|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 53
|
1. Info |
| To: | agni | |
| From: | 1-3, 6-11: devās; 4, 5: agni saucīka |
|
| Metres: | 1st set of styles: triṣṭup (1, 3, 8); nicṛjjagatī (6, 7, 9); virāṭtrisṭup (2, 4); svarāḍārcītriṣṭup (5); virāḍjagatī (10); pādanicṛjjgatī (11) 2nd set of styles: triṣṭubh (1-5, 8); jagatī (6, 7, 9-11) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.053.01 (Mandala. Sukta. Rik)
8.1.13.01 (Ashtaka. Adhyaya. Varga. Rik)
10.04.097 (Mandala. Anuvāka. Rik)
Samhita Devanagari Accented
यमैच्छा॑म॒ मन॑सा॒ सो॒३॒॑ऽयमागा॑द्य॒ज्ञस्य॑ वि॒द्वान्परु॑षश्चिकि॒त्वान् ।
स नो॑ यक्षद्दे॒वता॑ता॒ यजी॑या॒न्नि हि षत्स॒दंत॑रः॒ पूर्वो॑ अ॒स्मत् ॥
Samhita Devanagari Nonaccented
यमैच्छाम मनसा सोऽयमागाद्यज्ञस्य विद्वान्परुषश्चिकित्वान् ।
स नो यक्षद्देवताता यजीयान्नि हि षत्सदंतरः पूर्वो अस्मत् ॥
Samhita Transcription Accented
yámáicchāma mánasā só’yámā́gādyajñásya vidvā́npáruṣaścikitvā́n ǀ
sá no yakṣaddevátātā yájīyānní hí ṣátsadántaraḥ pū́rvo asmát ǁ
Samhita Transcription Nonaccented
yamaicchāma manasā so’yamāgādyajñasya vidvānparuṣaścikitvān ǀ
sa no yakṣaddevatātā yajīyānni hi ṣatsadantaraḥ pūrvo asmat ǁ
Padapatha Devanagari Accented
यम् । ऐच्छा॑म । मन॑सा । सः । अ॒यम् । आ । अ॒गा॒त् । य॒ज्ञस्य॑ । वि॒द्वान् । परु॑षः । चि॒कि॒त्वान् ।
सः । नः॒ । य॒क्ष॒त् । दे॒वऽता॑ता । यजी॑यान् । नि । हि । स॒त्स॒त् । अन्त॑रः । पूर्वः॑ । अ॒स्मत् ॥
Padapatha Devanagari Nonaccented
यम् । ऐच्छाम । मनसा । सः । अयम् । आ । अगात् । यज्ञस्य । विद्वान् । परुषः । चिकित्वान् ।
सः । नः । यक्षत् । देवऽताता । यजीयान् । नि । हि । सत्सत् । अन्तरः । पूर्वः । अस्मत् ॥
Padapatha Transcription Accented
yám ǀ áicchāma ǀ mánasā ǀ sáḥ ǀ ayám ǀ ā́ ǀ agāt ǀ yajñásya ǀ vidvā́n ǀ páruṣaḥ ǀ cikitvā́n ǀ
sáḥ ǀ naḥ ǀ yakṣat ǀ devá-tātā ǀ yájīyān ǀ ní ǀ hí ǀ satsat ǀ ántaraḥ ǀ pū́rvaḥ ǀ asmát ǁ
Padapatha Transcription Nonaccented
yam ǀ aicchāma ǀ manasā ǀ saḥ ǀ ayam ǀ ā ǀ agāt ǀ yajñasya ǀ vidvān ǀ paruṣaḥ ǀ cikitvān ǀ
saḥ ǀ naḥ ǀ yakṣat ǀ deva-tātā ǀ yajīyān ǀ ni ǀ hi ǀ satsat ǀ antaraḥ ǀ pūrvaḥ ǀ asmat ǁ
10.053.02 (Mandala. Sukta. Rik)
8.1.13.02 (Ashtaka. Adhyaya. Varga. Rik)
10.04.098 (Mandala. Anuvāka. Rik)
Samhita Devanagari Accented
