|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 64
|
1. Info |
| To: | viśvedevās | |
| From: | gaya plāta | |
| Metres: | 1st set of styles: nicṛjjagatī (1, 4, 5, 9, 10, 13, 15); virāḍjagatī (2, 3, 7, 8, 11); jagatī (6, 14); triṣṭup (12); nicṛttriṣṭup (16); pādanicṛttriṣṭup (17) 2nd set of styles: jagatī (1-11, 13-15); triṣṭubh (12, 16, 17) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.064.01 (Mandala. Sukta. Rik)
8.2.06.01 (Ashtaka. Adhyaya. Varga. Rik)
10.05.056 (Mandala. Anuvāka. Rik)
Samhita Devanagari Accented
क॒था दे॒वानां॑ कत॒मस्य॒ याम॑नि सु॒मंतु॒ नाम॑ शृण्व॒तां म॑नामहे ।
को मृ॑ळाति कत॒मो नो॒ मय॑स्करत्कत॒म ऊ॒ती अ॒भ्या व॑वर्तति ॥
Samhita Devanagari Nonaccented
कथा देवानां कतमस्य यामनि सुमंतु नाम शृण्वतां मनामहे ।
को मृळाति कतमो नो मयस्करत्कतम ऊती अभ्या ववर्तति ॥
Samhita Transcription Accented
kathā́ devā́nām katamásya yā́mani sumántu nā́ma śṛṇvatā́m manāmahe ǀ
kó mṛḷāti katamó no máyaskaratkatamá ūtī́ abhyā́ vavartati ǁ
Samhita Transcription Nonaccented
kathā devānām katamasya yāmani sumantu nāma śṛṇvatām manāmahe ǀ
ko mṛḷāti katamo no mayaskaratkatama ūtī abhyā vavartati ǁ
Padapatha Devanagari Accented
क॒था । दे॒वाना॑म् । क॒त॒मस्य॑ । याम॑नि । सु॒ऽमन्तु॑ । नाम॑ । शृ॒ण्व॒ताम् । म॒ना॒म॒हे॒ ।
कः । मृ॒ळा॒ति॒ । क॒त॒मः । नः॒ । मयः॑ । क॒र॒त् । क॒त॒मः । ऊ॒ती । अ॒भि । आ । व॒व॒र्त॒ति॒ ॥
Padapatha Devanagari Nonaccented
कथा । देवानाम् । कतमस्य । यामनि । सुऽमन्तु । नाम । शृण्वताम् । मनामहे ।
कः । मृळाति । कतमः । नः । मयः । करत् । कतमः । ऊती । अभि । आ । ववर्तति ॥
Padapatha Transcription Accented
kathā́ ǀ devā́nām ǀ katamásya ǀ yā́mani ǀ su-mántu ǀ nā́ma ǀ śṛṇvatā́m ǀ manāmahe ǀ
káḥ ǀ mṛḷāti ǀ katamáḥ ǀ naḥ ǀ máyaḥ ǀ karat ǀ katamáḥ ǀ ūtī́ ǀ abhí ǀ ā́ ǀ vavartati ǁ
Padapatha Transcription Nonaccented
kathā ǀ devānām ǀ katamasya ǀ yāmani ǀ su-mantu ǀ nāma ǀ śṛṇvatām ǀ manāmahe ǀ
kaḥ ǀ mṛḷāti ǀ katamaḥ ǀ naḥ ǀ mayaḥ ǀ karat ǀ katamaḥ ǀ ūtī ǀ abhi ǀ ā ǀ vavartati ǁ
10.064.02 (Mandala. Sukta. Rik)
8.2.06.02 (Ashtaka. Adhyaya. Varga. Rik)
10.05.057 (Mandala. Anuvāka. Rik)
Samhita Devanagari Accented
क्र॒तू॒यंति॒ क्रत॑वो हृ॒त्सु धी॒तयो॒ वेनं॑ति वे॒नाः प॒तयं॒त्या दिशः॑ ।
न म॑र्डि॒ता वि॑द्यते अ॒न्य ए॑भ्यो दे॒वेषु॑ मे॒ अधि॒ कामा॑ अयंसत ॥
Samhita Devanagari Nonaccented
क्रतूयंति क्रतवो हृत्सु धीतयो वेनंति वेनाः पतयंत्या दिशः ।
न मर्डिता विद्यते अन्य एभ्यो देवेषु मे अधि कामा अयंसत ॥
Samhita Transcription Accented
kratūyánti krátavo hṛtsú dhītáyo vénanti venā́ḥ patáyantyā́ díśaḥ ǀ
ná marḍitā́ vidyate anyá ebhyo devéṣu me ádhi kā́mā ayaṃsata ǁ
Samhita Transcription Nonaccented
kratūyanti kratavo hṛtsu dhītayo venanti venāḥ patayantyā diśaḥ ǀ
na marḍitā vidyate anya ebhyo deveṣu me adhi kāmā ayaṃsata ǁ
Padapatha Devanagari Accented
क्र॒तु॒ऽयन्ति॑ । क्रत॑वः । हृ॒त्ऽसु । धी॒तयः॑ । वेन॑न्ति । वे॒नाः । प॒तय॑न्ति । आ । दिशः॑ ।
न । म॒र्डि॒ता । वि॒द्य॒ते॒ । अ॒न्यः । ए॒भ्यः॒ । दे॒वेषु॑ । मे॒ । अधि॑ । कामाः॑ । अ॒यं॒स॒त॒ ॥
Padapatha Devanagari Nonaccented
क्रतुऽयन्ति । क्रतवः । हृत्ऽसु । धीतयः । वेनन्ति । वेनाः । पतयन्ति । आ । दिशः ।
न । मर्डिता । विद्यते । अन्यः । एभ्यः । देवेषु । मे । अधि । कामाः । अयंसत ॥
Padapatha Transcription Accented
kratu-yánti ǀ krátavaḥ ǀ hṛt-sú ǀ dhītáyaḥ ǀ vénanti ǀ venā́ḥ ǀ patáyanti ǀ ā́ ǀ díśaḥ ǀ
ná ǀ marḍitā́ ǀ vidyate ǀ anyáḥ ǀ ebhyaḥ ǀ devéṣu ǀ me ǀ ádhi ǀ kā́māḥ ǀ ayaṃsata ǁ
Padapatha Transcription Nonaccented
