|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 51
|
1. Info |
| To: | 1, 3, 5, 7, 9: agni; 2: devāḥ, mitra, varuṇa; 4, 6: devāḥ, varuṇa; 8: devāḥ |
|
| From: | 1, 3, 5, 7, 9: devās; 2, 4, 6, 8: agni saucīka |
|
| Metres: | 1st set of styles: virāṭtrisṭup (2, 5, 6); nicṛttriṣṭup (1, 3); triṣṭup (4, 7); bhuriktriṣṭup (8, 9) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.051.01 (Mandala. Sukta. Rik)
8.1.10.01 (Ashtaka. Adhyaya. Varga. Rik)
10.04.082 (Mandala. Anuvāka. Rik)
Samhita Devanagari Accented
म॒हत्तदुल्बं॒ स्थवि॑रं॒ तदा॑सी॒द्येनावि॑ष्टितः प्रवि॒वेशि॑था॒पः ।
विश्वा॑ अपश्यद्बहु॒धा ते॑ अग्ने॒ जात॑वेदस्त॒न्वो॑ दे॒व एकः॑ ॥
Samhita Devanagari Nonaccented
महत्तदुल्बं स्थविरं तदासीद्येनाविष्टितः प्रविवेशिथापः ।
विश्वा अपश्यद्बहुधा ते अग्ने जातवेदस्तन्वो देव एकः ॥
Samhita Transcription Accented
maháttádúlbam stháviram tádāsīdyénā́viṣṭitaḥ pravivéśithāpáḥ ǀ
víśvā apaśyadbahudhā́ te agne jā́tavedastanvó devá ékaḥ ǁ
Samhita Transcription Nonaccented
mahattadulbam sthaviram tadāsīdyenāviṣṭitaḥ praviveśithāpaḥ ǀ
viśvā apaśyadbahudhā te agne jātavedastanvo deva ekaḥ ǁ
Padapatha Devanagari Accented
म॒हत् । तत् । उल्ब॑म् । स्थवि॑रम् । तत् । आ॒सी॒त् । येन॑ । आऽवि॑ष्टितः । प्र॒ऽवि॒वेशि॑थ । अ॒पः ।
विश्वाः॑ । अ॒प॒श्य॒त् । ब॒हु॒धा । ते॒ । अ॒ग्ने॒ । जात॑ऽवेदः । त॒न्वः॑ । दे॒वः । एकः॑ ॥
Padapatha Devanagari Nonaccented
महत् । तत् । उल्बम् । स्थविरम् । तत् । आसीत् । येन । आऽविष्टितः । प्रऽविवेशिथ । अपः ।
विश्वाः । अपश्यत् । बहुधा । ते । अग्ने । जातऽवेदः । तन्वः । देवः । एकः ॥
Padapatha Transcription Accented
mahát ǀ tát ǀ úlbam ǀ stháviram ǀ tát ǀ āsīt ǀ yéna ǀ ā́-viṣṭitaḥ ǀ pra-vivéśitha ǀ apáḥ ǀ
víśvāḥ ǀ apaśyat ǀ bahudhā́ ǀ te ǀ agne ǀ jā́ta-vedaḥ ǀ tanváḥ ǀ deváḥ ǀ ékaḥ ǁ
Padapatha Transcription Nonaccented
mahat ǀ tat ǀ ulbam ǀ sthaviram ǀ tat ǀ āsīt ǀ yena ǀ ā-viṣṭitaḥ ǀ pra-viveśitha ǀ apaḥ ǀ
viśvāḥ ǀ apaśyat ǀ bahudhā ǀ te ǀ agne ǀ jāta-vedaḥ ǀ tanvaḥ ǀ devaḥ ǀ ekaḥ ǁ
10.051.02 (Mandala. Sukta. Rik)
8.1.10.02 (Ashtaka. Adhyaya. Varga. Rik)
10.04.083 (Mandala. Anuvāka. Rik)
Samhita Devanagari Accented
