|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 62
|
1. Info |
| To: | 1-7: aṅgirasas; 8-11: dānastuti of sāvarṇi |
|
| From: | nābhānediṣṭha mānava | |
| Metres: | 1st set of styles: virāḍjagatī (1, 2); nicṛdanuṣṭup (8, 9); pādanicṛjjgatī (3); nicṛjjagatī (4); anuṣṭup (5); bṛhatī (6); virāṭpaṅkti (7); gāyatrī (10); bhuriktriṣṭup (11) 2nd set of styles: jagatī (1-4); anuṣṭubh (5, 8, 9); bṛhatī (6); satobṛhatī (7); gāyatrī (10); triṣṭubh (11) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.062.01 (Mandala. Sukta. Rik)
8.2.01.01 (Ashtaka. Adhyaya. Varga. Rik)
10.05.028 (Mandala. Anuvāka. Rik)
Samhita Devanagari Accented
ये य॒ज्ञेन॒ दक्षि॑णया॒ सम॑क्ता॒ इंद्र॑स्य स॒ख्यम॑मृत॒त्वमा॑न॒श ।
तेभ्यो॑ भ॒द्रमं॑गिरसो वो अस्तु॒ प्रति॑ गृभ्णीत मान॒वं सु॑मेधसः ॥
Samhita Devanagari Nonaccented
ये यज्ञेन दक्षिणया समक्ता इंद्रस्य सख्यममृतत्वमानश ।
तेभ्यो भद्रमंगिरसो वो अस्तु प्रति गृभ्णीत मानवं सुमेधसः ॥
Samhita Transcription Accented
yé yajñéna dákṣiṇayā sámaktā índrasya sakhyámamṛtatvámānaśá ǀ
tébhyo bhadrámaṅgiraso vo astu práti gṛbhṇīta mānavám sumedhasaḥ ǁ
Samhita Transcription Nonaccented
ye yajñena dakṣiṇayā samaktā indrasya sakhyamamṛtatvamānaśa ǀ
tebhyo bhadramaṅgiraso vo astu prati gṛbhṇīta mānavam sumedhasaḥ ǁ
Padapatha Devanagari Accented
ये । य॒ज्ञेन॑ । दक्षि॑णया । सम्ऽअ॑क्ताः । इन्द्र॑स्य । स॒ख्यम् । अ॒मृ॒त॒ऽत्वम् । आ॒न॒श ।
तेभ्यः॑ । भ॒द्रम् । अ॒ङ्गि॒र॒सः॒ । वः॒ । अ॒स्तु॒ । प्रति॑ । गृ॒भ्णी॒त॒ । मा॒न॒वम् । सु॒ऽमे॒ध॒सः॒ ॥
Padapatha Devanagari Nonaccented
ये । यज्ञेन । दक्षिणया । सम्ऽअक्ताः । इन्द्रस्य । सख्यम् । अमृतऽत्वम् । आनश ।
तेभ्यः । भद्रम् । अङ्गिरसः । वः । अस्तु । प्रति । गृभ्णीत । मानवम् । सुऽमेधसः ॥
Padapatha Transcription Accented
yé ǀ yajñéna ǀ dákṣiṇayā ǀ sám-aktāḥ ǀ índrasya ǀ sakhyám ǀ amṛta-tvám ǀ ānaśá ǀ
tébhyaḥ ǀ bhadrám ǀ aṅgirasaḥ ǀ vaḥ ǀ astu ǀ práti ǀ gṛbhṇīta ǀ mānavám ǀ su-medhasaḥ ǁ
Padapatha Transcription Nonaccented
ye ǀ yajñena ǀ dakṣiṇayā ǀ sam-aktāḥ ǀ indrasya ǀ sakhyam ǀ amṛta-tvam ǀ ānaśa ǀ
