|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 34
|
1. Info |
| To: | 1, 7, 9, 12, 13: akṣakṛṣipraśaṃsā; 2-6, 8, 10, 11, 14: akṣakitavanindā |
|
| From: | kavaṣa ailūṣa or akṣa maujavat | |
| Metres: | 1st set of styles: triṣṭup (1, 2, 8, 12, 13); nicṛttriṣṭup (3, 6, 11, 14); virāṭtrisṭup (4, 5, 9, 10); jagatī (7) 2nd set of styles: triṣṭubh (1-6, 8-14); jagatī (7) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.034.01 (Mandala. Sukta. Rik)
7.8.03.01 (Ashtaka. Adhyaya. Varga. Rik)
10.03.045 (Mandala. Anuvāka. Rik)
Samhita Devanagari Accented
प्रा॒वे॒पा मा॑ बृह॒तो मा॑दयंति प्रवाते॒जा इरि॑णे॒ वर्वृ॑तानाः ।
सोम॑स्येव मौजव॒तस्य॑ भ॒क्षो वि॒भीद॑को॒ जागृ॑वि॒र्मह्य॑मच्छान् ॥
Samhita Devanagari Nonaccented
प्रावेपा मा बृहतो मादयंति प्रवातेजा इरिणे वर्वृतानाः ।
सोमस्येव मौजवतस्य भक्षो विभीदको जागृविर्मह्यमच्छान् ॥
Samhita Transcription Accented
prāvepā́ mā bṛható mādayanti pravātejā́ íriṇe várvṛtānāḥ ǀ
sómasyeva maujavatásya bhakṣó vibhī́dako jā́gṛvirmáhyamacchān ǁ
Samhita Transcription Nonaccented
prāvepā mā bṛhato mādayanti pravātejā iriṇe varvṛtānāḥ ǀ
somasyeva maujavatasya bhakṣo vibhīdako jāgṛvirmahyamacchān ǁ
Padapatha Devanagari Accented
प्रा॒वे॒पाः । मा॒ । बृ॒ह॒तः । मा॒द॒य॒न्ति॒ । प्र॒वा॒ते॒ऽजाः । इरि॑णे । वर्वृ॑तानाः ।
सोम॑स्यऽइव । मौ॒ज॒ऽव॒तस्य॑ । भ॒क्षः । वि॒ऽभीद॑कः । जागृ॑विः । मह्य॑म् । अ॒च्छा॒न् ॥
Padapatha Devanagari Nonaccented
प्रावेपाः । मा । बृहतः । मादयन्ति । प्रवातेऽजाः । इरिणे । वर्वृतानाः ।
सोमस्यऽइव । मौजऽवतस्य । भक्षः । विऽभीदकः । जागृविः । मह्यम् । अच्छान् ॥
Padapatha Transcription Accented
prāvepā́ḥ ǀ mā ǀ bṛhatáḥ ǀ mādayanti ǀ pravāte-jā́ḥ ǀ íriṇe ǀ várvṛtānāḥ ǀ
sómasya-iva ǀ mauja-vatásya ǀ bhakṣáḥ ǀ vi-bhī́dakaḥ ǀ jā́gṛviḥ ǀ máhyam ǀ acchān ǁ
Padapatha Transcription Nonaccented
prāvepāḥ ǀ mā ǀ bṛhataḥ ǀ mādayanti ǀ pravāte-jāḥ ǀ iriṇe ǀ varvṛtānāḥ ǀ
somasya-iva ǀ mauja-vatasya ǀ bhakṣaḥ ǀ vi-bhīdakaḥ ǀ jāgṛviḥ ǀ mahyam ǀ acchān ǁ
10.034.02 (Mandala. Sukta. Rik)
7.8.03.02 (Ashtaka. Adhyaya. Varga. Rik)
10.03.046 (Mandala. Anuvāka. Rik)
Samhita Devanagari Accented
न मा॑ मिमेथ॒ न जि॑हीळ ए॒षा शि॒वा सखि॑भ्य उ॒त मह्य॑मासीत् ।
अ॒क्षस्या॒हमे॑कप॒रस्य॑ हे॒तोरनु॑व्रता॒मप॑ जा॒याम॑रोधं ॥
Samhita Devanagari Nonaccented
न मा मिमेथ न जिहीळ एषा शिवा सखिभ्य उत मह्यमासीत् ।
अक्षस्याहमेकपरस्य हेतोरनुव्रतामप जायामरोधं ॥
Samhita Transcription Accented
ná mā mimetha ná jihīḷa eṣā́ śivā́ sákhibhya utá máhyamāsīt ǀ
akṣásyāhámekaparásya hetóránuvratāmápa jāyā́marodham ǁ
Samhita Transcription Nonaccented
na mā mimetha na jihīḷa eṣā śivā sakhibhya uta mahyamāsīt ǀ
akṣasyāhamekaparasya hetoranuvratāmapa jāyāmarodham ǁ
Padapatha Devanagari Accented
न । मा॒ । मि॒मे॒थ॒ । न । जि॒ही॒ळे॒ । ए॒षा । शि॒वा । सखि॑ऽभ्यः । उ॒त । मह्य॑म् । आ॒सी॒त् ।
