|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 59
|
1. Info |
| To: | 1-3: nirṛti; 4: nirṛti, soma; 5, 6: asunīti; 7: liṅgoktadevatāḥ; 8, 9: divaḥ, pṛthivī; 10: divaḥ, pṛthivī or infra (a); divaḥ, pṛthivī (b) |
|
| From: | bandhu gaupāyana; śrutabandhu gaupāyana; subandhu gaupāyana; viprabandhu gaupāyana or bandhu laupāyana; śrutabandhu laupāyana; subandhu laupāyana; viprabandhu laupāyana | |
| Metres: | 1st set of styles: nicṛttriṣṭup (2, 4-6); svarāḍārcītriṣṭup (3, 7); virāṭtrisṭup (1); bhurikpaṅkti (8); jagatī (9); virāḍjagatī (10) 2nd set of styles: triṣṭubh (1-7); paṅkti (8); mahāpaṅkti (9); paṅktuttarā (10) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.059.01 (Mandala. Sukta. Rik)
8.1.22.01 (Ashtaka. Adhyaya. Varga. Rik)
10.04.147 (Mandala. Anuvāka. Rik)
Samhita Devanagari Accented
प्र ता॒र्यायुः॑ प्रत॒रं नवी॑यः॒ स्थाता॑रेव॒ क्रतु॑मता॒ रथ॑स्य ।
अध॒ च्यवा॑न॒ उत्त॑वी॒त्यर्थं॑ परात॒रं सु निर्ऋ॑तिर्जिहीतां ॥
Samhita Devanagari Nonaccented
प्र तार्यायुः प्रतरं नवीयः स्थातारेव क्रतुमता रथस्य ।
अध च्यवान उत्तवीत्यर्थं परातरं सु निर्ऋतिर्जिहीतां ॥
Samhita Transcription Accented
prá tāryā́yuḥ pratarám návīyaḥ sthā́tāreva krátumatā ráthasya ǀ
ádha cyávāna úttavītyártham parātarám sú nírṛtirjihītām ǁ
Samhita Transcription Nonaccented
pra tāryāyuḥ prataram navīyaḥ sthātāreva kratumatā rathasya ǀ
adha cyavāna uttavītyartham parātaram su nirṛtirjihītām ǁ
Padapatha Devanagari Accented
प्र । ता॒रि॒ । आयुः॑ । प्र॒ऽत॒रम् । नवी॑यः । स्थाता॑राऽइव । क्रतु॑ऽमता । रथ॑स्य ।
अध॑ । च्यवा॑नः । उत् । त॒वी॒ति॒ । अर्थ॑म् । प॒रा॒ऽत॒रम् । सु । निःऽऋ॑तिः । जि॒ही॒ता॒म् ॥
Padapatha Devanagari Nonaccented
प्र । तारि । आयुः । प्रऽतरम् । नवीयः । स्थाताराऽइव । क्रतुऽमता । रथस्य ।
अध । च्यवानः । उत् । तवीति । अर्थम् । पराऽतरम् । सु । निःऽऋतिः । जिहीताम् ॥
Padapatha Transcription Accented
prá ǀ tāri ǀ ā́yuḥ ǀ pra-tarám ǀ návīyaḥ ǀ sthā́tārā-iva ǀ krátu-matā ǀ ráthasya ǀ
ádha ǀ cyávānaḥ ǀ út ǀ tavīti ǀ ártham ǀ parā-tarám ǀ sú ǀ níḥ-ṛtiḥ ǀ jihītām ǁ
Padapatha Transcription Nonaccented
