|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 32
|
1. Info |
| To: | 1-5, 7-9: indra; 6: indra, agni |
|
| From: | kavaṣa ailūṣa | |
| Metres: | 1st set of styles: virāḍjagatī (1, 2); svarāḍārcītriṣṭup (5, 7); nicṛttriṣṭup (8, 9); nicṛjjagatī (3); pādanicṛjjgatī (4); triṣṭup (6) 2nd set of styles: jagatī (1-5); triṣṭubh (6-9) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.032.01 (Mandala. Sukta. Rik)
7.7.29.01 (Ashtaka. Adhyaya. Varga. Rik)
10.03.027 (Mandala. Anuvāka. Rik)
Samhita Devanagari Accented
प्र सु ग्मंता॑ धियसा॒नस्य॑ स॒क्षणि॑ व॒रेभि॑र्व॒राँ अ॒भि षु प्र॒सीद॑तः ।
अ॒स्माक॒मिंद्र॑ उ॒भयं॑ जुजोषति॒ यत्सो॒म्यस्यांध॑सो॒ बुबो॑धति ॥
Samhita Devanagari Nonaccented
प्र सु ग्मंता धियसानस्य सक्षणि वरेभिर्वराँ अभि षु प्रसीदतः ।
अस्माकमिंद्र उभयं जुजोषति यत्सोम्यस्यांधसो बुबोधति ॥
Samhita Transcription Accented
prá sú gmántā dhiyasānásya sakṣáṇi varébhirvarā́m̐ abhí ṣú prasī́dataḥ ǀ
asmā́kamíndra ubháyam jujoṣati yátsomyásyā́ndhaso búbodhati ǁ
Samhita Transcription Nonaccented
pra su gmantā dhiyasānasya sakṣaṇi varebhirvarām̐ abhi ṣu prasīdataḥ ǀ
asmākamindra ubhayam jujoṣati yatsomyasyāndhaso bubodhati ǁ
Padapatha Devanagari Accented
प्र । सु । ग्मन्ता॑ । धि॒य॒सा॒नस्य॑ । स॒क्षणि॑ । व॒रेभिः॑ । व॒रान् । अ॒भि । सु । प्र॒ऽसीद॑तः ।
अ॒स्माक॑म् । इन्द्रः॑ । उ॒भय॑म् । जु॒जो॒ष॒ति॒ । यत् । सो॒म्यस्य॑ । अन्ध॑सः । बुबो॑धति ॥
Padapatha Devanagari Nonaccented
प्र । सु । ग्मन्ता । धियसानस्य । सक्षणि । वरेभिः । वरान् । अभि । सु । प्रऽसीदतः ।
अस्माकम् । इन्द्रः । उभयम् । जुजोषति । यत् । सोम्यस्य । अन्धसः । बुबोधति ॥
Padapatha Transcription Accented
prá ǀ sú ǀ gmántā ǀ dhiyasānásya ǀ sakṣáṇi ǀ varébhiḥ ǀ varā́n ǀ abhí ǀ sú ǀ pra-sī́dataḥ ǀ
asmā́kam ǀ índraḥ ǀ ubháyam ǀ jujoṣati ǀ yát ǀ somyásya ǀ ándhasaḥ ǀ búbodhati ǁ
Padapatha Transcription Nonaccented
pra ǀ su ǀ gmantā ǀ dhiyasānasya ǀ sakṣaṇi ǀ varebhiḥ ǀ varān ǀ abhi ǀ su ǀ pra-sīdataḥ ǀ
asmākam ǀ indraḥ ǀ ubhayam ǀ jujoṣati ǀ yat ǀ somyasya ǀ andhasaḥ ǀ bubodhati ǁ
10.032.02 (Mandala. Sukta. Rik)
7.7.29.02 (Ashtaka. Adhyaya. Varga. Rik)
10.03.028 (Mandala. Anuvāka. Rik)
