|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 27
|
1. Info |
| To: | indra | |
| From: | vasukra aindra | |
| Metres: | 1st set of styles: nicṛttriṣṭup (3, 4, 11, 12, 15, 16, 19-21, 23); triṣṭup (1, 5, 8, 10, 22); pādanicṛttriṣṭup (6, 7, 13, 14, 17); virāṭtrisṭup (2, 9, 18); bhuriktriṣṭup (24) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.027.01 (Mandala. Sukta. Rik)
7.7.15.01 (Ashtaka. Adhyaya. Varga. Rik)
10.02.103 (Mandala. Anuvāka. Rik)
Samhita Devanagari Accented
अस॒त्सु मे॑ जरितः॒ साभि॑वे॒गो यत्सु॑न्व॒ते यज॑मानाय॒ शिक्षं॑ ।
अना॑शीर्दाम॒हम॑स्मि प्रहं॒ता स॑त्य॒ध्वृतं॑ वृजिना॒यंत॑मा॒भुं ॥
Samhita Devanagari Nonaccented
असत्सु मे जरितः साभिवेगो यत्सुन्वते यजमानाय शिक्षं ।
अनाशीर्दामहमस्मि प्रहंता सत्यध्वृतं वृजिनायंतमाभुं ॥
Samhita Transcription Accented
ásatsú me jaritaḥ sā́bhivegó yátsunvaté yájamānāya śíkṣam ǀ
ánāśīrdāmahámasmi prahantā́ satyadhvṛ́tam vṛjināyántamābhúm ǁ
Samhita Transcription Nonaccented
asatsu me jaritaḥ sābhivego yatsunvate yajamānāya śikṣam ǀ
anāśīrdāmahamasmi prahantā satyadhvṛtam vṛjināyantamābhum ǁ
Padapatha Devanagari Accented
अस॑त् । सु । मे॒ । ज॒रि॒त॒रिति॑ । सः । अ॒भि॒ऽवे॒गः । यत् । सु॒न्व॒ते । यज॑मानाय । शिक्ष॑म् ।
अना॑शीःऽदाम् । अ॒हम् । अ॒स्मि॒ । प्र॒ऽह॒न्ता । स॒त्य॒ऽध्वृत॑म् । वृ॒जि॒न॒ऽयन्त॑म् । आ॒भुम् ॥
Padapatha Devanagari Nonaccented
असत् । सु । मे । जरितरिति । सः । अभिऽवेगः । यत् । सुन्वते । यजमानाय । शिक्षम् ।
अनाशीःऽदाम् । अहम् । अस्मि । प्रऽहन्ता । सत्यऽध्वृतम् । वृजिनऽयन्तम् । आभुम् ॥
Padapatha Transcription Accented
ásat ǀ sú ǀ me ǀ jaritaríti ǀ sáḥ ǀ abhi-vegáḥ ǀ yát ǀ sunvaté ǀ yájamānāya ǀ śíkṣam ǀ
ánāśīḥ-dām ǀ ahám ǀ asmi ǀ pra-hantā́ ǀ satya-dhvṛ́tam ǀ vṛjina-yántam ǀ ābhúm ǁ
Padapatha Transcription Nonaccented
asat ǀ su ǀ me ǀ jaritariti ǀ saḥ ǀ abhi-vegaḥ ǀ yat ǀ sunvate ǀ yajamānāya ǀ śikṣam ǀ
anāśīḥ-dām ǀ aham ǀ asmi ǀ pra-hantā ǀ satya-dhvṛtam ǀ vṛjina-yantam ǀ ābhum ǁ
10.027.02 (Mandala. Sukta. Rik)
7.7.15.02 (Ashtaka. Adhyaya. Varga. Rik)
10.02.104 (Mandala. Anuvāka. Rik)
Samhita Devanagari Accented
यदीद॒हं यु॒धये॑ सं॒नया॒न्यदे॑वयूंत॒न्वा॒३॒॑ शूशु॑जानान् ।
अ॒मा ते॒ तुम्रं॑ वृष॒भं प॑चानि ती॒व्रं सु॒तं पं॑चद॒शं नि षिं॑चं ॥
Samhita Devanagari Nonaccented
यदीदहं युधये संनयान्यदेवयूंतन्वा शूशुजानान् ।
अमा ते तुम्रं वृषभं पचानि तीव्रं सुतं पंचदशं नि षिंचं ॥
Samhita Transcription Accented
yádī́dahám yudháye saṃnáyānyádevayūntanvā́ śū́śujānān ǀ
amā́ te túmram vṛṣabhám pacāni tīvrám sutám pañcadaśám ní ṣiñcam ǁ
Samhita Transcription Nonaccented
yadīdaham yudhaye saṃnayānyadevayūntanvā śūśujānān ǀ
amā te tumram vṛṣabham pacāni tīvram sutam pañcadaśam ni ṣiñcam ǁ
Padapatha Devanagari Accented
यदि॑ । इत् । अ॒हम् । यु॒धये॑ । स॒म्ऽनया॑नि । अदे॑वऽयून् । त॒न्वा॑ । शूशु॑जानान् ।
अ॒मा । ते॒ । तुम्र॑म् । वृ॒ष॒भम् । प॒चा॒नि॒ । ती॒व्रम् । सु॒तम् । प॒ञ्च॒ऽद॒शम् । नि । सि॒ञ्च॒म् ॥
Padapatha Devanagari Nonaccented
यदि । इत् । अहम् । युधये । सम्ऽनयानि । अदेवऽयून् । तन्वा । शूशुजानान् ।
अमा । ते । तुम्रम् । वृषभम् । पचानि । तीव्रम् । सुतम् । पञ्चऽदशम् । नि । सिञ्चम् ॥
Padapatha Transcription Accented
yádi ǀ ít ǀ ahám ǀ yudháye ǀ sam-náyāni ǀ ádeva-yūn ǀ tanvā́ ǀ śū́śujānān ǀ
amā́ ǀ te ǀ túmram ǀ vṛṣabhám ǀ pacāni ǀ tīvrám ǀ sutám ǀ pañca-daśám ǀ ní ǀ siñcam ǁ
Padapatha Transcription Nonaccented
yadi ǀ it ǀ aham ǀ yudhaye ǀ sam-nayāni ǀ adeva-yūn ǀ tanvā ǀ śūśujānān ǀ
amā ǀ te ǀ tumram ǀ vṛṣabham ǀ pacāni ǀ tīvram ǀ sutam ǀ pañca-daśam ǀ ni ǀ siñcam ǁ
10.027.03 (Mandala. Sukta. Rik)
7.7.15.03 (Ashtaka. Adhyaya. Varga. Rik)
10.02.105 (Mandala. Anuvāka. Rik)
Samhita Devanagari Accented
नाहं तं वे॑द॒ य इति॒ ब्रवी॒त्यदे॑वयून्त्स॒मर॑णे जघ॒न्वान् ।
य॒दावाख्य॑त्स॒मर॑ण॒मृघा॑व॒दादिद्ध॑ मे वृष॒भा प्र ब्रु॑वंति ॥
Samhita Devanagari Nonaccented
नाहं तं वेद य इति ब्रवीत्यदेवयून्त्समरणे जघन्वान् ।
यदावाख्यत्समरणमृघावदादिद्ध मे वृषभा प्र ब्रुवंति ॥
Samhita Transcription Accented
nā́hám tám veda yá íti brávītyádevayūntsamáraṇe jaghanvā́n ǀ
yadā́vā́khyatsamáraṇamṛ́ghāvadā́díddha me vṛṣabhā́ prá bruvanti ǁ
Samhita Transcription Nonaccented
nāham tam veda ya iti bravītyadevayūntsamaraṇe jaghanvān ǀ
yadāvākhyatsamaraṇamṛghāvadādiddha me vṛṣabhā pra bruvanti ǁ
Padapatha Devanagari Accented
न । अ॒हम् । तम् । वे॒द॒ । यः । इति॑ । ब्रवी॑ति । अदे॑वऽयून् । स॒म्ऽअर॑णे । ज॒घ॒न्वान् ।
य॒दा । अ॒व॒ऽअख्य॑त् । स॒म्ऽअर॑णम् । ऋघा॑वत् । आत् । इत् । ह॒ । मे॒ । वृ॒ष॒भा । प्र । ब्रु॒व॒न्ति॒ ॥
Padapatha Devanagari Nonaccented
न । अहम् । तम् । वेद । यः । इति । ब्रवीति । अदेवऽयून् । सम्ऽअरणे । जघन्वान् ।
यदा । अवऽअख्यत् । सम्ऽअरणम् । ऋघावत् । आत् । इत् । ह । मे । वृषभा । प्र । ब्रुवन्ति ॥
Padapatha Transcription Accented
ná ǀ ahám ǀ tám ǀ veda ǀ yáḥ ǀ íti ǀ brávīti ǀ ádeva-yūn ǀ sam-áraṇe ǀ jaghanvā́n ǀ
yadā́ ǀ ava-ákhyat ǀ sam-áraṇam ǀ ṛ́ghāvat ǀ ā́t ǀ ít ǀ ha ǀ me ǀ vṛṣabhā́ ǀ prá ǀ bruvanti ǁ
