|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 11
|
1. Info |
| To: | agni | |
| From: | havirdhāna āṅgi | |
| Metres: | 1st set of styles: nicṛjjagatī (1, 2, 6); virāṭjagatī (3-5); triṣṭup (7-9) 2nd set of styles: jagatī (1-6); triṣṭubh (7-9) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.011.01 (Mandala. Sukta. Rik)
7.6.09.01 (Ashtaka. Adhyaya. Varga. Rik)
10.01.082 (Mandala. Anuvāka. Rik)
Samhita Devanagari Accented
वृषा॒ वृष्णे॑ दुदुहे॒ दोह॑सा दि॒वः पयां॑सि य॒ह्वो अदि॑ते॒रदा॑भ्यः ।
विश्वं॒ स वे॑द॒ वरु॑णो॒ यथा॑ धि॒या स य॒ज्ञियो॑ यजतु य॒ज्ञियाँ॑ ऋ॒तून् ॥
Samhita Devanagari Nonaccented
वृषा वृष्णे दुदुहे दोहसा दिवः पयांसि यह्वो अदितेरदाभ्यः ।
विश्वं स वेद वरुणो यथा धिया स यज्ञियो यजतु यज्ञियाँ ऋतून् ॥
Samhita Transcription Accented
vṛ́ṣā vṛ́ṣṇe duduhe dóhasā diváḥ páyāṃsi yahvó áditerádābhyaḥ ǀ
víśvam sá veda váruṇo yáthā dhiyā́ sá yajñíyo yajatu yajñíyām̐ ṛtū́n ǁ
Samhita Transcription Nonaccented
vṛṣā vṛṣṇe duduhe dohasā divaḥ payāṃsi yahvo aditeradābhyaḥ ǀ
viśvam sa veda varuṇo yathā dhiyā sa yajñiyo yajatu yajñiyām̐ ṛtūn ǁ
Padapatha Devanagari Accented
वृषा॑ । वृष्णे॑ । दु॒दु॒हे॒ । दोह॑सा । दि॒वः । पयां॑सि । य॒ह्वः । अदि॑तेः । अदा॑भ्यः ।
विश्व॑म् । सः । वे॒द॒ । वरु॑णः । यथा॑ । धि॒या । सः । य॒ज्ञियः॑ । य॒ज॒तु॒ । य॒ज्ञिया॑न् । ऋ॒तून् ॥
Padapatha Devanagari Nonaccented
वृषा । वृष्णे । दुदुहे । दोहसा । दिवः । पयांसि । यह्वः । अदितेः । अदाभ्यः ।
विश्वम् । सः । वेद । वरुणः । यथा । धिया । सः । यज्ञियः । यजतु । यज्ञियान् । ऋतून् ॥
Padapatha Transcription Accented
vṛ́ṣā ǀ vṛ́ṣṇe ǀ duduhe ǀ dóhasā ǀ diváḥ ǀ páyāṃsi ǀ yahváḥ ǀ áditeḥ ǀ ádābhyaḥ ǀ
víśvam ǀ sáḥ ǀ veda ǀ váruṇaḥ ǀ yáthā ǀ dhiyā́ ǀ sáḥ ǀ yajñíyaḥ ǀ yajatu ǀ yajñíyān ǀ ṛtū́n ǁ
Padapatha Transcription Nonaccented
vṛṣā ǀ vṛṣṇe ǀ duduhe ǀ dohasā ǀ divaḥ ǀ payāṃsi ǀ yahvaḥ ǀ aditeḥ ǀ adābhyaḥ ǀ
viśvam ǀ saḥ ǀ veda ǀ varuṇaḥ ǀ yathā ǀ dhiyā ǀ saḥ ǀ yajñiyaḥ ǀ yajatu ǀ yajñiyān ǀ ṛtūn ǁ
10.011.02 (Mandala. Sukta. Rik)
7.6.09.02 (Ashtaka. Adhyaya. Varga. Rik)
10.01.083 (Mandala. Anuvāka. Rik)
Samhita Devanagari Accented
रप॑द्गंध॒र्वीरप्या॑ च॒ योष॑णा न॒दस्य॑ ना॒दे परि॑ पातु मे॒ मनः॑ ।
