|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 43
|
1. Info |
| To: | indra | |
| From: | kṛṣṇa āṅgirasa | |
| Metres: | 1st set of styles: virāḍjagatī (4, 5, 7, 8); nicṛjjagatī (1, 9); jagatī (3, 6); svarāḍārcījagatī (2); virāṭtrisṭup (10); triṣṭup (11) 2nd set of styles: jagatī (1-9); triṣṭubh (10, 11) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.043.01 (Mandala. Sukta. Rik)
7.8.24.01 (Ashtaka. Adhyaya. Varga. Rik)
10.04.001 (Mandala. Anuvāka. Rik)
Samhita Devanagari Accented
अच्छा॑ म॒ इंद्रं॑ म॒तयः॑ स्व॒र्विदः॑ स॒ध्रीची॒र्विश्वा॑ उश॒तीर॑नूषत ।
परि॑ ष्वजंते॒ जन॑यो॒ यथा॒ पतिं॒ मर्यं॒ न शुं॒ध्युं म॒घवा॑नमू॒तये॑ ॥
Samhita Devanagari Nonaccented
अच्छा म इंद्रं मतयः स्वर्विदः सध्रीचीर्विश्वा उशतीरनूषत ।
परि ष्वजंते जनयो यथा पतिं मर्यं न शुंध्युं मघवानमूतये ॥
Samhita Transcription Accented
ácchā ma índram matáyaḥ svarvídaḥ sadhrī́cīrvíśvā uśatī́ranūṣata ǀ
pári ṣvajante jánayo yáthā pátim máryam ná śundhyúm maghávānamūtáye ǁ
Samhita Transcription Nonaccented
acchā ma indram matayaḥ svarvidaḥ sadhrīcīrviśvā uśatīranūṣata ǀ
pari ṣvajante janayo yathā patim maryam na śundhyum maghavānamūtaye ǁ
Padapatha Devanagari Accented
अच्छ॑ । मे॒ । इन्द्र॑म् । म॒तयः॑ । स्वः॒ऽविदः॑ । स॒ध्रीचीः॑ । विश्वाः॑ । उ॒श॒तीः । अ॒नू॒ष॒त॒ ।
परि॑ । स्व॒ज॒न्ते॒ । जन॑यः । यथा॑ । पति॑म् । मर्य॑म् । न । शु॒न्ध्युम् । म॒घऽवा॑नम् । ऊ॒तये॑ ॥
Padapatha Devanagari Nonaccented
अच्छ । मे । इन्द्रम् । मतयः । स्वःऽविदः । सध्रीचीः । विश्वाः । उशतीः । अनूषत ।
परि । स्वजन्ते । जनयः । यथा । पतिम् । मर्यम् । न । शुन्ध्युम् । मघऽवानम् । ऊतये ॥
Padapatha Transcription Accented
áccha ǀ me ǀ índram ǀ matáyaḥ ǀ svaḥ-vídaḥ ǀ sadhrī́cīḥ ǀ víśvāḥ ǀ uśatī́ḥ ǀ anūṣata ǀ
pári ǀ svajante ǀ jánayaḥ ǀ yáthā ǀ pátim ǀ máryam ǀ ná ǀ śundhyúm ǀ maghá-vānam ǀ ūtáye ǁ
Padapatha Transcription Nonaccented
accha ǀ me ǀ indram ǀ matayaḥ ǀ svaḥ-vidaḥ ǀ sadhrīcīḥ ǀ viśvāḥ ǀ uśatīḥ ǀ anūṣata ǀ
pari ǀ svajante ǀ janayaḥ ǀ yathā ǀ patim ǀ maryam ǀ na ǀ śundhyum ǀ magha-vānam ǀ ūtaye ǁ
10.043.02 (Mandala. Sukta. Rik)
7.8.24.02 (Ashtaka. Adhyaya. Varga. Rik)
10.04.002 (Mandala. Anuvāka. Rik)
Samhita Devanagari Accented
न घा॑ त्व॒द्रिगप॑ वेति मे॒ मन॒स्त्वे इत्कामं॑ पुरुहूत शिश्रय ।
राजे॑व दस्म॒ नि ष॒दोऽधि॑ ब॒र्हिष्य॒स्मिन्त्सु सोमे॑ऽव॒पान॑मस्तु ते ॥