pra ǀ tāri ǀ āyuḥ ǀ pra-taram ǀ navīyaḥ ǀ sthātārā-iva ǀ kratu-matā ǀ rathasya ǀ
adha ǀ cyavānaḥ ǀ ut ǀ tavīti ǀ artham ǀ parā-taram ǀ su ǀ niḥ-ṛtiḥ ǀ jihītām ǁ
10.059.02 (Mandala. Sukta. Rik)
8.1.22.02 (Ashtaka. Adhyaya. Varga. Rik)
10.04.148 (Mandala. Anuvāka. Rik)
Samhita Devanagari Accented
साम॒न्नु रा॒ये नि॑धि॒मन्न्वन्नं॒ करा॑महे॒ सु पु॑रु॒ध श्रवां॑सि ।
ता नो॒ विश्वा॑नि जरि॒ता म॑मत्तु परात॒रं सु निर्ऋ॑तिर्जिहीतां ॥
Samhita Devanagari Nonaccented
सामन्नु राये निधिमन्न्वन्नं करामहे सु पुरुध श्रवांसि ।
ता नो विश्वानि जरिता ममत्तु परातरं सु निर्ऋतिर्जिहीतां ॥
Samhita Transcription Accented
sā́mannú rāyé nidhimánnvánnam kárāmahe sú purudhá śrávāṃsi ǀ
tā́ no víśvāni jaritā́ mamattu parātarám sú nírṛtirjihītām ǁ
Samhita Transcription Nonaccented
sāmannu rāye nidhimannvannam karāmahe su purudha śravāṃsi ǀ
tā no viśvāni jaritā mamattu parātaram su nirṛtirjihītām ǁ
Padapatha Devanagari Accented
साम॑न् । नु । रा॒ये । नि॒धि॒ऽमत् । नु । अन्न॑म् । करा॑महे । सु । पु॒रु॒ध । श्रवां॑सि ।
ता । नः॒ । विश्वा॑नि । ज॒रि॒ता । म॒म॒त्तु॒ । प॒रा॒ऽत॒रम् । सु । निःऽऋ॑तिः । जि॒ही॒ता॒म् ॥
Padapatha Devanagari Nonaccented
सामन् । नु । राये । निधिऽमत् । नु । अन्नम् । करामहे । सु । पुरुध । श्रवांसि ।
ता । नः । विश्वानि । जरिता । ममत्तु । पराऽतरम् । सु । निःऽऋतिः । जिहीताम् ॥
Padapatha Transcription Accented
sā́man ǀ nú ǀ rāyé ǀ nidhi-mát ǀ nú ǀ ánnam ǀ kárāmahe ǀ sú ǀ purudhá ǀ śrávāṃsi ǀ
tā́ ǀ naḥ ǀ víśvāni ǀ jaritā́ ǀ mamattu ǀ parā-tarám ǀ sú ǀ níḥ-ṛtiḥ ǀ jihītām ǁ
Padapatha Transcription Nonaccented
sāman ǀ nu ǀ rāye ǀ nidhi-mat ǀ nu ǀ annam ǀ karāmahe ǀ su ǀ purudha ǀ śravāṃsi ǀ
tā ǀ naḥ ǀ viśvāni ǀ jaritā ǀ mamattu ǀ parā-taram ǀ su ǀ niḥ-ṛtiḥ ǀ jihītām ǁ
10.059.03 (Mandala. Sukta. Rik)
8.1.22.03 (Ashtaka. Adhyaya. Varga. Rik)
10.04.149 (Mandala. Anuvāka. Rik)
Samhita Devanagari Accented
अ॒भी ष्व१॒॑र्यः पौंस्यै॑र्भवेम॒ द्यौर्न भूमिं॑ गि॒रयो॒ नाज्रा॑न् ।
ता नो॒ विश्वा॑नि जरि॒ता चि॑केत परात॒रं सु निर्ऋ॑तिर्जिहीतां ॥
Samhita Devanagari Nonaccented
अभी ष्वर्यः पौंस्यैर्भवेम द्यौर्न भूमिं गिरयो नाज्रान् ।
