|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 33
|
1. Info |
| To: | 1, 2, 4-9: viśvedevās; 3: indra |
|
| From: | kavaṣa ailūṣa | |
| Metres: | 1st set of styles: gāyatrī (4-7, 9); triṣṭup (1); nicṛdbṛhatī (2); bhurigbṛhatī (3); gāyatrī (pādanicṛdgāyatrī) (8) 2nd set of styles: gāyatrī (4-9); triṣṭubh (1); bṛhatī (2); satobṛhatī (3) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.033.01 (Mandala. Sukta. Rik)
7.8.01.01 (Ashtaka. Adhyaya. Varga. Rik)
10.03.036 (Mandala. Anuvāka. Rik)
Samhita Devanagari Accented
प्र मा॑ युयुज्रे प्र॒युजो॒ जना॑नां॒ वहा॑मि स्म पू॒षण॒मंत॑रेण ।
विश्वे॑ दे॒वासो॒ अध॒ माम॑रक्षंदुः॒शासु॒रागा॒दिति॒ घोष॑ आसीत् ॥
Samhita Devanagari Nonaccented
प्र मा युयुज्रे प्रयुजो जनानां वहामि स्म पूषणमंतरेण ।
विश्वे देवासो अध मामरक्षंदुःशासुरागादिति घोष आसीत् ॥
Samhita Transcription Accented
prá mā yuyujre prayújo jánānām váhāmi sma pūṣáṇamántareṇa ǀ
víśve devā́so ádha mā́marakṣanduḥśā́surā́gādíti ghóṣa āsīt ǁ
Samhita Transcription Nonaccented
pra mā yuyujre prayujo janānām vahāmi sma pūṣaṇamantareṇa ǀ
viśve devāso adha māmarakṣanduḥśāsurāgāditi ghoṣa āsīt ǁ
Padapatha Devanagari Accented
प्र । मा॒ । यु॒यु॒ज्रे॒ । प्र॒ऽयुजः॑ । जना॑नाम् । वहा॑मि । स्म॒ । पू॒षण॑म् । अन्त॑रेण ।
विश्वे॑ । दे॒वासः॑ । अध॑ । माम् । अ॒र॒क्ष॒न् । दुः॒ऽशासुः॑ । आ । अ॒गा॒त् । इति॑ । घोषः॑ । आ॒सी॒त् ॥
Padapatha Devanagari Nonaccented
प्र । मा । युयुज्रे । प्रऽयुजः । जनानाम् । वहामि । स्म । पूषणम् । अन्तरेण ।
विश्वे । देवासः । अध । माम् । अरक्षन् । दुःऽशासुः । आ । अगात् । इति । घोषः । आसीत् ॥
Padapatha Transcription Accented
prá ǀ mā ǀ yuyujre ǀ pra-yújaḥ ǀ jánānām ǀ váhāmi ǀ sma ǀ pūṣáṇam ǀ ántareṇa ǀ
víśve ǀ devā́saḥ ǀ ádha ǀ mā́m ǀ arakṣan ǀ duḥ-śā́suḥ ǀ ā́ ǀ agāt ǀ íti ǀ ghóṣaḥ ǀ āsīt ǁ
Padapatha Transcription Nonaccented
pra ǀ mā ǀ yuyujre ǀ pra-yujaḥ ǀ janānām ǀ vahāmi ǀ sma ǀ pūṣaṇam ǀ antareṇa ǀ
viśve ǀ devāsaḥ ǀ adha ǀ mām ǀ arakṣan ǀ duḥ-śāsuḥ ǀ ā ǀ agāt ǀ iti ǀ ghoṣaḥ ǀ āsīt ǁ
10.033.02 (Mandala. Sukta. Rik)
7.8.01.02 (Ashtaka. Adhyaya. Varga. Rik)
10.03.037 (Mandala. Anuvāka. Rik)
Samhita Devanagari Accented
सं मा॑ तपंत्य॒भितः॑ स॒पत्नी॑रिव॒ पर्श॑वः ।