tebhyaḥ ǀ bhadram ǀ aṅgirasaḥ ǀ vaḥ ǀ astu ǀ prati ǀ gṛbhṇīta ǀ mānavam ǀ su-medhasaḥ ǁ
10.062.02 (Mandala. Sukta. Rik)
8.2.01.02 (Ashtaka. Adhyaya. Varga. Rik)
10.05.029 (Mandala. Anuvāka. Rik)
Samhita Devanagari Accented
य उ॒दाज॑न्पि॒तरो॑ गो॒मयं॒ वस्वृ॒तेनाभिं॑दन्परिवत्स॒रे व॒लं ।
दी॒र्घा॒यु॒त्वमं॑गिरसो वो अस्तु॒ प्रति॑ गृभ्णीत मान॒वं सु॑मेधसः ॥
Samhita Devanagari Nonaccented
य उदाजन्पितरो गोमयं वस्वृतेनाभिंदन्परिवत्सरे वलं ।
दीर्घायुत्वमंगिरसो वो अस्तु प्रति गृभ्णीत मानवं सुमेधसः ॥
Samhita Transcription Accented
yá udā́janpitáro gomáyam vásvṛténā́bhindanparivatsaré valám ǀ
dīrghāyutvámaṅgiraso vo astu práti gṛbhṇīta mānavám sumedhasaḥ ǁ
Samhita Transcription Nonaccented
ya udājanpitaro gomayam vasvṛtenābhindanparivatsare valam ǀ
dīrghāyutvamaṅgiraso vo astu prati gṛbhṇīta mānavam sumedhasaḥ ǁ
Padapatha Devanagari Accented
ये । उ॒त्ऽआज॑न् । पि॒तरः॑ । गो॒ऽमय॑म् । वसु॑ । ऋ॒तेन॑ । अभि॑न्दन् । प॒रि॒व॒त्स॒रे । व॒लम् ।
दी॒र्घा॒यु॒ऽत्वम् । अ॒ङ्गि॒र॒सः॒ । वः॒ । अ॒स्तु॒ । प्रति॑ । गृ॒भ्णी॒त॒ । मा॒न॒वम् । सु॒ऽमे॒ध॒सः॒ ॥
Padapatha Devanagari Nonaccented
ये । उत्ऽआजन् । पितरः । गोऽमयम् । वसु । ऋतेन । अभिन्दन् । परिवत्सरे । वलम् ।
दीर्घायुऽत्वम् । अङ्गिरसः । वः । अस्तु । प्रति । गृभ्णीत । मानवम् । सुऽमेधसः ॥
Padapatha Transcription Accented
yé ǀ ut-ā́jan ǀ pitáraḥ ǀ go-máyam ǀ vásu ǀ ṛténa ǀ ábhindan ǀ parivatsaré ǀ valám ǀ
dīrghāyu-tvám ǀ aṅgirasaḥ ǀ vaḥ ǀ astu ǀ práti ǀ gṛbhṇīta ǀ mānavám ǀ su-medhasaḥ ǁ
Padapatha Transcription Nonaccented
ye ǀ ut-ājan ǀ pitaraḥ ǀ go-mayam ǀ vasu ǀ ṛtena ǀ abhindan ǀ parivatsare ǀ valam ǀ
dīrghāyu-tvam ǀ aṅgirasaḥ ǀ vaḥ ǀ astu ǀ prati ǀ gṛbhṇīta ǀ mānavam ǀ su-medhasaḥ ǁ
10.062.03 (Mandala. Sukta. Rik)
8.2.01.03 (Ashtaka. Adhyaya. Varga. Rik)
10.05.030 (Mandala. Anuvāka. Rik)
Samhita Devanagari Accented
य ऋ॒तेन॒ सूर्य॒मारो॑हयंदि॒व्यप्र॑थयन्पृथि॒वीं मा॒तरं॒ वि ।
सु॒प्र॒जा॒स्त्वमं॑गिरसो वो अस्तु॒ प्रति॑ गृभ्णीत मान॒वं सु॑मेधसः ॥