अरा॑धि॒ होता॑ नि॒षदा॒ यजी॑यान॒भि प्रयां॑सि॒ सुधि॑तानि॒ हि ख्यत् ।
यजा॑महै य॒ज्ञिया॒न्हंत॑ दे॒वाँ ईळा॑महा॒ ईड्याँ॒ आज्ये॑न ॥
Samhita Devanagari Nonaccented
अराधि होता निषदा यजीयानभि प्रयांसि सुधितानि हि ख्यत् ।
यजामहै यज्ञियान्हंत देवाँ ईळामहा ईड्याँ आज्येन ॥
Samhita Transcription Accented
árādhi hótā niṣádā yájīyānabhí práyāṃsi súdhitāni hí khyát ǀ
yájāmahai yajñíyānhánta devā́m̐ ī́ḷāmahā ī́ḍyām̐ ā́jyena ǁ
Samhita Transcription Nonaccented
arādhi hotā niṣadā yajīyānabhi prayāṃsi sudhitāni hi khyat ǀ
yajāmahai yajñiyānhanta devām̐ īḷāmahā īḍyām̐ ājyena ǁ
Padapatha Devanagari Accented
अरा॑धि । होता॑ । नि॒ऽसदा॑ । यजी॑यान् । अ॒भि । प्रयां॑सि । सुऽधि॑तानि । हि । ख्यत् ।
यजा॑महै । य॒ज्ञिया॑न् । हन्त॑ । दे॒वान् । ईळा॑महै । ईड्या॑न् । आज्ये॑न ॥
Padapatha Devanagari Nonaccented
अराधि । होता । निऽसदा । यजीयान् । अभि । प्रयांसि । सुऽधितानि । हि । ख्यत् ।
यजामहै । यज्ञियान् । हन्त । देवान् । ईळामहै । ईड्यान् । आज्येन ॥
Padapatha Transcription Accented
árādhi ǀ hótā ǀ ni-sádā ǀ yájīyān ǀ abhí ǀ práyāṃsi ǀ sú-dhitāni ǀ hí ǀ khyát ǀ
yájāmahai ǀ yajñíyān ǀ hánta ǀ devā́n ǀ ī́ḷāmahai ǀ ī́ḍyān ǀ ā́jyena ǁ
Padapatha Transcription Nonaccented
arādhi ǀ hotā ǀ ni-sadā ǀ yajīyān ǀ abhi ǀ prayāṃsi ǀ su-dhitāni ǀ hi ǀ khyat ǀ
yajāmahai ǀ yajñiyān ǀ hanta ǀ devān ǀ īḷāmahai ǀ īḍyān ǀ ājyena ǁ
10.053.03 (Mandala. Sukta. Rik)
8.1.13.03 (Ashtaka. Adhyaya. Varga. Rik)
10.04.099 (Mandala. Anuvāka. Rik)
Samhita Devanagari Accented
सा॒ध्वीम॑कर्दे॒ववी॑तिं नो अ॒द्य य॒ज्ञस्य॑ जि॒ह्वाम॑विदाम॒ गुह्यां॑ ।
स आयु॒रागा॑त्सुर॒भिर्वसा॑नो भ॒द्राम॑कर्दे॒वहू॑तिं नो अ॒द्य ॥
Samhita Devanagari Nonaccented
साध्वीमकर्देववीतिं नो अद्य यज्ञस्य जिह्वामविदाम गुह्यां ।
स आयुरागात्सुरभिर्वसानो भद्रामकर्देवहूतिं नो अद्य ॥
Samhita Transcription Accented
sādhvī́makardevávītim no adyá yajñásya jihvā́mavidāma gúhyām ǀ
sá ā́yurā́gātsurabhírvásāno bhadrā́makardeváhūtim no adyá ǁ
Samhita Transcription Nonaccented
sādhvīmakardevavītim no adya yajñasya jihvāmavidāma guhyām ǀ
sa āyurāgātsurabhirvasāno bhadrāmakardevahūtim no adya ǁ
Padapatha Devanagari Accented
सा॒ध्वीम् । अ॒कः॒ । दे॒वऽवी॑तिम् । नः॒ । अ॒द्य । य॒ज्ञस्य॑ । जि॒ह्वाम् । अ॒वि॒दा॒म॒ । गुह्या॑म् ।