नि बा॑धते॒ अम॑तिर्न॒ग्नता॒ जसु॒र्वेर्न वे॑वीयते म॒तिः ॥
Samhita Devanagari Nonaccented
सं मा तपंत्यभितः सपत्नीरिव पर्शवः ।
नि बाधते अमतिर्नग्नता जसुर्वेर्न वेवीयते मतिः ॥
Samhita Transcription Accented
sám mā tapantyabhítaḥ sapátnīriva párśavaḥ ǀ
ní bādhate ámatirnagnátā jásurvérná vevīyate matíḥ ǁ
Samhita Transcription Nonaccented
sam mā tapantyabhitaḥ sapatnīriva parśavaḥ ǀ
ni bādhate amatirnagnatā jasurverna vevīyate matiḥ ǁ
Padapatha Devanagari Accented
सम् । मा॒ । त॒प॒न्ति॒ । अ॒भितः॑ । स॒पत्नीः॑ऽइव । पर्श॑वः ।
नि । बा॒ध॒ते॒ । अम॑तिः । न॒ग्नता॑ । जसुः॑ । वेः । न । वे॒वी॒य॒ते॒ । म॒तिः ॥
Padapatha Devanagari Nonaccented
सम् । मा । तपन्ति । अभितः । सपत्नीःऽइव । पर्शवः ।
नि । बाधते । अमतिः । नग्नता । जसुः । वेः । न । वेवीयते । मतिः ॥
Padapatha Transcription Accented
sám ǀ mā ǀ tapanti ǀ abhítaḥ ǀ sapátnīḥ-iva ǀ párśavaḥ ǀ
ní ǀ bādhate ǀ ámatiḥ ǀ nagnátā ǀ jásuḥ ǀ véḥ ǀ ná ǀ vevīyate ǀ matíḥ ǁ
Padapatha Transcription Nonaccented
sam ǀ mā ǀ tapanti ǀ abhitaḥ ǀ sapatnīḥ-iva ǀ parśavaḥ ǀ
ni ǀ bādhate ǀ amatiḥ ǀ nagnatā ǀ jasuḥ ǀ veḥ ǀ na ǀ vevīyate ǀ matiḥ ǁ
10.033.03 (Mandala. Sukta. Rik)
7.8.01.03 (Ashtaka. Adhyaya. Varga. Rik)
10.03.038 (Mandala. Anuvāka. Rik)
Samhita Devanagari Accented
मूषो॒ न शि॒श्ना व्य॑दंति मा॒ध्यः॑ स्तो॒तारं॑ ते शतक्रतो ।
स॒कृत्सु नो॑ मघवन्निंद्र मृळ॒याधा॑ पि॒तेव॑ नो भव ॥
Samhita Devanagari Nonaccented
मूषो न शिश्ना व्यदंति माध्यः स्तोतारं ते शतक्रतो ।
सकृत्सु नो मघवन्निंद्र मृळयाधा पितेव नो भव ॥
Samhita Transcription Accented
mū́ṣo ná śiśnā́ vyádanti mādhyáḥ stotā́ram te śatakrato ǀ
sakṛ́tsú no maghavannindra mṛḷayā́dhā pitéva no bhava ǁ
Samhita Transcription Nonaccented
mūṣo na śiśnā vyadanti mādhyaḥ stotāram te śatakrato ǀ
sakṛtsu no maghavannindra mṛḷayādhā piteva no bhava ǁ
Padapatha Devanagari Accented
मूषः॑ । न । शि॒श्ना । वि । अ॒द॒न्ति॒ । मा॒ । आ॒ऽध्यः॑ । स्तो॒तार॑म् । ते॒ । श॒त॒क्र॒तो॒ इति॑ शतऽक्रतो ।
स॒कृत् । सु । नः॒ । म॒घ॒ऽव॒न् । इ॒न्द्र॒ । मृ॒ळ॒य॒ । अध॑ । पि॒ताऽइ॑व । नः॒ । भ॒व॒ ॥
Padapatha Devanagari Nonaccented
मूषः । न । शिश्ना । वि । अदन्ति । मा । आऽध्यः । स्तोतारम् । ते । शतक्रतो इति शतऽक्रतो ।