kratu-yanti ǀ kratavaḥ ǀ hṛt-su ǀ dhītayaḥ ǀ venanti ǀ venāḥ ǀ patayanti ǀ ā ǀ diśaḥ ǀ
na ǀ marḍitā ǀ vidyate ǀ anyaḥ ǀ ebhyaḥ ǀ deveṣu ǀ me ǀ adhi ǀ kāmāḥ ǀ ayaṃsata ǁ
10.064.03 (Mandala. Sukta. Rik)
8.2.06.03 (Ashtaka. Adhyaya. Varga. Rik)
10.05.058 (Mandala. Anuvāka. Rik)
Samhita Devanagari Accented
नरा॑ वा॒ शंसं॑ पू॒षण॒मगो॑ह्यम॒ग्निं दे॒वेद्ध॑म॒भ्य॑र्चसे गि॒रा ।
सूर्या॒मासा॑ चं॒द्रम॑सा य॒मं दि॒वि त्रि॒तं वात॑मु॒षस॑म॒क्तुम॒श्विना॑ ॥
Samhita Devanagari Nonaccented
नरा वा शंसं पूषणमगोह्यमग्निं देवेद्धमभ्यर्चसे गिरा ।
सूर्यामासा चंद्रमसा यमं दिवि त्रितं वातमुषसमक्तुमश्विना ॥
Samhita Transcription Accented
nárā vā śáṃsam pūṣáṇamágohyamagním devéddhamabhyárcase girā́ ǀ
sū́ryāmā́sā candrámasā yamám diví tritám vā́tamuṣásamaktúmaśvínā ǁ
Samhita Transcription Nonaccented
narā vā śaṃsam pūṣaṇamagohyamagnim deveddhamabhyarcase girā ǀ
sūryāmāsā candramasā yamam divi tritam vātamuṣasamaktumaśvinā ǁ
Padapatha Devanagari Accented
नरा॒शंस॑म् । वा॒ । पू॒षण॑म् । अगो॑ह्यम् । अ॒ग्निम् । दे॒वऽइ॑द्धम् । अ॒भि । अ॒र्च॒से॒ । गि॒रा ।
सूर्या॒मासा॑ । च॒न्द्रम॑सा । य॒मम् । दि॒वि । त्रि॒तम् । वात॑म् । उ॒षस॑म् । अ॒क्तुम् । अ॒श्विना॑ ॥
Padapatha Devanagari Nonaccented
नराशंसम् । वा । पूषणम् । अगोह्यम् । अग्निम् । देवऽइद्धम् । अभि । अर्चसे । गिरा ।
सूर्यामासा । चन्द्रमसा । यमम् । दिवि । त्रितम् । वातम् । उषसम् । अक्तुम् । अश्विना ॥
Padapatha Transcription Accented
nárāśáṃsam ǀ vā ǀ pūṣáṇam ǀ ágohyam ǀ agním ǀ devá-iddham ǀ abhí ǀ arcase ǀ girā́ ǀ
sū́ryāmā́sā ǀ candrámasā ǀ yamám ǀ diví ǀ tritám ǀ vā́tam ǀ uṣásam ǀ aktúm ǀ aśvínā ǁ
Padapatha Transcription Nonaccented
narāśaṃsam ǀ vā ǀ pūṣaṇam ǀ agohyam ǀ agnim ǀ deva-iddham ǀ abhi ǀ arcase ǀ girā ǀ
sūryāmāsā ǀ candramasā ǀ yamam ǀ divi ǀ tritam ǀ vātam ǀ uṣasam ǀ aktum ǀ aśvinā ǁ
10.064.04 (Mandala. Sukta. Rik)
8.2.06.04 (Ashtaka. Adhyaya. Varga. Rik)
10.05.059 (Mandala. Anuvāka. Rik)
Samhita Devanagari Accented
क॒था क॒विस्तु॑वी॒रवा॒न्कया॑ गि॒रा बृह॒स्पति॑र्वावृधते सुवृ॒क्तिभिः॑ ।
अ॒ज एक॑पात्सु॒हवे॑भि॒र्ऋक्व॑भि॒रहिः॑ शृणोतु बु॒ध्न्यो॒३॒॑ हवी॑मनि ॥
Samhita Devanagari Nonaccented
कथा कविस्तुवीरवान्कया गिरा बृहस्पतिर्वावृधते सुवृक्तिभिः ।
अज एकपात्सुहवेभिर्ऋक्वभिरहिः शृणोतु बुध्न्यो हवीमनि ॥
Samhita Transcription Accented
kathā́ kavístuvīrávānkáyā girā́ bṛ́haspátirvāvṛdhate suvṛktíbhiḥ ǀ
ajá ékapātsuhávebhirṛ́kvabhiráhiḥ śṛṇotu budhnyó hávīmani ǁ
Samhita Transcription Nonaccented
kathā kavistuvīravānkayā girā bṛhaspatirvāvṛdhate suvṛktibhiḥ ǀ
aja ekapātsuhavebhirṛkvabhirahiḥ śṛṇotu budhnyo havīmani ǁ
Padapatha Devanagari Accented
क॒था । क॒विः । तु॒वि॒ऽरवा॑न् । कया॑ । गि॒रा । बृह॒स्पतिः॑ । व॒वृ॒ध॒ते॒ । सु॒वृ॒क्तिऽभिः॑ ।
अ॒जः । एक॑ऽपात् । सु॒ऽहवे॑भिः । ऋक्व॑ऽभिः । अहिः॑ । शृ॒णो॒तु॒ । बु॒ध्न्यः॑ । हवी॑मनि ॥
Padapatha Devanagari Nonaccented
कथा । कविः । तुविऽरवान् । कया । गिरा । बृहस्पतिः । ववृधते । सुवृक्तिऽभिः ।
अजः । एकऽपात् । सुऽहवेभिः । ऋक्वऽभिः । अहिः । शृणोतु । बुध्न्यः । हवीमनि ॥
Padapatha Transcription Accented
kathā́ ǀ kavíḥ ǀ tuvi-rávān ǀ káyā ǀ girā́ ǀ bṛ́haspátiḥ ǀ vavṛdhate ǀ suvṛktí-bhiḥ ǀ
ajáḥ ǀ éka-pāt ǀ su-hávebhiḥ ǀ ṛ́kva-bhiḥ ǀ áhiḥ ǀ śṛṇotu ǀ budhnyáḥ ǀ hávīmani ǁ
Padapatha Transcription Nonaccented
kathā ǀ kaviḥ ǀ tuvi-ravān ǀ kayā ǀ girā ǀ bṛhaspatiḥ ǀ vavṛdhate ǀ suvṛkti-bhiḥ ǀ
ajaḥ ǀ eka-pāt ǀ su-havebhiḥ ǀ ṛkva-bhiḥ ǀ ahiḥ ǀ śṛṇotu ǀ budhnyaḥ ǀ havīmani ǁ
10.064.05 (Mandala. Sukta. Rik)
8.2.06.05 (Ashtaka. Adhyaya. Varga. Rik)
