|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 20
|
1. Info |
| To: | agni | |
| From: | vimada aindra or vimada prājāpatya or vimada aindra and vasukṛt vāsukra | |
| Metres: | 1st set of styles: nicṛdgāyatrī (4, 5, 7); anuṣṭup (2, 9); āsurītriṣṭup (1); gāyatrī (pādanicṛdgāyatrī) (3); gāyatrī (6); virāḍgāyatrī (8); triṣṭup (10) 2nd set of styles: gāyatrī (3-8); ekapadāvirāj or a single pāda for peace (1); anuṣṭubh (2); virājvirāj (9); triṣṭubh (10) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.020.01 (Mandala. Sukta. Rik)
7.7.02.01 (Ashtaka. Adhyaya. Varga. Rik)
10.02.037 (Mandala. Anuvāka. Rik)
Samhita Devanagari Accented
भ॒द्रं नो॒ अपि॑ वातय॒ मनः॑ ॥
Samhita Devanagari Nonaccented
भद्रं नो अपि वातय मनः ॥
Samhita Transcription Accented
bhadrám no ápi vātaya mánaḥ ǁ
Samhita Transcription Nonaccented
bhadram no api vātaya manaḥ ǁ
Padapatha Devanagari Accented
भ॒द्रम् । नः॒ । अपि॑ । वा॒त॒य॒ । मनः॑ ॥
Padapatha Devanagari Nonaccented
भद्रम् । नः । अपि । वातय । मनः ॥
Padapatha Transcription Accented
bhadrám ǀ naḥ ǀ ápi ǀ vātaya ǀ mánaḥ ǁ
Padapatha Transcription Nonaccented
bhadram ǀ naḥ ǀ api ǀ vātaya ǀ manaḥ ǁ
10.020.02 (Mandala. Sukta. Rik)
7.7.02.02 (Ashtaka. Adhyaya. Varga. Rik)
10.02.038 (Mandala. Anuvāka. Rik)
Samhita Devanagari Accented
अ॒ग्निमी॑ळे भु॒जां यवि॑ष्ठं शा॒सा मि॒त्रं दु॒र्धरी॑तुं ।
यस्य॒ धर्म॒न्त्स्व१॒॑रेनीः॑ सप॒र्यंति॑ मा॒तुरूधः॑ ॥
Samhita Devanagari Nonaccented
अग्निमीळे भुजां यविष्ठं शासा मित्रं दुर्धरीतुं ।
यस्य धर्मन्त्स्वरेनीः सपर्यंति मातुरूधः ॥
Samhita Transcription Accented
agnímīḷe bhujā́m yáviṣṭham śāsā́ mitrám durdhárītum ǀ
yásya dhármantsvárénīḥ saparyánti mātúrū́dhaḥ ǁ
Samhita Transcription Nonaccented
agnimīḷe bhujām yaviṣṭham śāsā mitram durdharītum ǀ
yasya dharmantsvarenīḥ saparyanti māturūdhaḥ ǁ
Padapatha Devanagari Accented
अ॒ग्निम् । ई॒ळे॒ । भु॒जाम् । यवि॑ष्ठम् । शा॒सा । मि॒त्रम् । दुः॒ऽधरी॑तुम् ।
यस्य॑ । धर्म॑न् । स्वः॑ । एनीः॑ । स॒प॒र्यन्ति॑ । मा॒तुः । ऊधः॑ ॥
Padapatha Devanagari Nonaccented
अग्निम् । ईळे । भुजाम् । यविष्ठम् । शासा । मित्रम् । दुःऽधरीतुम् ।
यस्य । धर्मन् । स्वः । एनीः । सपर्यन्ति । मातुः । ऊधः ॥
Padapatha Transcription Accented
agním ǀ īḷe ǀ bhujā́m ǀ yáviṣṭham ǀ śāsā́ ǀ mitrám ǀ duḥ-dhárītum ǀ
yásya ǀ dhárman ǀ sváḥ ǀ énīḥ ǀ saparyánti ǀ mātúḥ ǀ ū́dhaḥ ǁ