Padapatha Transcription Nonaccented
na ǀ aham ǀ tam ǀ veda ǀ yaḥ ǀ iti ǀ bravīti ǀ adeva-yūn ǀ sam-araṇe ǀ jaghanvān ǀ
yadā ǀ ava-akhyat ǀ sam-araṇam ǀ ṛghāvat ǀ āt ǀ it ǀ ha ǀ me ǀ vṛṣabhā ǀ pra ǀ bruvanti ǁ
10.027.04 (Mandala. Sukta. Rik)
7.7.15.04 (Ashtaka. Adhyaya. Varga. Rik)
10.02.106 (Mandala. Anuvāka. Rik)
Samhita Devanagari Accented
यदज्ञा॑तेषु वृ॒जने॒ष्वासं॒ विश्वे॑ स॒तो म॒घवा॑नो म आसन् ।
जि॒नामि॒ वेत्क्षेम॒ आ संत॑मा॒भुं प्र तं क्षि॑णां॒ पर्व॑ते पाद॒गृह्य॑ ॥
Samhita Devanagari Nonaccented
यदज्ञातेषु वृजनेष्वासं विश्वे सतो मघवानो म आसन् ।
जिनामि वेत्क्षेम आ संतमाभुं प्र तं क्षिणां पर्वते पादगृह्य ॥
Samhita Transcription Accented
yádájñāteṣu vṛjáneṣvā́sam víśve sató maghávāno ma āsan ǀ
jinā́mi vétkṣéma ā́ sántamābhúm prá tám kṣiṇām párvate pādagṛ́hya ǁ
Samhita Transcription Nonaccented
yadajñāteṣu vṛjaneṣvāsam viśve sato maghavāno ma āsan ǀ
jināmi vetkṣema ā santamābhum pra tam kṣiṇām parvate pādagṛhya ǁ
Padapatha Devanagari Accented
यत् । अज्ञा॑तेषु । वृ॒जने॑षु । आस॑म् । विश्वे॑ । स॒तः । म॒घऽवा॑नः । मे॒ । आ॒स॒न् ।
जि॒नामि॑ । वा॒ । इत् । क्षेमे॑ । आ । सन्त॑म् । आ॒भुम् । प्र । तम् । क्षि॒णा॒म् । पर्व॑ते । पा॒द॒ऽगृह्य॑ ॥
Padapatha Devanagari Nonaccented
यत् । अज्ञातेषु । वृजनेषु । आसम् । विश्वे । सतः । मघऽवानः । मे । आसन् ।
जिनामि । वा । इत् । क्षेमे । आ । सन्तम् । आभुम् । प्र । तम् । क्षिणाम् । पर्वते । पादऽगृह्य ॥
Padapatha Transcription Accented
yát ǀ ájñāteṣu ǀ vṛjáneṣu ǀ ā́sam ǀ víśve ǀ satáḥ ǀ maghá-vānaḥ ǀ me ǀ āsan ǀ
jinā́mi ǀ vā ǀ ít ǀ kṣéme ǀ ā́ ǀ sántam ǀ ābhúm ǀ prá ǀ tám ǀ kṣiṇām ǀ párvate ǀ pāda-gṛ́hya ǁ
Padapatha Transcription Nonaccented
yat ǀ ajñāteṣu ǀ vṛjaneṣu ǀ āsam ǀ viśve ǀ sataḥ ǀ magha-vānaḥ ǀ me ǀ āsan ǀ
jināmi ǀ vā ǀ it ǀ kṣeme ǀ ā ǀ santam ǀ ābhum ǀ pra ǀ tam ǀ kṣiṇām ǀ parvate ǀ pāda-gṛhya ǁ
10.027.05 (Mandala. Sukta. Rik)
7.7.15.05 (Ashtaka. Adhyaya. Varga. Rik)
10.02.107 (Mandala. Anuvāka. Rik)
Samhita Devanagari Accented
न वा उ॒ मां वृ॒जने॑ वारयंते॒ न पर्व॑तासो॒ यद॒हं म॑न॒स्ये ।
मम॑ स्व॒नात्कृ॑धु॒कर्णो॑ भयात ए॒वेदनु॒ द्यून्कि॒रणः॒ समे॑जात् ॥
Samhita Devanagari Nonaccented
न वा उ मां वृजने वारयंते न पर्वतासो यदहं मनस्ये ।
मम स्वनात्कृधुकर्णो भयात एवेदनु द्यून्किरणः समेजात् ॥
Samhita Transcription Accented
ná vā́ u mā́m vṛjáne vārayante ná párvatāso yádahám manasyé ǀ
máma svanā́tkṛdhukárṇo bhayāta evédánu dyū́nkiráṇaḥ sámejāt ǁ
Samhita Transcription Nonaccented
na vā u mām vṛjane vārayante na parvatāso yadaham manasye ǀ
mama svanātkṛdhukarṇo bhayāta evedanu dyūnkiraṇaḥ samejāt ǁ
Padapatha Devanagari Accented
न । वै । ऊं॒ इति॑ । माम् । वृ॒जने॑ । वा॒र॒य॒न्ते॒ । न । पर्व॑तासः । यत् । अ॒हम् । म॒न॒स्ये ।
मम॑ । स्व॒नात् । कृ॒धु॒ऽकर्णः॑ । भ॒या॒ते॒ । ए॒व । इत् । अनु॑ । द्यून् । कि॒रणः॑ । सम् । ए॒जा॒त् ॥
Padapatha Devanagari Nonaccented
न । वै । ऊं इति । माम् । वृजने । वारयन्ते । न । पर्वतासः । यत् । अहम् । मनस्ये ।
मम । स्वनात् । कृधुऽकर्णः । भयाते । एव । इत् । अनु । द्यून् । किरणः । सम् । एजात् ॥
Padapatha Transcription Accented
ná ǀ vái ǀ ūṃ íti ǀ mā́m ǀ vṛjáne ǀ vārayante ǀ ná ǀ párvatāsaḥ ǀ yát ǀ ahám ǀ manasyé ǀ
máma ǀ svanā́t ǀ kṛdhu-kárṇaḥ ǀ bhayāte ǀ evá ǀ ít ǀ ánu ǀ dyū́n ǀ kiráṇaḥ ǀ sám ǀ ejāt ǁ
Padapatha Transcription Nonaccented
na ǀ vai ǀ ūṃ iti ǀ mām ǀ vṛjane ǀ vārayante ǀ na ǀ parvatāsaḥ ǀ yat ǀ aham ǀ manasye ǀ
mama ǀ svanāt ǀ kṛdhu-karṇaḥ ǀ bhayāte ǀ eva ǀ it ǀ anu ǀ dyūn ǀ kiraṇaḥ ǀ sam ǀ ejāt ǁ
10.027.06 (Mandala. Sukta. Rik)
7.7.16.01 (Ashtaka. Adhyaya. Varga. Rik)
10.02.108 (Mandala. Anuvāka. Rik)
Samhita Devanagari Accented
दर्श॒न्न्वत्र॑ शृत॒पाँ अ॑निं॒द्रान्बा॑हु॒क्षदः॒ शर॑वे॒ पत्य॑मानान् ।
घृषुं॑ वा॒ ये नि॑नि॒दुः सखा॑य॒मध्यू॒ न्वे॑षु प॒वयो॑ ववृत्युः ॥
Samhita Devanagari Nonaccented
दर्शन्न्वत्र शृतपाँ अनिंद्रान्बाहुक्षदः शरवे पत्यमानान् ।
घृषुं वा ये निनिदुः सखायमध्यू न्वेषु पवयो ववृत्युः ॥
Samhita Transcription Accented
dárśannvátra śṛtapā́m̐ anindrā́nbāhukṣádaḥ śárave pátyamānān ǀ
ghṛ́ṣum vā yé ninidúḥ sákhāyamádhyū nvéṣu paváyo vavṛtyuḥ ǁ
Samhita Transcription Nonaccented
darśannvatra śṛtapām̐ anindrānbāhukṣadaḥ śarave patyamānān ǀ
ghṛṣum vā ye niniduḥ sakhāyamadhyū nveṣu pavayo vavṛtyuḥ ǁ
Padapatha Devanagari Accented
दर्श॑न् । नु । अत्र॑ । शृ॒त॒ऽपान् । अ॒नि॒न्द्रान् । बा॒हु॒ऽक्षदः॑ । शर॑वे । पत्य॑मानान् ।
घृषु॑म् । वा॒ । ये । नि॒नि॒दुः । सखा॑यम् । अधि॑ । ऊं॒ इति॑ । नु । ए॒षु॒ । प॒वयः॑ । व॒वृ॒त्युः॒ ॥
Padapatha Devanagari Nonaccented
दर्शन् । नु । अत्र । शृतऽपान् । अनिन्द्रान् । बाहुऽक्षदः । शरवे । पत्यमानान् ।
घृषुम् । वा । ये । निनिदुः । सखायम् । अधि । ऊं इति । नु । एषु । पवयः । ववृत्युः ॥
Padapatha Transcription Accented
dárśan ǀ nú ǀ átra ǀ śṛta-pā́n ǀ anindrā́n ǀ bāhu-kṣádaḥ ǀ śárave ǀ pátyamānān ǀ
ghṛ́ṣum ǀ vā ǀ yé ǀ ninidúḥ ǀ sákhāyam ǀ ádhi ǀ ūṃ íti ǀ nú ǀ eṣu ǀ paváyaḥ ǀ vavṛtyuḥ ǁ