Samhita Devanagari Accented
वीं॑द्र यासि दि॒व्यानि॑ रोच॒ना वि पार्थि॑वानि॒ रज॑सा पुरुष्टुत ।
ये त्वा॒ वहं॑ति॒ मुहु॑रध्व॒राँ उप॒ ते सु व॑न्वंतु वग्व॒नाँ अ॑रा॒धसः॑ ॥
Samhita Devanagari Nonaccented
वींद्र यासि दिव्यानि रोचना वि पार्थिवानि रजसा पुरुष्टुत ।
ये त्वा वहंति मुहुरध्वराँ उप ते सु वन्वंतु वग्वनाँ अराधसः ॥
Samhita Transcription Accented
vī́ndra yāsi divyā́ni rocanā́ ví pā́rthivāni rájasā puruṣṭuta ǀ
yé tvā váhanti múhuradhvarā́m̐ úpa té sú vanvantu vagvanā́m̐ arādhásaḥ ǁ
Samhita Transcription Nonaccented
vīndra yāsi divyāni rocanā vi pārthivāni rajasā puruṣṭuta ǀ
ye tvā vahanti muhuradhvarām̐ upa te su vanvantu vagvanām̐ arādhasaḥ ǁ
Padapatha Devanagari Accented
वि । इ॒न्द्र॒ । या॒सि॒ । दि॒व्यानि॑ । रो॒च॒ना । वि । पार्थि॑वानि । रज॑सा । पु॒रु॒ऽस्तु॒त॒ ।
ये । त्वा॒ । वह॑न्ति । मुहुः॑ । अ॒ध्व॒रान् । उप॑ । ते । सु । व॒न्व॒न्तु॒ । व॒ग्व॒नान् । अ॒रा॒धसः॑ ॥
Padapatha Devanagari Nonaccented
वि । इन्द्र । यासि । दिव्यानि । रोचना । वि । पार्थिवानि । रजसा । पुरुऽस्तुत ।
ये । त्वा । वहन्ति । मुहुः । अध्वरान् । उप । ते । सु । वन्वन्तु । वग्वनान् । अराधसः ॥
Padapatha Transcription Accented
ví ǀ indra ǀ yāsi ǀ divyā́ni ǀ rocanā́ ǀ ví ǀ pā́rthivāni ǀ rájasā ǀ puru-stuta ǀ
yé ǀ tvā ǀ váhanti ǀ múhuḥ ǀ adhvarā́n ǀ úpa ǀ té ǀ sú ǀ vanvantu ǀ vagvanā́n ǀ arādhásaḥ ǁ
Padapatha Transcription Nonaccented
vi ǀ indra ǀ yāsi ǀ divyāni ǀ rocanā ǀ vi ǀ pārthivāni ǀ rajasā ǀ puru-stuta ǀ
ye ǀ tvā ǀ vahanti ǀ muhuḥ ǀ adhvarān ǀ upa ǀ te ǀ su ǀ vanvantu ǀ vagvanān ǀ arādhasaḥ ǁ
10.032.03 (Mandala. Sukta. Rik)
7.7.29.03 (Ashtaka. Adhyaya. Varga. Rik)
10.03.029 (Mandala. Anuvāka. Rik)
Samhita Devanagari Accented
तदिन्मे॑ छंत्स॒द्वपु॑षो॒ वपु॑ष्टरं पु॒त्रो यज्जानं॑ पि॒त्रोर॒धीय॑ति ।
जा॒या पतिं॑ वहति व॒ग्नुना॑ सु॒मत्पुं॒स इद्भ॒द्रो व॑ह॒तुः परि॑ष्कृतः ॥
Samhita Devanagari Nonaccented
तदिन्मे छंत्सद्वपुषो वपुष्टरं पुत्रो यज्जानं पित्रोरधीयति ।
जाया पतिं वहति वग्नुना सुमत्पुंस इद्भद्रो वहतुः परिष्कृतः ॥
Samhita Transcription Accented
tádínme chantsadvápuṣo vápuṣṭaram putró yájjā́nam pitróradhī́yati ǀ