10.05.060 (Mandala. Anuvāka. Rik)
Samhita Devanagari Accented
दक्ष॑स्य वादिते॒ जन्म॑नि व्र॒ते राजा॑ना मि॒त्रावरु॒णा वि॑वाससि ।
अतू॑र्तपंथाः पुरु॒रथो॑ अर्य॒मा स॒प्तहो॑ता॒ विषु॑रूपेषु॒ जन्म॑सु ॥
Samhita Devanagari Nonaccented
दक्षस्य वादिते जन्मनि व्रते राजाना मित्रावरुणा विवाससि ।
अतूर्तपंथाः पुरुरथो अर्यमा सप्तहोता विषुरूपेषु जन्मसु ॥
Samhita Transcription Accented
dákṣasya vādite jánmani vraté rā́jānā mitrā́váruṇā́ vivāsasi ǀ
átūrtapanthāḥ pururátho aryamā́ saptáhotā víṣurūpeṣu jánmasu ǁ
Samhita Transcription Nonaccented
dakṣasya vādite janmani vrate rājānā mitrāvaruṇā vivāsasi ǀ
atūrtapanthāḥ pururatho aryamā saptahotā viṣurūpeṣu janmasu ǁ
Padapatha Devanagari Accented
दक्ष॑स्य । वा॒ । अ॒दि॒ते॒ । जन्म॑नि । व्र॒ते । राजा॑ना । मि॒त्रावरु॑णा । आ । वि॒वा॒स॒सि॒ ।
अतू॑र्तऽपन्थाः । पु॒रु॒ऽरथः॑ । अ॒र्य॒मा । स॒प्तऽहो॑ता । विषु॑ऽरूपेषु । जन्म॑ऽसु ॥
Padapatha Devanagari Nonaccented
दक्षस्य । वा । अदिते । जन्मनि । व्रते । राजाना । मित्रावरुणा । आ । विवाससि ।
अतूर्तऽपन्थाः । पुरुऽरथः । अर्यमा । सप्तऽहोता । विषुऽरूपेषु । जन्मऽसु ॥
Padapatha Transcription Accented
dákṣasya ǀ vā ǀ adite ǀ jánmani ǀ vraté ǀ rā́jānā ǀ mitrā́váruṇā ǀ ā́ ǀ vivāsasi ǀ
átūrta-panthāḥ ǀ puru-ráthaḥ ǀ aryamā́ ǀ saptá-hotā ǀ víṣu-rūpeṣu ǀ jánma-su ǁ
Padapatha Transcription Nonaccented
dakṣasya ǀ vā ǀ adite ǀ janmani ǀ vrate ǀ rājānā ǀ mitrāvaruṇā ǀ ā ǀ vivāsasi ǀ
atūrta-panthāḥ ǀ puru-rathaḥ ǀ aryamā ǀ sapta-hotā ǀ viṣu-rūpeṣu ǀ janma-su ǁ
10.064.06 (Mandala. Sukta. Rik)
8.2.07.01 (Ashtaka. Adhyaya. Varga. Rik)
10.05.061 (Mandala. Anuvāka. Rik)
Samhita Devanagari Accented
ते नो॒ अर्वं॑तो हवन॒श्रुतो॒ हवं॒ विश्वे॑ शृण्वंतु वा॒जिनो॑ मि॒तद्र॑वः ।
स॒ह॒स्र॒सा मे॒धसा॑ताविव॒ त्मना॑ म॒हो ये धनं॑ समि॒थेषु॑ जभ्रि॒रे ॥
Samhita Devanagari Nonaccented
ते नो अर्वंतो हवनश्रुतो हवं विश्वे शृण्वंतु वाजिनो मितद्रवः ।
सहस्रसा मेधसाताविव त्मना महो ये धनं समिथेषु जभ्रिरे ॥
Samhita Transcription Accented
té no árvanto havanaśrúto hávam víśve śṛṇvantu vājíno mitádravaḥ ǀ
sahasrasā́ medhásātāviva tmánā mahó yé dhánam samithéṣu jabhriré ǁ
Samhita Transcription Nonaccented
te no arvanto havanaśruto havam viśve śṛṇvantu vājino mitadravaḥ ǀ
sahasrasā medhasātāviva tmanā maho ye dhanam samitheṣu jabhrire ǁ
Padapatha Devanagari Accented
ते । नः॒ । अर्व॑न्तः । ह॒व॒न॒ऽश्रुतः॑ । हव॑म् । विश्वे॑ । शृ॒ण्व॒न्तु॒ । वा॒जिनः॑ । मि॒तऽद्र॑वः ।
स॒ह॒स्र॒ऽसाः । मे॒धसा॑तौऽइव । त्मना॑ । म॒हः । ये । धन॑म् । स॒म्ऽइ॒थेषु॑ । ज॒भ्रि॒रे ॥
Padapatha Devanagari Nonaccented
ते । नः । अर्वन्तः । हवनऽश्रुतः । हवम् । विश्वे । शृण्वन्तु । वाजिनः । मितऽद्रवः ।
सहस्रऽसाः । मेधसातौऽइव । त्मना । महः । ये । धनम् । सम्ऽइथेषु । जभ्रिरे ॥
Padapatha Transcription Accented
té ǀ naḥ ǀ árvantaḥ ǀ havana-śrútaḥ ǀ hávam ǀ víśve ǀ śṛṇvantu ǀ vājínaḥ ǀ mitá-dravaḥ ǀ
sahasra-sā́ḥ ǀ medhásātau-iva ǀ tmánā ǀ maháḥ ǀ yé ǀ dhánam ǀ sam-ithéṣu ǀ jabhriré ǁ
Padapatha Transcription Nonaccented
te ǀ naḥ ǀ arvantaḥ ǀ havana-śrutaḥ ǀ havam ǀ viśve ǀ śṛṇvantu ǀ vājinaḥ ǀ mita-dravaḥ ǀ
sahasra-sāḥ ǀ medhasātau-iva ǀ tmanā ǀ mahaḥ ǀ ye ǀ dhanam ǀ sam-itheṣu ǀ jabhrire ǁ
10.064.07 (Mandala. Sukta. Rik)
8.2.07.02 (Ashtaka. Adhyaya. Varga. Rik)
10.05.062 (Mandala. Anuvāka. Rik)
Samhita Devanagari Accented
प्र वो॑ वा॒युं र॑थ॒युजं॒ पुरं॑धिं॒ स्तोमैः॑ कृणुध्वं स॒ख्याय॑ पू॒षणं॑ ।
ते हि दे॒वस्य॑ सवि॒तुः सवी॑मनि॒ क्रतुं॒ सचं॑ते स॒चितः॒ सचे॑तसः ॥
Samhita Devanagari Nonaccented
प्र वो वायुं रथयुजं पुरंधिं स्तोमैः कृणुध्वं सख्याय पूषणं ।