अ॒क्षस्य॑ । अ॒हम् । ए॒क॒ऽप॒रस्य॑ । हे॒तोः । अनु॑ऽव्रताम् । अप॑ । जा॒याम् । अ॒रो॒ध॒म् ॥
Padapatha Devanagari Nonaccented
न । मा । मिमेथ । न । जिहीळे । एषा । शिवा । सखिऽभ्यः । उत । मह्यम् । आसीत् ।
अक्षस्य । अहम् । एकऽपरस्य । हेतोः । अनुऽव्रताम् । अप । जायाम् । अरोधम् ॥
Padapatha Transcription Accented
ná ǀ mā ǀ mimetha ǀ ná ǀ jihīḷe ǀ eṣā́ ǀ śivā́ ǀ sákhi-bhyaḥ ǀ utá ǀ máhyam ǀ āsīt ǀ
akṣásya ǀ ahám ǀ eka-parásya ǀ hetóḥ ǀ ánu-vratām ǀ ápa ǀ jāyā́m ǀ arodham ǁ
Padapatha Transcription Nonaccented
na ǀ mā ǀ mimetha ǀ na ǀ jihīḷe ǀ eṣā ǀ śivā ǀ sakhi-bhyaḥ ǀ uta ǀ mahyam ǀ āsīt ǀ
akṣasya ǀ aham ǀ eka-parasya ǀ hetoḥ ǀ anu-vratām ǀ apa ǀ jāyām ǀ arodham ǁ
10.034.03 (Mandala. Sukta. Rik)
7.8.03.03 (Ashtaka. Adhyaya. Varga. Rik)
10.03.047 (Mandala. Anuvāka. Rik)
Samhita Devanagari Accented
द्वेष्टि॑ श्व॒श्रूरप॑ जा॒या रु॑णद्धि॒ न ना॑थि॒तो विं॑दते मर्डि॒तारं॑ ।
अश्व॑स्येव॒ जर॑तो॒ वस्न्य॑स्य॒ नाहं विं॑दामि कित॒वस्य॒ भोगं॑ ॥
Samhita Devanagari Nonaccented
द्वेष्टि श्वश्रूरप जाया रुणद्धि न नाथितो विंदते मर्डितारं ।
अश्वस्येव जरतो वस्न्यस्य नाहं विंदामि कितवस्य भोगं ॥
Samhita Transcription Accented
dvéṣṭi śvaśrū́rápa jāyā́ ruṇaddhi ná nāthitó vindate marḍitā́ram ǀ
áśvasyeva járato vásnyasya nā́hám vindāmi kitavásya bhógam ǁ
Samhita Transcription Nonaccented
dveṣṭi śvaśrūrapa jāyā ruṇaddhi na nāthito vindate marḍitāram ǀ
aśvasyeva jarato vasnyasya nāham vindāmi kitavasya bhogam ǁ
Padapatha Devanagari Accented
द्वेष्टि॑ । श्व॒श्रूः । अप॑ । जा॒या । रु॒ण॒द्धि॒ । न । ना॒थि॒तः । वि॒न्द॒ते॒ । म॒र्डि॒तार॑म् ।
अश्व॑स्यऽइव । जर॑तः । वस्न्य॑स्य । न । अ॒हम् । वि॒न्दा॒मि॒ । कि॒त॒वस्य॑ । भोग॑म् ॥
Padapatha Devanagari Nonaccented
द्वेष्टि । श्वश्रूः । अप । जाया । रुणद्धि । न । नाथितः । विन्दते । मर्डितारम् ।
अश्वस्यऽइव । जरतः । वस्न्यस्य । न । अहम् । विन्दामि । कितवस्य । भोगम् ॥
Padapatha Transcription Accented
dvéṣṭi ǀ śvaśrū́ḥ ǀ ápa ǀ jāyā́ ǀ ruṇaddhi ǀ ná ǀ nāthitáḥ ǀ vindate ǀ marḍitā́ram ǀ
áśvasya-iva ǀ járataḥ ǀ vásnyasya ǀ ná ǀ ahám ǀ vindāmi ǀ kitavásya ǀ bhógam ǁ
Padapatha Transcription Nonaccented
dveṣṭi ǀ śvaśrūḥ ǀ apa ǀ jāyā ǀ ruṇaddhi ǀ na ǀ nāthitaḥ ǀ vindate ǀ marḍitāram ǀ
aśvasya-iva ǀ jarataḥ ǀ vasnyasya ǀ na ǀ aham ǀ vindāmi ǀ kitavasya ǀ bhogam ǁ
10.034.04 (Mandala. Sukta. Rik)
7.8.03.04 (Ashtaka. Adhyaya. Varga. Rik)
10.03.048 (Mandala. Anuvāka. Rik)
Samhita Devanagari Accented
अ॒न्ये जा॒यां परि॑ मृशंत्यस्य॒ यस्यागृ॑ध॒द्वेद॑ने वा॒ज्य१॒॑क्षः ।
पि॒ता मा॒ता भ्रात॑र एनमाहु॒र्न जा॑नीमो॒ नय॑ता ब॒द्धमे॒तं ॥
Samhita Devanagari Nonaccented
अन्ये जायां परि मृशंत्यस्य यस्यागृधद्वेदने वाज्यक्षः ।
पिता माता भ्रातर एनमाहुर्न जानीमो नयता बद्धमेतं ॥
Samhita Transcription Accented
anyé jāyā́m pári mṛśantyasya yásyā́gṛdhadvédane vājyákṣáḥ ǀ
pitā́ mātā́ bhrā́tara enamāhurná jānīmo náyatā baddhámetám ǁ
