|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 54
|
1. Info |
| To: | indra | |
| From: | bṛhaduktha vāmadevya | |
| Metres: | 1st set of styles: triṣṭup (1, 6); svarāḍārcītriṣṭup (3, 4); virāṭtrisṭup (2); pādanicṛttriṣṭup (5) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.054.01 (Mandala. Sukta. Rik)
8.1.15.01 (Ashtaka. Adhyaya. Varga. Rik)
10.04.108 (Mandala. Anuvāka. Rik)
Samhita Devanagari Accented
तां सु ते॑ की॒र्तिं म॑घवन्महि॒त्वा यत्त्वा॑ भी॒ते रोद॑सी॒ अह्व॑येतां ।
प्रावो॑ दे॒वाँ आति॑रो॒ दास॒मोजः॑ प्र॒जायै॑ त्वस्यै॒ यदशि॑क्ष इंद्र ॥
Samhita Devanagari Nonaccented
तां सु ते कीर्तिं मघवन्महित्वा यत्त्वा भीते रोदसी अह्वयेतां ।
प्रावो देवाँ आतिरो दासमोजः प्रजायै त्वस्यै यदशिक्ष इंद्र ॥
Samhita Transcription Accented
tā́m sú te kīrtím maghavanmahitvā́ yáttvā bhīté ródasī áhvayetām ǀ
prā́vo devā́m̐ ā́tiro dā́samójaḥ prajā́yai tvasyai yádáśikṣa indra ǁ
Samhita Transcription Nonaccented
tām su te kīrtim maghavanmahitvā yattvā bhīte rodasī ahvayetām ǀ
prāvo devām̐ ātiro dāsamojaḥ prajāyai tvasyai yadaśikṣa indra ǁ
Padapatha Devanagari Accented
ताम् । सु । ते॒ । की॒र्तिम् । म॒घ॒ऽव॒न् । म॒हि॒ऽत्वा । यत् । त्वा॒ । भी॒ते इति॑ । रोद॑सी॒ इति॑ । अह्व॑येताम् ।
प्र । आ॒वः॒ । दे॒वान् । आ । अ॒ति॒रः॒ । दास॑म् । ओजः॑ । प्र॒ऽजायै॑ । त्व॒स्यै॒ । यत् । अशि॑क्षः । इ॒न्द्र॒ ॥
Padapatha Devanagari Nonaccented
ताम् । सु । ते । कीर्तिम् । मघऽवन् । महिऽत्वा । यत् । त्वा । भीते इति । रोदसी इति । अह्वयेताम् ।
प्र । आवः । देवान् । आ । अतिरः । दासम् । ओजः । प्रऽजायै । त्वस्यै । यत् । अशिक्षः । इन्द्र ॥
Padapatha Transcription Accented
tā́m ǀ sú ǀ te ǀ kīrtím ǀ magha-van ǀ mahi-tvā́ ǀ yát ǀ tvā ǀ bhīté íti ǀ ródasī íti ǀ áhvayetām ǀ
prá ǀ āvaḥ ǀ devā́n ǀ ā́ ǀ atiraḥ ǀ dā́sam ǀ ójaḥ ǀ pra-jā́yai ǀ tvasyai ǀ yát ǀ áśikṣaḥ ǀ indra ǁ
Padapatha Transcription Nonaccented
tām ǀ su ǀ te ǀ kīrtim ǀ magha-van ǀ mahi-tvā ǀ yat ǀ tvā ǀ bhīte iti ǀ rodasī iti ǀ ahvayetām ǀ
pra ǀ āvaḥ ǀ devān ǀ ā ǀ atiraḥ ǀ dāsam ǀ ojaḥ ǀ pra-jāyai ǀ tvasyai ǀ yat ǀ aśikṣaḥ ǀ indra ǁ
10.054.02 (Mandala. Sukta. Rik)
8.1.15.02 (Ashtaka. Adhyaya. Varga. Rik)
10.04.109 (Mandala. Anuvāka. Rik)
Samhita Devanagari Accented
यदच॑रस्त॒न्वा॑ वावृधा॒नो बला॑नींद्र प्रब्रुवा॒णो जने॑षु ।
मा॒येत्सा ते॒ यानि॑ यु॒द्धान्या॒हुर्नाद्य शत्रुं॑ न॒नु पु॒रा वि॑वित्से ॥
Samhita Devanagari Nonaccented
यदचरस्तन्वा वावृधानो बलानींद्र प्रब्रुवाणो जनेषु ।
मायेत्सा ते यानि युद्धान्याहुर्नाद्य शत्रुं ननु पुरा विवित्से ॥