Samhita Devanagari Nonaccented
न घा त्वद्रिगप वेति मे मनस्त्वे इत्कामं पुरुहूत शिश्रय ।
राजेव दस्म नि षदोऽधि बर्हिष्यस्मिन्त्सु सोमेऽवपानमस्तु ते ॥
Samhita Transcription Accented
ná ghā tvadrígápa veti me mánastvé ítkā́mam puruhūta śiśraya ǀ
rā́jeva dasma ní ṣadó’dhi barhíṣyasmíntsú sóme’vapā́namastu te ǁ
Samhita Transcription Nonaccented
na ghā tvadrigapa veti me manastve itkāmam puruhūta śiśraya ǀ
rājeva dasma ni ṣado’dhi barhiṣyasmintsu some’vapānamastu te ǁ
Padapatha Devanagari Accented
न । घ॒ । त्व॒द्रिक् । अप॑ । वे॒ति॒ । मे॒ । मनः॑ । त्वे इति॑ । इत् । काम॑म् । पु॒रु॒ऽहू॒त॒ । शि॒श्र॒य॒ ।
राजा॑ऽइव । द॒स्म॒ । नि । स॒दः॒ । अधि॑ । ब॒र्हिषि॑ । अ॒स्मिन् । सु । सोमे॑ । अ॒व॒ऽपान॑म् । अ॒स्तु॒ । ते॒ ॥
Padapatha Devanagari Nonaccented
न । घ । त्वद्रिक् । अप । वेति । मे । मनः । त्वे इति । इत् । कामम् । पुरुऽहूत । शिश्रय ।
राजाऽइव । दस्म । नि । सदः । अधि । बर्हिषि । अस्मिन् । सु । सोमे । अवऽपानम् । अस्तु । ते ॥
Padapatha Transcription Accented
ná ǀ gha ǀ tvadrík ǀ ápa ǀ veti ǀ me ǀ mánaḥ ǀ tvé íti ǀ ít ǀ kā́mam ǀ puru-hūta ǀ śiśraya ǀ
rā́jā-iva ǀ dasma ǀ ní ǀ sadaḥ ǀ ádhi ǀ barhíṣi ǀ asmín ǀ sú ǀ sóme ǀ ava-pā́nam ǀ astu ǀ te ǁ
Padapatha Transcription Nonaccented
na ǀ gha ǀ tvadrik ǀ apa ǀ veti ǀ me ǀ manaḥ ǀ tve iti ǀ it ǀ kāmam ǀ puru-hūta ǀ śiśraya ǀ
rājā-iva ǀ dasma ǀ ni ǀ sadaḥ ǀ adhi ǀ barhiṣi ǀ asmin ǀ su ǀ some ǀ ava-pānam ǀ astu ǀ te ǁ
10.043.03 (Mandala. Sukta. Rik)
7.8.24.03 (Ashtaka. Adhyaya. Varga. Rik)
10.04.003 (Mandala. Anuvāka. Rik)
Samhita Devanagari Accented
वि॒षू॒वृदिंद्रो॒ अम॑तेरु॒त क्षु॒धः स इद्रा॒यो म॒घवा॒ वस्व॑ ईशते ।
तस्येदि॒मे प्र॑व॒णे स॒प्त सिंध॑वो॒ वयो॑ वर्धंति वृष॒भस्य॑ शु॒ष्मिणः॑ ॥
Samhita Devanagari Nonaccented
विषूवृदिंद्रो अमतेरुत क्षुधः स इद्रायो मघवा वस्व ईशते ।
तस्येदिमे प्रवणे सप्त सिंधवो वयो वर्धंति वृषभस्य शुष्मिणः ॥
Samhita Transcription Accented
viṣūvṛ́díndro ámaterutá kṣudháḥ sá ídrāyó maghávā vásva īśate ǀ
tásyédimé pravaṇé saptá síndhavo váyo vardhanti vṛṣabhásya śuṣmíṇaḥ ǁ
Samhita Transcription Nonaccented
viṣūvṛdindro amateruta kṣudhaḥ sa idrāyo maghavā vasva īśate ǀ
tasyedime pravaṇe sapta sindhavo vayo vardhanti vṛṣabhasya śuṣmiṇaḥ ǁ
Padapatha Devanagari Accented