Padapatha Transcription Nonaccented
agnim ǀ īḷe ǀ bhujām ǀ yaviṣṭham ǀ śāsā ǀ mitram ǀ duḥ-dharītum ǀ
yasya ǀ dharman ǀ svaḥ ǀ enīḥ ǀ saparyanti ǀ mātuḥ ǀ ūdhaḥ ǁ
10.020.03 (Mandala. Sukta. Rik)
7.7.02.03 (Ashtaka. Adhyaya. Varga. Rik)
10.02.039 (Mandala. Anuvāka. Rik)
Samhita Devanagari Accented
यमा॒सा कृ॒पनी॑ळं भा॒साके॑तुं व॒र्धयं॑ति ।
भ्राज॑ते॒ श्रेणि॑दन् ॥
Samhita Devanagari Nonaccented
यमासा कृपनीळं भासाकेतुं वर्धयंति ।
भ्राजते श्रेणिदन् ॥
Samhita Transcription Accented
yámāsā́ kṛpánīḷam bhāsā́ketum vardháyanti ǀ
bhrā́jate śréṇidan ǁ
Samhita Transcription Nonaccented
yamāsā kṛpanīḷam bhāsāketum vardhayanti ǀ
bhrājate śreṇidan ǁ
Padapatha Devanagari Accented
यम् । आ॒सा । कृ॒पऽनी॑ळम् । भा॒साऽके॑तुम् । व॒र्धय॑न्ति ।
भ्राज॑ते । श्रेणि॑ऽदन् ॥
Padapatha Devanagari Nonaccented
यम् । आसा । कृपऽनीळम् । भासाऽकेतुम् । वर्धयन्ति ।
भ्राजते । श्रेणिऽदन् ॥
Padapatha Transcription Accented
yám ǀ āsā́ ǀ kṛpá-nīḷam ǀ bhāsā́-ketum ǀ vardháyanti ǀ
bhrā́jate ǀ śréṇi-dan ǁ
Padapatha Transcription Nonaccented
yam ǀ āsā ǀ kṛpa-nīḷam ǀ bhāsā-ketum ǀ vardhayanti ǀ
bhrājate ǀ śreṇi-dan ǁ
10.020.04 (Mandala. Sukta. Rik)
7.7.02.04 (Ashtaka. Adhyaya. Varga. Rik)
10.02.040 (Mandala. Anuvāka. Rik)
Samhita Devanagari Accented
अ॒र्यो वि॒शां गा॒तुरे॑ति॒ प्र यदान॑ड्दि॒वो अंता॑न् ।
क॒विर॒भ्रं दीद्या॑नः ॥
Samhita Devanagari Nonaccented
अर्यो विशां गातुरेति प्र यदानड्दिवो अंतान् ।
कविरभ्रं दीद्यानः ॥
Samhita Transcription Accented
aryó viśā́m gātúreti prá yádā́naḍdivó ántān ǀ
kavírabhrám dī́dyānaḥ ǁ
Samhita Transcription Nonaccented
aryo viśām gātureti pra yadānaḍdivo antān ǀ
kavirabhram dīdyānaḥ ǁ
Padapatha Devanagari Accented
अ॒र्यः । वि॒शाम् । गा॒तुः । ए॒ति॒ । प्र । यत् । आन॑ट् । दि॒वः । अन्ता॑न् ।
क॒विः । अ॒भ्रम् । दीद्या॑नः ॥
Padapatha Devanagari Nonaccented
अर्यः । विशाम् । गातुः । एति । प्र । यत् । आनट् । दिवः । अन्तान् ।
कविः । अभ्रम् । दीद्यानः ॥
Padapatha Transcription Accented
aryáḥ ǀ viśā́m ǀ gātúḥ ǀ eti ǀ prá ǀ yát ǀ ā́naṭ ǀ diváḥ ǀ ántān ǀ
kavíḥ ǀ abhrám ǀ dī́dyānaḥ ǁ
Padapatha Transcription Nonaccented
aryaḥ ǀ viśām ǀ gātuḥ ǀ eti ǀ pra ǀ yat ǀ ānaṭ ǀ divaḥ ǀ antān ǀ
kaviḥ ǀ abhram ǀ dīdyānaḥ ǁ
10.020.05 (Mandala. Sukta. Rik)
7.7.02.05 (Ashtaka. Adhyaya. Varga. Rik)
10.02.041 (Mandala. Anuvāka. Rik)
Samhita Devanagari Accented
जु॒षद्ध॒व्या मानु॑षस्यो॒र्ध्वस्त॑स्था॒वृभ्वा॑ य॒ज्ञे ।