सकृत् । सु । नः । मघऽवन् । इन्द्र । मृळय । अध । पिताऽइव । नः । भव ॥
Padapatha Transcription Accented
mū́ṣaḥ ǀ ná ǀ śiśnā́ ǀ ví ǀ adanti ǀ mā ǀ ā-dhyáḥ ǀ stotā́ram ǀ te ǀ śatakrato íti śata-krato ǀ
sakṛ́t ǀ sú ǀ naḥ ǀ magha-van ǀ indra ǀ mṛḷaya ǀ ádha ǀ pitā́-iva ǀ naḥ ǀ bhava ǁ
Padapatha Transcription Nonaccented
mūṣaḥ ǀ na ǀ śiśnā ǀ vi ǀ adanti ǀ mā ǀ ā-dhyaḥ ǀ stotāram ǀ te ǀ śatakrato iti śata-krato ǀ
sakṛt ǀ su ǀ naḥ ǀ magha-van ǀ indra ǀ mṛḷaya ǀ adha ǀ pitā-iva ǀ naḥ ǀ bhava ǁ
10.033.04 (Mandala. Sukta. Rik)
7.8.01.04 (Ashtaka. Adhyaya. Varga. Rik)
10.03.039 (Mandala. Anuvāka. Rik)
Samhita Devanagari Accented
कु॒रु॒श्रव॑णमावृणि॒ राजा॑नं॒ त्रास॑दस्यवं ।
मंहि॑ष्ठं वा॒घता॒मृषिः॑ ॥
Samhita Devanagari Nonaccented
कुरुश्रवणमावृणि राजानं त्रासदस्यवं ।
मंहिष्ठं वाघतामृषिः ॥
Samhita Transcription Accented
kuruśrávaṇamāvṛṇi rā́jānam trā́sadasyavam ǀ
máṃhiṣṭham vāghátāmṛ́ṣiḥ ǁ
Samhita Transcription Nonaccented
kuruśravaṇamāvṛṇi rājānam trāsadasyavam ǀ
maṃhiṣṭham vāghatāmṛṣiḥ ǁ
Padapatha Devanagari Accented
कु॒रु॒ऽश्रव॑णम् । अ॒वृ॒णि॒ । राजा॑नम् । त्रास॑दस्यवम् ।
मंहि॑ष्ठम् । वा॒घता॑म् । ऋषिः॑ ॥
Padapatha Devanagari Nonaccented
कुरुऽश्रवणम् । अवृणि । राजानम् । त्रासदस्यवम् ।
मंहिष्ठम् । वाघताम् । ऋषिः ॥
Padapatha Transcription Accented
kuru-śrávaṇam ǀ avṛṇi ǀ rā́jānam ǀ trā́sadasyavam ǀ
máṃhiṣṭham ǀ vāghátām ǀ ṛ́ṣiḥ ǁ
Padapatha Transcription Nonaccented
kuru-śravaṇam ǀ avṛṇi ǀ rājānam ǀ trāsadasyavam ǀ
maṃhiṣṭham ǀ vāghatām ǀ ṛṣiḥ ǁ
10.033.05 (Mandala. Sukta. Rik)
7.8.01.05 (Ashtaka. Adhyaya. Varga. Rik)
10.03.040 (Mandala. Anuvāka. Rik)
Samhita Devanagari Accented
यस्य॑ मा ह॒रितो॒ रथे॑ ति॒स्रो वहं॑ति साधु॒या ।
स्तवै॑ स॒हस्र॑दक्षिणे ॥
Samhita Devanagari Nonaccented
यस्य मा हरितो रथे तिस्रो वहंति साधुया ।
स्तवै सहस्रदक्षिणे ॥
Samhita Transcription Accented
yásya mā haríto ráthe tisró váhanti sādhuyā́ ǀ
stávai sahásradakṣiṇe ǁ
Samhita Transcription Nonaccented
yasya mā harito rathe tisro vahanti sādhuyā ǀ
stavai sahasradakṣiṇe ǁ
Padapatha Devanagari Accented
यस्य॑ । मा॒ । ह॒रितः॑ । रथे॑ । ति॒स्रः । वह॑न्ति । सा॒धु॒ऽया ।
स्तवै॑ । स॒हस्र॑ऽदक्षिणे ॥
Padapatha Devanagari Nonaccented