वि॒षु॒ऽवृत् । इन्द्रः॑ । अम॑तेः । उ॒त । क्षु॒धः । सः । इत् । रा॒यः । म॒घऽवा॑ । वस्वः॑ । ई॒श॒ते॒ ।
तस्य॑ । इत् । इ॒मे । प्र॒व॒णे । स॒प्त । सिन्ध॑वः । वयः॑ । व॒र्ध॒न्ति॒ । वृ॒ष॒भस्य॑ । शु॒ष्मिणः॑ ॥
Padapatha Devanagari Nonaccented
विषुऽवृत् । इन्द्रः । अमतेः । उत । क्षुधः । सः । इत् । रायः । मघऽवा । वस्वः । ईशते ।
तस्य । इत् । इमे । प्रवणे । सप्त । सिन्धवः । वयः । वर्धन्ति । वृषभस्य । शुष्मिणः ॥
Padapatha Transcription Accented
viṣu-vṛ́t ǀ índraḥ ǀ ámateḥ ǀ utá ǀ kṣudháḥ ǀ sáḥ ǀ ít ǀ rāyáḥ ǀ maghá-vā ǀ vásvaḥ ǀ īśate ǀ
tásya ǀ ít ǀ imé ǀ pravaṇé ǀ saptá ǀ síndhavaḥ ǀ váyaḥ ǀ vardhanti ǀ vṛṣabhásya ǀ śuṣmíṇaḥ ǁ
Padapatha Transcription Nonaccented
viṣu-vṛt ǀ indraḥ ǀ amateḥ ǀ uta ǀ kṣudhaḥ ǀ saḥ ǀ it ǀ rāyaḥ ǀ magha-vā ǀ vasvaḥ ǀ īśate ǀ
tasya ǀ it ǀ ime ǀ pravaṇe ǀ sapta ǀ sindhavaḥ ǀ vayaḥ ǀ vardhanti ǀ vṛṣabhasya ǀ śuṣmiṇaḥ ǁ
10.043.04 (Mandala. Sukta. Rik)
7.8.24.04 (Ashtaka. Adhyaya. Varga. Rik)
10.04.004 (Mandala. Anuvāka. Rik)
Samhita Devanagari Accented
वयो॒ न वृ॒क्षं सु॑पला॒शमास॑द॒न्त्सोमा॑स॒ इंद्रं॑ मं॒दिन॑श्चमू॒षदः॑ ।
प्रैषा॒मनी॑कं॒ शव॑सा॒ दवि॑द्युतद्वि॒दत्स्व१॒॑र्मन॑वे॒ ज्योति॒रार्यं॑ ॥
Samhita Devanagari Nonaccented
वयो न वृक्षं सुपलाशमासदन्त्सोमास इंद्रं मंदिनश्चमूषदः ।
प्रैषामनीकं शवसा दविद्युतद्विदत्स्वर्मनवे ज्योतिरार्यं ॥
Samhita Transcription Accented
váyo ná vṛkṣám supalāśámā́sadantsómāsa índram mandínaścamūṣádaḥ ǀ
práiṣāmánīkam śávasā dávidyutadvidátsvármánave jyótirā́ryam ǁ
Samhita Transcription Nonaccented
vayo na vṛkṣam supalāśamāsadantsomāsa indram mandinaścamūṣadaḥ ǀ
praiṣāmanīkam śavasā davidyutadvidatsvarmanave jyotirāryam ǁ
Padapatha Devanagari Accented
वयः॑ । न । वृ॒क्षम् । सु॒ऽप॒ला॒शम् । आ । अ॒स॒द॒न् । सोमा॑सः । इन्द्र॑म् । म॒न्दिनः॑ । च॒मू॒ऽसदः॑ ।
प्र । ए॒षा॒म् । अनी॑कम् । शव॑सा । दवि॑द्युतत् । वि॒दत् । स्वः॑ । मन॑वे । ज्योतिः॑ । आर्य॑म् ॥
Padapatha Devanagari Nonaccented
वयः । न । वृक्षम् । सुऽपलाशम् । आ । असदन् । सोमासः । इन्द्रम् । मन्दिनः । चमूऽसदः ।
प्र । एषाम् । अनीकम् । शवसा । दविद्युतत् । विदत् । स्वः । मनवे । ज्योतिः । आर्यम् ॥
Padapatha Transcription Accented
váyaḥ ǀ ná ǀ vṛkṣám ǀ su-palāśám ǀ ā́ ǀ asadan ǀ sómāsaḥ ǀ índram ǀ mandínaḥ ǀ camū-sádaḥ ǀ
prá ǀ eṣām ǀ ánīkam ǀ śávasā ǀ dávidyutat ǀ vidát ǀ sváḥ ǀ mánave ǀ jyótiḥ ǀ ā́ryam ǁ
Padapatha Transcription Nonaccented