Padapatha Transcription Nonaccented
darśan ǀ nu ǀ atra ǀ śṛta-pān ǀ anindrān ǀ bāhu-kṣadaḥ ǀ śarave ǀ patyamānān ǀ
ghṛṣum ǀ vā ǀ ye ǀ niniduḥ ǀ sakhāyam ǀ adhi ǀ ūṃ iti ǀ nu ǀ eṣu ǀ pavayaḥ ǀ vavṛtyuḥ ǁ
10.027.07 (Mandala. Sukta. Rik)
7.7.16.02 (Ashtaka. Adhyaya. Varga. Rik)
10.02.109 (Mandala. Anuvāka. Rik)
Samhita Devanagari Accented
अभू॒र्वौक्षी॒र्व्यु१॒॑ आयु॑रान॒ड्दर्ष॒न्नु पूर्वो॒ अप॑रो॒ नु द॑र्षत् ।
द्वे प॒वस्ते॒ परि॒ तं न भू॑तो॒ यो अ॒स्य पा॒रे रज॑सो वि॒वेष॑ ॥
Samhita Devanagari Nonaccented
अभूर्वौक्षीर्व्यु आयुरानड्दर्षन्नु पूर्वो अपरो नु दर्षत् ।
द्वे पवस्ते परि तं न भूतो यो अस्य पारे रजसो विवेष ॥
Samhita Transcription Accented
ábhūrváukṣīrvyú ā́yurānaḍdárṣannú pū́rvo áparo nú darṣat ǀ
dvé paváste pári tám ná bhūto yó asyá pāré rájaso vivéṣa ǁ
Samhita Transcription Nonaccented
abhūrvaukṣīrvyu āyurānaḍdarṣannu pūrvo aparo nu darṣat ǀ
dve pavaste pari tam na bhūto yo asya pāre rajaso viveṣa ǁ
Padapatha Devanagari Accented
अभूः॑ । ऊं॒ इति॑ । औक्षीः॑ । वि । ऊं॒ इति॑ । आयुः॑ । आ॒न॒ट् । दर्ष॑त् । नु । पूर्वः॑ । अप॑रः । नु । द॒र्ष॒त् ।
द्वे इति॑ । प॒वस्ते॒ इति॑ । परि॑ । तम् । न । भू॒तः॒ । यः । अ॒स्य । पा॒रे । रज॑सः । वि॒वेष॑ ॥
Padapatha Devanagari Nonaccented
अभूः । ऊं इति । औक्षीः । वि । ऊं इति । आयुः । आनट् । दर्षत् । नु । पूर्वः । अपरः । नु । दर्षत् ।
द्वे इति । पवस्ते इति । परि । तम् । न । भूतः । यः । अस्य । पारे । रजसः । विवेष ॥
Padapatha Transcription Accented
ábhūḥ ǀ ūṃ íti ǀ áukṣīḥ ǀ ví ǀ ūṃ íti ǀ ā́yuḥ ǀ ānaṭ ǀ dárṣat ǀ nú ǀ pū́rvaḥ ǀ áparaḥ ǀ nú ǀ darṣat ǀ
dvé íti ǀ paváste íti ǀ pári ǀ tám ǀ ná ǀ bhūtaḥ ǀ yáḥ ǀ asyá ǀ pāré ǀ rájasaḥ ǀ vivéṣa ǁ
Padapatha Transcription Nonaccented
abhūḥ ǀ ūṃ iti ǀ aukṣīḥ ǀ vi ǀ ūṃ iti ǀ āyuḥ ǀ ānaṭ ǀ darṣat ǀ nu ǀ pūrvaḥ ǀ aparaḥ ǀ nu ǀ darṣat ǀ
dve iti ǀ pavaste iti ǀ pari ǀ tam ǀ na ǀ bhūtaḥ ǀ yaḥ ǀ asya ǀ pāre ǀ rajasaḥ ǀ viveṣa ǁ
10.027.08 (Mandala. Sukta. Rik)
7.7.16.03 (Ashtaka. Adhyaya. Varga. Rik)
10.02.110 (Mandala. Anuvāka. Rik)
Samhita Devanagari Accented
गावो॒ यवं॒ प्रयु॑ता अ॒र्यो अ॑क्षं॒ता अ॑पश्यं स॒हगो॑पा॒श्चरं॑तीः ।
हवा॒ इद॒र्यो अ॒भितः॒ समा॑य॒न्किय॑दासु॒ स्वप॑तिश्छंदयाते ॥
Samhita Devanagari Nonaccented
गावो यवं प्रयुता अर्यो अक्षंता अपश्यं सहगोपाश्चरंतीः ।
हवा इदर्यो अभितः समायन्कियदासु स्वपतिश्छंदयाते ॥
Samhita Transcription Accented
gā́vo yávam práyutā aryó akṣantā́ apaśyam sahágopāścárantīḥ ǀ
hávā ídaryó abhítaḥ sámāyankíyadāsu svápatiśchandayāte ǁ
Samhita Transcription Nonaccented
gāvo yavam prayutā aryo akṣantā apaśyam sahagopāścarantīḥ ǀ
havā idaryo abhitaḥ samāyankiyadāsu svapatiśchandayāte ǁ
Padapatha Devanagari Accented
गावः॑ । यव॑म् । प्रऽयु॑ताः । अ॒र्यः । अ॒क्ष॒न् । ताः । अ॒प॒श्य॒म् । स॒हऽगो॑पाः । चर॑न्तीः ।
हवाः॑ । इत् । अ॒र्यः । अ॒भितः॑ । सम् । आ॒य॒न् । किय॑त् । आ॒सु॒ । स्वऽप॑तिः । छ॒न्द॒या॒ते॒ ॥
Padapatha Devanagari Nonaccented
गावः । यवम् । प्रऽयुताः । अर्यः । अक्षन् । ताः । अपश्यम् । सहऽगोपाः । चरन्तीः ।
हवाः । इत् । अर्यः । अभितः । सम् । आयन् । कियत् । आसु । स्वऽपतिः । छन्दयाते ॥
Padapatha Transcription Accented
gā́vaḥ ǀ yávam ǀ prá-yutāḥ ǀ aryáḥ ǀ akṣan ǀ tā́ḥ ǀ apaśyam ǀ sahá-gopāḥ ǀ cárantīḥ ǀ
hávāḥ ǀ ít ǀ aryáḥ ǀ abhítaḥ ǀ sám ǀ āyan ǀ kíyat ǀ āsu ǀ svá-patiḥ ǀ chandayāte ǁ
Padapatha Transcription Nonaccented
gāvaḥ ǀ yavam ǀ pra-yutāḥ ǀ aryaḥ ǀ akṣan ǀ tāḥ ǀ apaśyam ǀ saha-gopāḥ ǀ carantīḥ ǀ
havāḥ ǀ it ǀ aryaḥ ǀ abhitaḥ ǀ sam ǀ āyan ǀ kiyat ǀ āsu ǀ sva-patiḥ ǀ chandayāte ǁ
10.027.09 (Mandala. Sukta. Rik)
7.7.16.04 (Ashtaka. Adhyaya. Varga. Rik)
10.02.111 (Mandala. Anuvāka. Rik)
Samhita Devanagari Accented
सं यद्वयं॑ यव॒सादो॒ जना॑नाम॒हं य॒वाद॑ उ॒र्वज्रे॑ अं॒तः ।
अत्रा॑ यु॒क्तो॑ऽवसा॒तार॑मिच्छा॒दथो॒ अयु॑क्तं युनजद्वव॒न्वान् ॥
Samhita Devanagari Nonaccented
सं यद्वयं यवसादो जनानामहं यवाद उर्वज्रे अंतः ।
अत्रा युक्तोऽवसातारमिच्छादथो अयुक्तं युनजद्ववन्वान् ॥
Samhita Transcription Accented
sám yádváyam yavasā́do jánānāmahám yavā́da urvájre antáḥ ǀ
átrā yuktó’vasātā́ramicchādátho áyuktam yunajadvavanvā́n ǁ
Samhita Transcription Nonaccented
sam yadvayam yavasādo janānāmaham yavāda urvajre antaḥ ǀ
atrā yukto’vasātāramicchādatho ayuktam yunajadvavanvān ǁ
Padapatha Devanagari Accented
सम् । यत् । वय॑म् । य॒व॒स॒ऽअदः॑ । जना॑नाम् । अ॒हम् । य॒व॒ऽअदः॑ । उ॒रु॒ऽअज्रे॑ । अ॒न्तरिति॑ ।
अत्र॑ । यु॒क्तः । अ॒व॒ऽसा॒तार॑म् । इ॒च्छा॒त् । अथो॒ इति॑ । अयु॑क्तम् । यु॒न॒ज॒त् । व॒व॒न्वान् ॥
Padapatha Devanagari Nonaccented
सम् । यत् । वयम् । यवसऽअदः । जनानाम् । अहम् । यवऽअदः । उरुऽअज्रे । अन्तरिति ।
अत्र । युक्तः । अवऽसातारम् । इच्छात् । अथो इति । अयुक्तम् । युनजत् । ववन्वान् ॥
Padapatha Transcription Accented
sám ǀ yát ǀ váyam ǀ yavasa-ádaḥ ǀ jánānām ǀ ahám ǀ yava-ádaḥ ǀ uru-ájre ǀ antáríti ǀ
átra ǀ yuktáḥ ǀ ava-sātā́ram ǀ icchāt ǀ átho íti ǀ áyuktam ǀ yunajat ǀ vavanvā́n ǁ