ता नो विश्वानि जरिता चिकेत परातरं सु निर्ऋतिर्जिहीतां ॥
Samhita Transcription Accented
abhī́ ṣváryáḥ páuṃsyairbhavema dyáurná bhū́mim giráyo nā́jrān ǀ
tā́ no víśvāni jaritā́ ciketa parātarám sú nírṛtirjihītām ǁ
Samhita Transcription Nonaccented
abhī ṣvaryaḥ pauṃsyairbhavema dyaurna bhūmim girayo nājrān ǀ
tā no viśvāni jaritā ciketa parātaram su nirṛtirjihītām ǁ
Padapatha Devanagari Accented
अ॒भि । सु । अ॒र्यः । पौंस्यैः॑ । भ॒वे॒म॒ । द्यौः । न । भूमि॑म् । गि॒रयः॑ । न । अज्रा॑न् ।
ता । नः॒ । विश्वा॑नि । ज॒रि॒ता । चि॒के॒त॒ । प॒रा॒ऽत॒रम् । सु । निःऽऋ॑तिः । जि॒ही॒ता॒म् ॥
Padapatha Devanagari Nonaccented
अभि । सु । अर्यः । पौंस्यैः । भवेम । द्यौः । न । भूमिम् । गिरयः । न । अज्रान् ।
ता । नः । विश्वानि । जरिता । चिकेत । पराऽतरम् । सु । निःऽऋतिः । जिहीताम् ॥
Padapatha Transcription Accented
abhí ǀ sú ǀ aryáḥ ǀ páuṃsyaiḥ ǀ bhavema ǀ dyáuḥ ǀ ná ǀ bhū́mim ǀ giráyaḥ ǀ ná ǀ ájrān ǀ
tā́ ǀ naḥ ǀ víśvāni ǀ jaritā́ ǀ ciketa ǀ parā-tarám ǀ sú ǀ níḥ-ṛtiḥ ǀ jihītām ǁ
Padapatha Transcription Nonaccented
abhi ǀ su ǀ aryaḥ ǀ pauṃsyaiḥ ǀ bhavema ǀ dyauḥ ǀ na ǀ bhūmim ǀ girayaḥ ǀ na ǀ ajrān ǀ
tā ǀ naḥ ǀ viśvāni ǀ jaritā ǀ ciketa ǀ parā-taram ǀ su ǀ niḥ-ṛtiḥ ǀ jihītām ǁ
10.059.04 (Mandala. Sukta. Rik)
8.1.22.04 (Ashtaka. Adhyaya. Varga. Rik)
10.04.150 (Mandala. Anuvāka. Rik)
Samhita Devanagari Accented
मो षु णः॑ सोम मृ॒त्यवे॒ परा॑ दाः॒ पश्ये॑म॒ नु सूर्य॑मु॒च्चरं॑तं ।
द्युभि॑र्हि॒तो ज॑रि॒मा सू नो॑ अस्तु परात॒रं सु निर्ऋ॑तिर्जिहीतां ॥
Samhita Devanagari Nonaccented
मो षु णः सोम मृत्यवे परा दाः पश्येम नु सूर्यमुच्चरंतं ।
द्युभिर्हितो जरिमा सू नो अस्तु परातरं सु निर्ऋतिर्जिहीतां ॥
Samhita Transcription Accented
mó ṣú ṇaḥ soma mṛtyáve párā dāḥ páśyema nú sū́ryamuccárantam ǀ
dyúbhirhitó jarimā́ sū́ no astu parātarám sú nírṛtirjihītām ǁ
Samhita Transcription Nonaccented
mo ṣu ṇaḥ soma mṛtyave parā dāḥ paśyema nu sūryamuccarantam ǀ
dyubhirhito jarimā sū no astu parātaram su nirṛtirjihītām ǁ
Padapatha Devanagari Accented
मो इति॑ । सु । नः॒ । सो॒म॒ । मृ॒त्यवे॑ । परा॑ । दाः॒ । पश्ये॑म । नु । सूर्य॑म् । उ॒त्ऽचर॑न्तम् ।