को मा॑ ददर्श कत॒मः स दे॒वो यो मे॑ त॒न्वो॑ बहु॒धा प॒र्यप॑श्यत् ।
क्वाह॑ मित्रावरुणा क्षियंत्य॒ग्नेर्विश्वाः॑ स॒मिधो॑ देव॒यानीः॑ ॥
Samhita Devanagari Nonaccented
को मा ददर्श कतमः स देवो यो मे तन्वो बहुधा पर्यपश्यत् ।
क्वाह मित्रावरुणा क्षियंत्यग्नेर्विश्वाः समिधो देवयानीः ॥
Samhita Transcription Accented
kó mā dadarśa katamáḥ sá devó yó me tanvó bahudhā́ paryápaśyat ǀ
kvā́ha mitrāvaruṇā kṣiyantyagnérvíśvāḥ samídho devayā́nīḥ ǁ
Samhita Transcription Nonaccented
ko mā dadarśa katamaḥ sa devo yo me tanvo bahudhā paryapaśyat ǀ
kvāha mitrāvaruṇā kṣiyantyagnerviśvāḥ samidho devayānīḥ ǁ
Padapatha Devanagari Accented
कः । मा॒ । द॒द॒र्श॒ । क॒त॒मः । सः । दे॒वः । यः । मे॒ । त॒न्वः॑ । ब॒हु॒धा । प॒रि॒ऽअप॑श्यत् ।
क्व॑ । अह॑ । मि॒त्रा॒व॒रु॒णा॒ । क्षि॒य॒न्ति॒ । अ॒ग्नेः । विश्वाः॑ । स॒म्ऽइधः॑ । दे॒व॒ऽयानीः॑ ॥
Padapatha Devanagari Nonaccented
कः । मा । ददर्श । कतमः । सः । देवः । यः । मे । तन्वः । बहुधा । परिऽअपश्यत् ।
क्व । अह । मित्रावरुणा । क्षियन्ति । अग्नेः । विश्वाः । सम्ऽइधः । देवऽयानीः ॥
Padapatha Transcription Accented
káḥ ǀ mā ǀ dadarśa ǀ katamáḥ ǀ sáḥ ǀ deváḥ ǀ yáḥ ǀ me ǀ tanváḥ ǀ bahudhā́ ǀ pari-ápaśyat ǀ
kvá ǀ áha ǀ mitrāvaruṇā ǀ kṣiyanti ǀ agnéḥ ǀ víśvāḥ ǀ sam-ídhaḥ ǀ deva-yā́nīḥ ǁ
Padapatha Transcription Nonaccented
kaḥ ǀ mā ǀ dadarśa ǀ katamaḥ ǀ saḥ ǀ devaḥ ǀ yaḥ ǀ me ǀ tanvaḥ ǀ bahudhā ǀ pari-apaśyat ǀ
kva ǀ aha ǀ mitrāvaruṇā ǀ kṣiyanti ǀ agneḥ ǀ viśvāḥ ǀ sam-idhaḥ ǀ deva-yānīḥ ǁ
10.051.03 (Mandala. Sukta. Rik)
8.1.10.03 (Ashtaka. Adhyaya. Varga. Rik)
10.04.084 (Mandala. Anuvāka. Rik)
Samhita Devanagari Accented
ऐच्छा॑म त्वा बहु॒धा जा॑तवेदः॒ प्रवि॑ष्टमग्ने अ॒प्स्वोष॑धीषु ।
तं त्वा॑ य॒मो अ॑चिकेच्चित्रभानो दशांतरु॒ष्याद॑ति॒रोच॑मानं ॥
Samhita Devanagari Nonaccented
ऐच्छाम त्वा बहुधा जातवेदः प्रविष्टमग्ने अप्स्वोषधीषु ।
तं त्वा यमो अचिकेच्चित्रभानो दशांतरुष्यादतिरोचमानं ॥
Samhita Transcription Accented
áicchāma tvā bahudhā́ jātavedaḥ práviṣṭamagne apsvóṣadhīṣu ǀ
tám tvā yamó acikeccitrabhāno daśāntaruṣyā́datirócamānam ǁ
Samhita Transcription Nonaccented
aicchāma tvā bahudhā jātavedaḥ praviṣṭamagne apsvoṣadhīṣu ǀ