Samhita Transcription Nonaccented
anye jāyām pari mṛśantyasya yasyāgṛdhadvedane vājyakṣaḥ ǀ
pitā mātā bhrātara enamāhurna jānīmo nayatā baddhametam ǁ
Padapatha Devanagari Accented
अ॒न्ये । जा॒याम् । परि॑ । मृ॒श॒न्ति॒ । अ॒स्य॒ । यस्य॑ । अगृ॑धत् । वेद॑ने । वा॒जी । अ॒क्षः ।
पि॒ता । मा॒ता । भ्रात॑रः । ए॒न॒म् । आ॒हुः॒ । न । जा॒नी॒मः॒ । नय॑त । ब॒द्धम् । ए॒तम् ॥
Padapatha Devanagari Nonaccented
अन्ये । जायाम् । परि । मृशन्ति । अस्य । यस्य । अगृधत् । वेदने । वाजी । अक्षः ।
पिता । माता । भ्रातरः । एनम् । आहुः । न । जानीमः । नयत । बद्धम् । एतम् ॥
Padapatha Transcription Accented
anyé ǀ jāyā́m ǀ pári ǀ mṛśanti ǀ asya ǀ yásya ǀ ágṛdhat ǀ védane ǀ vājī́ ǀ akṣáḥ ǀ
pitā́ ǀ mātā́ ǀ bhrā́taraḥ ǀ enam ǀ āhuḥ ǀ ná ǀ jānīmaḥ ǀ náyata ǀ baddhám ǀ etám ǁ
Padapatha Transcription Nonaccented
anye ǀ jāyām ǀ pari ǀ mṛśanti ǀ asya ǀ yasya ǀ agṛdhat ǀ vedane ǀ vājī ǀ akṣaḥ ǀ
pitā ǀ mātā ǀ bhrātaraḥ ǀ enam ǀ āhuḥ ǀ na ǀ jānīmaḥ ǀ nayata ǀ baddham ǀ etam ǁ
10.034.05 (Mandala. Sukta. Rik)
7.8.03.05 (Ashtaka. Adhyaya. Varga. Rik)
10.03.049 (Mandala. Anuvāka. Rik)
Samhita Devanagari Accented
यदा॒दीध्ये॒ न द॑विषाण्येभिः परा॒यद्भ्योऽव॑ हीये॒ सखि॑भ्यः ।
न्यु॑प्ताश्च ब॒भ्रवो॒ वाच॒मक्र॑तँ॒ एमीदे॑षां निष्कृ॒तं जा॒रिणी॑व ॥
Samhita Devanagari Nonaccented
यदादीध्ये न दविषाण्येभिः परायद्भ्योऽव हीये सखिभ्यः ।
न्युप्ताश्च बभ्रवो वाचमक्रतँ एमीदेषां निष्कृतं जारिणीव ॥
Samhita Transcription Accented
yádādī́dhye ná daviṣāṇyebhiḥ parāyádbhyó’va hīye sákhibhyaḥ ǀ
nyúptāśca babhrávo vā́camákratam̐ émī́deṣām niṣkṛtám jāríṇīva ǁ
Samhita Transcription Nonaccented
yadādīdhye na daviṣāṇyebhiḥ parāyadbhyo’va hīye sakhibhyaḥ ǀ
nyuptāśca babhravo vācamakratam̐ emīdeṣām niṣkṛtam jāriṇīva ǁ
Padapatha Devanagari Accented
यत् । आ॒ऽदीध्ये॑ । न । द॒वि॒षा॒णि॒ । ए॒भिः॒ । प॒रा॒यत्ऽभ्यः॑ । अव॑ । ही॒ये॒ । सखि॑ऽभ्यः ।
निऽउ॑प्ताः । च॒ । ब॒भ्रवः॑ । वाच॑म् । अक्र॑त । एमि॑ । इत् । ए॒षा॒म् । निः॒ऽकृ॒तम् । जा॒रिणी॑ऽइव ॥
Padapatha Devanagari Nonaccented
यत् । आऽदीध्ये । न । दविषाणि । एभिः । परायत्ऽभ्यः । अव । हीये । सखिऽभ्यः ।
निऽउप्ताः । च । बभ्रवः । वाचम् । अक्रत । एमि । इत् । एषाम् । निःऽकृतम् । जारिणीऽइव ॥
Padapatha Transcription Accented
yát ǀ ā-dī́dhye ǀ ná ǀ daviṣāṇi ǀ ebhiḥ ǀ parāyát-bhyaḥ ǀ áva ǀ hīye ǀ sákhi-bhyaḥ ǀ
ní-uptāḥ ǀ ca ǀ babhrávaḥ ǀ vā́cam ǀ ákrata ǀ émi ǀ ít ǀ eṣām ǀ niḥ-kṛtám ǀ jāríṇī-iva ǁ
Padapatha Transcription Nonaccented
yat ǀ ā-dīdhye ǀ na ǀ daviṣāṇi ǀ ebhiḥ ǀ parāyat-bhyaḥ ǀ ava ǀ hīye ǀ sakhi-bhyaḥ ǀ
ni-uptāḥ ǀ ca ǀ babhravaḥ ǀ vācam ǀ akrata ǀ emi ǀ it ǀ eṣām ǀ niḥ-kṛtam ǀ jāriṇī-iva ǁ
10.034.06 (Mandala. Sukta. Rik)
7.8.04.01 (Ashtaka. Adhyaya. Varga. Rik)
10.03.050 (Mandala. Anuvāka. Rik)
Samhita Devanagari Accented
स॒भामे॑ति कित॒वः पृ॒च्छमा॑नो जे॒ष्यामीति॑ त॒न्वा॒३॒॑ शूशु॑जानः ।