मि॒न्वन्त्सद्म॑ पु॒र ए॑ति ॥
Samhita Devanagari Nonaccented
जुषद्धव्या मानुषस्योर्ध्वस्तस्थावृभ्वा यज्ञे ।
मिन्वन्त्सद्म पुर एति ॥
Samhita Transcription Accented
juṣáddhavyā́ mā́nuṣasyordhvástasthāvṛ́bhvā yajñé ǀ
minvántsádma purá eti ǁ
Samhita Transcription Nonaccented
juṣaddhavyā mānuṣasyordhvastasthāvṛbhvā yajñe ǀ
minvantsadma pura eti ǁ
Padapatha Devanagari Accented
जु॒षत् । ह॒व्या । मानु॑षस्य । ऊ॒र्ध्वः । त॒स्थौ॒ । ऋभ्वा॑ । य॒ज्ञे ।
मि॒न्वन् । सद्म॑ । पु॒रः । ए॒ति॒ ॥
Padapatha Devanagari Nonaccented
जुषत् । हव्या । मानुषस्य । ऊर्ध्वः । तस्थौ । ऋभ्वा । यज्ञे ।
मिन्वन् । सद्म । पुरः । एति ॥
Padapatha Transcription Accented
juṣát ǀ havyā́ ǀ mā́nuṣasya ǀ ūrdhváḥ ǀ tasthau ǀ ṛ́bhvā ǀ yajñé ǀ
minván ǀ sádma ǀ puráḥ ǀ eti ǁ
Padapatha Transcription Nonaccented
juṣat ǀ havyā ǀ mānuṣasya ǀ ūrdhvaḥ ǀ tasthau ǀ ṛbhvā ǀ yajñe ǀ
minvan ǀ sadma ǀ puraḥ ǀ eti ǁ
10.020.06 (Mandala. Sukta. Rik)
7.7.02.06 (Ashtaka. Adhyaya. Varga. Rik)
10.02.042 (Mandala. Anuvāka. Rik)
Samhita Devanagari Accented
स हि क्षेमो॑ ह॒विर्य॒ज्ञः श्रु॒ष्टीद॑स्य गा॒तुरे॑ति ।
अ॒ग्निं दे॒वा वाशी॑मंतं ॥
Samhita Devanagari Nonaccented
स हि क्षेमो हविर्यज्ञः श्रुष्टीदस्य गातुरेति ।
अग्निं देवा वाशीमंतं ॥
Samhita Transcription Accented
sá hí kṣémo havíryajñáḥ śruṣṭī́dasya gātúreti ǀ
agním devā́ vā́śīmantam ǁ
Samhita Transcription Nonaccented
sa hi kṣemo haviryajñaḥ śruṣṭīdasya gātureti ǀ
agnim devā vāśīmantam ǁ
Padapatha Devanagari Accented
सः । हि । क्षेमः॑ । ह॒विः । य॒ज्ञः । श्रु॒ष्टी । इत् । अ॒स्य॒ । गा॒तुः । ए॒ति॒ ।
अ॒ग्निम् । दे॒वाः । वाशी॑ऽमन्तम् ॥
Padapatha Devanagari Nonaccented
सः । हि । क्षेमः । हविः । यज्ञः । श्रुष्टी । इत् । अस्य । गातुः । एति ।
अग्निम् । देवाः । वाशीऽमन्तम् ॥
Padapatha Transcription Accented
sáḥ ǀ hí ǀ kṣémaḥ ǀ havíḥ ǀ yajñáḥ ǀ śruṣṭī́ ǀ ít ǀ asya ǀ gātúḥ ǀ eti ǀ
agním ǀ devā́ḥ ǀ vā́śī-mantam ǁ
Padapatha Transcription Nonaccented
saḥ ǀ hi ǀ kṣemaḥ ǀ haviḥ ǀ yajñaḥ ǀ śruṣṭī ǀ it ǀ asya ǀ gātuḥ ǀ eti ǀ
agnim ǀ devāḥ ǀ vāśī-mantam ǁ
10.020.07 (Mandala. Sukta. Rik)
7.7.03.01 (Ashtaka. Adhyaya. Varga. Rik)
10.02.043 (Mandala. Anuvāka. Rik)
Samhita Devanagari Accented
य॒ज्ञा॒साहं॒ दुव॑ इषे॒ऽग्निं पूर्व॑स्य॒ शेव॑स्य ।
अद्रेः॑ सू॒नुमा॒युमा॑हुः ॥
Samhita Devanagari Nonaccented
यज्ञासाहं दुव इषेऽग्निं पूर्वस्य शेवस्य ।
अद्रेः सूनुमायुमाहुः ॥