द्युऽभिः॑ । हि॒तः । ज॒रि॒मा । सु । नः॒ । अ॒स्तु॒ । प॒रा॒ऽत॒रम् । सु । निःऽऋ॑तिः । जि॒ही॒ता॒म् ॥
Padapatha Devanagari Nonaccented
मो इति । सु । नः । सोम । मृत्यवे । परा । दाः । पश्येम । नु । सूर्यम् । उत्ऽचरन्तम् ।
द्युऽभिः । हितः । जरिमा । सु । नः । अस्तु । पराऽतरम् । सु । निःऽऋतिः । जिहीताम् ॥
Padapatha Transcription Accented
mó íti ǀ sú ǀ naḥ ǀ soma ǀ mṛtyáve ǀ párā ǀ dāḥ ǀ páśyema ǀ nú ǀ sū́ryam ǀ ut-cárantam ǀ
dyú-bhiḥ ǀ hitáḥ ǀ jarimā́ ǀ sú ǀ naḥ ǀ astu ǀ parā-tarám ǀ sú ǀ níḥ-ṛtiḥ ǀ jihītām ǁ
Padapatha Transcription Nonaccented
mo iti ǀ su ǀ naḥ ǀ soma ǀ mṛtyave ǀ parā ǀ dāḥ ǀ paśyema ǀ nu ǀ sūryam ǀ ut-carantam ǀ
dyu-bhiḥ ǀ hitaḥ ǀ jarimā ǀ su ǀ naḥ ǀ astu ǀ parā-taram ǀ su ǀ niḥ-ṛtiḥ ǀ jihītām ǁ
10.059.05 (Mandala. Sukta. Rik)
8.1.22.05 (Ashtaka. Adhyaya. Varga. Rik)
10.04.151 (Mandala. Anuvāka. Rik)
Samhita Devanagari Accented
असु॑नीते॒ मनो॑ अ॒स्मासु॑ धारय जी॒वात॑वे॒ सु प्र ति॑रा न॒ आयुः॑ ।
रा॒रं॒धि नः॒ सूर्य॑स्य सं॒दृशि॑ घृ॒तेन॒ त्वं त॒न्वं॑ वर्धयस्व ॥
Samhita Devanagari Nonaccented
असुनीते मनो अस्मासु धारय जीवातवे सु प्र तिरा न आयुः ।
रारंधि नः सूर्यस्य संदृशि घृतेन त्वं तन्वं वर्धयस्व ॥
Samhita Transcription Accented
ásunīte máno asmā́su dhāraya jīvā́tave sú prá tirā na ā́yuḥ ǀ
rārandhí naḥ sū́ryasya saṃdṛ́śi ghṛténa tvám tanvám vardhayasva ǁ
Samhita Transcription Nonaccented
asunīte mano asmāsu dhāraya jīvātave su pra tirā na āyuḥ ǀ
rārandhi naḥ sūryasya saṃdṛśi ghṛtena tvam tanvam vardhayasva ǁ
Padapatha Devanagari Accented
असु॑ऽनीते । मनः॑ । अ॒स्मासु॑ । धा॒र॒य॒ । जी॒वात॑वे । सु । प्र । ति॒र॒ । नः॒ । आयुः॑ ।
र॒र॒न्धि । नः॒ । सूर्य॑स्य । स॒म्ऽदृशि॑ । घृ॒तेन॑ । त्वम् । त॒न्व॑म् । व॒र्ध॒य॒स्व॒ ॥
Padapatha Devanagari Nonaccented
असुऽनीते । मनः । अस्मासु । धारय । जीवातवे । सु । प्र । तिर । नः । आयुः ।
ररन्धि । नः । सूर्यस्य । सम्ऽदृशि । घृतेन । त्वम् । तन्वम् । वर्धयस्व ॥
Padapatha Transcription Accented
ásu-nīte ǀ mánaḥ ǀ asmā́su ǀ dhāraya ǀ jīvā́tave ǀ sú ǀ prá ǀ tira ǀ naḥ ǀ ā́yuḥ ǀ
rarandhí ǀ naḥ ǀ sū́ryasya ǀ sam-dṛ́śi ǀ ghṛténa ǀ tvám ǀ tanvám ǀ vardhayasva ǁ