Samhita Devanagari Nonaccented
य ऋतेन सूर्यमारोहयंदिव्यप्रथयन्पृथिवीं मातरं वि ।
सुप्रजास्त्वमंगिरसो वो अस्तु प्रति गृभ्णीत मानवं सुमेधसः ॥
Samhita Transcription Accented
yá ṛténa sū́ryamā́rohayandivyáprathayanpṛthivī́m mātáram ví ǀ
suprajāstvámaṅgiraso vo astu práti gṛbhṇīta mānavám sumedhasaḥ ǁ
Samhita Transcription Nonaccented
ya ṛtena sūryamārohayandivyaprathayanpṛthivīm mātaram vi ǀ
suprajāstvamaṅgiraso vo astu prati gṛbhṇīta mānavam sumedhasaḥ ǁ
Padapatha Devanagari Accented
ये । ऋ॒तेन॑ । सूर्य॑म् । आ । अरो॑हयन् । दि॒वि । अप्र॑थयन् । पृ॒थि॒वीम् । मा॒तर॑म् । वि ।
सु॒प्र॒जाः॒ऽत्वम् । अ॒ङ्गि॒र॒सः॒ । वः॒ । अ॒स्तु॒ । प्रति॑ । गृ॒भ्णी॒त॒ । मा॒न॒वम् । सु॒ऽमे॒ध॒सः॒ ॥
Padapatha Devanagari Nonaccented
ये । ऋतेन । सूर्यम् । आ । अरोहयन् । दिवि । अप्रथयन् । पृथिवीम् । मातरम् । वि ।
सुप्रजाःऽत्वम् । अङ्गिरसः । वः । अस्तु । प्रति । गृभ्णीत । मानवम् । सुऽमेधसः ॥
Padapatha Transcription Accented
yé ǀ ṛténa ǀ sū́ryam ǀ ā́ ǀ árohayan ǀ diví ǀ áprathayan ǀ pṛthivī́m ǀ mātáram ǀ ví ǀ
suprajāḥ-tvám ǀ aṅgirasaḥ ǀ vaḥ ǀ astu ǀ práti ǀ gṛbhṇīta ǀ mānavám ǀ su-medhasaḥ ǁ
Padapatha Transcription Nonaccented
ye ǀ ṛtena ǀ sūryam ǀ ā ǀ arohayan ǀ divi ǀ aprathayan ǀ pṛthivīm ǀ mātaram ǀ vi ǀ
suprajāḥ-tvam ǀ aṅgirasaḥ ǀ vaḥ ǀ astu ǀ prati ǀ gṛbhṇīta ǀ mānavam ǀ su-medhasaḥ ǁ
10.062.04 (Mandala. Sukta. Rik)
8.2.01.04 (Ashtaka. Adhyaya. Varga. Rik)
10.05.031 (Mandala. Anuvāka. Rik)
Samhita Devanagari Accented
अ॒यं नाभा॑ वदति व॒ल्गु वो॑ गृ॒हे देव॑पुत्रा ऋषय॒स्तच्छृ॑णोतन ।
सु॒ब्र॒ह्म॒ण्यमं॑गिरसो वो अस्तु॒ प्रति॑ गृभ्णीत मान॒वं सु॑मेधसः ॥
Samhita Devanagari Nonaccented
अयं नाभा वदति वल्गु वो गृहे देवपुत्रा ऋषयस्तच्छृणोतन ।
सुब्रह्मण्यमंगिरसो वो अस्तु प्रति गृभ्णीत मानवं सुमेधसः ॥
Samhita Transcription Accented
ayám nā́bhā vadati valgú vo gṛhé dévaputrā ṛṣayastácchṛṇotana ǀ
subrahmaṇyámaṅgiraso vo astu práti gṛbhṇīta mānavám sumedhasaḥ ǁ
Samhita Transcription Nonaccented
ayam nābhā vadati valgu vo gṛhe devaputrā ṛṣayastacchṛṇotana ǀ
