|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 65
|
1. Info |
| To: | viśvedevās | |
| From: | vasukarṇa vāsukra | |
| Metres: | 1st set of styles: nicṛjjagatī (1, 4, 6, 10, 12, 13); virāḍjagatī (3, 7, 9); jagatī (5, 8, 11); pādanicṛjjgatī (2); triṣṭup (14); virāṭtrisṭup (15) 2nd set of styles: jagatī (1-14); triṣṭubh (15) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.065.01 (Mandala. Sukta. Rik)
8.2.09.01 (Ashtaka. Adhyaya. Varga. Rik)
10.05.073 (Mandala. Anuvāka. Rik)
Samhita Devanagari Accented
अ॒ग्निरिंद्रो॒ वरु॑णो मि॒त्रो अ॑र्य॒मा वा॒युः पू॒षा सर॑स्वती स॒जोष॑सः ।
आ॒दि॒त्या विष्णु॑र्म॒रुतः॒ स्व॑र्बृ॒हत्सोमो॑ रु॒द्रो अदि॑ति॒र्ब्रह्म॑ण॒स्पतिः॑ ॥
Samhita Devanagari Nonaccented
अग्निरिंद्रो वरुणो मित्रो अर्यमा वायुः पूषा सरस्वती सजोषसः ।
आदित्या विष्णुर्मरुतः स्वर्बृहत्सोमो रुद्रो अदितिर्ब्रह्मणस्पतिः ॥
Samhita Transcription Accented
agníríndro váruṇo mitró aryamā́ vāyúḥ pūṣā́ sárasvatī sajóṣasaḥ ǀ
ādityā́ víṣṇurmarútaḥ svárbṛhátsómo rudró áditirbráhmaṇaspátiḥ ǁ
Samhita Transcription Nonaccented
agnirindro varuṇo mitro aryamā vāyuḥ pūṣā sarasvatī sajoṣasaḥ ǀ
ādityā viṣṇurmarutaḥ svarbṛhatsomo rudro aditirbrahmaṇaspatiḥ ǁ
Padapatha Devanagari Accented
अ॒ग्निः । इन्द्रः॑ । वरु॑णः । मि॒त्रः । अ॒र्य॒मा । वा॒युः । पू॒षा । सर॑स्वती । स॒ऽजोष॑सः ।
आ॒दि॒त्याः । विष्णुः॑ । म॒रुतः॑ । स्वः॑ । बृ॒हत् । सोमः॑ । रु॒द्रः । अदि॑तिः । ब्रह्म॑णः । पतिः॑ ॥
Padapatha Devanagari Nonaccented
अग्निः । इन्द्रः । वरुणः । मित्रः । अर्यमा । वायुः । पूषा । सरस्वती । सऽजोषसः ।
आदित्याः । विष्णुः । मरुतः । स्वः । बृहत् । सोमः । रुद्रः । अदितिः । ब्रह्मणः । पतिः ॥
Padapatha Transcription Accented
agníḥ ǀ índraḥ ǀ váruṇaḥ ǀ mitráḥ ǀ aryamā́ ǀ vāyúḥ ǀ pūṣā́ ǀ sárasvatī ǀ sa-jóṣasaḥ ǀ
ādityā́ḥ ǀ víṣṇuḥ ǀ marútaḥ ǀ sváḥ ǀ bṛhát ǀ sómaḥ ǀ rudráḥ ǀ áditiḥ ǀ bráhmaṇaḥ ǀ pátiḥ ǁ
Padapatha Transcription Nonaccented
agniḥ ǀ indraḥ ǀ varuṇaḥ ǀ mitraḥ ǀ aryamā ǀ vāyuḥ ǀ pūṣā ǀ sarasvatī ǀ sa-joṣasaḥ ǀ
ādityāḥ ǀ viṣṇuḥ ǀ marutaḥ ǀ svaḥ ǀ bṛhat ǀ somaḥ ǀ rudraḥ ǀ aditiḥ ǀ brahmaṇaḥ ǀ patiḥ ǁ
10.065.02 (Mandala. Sukta. Rik)