vayaḥ ǀ na ǀ vṛkṣam ǀ su-palāśam ǀ ā ǀ asadan ǀ somāsaḥ ǀ indram ǀ mandinaḥ ǀ camū-sadaḥ ǀ
pra ǀ eṣām ǀ anīkam ǀ śavasā ǀ davidyutat ǀ vidat ǀ svaḥ ǀ manave ǀ jyotiḥ ǀ āryam ǁ
10.043.05 (Mandala. Sukta. Rik)
7.8.24.05 (Ashtaka. Adhyaya. Varga. Rik)
10.04.005 (Mandala. Anuvāka. Rik)
Samhita Devanagari Accented
कृ॒तं न श्व॒घ्नी वि चि॑नोति॒ देव॑ने सं॒वर्गं॒ यन्म॒घवा॒ सूर्यं॒ जय॑त् ।
न तत्ते॑ अ॒न्यो अनु॑ वी॒र्यं॑ शक॒न्न पु॑रा॒णो म॑घव॒न्नोत नूत॑नः ॥
Samhita Devanagari Nonaccented
कृतं न श्वघ्नी वि चिनोति देवने संवर्गं यन्मघवा सूर्यं जयत् ।
न तत्ते अन्यो अनु वीर्यं शकन्न पुराणो मघवन्नोत नूतनः ॥
Samhita Transcription Accented
kṛtám ná śvaghnī́ ví cinoti dévane saṃvárgam yánmaghávā sū́ryam jáyat ǀ
ná tátte anyó ánu vīryám śakanná purāṇó maghavannótá nū́tanaḥ ǁ
Samhita Transcription Nonaccented
kṛtam na śvaghnī vi cinoti devane saṃvargam yanmaghavā sūryam jayat ǀ
na tatte anyo anu vīryam śakanna purāṇo maghavannota nūtanaḥ ǁ
Padapatha Devanagari Accented
कृ॒तम् । न । श्व॒ऽघ्नी । वि । चि॒नो॒ति॒ । देव॑ने । स॒म्ऽवर्ग॑म् । यत् । म॒घऽवा॑ । सूर्य॑म् । जय॑त् ।
न । तत् । ते॒ । अ॒न्यः । अनु॑ । वी॒र्य॑म् । श॒क॒त् । न । पु॒रा॒णः । म॒घ॒ऽव॒न् । न । उ॒त । नूत॑नः ॥
Padapatha Devanagari Nonaccented
कृतम् । न । श्वऽघ्नी । वि । चिनोति । देवने । सम्ऽवर्गम् । यत् । मघऽवा । सूर्यम् । जयत् ।
न । तत् । ते । अन्यः । अनु । वीर्यम् । शकत् । न । पुराणः । मघऽवन् । न । उत । नूतनः ॥
Padapatha Transcription Accented
kṛtám ǀ ná ǀ śva-ghnī́ ǀ ví ǀ cinoti ǀ dévane ǀ sam-várgam ǀ yát ǀ maghá-vā ǀ sū́ryam ǀ jáyat ǀ
ná ǀ tát ǀ te ǀ anyáḥ ǀ ánu ǀ vīryám ǀ śakat ǀ ná ǀ purāṇáḥ ǀ magha-van ǀ ná ǀ utá ǀ nū́tanaḥ ǁ
Padapatha Transcription Nonaccented
kṛtam ǀ na ǀ śva-ghnī ǀ vi ǀ cinoti ǀ devane ǀ sam-vargam ǀ yat ǀ magha-vā ǀ sūryam ǀ jayat ǀ
na ǀ tat ǀ te ǀ anyaḥ ǀ anu ǀ vīryam ǀ śakat ǀ na ǀ purāṇaḥ ǀ magha-van ǀ na ǀ uta ǀ nūtanaḥ ǁ
10.043.06 (Mandala. Sukta. Rik)
7.8.25.01 (Ashtaka. Adhyaya. Varga. Rik)
10.04.006 (Mandala. Anuvāka. Rik)
Samhita Devanagari Accented
विशं॑विशं म॒घवा॒ पर्य॑शायत॒ जना॑नां॒ धेना॑ अव॒चाक॑श॒द्वृषा॑ ।
यस्याह॑ श॒क्रः सव॑नेषु॒ रण्य॑ति॒ स ती॒व्रैः सोमैः॑ सहते पृतन्य॒तः ॥
Samhita Devanagari Nonaccented
विशंविशं मघवा पर्यशायत जनानां धेना अवचाकशद्वृषा ।
यस्याह शक्रः सवनेषु रण्यति स तीव्रैः सोमैः सहते पृतन्यतः ॥
