|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 41
|
1. Info |
| To: | aśvins | |
| From: | suhastya ghauṣeya | |
| Metres: | 1st set of styles: pādanicṛjjgatī (1); nicṛjjagatī (2); virāḍjagatī (3) 2nd set of styles: jagatī |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.041.01 (Mandala. Sukta. Rik)
7.8.21.01 (Ashtaka. Adhyaya. Varga. Rik)
10.03.132 (Mandala. Anuvāka. Rik)
Samhita Devanagari Accented
स॒मा॒नमु॒ त्यं पु॑रुहू॒तमु॒क्थ्यं१॒॑ रथं॑ त्रिच॒क्रं सव॑ना॒ गनि॑ग्मतं ।
परि॑ज्मानं विद॒थ्यं॑ सुवृ॒क्तिभि॑र्व॒यं व्यु॑ष्टा उ॒षसो॑ हवामहे ॥
Samhita Devanagari Nonaccented
समानमु त्यं पुरुहूतमुक्थ्यं रथं त्रिचक्रं सवना गनिग्मतं ।
परिज्मानं विदथ्यं सुवृक्तिभिर्वयं व्युष्टा उषसो हवामहे ॥
Samhita Transcription Accented
samānámu tyám puruhūtámukthyám rátham tricakrám sávanā gánigmatam ǀ
párijmānam vidathyám suvṛktíbhirvayám vyúṣṭā uṣáso havāmahe ǁ
Samhita Transcription Nonaccented
samānamu tyam puruhūtamukthyam ratham tricakram savanā ganigmatam ǀ
parijmānam vidathyam suvṛktibhirvayam vyuṣṭā uṣaso havāmahe ǁ
Padapatha Devanagari Accented
स॒मा॒नम् । ऊं॒ इति॑ । त्यम् । पु॒रु॒ऽहू॒तम् । उ॒क्थ्य॑म् । रथ॑म् । त्रि॒ऽच॒क्रम् । सव॑ना । गनि॑ग्मतम् ।
परि॑ऽज्मानम् । वि॒द॒थ्य॑म् । सु॒वृ॒क्तिऽभिः॑ । व॒यम् । विऽउ॑ष्टौ । उ॒षसः॑ । ह॒वा॒म॒हे॒ ॥
Padapatha Devanagari Nonaccented
समानम् । ऊं इति । त्यम् । पुरुऽहूतम् । उक्थ्यम् । रथम् । त्रिऽचक्रम् । सवना । गनिग्मतम् ।
परिऽज्मानम् । विदथ्यम् । सुवृक्तिऽभिः । वयम् । विऽउष्टौ । उषसः । हवामहे ॥
Padapatha Transcription Accented
samānám ǀ ūṃ íti ǀ tyám ǀ puru-hūtám ǀ ukthyám ǀ rátham ǀ tri-cakrám ǀ sávanā ǀ gánigmatam ǀ
pári-jmānam ǀ vidathyám ǀ suvṛktí-bhiḥ ǀ vayám ǀ ví-uṣṭau ǀ uṣásaḥ ǀ havāmahe ǁ
Padapatha Transcription Nonaccented
samānam ǀ ūṃ iti ǀ tyam ǀ puru-hūtam ǀ ukthyam ǀ ratham ǀ tri-cakram ǀ savanā ǀ ganigmatam ǀ
pari-jmānam ǀ vidathyam ǀ suvṛkti-bhiḥ ǀ vayam ǀ vi-uṣṭau ǀ uṣasaḥ ǀ havāmahe ǁ
10.041.02 (Mandala. Sukta. Rik)
7.8.21.02 (Ashtaka. Adhyaya. Varga. Rik)
10.03.133 (Mandala. Anuvāka. Rik)
Samhita Devanagari Accented
प्रा॒त॒र्युजं॑ नास॒त्याधि॑ तिष्ठथः प्रात॒र्यावा॑णं मधु॒वाह॑नं॒ रथं॑ ।
विशो॒ येन॒ गच्छ॑थो॒ यज्व॑रीर्नरा की॒रेश्चि॑द्य॒ज्ञं होतृ॑मंतमश्विना ॥
Samhita Devanagari Nonaccented
प्रातर्युजं नासत्याधि तिष्ठथः प्रातर्यावाणं मधुवाहनं रथं ।
विशो येन गच्छथो यज्वरीर्नरा कीरेश्चिद्यज्ञं होतृमंतमश्विना ॥
Samhita Transcription Accented
prātaryújam nāsatyā́dhi tiṣṭhathaḥ prātaryā́vāṇam madhuvā́hanam rátham ǀ
víśo yéna gácchatho yájvarīrnarā kīréścidyajñám hótṛmantamaśvinā ǁ
Samhita Transcription Nonaccented
prātaryujam nāsatyādhi tiṣṭhathaḥ prātaryāvāṇam madhuvāhanam ratham ǀ