8.2.09.02 (Ashtaka. Adhyaya. Varga. Rik)
10.05.074 (Mandala. Anuvāka. Rik)
Samhita Devanagari Accented
इं॒द्रा॒ग्नी वृ॑त्र॒हत्ये॑षु॒ सत्प॑ती मि॒थो हि॑न्वा॒ना त॒न्वा॒३॒॑ समो॑कसा ।
अं॒तरि॑क्षं॒ मह्या प॑प्रु॒रोज॑सा॒ सोमो॑ घृत॒श्रीर्म॑हि॒मान॑मी॒रय॑न् ॥
Samhita Devanagari Nonaccented
इंद्राग्नी वृत्रहत्येषु सत्पती मिथो हिन्वाना तन्वा समोकसा ।
अंतरिक्षं मह्या पप्रुरोजसा सोमो घृतश्रीर्महिमानमीरयन् ॥
Samhita Transcription Accented
indrāgnī́ vṛtrahátyeṣu sátpatī mithó hinvānā́ tanvā́ sámokasā ǀ
antárikṣam máhyā́ paprurójasā sómo ghṛtaśrī́rmahimā́namīráyan ǁ
Samhita Transcription Nonaccented
indrāgnī vṛtrahatyeṣu satpatī mitho hinvānā tanvā samokasā ǀ
antarikṣam mahyā paprurojasā somo ghṛtaśrīrmahimānamīrayan ǁ
Padapatha Devanagari Accented
इ॒न्द्रा॒ग्नी इति॑ । वृ॒त्र॒ऽहत्ये॑षु । सत्प॑ती॒ इति॒ सत्ऽप॑ती । मि॒थः । हि॒न्वा॒ना । त॒न्वा॑ । सम्ऽओ॑कसा ।
अ॒न्तरि॑क्षम् । महि॑ । आ । प॒प्रुः॒ । ओज॑सा । सोमः॑ । घृ॒त॒ऽश्रीः । म॒हि॒मान॑म् । ई॒रय॑न् ॥
Padapatha Devanagari Nonaccented
इन्द्राग्नी इति । वृत्रऽहत्येषु । सत्पती इति सत्ऽपती । मिथः । हिन्वाना । तन्वा । सम्ऽओकसा ।
अन्तरिक्षम् । महि । आ । पप्रुः । ओजसा । सोमः । घृतऽश्रीः । महिमानम् । ईरयन् ॥
Padapatha Transcription Accented
indrāgnī́ íti ǀ vṛtra-hátyeṣu ǀ sátpatī íti sát-patī ǀ mitháḥ ǀ hinvānā́ ǀ tanvā́ ǀ sám-okasā ǀ
antárikṣam ǀ máhi ǀ ā́ ǀ papruḥ ǀ ójasā ǀ sómaḥ ǀ ghṛta-śrī́ḥ ǀ mahimā́nam ǀ īráyan ǁ
Padapatha Transcription Nonaccented
indrāgnī iti ǀ vṛtra-hatyeṣu ǀ satpatī iti sat-patī ǀ mithaḥ ǀ hinvānā ǀ tanvā ǀ sam-okasā ǀ
antarikṣam ǀ mahi ǀ ā ǀ papruḥ ǀ ojasā ǀ somaḥ ǀ ghṛta-śrīḥ ǀ mahimānam ǀ īrayan ǁ
10.065.03 (Mandala. Sukta. Rik)
8.2.09.03 (Ashtaka. Adhyaya. Varga. Rik)
10.05.075 (Mandala. Anuvāka. Rik)
Samhita Devanagari Accented
तेषां॒ हि म॒ह्ना म॑ह॒ताम॑न॒र्वणां॒ स्तोमाँ॒ इय॑र्म्यृत॒ज्ञा ऋ॑ता॒वृधां॑ ।
ये अ॑प्स॒वम॑र्ण॒वं चि॒त्ररा॑धस॒स्ते नो॑ रासंतां म॒हये॑ सुमि॒त्र्याः ॥
Samhita Devanagari Nonaccented
तेषां हि मह्ना महतामनर्वणां स्तोमाँ इयर्म्यृतज्ञा ऋतावृधां ।
ये अप्सवमर्णवं चित्रराधसस्ते नो रासंतां महये सुमित्र्याः ॥
Samhita Transcription Accented