सः । आयुः॑ । आ । अ॒गा॒त् । सु॒र॒भिः । वसा॑नः । भ॒द्राम् । अ॒कः॒ । दे॒वऽहू॑तिम् । नः॒ । अ॒द्य ॥
Padapatha Devanagari Nonaccented
साध्वीम् । अकः । देवऽवीतिम् । नः । अद्य । यज्ञस्य । जिह्वाम् । अविदाम । गुह्याम् ।
सः । आयुः । आ । अगात् । सुरभिः । वसानः । भद्राम् । अकः । देवऽहूतिम् । नः । अद्य ॥
Padapatha Transcription Accented
sādhvī́m ǀ akaḥ ǀ devá-vītim ǀ naḥ ǀ adyá ǀ yajñásya ǀ jihvā́m ǀ avidāma ǀ gúhyām ǀ
sáḥ ǀ ā́yuḥ ǀ ā́ ǀ agāt ǀ surabhíḥ ǀ vásānaḥ ǀ bhadrā́m ǀ akaḥ ǀ devá-hūtim ǀ naḥ ǀ adyá ǁ
Padapatha Transcription Nonaccented
sādhvīm ǀ akaḥ ǀ deva-vītim ǀ naḥ ǀ adya ǀ yajñasya ǀ jihvām ǀ avidāma ǀ guhyām ǀ
saḥ ǀ āyuḥ ǀ ā ǀ agāt ǀ surabhiḥ ǀ vasānaḥ ǀ bhadrām ǀ akaḥ ǀ deva-hūtim ǀ naḥ ǀ adya ǁ
10.053.04 (Mandala. Sukta. Rik)
8.1.13.04 (Ashtaka. Adhyaya. Varga. Rik)
10.04.100 (Mandala. Anuvāka. Rik)
Samhita Devanagari Accented
तद॒द्य वा॒चः प्र॑थ॒मं म॑सीय॒ येनासु॑राँ अ॒भि दे॒वा असा॑म ।
ऊर्जा॑द उ॒त य॑ज्ञियासः॒ पंच॑ जना॒ मम॑ हो॒त्रं जु॑षध्वं ॥
Samhita Devanagari Nonaccented
तदद्य वाचः प्रथमं मसीय येनासुराँ अभि देवा असाम ।
ऊर्जाद उत यज्ञियासः पंच जना मम होत्रं जुषध्वं ॥
Samhita Transcription Accented
tádadyá vācáḥ prathamám masīya yénā́surām̐ abhí devā́ ásāma ǀ
ū́rjāda utá yajñiyāsaḥ páñca janā máma hotrám juṣadhvam ǁ
Samhita Transcription Nonaccented
tadadya vācaḥ prathamam masīya yenāsurām̐ abhi devā asāma ǀ
ūrjāda uta yajñiyāsaḥ pañca janā mama hotram juṣadhvam ǁ
Padapatha Devanagari Accented
तत् । अ॒द्य । वा॒चः । प्र॒थ॒मम् । म॒सी॒य॒ । येन॑ । असु॑रान् । अ॒भि । दे॒वाः । असा॑म ।
ऊर्ज॑ऽअदः । उ॒त । य॒ज्ञि॒या॒सः॒ । पञ्च॑ । ज॒नाः॒ । मम॑ । हो॒त्रम् । जु॒ष॒ध्व॒म् ॥
Padapatha Devanagari Nonaccented
तत् । अद्य । वाचः । प्रथमम् । मसीय । येन । असुरान् । अभि । देवाः । असाम ।
ऊर्जऽअदः । उत । यज्ञियासः । पञ्च । जनाः । मम । होत्रम् । जुषध्वम् ॥
Padapatha Transcription Accented
tát ǀ adyá ǀ vācáḥ ǀ prathamám ǀ masīya ǀ yéna ǀ ásurān ǀ abhí ǀ devā́ḥ ǀ ásāma ǀ
ū́rja-adaḥ ǀ utá ǀ yajñiyāsaḥ ǀ páñca ǀ janāḥ ǀ máma ǀ hotrám ǀ juṣadhvam ǁ
Padapatha Transcription Nonaccented
tat ǀ adya ǀ vācaḥ ǀ prathamam ǀ masīya ǀ yena ǀ asurān ǀ abhi ǀ devāḥ ǀ asāma ǀ
ūrja-adaḥ ǀ uta ǀ yajñiyāsaḥ ǀ pañca ǀ janāḥ ǀ mama ǀ hotram ǀ juṣadhvam ǁ