Samhita Transcription Accented
víśaṃviśam maghávā páryaśāyata jánānām dhénā avacā́kaśadvṛ́ṣā ǀ
yásyā́ha śakráḥ sávaneṣu ráṇyati sá tīvráiḥ sómaiḥ sahate pṛtanyatáḥ ǁ
Samhita Transcription Nonaccented
viśaṃviśam maghavā paryaśāyata janānām dhenā avacākaśadvṛṣā ǀ
yasyāha śakraḥ savaneṣu raṇyati sa tīvraiḥ somaiḥ sahate pṛtanyataḥ ǁ
Padapatha Devanagari Accented
विश॑म्ऽविशम् । म॒घऽवा॑ । परि॑ । अ॒शा॒य॒त॒ । जना॑नाम् । धेनाः॑ । अ॒व॒ऽचाक॑शत् । वृषा॑ ।
यस्य॑ । अह॑ । श॒क्रः । सव॑नेषु । रण्य॑ति । सः । ती॒व्रैः । सोमैः॑ । स॒ह॒ते॒ । पृ॒त॒न्य॒तः ॥
Padapatha Devanagari Nonaccented
विशम्ऽविशम् । मघऽवा । परि । अशायत । जनानाम् । धेनाः । अवऽचाकशत् । वृषा ।
यस्य । अह । शक्रः । सवनेषु । रण्यति । सः । तीव्रैः । सोमैः । सहते । पृतन्यतः ॥
Padapatha Transcription Accented
víśam-viśam ǀ maghá-vā ǀ pári ǀ aśāyata ǀ jánānām ǀ dhénāḥ ǀ ava-cā́kaśat ǀ vṛ́ṣā ǀ
yásya ǀ áha ǀ śakráḥ ǀ sávaneṣu ǀ ráṇyati ǀ sáḥ ǀ tīvráiḥ ǀ sómaiḥ ǀ sahate ǀ pṛtanyatáḥ ǁ
Padapatha Transcription Nonaccented
viśam-viśam ǀ magha-vā ǀ pari ǀ aśāyata ǀ janānām ǀ dhenāḥ ǀ ava-cākaśat ǀ vṛṣā ǀ
yasya ǀ aha ǀ śakraḥ ǀ savaneṣu ǀ raṇyati ǀ saḥ ǀ tīvraiḥ ǀ somaiḥ ǀ sahate ǀ pṛtanyataḥ ǁ
10.043.07 (Mandala. Sukta. Rik)
7.8.25.02 (Ashtaka. Adhyaya. Varga. Rik)
10.04.007 (Mandala. Anuvāka. Rik)
Samhita Devanagari Accented
आपो॒ न सिंधु॑म॒भि यत्स॒मक्ष॑र॒न्त्सोमा॑स॒ इंद्रं॑ कु॒ल्या इ॑व ह्र॒दं ।
वर्धं॑ति॒ विप्रा॒ महो॑ अस्य॒ साद॑ने॒ यवं॒ न वृ॒ष्टिर्दि॒व्येन॒ दानु॑ना ॥
Samhita Devanagari Nonaccented
आपो न सिंधुमभि यत्समक्षरन्त्सोमास इंद्रं कुल्या इव ह्रदं ।
वर्धंति विप्रा महो अस्य सादने यवं न वृष्टिर्दिव्येन दानुना ॥
Samhita Transcription Accented
ā́po ná síndhumabhí yátsamákṣarantsómāsa índram kulyā́ iva hradám ǀ
várdhanti víprā máho asya sā́dane yávam ná vṛṣṭírdivyéna dā́nunā ǁ
Samhita Transcription Nonaccented
āpo na sindhumabhi yatsamakṣarantsomāsa indram kulyā iva hradam ǀ
vardhanti viprā maho asya sādane yavam na vṛṣṭirdivyena dānunā ǁ
Padapatha Devanagari Accented
आपः॑ । न । सिन्धु॑म् । अ॒भि । यत् । स॒म्ऽअक्ष॑रन् । सोमा॑सः । इन्द्र॑म् । कु॒ल्याःऽइ॑व । ह्र॒दम् ।
वर्ध॑न्ति । विप्राः॑ । महः॑ । अ॒स्य॒ । सद॑ने । यव॑म् । न । वृ॒ष्टिः । दि॒व्येन॑ । दानु॑ना ॥
Padapatha Devanagari Nonaccented