jāyā́ pátim vahati vagnúnā sumátpuṃsá ídbhadró vahatúḥ páriṣkṛtaḥ ǁ
Samhita Transcription Nonaccented
tadinme chantsadvapuṣo vapuṣṭaram putro yajjānam pitroradhīyati ǀ
jāyā patim vahati vagnunā sumatpuṃsa idbhadro vahatuḥ pariṣkṛtaḥ ǁ
Padapatha Devanagari Accented
तत् । इत् । मे॒ । छ॒न्त्स॒त् । वपु॑षः । वपुः॑ऽतरम् । पु॒त्रः । यत् । जान॑म् । पि॒त्रोः । अ॒धि॒ऽइय॑ति ।
जा॒या । पति॑म् । व॒ह॒ति॒ । व॒ग्नुना॑ । सु॒ऽमत् । पुं॒सः । इत् । भ॒द्रः । व॒ह॒तुः । परि॑ऽकृतः ॥
Padapatha Devanagari Nonaccented
तत् । इत् । मे । छन्त्सत् । वपुषः । वपुःऽतरम् । पुत्रः । यत् । जानम् । पित्रोः । अधिऽइयति ।
जाया । पतिम् । वहति । वग्नुना । सुऽमत् । पुंसः । इत् । भद्रः । वहतुः । परिऽकृतः ॥
Padapatha Transcription Accented
tát ǀ ít ǀ me ǀ chantsat ǀ vápuṣaḥ ǀ vápuḥ-taram ǀ putráḥ ǀ yát ǀ jā́nam ǀ pitróḥ ǀ adhi-íyati ǀ
jāyā́ ǀ pátim ǀ vahati ǀ vagnúnā ǀ su-mát ǀ puṃsáḥ ǀ ít ǀ bhadráḥ ǀ vahatúḥ ǀ pári-kṛtaḥ ǁ
Padapatha Transcription Nonaccented
tat ǀ it ǀ me ǀ chantsat ǀ vapuṣaḥ ǀ vapuḥ-taram ǀ putraḥ ǀ yat ǀ jānam ǀ pitroḥ ǀ adhi-iyati ǀ
jāyā ǀ patim ǀ vahati ǀ vagnunā ǀ su-mat ǀ puṃsaḥ ǀ it ǀ bhadraḥ ǀ vahatuḥ ǀ pari-kṛtaḥ ǁ
10.032.04 (Mandala. Sukta. Rik)
7.7.29.04 (Ashtaka. Adhyaya. Varga. Rik)
10.03.030 (Mandala. Anuvāka. Rik)
Samhita Devanagari Accented
तदित्स॒धस्थ॑म॒भि चारु॑ दीधय॒ गावो॒ यच्छास॑न्वह॒तुं न धे॒नवः॑ ।
मा॒ता यन्मंतु॑र्यू॒थस्य॑ पू॒र्व्याभि वा॒णस्य॑ स॒प्तधा॑तु॒रिज्जनः॑ ॥
Samhita Devanagari Nonaccented
तदित्सधस्थमभि चारु दीधय गावो यच्छासन्वहतुं न धेनवः ।
माता यन्मंतुर्यूथस्य पूर्व्याभि वाणस्य सप्तधातुरिज्जनः ॥
Samhita Transcription Accented
tádítsadhásthamabhí cā́ru dīdhaya gā́vo yácchā́sanvahatúm ná dhenávaḥ ǀ
mātā́ yánmánturyūthásya pūrvyā́bhí vāṇásya saptádhāturíjjánaḥ ǁ
Samhita Transcription Nonaccented
taditsadhasthamabhi cāru dīdhaya gāvo yacchāsanvahatum na dhenavaḥ ǀ
mātā yanmanturyūthasya pūrvyābhi vāṇasya saptadhāturijjanaḥ ǁ
Padapatha Devanagari Accented
तत् । इत् । स॒धऽस्थ॑म् । अ॒भि । चारु॑ । दी॒ध॒य॒ । गावः॑ । यत् । शास॑न् । व॒ह॒तुम् । न । धे॒नवः॑ ।
मा॒ता । यत् । मन्तुः॑ । यू॒थस्य॑ । पू॒र्व्या । अ॒भि । वा॒णस्य॑ । स॒प्तऽधा॑तुः । इत् । जनः॑ ॥