subrahmaṇyamaṅgiraso vo astu prati gṛbhṇīta mānavam sumedhasaḥ ǁ
Padapatha Devanagari Accented
अ॒यम् । नाभा॑ । व॒द॒ति॒ । व॒ल्गु । वः॒ । गृ॒हे । देव॑ऽपुत्राः । ऋ॒ष॒यः॒ । तत् । शृ॒णो॒त॒न॒ ।
सु॒ऽब्र॒ह्म॒ण्यम् । अ॒ङ्गि॒र॒सः॒ । वः॒ । अ॒स्तु॒ । प्रति॑ । गृ॒भ्णी॒त॒ । मा॒न॒वम् । सु॒ऽमे॒ध॒सः॒ ॥
Padapatha Devanagari Nonaccented
अयम् । नाभा । वदति । वल्गु । वः । गृहे । देवऽपुत्राः । ऋषयः । तत् । शृणोतन ।
सुऽब्रह्मण्यम् । अङ्गिरसः । वः । अस्तु । प्रति । गृभ्णीत । मानवम् । सुऽमेधसः ॥
Padapatha Transcription Accented
ayám ǀ nā́bhā ǀ vadati ǀ valgú ǀ vaḥ ǀ gṛhé ǀ déva-putrāḥ ǀ ṛṣayaḥ ǀ tát ǀ śṛṇotana ǀ
su-brahmaṇyám ǀ aṅgirasaḥ ǀ vaḥ ǀ astu ǀ práti ǀ gṛbhṇīta ǀ mānavám ǀ su-medhasaḥ ǁ
Padapatha Transcription Nonaccented
ayam ǀ nābhā ǀ vadati ǀ valgu ǀ vaḥ ǀ gṛhe ǀ deva-putrāḥ ǀ ṛṣayaḥ ǀ tat ǀ śṛṇotana ǀ
su-brahmaṇyam ǀ aṅgirasaḥ ǀ vaḥ ǀ astu ǀ prati ǀ gṛbhṇīta ǀ mānavam ǀ su-medhasaḥ ǁ
10.062.05 (Mandala. Sukta. Rik)
8.2.01.05 (Ashtaka. Adhyaya. Varga. Rik)
10.05.032 (Mandala. Anuvāka. Rik)
Samhita Devanagari Accented
विरू॑पास॒ इदृष॑य॒स्त इद्गं॑भी॒रवे॑पसः ।
ते अंगि॑रसः सू॒नव॒स्ते अ॒ग्नेः परि॑ जज्ञिरे ॥
Samhita Devanagari Nonaccented
विरूपास इदृषयस्त इद्गंभीरवेपसः ।
ते अंगिरसः सूनवस्ते अग्नेः परि जज्ञिरे ॥
Samhita Transcription Accented
vírūpāsa ídṛ́ṣayastá ídgambhīrávepasaḥ ǀ
té áṅgirasaḥ sūnávasté agnéḥ pári jajñire ǁ
Samhita Transcription Nonaccented
virūpāsa idṛṣayasta idgambhīravepasaḥ ǀ
te aṅgirasaḥ sūnavaste agneḥ pari jajñire ǁ
Padapatha Devanagari Accented
विऽरू॑पासः । इत् । ऋष॑यः । ते । इत् । ग॒म्भी॒रऽवे॑पसः ।
ते । अङ्गि॑रसः । सू॒नवः॑ । ते । अ॒ग्नेः । परि॑ । ज॒ज्ञि॒रे॒ ॥
Padapatha Devanagari Nonaccented
विऽरूपासः । इत् । ऋषयः । ते । इत् । गम्भीरऽवेपसः ।
ते । अङ्गिरसः । सूनवः । ते । अग्नेः । परि । जज्ञिरे ॥
Padapatha Transcription Accented
ví-rūpāsaḥ ǀ ít ǀ ṛ́ṣayaḥ ǀ té ǀ ít ǀ gambhīrá-vepasaḥ ǀ
té ǀ áṅgirasaḥ ǀ sūnávaḥ ǀ té ǀ agnéḥ ǀ pári ǀ jajñire ǁ
Padapatha Transcription Nonaccented