Padapatha Transcription Nonaccented
asu-nīte ǀ manaḥ ǀ asmāsu ǀ dhāraya ǀ jīvātave ǀ su ǀ pra ǀ tira ǀ naḥ ǀ āyuḥ ǀ
rarandhi ǀ naḥ ǀ sūryasya ǀ sam-dṛśi ǀ ghṛtena ǀ tvam ǀ tanvam ǀ vardhayasva ǁ
10.059.06 (Mandala. Sukta. Rik)
8.1.23.01 (Ashtaka. Adhyaya. Varga. Rik)
10.04.152 (Mandala. Anuvāka. Rik)
Samhita Devanagari Accented
असु॑नीते॒ पुन॑र॒स्मासु॒ चक्षुः॒ पुनः॑ प्रा॒णमि॒ह नो॑ धेहि॒ भोगं॑ ।
ज्योक्प॑श्येम॒ सूर्य॑मु॒च्चरं॑त॒मनु॑मते मृ॒ळया॑ नः स्व॒स्ति ॥
Samhita Devanagari Nonaccented
असुनीते पुनरस्मासु चक्षुः पुनः प्राणमिह नो धेहि भोगं ।
ज्योक्पश्येम सूर्यमुच्चरंतमनुमते मृळया नः स्वस्ति ॥
Samhita Transcription Accented
ásunīte púnarasmā́su cákṣuḥ púnaḥ prāṇámihá no dhehi bhógam ǀ
jyókpaśyema sū́ryamuccárantamánumate mṛḷáyā naḥ svastí ǁ
Samhita Transcription Nonaccented
asunīte punarasmāsu cakṣuḥ punaḥ prāṇamiha no dhehi bhogam ǀ
jyokpaśyema sūryamuccarantamanumate mṛḷayā naḥ svasti ǁ
Padapatha Devanagari Accented
असु॑ऽनीते । पुनः॑ । अ॒स्मासु॑ । चक्षुः॑ । पुन॒रिति॑ । प्रा॒णम् । इ॒ह । नः॒ । धे॒हि॒ । भोग॑म् ।
ज्योक् । प॒श्ये॒म॒ । सूर्य॑म् । उ॒त्ऽचर॑न्तम् । अनु॑ऽमते । मृ॒ळय॑ । नः॒ । स्व॒स्ति ॥
Padapatha Devanagari Nonaccented
असुऽनीते । पुनः । अस्मासु । चक्षुः । पुनरिति । प्राणम् । इह । नः । धेहि । भोगम् ।
ज्योक् । पश्येम । सूर्यम् । उत्ऽचरन्तम् । अनुऽमते । मृळय । नः । स्वस्ति ॥
Padapatha Transcription Accented
ásu-nīte ǀ púnaḥ ǀ asmā́su ǀ cákṣuḥ ǀ púnaríti ǀ prāṇám ǀ ihá ǀ naḥ ǀ dhehi ǀ bhógam ǀ
jyók ǀ paśyema ǀ sū́ryam ǀ ut-cárantam ǀ ánu-mate ǀ mṛḷáya ǀ naḥ ǀ svastí ǁ
Padapatha Transcription Nonaccented
asu-nīte ǀ punaḥ ǀ asmāsu ǀ cakṣuḥ ǀ punariti ǀ prāṇam ǀ iha ǀ naḥ ǀ dhehi ǀ bhogam ǀ
jyok ǀ paśyema ǀ sūryam ǀ ut-carantam ǀ anu-mate ǀ mṛḷaya ǀ naḥ ǀ svasti ǁ
10.059.07 (Mandala. Sukta. Rik)
8.1.23.02 (Ashtaka. Adhyaya. Varga. Rik)
10.04.153 (Mandala. Anuvāka. Rik)
Samhita Devanagari Accented
पुन॑र्नो॒ असुं॑ पृथि॒वी द॑दातु॒ पुन॒र्द्यौर्दे॒वी पुन॑रं॒तरि॑क्षं ।
पुन॑र्नः॒ सोम॑स्त॒न्वं॑ ददातु॒ पुनः॑ पू॒षा प॒थ्यां॒३॒॑ या स्व॒स्तिः ॥