इ॒ष्टस्य॒ मध्ये॒ अदि॑ति॒र्नि धा॑तु नो॒ भ्राता॑ नो ज्ये॒ष्ठः प्र॑थ॒मो वि वो॑चति ॥
Samhita Devanagari Nonaccented
रपद्गंधर्वीरप्या च योषणा नदस्य नादे परि पातु मे मनः ।
इष्टस्य मध्ये अदितिर्नि धातु नो भ्राता नो ज्येष्ठः प्रथमो वि वोचति ॥
Samhita Transcription Accented
rápadgandharvī́rápyā ca yóṣaṇā nadásya nādé pári pātu me mánaḥ ǀ
iṣṭásya mádhye áditirní dhātu no bhrā́tā no jyeṣṭháḥ prathamó ví vocati ǁ
Samhita Transcription Nonaccented
rapadgandharvīrapyā ca yoṣaṇā nadasya nāde pari pātu me manaḥ ǀ
iṣṭasya madhye aditirni dhātu no bhrātā no jyeṣṭhaḥ prathamo vi vocati ǁ
Padapatha Devanagari Accented
रप॑त् । ग॒न्ध॒र्वीः । अप्या॑ । च॒ । योष॑णा । न॒दस्य॑ । ना॒दे । परि॑ । पा॒तु॒ । मे॒ । मनः॑ ।
इ॒ष्टस्य॑ । मध्ये॑ । अदि॑तिः । नि । धा॒तु॒ । नः॒ । भ्राता॑ । नः॒ । ज्ये॒ष्ठः । प्र॒थ॒मः । वि । वो॒च॒ति॒ ॥
Padapatha Devanagari Nonaccented
रपत् । गन्धर्वीः । अप्या । च । योषणा । नदस्य । नादे । परि । पातु । मे । मनः ।
इष्टस्य । मध्ये । अदितिः । नि । धातु । नः । भ्राता । नः । ज्येष्ठः । प्रथमः । वि । वोचति ॥
Padapatha Transcription Accented
rápat ǀ gandharvī́ḥ ǀ ápyā ǀ ca ǀ yóṣaṇā ǀ nadásya ǀ nādé ǀ pári ǀ pātu ǀ me ǀ mánaḥ ǀ
iṣṭásya ǀ mádhye ǀ áditiḥ ǀ ní ǀ dhātu ǀ naḥ ǀ bhrā́tā ǀ naḥ ǀ jyeṣṭháḥ ǀ prathamáḥ ǀ ví ǀ vocati ǁ
Padapatha Transcription Nonaccented
rapat ǀ gandharvīḥ ǀ apyā ǀ ca ǀ yoṣaṇā ǀ nadasya ǀ nāde ǀ pari ǀ pātu ǀ me ǀ manaḥ ǀ
iṣṭasya ǀ madhye ǀ aditiḥ ǀ ni ǀ dhātu ǀ naḥ ǀ bhrātā ǀ naḥ ǀ jyeṣṭhaḥ ǀ prathamaḥ ǀ vi ǀ vocati ǁ
10.011.03 (Mandala. Sukta. Rik)
7.6.09.03 (Ashtaka. Adhyaya. Varga. Rik)
10.01.084 (Mandala. Anuvāka. Rik)
Samhita Devanagari Accented
सो चि॒न्नु भ॒द्रा क्षु॒मती॒ यश॑स्वत्यु॒षा उ॑वास॒ मन॑वे॒ स्व॑र्वती ।
यदी॑मु॒शंत॑मुश॒तामनु॒ क्रतु॑म॒ग्निं होता॑रं वि॒दथा॑य॒ जीज॑नन् ॥
Samhita Devanagari Nonaccented
सो चिन्नु भद्रा क्षुमती यशस्वत्युषा उवास मनवे स्वर्वती ।
यदीमुशंतमुशतामनु क्रतुमग्निं होतारं विदथाय जीजनन् ॥
Samhita Transcription Accented
só cinnú bhadrā́ kṣumátī yáśasvatyuṣā́ uvāsa mánave svárvatī ǀ
yádīmuśántamuśatā́mánu krátumagním hótāram vidáthāya jī́janan ǁ
Samhita Transcription Nonaccented