अ॒क्षासो॑ अस्य॒ वि ति॑रंति॒ कामं॑ प्रति॒दीव्ने॒ दध॑त॒ आ कृ॒तानि॑ ॥
Samhita Devanagari Nonaccented
सभामेति कितवः पृच्छमानो जेष्यामीति तन्वा शूशुजानः ।
अक्षासो अस्य वि तिरंति कामं प्रतिदीव्ने दधत आ कृतानि ॥
Samhita Transcription Accented
sabhā́meti kitaváḥ pṛcchámāno jeṣyā́mī́ti tanvā́ śū́śujānaḥ ǀ
akṣā́so asya ví tiranti kā́mam pratidī́vne dádhata ā́ kṛtā́ni ǁ
Samhita Transcription Nonaccented
sabhāmeti kitavaḥ pṛcchamāno jeṣyāmīti tanvā śūśujānaḥ ǀ
akṣāso asya vi tiranti kāmam pratidīvne dadhata ā kṛtāni ǁ
Padapatha Devanagari Accented
स॒भाम् । ए॒ति॒ । कि॒त॒वः । पृ॒च्छमा॑नः । जे॒ष्यामि॑ । इति॑ । त॒न्वा॑ । शूशु॑जानः ।
अ॒क्षासः॑ । अ॒स्य॒ । वि । ति॒र॒न्ति॒ । काम॑म् । प्र॒ति॒ऽदीव्ने॑ । दध॑तः । आ । कृ॒तानि॑ ॥
Padapatha Devanagari Nonaccented
सभाम् । एति । कितवः । पृच्छमानः । जेष्यामि । इति । तन्वा । शूशुजानः ।
अक्षासः । अस्य । वि । तिरन्ति । कामम् । प्रतिऽदीव्ने । दधतः । आ । कृतानि ॥
Padapatha Transcription Accented
sabhā́m ǀ eti ǀ kitaváḥ ǀ pṛcchámānaḥ ǀ jeṣyā́mi ǀ íti ǀ tanvā́ ǀ śū́śujānaḥ ǀ
akṣā́saḥ ǀ asya ǀ ví ǀ tiranti ǀ kā́mam ǀ prati-dī́vne ǀ dádhataḥ ǀ ā́ ǀ kṛtā́ni ǁ
Padapatha Transcription Nonaccented
sabhām ǀ eti ǀ kitavaḥ ǀ pṛcchamānaḥ ǀ jeṣyāmi ǀ iti ǀ tanvā ǀ śūśujānaḥ ǀ
akṣāsaḥ ǀ asya ǀ vi ǀ tiranti ǀ kāmam ǀ prati-dīvne ǀ dadhataḥ ǀ ā ǀ kṛtāni ǁ
10.034.07 (Mandala. Sukta. Rik)
7.8.04.02 (Ashtaka. Adhyaya. Varga. Rik)
10.03.051 (Mandala. Anuvāka. Rik)
Samhita Devanagari Accented
अ॒क्षास॒ इदं॑कु॒शिनो॑ नितो॒दिनो॑ नि॒कृत्वा॑न॒स्तप॑नास्तापयि॒ष्णवः॑ ।
कु॒मा॒रदे॑ष्णा॒ जय॑तः पुन॒र्हणो॒ मध्वा॒ संपृ॑क्ताः कित॒वस्य॑ ब॒र्हणा॑ ॥
Samhita Devanagari Nonaccented
अक्षास इदंकुशिनो नितोदिनो निकृत्वानस्तपनास्तापयिष्णवः ।
कुमारदेष्णा जयतः पुनर्हणो मध्वा संपृक्ताः कितवस्य बर्हणा ॥
Samhita Transcription Accented
akṣā́sa ídaṅkuśíno nitodíno nikṛ́tvānastápanāstāpayiṣṇávaḥ ǀ
kumārádeṣṇā jáyataḥ punarháṇo mádhvā sámpṛktāḥ kitavásya barháṇā ǁ
Samhita Transcription Nonaccented
akṣāsa idaṅkuśino nitodino nikṛtvānastapanāstāpayiṣṇavaḥ ǀ
kumāradeṣṇā jayataḥ punarhaṇo madhvā sampṛktāḥ kitavasya barhaṇā ǁ
Padapatha Devanagari Accented
अ॒क्षासः॑ । इत् । अ॒ङ्कु॒शिनः॑ । नि॒ऽतो॒दिनः॑ । नि॒ऽकृत्वा॑नः । तप॑नाः । ता॒प॒यि॒ष्णवः॑ ।
कु॒मा॒रऽदे॑ष्णाः । जय॑तः । पु॒नः॒ऽहनः॑ । मध्वा॑ । सम्ऽपृ॑क्ताः । कि॒त॒वस्य॑ । ब॒र्हणा॑ ॥
Padapatha Devanagari Nonaccented
अक्षासः । इत् । अङ्कुशिनः । निऽतोदिनः । निऽकृत्वानः । तपनाः । तापयिष्णवः ।
कुमारऽदेष्णाः । जयतः । पुनःऽहनः । मध्वा । सम्ऽपृक्ताः । कितवस्य । बर्हणा ॥
Padapatha Transcription Accented
akṣā́saḥ ǀ ít ǀ aṅkuśínaḥ ǀ ni-todínaḥ ǀ ni-kṛ́tvānaḥ ǀ tápanāḥ ǀ tāpayiṣṇávaḥ ǀ
kumārá-deṣṇāḥ ǀ jáyataḥ ǀ punaḥ-hánaḥ ǀ mádhvā ǀ sám-pṛktāḥ ǀ kitavásya ǀ barháṇā ǁ
Padapatha Transcription Nonaccented
akṣāsaḥ ǀ it ǀ aṅkuśinaḥ ǀ ni-todinaḥ ǀ ni-kṛtvānaḥ ǀ tapanāḥ ǀ tāpayiṣṇavaḥ ǀ