10.053.05 (Mandala. Sukta. Rik)
8.1.13.05 (Ashtaka. Adhyaya. Varga. Rik)
10.04.101 (Mandala. Anuvāka. Rik)
Samhita Devanagari Accented
पंच॒ जना॒ मम॑ हो॒त्रं जु॑षंतां॒ गोजा॑ता उ॒त ये य॒ज्ञिया॑सः ।
पृ॒थि॒वी नः॒ पार्थि॑वात्पा॒त्वंह॑सो॒ऽंतरि॑क्षं दि॒व्यात्पा॑त्व॒स्मान् ॥
Samhita Devanagari Nonaccented
पंच जना मम होत्रं जुषंतां गोजाता उत ये यज्ञियासः ।
पृथिवी नः पार्थिवात्पात्वंहसोऽंतरिक्षं दिव्यात्पात्वस्मान् ॥
Samhita Transcription Accented
páñca jánā máma hotrám juṣantām gójātā utá yé yajñíyāsaḥ ǀ
pṛthivī́ naḥ pā́rthivātpātváṃhaso’ntárikṣam divyā́tpātvasmā́n ǁ
Samhita Transcription Nonaccented
pañca janā mama hotram juṣantām gojātā uta ye yajñiyāsaḥ ǀ
pṛthivī naḥ pārthivātpātvaṃhaso’ntarikṣam divyātpātvasmān ǁ
Padapatha Devanagari Accented
पञ्च॑ । जनाः॑ । मम॑ । हो॒त्रम् । जु॒ष॒न्ता॒म् । गोऽजा॑ताः । उ॒त । ये । य॒ज्ञिया॑सः ।
पृ॒थि॒वी । नः॒ । पार्थि॑वात् । पा॒तु॒ । अंह॑सः । अ॒न्तरि॑क्षम् । दि॒व्यात् । पा॒तु॒ । अ॒स्मान् ॥
Padapatha Devanagari Nonaccented
पञ्च । जनाः । मम । होत्रम् । जुषन्ताम् । गोऽजाताः । उत । ये । यज्ञियासः ।
पृथिवी । नः । पार्थिवात् । पातु । अंहसः । अन्तरिक्षम् । दिव्यात् । पातु । अस्मान् ॥
Padapatha Transcription Accented
páñca ǀ jánāḥ ǀ máma ǀ hotrám ǀ juṣantām ǀ gó-jātāḥ ǀ utá ǀ yé ǀ yajñíyāsaḥ ǀ
pṛthivī́ ǀ naḥ ǀ pā́rthivāt ǀ pātu ǀ áṃhasaḥ ǀ antárikṣam ǀ divyā́t ǀ pātu ǀ asmā́n ǁ
Padapatha Transcription Nonaccented
pañca ǀ janāḥ ǀ mama ǀ hotram ǀ juṣantām ǀ go-jātāḥ ǀ uta ǀ ye ǀ yajñiyāsaḥ ǀ
pṛthivī ǀ naḥ ǀ pārthivāt ǀ pātu ǀ aṃhasaḥ ǀ antarikṣam ǀ divyāt ǀ pātu ǀ asmān ǁ
10.053.06 (Mandala. Sukta. Rik)
8.1.14.01 (Ashtaka. Adhyaya. Varga. Rik)
10.04.102 (Mandala. Anuvāka. Rik)
Samhita Devanagari Accented
तंतुं॑ त॒न्वन्रज॑सो भा॒नुमन्वि॑हि॒ ज्योति॑ष्मतः प॒थो र॑क्ष धि॒या कृ॒तान् ।
अ॒नु॒ल्ब॒णं व॑यत॒ जोगु॑वा॒मपो॒ मनु॑र्भव ज॒नया॒ दैव्यं॒ जनं॑ ॥
Samhita Devanagari Nonaccented
तंतुं तन्वन्रजसो भानुमन्विहि ज्योतिष्मतः पथो रक्ष धिया कृतान् ।
अनुल्बणं वयत जोगुवामपो मनुर्भव जनया दैव्यं जनं ॥
Samhita Transcription Accented
tántum tanvánrájaso bhānúmánvihi jyótiṣmataḥ pathó rakṣa dhiyā́ kṛtā́n ǀ
anulbaṇám vayata jóguvāmápo mánurbhava janáyā dáivyam jánam ǁ
Samhita Transcription Nonaccented