Padapatha Devanagari Nonaccented
तत् । इत् । सधऽस्थम् । अभि । चारु । दीधय । गावः । यत् । शासन् । वहतुम् । न । धेनवः ।
माता । यत् । मन्तुः । यूथस्य । पूर्व्या । अभि । वाणस्य । सप्तऽधातुः । इत् । जनः ॥
Padapatha Transcription Accented
tát ǀ ít ǀ sadhá-stham ǀ abhí ǀ cā́ru ǀ dīdhaya ǀ gā́vaḥ ǀ yát ǀ śā́san ǀ vahatúm ǀ ná ǀ dhenávaḥ ǀ
mātā́ ǀ yát ǀ mántuḥ ǀ yūthásya ǀ pūrvyā́ ǀ abhí ǀ vāṇásya ǀ saptá-dhātuḥ ǀ ít ǀ jánaḥ ǁ
Padapatha Transcription Nonaccented
tat ǀ it ǀ sadha-stham ǀ abhi ǀ cāru ǀ dīdhaya ǀ gāvaḥ ǀ yat ǀ śāsan ǀ vahatum ǀ na ǀ dhenavaḥ ǀ
mātā ǀ yat ǀ mantuḥ ǀ yūthasya ǀ pūrvyā ǀ abhi ǀ vāṇasya ǀ sapta-dhātuḥ ǀ it ǀ janaḥ ǁ
10.032.05 (Mandala. Sukta. Rik)
7.7.29.05 (Ashtaka. Adhyaya. Varga. Rik)
10.03.031 (Mandala. Anuvāka. Rik)
Samhita Devanagari Accented
प्र वोऽच्छा॑ रिरिचे देव॒युष्प॒दमेको॑ रु॒द्रेभि॑र्याति तु॒र्वणिः॑ ।
ज॒रा वा॒ येष्व॒मृते॑षु दा॒वने॒ परि॑ व॒ ऊमे॑भ्यः सिंचता॒ मधु॑ ॥
Samhita Devanagari Nonaccented
प्र वोऽच्छा रिरिचे देवयुष्पदमेको रुद्रेभिर्याति तुर्वणिः ।
जरा वा येष्वमृतेषु दावने परि व ऊमेभ्यः सिंचता मधु ॥
Samhita Transcription Accented
prá vó’cchā ririce devayúṣpadáméko rudrébhiryāti turváṇiḥ ǀ
jarā́ vā yéṣvamṛ́teṣu dāváne pári va ū́mebhyaḥ siñcatā mádhu ǁ
Samhita Transcription Nonaccented
pra vo’cchā ririce devayuṣpadameko rudrebhiryāti turvaṇiḥ ǀ
jarā vā yeṣvamṛteṣu dāvane pari va ūmebhyaḥ siñcatā madhu ǁ
Padapatha Devanagari Accented
प्र । वः॒ । अच्छ॑ । रि॒रि॒चे॒ । दे॒व॒ऽयुः । प॒दम् । एकः॑ । रु॒द्रेभिः॑ । या॒ति॒ । तु॒र्वणिः॑ ।
ज॒रा । वा॒ । येषु॑ । अ॒मृते॑षु । दा॒वने॑ । परि॑ । वः॒ । ऊमे॑भ्यः । सि॒ञ्च॒त॒ । मधु॑ ॥
Padapatha Devanagari Nonaccented
प्र । वः । अच्छ । रिरिचे । देवऽयुः । पदम् । एकः । रुद्रेभिः । याति । तुर्वणिः ।
जरा । वा । येषु । अमृतेषु । दावने । परि । वः । ऊमेभ्यः । सिञ्चत । मधु ॥
Padapatha Transcription Accented
prá ǀ vaḥ ǀ áccha ǀ ririce ǀ deva-yúḥ ǀ padám ǀ ékaḥ ǀ rudrébhiḥ ǀ yāti ǀ turváṇiḥ ǀ
jarā́ ǀ vā ǀ yéṣu ǀ amṛ́teṣu ǀ dāváne ǀ pári ǀ vaḥ ǀ ū́mebhyaḥ ǀ siñcata ǀ mádhu ǁ
Padapatha Transcription Nonaccented
pra ǀ vaḥ ǀ accha ǀ ririce ǀ deva-yuḥ ǀ padam ǀ ekaḥ ǀ rudrebhiḥ ǀ yāti ǀ turvaṇiḥ ǀ