kumāra-deṣṇāḥ ǀ jayataḥ ǀ punaḥ-hanaḥ ǀ madhvā ǀ sam-pṛktāḥ ǀ kitavasya ǀ barhaṇā ǁ
10.034.08 (Mandala. Sukta. Rik)
7.8.04.03 (Ashtaka. Adhyaya. Varga. Rik)
10.03.052 (Mandala. Anuvāka. Rik)
Samhita Devanagari Accented
त्रि॒पं॒चा॒शः क्री॑ळति॒ व्रात॑ एषां दे॒व इ॑व सवि॒ता स॒त्यध॑र्मा ।
उ॒ग्रस्य॑ चिन्म॒न्यवे॒ ना न॑मंते॒ राजा॑ चिदेभ्यो॒ नम॒ इत्कृ॑णोति ॥
Samhita Devanagari Nonaccented
त्रिपंचाशः क्रीळति व्रात एषां देव इव सविता सत्यधर्मा ।
उग्रस्य चिन्मन्यवे ना नमंते राजा चिदेभ्यो नम इत्कृणोति ॥
Samhita Transcription Accented
tripañcāśáḥ krīḷati vrā́ta eṣām devá iva savitā́ satyádharmā ǀ
ugrásya cinmanyáve nā́ namante rā́jā cidebhyo náma ítkṛṇoti ǁ
Samhita Transcription Nonaccented
tripañcāśaḥ krīḷati vrāta eṣām deva iva savitā satyadharmā ǀ
ugrasya cinmanyave nā namante rājā cidebhyo nama itkṛṇoti ǁ
Padapatha Devanagari Accented
त्रि॒ऽप॒ञ्चा॒शः । क्री॒ळ॒ति॒ । व्रातः॑ । ए॒षा॒म् । दे॒वःऽइ॑व । स॒वि॒ता । स॒त्यऽध॑र्मा ।
उ॒ग्रस्य॑ । चि॒त् । म॒न्यवे॑ । न । न॒म॒न्ते॒ । राजा॑ । चि॒त् । ए॒भ्यः॒ । नमः॑ । इत् । कृ॒णो॒ति॒ ॥
Padapatha Devanagari Nonaccented
त्रिऽपञ्चाशः । क्रीळति । व्रातः । एषाम् । देवःऽइव । सविता । सत्यऽधर्मा ।
उग्रस्य । चित् । मन्यवे । न । नमन्ते । राजा । चित् । एभ्यः । नमः । इत् । कृणोति ॥
Padapatha Transcription Accented
tri-pañcāśáḥ ǀ krīḷati ǀ vrā́taḥ ǀ eṣām ǀ deváḥ-iva ǀ savitā́ ǀ satyá-dharmā ǀ
ugrásya ǀ cit ǀ manyáve ǀ ná ǀ namante ǀ rā́jā ǀ cit ǀ ebhyaḥ ǀ námaḥ ǀ ít ǀ kṛṇoti ǁ
Padapatha Transcription Nonaccented
tri-pañcāśaḥ ǀ krīḷati ǀ vrātaḥ ǀ eṣām ǀ devaḥ-iva ǀ savitā ǀ satya-dharmā ǀ
ugrasya ǀ cit ǀ manyave ǀ na ǀ namante ǀ rājā ǀ cit ǀ ebhyaḥ ǀ namaḥ ǀ it ǀ kṛṇoti ǁ
10.034.09 (Mandala. Sukta. Rik)
7.8.04.04 (Ashtaka. Adhyaya. Varga. Rik)
10.03.053 (Mandala. Anuvāka. Rik)
Samhita Devanagari Accented
नी॒चा व॑र्तंत उ॒परि॑ स्फुरंत्यह॒स्तासो॒ हस्त॑वंतं सहंते ।
दि॒व्या अंगा॑रा॒ इरि॑णे॒ न्यु॑प्ताः शी॒ताः संतो॒ हृद॑यं॒ निर्द॑हंति ॥
Samhita Devanagari Nonaccented
नीचा वर्तंत उपरि स्फुरंत्यहस्तासो हस्तवंतं सहंते ।
दिव्या अंगारा इरिणे न्युप्ताः शीताः संतो हृदयं निर्दहंति ॥
Samhita Transcription Accented
nīcā́ vartanta upári sphurantyahastā́so hástavantam sahante ǀ
divyā́ áṅgārā íriṇe nyúptāḥ śītā́ḥ sánto hṛ́dayam nírdahanti ǁ
Samhita Transcription Nonaccented
nīcā vartanta upari sphurantyahastāso hastavantam sahante ǀ
divyā aṅgārā iriṇe nyuptāḥ śītāḥ santo hṛdayam nirdahanti ǁ
Padapatha Devanagari Accented
नी॒चा । व॒र्त॒न्ते॒ । उ॒परि॑ । स्फु॒र॒न्ति॒ । अ॒ह॒स्तासः॑ । हस्त॑ऽवन्तम् । स॒ह॒न्ते॒ ।
दि॒व्याः । अङ्गा॑राः । इरि॑णे । निऽउ॑प्ताः । शी॒ताः । सन्तः॑ । हृद॑यम् । निः । द॒ह॒न्ति॒ ॥
Padapatha Devanagari Nonaccented
नीचा । वर्तन्ते । उपरि । स्फुरन्ति । अहस्तासः । हस्तऽवन्तम् । सहन्ते ।
दिव्याः । अङ्गाराः । इरिणे । निऽउप्ताः । शीताः । सन्तः । हृदयम् । निः । दहन्ति ॥