ते हि देवस्य सवितुः सवीमनि क्रतुं सचंते सचितः सचेतसः ॥
Samhita Transcription Accented
prá vo vāyúm rathayújam púraṃdhim stómaiḥ kṛṇudhvam sakhyā́ya pūṣáṇam ǀ
té hí devásya savitúḥ sávīmani krátum sácante sacítaḥ sácetasaḥ ǁ
Samhita Transcription Nonaccented
pra vo vāyum rathayujam puraṃdhim stomaiḥ kṛṇudhvam sakhyāya pūṣaṇam ǀ
te hi devasya savituḥ savīmani kratum sacante sacitaḥ sacetasaḥ ǁ
Padapatha Devanagari Accented
प्र । वः॒ । वा॒युम् । र॒थ॒ऽयुज॑म् । पुर॑म्ऽधिम् । स्तोमैः॑ । कृ॒णु॒ध्व॒म् । स॒ख्याय॑ । पू॒षण॑म् ।
ते । हि । दे॒वस्य॑ । स॒वि॒तुः । सवी॑मनि । क्रतु॑म् । सच॑न्ते । स॒ऽचितः॑ । सऽचे॑तसः ॥
Padapatha Devanagari Nonaccented
प्र । वः । वायुम् । रथऽयुजम् । पुरम्ऽधिम् । स्तोमैः । कृणुध्वम् । सख्याय । पूषणम् ।
ते । हि । देवस्य । सवितुः । सवीमनि । क्रतुम् । सचन्ते । सऽचितः । सऽचेतसः ॥
Padapatha Transcription Accented
prá ǀ vaḥ ǀ vāyúm ǀ ratha-yújam ǀ púram-dhim ǀ stómaiḥ ǀ kṛṇudhvam ǀ sakhyā́ya ǀ pūṣáṇam ǀ
té ǀ hí ǀ devásya ǀ savitúḥ ǀ sávīmani ǀ krátum ǀ sácante ǀ sa-cítaḥ ǀ sá-cetasaḥ ǁ
Padapatha Transcription Nonaccented
pra ǀ vaḥ ǀ vāyum ǀ ratha-yujam ǀ puram-dhim ǀ stomaiḥ ǀ kṛṇudhvam ǀ sakhyāya ǀ pūṣaṇam ǀ
te ǀ hi ǀ devasya ǀ savituḥ ǀ savīmani ǀ kratum ǀ sacante ǀ sa-citaḥ ǀ sa-cetasaḥ ǁ
10.064.08 (Mandala. Sukta. Rik)
8.2.07.03 (Ashtaka. Adhyaya. Varga. Rik)
10.05.063 (Mandala. Anuvāka. Rik)
Samhita Devanagari Accented
त्रिः स॒प्त स॒स्रा न॒द्यो॑ म॒हीर॒पो वन॒स्पती॒न्पर्व॑ताँ अ॒ग्निमू॒तये॑ ।
कृ॒शानु॒मस्तॄं॑ति॒ष्यं॑ स॒धस्थ॒ आ रु॒द्रं रु॒द्रेषु॑ रु॒द्रियं॑ हवामहे ॥
Samhita Devanagari Nonaccented
त्रिः सप्त सस्रा नद्यो महीरपो वनस्पतीन्पर्वताँ अग्निमूतये ।
कृशानुमस्तॄंतिष्यं सधस्थ आ रुद्रं रुद्रेषु रुद्रियं हवामहे ॥
Samhita Transcription Accented
tríḥ saptá sasrā́ nadyó mahī́rapó vánaspátīnpárvatām̐ agnímūtáye ǀ
kṛśā́numástṝntiṣyám sadhástha ā́ rudrám rudréṣu rudríyam havāmahe ǁ
Samhita Transcription Nonaccented
triḥ sapta sasrā nadyo mahīrapo vanaspatīnparvatām̐ agnimūtaye ǀ
kṛśānumastṝntiṣyam sadhastha ā rudram rudreṣu rudriyam havāmahe ǁ
Padapatha Devanagari Accented
त्रिः । स॒प्त । स॒स्राः । न॒द्यः॑ । म॒हीः । अ॒पः । वन॒स्पती॑न् । पर्व॑तान् । अ॒ग्निम् । ऊ॒तये॑ ।
कृ॒शानु॑म् । अस्तॄ॑न् । ति॒ष्य॑म् । स॒धऽस्थे॑ । आ । रु॒द्रम् । रु॒द्रेषु॑ । रु॒द्रिय॑म् । ह॒वा॒म॒हे॒ ॥
Padapatha Devanagari Nonaccented
त्रिः । सप्त । सस्राः । नद्यः । महीः । अपः । वनस्पतीन् । पर्वतान् । अग्निम् । ऊतये ।
कृशानुम् । अस्तॄन् । तिष्यम् । सधऽस्थे । आ । रुद्रम् । रुद्रेषु । रुद्रियम् । हवामहे ॥
Padapatha Transcription Accented
tríḥ ǀ saptá ǀ sasrā́ḥ ǀ nadyáḥ ǀ mahī́ḥ ǀ apáḥ ǀ vánaspátīn ǀ párvatān ǀ agním ǀ ūtáye ǀ
kṛśā́num ǀ ástṝn ǀ tiṣyám ǀ sadhá-sthe ǀ ā́ ǀ rudrám ǀ rudréṣu ǀ rudríyam ǀ havāmahe ǁ
Padapatha Transcription Nonaccented
triḥ ǀ sapta ǀ sasrāḥ ǀ nadyaḥ ǀ mahīḥ ǀ apaḥ ǀ vanaspatīn ǀ parvatān ǀ agnim ǀ ūtaye ǀ
kṛśānum ǀ astṝn ǀ tiṣyam ǀ sadha-sthe ǀ ā ǀ rudram ǀ rudreṣu ǀ rudriyam ǀ havāmahe ǁ
10.064.09 (Mandala. Sukta. Rik)
8.2.07.04 (Ashtaka. Adhyaya. Varga. Rik)
10.05.064 (Mandala. Anuvāka. Rik)
Samhita Devanagari Accented
सर॑स्वती स॒रयुः॒ सिंधु॑रू॒र्मिभि॑र्म॒हो म॒हीरव॒सा यं॑तु॒ वक्ष॑णीः ।
दे॒वीरापो॑ मा॒तरः॑ सूदयि॒त्न्वो॑ घृ॒तव॒त्पयो॒ मधु॑मन्नो अर्चत ॥
Samhita Devanagari Nonaccented
सरस्वती सरयुः सिंधुरूर्मिभिर्महो महीरवसा यंतु वक्षणीः ।
देवीरापो मातरः सूदयित्न्वो घृतवत्पयो मधुमन्नो अर्चत ॥
Samhita Transcription Accented
