánu ǀ bhógam ǀ ā́naṭ ǀ váso íti ǀ dádhānaḥ ǀ matí-bhiḥ ǀ su-jāta ǁ
Padapatha Transcription Nonaccented
imāḥ ǀ agne ǀ matayaḥ ǀ tubhyam ǀ jātāḥ ǀ gobhiḥ ǀ aśvaiḥ ǀ abhi ǀ gṛṇanti ǀ rādhaḥ ǀ
yadā ǀ te ǀ martaḥ ǀ anu ǀ bhogam ǀ ānaṭ ǀ vaso iti ǀ dadhānaḥ ǀ mati-bhiḥ ǀ su-jāta ǁ
10.007.03 (Mandala. Sukta. Rik)
7.6.02.03 (Ashtaka. Adhyaya. Varga. Rik)
10.01.045 (Mandala. Anuvāka. Rik)
Samhita Devanagari Accented
अ॒ग्निं म॑न्ये पि॒तर॑म॒ग्निमा॒पिम॒ग्निं भ्रात॑रं॒ सद॒मित्सखा॑यं ।
अ॒ग्नेरनी॑कं बृह॒तः स॑पर्यं दि॒वि शु॒क्रं य॑ज॒तं सूर्य॑स्य ॥
Samhita Devanagari Nonaccented
अग्निं मन्ये पितरमग्निमापिमग्निं भ्रातरं सदमित्सखायं ।
अग्नेरनीकं बृहतः सपर्यं दिवि शुक्रं यजतं सूर्यस्य ॥
Samhita Transcription Accented
agním manye pitáramagnímāpímagním bhrā́taram sádamítsákhāyam ǀ
agnéránīkam bṛhatáḥ saparyam diví śukrám yajatám sū́ryasya ǁ
Samhita Transcription Nonaccented
agnim manye pitaramagnimāpimagnim bhrātaram sadamitsakhāyam ǀ
agneranīkam bṛhataḥ saparyam divi śukram yajatam sūryasya ǁ
Padapatha Devanagari Accented
अ॒ग्निम् । म॒न्ये॒ । पि॒तर॑म् । अ॒ग्निम् । आ॒पिम् । अ॒ग्निम् । भ्रात॑रम् । सद॑म् । इत् । सखा॑यम् ।
अ॒ग्नेः । अनी॑कम् । बृ॒ह॒तः । स॒प॒र्य॒म् । दि॒वि । शु॒क्रम् । य॒ज॒तम् । सूर्य॑स्य ॥
Padapatha Devanagari Nonaccented
अग्निम् । मन्ये । पितरम् । अग्निम् । आपिम् । अग्निम् । भ्रातरम् । सदम् । इत् । सखायम् ।
अग्नेः । अनीकम् । बृहतः । सपर्यम् । दिवि । शुक्रम् । यजतम् । सूर्यस्य ॥
Padapatha Transcription Accented
agním ǀ manye ǀ pitáram ǀ agním ǀ āpím ǀ agním ǀ bhrā́taram ǀ sádam ǀ ít ǀ sákhāyam ǀ
agnéḥ ǀ ánīkam ǀ bṛhatáḥ ǀ saparyam ǀ diví ǀ śukrám ǀ yajatám ǀ sū́ryasya ǁ
Padapatha Transcription Nonaccented
agnim ǀ manye ǀ pitaram ǀ agnim ǀ āpim ǀ agnim ǀ bhrātaram ǀ sadam ǀ it ǀ sakhāyam ǀ
agneḥ ǀ anīkam ǀ bṛhataḥ ǀ saparyam ǀ divi ǀ śukram ǀ yajatam ǀ sūryasya ǁ
10.007.04 (Mandala. Sukta. Rik)
7.6.02.04 (Ashtaka. Adhyaya. Varga. Rik)
10.01.046 (Mandala. Anuvāka. Rik)
Samhita Devanagari Accented
सि॒ध्रा अ॑ग्ने॒ धियो॑ अ॒स्मे सनु॑त्री॒र्यं त्राय॑से॒ दम॒ आ नित्य॑होता ।