Padapatha Transcription Nonaccented
sam ǀ yat ǀ vayam ǀ yavasa-adaḥ ǀ janānām ǀ aham ǀ yava-adaḥ ǀ uru-ajre ǀ antariti ǀ
atra ǀ yuktaḥ ǀ ava-sātāram ǀ icchāt ǀ atho iti ǀ ayuktam ǀ yunajat ǀ vavanvān ǁ
10.027.10 (Mandala. Sukta. Rik)
7.7.16.05 (Ashtaka. Adhyaya. Varga. Rik)
10.02.112 (Mandala. Anuvāka. Rik)
Samhita Devanagari Accented
अत्रेदु॑ मे मंससे स॒त्यमु॒क्तं द्वि॒पाच्च॒ यच्चतु॑ष्पात्संसृ॒जानि॑ ।
स्त्री॒भिर्यो अत्र॒ वृष॑णं पृत॒न्यादयु॑द्धो अस्य॒ वि भ॑जानि॒ वेदः॑ ॥
Samhita Devanagari Nonaccented
अत्रेदु मे मंससे सत्यमुक्तं द्विपाच्च यच्चतुष्पात्संसृजानि ।
स्त्रीभिर्यो अत्र वृषणं पृतन्यादयुद्धो अस्य वि भजानि वेदः ॥
Samhita Transcription Accented
átrédu me maṃsase satyámuktám dvipā́cca yáccátuṣpātsaṃsṛjā́ni ǀ
strībhíryó átra vṛ́ṣaṇam pṛtanyā́dáyuddho asya ví bhajāni védaḥ ǁ
Samhita Transcription Nonaccented
atredu me maṃsase satyamuktam dvipācca yaccatuṣpātsaṃsṛjāni ǀ
strībhiryo atra vṛṣaṇam pṛtanyādayuddho asya vi bhajāni vedaḥ ǁ
Padapatha Devanagari Accented
अत्र॑ । इत् । ऊं॒ इति॑ । मे॒ । मं॒स॒से॒ । स॒त्यम् । उ॒क्तम् । द्वि॒ऽपात् । च॒ । यत् । चतुः॑ऽपात् । स॒म्ऽसृ॒जानि॑ ।
स्त्री॒भिः । यः । अत्र॑ । वृष॑णम् । पृ॒त॒न्यात् । अयु॑द्धः । अ॒स्य॒ । वि । भ॒जा॒नि॒ । वेदः॑ ॥
Padapatha Devanagari Nonaccented
अत्र । इत् । ऊं इति । मे । मंससे । सत्यम् । उक्तम् । द्विऽपात् । च । यत् । चतुःऽपात् । सम्ऽसृजानि ।
स्त्रीभिः । यः । अत्र । वृषणम् । पृतन्यात् । अयुद्धः । अस्य । वि । भजानि । वेदः ॥
Padapatha Transcription Accented
átra ǀ ít ǀ ūṃ íti ǀ me ǀ maṃsase ǀ satyám ǀ uktám ǀ dvi-pā́t ǀ ca ǀ yát ǀ cátuḥ-pāt ǀ sam-sṛjā́ni ǀ
strībhíḥ ǀ yáḥ ǀ átra ǀ vṛ́ṣaṇam ǀ pṛtanyā́t ǀ áyuddhaḥ ǀ asya ǀ ví ǀ bhajāni ǀ védaḥ ǁ
Padapatha Transcription Nonaccented
atra ǀ it ǀ ūṃ iti ǀ me ǀ maṃsase ǀ satyam ǀ uktam ǀ dvi-pāt ǀ ca ǀ yat ǀ catuḥ-pāt ǀ sam-sṛjāni ǀ
strībhiḥ ǀ yaḥ ǀ atra ǀ vṛṣaṇam ǀ pṛtanyāt ǀ ayuddhaḥ ǀ asya ǀ vi ǀ bhajāni ǀ vedaḥ ǁ
10.027.11 (Mandala. Sukta. Rik)
7.7.17.01 (Ashtaka. Adhyaya. Varga. Rik)
10.02.113 (Mandala. Anuvāka. Rik)
Samhita Devanagari Accented
यस्या॑न॒क्षा दु॑हि॒ता जात्वास॒ कस्तां वि॒द्वाँ अ॒भि म॑न्याते अं॒धां ।
क॒त॒रो मे॒निं प्रति॒ तं मु॑चाते॒ य ईं॒ वहा॑ते॒ य ईं॑ वा वरे॒यात् ॥
Samhita Devanagari Nonaccented
यस्यानक्षा दुहिता जात्वास कस्तां विद्वाँ अभि मन्याते अंधां ।
कतरो मेनिं प्रति तं मुचाते य ईं वहाते य ईं वा वरेयात् ॥
Samhita Transcription Accented
yásyānakṣā́ duhitā́ jā́tvā́sa kástā́m vidvā́m̐ abhí manyāte andhā́m ǀ
kataró mením práti tám mucāte yá īm váhāte yá īm vā vareyā́t ǁ
Samhita Transcription Nonaccented
yasyānakṣā duhitā jātvāsa kastām vidvām̐ abhi manyāte andhām ǀ
kataro menim prati tam mucāte ya īm vahāte ya īm vā vareyāt ǁ
Padapatha Devanagari Accented
यस्य॑ । अ॒न॒क्षा । दु॒हि॒ता । जातु॑ । आस॑ । कः । ताम् । वि॒द्वान् । अ॒भि । म॒न्या॒ते॒ । अ॒न्धाम् ।
क॒त॒रः । मे॒निम् । प्रति॑ । तम् । मु॒चा॒ते॒ । यः । ई॒म् । वहा॑ते । यः । ई॒म् । वा॒ । व॒रे॒ऽयात् ॥
Padapatha Devanagari Nonaccented
यस्य । अनक्षा । दुहिता । जातु । आस । कः । ताम् । विद्वान् । अभि । मन्याते । अन्धाम् ।
कतरः । मेनिम् । प्रति । तम् । मुचाते । यः । ईम् । वहाते । यः । ईम् । वा । वरेऽयात् ॥
Padapatha Transcription Accented
yásya ǀ anakṣā́ ǀ duhitā́ ǀ jā́tu ǀ ā́sa ǀ káḥ ǀ tā́m ǀ vidvā́n ǀ abhí ǀ manyāte ǀ andhā́m ǀ
kataráḥ ǀ mením ǀ práti ǀ tám ǀ mucāte ǀ yáḥ ǀ īm ǀ váhāte ǀ yáḥ ǀ īm ǀ vā ǀ vare-yā́t ǁ
Padapatha Transcription Nonaccented
yasya ǀ anakṣā ǀ duhitā ǀ jātu ǀ āsa ǀ kaḥ ǀ tām ǀ vidvān ǀ abhi ǀ manyāte ǀ andhām ǀ
kataraḥ ǀ menim ǀ prati ǀ tam ǀ mucāte ǀ yaḥ ǀ īm ǀ vahāte ǀ yaḥ ǀ īm ǀ vā ǀ vare-yāt ǁ
10.027.12 (Mandala. Sukta. Rik)
7.7.17.02 (Ashtaka. Adhyaya. Varga. Rik)
10.02.114 (Mandala. Anuvāka. Rik)
Samhita Devanagari Accented
किय॑ती॒ योषा॑ मर्य॒तो व॑धू॒योः परि॑प्रीता॒ पन्य॑सा॒ वार्ये॑ण ।
भ॒द्रा व॒धूर्भ॑वति॒ यत्सु॒पेशाः॑ स्व॒यं सा मि॒त्रं व॑नुते॒ जने॑ चित् ॥
Samhita Devanagari Nonaccented
कियती योषा मर्यतो वधूयोः परिप्रीता पन्यसा वार्येण ।
भद्रा वधूर्भवति यत्सुपेशाः स्वयं सा मित्रं वनुते जने चित् ॥
Samhita Transcription Accented
kíyatī yóṣā maryató vadhūyóḥ páriprītā pányasā vā́ryeṇa ǀ
bhadrā́ vadhū́rbhavati yátsupéśāḥ svayám sā́ mitrám vanute jáne cit ǁ
Samhita Transcription Nonaccented
kiyatī yoṣā maryato vadhūyoḥ pariprītā panyasā vāryeṇa ǀ
bhadrā vadhūrbhavati yatsupeśāḥ svayam sā mitram vanute jane cit ǁ
Padapatha Devanagari Accented
किय॑ती । योषा॑ । म॒र्य॒तः । व॒धू॒ऽयोः । परि॑ऽप्रीता । पन्य॑सा । वार्ये॑ण ।
भ॒द्रा । व॒धूः । भ॒व॒ति॒ । यत् । सु॒ऽपेशाः॑ । स्व॒यम् । सा । मि॒त्रम् । व॒नु॒ते॒ । जने॑ । चि॒त् ॥
Padapatha Devanagari Nonaccented
कियती । योषा । मर्यतः । वधूऽयोः । परिऽप्रीता । पन्यसा । वार्येण ।
भद्रा । वधूः । भवति । यत् । सुऽपेशाः । स्वयम् । सा । मित्रम् । वनुते । जने । चित् ॥
Padapatha Transcription Accented
kíyatī ǀ yóṣā ǀ maryatáḥ ǀ vadhū-yóḥ ǀ pári-prītā ǀ pányasā ǀ vā́ryeṇa ǀ