sárasvatī saráyuḥ síndhurūrmíbhirmahó mahī́rávasā́ yantu vákṣaṇīḥ ǀ
devī́rā́po mātáraḥ sūdayitnvó ghṛtávatpáyo mádhumanno arcata ǁ
Samhita Transcription Nonaccented
sarasvatī sarayuḥ sindhurūrmibhirmaho mahīravasā yantu vakṣaṇīḥ ǀ
devīrāpo mātaraḥ sūdayitnvo ghṛtavatpayo madhumanno arcata ǁ
Padapatha Devanagari Accented
सर॑स्वती । स॒रयुः॑ । सिन्धुः॑ । ऊ॒र्मिऽभिः॑ । म॒हः । म॒हीः । अव॑सा । आ । य॒न्तु॒ । वक्ष॑णीः ।
दे॒वीः । आपः॑ । मा॒तरः॑ । सू॒द॒यि॒त्न्वः॑ । घृ॒तऽव॑त् । पयः॑ । मधु॑ऽमत् । नः॒ । अ॒र्च॒त॒ ॥
Padapatha Devanagari Nonaccented
सरस्वती । सरयुः । सिन्धुः । ऊर्मिऽभिः । महः । महीः । अवसा । आ । यन्तु । वक्षणीः ।
देवीः । आपः । मातरः । सूदयित्न्वः । घृतऽवत् । पयः । मधुऽमत् । नः । अर्चत ॥
Padapatha Transcription Accented
sárasvatī ǀ saráyuḥ ǀ síndhuḥ ǀ ūrmí-bhiḥ ǀ maháḥ ǀ mahī́ḥ ǀ ávasā ǀ ā́ ǀ yantu ǀ vákṣaṇīḥ ǀ
devī́ḥ ǀ ā́paḥ ǀ mātáraḥ ǀ sūdayitnváḥ ǀ ghṛtá-vat ǀ páyaḥ ǀ mádhu-mat ǀ naḥ ǀ arcata ǁ
Padapatha Transcription Nonaccented
sarasvatī ǀ sarayuḥ ǀ sindhuḥ ǀ ūrmi-bhiḥ ǀ mahaḥ ǀ mahīḥ ǀ avasā ǀ ā ǀ yantu ǀ vakṣaṇīḥ ǀ
devīḥ ǀ āpaḥ ǀ mātaraḥ ǀ sūdayitnvaḥ ǀ ghṛta-vat ǀ payaḥ ǀ madhu-mat ǀ naḥ ǀ arcata ǁ
10.064.10 (Mandala. Sukta. Rik)
8.2.07.05 (Ashtaka. Adhyaya. Varga. Rik)
10.05.065 (Mandala. Anuvāka. Rik)
Samhita Devanagari Accented
उ॒त मा॒ता बृ॑हद्दि॒वा शृ॑णोतु न॒स्त्वष्टा॑ दे॒वेभि॒र्जनि॑भिः पि॒ता वचः॑ ।
ऋ॒भु॒क्षा वाजो॒ रथ॒स्पति॒र्भगो॑ र॒ण्वः शंसः॑ शशमा॒नस्य॑ पातु नः ॥
Samhita Devanagari Nonaccented
उत माता बृहद्दिवा शृणोतु नस्त्वष्टा देवेभिर्जनिभिः पिता वचः ।
ऋभुक्षा वाजो रथस्पतिर्भगो रण्वः शंसः शशमानस्य पातु नः ॥
Samhita Transcription Accented
utá mātā́ bṛhaddivā́ śṛṇotu nastváṣṭā devébhirjánibhiḥ pitā́ vácaḥ ǀ
ṛbhukṣā́ vā́jo ráthaspátirbhágo raṇváḥ śáṃsaḥ śaśamānásya pātu naḥ ǁ
Samhita Transcription Nonaccented
uta mātā bṛhaddivā śṛṇotu nastvaṣṭā devebhirjanibhiḥ pitā vacaḥ ǀ
ṛbhukṣā vājo rathaspatirbhago raṇvaḥ śaṃsaḥ śaśamānasya pātu naḥ ǁ
Padapatha Devanagari Accented
उ॒त । मा॒ता । बृ॒ह॒त्ऽदि॒वा । शृ॒णो॒तु॒ । नः॒ । त्वष्टा॑ । दे॒वेभिः॑ । जनि॑ऽभिः । पि॒ता । वचः॑ ।
ऋ॒भु॒क्षाः । वाजः॑ । रथः॒पतिः॑ । भगः॑ । र॒ण्वः । शंसः॑ । श॒श॒मा॒नस्य॑ । पा॒तु॒ । नः॒ ॥
Padapatha Devanagari Nonaccented
उत । माता । बृहत्ऽदिवा । शृणोतु । नः । त्वष्टा । देवेभिः । जनिऽभिः । पिता । वचः ।
ऋभुक्षाः । वाजः । रथःपतिः । भगः । रण्वः । शंसः । शशमानस्य । पातु । नः ॥
Padapatha Transcription Accented
utá ǀ mātā́ ǀ bṛhat-divā́ ǀ śṛṇotu ǀ naḥ ǀ tváṣṭā ǀ devébhiḥ ǀ jáni-bhiḥ ǀ pitā́ ǀ vácaḥ ǀ
ṛbhukṣā́ḥ ǀ vā́jaḥ ǀ ráthaḥpátiḥ ǀ bhágaḥ ǀ raṇváḥ ǀ śáṃsaḥ ǀ śaśamānásya ǀ pātu ǀ naḥ ǁ
Padapatha Transcription Nonaccented
uta ǀ mātā ǀ bṛhat-divā ǀ śṛṇotu ǀ naḥ ǀ tvaṣṭā ǀ devebhiḥ ǀ jani-bhiḥ ǀ pitā ǀ vacaḥ ǀ
ṛbhukṣāḥ ǀ vājaḥ ǀ rathaḥpatiḥ ǀ bhagaḥ ǀ raṇvaḥ ǀ śaṃsaḥ ǀ śaśamānasya ǀ pātu ǀ naḥ ǁ
10.064.11 (Mandala. Sukta. Rik)
8.2.08.01 (Ashtaka. Adhyaya. Varga. Rik)
10.05.066 (Mandala. Anuvāka. Rik)
Samhita Devanagari Accented
र॒ण्वः संदृ॑ष्टौ पितु॒माँ इ॑व॒ क्षयो॑ भ॒द्रा रु॒द्राणां॑ म॒रुता॒मुप॑स्तुतिः ।
गोभिः॑ ष्याम य॒शसो॒ जने॒ष्वा सदा॑ देवास॒ इळ॑या सचेमहि ॥
Samhita Devanagari Nonaccented
रण्वः संदृष्टौ पितुमाँ इव क्षयो भद्रा रुद्राणां मरुतामुपस्तुतिः ।
गोभिः ष्याम यशसो जनेष्वा सदा देवास इळया सचेमहि ॥
Samhita Transcription Accented
raṇváḥ sáṃdṛṣṭau pitumā́m̐ iva kṣáyo bhadrā́ rudrā́ṇām marútāmúpastutiḥ ǀ
góbhiḥ ṣyāma yaśáso jáneṣvā́ sádā devāsa íḷayā sacemahi ǁ
Samhita Transcription Nonaccented