Samhita Devanagari Nonaccented
पुनर्नो असुं पृथिवी ददातु पुनर्द्यौर्देवी पुनरंतरिक्षं ।
पुनर्नः सोमस्तन्वं ददातु पुनः पूषा पथ्यां या स्वस्तिः ॥
Samhita Transcription Accented
púnarno ásum pṛthivī́ dadātu púnardyáurdevī́ púnarantárikṣam ǀ
púnarnaḥ sómastanvám dadātu púnaḥ pūṣā́ pathyā́m yā́ svastíḥ ǁ
Samhita Transcription Nonaccented
punarno asum pṛthivī dadātu punardyaurdevī punarantarikṣam ǀ
punarnaḥ somastanvam dadātu punaḥ pūṣā pathyām yā svastiḥ ǁ
Padapatha Devanagari Accented
पुनः॑ । नः॒ । असु॑म् । पृ॒थि॒वी । द॒दा॒तु॒ । पुनः॑ । द्यौः । दे॒वी । पुनः॑ । अ॒न्तरि॑क्षम् ।
पुनः॑ । नः॒ । सोमः॑ । त॒न्व॑म् । द॒दा॒तु॒ । पुन॒रिति॑ । पू॒षा । प॒थ्या॑म् । या । स्व॒स्तिः ॥
Padapatha Devanagari Nonaccented
पुनः । नः । असुम् । पृथिवी । ददातु । पुनः । द्यौः । देवी । पुनः । अन्तरिक्षम् ।
पुनः । नः । सोमः । तन्वम् । ददातु । पुनरिति । पूषा । पथ्याम् । या । स्वस्तिः ॥
Padapatha Transcription Accented
púnaḥ ǀ naḥ ǀ ásum ǀ pṛthivī́ ǀ dadātu ǀ púnaḥ ǀ dyáuḥ ǀ devī́ ǀ púnaḥ ǀ antárikṣam ǀ
púnaḥ ǀ naḥ ǀ sómaḥ ǀ tanvám ǀ dadātu ǀ púnaríti ǀ pūṣā́ ǀ pathyā́m ǀ yā́ ǀ svastíḥ ǁ
Padapatha Transcription Nonaccented
punaḥ ǀ naḥ ǀ asum ǀ pṛthivī ǀ dadātu ǀ punaḥ ǀ dyauḥ ǀ devī ǀ punaḥ ǀ antarikṣam ǀ
punaḥ ǀ naḥ ǀ somaḥ ǀ tanvam ǀ dadātu ǀ punariti ǀ pūṣā ǀ pathyām ǀ yā ǀ svastiḥ ǁ
10.059.08 (Mandala. Sukta. Rik)
8.1.23.03 (Ashtaka. Adhyaya. Varga. Rik)
10.04.154 (Mandala. Anuvāka. Rik)
Samhita Devanagari Accented
शं रोद॑सी सु॒बंध॑वे य॒ह्वी ऋ॒तस्य॑ मा॒तरा॑ ।
भर॑ता॒मप॒ यद्रपो॒ द्यौः पृ॑थिवि क्ष॒मा रपो॒ मो षु ते॒ किं च॒नाम॑मत् ॥
Samhita Devanagari Nonaccented
शं रोदसी सुबंधवे यह्वी ऋतस्य मातरा ।
भरतामप यद्रपो द्यौः पृथिवि क्षमा रपो मो षु ते किं चनाममत् ॥
Samhita Transcription Accented
śám ródasī subándhave yahvī́ ṛtásya mātárā ǀ
bháratāmápa yádrápo dyáuḥ pṛthivi kṣamā́ rápo mó ṣú te kím canā́mamat ǁ
Samhita Transcription Nonaccented
śam rodasī subandhave yahvī ṛtasya mātarā ǀ
bharatāmapa yadrapo dyauḥ pṛthivi kṣamā rapo mo ṣu te kim canāmamat ǁ
Padapatha Devanagari Accented