Samhita Transcription Accented
yádácarastanvā́ vāvṛdhānó bálānīndra prabruvāṇó jáneṣu ǀ
māyétsā́ te yā́ni yuddhā́nyāhúrnā́dyá śátrum nanú purā́ vivitse ǁ
Samhita Transcription Nonaccented
yadacarastanvā vāvṛdhāno balānīndra prabruvāṇo janeṣu ǀ
māyetsā te yāni yuddhānyāhurnādya śatrum nanu purā vivitse ǁ
Padapatha Devanagari Accented
यत् । अच॑रः । त॒न्वा॑ । व॒वृ॒धा॒नः । बला॑नि । इ॒न्द्र॒ । प्र॒ऽब्रु॒वा॒णः । जने॑षु ।
मा॒या । इत् । सा । ते॒ । यानि॑ । यु॒द्धानि॑ । आ॒हुः । न । अ॒द्य । शत्रु॑म् । न॒नु । पु॒रा । वि॒वि॒त्से॒ ॥
Padapatha Devanagari Nonaccented
यत् । अचरः । तन्वा । ववृधानः । बलानि । इन्द्र । प्रऽब्रुवाणः । जनेषु ।
माया । इत् । सा । ते । यानि । युद्धानि । आहुः । न । अद्य । शत्रुम् । ननु । पुरा । विवित्से ॥
Padapatha Transcription Accented
yát ǀ ácaraḥ ǀ tanvā́ ǀ vavṛdhānáḥ ǀ bálāni ǀ indra ǀ pra-bruvāṇáḥ ǀ jáneṣu ǀ
māyā́ ǀ ít ǀ sā́ ǀ te ǀ yā́ni ǀ yuddhā́ni ǀ āhúḥ ǀ ná ǀ adyá ǀ śátrum ǀ nanú ǀ purā́ ǀ vivitse ǁ
Padapatha Transcription Nonaccented
yat ǀ acaraḥ ǀ tanvā ǀ vavṛdhānaḥ ǀ balāni ǀ indra ǀ pra-bruvāṇaḥ ǀ janeṣu ǀ
māyā ǀ it ǀ sā ǀ te ǀ yāni ǀ yuddhāni ǀ āhuḥ ǀ na ǀ adya ǀ śatrum ǀ nanu ǀ purā ǀ vivitse ǁ
10.054.03 (Mandala. Sukta. Rik)
8.1.15.03 (Ashtaka. Adhyaya. Varga. Rik)
10.04.110 (Mandala. Anuvāka. Rik)
Samhita Devanagari Accented
क उ॒ नु ते॑ महि॒मनः॑ समस्या॒स्मत्पूर्व॒ ऋष॒योऽंत॑मापुः ।
यन्मा॒तरं॑ च पि॒तरं॑ च सा॒कमज॑नयथास्त॒न्वः१॒॑ स्वायाः॑ ॥
Samhita Devanagari Nonaccented
क उ नु ते महिमनः समस्यास्मत्पूर्व ऋषयोऽंतमापुः ।
यन्मातरं च पितरं च साकमजनयथास्तन्वः स्वायाः ॥
Samhita Transcription Accented
ká u nú te mahimánaḥ samasyāsmátpū́rva ṛ́ṣayó’ntamāpuḥ ǀ
yánmātáram ca pitáram ca sākámájanayathāstanváḥ svā́yāḥ ǁ
Samhita Transcription Nonaccented
ka u nu te mahimanaḥ samasyāsmatpūrva ṛṣayo’ntamāpuḥ ǀ
yanmātaram ca pitaram ca sākamajanayathāstanvaḥ svāyāḥ ǁ
Padapatha Devanagari Accented
के । ऊं॒ इति॑ । नु । ते॒ । म॒हि॒मनः॑ । स॒म॒स्य॒ । अ॒स्मत् । पूर्वे॑ । ऋष॑यः । अन्त॑म् । आ॒पुः॒ ।
यत् । मा॒तर॑म् । च॒ । पि॒तर॑म् । च॒ । सा॒कम् । अज॑नयथाः । त॒न्वः॑ । स्वायाः॑ ॥
Padapatha Devanagari Nonaccented
के । ऊं इति । नु । ते । महिमनः । समस्य । अस्मत् । पूर्वे । ऋषयः । अन्तम् । आपुः ।
यत् । मातरम् । च । पितरम् । च । साकम् । अजनयथाः । तन्वः । स्वायाः ॥
Padapatha Transcription Accented
ké ǀ ūṃ íti ǀ nú ǀ te ǀ mahimánaḥ ǀ samasya ǀ asmát ǀ pū́rve ǀ ṛ́ṣayaḥ ǀ ántam ǀ āpuḥ ǀ