tam tvā yamo acikeccitrabhāno daśāntaruṣyādatirocamānam ǁ
Padapatha Devanagari Accented
ऐच्छा॑म । त्वा॒ । ब॒हु॒धा । जा॒त॒ऽवे॒दः॒ । प्रऽवि॑ष्टम् । अ॒ग्ने॒ । अ॒प्ऽसु । ओष॑धीषु ।
तम् । त्वा॒ । य॒मः । अ॒चि॒के॒त् । चि॒त्र॒भा॒नो॒ इति॑ चित्रऽभानो । द॒श॒ऽअ॒न्त॒रु॒ष्यात् । अ॒ति॒ऽरोच॑मानम् ॥
Padapatha Devanagari Nonaccented
ऐच्छाम । त्वा । बहुधा । जातऽवेदः । प्रऽविष्टम् । अग्ने । अप्ऽसु । ओषधीषु ।
तम् । त्वा । यमः । अचिकेत् । चित्रभानो इति चित्रऽभानो । दशऽअन्तरुष्यात् । अतिऽरोचमानम् ॥
Padapatha Transcription Accented
áicchāma ǀ tvā ǀ bahudhā́ ǀ jāta-vedaḥ ǀ prá-viṣṭam ǀ agne ǀ ap-sú ǀ óṣadhīṣu ǀ
tám ǀ tvā ǀ yamáḥ ǀ aciket ǀ citrabhāno íti citra-bhāno ǀ daśa-antaruṣyā́t ǀ ati-rócamānam ǁ
Padapatha Transcription Nonaccented
aicchāma ǀ tvā ǀ bahudhā ǀ jāta-vedaḥ ǀ pra-viṣṭam ǀ agne ǀ ap-su ǀ oṣadhīṣu ǀ
tam ǀ tvā ǀ yamaḥ ǀ aciket ǀ citrabhāno iti citra-bhāno ǀ daśa-antaruṣyāt ǀ ati-rocamānam ǁ
10.051.04 (Mandala. Sukta. Rik)
8.1.10.04 (Ashtaka. Adhyaya. Varga. Rik)
10.04.085 (Mandala. Anuvāka. Rik)
Samhita Devanagari Accented
हो॒त्राद॒हं व॑रुण॒ बिभ्य॑दायं॒ नेदे॒व मा॑ यु॒नज॒न्नत्र॑ दे॒वाः ।
तस्य॑ मे त॒न्वो॑ बहु॒धा निवि॑ष्टा ए॒तमर्थं॒ न चि॑केता॒हम॒ग्निः ॥
Samhita Devanagari Nonaccented
होत्रादहं वरुण बिभ्यदायं नेदेव मा युनजन्नत्र देवाः ।
तस्य मे तन्वो बहुधा निविष्टा एतमर्थं न चिकेताहमग्निः ॥
Samhita Transcription Accented
hotrā́dahám varuṇa bíbhyadāyam nédevá mā yunájannátra devā́ḥ ǀ
tásya me tanvó bahudhā́ níviṣṭā etámártham ná ciketāhámagníḥ ǁ
Samhita Transcription Nonaccented
hotrādaham varuṇa bibhyadāyam nedeva mā yunajannatra devāḥ ǀ
tasya me tanvo bahudhā niviṣṭā etamartham na ciketāhamagniḥ ǁ
Padapatha Devanagari Accented
हो॒त्रात् । अ॒हम् । व॒रु॒ण॒ । बिभ्य॑त् । आ॒य॒म् । न । इत् । ए॒व । मा॒ । यु॒नज॑न् । अत्र॑ । दे॒वाः ।
तस्य॑ । मे॒ । त॒न्वः॑ । ब॒हु॒धा । निऽवि॑ष्टाः । ए॒तम् । अर्थ॑म् । न । चि॒के॒त॒ । अ॒हम् । अ॒ग्निः ॥
Padapatha Devanagari Nonaccented
होत्रात् । अहम् । वरुण । बिभ्यत् । आयम् । न । इत् । एव । मा । युनजन् । अत्र । देवाः ।
तस्य । मे । तन्वः । बहुधा । निऽविष्टाः । एतम् । अर्थम् । न । चिकेत । अहम् । अग्निः ॥