Padapatha Transcription Accented
nīcā́ ǀ vartante ǀ upári ǀ sphuranti ǀ ahastā́saḥ ǀ hásta-vantam ǀ sahante ǀ
divyā́ḥ ǀ áṅgārāḥ ǀ íriṇe ǀ ní-uptāḥ ǀ śītā́ḥ ǀ sántaḥ ǀ hṛ́dayam ǀ níḥ ǀ dahanti ǁ
Padapatha Transcription Nonaccented
nīcā ǀ vartante ǀ upari ǀ sphuranti ǀ ahastāsaḥ ǀ hasta-vantam ǀ sahante ǀ
divyāḥ ǀ aṅgārāḥ ǀ iriṇe ǀ ni-uptāḥ ǀ śītāḥ ǀ santaḥ ǀ hṛdayam ǀ niḥ ǀ dahanti ǁ
10.034.10 (Mandala. Sukta. Rik)
7.8.04.05 (Ashtaka. Adhyaya. Varga. Rik)
10.03.054 (Mandala. Anuvāka. Rik)
Samhita Devanagari Accented
जा॒या त॑प्यते कित॒वस्य॑ ही॒ना मा॒ता पु॒त्रस्य॒ चर॑तः॒ क्व॑ स्वित् ।
ऋ॒णा॒वा बिभ्य॒द्धन॑मि॒च्छमा॑नो॒ऽन्येषा॒मस्त॒मुप॒ नक्त॑मेति ॥
Samhita Devanagari Nonaccented
जाया तप्यते कितवस्य हीना माता पुत्रस्य चरतः क्व स्वित् ।
ऋणावा बिभ्यद्धनमिच्छमानोऽन्येषामस्तमुप नक्तमेति ॥
Samhita Transcription Accented
jāyā́ tapyate kitavásya hīnā́ mātā́ putrásya cárataḥ kvá svit ǀ
ṛṇāvā́ bíbhyaddhánamicchámāno’nyéṣāmástamúpa náktameti ǁ
Samhita Transcription Nonaccented
jāyā tapyate kitavasya hīnā mātā putrasya carataḥ kva svit ǀ
ṛṇāvā bibhyaddhanamicchamāno’nyeṣāmastamupa naktameti ǁ
Padapatha Devanagari Accented
जा॒या । त॒प्य॒ते॒ । कि॒त॒वस्य॑ । ही॒ना । मा॒ता । पु॒त्रस्य॑ । चर॑तः । क्व॑ । स्वि॒त् ।
ऋ॒ण॒ऽवा । बिभ्य॑त् । धन॑म् । इ॒च्छमा॑नः । अ॒न्येषा॑म् । अस्त॑म् । उप॑ । नक्त॑म् । ए॒ति॒ ॥
Padapatha Devanagari Nonaccented
जाया । तप्यते । कितवस्य । हीना । माता । पुत्रस्य । चरतः । क्व । स्वित् ।
ऋणऽवा । बिभ्यत् । धनम् । इच्छमानः । अन्येषाम् । अस्तम् । उप । नक्तम् । एति ॥
Padapatha Transcription Accented
jāyā́ ǀ tapyate ǀ kitavásya ǀ hīnā́ ǀ mātā́ ǀ putrásya ǀ cárataḥ ǀ kvá ǀ svit ǀ
ṛṇa-vā́ ǀ bíbhyat ǀ dhánam ǀ icchámānaḥ ǀ anyéṣām ǀ ástam ǀ úpa ǀ náktam ǀ eti ǁ
Padapatha Transcription Nonaccented
jāyā ǀ tapyate ǀ kitavasya ǀ hīnā ǀ mātā ǀ putrasya ǀ carataḥ ǀ kva ǀ svit ǀ
ṛṇa-vā ǀ bibhyat ǀ dhanam ǀ icchamānaḥ ǀ anyeṣām ǀ astam ǀ upa ǀ naktam ǀ eti ǁ
10.034.11 (Mandala. Sukta. Rik)
7.8.05.01 (Ashtaka. Adhyaya. Varga. Rik)
10.03.055 (Mandala. Anuvāka. Rik)
Samhita Devanagari Accented
स्त्रियं॑ दृ॒ष्ट्वाय॑ कित॒वं त॑तापा॒न्येषां॑ जा॒यां सुकृ॑तं च॒ योनिं॑ ।
पू॒र्वा॒ह्णे अश्वा॑न्युयु॒जे हि ब॒भ्रून्त्सो अ॒ग्नेरंते॑ वृष॒लः प॑पाद ॥
Samhita Devanagari Nonaccented
स्त्रियं दृष्ट्वाय कितवं ततापान्येषां जायां सुकृतं च योनिं ।
पूर्वाह्णे अश्वान्युयुजे हि बभ्रून्त्सो अग्नेरंते वृषलः पपाद ॥
Samhita Transcription Accented
stríyam dṛṣṭvā́ya kitavám tatāpānyéṣām jāyā́m súkṛtam ca yónim ǀ
pūrvāhṇé áśvānyuyujé hí babhrū́ntsó agnéránte vṛṣaláḥ papāda ǁ
Samhita Transcription Nonaccented
striyam dṛṣṭvāya kitavam tatāpānyeṣām jāyām sukṛtam ca yonim ǀ
pūrvāhṇe aśvānyuyuje hi babhrūntso agnerante vṛṣalaḥ papāda ǁ
Padapatha Devanagari Accented
स्त्रिय॑म् । दृ॒ष्ट्वाय॑ । कि॒त॒वम् । त॒ता॒प॒ । अ॒न्येषा॑म् । जा॒याम् । सुऽकृ॑तम् । च॒ । योनि॑म् ।