jarā ǀ vā ǀ yeṣu ǀ amṛteṣu ǀ dāvane ǀ pari ǀ vaḥ ǀ ūmebhyaḥ ǀ siñcata ǀ madhu ǁ
10.032.06 (Mandala. Sukta. Rik)
7.7.30.01 (Ashtaka. Adhyaya. Varga. Rik)
10.03.032 (Mandala. Anuvāka. Rik)
Samhita Devanagari Accented
नि॒धी॒यमा॑न॒मप॑गूळ्हम॒प्सु प्र मे॑ दे॒वानां॑ व्रत॒पा उ॑वाच ।
इंद्रो॑ वि॒द्वाँ अनु॒ हि त्वा॑ च॒चक्ष॒ तेना॒हम॑ग्ने॒ अनु॑शिष्ट॒ आगां॑ ॥
Samhita Devanagari Nonaccented
निधीयमानमपगूळ्हमप्सु प्र मे देवानां व्रतपा उवाच ।
इंद्रो विद्वाँ अनु हि त्वा चचक्ष तेनाहमग्ने अनुशिष्ट आगां ॥
Samhita Transcription Accented
nidhīyámānamápagūḷhamapsú prá me devā́nām vratapā́ uvāca ǀ
índro vidvā́m̐ ánu hí tvā cacákṣa ténāhámagne ánuśiṣṭa ā́gām ǁ
Samhita Transcription Nonaccented
nidhīyamānamapagūḷhamapsu pra me devānām vratapā uvāca ǀ
indro vidvām̐ anu hi tvā cacakṣa tenāhamagne anuśiṣṭa āgām ǁ
Padapatha Devanagari Accented
नि॒ऽधी॒यमा॑नम् । अप॑ऽगूळ्हम् । अ॒प्ऽसु । प्र । मे॒ । दे॒वाना॑म् । व्र॒त॒ऽपाः । उ॒वा॒च॒ ।
इन्द्रः॑ । वि॒द्वान् । अनु॑ । हि । त्वा॒ । च॒चक्ष॑ । तेन॑ । अ॒हम् । अ॒ग्ने॒ । अनु॑ऽशिष्टः । आ । अ॒गा॒म् ॥
Padapatha Devanagari Nonaccented
निऽधीयमानम् । अपऽगूळ्हम् । अप्ऽसु । प्र । मे । देवानाम् । व्रतऽपाः । उवाच ।
इन्द्रः । विद्वान् । अनु । हि । त्वा । चचक्ष । तेन । अहम् । अग्ने । अनुऽशिष्टः । आ । अगाम् ॥
Padapatha Transcription Accented
ni-dhīyámānam ǀ ápa-gūḷham ǀ ap-sú ǀ prá ǀ me ǀ devā́nām ǀ vrata-pā́ḥ ǀ uvāca ǀ
índraḥ ǀ vidvā́n ǀ ánu ǀ hí ǀ tvā ǀ cacákṣa ǀ téna ǀ ahám ǀ agne ǀ ánu-śiṣṭaḥ ǀ ā́ ǀ agām ǁ
Padapatha Transcription Nonaccented
ni-dhīyamānam ǀ apa-gūḷham ǀ ap-su ǀ pra ǀ me ǀ devānām ǀ vrata-pāḥ ǀ uvāca ǀ
indraḥ ǀ vidvān ǀ anu ǀ hi ǀ tvā ǀ cacakṣa ǀ tena ǀ aham ǀ agne ǀ anu-śiṣṭaḥ ǀ ā ǀ agām ǁ
10.032.07 (Mandala. Sukta. Rik)
7.7.30.02 (Ashtaka. Adhyaya. Varga. Rik)
10.03.033 (Mandala. Anuvāka. Rik)
Samhita Devanagari Accented
अक्षे॑त्रवित्क्षेत्र॒विदं॒ ह्यप्रा॒ट् स प्रैति॑ क्षेत्र॒विदानु॑शिष्टः ।
ए॒तद्वै भ॒द्रम॑नु॒शास॑नस्यो॒त स्रु॒तिं विं॑दत्यंज॒सीनां॑ ॥
Samhita Devanagari Nonaccented
अक्षेत्रवित्क्षेत्रविदं ह्यप्राट् स प्रैति क्षेत्रविदानुशिष्टः ।