Padapatha Transcription Accented
hotrā́t ǀ ahám ǀ varuṇa ǀ bíbhyat ǀ āyam ǀ ná ǀ ít ǀ evá ǀ mā ǀ yunájan ǀ átra ǀ devā́ḥ ǀ
tásya ǀ me ǀ tanváḥ ǀ bahudhā́ ǀ ní-viṣṭāḥ ǀ etám ǀ ártham ǀ ná ǀ ciketa ǀ ahám ǀ agníḥ ǁ
Padapatha Transcription Nonaccented
hotrāt ǀ aham ǀ varuṇa ǀ bibhyat ǀ āyam ǀ na ǀ it ǀ eva ǀ mā ǀ yunajan ǀ atra ǀ devāḥ ǀ
tasya ǀ me ǀ tanvaḥ ǀ bahudhā ǀ ni-viṣṭāḥ ǀ etam ǀ artham ǀ na ǀ ciketa ǀ aham ǀ agniḥ ǁ
10.051.05 (Mandala. Sukta. Rik)
8.1.10.05 (Ashtaka. Adhyaya. Varga. Rik)
10.04.086 (Mandala. Anuvāka. Rik)
Samhita Devanagari Accented
एहि॒ मनु॑र्देव॒युर्य॒ज्ञका॑मोऽरं॒कृत्या॒ तम॑सि क्षेष्यग्ने ।
सु॒गान्प॒थः कृ॑णुहि देव॒याना॒न्वह॑ ह॒व्यानि॑ सुमन॒स्यमा॑नः ॥
Samhita Devanagari Nonaccented
एहि मनुर्देवयुर्यज्ञकामोऽरंकृत्या तमसि क्षेष्यग्ने ।
सुगान्पथः कृणुहि देवयानान्वह हव्यानि सुमनस्यमानः ॥
Samhita Transcription Accented
éhi mánurdevayúryajñákāmo’raṃkṛ́tyā támasi kṣeṣyagne ǀ
sugā́npatháḥ kṛṇuhi devayā́nānváha havyā́ni sumanasyámānaḥ ǁ
Samhita Transcription Nonaccented
ehi manurdevayuryajñakāmo’raṃkṛtyā tamasi kṣeṣyagne ǀ
sugānpathaḥ kṛṇuhi devayānānvaha havyāni sumanasyamānaḥ ǁ
Padapatha Devanagari Accented
आ । इ॒हि॒ । मनुः॑ । दे॒व॒ऽयुः । य॒ज्ञऽका॑मः । अ॒र॒म्ऽकृत्य॑ । तम॑सि । क्षे॒षि॒ । अ॒ग्ने॒ ।
सु॒ऽगान् । प॒थः । कृ॒णु॒हि॒ । दे॒व॒ऽयाना॑न् । वह॑ । ह॒व्यानि॑ । सु॒ऽम॒न॒स्यमा॑नः ॥
Padapatha Devanagari Nonaccented
आ । इहि । मनुः । देवऽयुः । यज्ञऽकामः । अरम्ऽकृत्य । तमसि । क्षेषि । अग्ने ।
सुऽगान् । पथः । कृणुहि । देवऽयानान् । वह । हव्यानि । सुऽमनस्यमानः ॥
Padapatha Transcription Accented
ā́ ǀ ihi ǀ mánuḥ ǀ deva-yúḥ ǀ yajñá-kāmaḥ ǀ aram-kṛ́tya ǀ támasi ǀ kṣeṣi ǀ agne ǀ
su-gā́n ǀ patháḥ ǀ kṛṇuhi ǀ deva-yā́nān ǀ váha ǀ havyā́ni ǀ su-manasyámānaḥ ǁ
Padapatha Transcription Nonaccented
ā ǀ ihi ǀ manuḥ ǀ deva-yuḥ ǀ yajña-kāmaḥ ǀ aram-kṛtya ǀ tamasi ǀ kṣeṣi ǀ agne ǀ
su-gān ǀ pathaḥ ǀ kṛṇuhi ǀ deva-yānān ǀ vaha ǀ havyāni ǀ su-manasyamānaḥ ǁ
10.051.06 (Mandala. Sukta. Rik)
8.1.11.01 (Ashtaka. Adhyaya. Varga. Rik)
10.04.087 (Mandala. Anuvāka. Rik)
Samhita Devanagari Accented