tantum tanvanrajaso bhānumanvihi jyotiṣmataḥ patho rakṣa dhiyā kṛtān ǀ
anulbaṇam vayata joguvāmapo manurbhava janayā daivyam janam ǁ
Padapatha Devanagari Accented
तन्तु॑म् । त॒न्वन् । रज॑सः । भा॒नुम् । अनु॑ । इ॒हि॒ । ज्योति॑ष्मतः । प॒थः । र॒क्ष॒ । धि॒या । कृ॒तान् ।
अ॒नु॒ल्ब॒णम् । व॒य॒त॒ । जोगु॑वाम् । अपः॑ । मनुः॑ । भ॒व॒ । ज॒नय॑ । दैव्य॑म् । जन॑म् ॥
Padapatha Devanagari Nonaccented
तन्तुम् । तन्वन् । रजसः । भानुम् । अनु । इहि । ज्योतिष्मतः । पथः । रक्ष । धिया । कृतान् ।
अनुल्बणम् । वयत । जोगुवाम् । अपः । मनुः । भव । जनय । दैव्यम् । जनम् ॥
Padapatha Transcription Accented
tántum ǀ tanván ǀ rájasaḥ ǀ bhānúm ǀ ánu ǀ ihi ǀ jyótiṣmataḥ ǀ patháḥ ǀ rakṣa ǀ dhiyā́ ǀ kṛtā́n ǀ
anulbaṇám ǀ vayata ǀ jóguvām ǀ ápaḥ ǀ mánuḥ ǀ bhava ǀ janáya ǀ dáivyam ǀ jánam ǁ
Padapatha Transcription Nonaccented
tantum ǀ tanvan ǀ rajasaḥ ǀ bhānum ǀ anu ǀ ihi ǀ jyotiṣmataḥ ǀ pathaḥ ǀ rakṣa ǀ dhiyā ǀ kṛtān ǀ
anulbaṇam ǀ vayata ǀ joguvām ǀ apaḥ ǀ manuḥ ǀ bhava ǀ janaya ǀ daivyam ǀ janam ǁ
10.053.07 (Mandala. Sukta. Rik)
8.1.14.02 (Ashtaka. Adhyaya. Varga. Rik)
10.04.103 (Mandala. Anuvāka. Rik)
Samhita Devanagari Accented
अ॒क्षा॒नहो॑ नह्यतनो॒त सो॑म्या॒ इष्कृ॑णुध्वं रश॒ना ओत पिं॑शत ।
अ॒ष्टावं॑धुरं वहता॒भितो॒ रथं॒ येन॑ दे॒वासो॒ अन॑यन्न॒भि प्रि॒यं ॥
Samhita Devanagari Nonaccented
अक्षानहो नह्यतनोत सोम्या इष्कृणुध्वं रशना ओत पिंशत ।
अष्टावंधुरं वहताभितो रथं येन देवासो अनयन्नभि प्रियं ॥
Samhita Transcription Accented
akṣānáho nahyatanotá somyā íṣkṛṇudhvam raśanā́ ótá piṃśata ǀ
aṣṭā́vandhuram vahatābhíto rátham yéna devā́so ánayannabhí priyám ǁ
Samhita Transcription Nonaccented
akṣānaho nahyatanota somyā iṣkṛṇudhvam raśanā ota piṃśata ǀ
aṣṭāvandhuram vahatābhito ratham yena devāso anayannabhi priyam ǁ
Padapatha Devanagari Accented
अ॒क्ष॒ऽनहः॑ । न॒ह्य॒त॒न॒ । उ॒त । सो॒म्याः॒ । इष्कृ॑णुध्वम् । र॒श॒नाः । आ । उ॒त । पिं॒श॒त॒ ।
अ॒ष्टाऽव॑न्धुरम् । व॒ह॒त॒ । अ॒भितः॑ । रथ॑म् । येन॑ । दे॒वासः॑ । अन॑यन् । अ॒भि । प्रि॒यम् ॥
Padapatha Devanagari Nonaccented
अक्षऽनहः । नह्यतन । उत । सोम्याः । इष्कृणुध्वम् । रशनाः । आ । उत । पिंशत ।
अष्टाऽवन्धुरम् । वहत । अभितः । रथम् । येन । देवासः । अनयन् । अभि । प्रियम् ॥
Padapatha Transcription Accented