आपः । न । सिन्धुम् । अभि । यत् । सम्ऽअक्षरन् । सोमासः । इन्द्रम् । कुल्याःऽइव । ह्रदम् ।
वर्धन्ति । विप्राः । महः । अस्य । सदने । यवम् । न । वृष्टिः । दिव्येन । दानुना ॥
Padapatha Transcription Accented
ā́paḥ ǀ ná ǀ síndhum ǀ abhí ǀ yát ǀ sam-ákṣaran ǀ sómāsaḥ ǀ índram ǀ kulyā́ḥ-iva ǀ hradám ǀ
várdhanti ǀ víprāḥ ǀ máhaḥ ǀ asya ǀ sádane ǀ yávam ǀ ná ǀ vṛṣṭíḥ ǀ divyéna ǀ dā́nunā ǁ
Padapatha Transcription Nonaccented
āpaḥ ǀ na ǀ sindhum ǀ abhi ǀ yat ǀ sam-akṣaran ǀ somāsaḥ ǀ indram ǀ kulyāḥ-iva ǀ hradam ǀ
vardhanti ǀ viprāḥ ǀ mahaḥ ǀ asya ǀ sadane ǀ yavam ǀ na ǀ vṛṣṭiḥ ǀ divyena ǀ dānunā ǁ
10.043.08 (Mandala. Sukta. Rik)
7.8.25.03 (Ashtaka. Adhyaya. Varga. Rik)
10.04.008 (Mandala. Anuvāka. Rik)
Samhita Devanagari Accented
वृषा॒ न क्रु॒द्धः प॑तय॒द्रज॒स्स्वा यो अ॒र्यप॑त्नी॒रकृ॑णोदि॒मा अ॒पः ।
स सु॑न्व॒ते म॒घवा॑ जी॒रदा॑न॒वेऽविं॑द॒ज्ज्योति॒र्मन॑वे ह॒विष्म॑ते ॥
Samhita Devanagari Nonaccented
वृषा न क्रुद्धः पतयद्रजस्स्वा यो अर्यपत्नीरकृणोदिमा अपः ।
स सुन्वते मघवा जीरदानवेऽविंदज्ज्योतिर्मनवे हविष्मते ॥
Samhita Transcription Accented
vṛ́ṣā ná kruddháḥ patayadrájassvā́ yó aryápatnīrákṛṇodimā́ apáḥ ǀ
sá sunvaté maghávā jīrádānavé’vindajjyótirmánave havíṣmate ǁ
Samhita Transcription Nonaccented
vṛṣā na kruddhaḥ patayadrajassvā yo aryapatnīrakṛṇodimā apaḥ ǀ
sa sunvate maghavā jīradānave’vindajjyotirmanave haviṣmate ǁ
Padapatha Devanagari Accented
वृषा॑ । न । क्रु॒द्धः । प॒त॒य॒त् । रजः॑ऽसु । आ । यः । अ॒र्यऽप॑त्नीः । अकृ॑णोत् । इ॒माः । अ॒पः ।
सः । सु॒न्व॒ते । म॒घऽवा॑ । जी॒रऽदा॑नवे । अवि॑न्दत् । ज्योतिः॑ । मन॑वे । ह॒विष्म॑ते ॥
Padapatha Devanagari Nonaccented
वृषा । न । क्रुद्धः । पतयत् । रजःऽसु । आ । यः । अर्यऽपत्नीः । अकृणोत् । इमाः । अपः ।
सः । सुन्वते । मघऽवा । जीरऽदानवे । अविन्दत् । ज्योतिः । मनवे । हविष्मते ॥
Padapatha Transcription Accented
vṛ́ṣā ǀ ná ǀ kruddháḥ ǀ patayat ǀ rájaḥ-su ǀ ā́ ǀ yáḥ ǀ aryá-patnīḥ ǀ ákṛṇot ǀ imā́ḥ ǀ apáḥ ǀ
sáḥ ǀ sunvaté ǀ maghá-vā ǀ jīrá-dānave ǀ ávindat ǀ jyótiḥ ǀ mánave ǀ havíṣmate ǁ
Padapatha Transcription Nonaccented
vṛṣā ǀ na ǀ kruddhaḥ ǀ patayat ǀ rajaḥ-su ǀ ā ǀ yaḥ ǀ arya-patnīḥ ǀ akṛṇot ǀ imāḥ ǀ apaḥ ǀ
saḥ ǀ sunvate ǀ magha-vā ǀ jīra-dānave ǀ avindat ǀ jyotiḥ ǀ manave ǀ haviṣmate ǁ
10.043.09 (Mandala. Sukta. Rik)
7.8.25.04 (Ashtaka. Adhyaya. Varga. Rik)
10.04.009 (Mandala. Anuvāka. Rik)