पू॒र्वा॒ह्णे । अश्वा॑न् । यु॒यु॒जे । हि । ब॒भ्रून् । सः । अ॒ग्नेः । अन्ते॑ । वृ॒ष॒लः । प॒पा॒द॒ ॥
Padapatha Devanagari Nonaccented
स्त्रियम् । दृष्ट्वाय । कितवम् । तताप । अन्येषाम् । जायाम् । सुऽकृतम् । च । योनिम् ।
पूर्वाह्णे । अश्वान् । युयुजे । हि । बभ्रून् । सः । अग्नेः । अन्ते । वृषलः । पपाद ॥
Padapatha Transcription Accented
stríyam ǀ dṛṣṭvā́ya ǀ kitavám ǀ tatāpa ǀ anyéṣām ǀ jāyā́m ǀ sú-kṛtam ǀ ca ǀ yónim ǀ
pūrvāhṇé ǀ áśvān ǀ yuyujé ǀ hí ǀ babhrū́n ǀ sáḥ ǀ agnéḥ ǀ ánte ǀ vṛṣaláḥ ǀ papāda ǁ
Padapatha Transcription Nonaccented
striyam ǀ dṛṣṭvāya ǀ kitavam ǀ tatāpa ǀ anyeṣām ǀ jāyām ǀ su-kṛtam ǀ ca ǀ yonim ǀ
pūrvāhṇe ǀ aśvān ǀ yuyuje ǀ hi ǀ babhrūn ǀ saḥ ǀ agneḥ ǀ ante ǀ vṛṣalaḥ ǀ papāda ǁ
10.034.12 (Mandala. Sukta. Rik)
7.8.05.02 (Ashtaka. Adhyaya. Varga. Rik)
10.03.056 (Mandala. Anuvāka. Rik)
Samhita Devanagari Accented
यो वः॑ सेना॒नीर्म॑ह॒तो ग॒णस्य॒ राजा॒ व्रात॑स्य प्रथ॒मो ब॒भूव॑ ।
तस्मै॑ कृणोमि॒ न धना॑ रुणध्मि॒ दशा॒हं प्राची॒स्तदृ॒तं व॑दामि ॥
Samhita Devanagari Nonaccented
यो वः सेनानीर्महतो गणस्य राजा व्रातस्य प्रथमो बभूव ।
तस्मै कृणोमि न धना रुणध्मि दशाहं प्राचीस्तदृतं वदामि ॥
Samhita Transcription Accented
yó vaḥ senānī́rmaható gaṇásya rā́jā vrā́tasya prathamó babhū́va ǀ
tásmai kṛṇomi ná dhánā ruṇadhmi dáśāhám prā́cīstádṛtám vadāmi ǁ
Samhita Transcription Nonaccented
yo vaḥ senānīrmahato gaṇasya rājā vrātasya prathamo babhūva ǀ
tasmai kṛṇomi na dhanā ruṇadhmi daśāham prācīstadṛtam vadāmi ǁ
Padapatha Devanagari Accented
यः । वः॒ । से॒ना॒ऽनीः । म॒ह॒तः । ग॒णस्य॑ । राजा॑ । व्रात॑स्य । प्र॒थ॒मः । ब॒भूव॑ ।
तस्मै॑ । कृ॒णो॒मि॒ । न । धना॑ । रु॒ण॒ध्मि॒ । दश॑ । अ॒हम् । प्राचीः॑ । तत् । ऋ॒तम् । व॒दा॒मि॒ ॥
Padapatha Devanagari Nonaccented
यः । वः । सेनाऽनीः । महतः । गणस्य । राजा । व्रातस्य । प्रथमः । बभूव ।
तस्मै । कृणोमि । न । धना । रुणध्मि । दश । अहम् । प्राचीः । तत् । ऋतम् । वदामि ॥
Padapatha Transcription Accented
yáḥ ǀ vaḥ ǀ senā-nī́ḥ ǀ mahatáḥ ǀ gaṇásya ǀ rā́jā ǀ vrā́tasya ǀ prathamáḥ ǀ babhū́va ǀ
tásmai ǀ kṛṇomi ǀ ná ǀ dhánā ǀ ruṇadhmi ǀ dáśa ǀ ahám ǀ prā́cīḥ ǀ tát ǀ ṛtám ǀ vadāmi ǁ
Padapatha Transcription Nonaccented
yaḥ ǀ vaḥ ǀ senā-nīḥ ǀ mahataḥ ǀ gaṇasya ǀ rājā ǀ vrātasya ǀ prathamaḥ ǀ babhūva ǀ
tasmai ǀ kṛṇomi ǀ na ǀ dhanā ǀ ruṇadhmi ǀ daśa ǀ aham ǀ prācīḥ ǀ tat ǀ ṛtam ǀ vadāmi ǁ
10.034.13 (Mandala. Sukta. Rik)
7.8.05.03 (Ashtaka. Adhyaya. Varga. Rik)
10.03.057 (Mandala. Anuvāka. Rik)
Samhita Devanagari Accented
अ॒क्षैर्मा दी॑व्यः कृ॒षिमित्कृ॑षस्व वि॒त्ते र॑मस्व ब॒हु मन्य॑मानः ।
तत्र॒ गावः॑ कितव॒ तत्र॑ जा॒या तन्मे॒ वि च॑ष्टे सवि॒तायम॒र्यः ॥
Samhita Devanagari Nonaccented
अक्षैर्मा दीव्यः कृषिमित्कृषस्व वित्ते रमस्व बहु मन्यमानः ।
तत्र गावः कितव तत्र जाया तन्मे वि चष्टे सवितायमर्यः ॥
Samhita Transcription Accented