अ॒ग्नेः पूर्वे॒ भ्रात॑रो॒ अर्थ॑मे॒तं र॒थीवाध्वा॑न॒मन्वाव॑रीवुः ।
तस्मा॑द्भि॒या व॑रुण दू॒रमा॑यं गौ॒रो न क्षे॒प्नोर॑विजे॒ ज्यायाः॑ ॥
Samhita Devanagari Nonaccented
अग्नेः पूर्वे भ्रातरो अर्थमेतं रथीवाध्वानमन्वावरीवुः ।
तस्माद्भिया वरुण दूरमायं गौरो न क्षेप्नोरविजे ज्यायाः ॥
Samhita Transcription Accented
agnéḥ pū́rve bhrā́taro árthametám rathī́vā́dhvānamánvā́varīvuḥ ǀ
tásmādbhiyā́ varuṇa dūrámāyam gauró ná kṣepnóravije jyā́yāḥ ǁ
Samhita Transcription Nonaccented
agneḥ pūrve bhrātaro arthametam rathīvādhvānamanvāvarīvuḥ ǀ
tasmādbhiyā varuṇa dūramāyam gauro na kṣepnoravije jyāyāḥ ǁ
Padapatha Devanagari Accented
अ॒ग्नेः । पूर्वे॑ । भ्रात॑रः । अर्थ॑म् । ए॒तम् । र॒थीऽइ॑व । अध्वा॑नम् । अनु॑ । आ । अ॒व॒री॒वु॒रिति॑ ।
तस्मा॑त् । भि॒या । व॒रु॒ण॒ । दू॒रम् । आ॒य॒म् । गौ॒रः । न । क्षे॒प्नोः । अ॒वि॒जे॒ । ज्यायाः॑ ॥
Padapatha Devanagari Nonaccented
अग्नेः । पूर्वे । भ्रातरः । अर्थम् । एतम् । रथीऽइव । अध्वानम् । अनु । आ । अवरीवुरिति ।
तस्मात् । भिया । वरुण । दूरम् । आयम् । गौरः । न । क्षेप्नोः । अविजे । ज्यायाः ॥
Padapatha Transcription Accented
agnéḥ ǀ pū́rve ǀ bhrā́taraḥ ǀ ártham ǀ etám ǀ rathī́-iva ǀ ádhvānam ǀ ánu ǀ ā́ ǀ avarīvuríti ǀ
tásmāt ǀ bhiyā́ ǀ varuṇa ǀ dūrám ǀ āyam ǀ gauráḥ ǀ ná ǀ kṣepnóḥ ǀ avije ǀ jyā́yāḥ ǁ
Padapatha Transcription Nonaccented
agneḥ ǀ pūrve ǀ bhrātaraḥ ǀ artham ǀ etam ǀ rathī-iva ǀ adhvānam ǀ anu ǀ ā ǀ avarīvuriti ǀ
tasmāt ǀ bhiyā ǀ varuṇa ǀ dūram ǀ āyam ǀ gauraḥ ǀ na ǀ kṣepnoḥ ǀ avije ǀ jyāyāḥ ǁ
10.051.07 (Mandala. Sukta. Rik)
8.1.11.02 (Ashtaka. Adhyaya. Varga. Rik)
10.04.088 (Mandala. Anuvāka. Rik)
Samhita Devanagari Accented
कु॒र्मस्त॒ आयु॑र॒जरं॒ यद॑ग्ने॒ यथा॑ यु॒क्तो जा॑तवेदो॒ न रिष्याः॑ ।
अथा॑ वहासि सुमन॒स्यमा॑नो भा॒गं दे॒वेभ्यो॑ ह॒विषः॑ सुजात ॥
Samhita Devanagari Nonaccented
कुर्मस्त आयुरजरं यदग्ने यथा युक्तो जातवेदो न रिष्याः ।
अथा वहासि सुमनस्यमानो भागं देवेभ्यो हविषः सुजात ॥
Samhita Transcription Accented
kurmásta ā́yurajáram yádagne yáthā yuktó jātavedo ná ríṣyāḥ ǀ
áthā vahāsi sumanasyámāno bhāgám devébhyo havíṣaḥ sujāta ǁ
Samhita Transcription Nonaccented
kurmasta āyurajaram yadagne yathā yukto jātavedo na riṣyāḥ ǀ