Samhita Devanagari Accented
उज्जा॑यतां पर॒शुर्ज्योति॑षा स॒ह भू॒या ऋ॒तस्य॑ सु॒दुघा॑ पुराण॒वत् ।
वि रो॑चतामरु॒षो भा॒नुना॒ शुचिः॒ स्व१॒॑र्ण शु॒क्रं शु॑शुचीत॒ सत्प॑तिः ॥
Samhita Devanagari Nonaccented
उज्जायतां परशुर्ज्योतिषा सह भूया ऋतस्य सुदुघा पुराणवत् ।
वि रोचतामरुषो भानुना शुचिः स्वर्ण शुक्रं शुशुचीत सत्पतिः ॥
Samhita Transcription Accented
újjāyatām paraśúrjyótiṣā sahá bhūyā́ ṛtásya sudúghā purāṇavát ǀ
ví rocatāmaruṣó bhānúnā śúciḥ svárṇá śukrám śuśucīta sátpatiḥ ǁ
Samhita Transcription Nonaccented
ujjāyatām paraśurjyotiṣā saha bhūyā ṛtasya sudughā purāṇavat ǀ
vi rocatāmaruṣo bhānunā śuciḥ svarṇa śukram śuśucīta satpatiḥ ǁ
Padapatha Devanagari Accented
उत् । जा॒य॒ता॒म् । प॒र॒शुः । ज्योति॑षा । स॒ह । भू॒याः । ऋ॒तस्य॑ । सु॒ऽदुघा॑ । पु॒रा॒ण॒ऽवत् ।
वि । रो॒च॒ता॒म् । अ॒रु॒षः । भा॒नुना॑ । शुचिः॑ । स्वः॑ । न । शु॒क्रम् । शु॒शु॒ची॒त॒ । सत्ऽप॑तिः ॥
Padapatha Devanagari Nonaccented
उत् । जायताम् । परशुः । ज्योतिषा । सह । भूयाः । ऋतस्य । सुऽदुघा । पुराणऽवत् ।
वि । रोचताम् । अरुषः । भानुना । शुचिः । स्वः । न । शुक्रम् । शुशुचीत । सत्ऽपतिः ॥
Padapatha Transcription Accented
út ǀ jāyatām ǀ paraśúḥ ǀ jyótiṣā ǀ sahá ǀ bhūyā́ḥ ǀ ṛtásya ǀ su-dúghā ǀ purāṇa-vát ǀ
ví ǀ rocatām ǀ aruṣáḥ ǀ bhānúnā ǀ śúciḥ ǀ sváḥ ǀ ná ǀ śukrám ǀ śuśucīta ǀ sát-patiḥ ǁ
Padapatha Transcription Nonaccented
ut ǀ jāyatām ǀ paraśuḥ ǀ jyotiṣā ǀ saha ǀ bhūyāḥ ǀ ṛtasya ǀ su-dughā ǀ purāṇa-vat ǀ
vi ǀ rocatām ǀ aruṣaḥ ǀ bhānunā ǀ śuciḥ ǀ svaḥ ǀ na ǀ śukram ǀ śuśucīta ǀ sat-patiḥ ǁ
10.043.10 (Mandala. Sukta. Rik)
7.8.25.05 (Ashtaka. Adhyaya. Varga. Rik)
10.04.010 (Mandala. Anuvāka. Rik)
Samhita Devanagari Accented
गोभि॑ष्टरे॒माम॑तिं दु॒रेवां॒ यवे॑न॒ क्षुधं॑ पुरुहूत॒ विश्वां॑ ।
व॒यं राज॑भिः प्रथ॒मा धना॑न्य॒स्माके॑न वृ॒जने॑ना जयेम ॥
Samhita Devanagari Nonaccented
गोभिष्टरेमामतिं दुरेवां यवेन क्षुधं पुरुहूत विश्वां ।
वयं राजभिः प्रथमा धनान्यस्माकेन वृजनेना जयेम ॥
Samhita Transcription Accented
góbhiṣṭaremā́matim durévām yávena kṣúdham puruhūta víśvām ǀ
vayám rā́jabhiḥ prathamā́ dhánānyasmā́kena vṛjánenā jayema ǁ
Samhita Transcription Nonaccented
gobhiṣṭaremāmatim durevām yavena kṣudham puruhūta viśvām ǀ
vayam rājabhiḥ prathamā dhanānyasmākena vṛjanenā jayema ǁ
Padapatha Devanagari Accented