ऋ॒तावा॒ स रो॒हिद॑श्वः पुरु॒क्षुर्द्युभि॑रस्मा॒ अह॑भिर्वा॒मम॑स्तु ॥
Samhita Devanagari Nonaccented
सिध्रा अग्ने धियो अस्मे सनुत्रीर्यं त्रायसे दम आ नित्यहोता ।
ऋतावा स रोहिदश्वः पुरुक्षुर्द्युभिरस्मा अहभिर्वाममस्तु ॥
Samhita Transcription Accented
sidhrā́ agne dhíyo asmé sánutrīryám trā́yase dáma ā́ nítyahotā ǀ
ṛtā́vā sá rohídaśvaḥ purukṣúrdyúbhirasmā áhabhirvāmámastu ǁ
Samhita Transcription Nonaccented
sidhrā agne dhiyo asme sanutrīryam trāyase dama ā nityahotā ǀ
ṛtāvā sa rohidaśvaḥ purukṣurdyubhirasmā ahabhirvāmamastu ǁ
Padapatha Devanagari Accented
सि॒ध्राः । अ॒ग्ने॒ । धियः॑ । अ॒स्मे इति॑ । सनु॑त्रीः । यम् । त्राय॑से । दमे॑ । आ । नित्य॑ऽहोता ।
ऋ॒तऽवा॑ । सः । रो॒हित्ऽअ॑श्वः । पु॒रु॒ऽक्षुः । द्युऽभिः॑ । अ॒स्मै॒ । अह॑ऽभिः । वा॒मम् । अ॒स्तु॒ ॥
Padapatha Devanagari Nonaccented
सिध्राः । अग्ने । धियः । अस्मे इति । सनुत्रीः । यम् । त्रायसे । दमे । आ । नित्यऽहोता ।
ऋतऽवा । सः । रोहित्ऽअश्वः । पुरुऽक्षुः । द्युऽभिः । अस्मै । अहऽभिः । वामम् । अस्तु ॥
Padapatha Transcription Accented
sidhrā́ḥ ǀ agne ǀ dhíyaḥ ǀ asmé íti ǀ sánutrīḥ ǀ yám ǀ trā́yase ǀ dáme ǀ ā́ ǀ nítya-hotā ǀ
ṛtá-vā ǀ sáḥ ǀ rohít-aśvaḥ ǀ puru-kṣúḥ ǀ dyú-bhiḥ ǀ asmai ǀ áha-bhiḥ ǀ vāmám ǀ astu ǁ
Padapatha Transcription Nonaccented
sidhrāḥ ǀ agne ǀ dhiyaḥ ǀ asme iti ǀ sanutrīḥ ǀ yam ǀ trāyase ǀ dame ǀ ā ǀ nitya-hotā ǀ
ṛta-vā ǀ saḥ ǀ rohit-aśvaḥ ǀ puru-kṣuḥ ǀ dyu-bhiḥ ǀ asmai ǀ aha-bhiḥ ǀ vāmam ǀ astu ǁ
10.007.05 (Mandala. Sukta. Rik)
7.6.02.05 (Ashtaka. Adhyaya. Varga. Rik)
10.01.047 (Mandala. Anuvāka. Rik)
Samhita Devanagari Accented
द्युभि॑र्हि॒तं मि॒त्रमि॑व प्र॒योगं॑ प्र॒त्नमृ॒त्विज॑मध्व॒रस्य॑ जा॒रं ।
बा॒हुभ्या॑म॒ग्निमा॒यवो॑ऽजनंत वि॒क्षु होता॑रं॒ न्य॑सादयंत ॥
Samhita Devanagari Nonaccented
द्युभिर्हितं मित्रमिव प्रयोगं प्रत्नमृत्विजमध्वरस्य जारं ।
बाहुभ्यामग्निमायवोऽजनंत विक्षु होतारं न्यसादयंत ॥
Samhita Transcription Accented
dyúbhirhitám mitrámiva prayógam pratnámṛtvíjamadhvarásya jārám ǀ
bāhúbhyāmagnímāyávo’jananta vikṣú hótāram nyásādayanta ǁ
Samhita Transcription Nonaccented