vi-rūpāsaḥ ǀ it ǀ ṛṣayaḥ ǀ te ǀ it ǀ gambhīra-vepasaḥ ǀ
te ǀ aṅgirasaḥ ǀ sūnavaḥ ǀ te ǀ agneḥ ǀ pari ǀ jajñire ǁ
10.062.06 (Mandala. Sukta. Rik)
8.2.02.01 (Ashtaka. Adhyaya. Varga. Rik)
10.05.033 (Mandala. Anuvāka. Rik)
Samhita Devanagari Accented
ये अ॒ग्नेः परि॑ जज्ञि॒रे विरू॑पासो दि॒वस्परि॑ ।
नव॑ग्वो॒ नु दश॑ग्वो॒ अंगि॑रस्तमो॒ सचा॑ दे॒वेषु॑ मंहते ॥
Samhita Devanagari Nonaccented
ये अग्नेः परि जज्ञिरे विरूपासो दिवस्परि ।
नवग्वो नु दशग्वो अंगिरस्तमो सचा देवेषु मंहते ॥
Samhita Transcription Accented
yé agnéḥ pári jajñiré vírūpāso diváspári ǀ
návagvo nú dáśagvo áṅgirastamo sácā devéṣu maṃhate ǁ
Samhita Transcription Nonaccented
ye agneḥ pari jajñire virūpāso divaspari ǀ
navagvo nu daśagvo aṅgirastamo sacā deveṣu maṃhate ǁ
Padapatha Devanagari Accented
ये । अ॒ग्नेः । परि॑ । ज॒ज्ञि॒रे । विऽरू॑पासः । दि॒वः । परि॑ ।
नव॑ऽग्वः । नु । दश॑ऽग्वः । अङ्गि॑रःऽतमः । सचा॑ । दे॒वेषु॑ । मं॒ह॒ते॒ ॥
Padapatha Devanagari Nonaccented
ये । अग्नेः । परि । जज्ञिरे । विऽरूपासः । दिवः । परि ।
नवऽग्वः । नु । दशऽग्वः । अङ्गिरःऽतमः । सचा । देवेषु । मंहते ॥
Padapatha Transcription Accented
yé ǀ agnéḥ ǀ pári ǀ jajñiré ǀ ví-rūpāsaḥ ǀ diváḥ ǀ pári ǀ
náva-gvaḥ ǀ nú ǀ dáśa-gvaḥ ǀ áṅgiraḥ-tamaḥ ǀ sácā ǀ devéṣu ǀ maṃhate ǁ
Padapatha Transcription Nonaccented
ye ǀ agneḥ ǀ pari ǀ jajñire ǀ vi-rūpāsaḥ ǀ divaḥ ǀ pari ǀ
nava-gvaḥ ǀ nu ǀ daśa-gvaḥ ǀ aṅgiraḥ-tamaḥ ǀ sacā ǀ deveṣu ǀ maṃhate ǁ
10.062.07 (Mandala. Sukta. Rik)
8.2.02.02 (Ashtaka. Adhyaya. Varga. Rik)
10.05.034 (Mandala. Anuvāka. Rik)
Samhita Devanagari Accented
इंद्रे॑ण यु॒जा निः सृ॑जंत वा॒घतो॑ व्र॒जं गोमं॑तम॒श्विनं॑ ।
स॒हस्रं॑ मे॒ दद॑तो अष्टक॒र्ण्यः१॒॑ श्रवो॑ दे॒वेष्व॑क्रत ॥
Samhita Devanagari Nonaccented
इंद्रेण युजा निः सृजंत वाघतो व्रजं गोमंतमश्विनं ।
सहस्रं मे ददतो अष्टकर्ण्यः श्रवो देवेष्वक्रत ॥
Samhita Transcription Accented
índreṇa yujā́ níḥ sṛjanta vāgháto vrajám gómantamaśvínam ǀ
sahásram me dádato aṣṭakarṇyáḥ śrávo devéṣvakrata ǁ
Samhita Transcription Nonaccented