so cinnu bhadrā kṣumatī yaśasvatyuṣā uvāsa manave svarvatī ǀ
yadīmuśantamuśatāmanu kratumagnim hotāram vidathāya jījanan ǁ
Padapatha Devanagari Accented
सो इति॑ । चि॒त् । नु । भ॒द्रा । क्षु॒ऽमती॑ । यश॑स्वती । उ॒षाः । उ॒वा॒स॒ । मन॑वे । स्वः॑ऽवती ।
यत् । ई॒म् । उ॒शन्त॑म् । उ॒श॒ताम् । अनु॑ । क्रतु॑म् । अ॒ग्निम् । होता॑रम् । वि॒दथा॑य । जीज॑नन् ॥
Padapatha Devanagari Nonaccented
सो इति । चित् । नु । भद्रा । क्षुऽमती । यशस्वती । उषाः । उवास । मनवे । स्वःऽवती ।
यत् । ईम् । उशन्तम् । उशताम् । अनु । क्रतुम् । अग्निम् । होतारम् । विदथाय । जीजनन् ॥
Padapatha Transcription Accented
só íti ǀ cit ǀ nú ǀ bhadrā́ ǀ kṣu-mátī ǀ yáśasvatī ǀ uṣā́ḥ ǀ uvāsa ǀ mánave ǀ sváḥ-vatī ǀ
yát ǀ īm ǀ uśántam ǀ uśatā́m ǀ ánu ǀ krátum ǀ agním ǀ hótāram ǀ vidáthāya ǀ jī́janan ǁ
Padapatha Transcription Nonaccented
so iti ǀ cit ǀ nu ǀ bhadrā ǀ kṣu-matī ǀ yaśasvatī ǀ uṣāḥ ǀ uvāsa ǀ manave ǀ svaḥ-vatī ǀ
yat ǀ īm ǀ uśantam ǀ uśatām ǀ anu ǀ kratum ǀ agnim ǀ hotāram ǀ vidathāya ǀ jījanan ǁ
10.011.04 (Mandala. Sukta. Rik)
7.6.09.04 (Ashtaka. Adhyaya. Varga. Rik)
10.01.085 (Mandala. Anuvāka. Rik)
Samhita Devanagari Accented
अध॒ त्यं द्र॒प्सं वि॒भ्वं॑ विचक्ष॒णं विराभ॑रदिषि॒तः श्ये॒नो अ॑ध्व॒रे ।
यदी॒ विशो॑ वृ॒णते॑ द॒स्ममार्या॑ अ॒ग्निं होता॑र॒मध॒ धीर॑जायत ॥
Samhita Devanagari Nonaccented
अध त्यं द्रप्सं विभ्वं विचक्षणं विराभरदिषितः श्येनो अध्वरे ।
यदी विशो वृणते दस्ममार्या अग्निं होतारमध धीरजायत ॥
Samhita Transcription Accented
ádha tyám drapsám vibhvám vicakṣaṇám vírā́bharadiṣitáḥ śyenó adhvaré ǀ
yádī víśo vṛṇáte dasmámā́ryā agním hótāramádha dhī́rajāyata ǁ
Samhita Transcription Nonaccented
adha tyam drapsam vibhvam vicakṣaṇam virābharadiṣitaḥ śyeno adhvare ǀ
yadī viśo vṛṇate dasmamāryā agnim hotāramadha dhīrajāyata ǁ
Padapatha Devanagari Accented
अध॑ । त्यम् । द्र॒प्सम् । वि॒ऽभ्व॑म् । वि॒ऽच॒क्ष॒णम् । विः । आ । अ॒भ॒र॒त् । इ॒षि॒तः । श्ये॒नः । अ॒ध्व॒रे ।
यदि॑ । विशः॑ । वृ॒णते॑ । द॒स्मम् । आर्याः॑ । अ॒ग्निम् । होता॑रम् । अध॑ । धीः । अ॒जा॒य॒त॒ ॥
Padapatha Devanagari Nonaccented
अध । त्यम् । द्रप्सम् । विऽभ्वम् । विऽचक्षणम् । विः । आ । अभरत् । इषितः । श्येनः । अध्वरे ।