dyubhirhitam mitramiva prayogam pratnamṛtvijamadhvarasya jāram ǀ
bāhubhyāmagnimāyavo’jananta vikṣu hotāram nyasādayanta ǁ
Padapatha Devanagari Accented
द्युऽभिः॑ । हि॒तम् । मि॒त्रम्ऽइ॑व । प्र॒ऽयोग॑म् । प्र॒त्नम् । ऋ॒त्विज॑म् । अ॒ध्व॒रस्य॑ । जा॒रम् ।
बा॒हुऽभ्या॑म् । अ॒ग्निम् । आ॒यवः॑ । अ॒ज॒न॒न्त॒ । वि॒क्षु । होता॑रम् । नि । अ॒सा॒द॒य॒न्त॒ ॥
Padapatha Devanagari Nonaccented
द्युऽभिः । हितम् । मित्रम्ऽइव । प्रऽयोगम् । प्रत्नम् । ऋत्विजम् । अध्वरस्य । जारम् ।
बाहुऽभ्याम् । अग्निम् । आयवः । अजनन्त । विक्षु । होतारम् । नि । असादयन्त ॥
Padapatha Transcription Accented
dyú-bhiḥ ǀ hitám ǀ mitrám-iva ǀ pra-yógam ǀ pratnám ǀ ṛtvíjam ǀ adhvarásya ǀ jārám ǀ
bāhú-bhyām ǀ agním ǀ āyávaḥ ǀ ajananta ǀ vikṣú ǀ hótāram ǀ ní ǀ asādayanta ǁ
Padapatha Transcription Nonaccented
dyu-bhiḥ ǀ hitam ǀ mitram-iva ǀ pra-yogam ǀ pratnam ǀ ṛtvijam ǀ adhvarasya ǀ jāram ǀ
bāhu-bhyām ǀ agnim ǀ āyavaḥ ǀ ajananta ǀ vikṣu ǀ hotāram ǀ ni ǀ asādayanta ǁ
10.007.06 (Mandala. Sukta. Rik)
7.6.02.06 (Ashtaka. Adhyaya. Varga. Rik)
10.01.048 (Mandala. Anuvāka. Rik)
Samhita Devanagari Accented
स्व॒यं य॑जस्व दि॒वि दे॑व दे॒वान्किं ते॒ पाकः॑ कृणव॒दप्र॑चेताः ।
यथाय॑ज ऋ॒तुभि॑र्देव दे॒वाने॒वा य॑जस्व त॒न्वं॑ सुजात ॥
Samhita Devanagari Nonaccented
स्वयं यजस्व दिवि देव देवान्किं ते पाकः कृणवदप्रचेताः ।
यथायज ऋतुभिर्देव देवानेवा यजस्व तन्वं सुजात ॥
Samhita Transcription Accented
svayám yajasva diví deva devā́nkím te pā́kaḥ kṛṇavadápracetāḥ ǀ
yáthā́yaja ṛtúbhirdeva devā́nevā́ yajasva tanvám sujāta ǁ
Samhita Transcription Nonaccented
svayam yajasva divi deva devānkim te pākaḥ kṛṇavadapracetāḥ ǀ
yathāyaja ṛtubhirdeva devānevā yajasva tanvam sujāta ǁ
Padapatha Devanagari Accented
स्व॒यम् । य॒ज॒स्व॒ । दि॒वि । दे॒व॒ । दे॒वान् । किम् । ते॒ । पाकः॑ । कृ॒ण॒व॒त् । अप्र॑ऽचेताः ।
यथा॑ । अय॑जः । ऋ॒तुऽभिः॑ । दे॒व॒ । दे॒वान् । ए॒व । य॒ज॒स्व॒ । त॒न्व॑म् । सु॒ऽजा॒त॒ ॥
Padapatha Devanagari Nonaccented
स्वयम् । यजस्व । दिवि । देव । देवान् । किम् । ते । पाकः । कृणवत् । अप्रऽचेताः ।
यथा । अयजः । ऋतुऽभिः । देव । देवान् । एव । यजस्व । तन्वम् । सुऽजात ॥