viśo yena gacchatho yajvarīrnarā kīreścidyajñam hotṛmantamaśvinā ǁ
Padapatha Devanagari Accented
प्रा॒तः॒ऽयुज॑म् । ना॒स॒त्या॒ । अधि॑ । ति॒ष्ठ॒थः॒ । प्रा॒तः॒ऽयावा॑नम् । म॒धु॒ऽवाह॑नम् । रथ॑म् ।
विशः॑ । येन॑ । गच्छ॑थः । यज्व॑रीः । न॒रा॒ । की॒रेः । चि॒त् । य॒ज्ञम् । होतृ॑ऽमन्तम् । अ॒श्वि॒ना॒ ॥
Padapatha Devanagari Nonaccented
प्रातःऽयुजम् । नासत्या । अधि । तिष्ठथः । प्रातःऽयावानम् । मधुऽवाहनम् । रथम् ।
विशः । येन । गच्छथः । यज्वरीः । नरा । कीरेः । चित् । यज्ञम् । होतृऽमन्तम् । अश्विना ॥
Padapatha Transcription Accented
prātaḥ-yújam ǀ nāsatyā ǀ ádhi ǀ tiṣṭhathaḥ ǀ prātaḥ-yā́vānam ǀ madhu-vā́hanam ǀ rátham ǀ
víśaḥ ǀ yéna ǀ gácchathaḥ ǀ yájvarīḥ ǀ narā ǀ kīréḥ ǀ cit ǀ yajñám ǀ hótṛ-mantam ǀ aśvinā ǁ
Padapatha Transcription Nonaccented
prātaḥ-yujam ǀ nāsatyā ǀ adhi ǀ tiṣṭhathaḥ ǀ prātaḥ-yāvānam ǀ madhu-vāhanam ǀ ratham ǀ
viśaḥ ǀ yena ǀ gacchathaḥ ǀ yajvarīḥ ǀ narā ǀ kīreḥ ǀ cit ǀ yajñam ǀ hotṛ-mantam ǀ aśvinā ǁ
10.041.03 (Mandala. Sukta. Rik)
7.8.21.03 (Ashtaka. Adhyaya. Varga. Rik)
10.03.134 (Mandala. Anuvāka. Rik)
Samhita Devanagari Accented
अ॒ध्व॒र्युं वा॒ मधु॑पाणिं सु॒हस्त्य॑म॒ग्निधं॑ वा धृ॒तद॑क्षं॒ दमू॑नसं ।
विप्र॑स्य वा॒ यत्सव॑नानि॒ गच्छ॒थोऽत॒ आ या॑तं मधु॒पेय॑मश्विना ॥
Samhita Devanagari Nonaccented
अध्वर्युं वा मधुपाणिं सुहस्त्यमग्निधं वा धृतदक्षं दमूनसं ।
विप्रस्य वा यत्सवनानि गच्छथोऽत आ यातं मधुपेयमश्विना ॥
Samhita Transcription Accented
adhvaryúm vā mádhupāṇim suhástyamagnídham vā dhṛtádakṣam dámūnasam ǀ
víprasya vā yátsávanāni gácchathó’ta ā́ yātam madhupéyamaśvinā ǁ
Samhita Transcription Nonaccented
adhvaryum vā madhupāṇim suhastyamagnidham vā dhṛtadakṣam damūnasam ǀ
viprasya vā yatsavanāni gacchatho’ta ā yātam madhupeyamaśvinā ǁ
Padapatha Devanagari Accented
अ॒ध्व॒र्युम् । वा॒ । मधु॑ऽपाणिम् । सु॒ऽहस्त्य॑म् । अ॒ग्निध॑म् । वा॒ । धृ॒तऽद॑क्षम् । दमू॑नसम् ।
विप्र॑स्य । वा॒ । यत् । सव॑नानि । गच्छ॑थः । अतः॑ । आ । या॒त॒म् । म॒धु॒ऽपेय॑म् । अ॒श्वि॒ना॒ ॥
Padapatha Devanagari Nonaccented
अध्वर्युम् । वा । मधुऽपाणिम् । सुऽहस्त्यम् । अग्निधम् । वा । धृतऽदक्षम् । दमूनसम् ।
विप्रस्य । वा । यत् । सवनानि । गच्छथः । अतः । आ । यातम् । मधुऽपेयम् । अश्विना ॥
Padapatha Transcription Accented
adhvaryúm ǀ vā ǀ mádhu-pāṇim ǀ su-hástyam ǀ agnídham ǀ vā ǀ dhṛtá-dakṣam ǀ dámūnasam ǀ
víprasya ǀ vā ǀ yát ǀ sávanāni ǀ gácchathaḥ ǀ átaḥ ǀ ā́ ǀ yātam ǀ madhu-péyam ǀ aśvinā ǁ
Padapatha Transcription Nonaccented
adhvaryum ǀ vā ǀ madhu-pāṇim ǀ su-hastyam ǀ agnidham ǀ vā ǀ dhṛta-dakṣam ǀ damūnasam ǀ
viprasya ǀ vā ǀ yat ǀ savanāni ǀ gacchathaḥ ǀ ataḥ ǀ ā ǀ yātam ǀ madhu-peyam ǀ aśvinā ǁ