यदि । विशः । वृणते । दस्मम् । आर्याः । अग्निम् । होतारम् । अध । धीः । अजायत ॥
Padapatha Transcription Accented
ádha ǀ tyám ǀ drapsám ǀ vi-bhvám ǀ vi-cakṣaṇám ǀ víḥ ǀ ā́ ǀ abharat ǀ iṣitáḥ ǀ śyenáḥ ǀ adhvaré ǀ
yádi ǀ víśaḥ ǀ vṛṇáte ǀ dasmám ǀ ā́ryāḥ ǀ agním ǀ hótāram ǀ ádha ǀ dhī́ḥ ǀ ajāyata ǁ
Padapatha Transcription Nonaccented
adha ǀ tyam ǀ drapsam ǀ vi-bhvam ǀ vi-cakṣaṇam ǀ viḥ ǀ ā ǀ abharat ǀ iṣitaḥ ǀ śyenaḥ ǀ adhvare ǀ
yadi ǀ viśaḥ ǀ vṛṇate ǀ dasmam ǀ āryāḥ ǀ agnim ǀ hotāram ǀ adha ǀ dhīḥ ǀ ajāyata ǁ
10.011.05 (Mandala. Sukta. Rik)
7.6.09.05 (Ashtaka. Adhyaya. Varga. Rik)
10.01.086 (Mandala. Anuvāka. Rik)
Samhita Devanagari Accented
सदा॑सि र॒ण्वो यव॑सेव॒ पुष्य॑ते॒ होत्रा॑भिरग्ने॒ मनु॑षः स्वध्व॒रः ।
विप्र॑स्य वा॒ यच्छ॑शमा॒न उ॒क्थ्यं१॒॑ वाजं॑ सस॒वाँ उ॑प॒यासि॒ भूरि॑भिः ॥
Samhita Devanagari Nonaccented
सदासि रण्वो यवसेव पुष्यते होत्राभिरग्ने मनुषः स्वध्वरः ।
विप्रस्य वा यच्छशमान उक्थ्यं वाजं ससवाँ उपयासि भूरिभिः ॥
Samhita Transcription Accented
sádāsi raṇvó yávaseva púṣyate hótrābhiragne mánuṣaḥ svadhvaráḥ ǀ
víprasya vā yácchaśamāná ukthyám vā́jam sasavā́m̐ upayā́si bhū́ribhiḥ ǁ
Samhita Transcription Nonaccented
sadāsi raṇvo yavaseva puṣyate hotrābhiragne manuṣaḥ svadhvaraḥ ǀ
viprasya vā yacchaśamāna ukthyam vājam sasavām̐ upayāsi bhūribhiḥ ǁ
Padapatha Devanagari Accented
सदा॑ । अ॒सि॒ । र॒ण्वः । यव॑साऽइव । पुष्य॑ते । होत्रा॑भिः । अ॒ग्ने॒ । मनु॑षः । सु॒ऽअ॒ध्व॒रः ।
विप्र॑स्य । वा॒ । यत् । श॒श॒मा॒नः । उ॒क्थ्य॑म् । वाज॑म् । स॒स॒ऽवान् । उ॒प॒ऽयासि॑ । भूरि॑ऽभिः ॥
Padapatha Devanagari Nonaccented
सदा । असि । रण्वः । यवसाऽइव । पुष्यते । होत्राभिः । अग्ने । मनुषः । सुऽअध्वरः ।
विप्रस्य । वा । यत् । शशमानः । उक्थ्यम् । वाजम् । ससऽवान् । उपऽयासि । भूरिऽभिः ॥
Padapatha Transcription Accented
sádā ǀ asi ǀ raṇváḥ ǀ yávasā-iva ǀ púṣyate ǀ hótrābhiḥ ǀ agne ǀ mánuṣaḥ ǀ su-adhvaráḥ ǀ
víprasya ǀ vā ǀ yát ǀ śaśamānáḥ ǀ ukthyám ǀ vā́jam ǀ sasa-vā́n ǀ upa-yā́si ǀ bhū́ri-bhiḥ ǁ
Padapatha Transcription Nonaccented
sadā ǀ asi ǀ raṇvaḥ ǀ yavasā-iva ǀ puṣyate ǀ hotrābhiḥ ǀ agne ǀ manuṣaḥ ǀ su-adhvaraḥ ǀ
viprasya ǀ vā ǀ yat ǀ śaśamānaḥ ǀ ukthyam ǀ vājam ǀ sasa-vān ǀ upa-yāsi ǀ bhūri-bhiḥ ǁ