raṇvaḥ saṃdṛṣṭau pitumām̐ iva kṣayo bhadrā rudrāṇām marutāmupastutiḥ ǀ
gobhiḥ ṣyāma yaśaso janeṣvā sadā devāsa iḷayā sacemahi ǁ
Padapatha Devanagari Accented
र॒ण्वः । सम्ऽदृ॑ष्टौ । पि॒तु॒मान्ऽइ॑व । क्षयः॑ । भ॒द्रा । रु॒द्राणा॑म् । म॒रुता॑म् । उप॑ऽस्तुतिः ।
गोभिः॑ । स्या॒म॒ । य॒शसः॑ । जने॑षु । आ । सदा॑ । दे॒वा॒सः॒ । इळ॑या । स॒चे॒म॒हि॒ ॥
Padapatha Devanagari Nonaccented
रण्वः । सम्ऽदृष्टौ । पितुमान्ऽइव । क्षयः । भद्रा । रुद्राणाम् । मरुताम् । उपऽस्तुतिः ।
गोभिः । स्याम । यशसः । जनेषु । आ । सदा । देवासः । इळया । सचेमहि ॥
Padapatha Transcription Accented
raṇváḥ ǀ sám-dṛṣṭau ǀ pitumā́n-iva ǀ kṣáyaḥ ǀ bhadrā́ ǀ rudrā́ṇām ǀ marútām ǀ úpa-stutiḥ ǀ
góbhiḥ ǀ syāma ǀ yaśásaḥ ǀ jáneṣu ǀ ā́ ǀ sádā ǀ devāsaḥ ǀ íḷayā ǀ sacemahi ǁ
Padapatha Transcription Nonaccented
raṇvaḥ ǀ sam-dṛṣṭau ǀ pitumān-iva ǀ kṣayaḥ ǀ bhadrā ǀ rudrāṇām ǀ marutām ǀ upa-stutiḥ ǀ
gobhiḥ ǀ syāma ǀ yaśasaḥ ǀ janeṣu ǀ ā ǀ sadā ǀ devāsaḥ ǀ iḷayā ǀ sacemahi ǁ
10.064.12 (Mandala. Sukta. Rik)
8.2.08.02 (Ashtaka. Adhyaya. Varga. Rik)
10.05.067 (Mandala. Anuvāka. Rik)
Samhita Devanagari Accented
यां मे॒ धियं॒ मरु॑त॒ इंद्र॒ देवा॒ अद॑दात वरुण मित्र यू॒यं ।
तां पी॑पयत॒ पय॑सेव धे॒नुं कु॒विद्गिरो॒ अधि॒ रथे॒ वहा॑थ ॥
Samhita Devanagari Nonaccented
यां मे धियं मरुत इंद्र देवा अददात वरुण मित्र यूयं ।
तां पीपयत पयसेव धेनुं कुविद्गिरो अधि रथे वहाथ ॥
Samhita Transcription Accented
yā́m me dhíyam máruta índra dévā ádadāta varuṇa mitra yūyám ǀ
tā́m pīpayata páyaseva dhenúm kuvídgíro ádhi ráthe váhātha ǁ
Samhita Transcription Nonaccented
yām me dhiyam maruta indra devā adadāta varuṇa mitra yūyam ǀ
tām pīpayata payaseva dhenum kuvidgiro adhi rathe vahātha ǁ
Padapatha Devanagari Accented
यम् । मे॒ । धिय॑म् । मरु॑तः । इन्द्र॑ । देवाः॑ । अद॑दात । व॒रु॒ण॒ । मि॒त्र॒ । यू॒यम् ।
ताम् । पी॒प॒य॒त॒ । पय॑साऽइव । धे॒नुम् । कु॒वित् । गिरः॑ । अधि॑ । रथे॑ । वहा॑थ ॥
Padapatha Devanagari Nonaccented
यम् । मे । धियम् । मरुतः । इन्द्र । देवाः । अददात । वरुण । मित्र । यूयम् ।
ताम् । पीपयत । पयसाऽइव । धेनुम् । कुवित् । गिरः । अधि । रथे । वहाथ ॥
Padapatha Transcription Accented
yám ǀ me ǀ dhíyam ǀ márutaḥ ǀ índra ǀ dévāḥ ǀ ádadāta ǀ varuṇa ǀ mitra ǀ yūyám ǀ
tā́m ǀ pīpayata ǀ páyasā-iva ǀ dhenúm ǀ kuvít ǀ gíraḥ ǀ ádhi ǀ ráthe ǀ váhātha ǁ
Padapatha Transcription Nonaccented
yam ǀ me ǀ dhiyam ǀ marutaḥ ǀ indra ǀ devāḥ ǀ adadāta ǀ varuṇa ǀ mitra ǀ yūyam ǀ
tām ǀ pīpayata ǀ payasā-iva ǀ dhenum ǀ kuvit ǀ giraḥ ǀ adhi ǀ rathe ǀ vahātha ǁ
10.064.13 (Mandala. Sukta. Rik)
8.2.08.03 (Ashtaka. Adhyaya. Varga. Rik)
10.05.068 (Mandala. Anuvāka. Rik)
Samhita Devanagari Accented
कु॒विदं॒ग प्रति॒ यथा॑ चिद॒स्य नः॑ सजा॒त्य॑स्य मरुतो॒ बुबो॑धथ ।
नाभा॒ यत्र॑ प्रथ॒मं सं॒नसा॑महे॒ तत्र॑ जामि॒त्वमदि॑तिर्दधातु नः ॥
Samhita Devanagari Nonaccented
कुविदंग प्रति यथा चिदस्य नः सजात्यस्य मरुतो बुबोधथ ।
नाभा यत्र प्रथमं संनसामहे तत्र जामित्वमदितिर्दधातु नः ॥
Samhita Transcription Accented
kuvídaṅgá práti yáthā cidasyá naḥ sajātyásya maruto búbodhatha ǀ
nā́bhā yátra prathamám saṃnásāmahe tátra jāmitvámáditirdadhātu naḥ ǁ
Samhita Transcription Nonaccented
kuvidaṅga prati yathā cidasya naḥ sajātyasya maruto bubodhatha ǀ
nābhā yatra prathamam saṃnasāmahe tatra jāmitvamaditirdadhātu naḥ ǁ
Padapatha Devanagari Accented
कु॒वित् । अ॒ङ्ग । प्रति॑ । यथा॑ । चि॒त् । अ॒स्य । नः॒ । स॒ऽजा॒त्य॑स्य । म॒रु॒तः॒ । बुबो॑धथ ।
नाभा॑ । यत्र॑ । प्र॒थ॒मम् । स॒म्ऽनसा॑महे । तत्र॑ । जा॒मि॒ऽत्वम् । अदि॑तिः । द॒धा॒तु॒ । नः॒ ॥