bhadrā́ ǀ vadhū́ḥ ǀ bhavati ǀ yát ǀ su-péśāḥ ǀ svayám ǀ sā́ ǀ mitrám ǀ vanute ǀ jáne ǀ cit ǁ
Padapatha Transcription Nonaccented
kiyatī ǀ yoṣā ǀ maryataḥ ǀ vadhū-yoḥ ǀ pari-prītā ǀ panyasā ǀ vāryeṇa ǀ
bhadrā ǀ vadhūḥ ǀ bhavati ǀ yat ǀ su-peśāḥ ǀ svayam ǀ sā ǀ mitram ǀ vanute ǀ jane ǀ cit ǁ
10.027.13 (Mandala. Sukta. Rik)
7.7.17.03 (Ashtaka. Adhyaya. Varga. Rik)
10.02.115 (Mandala. Anuvāka. Rik)
Samhita Devanagari Accented
प॒त्तो ज॑गार प्र॒त्यंच॑मत्ति शी॒र्ष्णा शिरः॒ प्रति॑ दधौ॒ वरू॑थं ।
आसी॑न ऊ॒र्ध्वामु॒पसि॑ क्षिणाति॒ न्य॑ङ्ङुत्ता॒नामन्वे॑ति॒ भूमिं॑ ॥
Samhita Devanagari Nonaccented
पत्तो जगार प्रत्यंचमत्ति शीर्ष्णा शिरः प्रति दधौ वरूथं ।
आसीन ऊर्ध्वामुपसि क्षिणाति न्यङ्ङुत्तानामन्वेति भूमिं ॥
Samhita Transcription Accented
pattó jagāra pratyáñcamatti śīrṣṇā́ śíraḥ práti dadhau várūtham ǀ
ā́sīna ūrdhvā́mupási kṣiṇāti nyáṅṅuttānā́mánveti bhū́mim ǁ
Samhita Transcription Nonaccented
patto jagāra pratyañcamatti śīrṣṇā śiraḥ prati dadhau varūtham ǀ
āsīna ūrdhvāmupasi kṣiṇāti nyaṅṅuttānāmanveti bhūmim ǁ
Padapatha Devanagari Accented
प॒त्तः । ज॒गा॒र॒ । प्र॒त्यञ्च॑म् । अ॒त्ति॒ । शी॒र्ष्णा । शिरः॑ । प्रति॑ । द॒धौ॒ । वरू॑थम् ।
आसी॑नः । ऊ॒र्ध्वाम् । उ॒पसि॑ । क्षि॒णा॒ति॒ । न्य॑ङ् । उ॒त्ता॒नाम् । अनु॑ । ए॒ति॒ । भूमि॑म् ॥
Padapatha Devanagari Nonaccented
पत्तः । जगार । प्रत्यञ्चम् । अत्ति । शीर्ष्णा । शिरः । प्रति । दधौ । वरूथम् ।
आसीनः । ऊर्ध्वाम् । उपसि । क्षिणाति । न्यङ् । उत्तानाम् । अनु । एति । भूमिम् ॥
Padapatha Transcription Accented
pattáḥ ǀ jagāra ǀ pratyáñcam ǀ atti ǀ śīrṣṇā́ ǀ śíraḥ ǀ práti ǀ dadhau ǀ várūtham ǀ
ā́sīnaḥ ǀ ūrdhvā́m ǀ upási ǀ kṣiṇāti ǀ nyáṅ ǀ uttānā́m ǀ ánu ǀ eti ǀ bhū́mim ǁ
Padapatha Transcription Nonaccented
pattaḥ ǀ jagāra ǀ pratyañcam ǀ atti ǀ śīrṣṇā ǀ śiraḥ ǀ prati ǀ dadhau ǀ varūtham ǀ
āsīnaḥ ǀ ūrdhvām ǀ upasi ǀ kṣiṇāti ǀ nyaṅ ǀ uttānām ǀ anu ǀ eti ǀ bhūmim ǁ
10.027.14 (Mandala. Sukta. Rik)
7.7.17.04 (Ashtaka. Adhyaya. Varga. Rik)
10.02.116 (Mandala. Anuvāka. Rik)
Samhita Devanagari Accented
बृ॒हन्न॑च्छा॒यो अ॑पला॒शो अर्वा॑ त॒स्थौ मा॒ता विषि॑तो अत्ति॒ गर्भः॑ ।
अ॒न्यस्या॑ व॒त्सं रि॑ह॒ती मि॑माय॒ कया॑ भु॒वा नि द॑धे धे॒नुरूधः॑ ॥
Samhita Devanagari Nonaccented
बृहन्नच्छायो अपलाशो अर्वा तस्थौ माता विषितो अत्ति गर्भः ।
अन्यस्या वत्सं रिहती मिमाय कया भुवा नि दधे धेनुरूधः ॥
Samhita Transcription Accented
bṛhánnacchāyó apalāśó árvā tastháu mātā́ víṣito atti gárbhaḥ ǀ
anyásyā vatsám rihatī́ mimāya káyā bhuvā́ ní dadhe dhenúrū́dhaḥ ǁ
Samhita Transcription Nonaccented
bṛhannacchāyo apalāśo arvā tasthau mātā viṣito atti garbhaḥ ǀ
anyasyā vatsam rihatī mimāya kayā bhuvā ni dadhe dhenurūdhaḥ ǁ
Padapatha Devanagari Accented
बृ॒हन् । अ॒च्छा॒यः । अ॒प॒ला॒शः । अर्वा॑ । त॒स्थौ । मा॒ता । विऽसि॑तः । अ॒त्ति॒ । गर्भः॑ ।
अ॒न्यस्याः॑ । व॒त्सम् । रि॒ह॒ती । मि॒मा॒य॒ । कया॑ । भु॒वा । नि । द॒धे॒ । धे॒नुः । ऊधः॑ ॥
Padapatha Devanagari Nonaccented
बृहन् । अच्छायः । अपलाशः । अर्वा । तस्थौ । माता । विऽसितः । अत्ति । गर्भः ।
अन्यस्याः । वत्सम् । रिहती । मिमाय । कया । भुवा । नि । दधे । धेनुः । ऊधः ॥
Padapatha Transcription Accented
bṛhán ǀ acchāyáḥ ǀ apalāśáḥ ǀ árvā ǀ tastháu ǀ mātā́ ǀ ví-sitaḥ ǀ atti ǀ gárbhaḥ ǀ
anyásyāḥ ǀ vatsám ǀ rihatī́ ǀ mimāya ǀ káyā ǀ bhuvā́ ǀ ní ǀ dadhe ǀ dhenúḥ ǀ ū́dhaḥ ǁ
Padapatha Transcription Nonaccented
bṛhan ǀ acchāyaḥ ǀ apalāśaḥ ǀ arvā ǀ tasthau ǀ mātā ǀ vi-sitaḥ ǀ atti ǀ garbhaḥ ǀ
anyasyāḥ ǀ vatsam ǀ rihatī ǀ mimāya ǀ kayā ǀ bhuvā ǀ ni ǀ dadhe ǀ dhenuḥ ǀ ūdhaḥ ǁ
10.027.15 (Mandala. Sukta. Rik)
7.7.17.05 (Ashtaka. Adhyaya. Varga. Rik)
10.02.117 (Mandala. Anuvāka. Rik)
Samhita Devanagari Accented
स॒प्त वी॒रासो॑ अध॒रादुदा॑यन्न॒ष्टोत्त॒रात्ता॒त्सम॑जग्मिरं॒ते ।
नव॑ प॒श्चाता॑त्स्थिवि॒मंत॑ आयं॒दश॒ प्राक्सानु॒ वि ति॑रं॒त्यश्नः॑ ॥
Samhita Devanagari Nonaccented
सप्त वीरासो अधरादुदायन्नष्टोत्तरात्तात्समजग्मिरंते ।
नव पश्चातात्स्थिविमंत आयंदश प्राक्सानु वि तिरंत्यश्नः ॥
Samhita Transcription Accented
saptá vīrā́so adharā́dúdāyannaṣṭóttarā́ttātsámajagmiranté ǀ
náva paścā́tātsthivimánta āyandáśa prā́ksā́nu ví tirantyáśnaḥ ǁ
Samhita Transcription Nonaccented
sapta vīrāso adharādudāyannaṣṭottarāttātsamajagmirante ǀ
nava paścātātsthivimanta āyandaśa prāksānu vi tirantyaśnaḥ ǁ
Padapatha Devanagari Accented
स॒प्त । वी॒रासः॑ । अ॒ध॒रात् । उत् । आ॒य॒न् । अ॒ष्ट । उ॒त्त॒रात्ता॑त् । सम् । अ॒ज॒ग्मि॒र॒न् । ते ।
नव॑ । प॒श्चाता॑त् । स्थि॒वि॒ऽमन्तः॑ । आ॒य॒न् । दश॑ । प्राक् । सानु॑ । वि । ति॒र॒न्ति॒ । अश्नः॑ ॥
Padapatha Devanagari Nonaccented
सप्त । वीरासः । अधरात् । उत् । आयन् । अष्ट । उत्तरात्तात् । सम् । अजग्मिरन् । ते ।
नव । पश्चातात् । स्थिविऽमन्तः । आयन् । दश । प्राक् । सानु । वि । तिरन्ति । अश्नः ॥
Padapatha Transcription Accented
saptá ǀ vīrā́saḥ ǀ adharā́t ǀ út ǀ āyan ǀ aṣṭá ǀ uttarā́ttāt ǀ sám ǀ ajagmiran ǀ té ǀ