Samhita Transcription Accented
yajñāsā́ham dúva iṣe’gním pū́rvasya śévasya ǀ
ádreḥ sūnúmāyúmāhuḥ ǁ
Samhita Transcription Nonaccented
yajñāsāham duva iṣe’gnim pūrvasya śevasya ǀ
adreḥ sūnumāyumāhuḥ ǁ
Padapatha Devanagari Accented
य॒ज्ञ॒ऽसह॑म् । दुवः॑ । इ॒षे॒ । अ॒ग्निम् । पूर्व॑स्य । शेव॑स्य ।
अद्रेः॑ । सू॒नुम् । आ॒युम् । आ॒हुः॒ ॥
Padapatha Devanagari Nonaccented
यज्ञऽसहम् । दुवः । इषे । अग्निम् । पूर्वस्य । शेवस्य ।
अद्रेः । सूनुम् । आयुम् । आहुः ॥
Padapatha Transcription Accented
yajña-sáham ǀ dúvaḥ ǀ iṣe ǀ agním ǀ pū́rvasya ǀ śévasya ǀ
ádreḥ ǀ sūnúm ǀ āyúm ǀ āhuḥ ǁ
Padapatha Transcription Nonaccented
yajña-saham ǀ duvaḥ ǀ iṣe ǀ agnim ǀ pūrvasya ǀ śevasya ǀ
adreḥ ǀ sūnum ǀ āyum ǀ āhuḥ ǁ
10.020.08 (Mandala. Sukta. Rik)
7.7.03.02 (Ashtaka. Adhyaya. Varga. Rik)
10.02.044 (Mandala. Anuvāka. Rik)
Samhita Devanagari Accented
नरो॒ ये के चा॒स्मदा विश्वेत्ते वा॒म आ स्युः॑ ।
अ॒ग्निं ह॒विषा॒ वर्धं॑तः ॥
Samhita Devanagari Nonaccented
नरो ये के चास्मदा विश्वेत्ते वाम आ स्युः ।
अग्निं हविषा वर्धंतः ॥
Samhita Transcription Accented
náro yé ké cāsmádā́ víśvétté vāmá ā́ syuḥ ǀ
agním havíṣā várdhantaḥ ǁ
Samhita Transcription Nonaccented
naro ye ke cāsmadā viśvette vāma ā syuḥ ǀ
agnim haviṣā vardhantaḥ ǁ
Padapatha Devanagari Accented
नरः॑ । ये । के । च॒ । अ॒स्मत् । आ । विश्वा॑ । इत् । ते । वा॒मे । आ । स्यु॒रिति॑ स्युः ।
अ॒ग्निम् । ह॒विषा॑ । वर्ध॑न्तः ॥
Padapatha Devanagari Nonaccented
नरः । ये । के । च । अस्मत् । आ । विश्वा । इत् । ते । वामे । आ । स्युरिति स्युः ।
अग्निम् । हविषा । वर्धन्तः ॥
Padapatha Transcription Accented
náraḥ ǀ yé ǀ ké ǀ ca ǀ asmát ǀ ā́ ǀ víśvā ǀ ít ǀ té ǀ vāmé ǀ ā́ ǀ syuríti syuḥ ǀ
agním ǀ havíṣā ǀ várdhantaḥ ǁ
Padapatha Transcription Nonaccented
naraḥ ǀ ye ǀ ke ǀ ca ǀ asmat ǀ ā ǀ viśvā ǀ it ǀ te ǀ vāme ǀ ā ǀ syuriti syuḥ ǀ
agnim ǀ haviṣā ǀ vardhantaḥ ǁ
10.020.09 (Mandala. Sukta. Rik)
7.7.03.03 (Ashtaka. Adhyaya. Varga. Rik)
10.02.045 (Mandala. Anuvāka. Rik)
Samhita Devanagari Accented
कृ॒ष्णः श्वे॒तो॑ऽरु॒षो यामो॑ अस्य ब्र॒ध्न ऋ॒ज्र उ॒त शोणो॒ यश॑स्वान् ।
हिर॑ण्यरूपं॒ जनि॑ता जजान ॥
Samhita Devanagari Nonaccented
कृष्णः श्वेतोऽरुषो यामो अस्य ब्रध्न ऋज्र उत शोणो यशस्वान् ।
हिरण्यरूपं जनिता जजान ॥
Samhita Transcription Accented
kṛṣṇáḥ śvetó’ruṣó yā́mo asya bradhná ṛjrá utá śóṇo yáśasvān ǀ
híraṇyarūpam jánitā jajāna ǁ
Samhita Transcription Nonaccented