यस्य । मा । हरितः । रथे । तिस्रः । वहन्ति । साधुऽया ।
स्तवै । सहस्रऽदक्षिणे ॥
Padapatha Transcription Accented
yásya ǀ mā ǀ harítaḥ ǀ ráthe ǀ tisráḥ ǀ váhanti ǀ sādhu-yā́ ǀ
stávai ǀ sahásra-dakṣiṇe ǁ
Padapatha Transcription Nonaccented
yasya ǀ mā ǀ haritaḥ ǀ rathe ǀ tisraḥ ǀ vahanti ǀ sādhu-yā ǀ
stavai ǀ sahasra-dakṣiṇe ǁ
10.033.06 (Mandala. Sukta. Rik)
7.8.02.01 (Ashtaka. Adhyaya. Varga. Rik)
10.03.041 (Mandala. Anuvāka. Rik)
Samhita Devanagari Accented
यस्य॒ प्रस्वा॑दसो॒ गिर॑ उप॒मश्र॑वसः पि॒तुः ।
क्षेत्रं॒ न र॒ण्वमू॒चुषे॑ ॥
Samhita Devanagari Nonaccented
यस्य प्रस्वादसो गिर उपमश्रवसः पितुः ।
क्षेत्रं न रण्वमूचुषे ॥
Samhita Transcription Accented
yásya prásvādaso gíra upamáśravasaḥ pitúḥ ǀ
kṣétram ná raṇvámūcúṣe ǁ
Samhita Transcription Nonaccented
yasya prasvādaso gira upamaśravasaḥ pituḥ ǀ
kṣetram na raṇvamūcuṣe ǁ
Padapatha Devanagari Accented
यस्य॑ । प्रऽस्वा॑दसः । गिरः॑ । उ॒प॒मऽश्र॑वसः । पि॒तुः ।
क्षेत्र॑म् । न । र॒ण्वम् । ऊ॒चुषे॑ ॥
Padapatha Devanagari Nonaccented
यस्य । प्रऽस्वादसः । गिरः । उपमऽश्रवसः । पितुः ।
क्षेत्रम् । न । रण्वम् । ऊचुषे ॥
Padapatha Transcription Accented
yásya ǀ prá-svādasaḥ ǀ gíraḥ ǀ upamá-śravasaḥ ǀ pitúḥ ǀ
kṣétram ǀ ná ǀ raṇvám ǀ ūcúṣe ǁ
Padapatha Transcription Nonaccented
yasya ǀ pra-svādasaḥ ǀ giraḥ ǀ upama-śravasaḥ ǀ pituḥ ǀ
kṣetram ǀ na ǀ raṇvam ǀ ūcuṣe ǁ
10.033.07 (Mandala. Sukta. Rik)
7.8.02.02 (Ashtaka. Adhyaya. Varga. Rik)
10.03.042 (Mandala. Anuvāka. Rik)
Samhita Devanagari Accented
अधि॑ पुत्रोपमश्रवो॒ नपा॑न्मित्रातिथेरिहि ।
पि॒तुष्टे॑ अस्मि वंदि॒ता ॥
Samhita Devanagari Nonaccented
अधि पुत्रोपमश्रवो नपान्मित्रातिथेरिहि ।
पितुष्टे अस्मि वंदिता ॥
Samhita Transcription Accented
ádhi putropamaśravo nápānmitrātitherihi ǀ
pitúṣṭe asmi vanditā́ ǁ
Samhita Transcription Nonaccented
adhi putropamaśravo napānmitrātitherihi ǀ
pituṣṭe asmi vanditā ǁ
Padapatha Devanagari Accented
अधि॑ । पु॒त्र॒ । उ॒प॒म॒ऽश्र॒वः॒ । नपा॑त् । मि॒त्र॒ऽअ॒ति॒थेः॒ । इ॒हि॒ ।
पि॒तुः । ते॒ । अ॒स्मि॒ । व॒न्दि॒ता ॥
Padapatha Devanagari Nonaccented
अधि । पुत्र । उपमऽश्रवः । नपात् । मित्रऽअतिथेः । इहि ।
पितुः । ते । अस्मि । वन्दिता ॥
Padapatha Transcription Accented