एतद्वै भद्रमनुशासनस्योत स्रुतिं विंदत्यंजसीनां ॥
Samhita Transcription Accented
ákṣetravitkṣetravídam hyáprāṭ sá práiti kṣetravídā́nuśiṣṭaḥ ǀ
etádvái bhadrámanuśā́sanasyotá srutím vindatyañjasī́nām ǁ
Samhita Transcription Nonaccented
akṣetravitkṣetravidam hyaprāṭ sa praiti kṣetravidānuśiṣṭaḥ ǀ
etadvai bhadramanuśāsanasyota srutim vindatyañjasīnām ǁ
Padapatha Devanagari Accented
अक्षे॑त्रऽवित् । क्षे॒त्र॒ऽविद॑म् । हि । अप्रा॑ट् । सः । प्र । ए॒ति॒ । क्षे॒त्र॒ऽविदा॑ । अनु॑ऽशिष्टः ।
ए॒तत् । वै । भ॒द्रम् । अ॒नु॒ऽशास॑नस्य । उ॒त । स्रु॒तिम् । वि॒न्द॒ति॒ । अ॒ञ्ज॒सीना॑म् ॥
Padapatha Devanagari Nonaccented
अक्षेत्रऽवित् । क्षेत्रऽविदम् । हि । अप्राट् । सः । प्र । एति । क्षेत्रऽविदा । अनुऽशिष्टः ।
एतत् । वै । भद्रम् । अनुऽशासनस्य । उत । स्रुतिम् । विन्दति । अञ्जसीनाम् ॥
Padapatha Transcription Accented
ákṣetra-vit ǀ kṣetra-vídam ǀ hí ǀ áprāṭ ǀ sáḥ ǀ prá ǀ eti ǀ kṣetra-vídā ǀ ánu-śiṣṭaḥ ǀ
etát ǀ vái ǀ bhadrám ǀ anu-śā́sanasya ǀ utá ǀ srutím ǀ vindati ǀ añjasī́nām ǁ
Padapatha Transcription Nonaccented
akṣetra-vit ǀ kṣetra-vidam ǀ hi ǀ aprāṭ ǀ saḥ ǀ pra ǀ eti ǀ kṣetra-vidā ǀ anu-śiṣṭaḥ ǀ
etat ǀ vai ǀ bhadram ǀ anu-śāsanasya ǀ uta ǀ srutim ǀ vindati ǀ añjasīnām ǁ
10.032.08 (Mandala. Sukta. Rik)
7.7.30.03 (Ashtaka. Adhyaya. Varga. Rik)
10.03.034 (Mandala. Anuvāka. Rik)
Samhita Devanagari Accented
अ॒द्येदु॒ प्राणी॒दम॑मन्नि॒माहापी॑वृतो अधयन्मा॒तुरूधः॑ ।
एमे॑नमाप जरि॒मा युवा॑न॒महे॑ळ॒न्वसुः॑ सु॒मना॑ बभूव ॥
Samhita Devanagari Nonaccented
अद्येदु प्राणीदममन्निमाहापीवृतो अधयन्मातुरूधः ।
एमेनमाप जरिमा युवानमहेळन्वसुः सुमना बभूव ॥
Samhita Transcription Accented
adyédu prā́ṇīdámamannimā́hā́pīvṛto adhayanmātúrū́dhaḥ ǀ
émenamāpa jarimā́ yúvānamáheḷanvásuḥ sumánā babhūva ǁ
Samhita Transcription Nonaccented
adyedu prāṇīdamamannimāhāpīvṛto adhayanmāturūdhaḥ ǀ
emenamāpa jarimā yuvānamaheḷanvasuḥ sumanā babhūva ǁ
Padapatha Devanagari Accented
अ॒द्य । इत् । ऊं॒ इति॑ । प्र । आ॒नी॒त् । अम॑मन् । इ॒मा । अहा॑ । अपि॑ऽवृतः । अ॒ध॒य॒त् । मा॒तुः । ऊधः॑ ।
आ । ई॒म् । ए॒न॒म् । आ॒प॒ । ज॒रि॒मा । युवा॑नम् । अहे॑ळन् । वसुः॑ । सु॒ऽमनाः॑ । ब॒भू॒व॒ ॥
Padapatha Devanagari Nonaccented