शम् । रोद॑सी॒ इति॑ । सु॒ऽबन्ध॑वे । य॒ह्वी इति॑ । ऋ॒तस्य॑ । मा॒तरा॑ ।
भर॑ताम् । अप॑ । यत् । रपः॑ । द्यौः । पृ॒थि॒वि॒ । क्ष॒मा । रपः॑ । मो इति॑ । सु । ते॒ । किम् । च॒न । आ॒म॒म॒त् ॥
Padapatha Devanagari Nonaccented
शम् । रोदसी इति । सुऽबन्धवे । यह्वी इति । ऋतस्य । मातरा ।
भरताम् । अप । यत् । रपः । द्यौः । पृथिवि । क्षमा । रपः । मो इति । सु । ते । किम् । चन । आममत् ॥
Padapatha Transcription Accented
śám ǀ ródasī íti ǀ su-bándhave ǀ yahvī́ íti ǀ ṛtásya ǀ mātárā ǀ
bháratām ǀ ápa ǀ yát ǀ rápaḥ ǀ dyáuḥ ǀ pṛthivi ǀ kṣamā́ ǀ rápaḥ ǀ mó íti ǀ sú ǀ te ǀ kím ǀ caná ǀ āmamat ǁ
Padapatha Transcription Nonaccented
śam ǀ rodasī iti ǀ su-bandhave ǀ yahvī iti ǀ ṛtasya ǀ mātarā ǀ
bharatām ǀ apa ǀ yat ǀ rapaḥ ǀ dyauḥ ǀ pṛthivi ǀ kṣamā ǀ rapaḥ ǀ mo iti ǀ su ǀ te ǀ kim ǀ cana ǀ āmamat ǁ
10.059.09 (Mandala. Sukta. Rik)
8.1.23.04 (Ashtaka. Adhyaya. Varga. Rik)
10.04.155 (Mandala. Anuvāka. Rik)
Samhita Devanagari Accented
अव॑ द्व॒के अव॑ त्रि॒का दि॒वश्च॑रंति भेष॒जा ।
क्ष॒मा च॑रि॒ष्ण्वे॑क॒कं भर॑ता॒मप॒ यद्रपो॒ द्यौः पृ॑थिवि क्ष॒मा रपो॒ मो षु ते॒ किं च॒नाम॑मत् ॥
Samhita Devanagari Nonaccented
अव द्वके अव त्रिका दिवश्चरंति भेषजा ।
क्षमा चरिष्ण्वेककं भरतामप यद्रपो द्यौः पृथिवि क्षमा रपो मो षु ते किं चनाममत् ॥
Samhita Transcription Accented
áva dvaké áva trikā́ diváścaranti bheṣajā́ ǀ
kṣamā́ cariṣṇvékakám bháratāmápa yádrápo dyáuḥ pṛthivi kṣamā́ rápo mó ṣú te kím canā́mamat ǁ
Samhita Transcription Nonaccented
ava dvake ava trikā divaścaranti bheṣajā ǀ
kṣamā cariṣṇvekakam bharatāmapa yadrapo dyauḥ pṛthivi kṣamā rapo mo ṣu te kim canāmamat ǁ
Padapatha Devanagari Accented
अव॑ । द्व॒के इति॑ । अव॑ । त्रि॒का । दि॒वः । च॒र॒न्ति॒ । भे॒ष॒जा ।
क्ष॒मा । च॒रि॒ष्णु । ए॒क॒कम् । भर॑ताम् । अप॑ । यत् । रपः॑ । द्यौः । पृ॒थि॒वि॒ । क्ष॒मा । रपः॑ । मो इति॑ । सु । ते॒ । किम् । च॒न । आ॒म॒म॒त् ॥
Padapatha Devanagari Nonaccented
अव । द्वके इति । अव । त्रिका । दिवः । चरन्ति । भेषजा ।
क्षमा । चरिष्णु । एककम् । भरताम् । अप । यत् । रपः । द्यौः । पृथिवि । क्षमा । रपः । मो इति । सु । ते । किम् । चन । आममत् ॥
Padapatha Transcription Accented