10.011.06 (Mandala. Sukta. Rik)
7.6.10.01 (Ashtaka. Adhyaya. Varga. Rik)
10.01.087 (Mandala. Anuvāka. Rik)
Samhita Devanagari Accented
उदी॑रय पि॒तरा॑ जा॒र आ भग॒मिय॑क्षति हर्य॒तो हृ॒त्त इ॑ष्यति ।
विव॑क्ति॒ वह्निः॑ स्वप॒स्यते॑ म॒खस्त॑वि॒ष्यते॒ असु॑रो॒ वेप॑ते म॒ती ॥
Samhita Devanagari Nonaccented
उदीरय पितरा जार आ भगमियक्षति हर्यतो हृत्त इष्यति ।
विवक्ति वह्निः स्वपस्यते मखस्तविष्यते असुरो वेपते मती ॥
Samhita Transcription Accented
údīraya pitárā jārá ā́ bhágamíyakṣati haryató hṛttá iṣyati ǀ
vívakti váhniḥ svapasyáte makhástaviṣyáte ásuro vépate matī́ ǁ
Samhita Transcription Nonaccented
udīraya pitarā jāra ā bhagamiyakṣati haryato hṛtta iṣyati ǀ
vivakti vahniḥ svapasyate makhastaviṣyate asuro vepate matī ǁ
Padapatha Devanagari Accented
उत् । ई॒र॒य॒ । पि॒तरा॑ । जा॒रः । आ । भग॑म् । इय॑क्षति । ह॒र्य॒तः । हृ॒त्तः । इ॒ष्य॒ति॒ ।
विव॑क्ति । वह्निः॑ । सु॒ऽअ॒प॒स्यते॑ । म॒खः । त॒वि॒ष्यते॑ । असु॑रः । वेप॑ते । म॒ती ॥
Padapatha Devanagari Nonaccented
उत् । ईरय । पितरा । जारः । आ । भगम् । इयक्षति । हर्यतः । हृत्तः । इष्यति ।
विवक्ति । वह्निः । सुऽअपस्यते । मखः । तविष्यते । असुरः । वेपते । मती ॥
Padapatha Transcription Accented
út ǀ īraya ǀ pitárā ǀ jāráḥ ǀ ā́ ǀ bhágam ǀ íyakṣati ǀ haryatáḥ ǀ hṛttáḥ ǀ iṣyati ǀ
vívakti ǀ váhniḥ ǀ su-apasyáte ǀ makháḥ ǀ taviṣyáte ǀ ásuraḥ ǀ vépate ǀ matī́ ǁ
Padapatha Transcription Nonaccented
ut ǀ īraya ǀ pitarā ǀ jāraḥ ǀ ā ǀ bhagam ǀ iyakṣati ǀ haryataḥ ǀ hṛttaḥ ǀ iṣyati ǀ
vivakti ǀ vahniḥ ǀ su-apasyate ǀ makhaḥ ǀ taviṣyate ǀ asuraḥ ǀ vepate ǀ matī ǁ
10.011.07 (Mandala. Sukta. Rik)
7.6.10.02 (Ashtaka. Adhyaya. Varga. Rik)
10.01.088 (Mandala. Anuvāka. Rik)
Samhita Devanagari Accented
यस्ते॑ अग्ने सुम॒तिं मर्तो॒ अक्ष॒त्सह॑सः सूनो॒ अति॒ स प्र शृ॑ण्वे ।
इषं॒ दधा॑नो॒ वह॑मानो॒ अश्वै॒रा स द्यु॒माँ अम॑वान्भूषति॒ द्यून् ॥
Samhita Devanagari Nonaccented
यस्ते अग्ने सुमतिं मर्तो अक्षत्सहसः सूनो अति स प्र शृण्वे ।
इषं दधानो वहमानो अश्वैरा स द्युमाँ अमवान्भूषति द्यून् ॥
Samhita Transcription Accented
yáste agne sumatím márto ákṣatsáhasaḥ sūno áti sá prá śṛṇve ǀ
íṣam dádhāno váhamāno áśvairā́ sá dyumā́m̐ ámavānbhūṣati dyū́n ǁ