akṣa-náhaḥ ǀ nahyatana ǀ utá ǀ somyāḥ ǀ íṣkṛṇudhvam ǀ raśanā́ḥ ǀ ā́ ǀ utá ǀ piṃśata ǀ
aṣṭā́-vandhuram ǀ vahata ǀ abhítaḥ ǀ rátham ǀ yéna ǀ devā́saḥ ǀ ánayan ǀ abhí ǀ priyám ǁ
Padapatha Transcription Nonaccented
akṣa-nahaḥ ǀ nahyatana ǀ uta ǀ somyāḥ ǀ iṣkṛṇudhvam ǀ raśanāḥ ǀ ā ǀ uta ǀ piṃśata ǀ
aṣṭā-vandhuram ǀ vahata ǀ abhitaḥ ǀ ratham ǀ yena ǀ devāsaḥ ǀ anayan ǀ abhi ǀ priyam ǁ
10.053.08 (Mandala. Sukta. Rik)
8.1.14.03 (Ashtaka. Adhyaya. Varga. Rik)
10.04.104 (Mandala. Anuvāka. Rik)
Samhita Devanagari Accented
अश्म॑न्वती रीयते॒ सं र॑भध्व॒मुत्ति॑ष्ठत॒ प्र त॑रता सखायः ।
अत्रा॑ जहाम॒ ये अस॒न्नशे॑वाः शि॒वान्व॒यमुत्त॑रेमा॒भि वाजा॑न् ॥
Samhita Devanagari Nonaccented
अश्मन्वती रीयते सं रभध्वमुत्तिष्ठत प्र तरता सखायः ।
अत्रा जहाम ये असन्नशेवाः शिवान्वयमुत्तरेमाभि वाजान् ॥
Samhita Transcription Accented
áśmanvatī rīyate sám rabhadhvamúttiṣṭhata prá taratā sakhāyaḥ ǀ
átrā jahāma yé ásannáśevāḥ śivā́nvayámúttaremābhí vā́jān ǁ
Samhita Transcription Nonaccented
aśmanvatī rīyate sam rabhadhvamuttiṣṭhata pra taratā sakhāyaḥ ǀ
atrā jahāma ye asannaśevāḥ śivānvayamuttaremābhi vājān ǁ
Padapatha Devanagari Accented
अश्म॑न्ऽवती । री॒य॒ते॒ । सम् । र॒भ॒ध्व॒म् । उत् । ति॒ष्ठ॒त॒ । प्र । त॒र॒त॒ । स॒खा॒यः॒ ।
अत्र॑ । ज॒हा॒म॒ । ये । अस॑न् । अशे॑वाः । शि॒वान् । व॒यम् । उत् । त॒रे॒म॒ । अ॒भि । वाजा॑न् ॥
Padapatha Devanagari Nonaccented
अश्मन्ऽवती । रीयते । सम् । रभध्वम् । उत् । तिष्ठत । प्र । तरत । सखायः ।
अत्र । जहाम । ये । असन् । अशेवाः । शिवान् । वयम् । उत् । तरेम । अभि । वाजान् ॥
Padapatha Transcription Accented
áśman-vatī ǀ rīyate ǀ sám ǀ rabhadhvam ǀ út ǀ tiṣṭhata ǀ prá ǀ tarata ǀ sakhāyaḥ ǀ
átra ǀ jahāma ǀ yé ǀ ásan ǀ áśevāḥ ǀ śivā́n ǀ vayám ǀ út ǀ tarema ǀ abhí ǀ vā́jān ǁ
Padapatha Transcription Nonaccented
aśman-vatī ǀ rīyate ǀ sam ǀ rabhadhvam ǀ ut ǀ tiṣṭhata ǀ pra ǀ tarata ǀ sakhāyaḥ ǀ
atra ǀ jahāma ǀ ye ǀ asan ǀ aśevāḥ ǀ śivān ǀ vayam ǀ ut ǀ tarema ǀ abhi ǀ vājān ǁ
10.053.09 (Mandala. Sukta. Rik)
8.1.14.04 (Ashtaka. Adhyaya. Varga. Rik)
10.04.105 (Mandala. Anuvāka. Rik)
Samhita Devanagari Accented
त्वष्टा॑ मा॒या वे॑द॒पसा॑म॒पस्त॑मो॒ बिभ्र॒त्पात्रा॑ देव॒पाना॑नि॒ शंत॑मा ।
शिशी॑ते नू॒नं प॑र॒शुं स्वा॑य॒सं येन॑ वृ॒श्चादेत॑शो॒ ब्रह्म॑ण॒स्पतिः॑ ॥
Samhita Devanagari Nonaccented