yát ǀ mātáram ǀ ca ǀ pitáram ǀ ca ǀ sākám ǀ ájanayathāḥ ǀ tanváḥ ǀ svā́yāḥ ǁ
Padapatha Transcription Nonaccented
ke ǀ ūṃ iti ǀ nu ǀ te ǀ mahimanaḥ ǀ samasya ǀ asmat ǀ pūrve ǀ ṛṣayaḥ ǀ antam ǀ āpuḥ ǀ
yat ǀ mātaram ǀ ca ǀ pitaram ǀ ca ǀ sākam ǀ ajanayathāḥ ǀ tanvaḥ ǀ svāyāḥ ǁ
10.054.04 (Mandala. Sukta. Rik)
8.1.15.04 (Ashtaka. Adhyaya. Varga. Rik)
10.04.111 (Mandala. Anuvāka. Rik)
Samhita Devanagari Accented
च॒त्वारि॑ ते असु॒र्या॑णि॒ नामादा॑भ्यानि महि॒षस्य॑ संति ।
त्वमं॒ग तानि॒ विश्वा॑नि वित्से॒ येभिः॒ कर्मा॑णि मघवंच॒कर्थ॑ ॥
Samhita Devanagari Nonaccented
चत्वारि ते असुर्याणि नामादाभ्यानि महिषस्य संति ।
त्वमंग तानि विश्वानि वित्से येभिः कर्माणि मघवंचकर्थ ॥
Samhita Transcription Accented
catvā́ri te asuryā́ṇi nā́mā́dābhyāni mahiṣásya santi ǀ
tvámaṅgá tā́ni víśvāni vitse yébhiḥ kármāṇi maghavañcakártha ǁ
Samhita Transcription Nonaccented
catvāri te asuryāṇi nāmādābhyāni mahiṣasya santi ǀ
tvamaṅga tāni viśvāni vitse yebhiḥ karmāṇi maghavañcakartha ǁ
Padapatha Devanagari Accented
च॒त्वारि॑ । ते॒ । अ॒सु॒र्या॑णि । नाम॑ । अदा॑भ्यानि । म॒हि॒षस्य॑ । स॒न्ति॒ ।
त्वम् । अ॒ङ्ग । तानि॑ । विश्वा॑नि । वि॒त्से॒ । येभिः॑ । कर्मा॑णि । म॒घ॒ऽव॒न् । च॒कर्थ॑ ॥
Padapatha Devanagari Nonaccented
चत्वारि । ते । असुर्याणि । नाम । अदाभ्यानि । महिषस्य । सन्ति ।
त्वम् । अङ्ग । तानि । विश्वानि । वित्से । येभिः । कर्माणि । मघऽवन् । चकर्थ ॥
Padapatha Transcription Accented
catvā́ri ǀ te ǀ asuryā́ṇi ǀ nā́ma ǀ ádābhyāni ǀ mahiṣásya ǀ santi ǀ
tvám ǀ aṅgá ǀ tā́ni ǀ víśvāni ǀ vitse ǀ yébhiḥ ǀ kármāṇi ǀ magha-van ǀ cakártha ǁ
Padapatha Transcription Nonaccented
catvāri ǀ te ǀ asuryāṇi ǀ nāma ǀ adābhyāni ǀ mahiṣasya ǀ santi ǀ
tvam ǀ aṅga ǀ tāni ǀ viśvāni ǀ vitse ǀ yebhiḥ ǀ karmāṇi ǀ magha-van ǀ cakartha ǁ
10.054.05 (Mandala. Sukta. Rik)
8.1.15.05 (Ashtaka. Adhyaya. Varga. Rik)
10.04.112 (Mandala. Anuvāka. Rik)
Samhita Devanagari Accented
त्वं विश्वा॑ दधिषे॒ केव॑लानि॒ यान्या॒विर्या च॒ गुहा॒ वसू॑नि ।
काम॒मिन्मे॑ मघव॒न्मा वि ता॑री॒स्त्वमा॑ज्ञा॒ता त्वमिं॑द्रासि दा॒ता ॥
Samhita Devanagari Nonaccented
त्वं विश्वा दधिषे केवलानि यान्याविर्या च गुहा वसूनि ।
काममिन्मे मघवन्मा वि तारीस्त्वमाज्ञाता त्वमिंद्रासि दाता ॥
Samhita Transcription Accented
tvám víśvā dadhiṣe kévalāni yā́nyāvíryā́ ca gúhā vásūni ǀ
kā́mamínme maghavanmā́ ví tārīstvámājñātā́ tvámindrāsi dātā́ ǁ
Samhita Transcription Nonaccented
tvam viśvā dadhiṣe kevalāni yānyāviryā ca guhā vasūni ǀ
kāmaminme maghavanmā vi tārīstvamājñātā tvamindrāsi dātā ǁ