kṛṣṇaḥ śveto’ruṣo yāmo asya bradhna ṛjra uta śoṇo yaśasvān ǀ
hiraṇyarūpam janitā jajāna ǁ
Padapatha Devanagari Accented
कृ॒ष्णः । श्वे॒तः । अ॒रु॒षः । यामः॑ । अ॒स्य॒ । ब्र॒ध्नः । ऋ॒ज्रः । उ॒त । शोणः॑ । यश॑स्वान् ।
हिर॑ण्यऽरूपम् । जनि॑ता । ज॒जा॒न॒ ॥
Padapatha Devanagari Nonaccented
कृष्णः । श्वेतः । अरुषः । यामः । अस्य । ब्रध्नः । ऋज्रः । उत । शोणः । यशस्वान् ।
हिरण्यऽरूपम् । जनिता । जजान ॥
Padapatha Transcription Accented
kṛṣṇáḥ ǀ śvetáḥ ǀ aruṣáḥ ǀ yā́maḥ ǀ asya ǀ bradhnáḥ ǀ ṛjráḥ ǀ utá ǀ śóṇaḥ ǀ yáśasvān ǀ
híraṇya-rūpam ǀ jánitā ǀ jajāna ǁ
Padapatha Transcription Nonaccented
kṛṣṇaḥ ǀ śvetaḥ ǀ aruṣaḥ ǀ yāmaḥ ǀ asya ǀ bradhnaḥ ǀ ṛjraḥ ǀ uta ǀ śoṇaḥ ǀ yaśasvān ǀ
hiraṇya-rūpam ǀ janitā ǀ jajāna ǁ
10.020.10 (Mandala. Sukta. Rik)
7.7.03.04 (Ashtaka. Adhyaya. Varga. Rik)
10.02.046 (Mandala. Anuvāka. Rik)
Samhita Devanagari Accented
ए॒वा ते॑ अग्ने विम॒दो म॑नी॒षामूर्जो॑ नपाद॒मृते॑भिः स॒जोषाः॑ ।
गिर॒ आ व॑क्षत्सुम॒तीरि॑या॒न इष॒मूर्जं॑ सुक्षि॒तिं विश्व॒माभाः॑ ॥
Samhita Devanagari Nonaccented
एवा ते अग्ने विमदो मनीषामूर्जो नपादमृतेभिः सजोषाः ।
गिर आ वक्षत्सुमतीरियान इषमूर्जं सुक्षितिं विश्वमाभाः ॥
Samhita Transcription Accented
evā́ te agne vimadó manīṣā́mū́rjo napādamṛ́tebhiḥ sajóṣāḥ ǀ
gíra ā́ vakṣatsumatī́riyāná íṣamū́rjam sukṣitím víśvamā́bhāḥ ǁ
Samhita Transcription Nonaccented
evā te agne vimado manīṣāmūrjo napādamṛtebhiḥ sajoṣāḥ ǀ
gira ā vakṣatsumatīriyāna iṣamūrjam sukṣitim viśvamābhāḥ ǁ
Padapatha Devanagari Accented
ए॒व । ते॒ । अ॒ग्ने॒ । वि॒ऽम॒दः । म॒नी॒षाम् । ऊर्जः॑ । न॒पा॒त् । अ॒मृते॑भिः । स॒ऽजोषाः॑ ।
गिरः॑ । आ । व॒क्ष॒त् । सु॒ऽम॒तीः । इ॒या॒नः । इष॑म् । ऊर्ज॑म् । सु॒ऽक्षि॒तिम् । विश्व॑म् । आ । अ॒भा॒रित्य॑भाः ॥
Padapatha Devanagari Nonaccented
एव । ते । अग्ने । विऽमदः । मनीषाम् । ऊर्जः । नपात् । अमृतेभिः । सऽजोषाः ।
गिरः । आ । वक्षत् । सुऽमतीः । इयानः । इषम् । ऊर्जम् । सुऽक्षितिम् । विश्वम् । आ । अभारित्यभाः ॥
Padapatha Transcription Accented
evá ǀ te ǀ agne ǀ vi-madáḥ ǀ manīṣā́m ǀ ū́rjaḥ ǀ napāt ǀ amṛ́tebhiḥ ǀ sa-jóṣāḥ ǀ
gíraḥ ǀ ā́ ǀ vakṣat ǀ su-matī́ḥ ǀ iyānáḥ ǀ íṣam ǀ ū́rjam ǀ su-kṣitím ǀ víśvam ǀ ā́ ǀ abhārítyabhāḥ ǁ
Padapatha Transcription Nonaccented
eva ǀ te ǀ agne ǀ vi-madaḥ ǀ manīṣām ǀ ūrjaḥ ǀ napāt ǀ amṛtebhiḥ ǀ sa-joṣāḥ ǀ
giraḥ ǀ ā ǀ vakṣat ǀ su-matīḥ ǀ iyānaḥ ǀ iṣam ǀ ūrjam ǀ su-kṣitim ǀ viśvam ǀ ā ǀ abhārityabhāḥ ǁ