indreṇa yujā niḥ sṛjanta vāghato vrajam gomantamaśvinam ǀ
sahasram me dadato aṣṭakarṇyaḥ śravo deveṣvakrata ǁ
Padapatha Devanagari Accented
इन्द्रे॑ण । यु॒जा । निः । सृ॒ज॒न्त॒ । वा॒घतः॑ । व्र॒जम् । गोऽम॑न्तम् । अ॒श्विन॑म् ।
स॒हस्र॑म् । मे॒ । दद॑तः । अ॒ष्ट॒ऽक॒र्ण्यः॑ । श्रवः॑ । दे॒वेषु॑ । अ॒क्र॒त॒ ॥
Padapatha Devanagari Nonaccented
इन्द्रेण । युजा । निः । सृजन्त । वाघतः । व्रजम् । गोऽमन्तम् । अश्विनम् ।
सहस्रम् । मे । ददतः । अष्टऽकर्ण्यः । श्रवः । देवेषु । अक्रत ॥
Padapatha Transcription Accented
índreṇa ǀ yujā́ ǀ níḥ ǀ sṛjanta ǀ vāghátaḥ ǀ vrajám ǀ gó-mantam ǀ aśvínam ǀ
sahásram ǀ me ǀ dádataḥ ǀ aṣṭa-karṇyáḥ ǀ śrávaḥ ǀ devéṣu ǀ akrata ǁ
Padapatha Transcription Nonaccented
indreṇa ǀ yujā ǀ niḥ ǀ sṛjanta ǀ vāghataḥ ǀ vrajam ǀ go-mantam ǀ aśvinam ǀ
sahasram ǀ me ǀ dadataḥ ǀ aṣṭa-karṇyaḥ ǀ śravaḥ ǀ deveṣu ǀ akrata ǁ
10.062.08 (Mandala. Sukta. Rik)
8.2.02.03 (Ashtaka. Adhyaya. Varga. Rik)
10.05.035 (Mandala. Anuvāka. Rik)
Samhita Devanagari Accented
प्र नू॒नं जा॑यताम॒यं मनु॒स्तोक्मे॑व रोहतु ।
यः स॒हस्रं॑ श॒ताश्वं॑ स॒द्यो दा॒नाय॒ मंह॑ते ॥
Samhita Devanagari Nonaccented
प्र नूनं जायतामयं मनुस्तोक्मेव रोहतु ।
यः सहस्रं शताश्वं सद्यो दानाय मंहते ॥
Samhita Transcription Accented
prá nūnám jāyatāmayám mánustókmeva rohatu ǀ
yáḥ sahásram śatā́śvam sadyó dānā́ya máṃhate ǁ
Samhita Transcription Nonaccented
pra nūnam jāyatāmayam manustokmeva rohatu ǀ
yaḥ sahasram śatāśvam sadyo dānāya maṃhate ǁ
Padapatha Devanagari Accented
प्र । नू॒नम् । जा॒य॒ता॒म् । अ॒यम् । मनुः॑ । तोक्म॑ऽइव । रो॒ह॒तु॒ ।
यः । स॒हस्र॑म् । श॒तऽअ॑श्वम् । स॒द्यः । दा॒नाय॑ । मंह॑ते ॥
Padapatha Devanagari Nonaccented
प्र । नूनम् । जायताम् । अयम् । मनुः । तोक्मऽइव । रोहतु ।
यः । सहस्रम् । शतऽअश्वम् । सद्यः । दानाय । मंहते ॥
Padapatha Transcription Accented
prá ǀ nūnám ǀ jāyatām ǀ ayám ǀ mánuḥ ǀ tókma-iva ǀ rohatu ǀ
yáḥ ǀ sahásram ǀ śatá-aśvam ǀ sadyáḥ ǀ dānā́ya ǀ máṃhate ǁ
Padapatha Transcription Nonaccented
pra ǀ nūnam ǀ jāyatām ǀ ayam ǀ manuḥ ǀ tokma-iva ǀ rohatu ǀ