त्वष्टा माया वेदपसामपस्तमो बिभ्रत्पात्रा देवपानानि शंतमा ।
शिशीते नूनं परशुं स्वायसं येन वृश्चादेतशो ब्रह्मणस्पतिः ॥
Samhita Transcription Accented
tváṣṭā māyā́ vedapásāmapástamo bíbhratpā́trā devapā́nāni śáṃtamā ǀ
śíśīte nūnám paraśúm svāyasám yéna vṛścā́détaśo bráhmaṇaspátiḥ ǁ
Samhita Transcription Nonaccented
tvaṣṭā māyā vedapasāmapastamo bibhratpātrā devapānāni śaṃtamā ǀ
śiśīte nūnam paraśum svāyasam yena vṛścādetaśo brahmaṇaspatiḥ ǁ
Padapatha Devanagari Accented
त्वष्टा॑ । मा॒या । वे॒त् । अ॒पसा॑म् । अ॒पःऽत॑मः । बिभ्र॑त् । पात्रा॑ । दे॒व॒ऽपाना॑नि । शम्ऽत॑मा ।
शिशी॑ते । नू॒नम् । प॒र॒शुम् । सु॒ऽआ॒य॒सम् । येन॑ । वृ॒श्चात् । एत॑शः । ब्रह्म॑णः । पतिः॑ ॥
Padapatha Devanagari Nonaccented
त्वष्टा । माया । वेत् । अपसाम् । अपःऽतमः । बिभ्रत् । पात्रा । देवऽपानानि । शम्ऽतमा ।
शिशीते । नूनम् । परशुम् । सुऽआयसम् । येन । वृश्चात् । एतशः । ब्रह्मणः । पतिः ॥
Padapatha Transcription Accented
tváṣṭā ǀ māyā́ ǀ vet ǀ apásām ǀ apáḥ-tamaḥ ǀ bíbhrat ǀ pā́trā ǀ deva-pā́nāni ǀ śám-tamā ǀ
śíśīte ǀ nūnám ǀ paraśúm ǀ su-āyasám ǀ yéna ǀ vṛścā́t ǀ étaśaḥ ǀ bráhmaṇaḥ ǀ pátiḥ ǁ
Padapatha Transcription Nonaccented
tvaṣṭā ǀ māyā ǀ vet ǀ apasām ǀ apaḥ-tamaḥ ǀ bibhrat ǀ pātrā ǀ deva-pānāni ǀ śam-tamā ǀ
śiśīte ǀ nūnam ǀ paraśum ǀ su-āyasam ǀ yena ǀ vṛścāt ǀ etaśaḥ ǀ brahmaṇaḥ ǀ patiḥ ǁ
10.053.10 (Mandala. Sukta. Rik)
8.1.14.05 (Ashtaka. Adhyaya. Varga. Rik)
10.04.106 (Mandala. Anuvāka. Rik)
Samhita Devanagari Accented
स॒तो नू॒नं क॑वयः॒ सं शि॑शीत॒ वाशी॑भि॒र्याभि॑र॒मृता॑य॒ तक्ष॑थ ।
वि॒द्वांसः॑ प॒दा गुह्या॑नि कर्तन॒ येन॑ दे॒वासो॑ अमृत॒त्वमा॑न॒शुः ॥
Samhita Devanagari Nonaccented
सतो नूनं कवयः सं शिशीत वाशीभिर्याभिरमृताय तक्षथ ।
विद्वांसः पदा गुह्यानि कर्तन येन देवासो अमृतत्वमानशुः ॥
Samhita Transcription Accented
sató nūnám kavayaḥ sám śiśīta vā́śībhiryā́bhiramṛ́tāya tákṣatha ǀ
vidvā́ṃsaḥ padā́ gúhyāni kartana yéna devā́so amṛtatvámānaśúḥ ǁ
Samhita Transcription Nonaccented
sato nūnam kavayaḥ sam śiśīta vāśībhiryābhiramṛtāya takṣatha ǀ
vidvāṃsaḥ padā guhyāni kartana yena devāso amṛtatvamānaśuḥ ǁ
Padapatha Devanagari Accented
स॒तः । नू॒नम् । क॒व॒यः॒ । सम् । शि॒शी॒त॒ । वाशी॑भिः । याभिः॑ । अ॒मृता॑य । तक्ष॑थ ।