áva ǀ dvaké íti ǀ áva ǀ trikā́ ǀ diváḥ ǀ caranti ǀ bheṣajā́ ǀ
kṣamā́ ǀ cariṣṇú ǀ ekakám ǀ bháratām ǀ ápa ǀ yát ǀ rápaḥ ǀ dyáuḥ ǀ pṛthivi ǀ kṣamā́ ǀ rápaḥ ǀ mó íti ǀ sú ǀ te ǀ kím ǀ caná ǀ āmamat ǁ
Padapatha Transcription Nonaccented
ava ǀ dvake iti ǀ ava ǀ trikā ǀ divaḥ ǀ caranti ǀ bheṣajā ǀ
kṣamā ǀ cariṣṇu ǀ ekakam ǀ bharatām ǀ apa ǀ yat ǀ rapaḥ ǀ dyauḥ ǀ pṛthivi ǀ kṣamā ǀ rapaḥ ǀ mo iti ǀ su ǀ te ǀ kim ǀ cana ǀ āmamat ǁ
10.059.10 (Mandala. Sukta. Rik)
8.1.23.05 (Ashtaka. Adhyaya. Varga. Rik)
10.04.156 (Mandala. Anuvāka. Rik)
Samhita Devanagari Accented
समिं॑द्रेरय॒ गाम॑न॒ड्वाहं॒ य आव॑हदुशी॒नरा॑ण्या॒ अनः॑ ।
भर॑ता॒मप॒ यद्रपो॒ द्यौः पृ॑थिवि क्ष॒मा रपो॒ मो षु ते॒ किं च॒नाम॑मत् ॥
Samhita Devanagari Nonaccented
समिंद्रेरय गामनड्वाहं य आवहदुशीनराण्या अनः ।
भरतामप यद्रपो द्यौः पृथिवि क्षमा रपो मो षु ते किं चनाममत् ॥
Samhita Transcription Accented
sámindreraya gā́manaḍvā́ham yá ā́vahaduśīnárāṇyā ánaḥ ǀ
bháratāmápa yádrápo dyáuḥ pṛthivi kṣamā́ rápo mó ṣú te kím canā́mamat ǁ
Samhita Transcription Nonaccented
samindreraya gāmanaḍvāham ya āvahaduśīnarāṇyā anaḥ ǀ
bharatāmapa yadrapo dyauḥ pṛthivi kṣamā rapo mo ṣu te kim canāmamat ǁ
Padapatha Devanagari Accented
सम् । इ॒न्द्र॒ । ई॒र॒य॒ । गाम् । अ॒न॒ड्वाह॑म् । यः । आ । अव॑हत् । उ॒शी॒नरा॑ण्याः । अनः॑ ।
भर॑ताम् । अप॑ । यत् । रपः॑ । द्यौः । पृ॒थि॒वि॒ । क्ष॒मा । रपः॑ । मो इति॑ । सु । ते॒ । किम् । च॒न । आ॒म॒म॒त् ॥
Padapatha Devanagari Nonaccented
सम् । इन्द्र । ईरय । गाम् । अनड्वाहम् । यः । आ । अवहत् । उशीनराण्याः । अनः ।
भरताम् । अप । यत् । रपः । द्यौः । पृथिवि । क्षमा । रपः । मो इति । सु । ते । किम् । चन । आममत् ॥
Padapatha Transcription Accented
sám ǀ indra ǀ īraya ǀ gā́m ǀ anaḍvā́ham ǀ yáḥ ǀ ā́ ǀ ávahat ǀ uśīnárāṇyāḥ ǀ ánaḥ ǀ
bháratām ǀ ápa ǀ yát ǀ rápaḥ ǀ dyáuḥ ǀ pṛthivi ǀ kṣamā́ ǀ rápaḥ ǀ mó íti ǀ sú ǀ te ǀ kím ǀ caná ǀ āmamat ǁ
Padapatha Transcription Nonaccented
sam ǀ indra ǀ īraya ǀ gām ǀ anaḍvāham ǀ yaḥ ǀ ā ǀ avahat ǀ uśīnarāṇyāḥ ǀ anaḥ ǀ
bharatām ǀ apa ǀ yat ǀ rapaḥ ǀ dyauḥ ǀ pṛthivi ǀ kṣamā ǀ rapaḥ ǀ mo iti ǀ su ǀ te ǀ kim ǀ cana ǀ āmamat ǁ