yaḥ ǀ sahasram ǀ śata-aśvam ǀ sadyaḥ ǀ dānāya ǀ maṃhate ǁ
10.062.09 (Mandala. Sukta. Rik)
8.2.02.04 (Ashtaka. Adhyaya. Varga. Rik)
10.05.036 (Mandala. Anuvāka. Rik)
Samhita Devanagari Accented
न तम॑श्नोति॒ कश्च॒न दि॒व इ॑व॒ सान्वा॒रभं॑ ।
सा॒व॒र्ण्यस्य॒ दक्षि॑णा॒ वि सिंधु॑रिव पप्रथे ॥
Samhita Devanagari Nonaccented
न तमश्नोति कश्चन दिव इव सान्वारभं ।
सावर्ण्यस्य दक्षिणा वि सिंधुरिव पप्रथे ॥
Samhita Transcription Accented
ná támaśnoti káścaná divá iva sā́nvārábham ǀ
sāvarṇyásya dákṣiṇā ví síndhuriva paprathe ǁ
Samhita Transcription Nonaccented
na tamaśnoti kaścana diva iva sānvārabham ǀ
sāvarṇyasya dakṣiṇā vi sindhuriva paprathe ǁ
Padapatha Devanagari Accented
न । तम् । अ॒श्नो॒ति॒ । कः । च॒न । दि॒वःऽइ॑व । सानु॑ । आ॒ऽरभ॑म् ।
सा॒व॒र्ण्यस्य॑ । दक्षि॑णा । वि । सिन्धुः॑ऽइव । प॒प्र॒थे॒ ॥
Padapatha Devanagari Nonaccented
न । तम् । अश्नोति । कः । चन । दिवःऽइव । सानु । आऽरभम् ।
सावर्ण्यस्य । दक्षिणा । वि । सिन्धुःऽइव । पप्रथे ॥
Padapatha Transcription Accented
ná ǀ tám ǀ aśnoti ǀ káḥ ǀ caná ǀ diváḥ-iva ǀ sā́nu ǀ ā-rábham ǀ
sāvarṇyásya ǀ dákṣiṇā ǀ ví ǀ síndhuḥ-iva ǀ paprathe ǁ
Padapatha Transcription Nonaccented
na ǀ tam ǀ aśnoti ǀ kaḥ ǀ cana ǀ divaḥ-iva ǀ sānu ǀ ā-rabham ǀ
sāvarṇyasya ǀ dakṣiṇā ǀ vi ǀ sindhuḥ-iva ǀ paprathe ǁ
10.062.10 (Mandala. Sukta. Rik)
8.2.02.05 (Ashtaka. Adhyaya. Varga. Rik)
10.05.037 (Mandala. Anuvāka. Rik)
Samhita Devanagari Accented
उ॒त दा॒सा प॑रि॒विषे॒ स्मद्दि॑ष्टी॒ गोप॑रीणसा ।
यदु॑स्तु॒र्वश्च॑ मामहे ॥
Samhita Devanagari Nonaccented
उत दासा परिविषे स्मद्दिष्टी गोपरीणसा ।
यदुस्तुर्वश्च मामहे ॥
Samhita Transcription Accented
utá dāsā́ parivíṣe smáddiṣṭī góparīṇasā ǀ
yádusturváśca māmahe ǁ
Samhita Transcription Nonaccented
uta dāsā pariviṣe smaddiṣṭī goparīṇasā ǀ
yadusturvaśca māmahe ǁ
Padapatha Devanagari Accented
उ॒त । दा॒सा । प॒रि॒ऽविषे॑ । स्मद्दि॑ष्टी॒ इति॒ स्मत्ऽदि॑ष्टी । गोऽप॑रीणसा ।
यदुः॑ । तु॒र्वः । च॒ । म॒म॒हे॒ ॥
Padapatha Devanagari Nonaccented