náva ǀ paścā́tāt ǀ sthivi-mántaḥ ǀ āyan ǀ dáśa ǀ prā́k ǀ sā́nu ǀ ví ǀ tiranti ǀ áśnaḥ ǁ
Padapatha Transcription Nonaccented
sapta ǀ vīrāsaḥ ǀ adharāt ǀ ut ǀ āyan ǀ aṣṭa ǀ uttarāttāt ǀ sam ǀ ajagmiran ǀ te ǀ
nava ǀ paścātāt ǀ sthivi-mantaḥ ǀ āyan ǀ daśa ǀ prāk ǀ sānu ǀ vi ǀ tiranti ǀ aśnaḥ ǁ
10.027.16 (Mandala. Sukta. Rik)
7.7.18.01 (Ashtaka. Adhyaya. Varga. Rik)
10.02.118 (Mandala. Anuvāka. Rik)
Samhita Devanagari Accented
द॒शा॒नामेकं॑ कपि॒लं स॑मा॒नं तं हि॑न्वंति॒ क्रत॑वे॒ पार्या॑य ।
गर्भं॑ मा॒ता सुधि॑तं व॒क्षणा॒स्ववे॑नंतं तु॒षयं॑ती बिभर्ति ॥
Samhita Devanagari Nonaccented
दशानामेकं कपिलं समानं तं हिन्वंति क्रतवे पार्याय ।
गर्भं माता सुधितं वक्षणास्ववेनंतं तुषयंती बिभर्ति ॥
Samhita Transcription Accented
daśānā́mékam kapilám samānám tám hinvanti krátave pā́ryāya ǀ
gárbham mātā́ súdhitam vakṣáṇāsvávenantam tuṣáyantī bibharti ǁ
Samhita Transcription Nonaccented
daśānāmekam kapilam samānam tam hinvanti kratave pāryāya ǀ
garbham mātā sudhitam vakṣaṇāsvavenantam tuṣayantī bibharti ǁ
Padapatha Devanagari Accented
द॒शा॒नाम् । एक॑म् । क॒पि॒लम् । स॒मा॒नम् । तम् । हि॒न्व॒न्ति॒ । क्रत॑वे । पार्या॑य ।
गर्भ॑म् । मा॒ता । सुऽधि॑तम् । व॒क्षणा॑सु । अवे॑नन्तम् । तु॒षय॑न्ती । बि॒भ॒र्ति॒ ॥
Padapatha Devanagari Nonaccented
दशानाम् । एकम् । कपिलम् । समानम् । तम् । हिन्वन्ति । क्रतवे । पार्याय ।
गर्भम् । माता । सुऽधितम् । वक्षणासु । अवेनन्तम् । तुषयन्ती । बिभर्ति ॥
Padapatha Transcription Accented
daśānā́m ǀ ékam ǀ kapilám ǀ samānám ǀ tám ǀ hinvanti ǀ krátave ǀ pā́ryāya ǀ
gárbham ǀ mātā́ ǀ sú-dhitam ǀ vakṣáṇāsu ǀ ávenantam ǀ tuṣáyantī ǀ bibharti ǁ
Padapatha Transcription Nonaccented
daśānām ǀ ekam ǀ kapilam ǀ samānam ǀ tam ǀ hinvanti ǀ kratave ǀ pāryāya ǀ
garbham ǀ mātā ǀ su-dhitam ǀ vakṣaṇāsu ǀ avenantam ǀ tuṣayantī ǀ bibharti ǁ
10.027.17 (Mandala. Sukta. Rik)
7.7.18.02 (Ashtaka. Adhyaya. Varga. Rik)
10.02.119 (Mandala. Anuvāka. Rik)
Samhita Devanagari Accented
पीवा॑नं मे॒षम॑पचंत वी॒रा न्यु॑प्ता अ॒क्षा अनु॑ दी॒व आ॑सन् ।
द्वा धनुं॑ बृह॒तीम॒प्स्वं१॒॑तः प॒वित्र॑वंता चरतः पु॒नंता॑ ॥
Samhita Devanagari Nonaccented
पीवानं मेषमपचंत वीरा न्युप्ता अक्षा अनु दीव आसन् ।
द्वा धनुं बृहतीमप्स्वंतः पवित्रवंता चरतः पुनंता ॥
Samhita Transcription Accented
pī́vānam meṣámapacanta vīrā́ nyúptā akṣā́ ánu dīvá āsan ǀ
dvā́ dhánum bṛhatī́mapsvántáḥ pavítravantā carataḥ punántā ǁ
Samhita Transcription Nonaccented
pīvānam meṣamapacanta vīrā nyuptā akṣā anu dīva āsan ǀ
dvā dhanum bṛhatīmapsvantaḥ pavitravantā carataḥ punantā ǁ
Padapatha Devanagari Accented
पीवा॑नम् । मे॒षम् । अ॒प॒च॒न्त॒ । वी॒राः । निऽउ॑प्ताः । अ॒क्षाः । अनु॑ । दी॒वे । आ॒स॒न् ।
द्वा । धनु॑म् । बृ॒ह॒तीम् । अ॒प्ऽसु । अ॒न्तरिति॑ । प॒वित्र॑ऽवन्ता । च॒र॒तः॒ । पु॒नन्ता॑ ॥
Padapatha Devanagari Nonaccented
पीवानम् । मेषम् । अपचन्त । वीराः । निऽउप्ताः । अक्षाः । अनु । दीवे । आसन् ।
द्वा । धनुम् । बृहतीम् । अप्ऽसु । अन्तरिति । पवित्रऽवन्ता । चरतः । पुनन्ता ॥
Padapatha Transcription Accented
pī́vānam ǀ meṣám ǀ apacanta ǀ vīrā́ḥ ǀ ní-uptāḥ ǀ akṣā́ḥ ǀ ánu ǀ dīvé ǀ āsan ǀ
dvā́ ǀ dhánum ǀ bṛhatī́m ǀ ap-sú ǀ antáríti ǀ pavítra-vantā ǀ carataḥ ǀ punántā ǁ
Padapatha Transcription Nonaccented
pīvānam ǀ meṣam ǀ apacanta ǀ vīrāḥ ǀ ni-uptāḥ ǀ akṣāḥ ǀ anu ǀ dīve ǀ āsan ǀ
dvā ǀ dhanum ǀ bṛhatīm ǀ ap-su ǀ antariti ǀ pavitra-vantā ǀ carataḥ ǀ punantā ǁ
10.027.18 (Mandala. Sukta. Rik)
7.7.18.03 (Ashtaka. Adhyaya. Varga. Rik)
10.02.120 (Mandala. Anuvāka. Rik)
Samhita Devanagari Accented
वि क्रो॑श॒नासो॒ विष्वं॑च आय॒न्पचा॑ति॒ नेमो॑ न॒हि पक्ष॑द॒र्धः ।
अ॒यं मे॑ दे॒वः स॑वि॒ता तदा॑ह॒ द्र्व॑न्न॒ इद्व॑नवत्स॒र्पिर॑न्नः ॥
Samhita Devanagari Nonaccented
वि क्रोशनासो विष्वंच आयन्पचाति नेमो नहि पक्षदर्धः ।
अयं मे देवः सविता तदाह द्र्वन्न इद्वनवत्सर्पिरन्नः ॥
Samhita Transcription Accented
ví krośanā́so víṣvañca āyanpácāti némo nahí pákṣadardháḥ ǀ
ayám me deváḥ savitā́ tádāha drvánna ídvanavatsarpírannaḥ ǁ
Samhita Transcription Nonaccented
vi krośanāso viṣvañca āyanpacāti nemo nahi pakṣadardhaḥ ǀ
ayam me devaḥ savitā tadāha drvanna idvanavatsarpirannaḥ ǁ
Padapatha Devanagari Accented
वि । क्रो॒श॒नासः॑ । विष्व॑ञ्चः । आ॒य॒न् । पचा॑ति । नेमः॑ । न॒हि । पक्ष॑त् । अ॒र्धः ।
अ॒यम् । मे॒ । दे॒वः । स॒वि॒ता । तत् । आ॒ह॒ । द्रुऽअ॑न्नः । इत् । व॒न॒व॒त् । स॒र्पिःऽअ॑न्नः ॥
Padapatha Devanagari Nonaccented
वि । क्रोशनासः । विष्वञ्चः । आयन् । पचाति । नेमः । नहि । पक्षत् । अर्धः ।
अयम् । मे । देवः । सविता । तत् । आह । द्रुऽअन्नः । इत् । वनवत् । सर्पिःऽअन्नः ॥
Padapatha Transcription Accented
ví ǀ krośanā́saḥ ǀ víṣvañcaḥ ǀ āyan ǀ pácāti ǀ némaḥ ǀ nahí ǀ pákṣat ǀ ardháḥ ǀ
ayám ǀ me ǀ deváḥ ǀ savitā́ ǀ tát ǀ āha ǀ drú-annaḥ ǀ ít ǀ vanavat ǀ sarpíḥ-annaḥ ǁ
Padapatha Transcription Nonaccented
vi ǀ krośanāsaḥ ǀ viṣvañcaḥ ǀ āyan ǀ pacāti ǀ nemaḥ ǀ nahi ǀ pakṣat ǀ ardhaḥ ǀ
ayam ǀ me ǀ devaḥ ǀ savitā ǀ tat ǀ āha ǀ dru-annaḥ ǀ it ǀ vanavat ǀ sarpiḥ-annaḥ ǁ