Samhita Transcription Nonaccented
yaste agne sumatim marto akṣatsahasaḥ sūno ati sa pra śṛṇve ǀ
iṣam dadhāno vahamāno aśvairā sa dyumām̐ amavānbhūṣati dyūn ǁ
Padapatha Devanagari Accented
यः । ते॒ । अ॒ग्ने॒ । सु॒ऽम॒तिम् । मर्तः॑ । अक्ष॑त् । सह॑सः । सू॒नो॒ इति॑ । अति॑ । सः । प्र । शृ॒ण्वे॒ ।
इष॑म् । दधा॑नः । वह॑मानः । अश्वैः॑ । आ । सः । द्यु॒ऽमान् । अम॑ऽवान् । भू॒ष॒ति॒ । द्यून् ॥
Padapatha Devanagari Nonaccented
यः । ते । अग्ने । सुऽमतिम् । मर्तः । अक्षत् । सहसः । सूनो इति । अति । सः । प्र । शृण्वे ।
इषम् । दधानः । वहमानः । अश्वैः । आ । सः । द्युऽमान् । अमऽवान् । भूषति । द्यून् ॥
Padapatha Transcription Accented
yáḥ ǀ te ǀ agne ǀ su-matím ǀ mártaḥ ǀ ákṣat ǀ sáhasaḥ ǀ sūno íti ǀ áti ǀ sáḥ ǀ prá ǀ śṛṇve ǀ
íṣam ǀ dádhānaḥ ǀ váhamānaḥ ǀ áśvaiḥ ǀ ā́ ǀ sáḥ ǀ dyu-mā́n ǀ áma-vān ǀ bhūṣati ǀ dyū́n ǁ
Padapatha Transcription Nonaccented
yaḥ ǀ te ǀ agne ǀ su-matim ǀ martaḥ ǀ akṣat ǀ sahasaḥ ǀ sūno iti ǀ ati ǀ saḥ ǀ pra ǀ śṛṇve ǀ
iṣam ǀ dadhānaḥ ǀ vahamānaḥ ǀ aśvaiḥ ǀ ā ǀ saḥ ǀ dyu-mān ǀ ama-vān ǀ bhūṣati ǀ dyūn ǁ
10.011.08 (Mandala. Sukta. Rik)
7.6.10.03 (Ashtaka. Adhyaya. Varga. Rik)
10.01.089 (Mandala. Anuvāka. Rik)
Samhita Devanagari Accented
यद॑ग्न ए॒षा समि॑ति॒र्भवा॑ति दे॒वी दे॒वेषु॑ यज॒ता य॑जत्र ।
रत्ना॑ च॒ यद्वि॒भजा॑सि स्वधावो भा॒गं नो॒ अत्र॒ वसु॑मंतं वीतात् ॥
Samhita Devanagari Nonaccented
यदग्न एषा समितिर्भवाति देवी देवेषु यजता यजत्र ।
रत्ना च यद्विभजासि स्वधावो भागं नो अत्र वसुमंतं वीतात् ॥
Samhita Transcription Accented
yádagna eṣā́ sámitirbhávāti devī́ devéṣu yajatā́ yajatra ǀ
rátnā ca yádvibhájāsi svadhāvo bhāgám no átra vásumantam vītāt ǁ
Samhita Transcription Nonaccented
yadagna eṣā samitirbhavāti devī deveṣu yajatā yajatra ǀ
ratnā ca yadvibhajāsi svadhāvo bhāgam no atra vasumantam vītāt ǁ
Padapatha Devanagari Accented
यत् । अ॒ग्ने॒ । ए॒षा । सम्ऽइ॑तिः । भवा॑ति । दे॒वी । दे॒वेषु॑ । य॒ज॒ता । य॒ज॒त्र॒ ।
रत्ना॑ । च॒ । यत् । वि॒ऽभजा॑सि । स्व॒धा॒ऽवः॒ । भा॒गम् । नः॒ । अत्र॑ । वसु॑ऽमन्तम् । वी॒ता॒त् ॥
Padapatha Devanagari Nonaccented
यत् । अग्ने । एषा । सम्ऽइतिः । भवाति । देवी । देवेषु । यजता । यजत्र ।