athā vahāsi sumanasyamāno bhāgam devebhyo haviṣaḥ sujāta ǁ
Padapatha Devanagari Accented
कु॒र्मः । ते॒ । आयुः॑ । अ॒जर॑म् । यत् । अ॒ग्ने॒ । यथा॑ । यु॒क्तः । जा॒त॒ऽवे॒दः॒ । न । रिष्याः॑ ।
अथ॑ । व॒हा॒सि॒ । सु॒ऽम॒न॒स्यमा॑नः । भा॒गम् । दे॒वेभ्यः॑ । ह॒विषः॑ । सु॒ऽजा॒त॒ ॥
Padapatha Devanagari Nonaccented
कुर्मः । ते । आयुः । अजरम् । यत् । अग्ने । यथा । युक्तः । जातऽवेदः । न । रिष्याः ।
अथ । वहासि । सुऽमनस्यमानः । भागम् । देवेभ्यः । हविषः । सुऽजात ॥
Padapatha Transcription Accented
kurmáḥ ǀ te ǀ ā́yuḥ ǀ ajáram ǀ yát ǀ agne ǀ yáthā ǀ yuktáḥ ǀ jāta-vedaḥ ǀ ná ǀ ríṣyāḥ ǀ
átha ǀ vahāsi ǀ su-manasyámānaḥ ǀ bhāgám ǀ devébhyaḥ ǀ havíṣaḥ ǀ su-jāta ǁ
Padapatha Transcription Nonaccented
kurmaḥ ǀ te ǀ āyuḥ ǀ ajaram ǀ yat ǀ agne ǀ yathā ǀ yuktaḥ ǀ jāta-vedaḥ ǀ na ǀ riṣyāḥ ǀ
atha ǀ vahāsi ǀ su-manasyamānaḥ ǀ bhāgam ǀ devebhyaḥ ǀ haviṣaḥ ǀ su-jāta ǁ
10.051.08 (Mandala. Sukta. Rik)
8.1.11.03 (Ashtaka. Adhyaya. Varga. Rik)
10.04.089 (Mandala. Anuvāka. Rik)
Samhita Devanagari Accented
प्र॒या॒जान्मे॑ अनुया॒जांश्च॒ केव॑ला॒नूर्ज॑स्वंतं ह॒विषो॑ दत्त भा॒गं ।
घृ॒तं चा॒पां पुरु॑षं॒ चौष॑धीनाम॒ग्नेश्च॑ दी॒र्घमायु॑रस्तु देवाः ॥
Samhita Devanagari Nonaccented
प्रयाजान्मे अनुयाजांश्च केवलानूर्जस्वंतं हविषो दत्त भागं ।
घृतं चापां पुरुषं चौषधीनामग्नेश्च दीर्घमायुरस्तु देवाः ॥
Samhita Transcription Accented
prayājā́nme anuyājā́ṃśca kévalānū́rjasvantam havíṣo datta bhāgám ǀ
ghṛtám cāpā́m púruṣam cáuṣadhīnāmagnéśca dīrghámā́yurastu devāḥ ǁ
Samhita Transcription Nonaccented
prayājānme anuyājāṃśca kevalānūrjasvantam haviṣo datta bhāgam ǀ
ghṛtam cāpām puruṣam cauṣadhīnāmagneśca dīrghamāyurastu devāḥ ǁ
Padapatha Devanagari Accented
प्र॒ऽया॒जान् । मे॒ । अ॒नु॒ऽया॒जान् । च॒ । केव॑लान् । ऊर्ज॑स्वन्तम् । ह॒विषः॑ । द॒त्त॒ । भा॒गम् ।
घृ॒तम् । च॒ । अ॒पाम् । पुरु॑षम् । च॒ । ओष॑धीनाम् । अ॒ग्नेः । च॒ । दी॒र्घम् । आयुः॑ । अ॒स्तु॒ । दे॒वाः॒ ॥
Padapatha Devanagari Nonaccented
प्रऽयाजान् । मे । अनुऽयाजान् । च । केवलान् । ऊर्जस्वन्तम् । हविषः । दत्त । भागम् ।
घृतम् । च । अपाम् । पुरुषम् । च । ओषधीनाम् । अग्नेः । च । दीर्घम् । आयुः । अस्तु । देवाः ॥