10.027.19 (Mandala. Sukta. Rik)
7.7.18.04 (Ashtaka. Adhyaya. Varga. Rik)
10.02.121 (Mandala. Anuvāka. Rik)
Samhita Devanagari Accented
अप॑श्यं॒ ग्रामं॒ वह॑मानमा॒राद॑च॒क्रया॑ स्व॒धया॒ वर्त॑मानं ।
सिष॑क्त्य॒र्यः प्र यु॒गा जना॑नां स॒द्यः शि॒श्ना प्र॑मिना॒नो नवी॑यान् ॥
Samhita Devanagari Nonaccented
अपश्यं ग्रामं वहमानमारादचक्रया स्वधया वर्तमानं ।
सिषक्त्यर्यः प्र युगा जनानां सद्यः शिश्ना प्रमिनानो नवीयान् ॥
Samhita Transcription Accented
ápaśyam grā́mam váhamānamārā́dacakráyā svadháyā vártamānam ǀ
síṣaktyaryáḥ prá yugā́ jánānām sadyáḥ śiśnā́ praminānó návīyān ǁ
Samhita Transcription Nonaccented
apaśyam grāmam vahamānamārādacakrayā svadhayā vartamānam ǀ
siṣaktyaryaḥ pra yugā janānām sadyaḥ śiśnā pramināno navīyān ǁ
Padapatha Devanagari Accented
अप॑श्यम् । ग्राम॑म् । वह॑मानम् । आ॒रात् । अ॒च॒क्रया॑ । स्व॒धया॑ । वर्त॑मानम् ।
सिस॑क्ति । अ॒र्यः । प्र । यु॒गा । जना॑नाम् । स॒द्यः । शि॒श्ना । प्र॒ऽमि॒ना॒नः । नवी॑यान् ॥
Padapatha Devanagari Nonaccented
अपश्यम् । ग्रामम् । वहमानम् । आरात् । अचक्रया । स्वधया । वर्तमानम् ।
सिसक्ति । अर्यः । प्र । युगा । जनानाम् । सद्यः । शिश्ना । प्रऽमिनानः । नवीयान् ॥
Padapatha Transcription Accented
ápaśyam ǀ grā́mam ǀ váhamānam ǀ ārā́t ǀ acakráyā ǀ svadháyā ǀ vártamānam ǀ
sísakti ǀ aryáḥ ǀ prá ǀ yugā́ ǀ jánānām ǀ sadyáḥ ǀ śiśnā́ ǀ pra-minānáḥ ǀ návīyān ǁ
Padapatha Transcription Nonaccented
apaśyam ǀ grāmam ǀ vahamānam ǀ ārāt ǀ acakrayā ǀ svadhayā ǀ vartamānam ǀ
sisakti ǀ aryaḥ ǀ pra ǀ yugā ǀ janānām ǀ sadyaḥ ǀ śiśnā ǀ pra-minānaḥ ǀ navīyān ǁ
10.027.20 (Mandala. Sukta. Rik)
7.7.18.05 (Ashtaka. Adhyaya. Varga. Rik)
10.02.122 (Mandala. Anuvāka. Rik)
Samhita Devanagari Accented
ए॒तौ मे॒ गावौ॑ प्रम॒रस्य॑ यु॒क्तौ मो षु प्र से॑धी॒र्मुहु॒रिन्म॑मंधि ।
आप॑श्चिदस्य॒ वि न॑शं॒त्यर्थं॒ सूर॑श्च म॒र्क उप॑रो बभू॒वान् ॥
Samhita Devanagari Nonaccented
एतौ मे गावौ प्रमरस्य युक्तौ मो षु प्र सेधीर्मुहुरिन्ममंधि ।
आपश्चिदस्य वि नशंत्यर्थं सूरश्च मर्क उपरो बभूवान् ॥
Samhita Transcription Accented
etáu me gā́vau pramarásya yuktáu mó ṣú prá sedhīrmúhurínmamandhi ǀ
ā́paścidasya ví naśantyártham sū́raśca marká úparo babhūvā́n ǁ
Samhita Transcription Nonaccented
etau me gāvau pramarasya yuktau mo ṣu pra sedhīrmuhurinmamandhi ǀ
āpaścidasya vi naśantyartham sūraśca marka uparo babhūvān ǁ
Padapatha Devanagari Accented
ए॒तौ । मे॒ । गावौ॑ । प्र॒ऽम॒रस्य॑ । यु॒क्तौ । मो इति॑ । सु । प्र । से॒धीः॒ । मुहुः॑ । इत् । म॒म॒न्धि॒ ।
आपः॑ । चि॒त् । अ॒स्य॒ । वि । न॒श॒न्ति॒ । अर्थ॑म् । सूरः॑ । च॒ । म॒र्कः । उप॑रः । ब॒भू॒वान् ॥
Padapatha Devanagari Nonaccented
एतौ । मे । गावौ । प्रऽमरस्य । युक्तौ । मो इति । सु । प्र । सेधीः । मुहुः । इत् । ममन्धि ।
आपः । चित् । अस्य । वि । नशन्ति । अर्थम् । सूरः । च । मर्कः । उपरः । बभूवान् ॥
Padapatha Transcription Accented
etáu ǀ me ǀ gā́vau ǀ pra-marásya ǀ yuktáu ǀ mó íti ǀ sú ǀ prá ǀ sedhīḥ ǀ múhuḥ ǀ ít ǀ mamandhi ǀ
ā́paḥ ǀ cit ǀ asya ǀ ví ǀ naśanti ǀ ártham ǀ sū́raḥ ǀ ca ǀ markáḥ ǀ úparaḥ ǀ babhūvā́n ǁ
Padapatha Transcription Nonaccented
etau ǀ me ǀ gāvau ǀ pra-marasya ǀ yuktau ǀ mo iti ǀ su ǀ pra ǀ sedhīḥ ǀ muhuḥ ǀ it ǀ mamandhi ǀ
āpaḥ ǀ cit ǀ asya ǀ vi ǀ naśanti ǀ artham ǀ sūraḥ ǀ ca ǀ markaḥ ǀ uparaḥ ǀ babhūvān ǁ
10.027.21 (Mandala. Sukta. Rik)
7.7.19.01 (Ashtaka. Adhyaya. Varga. Rik)
10.02.123 (Mandala. Anuvāka. Rik)
Samhita Devanagari Accented
अ॒यं यो वज्रः॑ पुरु॒धा विवृ॑त्तो॒ऽवः सूर्य॑स्य बृह॒तः पुरी॑षात् ।
श्रव॒ इदे॒ना प॒रो अ॒न्यद॑स्ति॒ तद॑व्य॒थी ज॑रि॒माण॑स्तरंति ॥
Samhita Devanagari Nonaccented
अयं यो वज्रः पुरुधा विवृत्तोऽवः सूर्यस्य बृहतः पुरीषात् ।
श्रव इदेना परो अन्यदस्ति तदव्यथी जरिमाणस्तरंति ॥
Samhita Transcription Accented
ayám yó vájraḥ purudhā́ vívṛtto’váḥ sū́ryasya bṛhatáḥ púrīṣāt ǀ
śráva ídenā́ paró anyádasti tádavyathī́ jarimā́ṇastaranti ǁ
Samhita Transcription Nonaccented
ayam yo vajraḥ purudhā vivṛtto’vaḥ sūryasya bṛhataḥ purīṣāt ǀ
śrava idenā paro anyadasti tadavyathī jarimāṇastaranti ǁ
Padapatha Devanagari Accented
अ॒यम् । यः । वज्रः॑ । पु॒रु॒धा । विऽवृ॑त्तः । अ॒वः । सूर्य॑स्य । बृ॒ह॒तः । पुरी॑षात् ।
श्रवः॑ । इत् । ए॒ना । प॒रः । अ॒न्यत् । अ॒स्ति॒ । तत् । अ॒व्य॒थी । ज॒रि॒माणः॑ । त॒र॒न्ति॒ ॥
Padapatha Devanagari Nonaccented
अयम् । यः । वज्रः । पुरुधा । विऽवृत्तः । अवः । सूर्यस्य । बृहतः । पुरीषात् ।
श्रवः । इत् । एना । परः । अन्यत् । अस्ति । तत् । अव्यथी । जरिमाणः । तरन्ति ॥
Padapatha Transcription Accented
ayám ǀ yáḥ ǀ vájraḥ ǀ purudhā́ ǀ ví-vṛttaḥ ǀ aváḥ ǀ sū́ryasya ǀ bṛhatáḥ ǀ púrīṣāt ǀ
śrávaḥ ǀ ít ǀ enā́ ǀ paráḥ ǀ anyát ǀ asti ǀ tát ǀ avyathī́ ǀ jarimā́ṇaḥ ǀ taranti ǁ
Padapatha Transcription Nonaccented
ayam ǀ yaḥ ǀ vajraḥ ǀ purudhā ǀ vi-vṛttaḥ ǀ avaḥ ǀ sūryasya ǀ bṛhataḥ ǀ purīṣāt ǀ
śravaḥ ǀ it ǀ enā ǀ paraḥ ǀ anyat ǀ asti ǀ tat ǀ avyathī ǀ jarimāṇaḥ ǀ taranti ǁ