वि॒द्वांसः॑ । प॒दा । गुह्या॑नि । क॒र्त॒न॒ । येन॑ । दे॒वासः॑ । अ॒मृ॒त॒ऽत्वम् । आ॒न॒शुः ॥
Padapatha Devanagari Nonaccented
सतः । नूनम् । कवयः । सम् । शिशीत । वाशीभिः । याभिः । अमृताय । तक्षथ ।
विद्वांसः । पदा । गुह्यानि । कर्तन । येन । देवासः । अमृतऽत्वम् । आनशुः ॥
Padapatha Transcription Accented
satáḥ ǀ nūnám ǀ kavayaḥ ǀ sám ǀ śiśīta ǀ vā́śībhiḥ ǀ yā́bhiḥ ǀ amṛ́tāya ǀ tákṣatha ǀ
vidvā́ṃsaḥ ǀ padā́ ǀ gúhyāni ǀ kartana ǀ yéna ǀ devā́saḥ ǀ amṛta-tvám ǀ ānaśúḥ ǁ
Padapatha Transcription Nonaccented
sataḥ ǀ nūnam ǀ kavayaḥ ǀ sam ǀ śiśīta ǀ vāśībhiḥ ǀ yābhiḥ ǀ amṛtāya ǀ takṣatha ǀ
vidvāṃsaḥ ǀ padā ǀ guhyāni ǀ kartana ǀ yena ǀ devāsaḥ ǀ amṛta-tvam ǀ ānaśuḥ ǁ
10.053.11 (Mandala. Sukta. Rik)
8.1.14.06 (Ashtaka. Adhyaya. Varga. Rik)
10.04.107 (Mandala. Anuvāka. Rik)
Samhita Devanagari Accented
गर्भे॒ योषा॒मद॑धुर्व॒त्समा॒सन्य॑पी॒च्ये॑न॒ मन॑सो॒त जि॒ह्वया॑ ।
स वि॒श्वाहा॑ सु॒मना॑ यो॒ग्या अ॒भि सि॑षा॒सनि॑र्वनते का॒र इज्जितिं॑ ॥
Samhita Devanagari Nonaccented
गर्भे योषामदधुर्वत्समासन्यपीच्येन मनसोत जिह्वया ।
स विश्वाहा सुमना योग्या अभि सिषासनिर्वनते कार इज्जितिं ॥
Samhita Transcription Accented
gárbhe yóṣāmádadhurvatsámāsányapīcyéna mánasotá jihváyā ǀ
sá viśvā́hā sumánā yogyā́ abhí siṣāsánirvanate kārá íjjítim ǁ
Samhita Transcription Nonaccented
garbhe yoṣāmadadhurvatsamāsanyapīcyena manasota jihvayā ǀ
sa viśvāhā sumanā yogyā abhi siṣāsanirvanate kāra ijjitim ǁ
Padapatha Devanagari Accented
गर्भे॑ । योषा॑म् । अद॑धुः । व॒त्सम् । आ॒सनि॑ । अ॒पी॒च्ये॑न । मन॑सा । उ॒त । जि॒ह्वया॑ ।
सः । वि॒श्वाहा॑ । सु॒ऽमनाः॑ । यो॒ग्याः । अ॒भि । सि॒सा॒सनिः॑ । व॒न॒ते॒ । का॒रः । इत् । जिति॑म् ॥
Padapatha Devanagari Nonaccented
गर्भे । योषाम् । अदधुः । वत्सम् । आसनि । अपीच्येन । मनसा । उत । जिह्वया ।
सः । विश्वाहा । सुऽमनाः । योग्याः । अभि । सिसासनिः । वनते । कारः । इत् । जितिम् ॥
Padapatha Transcription Accented
gárbhe ǀ yóṣām ǀ ádadhuḥ ǀ vatsám ǀ āsáni ǀ apīcyéna ǀ mánasā ǀ utá ǀ jihváyā ǀ
sáḥ ǀ viśvā́hā ǀ su-mánāḥ ǀ yogyā́ḥ ǀ abhí ǀ sisāsániḥ ǀ vanate ǀ kāráḥ ǀ ít ǀ jítim ǁ
Padapatha Transcription Nonaccented
garbhe ǀ yoṣām ǀ adadhuḥ ǀ vatsam ǀ āsani ǀ apīcyena ǀ manasā ǀ uta ǀ jihvayā ǀ
saḥ ǀ viśvāhā ǀ su-manāḥ ǀ yogyāḥ ǀ abhi ǀ sisāsaniḥ ǀ vanate ǀ kāraḥ ǀ it ǀ jitim ǁ