ádhi ǀ putra ǀ upama-śravaḥ ǀ nápāt ǀ mitra-atitheḥ ǀ ihi ǀ
pitúḥ ǀ te ǀ asmi ǀ vanditā́ ǁ
Padapatha Transcription Nonaccented
adhi ǀ putra ǀ upama-śravaḥ ǀ napāt ǀ mitra-atitheḥ ǀ ihi ǀ
pituḥ ǀ te ǀ asmi ǀ vanditā ǁ
10.033.08 (Mandala. Sukta. Rik)
7.8.02.03 (Ashtaka. Adhyaya. Varga. Rik)
10.03.043 (Mandala. Anuvāka. Rik)
Samhita Devanagari Accented
यदीशी॑या॒मृता॑नामु॒त वा॒ मर्त्या॑नां ।
जीवे॒दिन्म॒घवा॒ मम॑ ॥
Samhita Devanagari Nonaccented
यदीशीयामृतानामुत वा मर्त्यानां ।
जीवेदिन्मघवा मम ॥
Samhita Transcription Accented
yádī́śīyāmṛ́tānāmutá vā mártyānām ǀ
jī́vedínmaghávā máma ǁ
Samhita Transcription Nonaccented
yadīśīyāmṛtānāmuta vā martyānām ǀ
jīvedinmaghavā mama ǁ
Padapatha Devanagari Accented
यत् । ईशी॑य । अ॒मृता॑नाम् । उ॒त । वा॒ । मर्त्या॑नाम् ।
जीवे॑त् । इत् । म॒घऽवा॑ । मम॑ ॥
Padapatha Devanagari Nonaccented
यत् । ईशीय । अमृतानाम् । उत । वा । मर्त्यानाम् ।
जीवेत् । इत् । मघऽवा । मम ॥
Padapatha Transcription Accented
yát ǀ ī́śīya ǀ amṛ́tānām ǀ utá ǀ vā ǀ mártyānām ǀ
jī́vet ǀ ít ǀ maghá-vā ǀ máma ǁ
Padapatha Transcription Nonaccented
yat ǀ īśīya ǀ amṛtānām ǀ uta ǀ vā ǀ martyānām ǀ
jīvet ǀ it ǀ magha-vā ǀ mama ǁ
10.033.09 (Mandala. Sukta. Rik)
7.8.02.04 (Ashtaka. Adhyaya. Varga. Rik)
10.03.044 (Mandala. Anuvāka. Rik)
Samhita Devanagari Accented
न दे॒वाना॒मति॑ व्र॒तं श॒तात्मा॑ च॒न जी॑वति ।
तथा॑ यु॒जा वि वा॑वृते ॥
Samhita Devanagari Nonaccented
न देवानामति व्रतं शतात्मा चन जीवति ।
तथा युजा वि वावृते ॥
Samhita Transcription Accented
ná devā́nāmáti vratám śatā́tmā caná jīvati ǀ
táthā yujā́ ví vāvṛte ǁ
Samhita Transcription Nonaccented
na devānāmati vratam śatātmā cana jīvati ǀ
tathā yujā vi vāvṛte ǁ
Padapatha Devanagari Accented
न । दे॒वाना॑म् । अति॑ । व्र॒तम् । श॒तऽआ॑त्मा । च॒न । जी॒व॒ति॒ ।
तथा॑ । यु॒जा । वि । व॒वृ॒ते॒ ॥
Padapatha Devanagari Nonaccented
न । देवानाम् । अति । व्रतम् । शतऽआत्मा । चन । जीवति ।
तथा । युजा । वि । ववृते ॥
Padapatha Transcription Accented
ná ǀ devā́nām ǀ áti ǀ vratám ǀ śatá-ātmā ǀ caná ǀ jīvati ǀ
táthā ǀ yujā́ ǀ ví ǀ vavṛte ǁ
Padapatha Transcription Nonaccented
na ǀ devānām ǀ ati ǀ vratam ǀ śata-ātmā ǀ cana ǀ jīvati ǀ
tathā ǀ yujā ǀ vi ǀ vavṛte ǁ