अद्य । इत् । ऊं इति । प्र । आनीत् । अममन् । इमा । अहा । अपिऽवृतः । अधयत् । मातुः । ऊधः ।
आ । ईम् । एनम् । आप । जरिमा । युवानम् । अहेळन् । वसुः । सुऽमनाः । बभूव ॥
Padapatha Transcription Accented
adyá ǀ ít ǀ ūṃ íti ǀ prá ǀ ānīt ǀ ámaman ǀ imā́ ǀ áhā ǀ ápi-vṛtaḥ ǀ adhayat ǀ mātúḥ ǀ ū́dhaḥ ǀ
ā́ ǀ īm ǀ enam ǀ āpa ǀ jarimā́ ǀ yúvānam ǀ áheḷan ǀ vásuḥ ǀ su-mánāḥ ǀ babhūva ǁ
Padapatha Transcription Nonaccented
adya ǀ it ǀ ūṃ iti ǀ pra ǀ ānīt ǀ amaman ǀ imā ǀ ahā ǀ api-vṛtaḥ ǀ adhayat ǀ mātuḥ ǀ ūdhaḥ ǀ
ā ǀ īm ǀ enam ǀ āpa ǀ jarimā ǀ yuvānam ǀ aheḷan ǀ vasuḥ ǀ su-manāḥ ǀ babhūva ǁ
10.032.09 (Mandala. Sukta. Rik)
7.7.30.04 (Ashtaka. Adhyaya. Varga. Rik)
10.03.035 (Mandala. Anuvāka. Rik)
Samhita Devanagari Accented
ए॒तानि॑ भ॒द्रा क॑लश क्रियाम॒ कुरु॑श्रवण॒ दद॑तो म॒घानि॑ ।
दा॒न इद्वो॑ मघवानः॒ सो अ॑स्त्व॒यं च॒ सोमो॑ हृ॒दि यं बिभ॑र्मि ॥
Samhita Devanagari Nonaccented
एतानि भद्रा कलश क्रियाम कुरुश्रवण ददतो मघानि ।
दान इद्वो मघवानः सो अस्त्वयं च सोमो हृदि यं बिभर्मि ॥
Samhita Transcription Accented
etā́ni bhadrā́ kalaśa kriyāma kúruśravaṇa dádato maghā́ni ǀ
dāná ídvo maghavānaḥ só astvayám ca sómo hṛdí yám bíbharmi ǁ
Samhita Transcription Nonaccented
etāni bhadrā kalaśa kriyāma kuruśravaṇa dadato maghāni ǀ
dāna idvo maghavānaḥ so astvayam ca somo hṛdi yam bibharmi ǁ
Padapatha Devanagari Accented
ए॒तानि॑ । भ॒द्रा । क॒ल॒श॒ । क्रि॒या॒म॒ । कुरु॑ऽश्रवण । दद॑तः । म॒घानि॑ ।
दा॒नः । इत् । वः॒ । म॒घ॒ऽवा॒नः॒ । सः । अ॒स्तु॒ । अ॒यम् । च॒ । सोमः॑ । हृ॒दि । यम् । बिभ॑र्मि ॥
Padapatha Devanagari Nonaccented
एतानि । भद्रा । कलश । क्रियाम । कुरुऽश्रवण । ददतः । मघानि ।
दानः । इत् । वः । मघऽवानः । सः । अस्तु । अयम् । च । सोमः । हृदि । यम् । बिभर्मि ॥
Padapatha Transcription Accented
etā́ni ǀ bhadrā́ ǀ kalaśa ǀ kriyāma ǀ kúru-śravaṇa ǀ dádataḥ ǀ maghā́ni ǀ
dānáḥ ǀ ít ǀ vaḥ ǀ magha-vānaḥ ǀ sáḥ ǀ astu ǀ ayám ǀ ca ǀ sómaḥ ǀ hṛdí ǀ yám ǀ bíbharmi ǁ
Padapatha Transcription Nonaccented
etāni ǀ bhadrā ǀ kalaśa ǀ kriyāma ǀ kuru-śravaṇa ǀ dadataḥ ǀ maghāni ǀ
dānaḥ ǀ it ǀ vaḥ ǀ magha-vānaḥ ǀ saḥ ǀ astu ǀ ayam ǀ ca ǀ somaḥ ǀ hṛdi ǀ yam ǀ bibharmi ǁ