Padapatha Transcription Accented
pra-yājā́n ǀ me ǀ anu-yājā́n ǀ ca ǀ kévalān ǀ ū́rjasvantam ǀ havíṣaḥ ǀ datta ǀ bhāgám ǀ
ghṛtám ǀ ca ǀ apā́m ǀ púruṣam ǀ ca ǀ óṣadhīnām ǀ agnéḥ ǀ ca ǀ dīrghám ǀ ā́yuḥ ǀ astu ǀ devāḥ ǁ
Padapatha Transcription Nonaccented
pra-yājān ǀ me ǀ anu-yājān ǀ ca ǀ kevalān ǀ ūrjasvantam ǀ haviṣaḥ ǀ datta ǀ bhāgam ǀ
ghṛtam ǀ ca ǀ apām ǀ puruṣam ǀ ca ǀ oṣadhīnām ǀ agneḥ ǀ ca ǀ dīrgham ǀ āyuḥ ǀ astu ǀ devāḥ ǁ
10.051.09 (Mandala. Sukta. Rik)
8.1.11.04 (Ashtaka. Adhyaya. Varga. Rik)
10.04.090 (Mandala. Anuvāka. Rik)
Samhita Devanagari Accented
तव॑ प्रया॒जा अ॑नुया॒जाश्च॒ केव॑ल॒ ऊर्ज॑स्वंतो ह॒विषः॑ संतु भा॒गाः ।
तवा॑ग्ने य॒ज्ञो॒३॒॑ऽयम॑स्तु॒ सर्व॒स्तुभ्यं॑ नमंतां प्र॒दिश॒श्चत॑स्रः ॥
Samhita Devanagari Nonaccented
तव प्रयाजा अनुयाजाश्च केवल ऊर्जस्वंतो हविषः संतु भागाः ।
तवाग्ने यज्ञोऽयमस्तु सर्वस्तुभ्यं नमंतां प्रदिशश्चतस्रः ॥
Samhita Transcription Accented
táva prayājā́ anuyājā́śca kévala ū́rjasvanto havíṣaḥ santu bhāgā́ḥ ǀ
távāgne yajñó’yámastu sárvastúbhyam namantām pradíśaścátasraḥ ǁ
Samhita Transcription Nonaccented
tava prayājā anuyājāśca kevala ūrjasvanto haviṣaḥ santu bhāgāḥ ǀ
tavāgne yajño’yamastu sarvastubhyam namantām pradiśaścatasraḥ ǁ
Padapatha Devanagari Accented
तव॑ । प्र॒ऽया॒जाः । अ॒नु॒ऽया॒जाः । च॒ । केव॑ले । ऊर्ज॑स्वन्तः । ह॒विषः॑ । स॒न्तु॒ । भा॒गाः ।
तव॑ । अ॒ग्ने॒ । य॒ज्ञः । अ॒यम् । अ॒स्तु॒ । सर्वः॑ । तुभ्य॑म् । न॒म॒न्ता॒म् । प्र॒ऽदिशः॑ । चत॑स्रः ॥
Padapatha Devanagari Nonaccented
तव । प्रऽयाजाः । अनुऽयाजाः । च । केवले । ऊर्जस्वन्तः । हविषः । सन्तु । भागाः ।
तव । अग्ने । यज्ञः । अयम् । अस्तु । सर्वः । तुभ्यम् । नमन्ताम् । प्रऽदिशः । चतस्रः ॥
Padapatha Transcription Accented
táva ǀ pra-yājā́ḥ ǀ anu-yājā́ḥ ǀ ca ǀ kévale ǀ ū́rjasvantaḥ ǀ havíṣaḥ ǀ santu ǀ bhāgā́ḥ ǀ
táva ǀ agne ǀ yajñáḥ ǀ ayám ǀ astu ǀ sárvaḥ ǀ túbhyam ǀ namantām ǀ pra-díśaḥ ǀ cátasraḥ ǁ
Padapatha Transcription Nonaccented
tava ǀ pra-yājāḥ ǀ anu-yājāḥ ǀ ca ǀ kevale ǀ ūrjasvantaḥ ǀ haviṣaḥ ǀ santu ǀ bhāgāḥ ǀ
tava ǀ agne ǀ yajñaḥ ǀ ayam ǀ astu ǀ sarvaḥ ǀ tubhyam ǀ namantām ǀ pra-diśaḥ ǀ catasraḥ ǁ