10.027.22 (Mandala. Sukta. Rik)
7.7.19.02 (Ashtaka. Adhyaya. Varga. Rik)
10.02.124 (Mandala. Anuvāka. Rik)
Samhita Devanagari Accented
वृ॒क्षेवृ॑क्षे॒ निय॑ता मीमय॒द्गौस्ततो॒ वयः॒ प्र प॑तान्पूरु॒षादः॑ ।
अथे॒दं विश्वं॒ भुव॑नं भयात॒ इंद्रा॑य सु॒न्वदृष॑ये च॒ शिक्ष॑त् ॥
Samhita Devanagari Nonaccented
वृक्षेवृक्षे नियता मीमयद्गौस्ततो वयः प्र पतान्पूरुषादः ।
अथेदं विश्वं भुवनं भयात इंद्राय सुन्वदृषये च शिक्षत् ॥
Samhita Transcription Accented
vṛkṣévṛkṣe níyatā mīmayadgáustáto váyaḥ prá patānpūruṣā́daḥ ǀ
áthedám víśvam bhúvanam bhayāta índrāya sunvádṛ́ṣaye ca śíkṣat ǁ
Samhita Transcription Nonaccented
vṛkṣevṛkṣe niyatā mīmayadgaustato vayaḥ pra patānpūruṣādaḥ ǀ
athedam viśvam bhuvanam bhayāta indrāya sunvadṛṣaye ca śikṣat ǁ
Padapatha Devanagari Accented
वृ॒क्षेऽवृ॑क्षे । निऽय॑ता । मी॒म॒य॒त् । गौः । ततः॑ । वयः॑ । प्र । प॒ता॒न् । पु॒रु॒ष॒ऽअदः॑ ।
अथ॑ । इ॒दम् । विश्व॑म् । भुव॑नम् । भ॒या॒ते॒ । इन्द्रा॑य । सु॒न्वत् । ऋष॑ये । च॒ । शिक्ष॑त् ॥
Padapatha Devanagari Nonaccented
वृक्षेऽवृक्षे । निऽयता । मीमयत् । गौः । ततः । वयः । प्र । पतान् । पुरुषऽअदः ।
अथ । इदम् । विश्वम् । भुवनम् । भयाते । इन्द्राय । सुन्वत् । ऋषये । च । शिक्षत् ॥
Padapatha Transcription Accented
vṛkṣé-vṛkṣe ǀ ní-yatā ǀ mīmayat ǀ gáuḥ ǀ tátaḥ ǀ váyaḥ ǀ prá ǀ patān ǀ puruṣa-ádaḥ ǀ
átha ǀ idám ǀ víśvam ǀ bhúvanam ǀ bhayāte ǀ índrāya ǀ sunvát ǀ ṛ́ṣaye ǀ ca ǀ śíkṣat ǁ
Padapatha Transcription Nonaccented
vṛkṣe-vṛkṣe ǀ ni-yatā ǀ mīmayat ǀ gauḥ ǀ tataḥ ǀ vayaḥ ǀ pra ǀ patān ǀ puruṣa-adaḥ ǀ
atha ǀ idam ǀ viśvam ǀ bhuvanam ǀ bhayāte ǀ indrāya ǀ sunvat ǀ ṛṣaye ǀ ca ǀ śikṣat ǁ
10.027.23 (Mandala. Sukta. Rik)
7.7.19.03 (Ashtaka. Adhyaya. Varga. Rik)
10.02.125 (Mandala. Anuvāka. Rik)
Samhita Devanagari Accented
दे॒वानां॒ माने॑ प्रथ॒मा अ॑तिष्ठन्कृं॒तत्रा॑देषा॒मुप॑रा॒ उदा॑यन् ।
त्रय॑स्तपंति पृथि॒वीम॑नू॒पा द्वा बृबू॑कं वहतः॒ पुरी॑षं ॥
Samhita Devanagari Nonaccented
देवानां माने प्रथमा अतिष्ठन्कृंतत्रादेषामुपरा उदायन् ।
त्रयस्तपंति पृथिवीमनूपा द्वा बृबूकं वहतः पुरीषं ॥
Samhita Transcription Accented
devā́nām mā́ne prathamā́ atiṣṭhankṛntátrādeṣāmúparā údāyan ǀ
tráyastapanti pṛthivī́manūpā́ dvā́ bṛ́būkam vahataḥ púrīṣam ǁ
Samhita Transcription Nonaccented
devānām māne prathamā atiṣṭhankṛntatrādeṣāmuparā udāyan ǀ
trayastapanti pṛthivīmanūpā dvā bṛbūkam vahataḥ purīṣam ǁ
Padapatha Devanagari Accented
दे॒वाना॑म् । माने॑ । प्र॒थ॒माः । अ॒ति॒ष्ठ॒न् । कृ॒न्तत्रा॑त् । ए॒षा॒म् । उप॑राः । उत् । आ॒य॒न् ।
त्रयः॑ । त॒प॒न्ति॒ । पृ॒थि॒वीम् । अ॒नू॒पाः । द्वा । बृबू॑कम् । व॒ह॒तः॒ । पुरी॑षम् ॥
Padapatha Devanagari Nonaccented
देवानाम् । माने । प्रथमाः । अतिष्ठन् । कृन्तत्रात् । एषाम् । उपराः । उत् । आयन् ।
त्रयः । तपन्ति । पृथिवीम् । अनूपाः । द्वा । बृबूकम् । वहतः । पुरीषम् ॥
Padapatha Transcription Accented
devā́nām ǀ mā́ne ǀ prathamā́ḥ ǀ atiṣṭhan ǀ kṛntátrāt ǀ eṣām ǀ úparāḥ ǀ út ǀ āyan ǀ
tráyaḥ ǀ tapanti ǀ pṛthivī́m ǀ anūpā́ḥ ǀ dvā́ ǀ bṛ́būkam ǀ vahataḥ ǀ púrīṣam ǁ
Padapatha Transcription Nonaccented
devānām ǀ māne ǀ prathamāḥ ǀ atiṣṭhan ǀ kṛntatrāt ǀ eṣām ǀ uparāḥ ǀ ut ǀ āyan ǀ
trayaḥ ǀ tapanti ǀ pṛthivīm ǀ anūpāḥ ǀ dvā ǀ bṛbūkam ǀ vahataḥ ǀ purīṣam ǁ
10.027.24 (Mandala. Sukta. Rik)
7.7.19.04 (Ashtaka. Adhyaya. Varga. Rik)
10.02.126 (Mandala. Anuvāka. Rik)
Samhita Devanagari Accented
सा ते॑ जी॒वातु॑रु॒त तस्य॑ विद्धि॒ मा स्मै॑ता॒दृगप॑ गूहः सम॒र्ये ।
आ॒विः स्वः॑ कृणु॒ते गूह॑ते बु॒सं स पा॒दुर॑स्य नि॒र्णिजो॒ न मु॑च्यते ॥
Samhita Devanagari Nonaccented
सा ते जीवातुरुत तस्य विद्धि मा स्मैतादृगप गूहः समर्ये ।
आविः स्वः कृणुते गूहते बुसं स पादुरस्य निर्णिजो न मुच्यते ॥
Samhita Transcription Accented
sā́ te jīvā́turutá tásya viddhi mā́ smaitādṛ́gápa gūhaḥ samaryé ǀ
āvíḥ sváḥ kṛṇuté gū́hate busám sá pādúrasya nirṇíjo ná mucyate ǁ
Samhita Transcription Nonaccented
sā te jīvāturuta tasya viddhi mā smaitādṛgapa gūhaḥ samarye ǀ
āviḥ svaḥ kṛṇute gūhate busam sa pādurasya nirṇijo na mucyate ǁ
Padapatha Devanagari Accented
सा । ते॒ । जी॒वातुः॑ । उ॒त । तस्य॑ । वि॒द्धि॒ । मा । स्म॒ । ए॒ता॒दृक् । अप॑ । गू॒हः॒ । स॒ऽम॒र्ये ।
आ॒विः । स्व१॒॑रिति॑ स्वः॑ । कृ॒णु॒ते । गूह॑ते । बु॒सम् । सः । पा॒दुः । अ॒स्य॒ । निः॒ऽनिजः॑ । न । मु॒च्य॒ते॒ ॥
Padapatha Devanagari Nonaccented
सा । ते । जीवातुः । उत । तस्य । विद्धि । मा । स्म । एतादृक् । अप । गूहः । सऽमर्ये ।
आविः । स्वरिति स्वः । कृणुते । गूहते । बुसम् । सः । पादुः । अस्य । निःऽनिजः । न । मुच्यते ॥
Padapatha Transcription Accented
sā́ ǀ te ǀ jīvā́tuḥ ǀ utá ǀ tásya ǀ viddhi ǀ mā́ ǀ sma ǀ etādṛ́k ǀ ápa ǀ gūhaḥ ǀ sa-maryé ǀ
āvíḥ ǀ sváríti sváḥ ǀ kṛṇuté ǀ gū́hate ǀ busám ǀ sáḥ ǀ pādúḥ ǀ asya ǀ niḥ-níjaḥ ǀ ná ǀ mucyate ǁ
Padapatha Transcription Nonaccented
sā ǀ te ǀ jīvātuḥ ǀ uta ǀ tasya ǀ viddhi ǀ mā ǀ sma ǀ etādṛk ǀ apa ǀ gūhaḥ ǀ sa-marye ǀ
āviḥ ǀ svariti svaḥ ǀ kṛṇute ǀ gūhate ǀ busam ǀ saḥ ǀ pāduḥ ǀ asya ǀ niḥ-nijaḥ ǀ na ǀ mucyate ǁ