रत्ना । च । यत् । विऽभजासि । स्वधाऽवः । भागम् । नः । अत्र । वसुऽमन्तम् । वीतात् ॥
Padapatha Transcription Accented
yát ǀ agne ǀ eṣā́ ǀ sám-itiḥ ǀ bhávāti ǀ devī́ ǀ devéṣu ǀ yajatā́ ǀ yajatra ǀ
rátnā ǀ ca ǀ yát ǀ vi-bhájāsi ǀ svadhā-vaḥ ǀ bhāgám ǀ naḥ ǀ átra ǀ vásu-mantam ǀ vītāt ǁ
Padapatha Transcription Nonaccented
yat ǀ agne ǀ eṣā ǀ sam-itiḥ ǀ bhavāti ǀ devī ǀ deveṣu ǀ yajatā ǀ yajatra ǀ
ratnā ǀ ca ǀ yat ǀ vi-bhajāsi ǀ svadhā-vaḥ ǀ bhāgam ǀ naḥ ǀ atra ǀ vasu-mantam ǀ vītāt ǁ
10.011.09 (Mandala. Sukta. Rik)
7.6.10.04 (Ashtaka. Adhyaya. Varga. Rik)
10.01.090 (Mandala. Anuvāka. Rik)
Samhita Devanagari Accented
श्रु॒धी नो॑ अग्ने॒ सद॑ने स॒धस्थे॑ यु॒क्ष्वा रथ॑म॒मृत॑स्य द्रवि॒त्नुं ।
आ नो॑ वह॒ रोद॑सी दे॒वपु॑त्रे॒ माकि॑र्दे॒वाना॒मप॑ भूरि॒ह स्याः॑ ॥
Samhita Devanagari Nonaccented
श्रुधी नो अग्ने सदने सधस्थे युक्ष्वा रथममृतस्य द्रवित्नुं ।
आ नो वह रोदसी देवपुत्रे माकिर्देवानामप भूरिह स्याः ॥
Samhita Transcription Accented
śrudhī́ no agne sádane sadhásthe yukṣvā́ ráthamamṛ́tasya dravitnúm ǀ
ā́ no vaha ródasī deváputre mā́kirdevā́nāmápa bhūrihá syāḥ ǁ
Samhita Transcription Nonaccented
śrudhī no agne sadane sadhasthe yukṣvā rathamamṛtasya dravitnum ǀ
ā no vaha rodasī devaputre mākirdevānāmapa bhūriha syāḥ ǁ
Padapatha Devanagari Accented
श्रु॒धि । नः॒ । अ॒ग्ने॒ । सद॑ने । स॒धऽस्थे॑ । यु॒क्ष्व । रथ॑म् । अ॒मृत॑स्य । द्र॒वि॒त्नुम् ।
आ । नः॒ । व॒ह॒ । रोद॑सी॒ इति॑ । दे॒वपु॑त्रे॒ इति॑ दे॒वऽपु॑त्रे । माकिः॑ । दे॒वाना॑म् । अप॑ । भूः॒ । इ॒ह । स्याः॒ ॥
Padapatha Devanagari Nonaccented
श्रुधि । नः । अग्ने । सदने । सधऽस्थे । युक्ष्व । रथम् । अमृतस्य । द्रवित्नुम् ।
आ । नः । वह । रोदसी इति । देवपुत्रे इति देवऽपुत्रे । माकिः । देवानाम् । अप । भूः । इह । स्याः ॥
Padapatha Transcription Accented
śrudhí ǀ naḥ ǀ agne ǀ sádane ǀ sadhá-sthe ǀ yukṣvá ǀ rátham ǀ amṛ́tasya ǀ dravitnúm ǀ
ā́ ǀ naḥ ǀ vaha ǀ ródasī íti ǀ deváputre íti devá-putre ǀ mā́kiḥ ǀ devā́nām ǀ ápa ǀ bhūḥ ǀ ihá ǀ syāḥ ǁ
Padapatha Transcription Nonaccented
śrudhi ǀ naḥ ǀ agne ǀ sadane ǀ sadha-sthe ǀ yukṣva ǀ ratham ǀ amṛtasya ǀ dravitnum ǀ
ā ǀ naḥ ǀ vaha ǀ rodasī iti ǀ devaputre iti deva-putre ǀ mākiḥ ǀ devānām ǀ apa ǀ bhūḥ ǀ iha ǀ syāḥ ǁ