akṣáirmā́ dīvyaḥ kṛṣímítkṛṣasva vitté ramasva bahú mányamānaḥ ǀ
tátra gā́vaḥ kitava tátra jāyā́ tánme ví caṣṭe savitā́yámaryáḥ ǁ
Samhita Transcription Nonaccented
akṣairmā dīvyaḥ kṛṣimitkṛṣasva vitte ramasva bahu manyamānaḥ ǀ
tatra gāvaḥ kitava tatra jāyā tanme vi caṣṭe savitāyamaryaḥ ǁ
Padapatha Devanagari Accented
अ॒क्षैः । मा । दी॒व्यः॒ । कृ॒षिम् । इत् । कृ॒ष॒स्व॒ । वि॒त्ते । र॒म॒स्व॒ । ब॒हु । मन्य॑मानः ।
तत्र॑ । गावः॑ । कि॒त॒व॒ । तत्र॑ । जा॒या । तत् । मे॒ । वि । च॒ष्टे॒ । स॒वि॒ता । अ॒यम् । अ॒र्यः ॥
Padapatha Devanagari Nonaccented
अक्षैः । मा । दीव्यः । कृषिम् । इत् । कृषस्व । वित्ते । रमस्व । बहु । मन्यमानः ।
तत्र । गावः । कितव । तत्र । जाया । तत् । मे । वि । चष्टे । सविता । अयम् । अर्यः ॥
Padapatha Transcription Accented
akṣáiḥ ǀ mā́ ǀ dīvyaḥ ǀ kṛṣím ǀ ít ǀ kṛṣasva ǀ vitté ǀ ramasva ǀ bahú ǀ mányamānaḥ ǀ
tátra ǀ gā́vaḥ ǀ kitava ǀ tátra ǀ jāyā́ ǀ tát ǀ me ǀ ví ǀ caṣṭe ǀ savitā́ ǀ ayám ǀ aryáḥ ǁ
Padapatha Transcription Nonaccented
akṣaiḥ ǀ mā ǀ dīvyaḥ ǀ kṛṣim ǀ it ǀ kṛṣasva ǀ vitte ǀ ramasva ǀ bahu ǀ manyamānaḥ ǀ
tatra ǀ gāvaḥ ǀ kitava ǀ tatra ǀ jāyā ǀ tat ǀ me ǀ vi ǀ caṣṭe ǀ savitā ǀ ayam ǀ aryaḥ ǁ
10.034.14 (Mandala. Sukta. Rik)
7.8.05.04 (Ashtaka. Adhyaya. Varga. Rik)
10.03.058 (Mandala. Anuvāka. Rik)
Samhita Devanagari Accented
मि॒त्रं कृ॑णुध्वं॒ खलु॑ मृ॒ळता॑ नो॒ मा नो॑ घो॒रेण॑ चरता॒भि धृ॒ष्णु ।
नि वो॒ नु म॒न्युर्वि॑शता॒मरा॑तिर॒न्यो ब॑भ्रू॒णां प्रसि॑तौ॒ न्व॑स्तु ॥
Samhita Devanagari Nonaccented
मित्रं कृणुध्वं खलु मृळता नो मा नो घोरेण चरताभि धृष्णु ।
नि वो नु मन्युर्विशतामरातिरन्यो बभ्रूणां प्रसितौ न्वस्तु ॥
Samhita Transcription Accented
mitrám kṛṇudhvam khálu mṛḷátā no mā́ no ghoréṇa caratābhí dhṛṣṇú ǀ
ní vo nú manyúrviśatāmárātiranyó babhrūṇā́m prásitau nvástu ǁ
Samhita Transcription Nonaccented
mitram kṛṇudhvam khalu mṛḷatā no mā no ghoreṇa caratābhi dhṛṣṇu ǀ
ni vo nu manyurviśatāmarātiranyo babhrūṇām prasitau nvastu ǁ
Padapatha Devanagari Accented
मि॒त्रम् । कृ॒णु॒ध्व॒म् । खलु॑ । मृ॒ळत॑ । नः॒ । मा । नः॒ । घो॒रेण॑ । च॒र॒त॒ । अ॒भि । धृ॒ष्णु ।
नि । वः॒ । नु । म॒न्युः । वि॒श॒ता॒म् । अरा॑तिः । अ॒न्यः । ब॒भ्रू॒णाम् । प्रऽसि॑तौ । नु । अ॒स्तु॒ ॥
Padapatha Devanagari Nonaccented
मित्रम् । कृणुध्वम् । खलु । मृळत । नः । मा । नः । घोरेण । चरत । अभि । धृष्णु ।
नि । वः । नु । मन्युः । विशताम् । अरातिः । अन्यः । बभ्रूणाम् । प्रऽसितौ । नु । अस्तु ॥
Padapatha Transcription Accented
mitrám ǀ kṛṇudhvam ǀ khálu ǀ mṛḷáta ǀ naḥ ǀ mā́ ǀ naḥ ǀ ghoréṇa ǀ carata ǀ abhí ǀ dhṛṣṇú ǀ
ní ǀ vaḥ ǀ nú ǀ manyúḥ ǀ viśatām ǀ árātiḥ ǀ anyáḥ ǀ babhrūṇā́m ǀ prá-sitau ǀ nú ǀ astu ǁ
Padapatha Transcription Nonaccented
mitram ǀ kṛṇudhvam ǀ khalu ǀ mṛḷata ǀ naḥ ǀ mā ǀ naḥ ǀ ghoreṇa ǀ carata ǀ abhi ǀ dhṛṣṇu ǀ
ni ǀ vaḥ ǀ nu ǀ manyuḥ ǀ viśatām ǀ arātiḥ ǀ anyaḥ ǀ babhrūṇām ǀ pra-sitau ǀ nu ǀ astu ǁ