Padapatha Devanagari Nonaccented
कुवित् । अङ्ग । प्रति । यथा । चित् । अस्य । नः । सऽजात्यस्य । मरुतः । बुबोधथ ।
नाभा । यत्र । प्रथमम् । सम्ऽनसामहे । तत्र । जामिऽत्वम् । अदितिः । दधातु । नः ॥
Padapatha Transcription Accented
kuvít ǀ aṅgá ǀ práti ǀ yáthā ǀ cit ǀ asyá ǀ naḥ ǀ sa-jātyásya ǀ marutaḥ ǀ búbodhatha ǀ
nā́bhā ǀ yátra ǀ prathamám ǀ sam-násāmahe ǀ tátra ǀ jāmi-tvám ǀ áditiḥ ǀ dadhātu ǀ naḥ ǁ
Padapatha Transcription Nonaccented
kuvit ǀ aṅga ǀ prati ǀ yathā ǀ cit ǀ asya ǀ naḥ ǀ sa-jātyasya ǀ marutaḥ ǀ bubodhatha ǀ
nābhā ǀ yatra ǀ prathamam ǀ sam-nasāmahe ǀ tatra ǀ jāmi-tvam ǀ aditiḥ ǀ dadhātu ǀ naḥ ǁ
10.064.14 (Mandala. Sukta. Rik)
8.2.08.04 (Ashtaka. Adhyaya. Varga. Rik)
10.05.069 (Mandala. Anuvāka. Rik)
Samhita Devanagari Accented
ते हि द्यावा॑पृथि॒वी मा॒तरा॑ म॒ही दे॒वी दे॒वांजन्म॑ना य॒ज्ञिये॑ इ॒तः ।
उ॒भे बि॑भृत उ॒भयं॒ भरी॑मभिः पु॒रू रेतां॑सि पि॒तृभि॑श्च सिंचतः ॥
Samhita Devanagari Nonaccented
ते हि द्यावापृथिवी मातरा मही देवी देवांजन्मना यज्ञिये इतः ।
उभे बिभृत उभयं भरीमभिः पुरू रेतांसि पितृभिश्च सिंचतः ॥
Samhita Transcription Accented
té hí dyā́vāpṛthivī́ mātárā mahī́ devī́ devā́ñjánmanā yajñíye itáḥ ǀ
ubhé bibhṛta ubháyam bhárīmabhiḥ purū́ rétāṃsi pitṛ́bhiśca siñcataḥ ǁ
Samhita Transcription Nonaccented
te hi dyāvāpṛthivī mātarā mahī devī devāñjanmanā yajñiye itaḥ ǀ
ubhe bibhṛta ubhayam bharīmabhiḥ purū retāṃsi pitṛbhiśca siñcataḥ ǁ
Padapatha Devanagari Accented
ते । हि । द्यावा॑पृथि॒वी इति॑ । मा॒तरा॑ । म॒ही इति॑ । दे॒वी इति॑ । दे॒वान् । जन्म॑ना । य॒ज्ञिये॒ इति॑ । इ॒तः ।
उ॒भे इति॑ । बि॒भृ॒तः॒ । उ॒भय॑म् । भरी॑मऽभिः । पु॒रु । रेतां॑सि । पि॒तृऽभिः॑ । च॒ । सि॒ञ्च॒तः॒ ॥
Padapatha Devanagari Nonaccented
ते । हि । द्यावापृथिवी इति । मातरा । मही इति । देवी इति । देवान् । जन्मना । यज्ञिये इति । इतः ।
उभे इति । बिभृतः । उभयम् । भरीमऽभिः । पुरु । रेतांसि । पितृऽभिः । च । सिञ्चतः ॥
Padapatha Transcription Accented
té ǀ hí ǀ dyā́vāpṛthivī́ íti ǀ mātárā ǀ mahī́ íti ǀ devī́ íti ǀ devā́n ǀ jánmanā ǀ yajñíye íti ǀ itáḥ ǀ
ubhé íti ǀ bibhṛtaḥ ǀ ubháyam ǀ bhárīma-bhiḥ ǀ purú ǀ rétāṃsi ǀ pitṛ́-bhiḥ ǀ ca ǀ siñcataḥ ǁ
Padapatha Transcription Nonaccented
te ǀ hi ǀ dyāvāpṛthivī iti ǀ mātarā ǀ mahī iti ǀ devī iti ǀ devān ǀ janmanā ǀ yajñiye iti ǀ itaḥ ǀ
ubhe iti ǀ bibhṛtaḥ ǀ ubhayam ǀ bharīma-bhiḥ ǀ puru ǀ retāṃsi ǀ pitṛ-bhiḥ ǀ ca ǀ siñcataḥ ǁ
10.064.15 (Mandala. Sukta. Rik)
8.2.08.05 (Ashtaka. Adhyaya. Varga. Rik)
10.05.070 (Mandala. Anuvāka. Rik)
Samhita Devanagari Accented
वि षा होत्रा॒ विश्व॑मश्नोति॒ वार्यं॒ बृह॒स्पति॑र॒रम॑तिः॒ पनी॑यसी ।
ग्रावा॒ यत्र॑ मधु॒षुदु॒च्यते॑ बृ॒हदवी॑वशंत म॒तिभि॑र्मनी॒षिणः॑ ॥
Samhita Devanagari Nonaccented
वि षा होत्रा विश्वमश्नोति वार्यं बृहस्पतिररमतिः पनीयसी ।
ग्रावा यत्र मधुषुदुच्यते बृहदवीवशंत मतिभिर्मनीषिणः ॥
Samhita Transcription Accented
ví ṣā́ hótrā víśvamaśnoti vā́ryam bṛ́haspátirarámatiḥ pánīyasī ǀ
grā́vā yátra madhuṣúducyáte bṛhádávīvaśanta matíbhirmanīṣíṇaḥ ǁ
Samhita Transcription Nonaccented
vi ṣā hotrā viśvamaśnoti vāryam bṛhaspatiraramatiḥ panīyasī ǀ
grāvā yatra madhuṣuducyate bṛhadavīvaśanta matibhirmanīṣiṇaḥ ǁ
Padapatha Devanagari Accented
वि । सा । होत्रा॑ । विश्व॑म् । अ॒श्नो॒ति॒ । वार्य॑म् । बृह॒स्पतिः॑ । अ॒रम॑तिः । पनी॑यसी ।
ग्रावा॑ । यत्र॑ । म॒धु॒ऽसुत् । उ॒च्यते॑ । बृ॒हत् । अवी॑वशन्त । म॒तिऽभिः॑ । म॒नी॒षिणः॑ ॥
Padapatha Devanagari Nonaccented
वि । सा । होत्रा । विश्वम् । अश्नोति । वार्यम् । बृहस्पतिः । अरमतिः । पनीयसी ।