Padapatha Transcription Accented
svayám ǀ yajasva ǀ diví ǀ deva ǀ devā́n ǀ kím ǀ te ǀ pā́kaḥ ǀ kṛṇavat ǀ ápra-cetāḥ ǀ
yáthā ǀ áyajaḥ ǀ ṛtú-bhiḥ ǀ deva ǀ devā́n ǀ evá ǀ yajasva ǀ tanvám ǀ su-jāta ǁ
Padapatha Transcription Nonaccented
svayam ǀ yajasva ǀ divi ǀ deva ǀ devān ǀ kim ǀ te ǀ pākaḥ ǀ kṛṇavat ǀ apra-cetāḥ ǀ
yathā ǀ ayajaḥ ǀ ṛtu-bhiḥ ǀ deva ǀ devān ǀ eva ǀ yajasva ǀ tanvam ǀ su-jāta ǁ
10.007.07 (Mandala. Sukta. Rik)
7.6.02.07 (Ashtaka. Adhyaya. Varga. Rik)
10.01.049 (Mandala. Anuvāka. Rik)
Samhita Devanagari Accented
भवा॑ नो अग्नेऽवि॒तोत गो॒पा भवा॑ वय॒स्कृदु॒त नो॑ वयो॒धाः ।
रास्वा॑ च नः सुमहो ह॒व्यदा॑तिं॒ त्रास्वो॒त न॑स्त॒न्वो॒३॒॑ अप्र॑युच्छन् ॥
Samhita Devanagari Nonaccented
भवा नो अग्नेऽवितोत गोपा भवा वयस्कृदुत नो वयोधाः ।
रास्वा च नः सुमहो हव्यदातिं त्रास्वोत नस्तन्वो अप्रयुच्छन् ॥
Samhita Transcription Accented
bhávā no agne’vitótá gopā́ bhávā vayaskṛ́dutá no vayodhā́ḥ ǀ
rā́svā ca naḥ sumaho havyádātim trā́svotá nastanvó áprayucchan ǁ
Samhita Transcription Nonaccented
bhavā no agne’vitota gopā bhavā vayaskṛduta no vayodhāḥ ǀ
rāsvā ca naḥ sumaho havyadātim trāsvota nastanvo aprayucchan ǁ
Padapatha Devanagari Accented
भव॑ । नः॒ । अ॒ग्ने॒ । अ॒वि॒ता । उ॒त । गो॒पाः । भव॑ । व॒यः॒ऽकृत् । उ॒त । नः॒ । व॒यः॒ऽधाः ।
रास्व॑ । च॒ । नः॒ । सु॒ऽम॒हः॒ । ह॒व्यऽदा॑तिम् । त्रास्व॑ । उ॒त । नः॒ । त॒न्वः॑ । अप्र॑ऽयुच्छन् ॥
Padapatha Devanagari Nonaccented
भव । नः । अग्ने । अविता । उत । गोपाः । भव । वयःऽकृत् । उत । नः । वयःऽधाः ।
रास्व । च । नः । सुऽमहः । हव्यऽदातिम् । त्रास्व । उत । नः । तन्वः । अप्रऽयुच्छन् ॥
Padapatha Transcription Accented
bháva ǀ naḥ ǀ agne ǀ avitā́ ǀ utá ǀ gopā́ḥ ǀ bháva ǀ vayaḥ-kṛ́t ǀ utá ǀ naḥ ǀ vayaḥ-dhā́ḥ ǀ
rā́sva ǀ ca ǀ naḥ ǀ su-mahaḥ ǀ havyá-dātim ǀ trā́sva ǀ utá ǀ naḥ ǀ tanváḥ ǀ ápra-yucchan ǁ
Padapatha Transcription Nonaccented
bhava ǀ naḥ ǀ agne ǀ avitā ǀ uta ǀ gopāḥ ǀ bhava ǀ vayaḥ-kṛt ǀ uta ǀ naḥ ǀ vayaḥ-dhāḥ ǀ
rāsva ǀ ca ǀ naḥ ǀ su-mahaḥ ǀ havya-dātim ǀ trāsva ǀ uta ǀ naḥ ǀ tanvaḥ ǀ apra-yucchan ǁ