उत । दासा । परिऽविषे । स्मद्दिष्टी इति स्मत्ऽदिष्टी । गोऽपरीणसा ।
यदुः । तुर्वः । च । ममहे ॥
Padapatha Transcription Accented
utá ǀ dāsā́ ǀ pari-víṣe ǀ smáddiṣṭī íti smát-diṣṭī ǀ gó-parīṇasā ǀ
yáduḥ ǀ turváḥ ǀ ca ǀ mamahe ǁ
Padapatha Transcription Nonaccented
uta ǀ dāsā ǀ pari-viṣe ǀ smaddiṣṭī iti smat-diṣṭī ǀ go-parīṇasā ǀ
yaduḥ ǀ turvaḥ ǀ ca ǀ mamahe ǁ
10.062.11 (Mandala. Sukta. Rik)
8.2.02.06 (Ashtaka. Adhyaya. Varga. Rik)
10.05.038 (Mandala. Anuvāka. Rik)
Samhita Devanagari Accented
स॒ह॒स्र॒दा ग्रा॑म॒णीर्मा रि॑ष॒न्मनुः॒ सूर्ये॑णास्य॒ यत॑मानैतु॒ दक्षि॑णा ।
साव॑र्णेर्दे॒वाः प्र ति॑रं॒त्वायु॒र्यस्मि॒न्नश्रां॑ता॒ अस॑नाम॒ वाजं॑ ॥
Samhita Devanagari Nonaccented
सहस्रदा ग्रामणीर्मा रिषन्मनुः सूर्येणास्य यतमानैतु दक्षिणा ।
सावर्णेर्देवाः प्र तिरंत्वायुर्यस्मिन्नश्रांता असनाम वाजं ॥
Samhita Transcription Accented
sahasradā́ grāmaṇī́rmā́ riṣanmánuḥ sū́ryeṇāsya yátamānaitu dákṣiṇā ǀ
sā́varṇerdevā́ḥ prá tirantvā́yuryásminnáśrāntā ásanāma vā́jam ǁ
Samhita Transcription Nonaccented
sahasradā grāmaṇīrmā riṣanmanuḥ sūryeṇāsya yatamānaitu dakṣiṇā ǀ
sāvarṇerdevāḥ pra tirantvāyuryasminnaśrāntā asanāma vājam ǁ
Padapatha Devanagari Accented
स॒ह॒स्र॒ऽदाः । ग्रा॒म॒ऽनीः । मा । रि॒ष॒त् । मनुः॑ । सूर्ये॑ण । अ॒स्य॒ । यत॑माना । ए॒तु॒ । दक्षि॑णा ।
साव॑र्णेः । दे॒वाः । प्र । ति॒र॒न्तु॒ । आयुः॑ । यस्मि॑न् । अश्रा॑न्ताः । अस॑नाम । वाज॑म् ॥
Padapatha Devanagari Nonaccented
सहस्रऽदाः । ग्रामऽनीः । मा । रिषत् । मनुः । सूर्येण । अस्य । यतमाना । एतु । दक्षिणा ।
सावर्णेः । देवाः । प्र । तिरन्तु । आयुः । यस्मिन् । अश्रान्ताः । असनाम । वाजम् ॥
Padapatha Transcription Accented
sahasra-dā́ḥ ǀ grāma-nī́ḥ ǀ mā́ ǀ riṣat ǀ mánuḥ ǀ sū́ryeṇa ǀ asya ǀ yátamānā ǀ etu ǀ dákṣiṇā ǀ
sā́varṇeḥ ǀ devā́ḥ ǀ prá ǀ tirantu ǀ ā́yuḥ ǀ yásmin ǀ áśrāntāḥ ǀ ásanāma ǀ vā́jam ǁ
Padapatha Transcription Nonaccented
sahasra-dāḥ ǀ grāma-nīḥ ǀ mā ǀ riṣat ǀ manuḥ ǀ sūryeṇa ǀ asya ǀ yatamānā ǀ etu ǀ dakṣiṇā ǀ
sāvarṇeḥ ǀ devāḥ ǀ pra ǀ tirantu ǀ āyuḥ ǀ yasmin ǀ aśrāntāḥ ǀ asanāma ǀ vājam ǁ