ग्रावा । यत्र । मधुऽसुत् । उच्यते । बृहत् । अवीवशन्त । मतिऽभिः । मनीषिणः ॥
Padapatha Transcription Accented
ví ǀ sā́ ǀ hótrā ǀ víśvam ǀ aśnoti ǀ vā́ryam ǀ bṛ́haspátiḥ ǀ arámatiḥ ǀ pánīyasī ǀ
grā́vā ǀ yátra ǀ madhu-sút ǀ ucyáte ǀ bṛhát ǀ ávīvaśanta ǀ matí-bhiḥ ǀ manīṣíṇaḥ ǁ
Padapatha Transcription Nonaccented
vi ǀ sā ǀ hotrā ǀ viśvam ǀ aśnoti ǀ vāryam ǀ bṛhaspatiḥ ǀ aramatiḥ ǀ panīyasī ǀ
grāvā ǀ yatra ǀ madhu-sut ǀ ucyate ǀ bṛhat ǀ avīvaśanta ǀ mati-bhiḥ ǀ manīṣiṇaḥ ǁ
10.064.16 (Mandala. Sukta. Rik)
8.2.08.06 (Ashtaka. Adhyaya. Varga. Rik)
10.05.071 (Mandala. Anuvāka. Rik)
Samhita Devanagari Accented
ए॒वा क॒विस्तु॑वी॒रवाँ॑ ऋत॒ज्ञा द्र॑विण॒स्युर्द्रवि॑णसश्चका॒नः ।
उ॒क्थेभि॒रत्र॑ म॒तिभि॑श्च॒ विप्रोऽपी॑पय॒द्गयो॑ दि॒व्यानि॒ जन्म॑ ॥
Samhita Devanagari Nonaccented
एवा कविस्तुवीरवाँ ऋतज्ञा द्रविणस्युर्द्रविणसश्चकानः ।
उक्थेभिरत्र मतिभिश्च विप्रोऽपीपयद्गयो दिव्यानि जन्म ॥
Samhita Transcription Accented
evā́ kavístuvīrávām̐ ṛtajñā́ draviṇasyúrdráviṇasaścakānáḥ ǀ
ukthébhirátra matíbhiśca vípró’pīpayadgáyo divyā́ni jánma ǁ
Samhita Transcription Nonaccented
evā kavistuvīravām̐ ṛtajñā draviṇasyurdraviṇasaścakānaḥ ǀ
ukthebhiratra matibhiśca vipro’pīpayadgayo divyāni janma ǁ
Padapatha Devanagari Accented
ए॒व । क॒विः । तु॒वि॒ऽरवा॑न् । ऋ॒त॒ऽज्ञाः । द्र॒वि॒ण॒स्युः । द्रवि॑णसः । च॒का॒नः ।
उ॒क्थेभिः॑ । अत्र॑ । म॒तिऽभिः॑ । च॒ । विप्रः॑ । अपी॑पयत् । गयः॑ । दि॒व्यानि॑ । जन्म॑ ॥
Padapatha Devanagari Nonaccented
एव । कविः । तुविऽरवान् । ऋतऽज्ञाः । द्रविणस्युः । द्रविणसः । चकानः ।
उक्थेभिः । अत्र । मतिऽभिः । च । विप्रः । अपीपयत् । गयः । दिव्यानि । जन्म ॥
Padapatha Transcription Accented
evá ǀ kavíḥ ǀ tuvi-rávān ǀ ṛta-jñā́ḥ ǀ draviṇasyúḥ ǀ dráviṇasaḥ ǀ cakānáḥ ǀ
ukthébhiḥ ǀ átra ǀ matí-bhiḥ ǀ ca ǀ vípraḥ ǀ ápīpayat ǀ gáyaḥ ǀ divyā́ni ǀ jánma ǁ
Padapatha Transcription Nonaccented
eva ǀ kaviḥ ǀ tuvi-ravān ǀ ṛta-jñāḥ ǀ draviṇasyuḥ ǀ draviṇasaḥ ǀ cakānaḥ ǀ
ukthebhiḥ ǀ atra ǀ mati-bhiḥ ǀ ca ǀ vipraḥ ǀ apīpayat ǀ gayaḥ ǀ divyāni ǀ janma ǁ
10.064.17 (Mandala. Sukta. Rik)
8.2.08.07 (Ashtaka. Adhyaya. Varga. Rik)
10.05.072 (Mandala. Anuvāka. Rik)
Samhita Devanagari Accented
ए॒वा प्ल॒तेः सू॒नुर॑वीवृधद्वो॒ विश्व॑ आदित्या अदिते मनी॒षी ।
ई॒शा॒नासो॒ नरो॒ अम॑र्त्ये॒नास्ता॑वि॒ जनो॑ दि॒व्यो गये॑न ॥
Samhita Devanagari Nonaccented
एवा प्लतेः सूनुरवीवृधद्वो विश्व आदित्या अदिते मनीषी ।
ईशानासो नरो अमर्त्येनास्तावि जनो दिव्यो गयेन ॥
Samhita Transcription Accented
evā́ platéḥ sūnúravīvṛdhadvo víśva ādityā adite manīṣī́ ǀ
īśānā́so náro ámartyenā́stāvi jáno divyó gáyena ǁ
Samhita Transcription Nonaccented
evā plateḥ sūnuravīvṛdhadvo viśva ādityā adite manīṣī ǀ
īśānāso naro amartyenāstāvi jano divyo gayena ǁ
Padapatha Devanagari Accented
ए॒व । प्ल॒तेः । सू॒नुः । अ॒वी॒वृ॒ध॒त् । वः॒ । विश्वे॑ । आ॒दि॒त्याः॒ । अ॒दि॒ते॒ । म॒नी॒षी ।
ई॒शा॒नासः॑ । नरः॑ । अम॑र्त्येन । अस्ता॑वि । जनः॑ । दि॒व्यः । गये॑न ॥
Padapatha Devanagari Nonaccented
एव । प्लतेः । सूनुः । अवीवृधत् । वः । विश्वे । आदित्याः । अदिते । मनीषी ।
ईशानासः । नरः । अमर्त्येन । अस्तावि । जनः । दिव्यः । गयेन ॥
Padapatha Transcription Accented
evá ǀ platéḥ ǀ sūnúḥ ǀ avīvṛdhat ǀ vaḥ ǀ víśve ǀ ādityāḥ ǀ adite ǀ manīṣī́ ǀ
īśānā́saḥ ǀ náraḥ ǀ ámartyena ǀ ástāvi ǀ jánaḥ ǀ divyáḥ ǀ gáyena ǁ
Padapatha Transcription Nonaccented
eva ǀ plateḥ ǀ sūnuḥ ǀ avīvṛdhat ǀ vaḥ ǀ viśve ǀ ādityāḥ ǀ adite ǀ manīṣī ǀ
īśānāsaḥ ǀ naraḥ ǀ amartyena ǀ astāvi ǀ janaḥ ǀ divyaḥ ǀ gayena ǁ