गोभिः॑ । त॒रे॒म॒ । अम॑तिम् । दुः॒ऽएवा॑म् । यवे॑न । क्षुध॑म् । पु॒रु॒ऽहू॒त॒ । विश्वा॑म् ।
व॒यम् । राज॑ऽभिः । प्र॒थ॒मा । धना॑नि । अ॒स्माके॑न । वृ॒जने॑न । ज॒ये॒म॒ ॥
Padapatha Devanagari Nonaccented
गोभिः । तरेम । अमतिम् । दुःऽएवाम् । यवेन । क्षुधम् । पुरुऽहूत । विश्वाम् ।
वयम् । राजऽभिः । प्रथमा । धनानि । अस्माकेन । वृजनेन । जयेम ॥
Padapatha Transcription Accented
góbhiḥ ǀ tarema ǀ ámatim ǀ duḥ-évām ǀ yávena ǀ kṣúdham ǀ puru-hūta ǀ víśvām ǀ
vayám ǀ rā́ja-bhiḥ ǀ prathamā́ ǀ dhánāni ǀ asmā́kena ǀ vṛjánena ǀ jayema ǁ
Padapatha Transcription Nonaccented
gobhiḥ ǀ tarema ǀ amatim ǀ duḥ-evām ǀ yavena ǀ kṣudham ǀ puru-hūta ǀ viśvām ǀ
vayam ǀ rāja-bhiḥ ǀ prathamā ǀ dhanāni ǀ asmākena ǀ vṛjanena ǀ jayema ǁ
10.043.11 (Mandala. Sukta. Rik)
7.8.25.06 (Ashtaka. Adhyaya. Varga. Rik)
10.04.011 (Mandala. Anuvāka. Rik)
Samhita Devanagari Accented
बृह॒स्पति॑र्नः॒ परि॑ पातु प॒श्चादु॒तोत्त॑रस्मा॒दध॑रादघा॒योः ।
इंद्रः॑ पु॒रस्ता॑दु॒त म॑ध्य॒तो नः॒ सखा॒ सखि॑भ्यो॒ वरि॑वः कृणोतु ॥
Samhita Devanagari Nonaccented
बृहस्पतिर्नः परि पातु पश्चादुतोत्तरस्मादधरादघायोः ।
इंद्रः पुरस्तादुत मध्यतो नः सखा सखिभ्यो वरिवः कृणोतु ॥
Samhita Transcription Accented
bṛ́haspátirnaḥ pári pātu paścā́dutóttarasmādádharādaghāyóḥ ǀ
índraḥ purástādutá madhyató naḥ sákhā sákhibhyo várivaḥ kṛṇotu ǁ
Samhita Transcription Nonaccented
bṛhaspatirnaḥ pari pātu paścādutottarasmādadharādaghāyoḥ ǀ
indraḥ purastāduta madhyato naḥ sakhā sakhibhyo varivaḥ kṛṇotu ǁ
Padapatha Devanagari Accented
बृह॒स्पतिः॑ । नः॒ । परि॑ । पा॒तु॒ । प॒श्चात् । उ॒त । उत्ऽत॑रस्मात् । अध॑रात् । अ॒घ॒ऽयोः ।
इन्द्रः॑ । पु॒रस्ता॑त् । उ॒त । म॒ध्य॒तः । नः॒ । सखा॑ । सखि॑ऽभ्यः । वरि॑वः । कृ॒णो॒तु॒ ॥
Padapatha Devanagari Nonaccented
बृहस्पतिः । नः । परि । पातु । पश्चात् । उत । उत्ऽतरस्मात् । अधरात् । अघऽयोः ।
इन्द्रः । पुरस्तात् । उत । मध्यतः । नः । सखा । सखिऽभ्यः । वरिवः । कृणोतु ॥
Padapatha Transcription Accented
bṛ́haspátiḥ ǀ naḥ ǀ pári ǀ pātu ǀ paścā́t ǀ utá ǀ út-tarasmāt ǀ ádharāt ǀ agha-yóḥ ǀ
índraḥ ǀ purástāt ǀ utá ǀ madhyatáḥ ǀ naḥ ǀ sákhā ǀ sákhi-bhyaḥ ǀ várivaḥ ǀ kṛṇotu ǁ
Padapatha Transcription Nonaccented
bṛhaspatiḥ ǀ naḥ ǀ pari ǀ pātu ǀ paścāt ǀ uta ǀ ut-tarasmāt ǀ adharāt ǀ agha-yoḥ ǀ
indraḥ ǀ purastāt ǀ uta ǀ madhyataḥ ǀ naḥ ǀ sakhā ǀ sakhi-bhyaḥ ǀ varivaḥ ǀ kṛṇotu ǁ