Padapatha Devanagari Accented
त्वम् । विश्वा॑ । द॒धि॒षे॒ । केव॑लानि । यानि॑ । आ॒विः । या । च॒ । गुहा॑ । वसू॑नि ।
काम॑म् । इत् । मे॒ । म॒घ॒ऽव॒न् । मा । वि । ता॒रीः॒ । त्वम् । आ॒ऽज्ञा॒ता । त्वम् । इ॒न्द्र॒ । अ॒सि॒ । दा॒ता ॥
Padapatha Devanagari Nonaccented
त्वम् । विश्वा । दधिषे । केवलानि । यानि । आविः । या । च । गुहा । वसूनि ।
कामम् । इत् । मे । मघऽवन् । मा । वि । तारीः । त्वम् । आऽज्ञाता । त्वम् । इन्द्र । असि । दाता ॥
Padapatha Transcription Accented
tvám ǀ víśvā ǀ dadhiṣe ǀ kévalāni ǀ yā́ni ǀ āvíḥ ǀ yā́ ǀ ca ǀ gúhā ǀ vásūni ǀ
kā́mam ǀ ít ǀ me ǀ magha-van ǀ mā́ ǀ ví ǀ tārīḥ ǀ tvám ǀ ā-jñātā́ ǀ tvám ǀ indra ǀ asi ǀ dātā́ ǁ
Padapatha Transcription Nonaccented
tvam ǀ viśvā ǀ dadhiṣe ǀ kevalāni ǀ yāni ǀ āviḥ ǀ yā ǀ ca ǀ guhā ǀ vasūni ǀ
kāmam ǀ it ǀ me ǀ magha-van ǀ mā ǀ vi ǀ tārīḥ ǀ tvam ǀ ā-jñātā ǀ tvam ǀ indra ǀ asi ǀ dātā ǁ
10.054.06 (Mandala. Sukta. Rik)
8.1.15.06 (Ashtaka. Adhyaya. Varga. Rik)
10.04.113 (Mandala. Anuvāka. Rik)
Samhita Devanagari Accented
यो अद॑धा॒ज्ज्योति॑षि॒ ज्योति॑रं॒तर्यो असृ॑ज॒न्मधु॑ना॒ सं मधू॑नि ।
अध॑ प्रि॒यं शू॒षमिंद्रा॑य॒ मन्म॑ ब्रह्म॒कृतो॑ बृ॒हदु॑क्थादवाचि ॥
Samhita Devanagari Nonaccented
यो अदधाज्ज्योतिषि ज्योतिरंतर्यो असृजन्मधुना सं मधूनि ।
अध प्रियं शूषमिंद्राय मन्म ब्रह्मकृतो बृहदुक्थादवाचि ॥
Samhita Transcription Accented
yó ádadhājjyótiṣi jyótirantáryó ásṛjanmádhunā sám mádhūni ǀ
ádha priyám śūṣámíndrāya mánma brahmakṛ́to bṛhádukthādavāci ǁ
Samhita Transcription Nonaccented
yo adadhājjyotiṣi jyotirantaryo asṛjanmadhunā sam madhūni ǀ
adha priyam śūṣamindrāya manma brahmakṛto bṛhadukthādavāci ǁ
Padapatha Devanagari Accented
यः । अद॑धात् । ज्योति॑षि । ज्योतिः॑ । अ॒न्तः । यः । असृ॑जत् । मधु॑ना । सम् । मधू॑नि ।
अध॑ । प्रि॒यम् । शू॒षम् । इन्द्रा॑य । मन्म॑ । ब्र॒ह्म॒ऽकृतः॑ । बृ॒हत्ऽउ॑क्थात् । अ॒वा॒चि॒ ॥
Padapatha Devanagari Nonaccented
यः । अदधात् । ज्योतिषि । ज्योतिः । अन्तः । यः । असृजत् । मधुना । सम् । मधूनि ।
अध । प्रियम् । शूषम् । इन्द्राय । मन्म । ब्रह्मऽकृतः । बृहत्ऽउक्थात् । अवाचि ॥
Padapatha Transcription Accented
yáḥ ǀ ádadhāt ǀ jyótiṣi ǀ jyótiḥ ǀ antáḥ ǀ yáḥ ǀ ásṛjat ǀ mádhunā ǀ sám ǀ mádhūni ǀ
ádha ǀ priyám ǀ śūṣám ǀ índrāya ǀ mánma ǀ brahma-kṛ́taḥ ǀ bṛhát-ukthāt ǀ avāci ǁ
Padapatha Transcription Nonaccented
yaḥ ǀ adadhāt ǀ jyotiṣi ǀ jyotiḥ ǀ antaḥ ǀ yaḥ ǀ asṛjat ǀ madhunā ǀ sam ǀ madhūni ǀ
adha ǀ priyam ǀ śūṣam ǀ indrāya ǀ manma ǀ brahma-kṛtaḥ ǀ bṛhat-ukthāt ǀ avāci ǁ