téṣām hí mahnā́ mahatā́manarváṇām stómām̐ íyarmyṛtajñā́ ṛtāvṛ́dhām ǀ
yé apsavámarṇavám citrárādhasasté no rāsantām maháye sumitryā́ḥ ǁ
Samhita Transcription Nonaccented
teṣām hi mahnā mahatāmanarvaṇām stomām̐ iyarmyṛtajñā ṛtāvṛdhām ǀ
ye apsavamarṇavam citrarādhasaste no rāsantām mahaye sumitryāḥ ǁ
Padapatha Devanagari Accented
तेषा॑म् । हि । म॒ह्ना । म॒ह॒ताम् । अ॒न॒र्वणा॑म् । स्तोमा॑न् । इय॑र्मि । ऋ॒त॒ऽज्ञाः । ऋ॒त॒ऽवृधा॑म् ।
ये । अ॒प्स॒वम् । अ॒र्ण॒वम् । चि॒त्रऽरा॑धसः । ते । नः॒ । रा॒स॒न्ता॒म् । म॒हये॑ । सु॒ऽमि॒त्र्याः ॥
Padapatha Devanagari Nonaccented
तेषाम् । हि । मह्ना । महताम् । अनर्वणाम् । स्तोमान् । इयर्मि । ऋतऽज्ञाः । ऋतऽवृधाम् ।
ये । अप्सवम् । अर्णवम् । चित्रऽराधसः । ते । नः । रासन्ताम् । महये । सुऽमित्र्याः ॥
Padapatha Transcription Accented
téṣām ǀ hí ǀ mahnā́ ǀ mahatā́m ǀ anarváṇām ǀ stómān ǀ íyarmi ǀ ṛta-jñā́ḥ ǀ ṛta-vṛ́dhām ǀ
yé ǀ apsavám ǀ arṇavám ǀ citrá-rādhasaḥ ǀ té ǀ naḥ ǀ rāsantām ǀ maháye ǀ su-mitryā́ḥ ǁ
Padapatha Transcription Nonaccented
teṣām ǀ hi ǀ mahnā ǀ mahatām ǀ anarvaṇām ǀ stomān ǀ iyarmi ǀ ṛta-jñāḥ ǀ ṛta-vṛdhām ǀ
ye ǀ apsavam ǀ arṇavam ǀ citra-rādhasaḥ ǀ te ǀ naḥ ǀ rāsantām ǀ mahaye ǀ su-mitryāḥ ǁ
10.065.04 (Mandala. Sukta. Rik)
8.2.09.04 (Ashtaka. Adhyaya. Varga. Rik)
10.05.076 (Mandala. Anuvāka. Rik)
Samhita Devanagari Accented
स्व॑र्णरमं॒तरि॑क्षाणि रोच॒ना द्यावा॒भूमी॑ पृथि॒वीं स्कं॑भु॒रोज॑सा ।
पृ॒क्षा इ॑व म॒हयं॑तः सुरा॒तयो॑ दे॒वाः स्त॑वंते॒ मनु॑षाय सू॒रयः॑ ॥
Samhita Devanagari Nonaccented
स्वर्णरमंतरिक्षाणि रोचना द्यावाभूमी पृथिवीं स्कंभुरोजसा ।
पृक्षा इव महयंतः सुरातयो देवाः स्तवंते मनुषाय सूरयः ॥
Samhita Transcription Accented
svárṇaramantárikṣāṇi rocanā́ dyā́vābhū́mī pṛthivī́m skambhurójasā ǀ
pṛkṣā́ iva maháyantaḥ surātáyo devā́ḥ stavante mánuṣāya sūráyaḥ ǁ
Samhita Transcription Nonaccented
svarṇaramantarikṣāṇi rocanā dyāvābhūmī pṛthivīm skambhurojasā ǀ
pṛkṣā iva mahayantaḥ surātayo devāḥ stavante manuṣāya sūrayaḥ ǁ
Padapatha Devanagari Accented
स्वः॑ऽनरम् । अ॒न्तरि॑क्षाणि । रो॒च॒ना । द्यावा॒भूमी॒ इति॑ । पृ॒थि॒वीम् । स्क॒म्भुः॒ । ओज॑सा ।
पृ॒क्षाःऽइ॑व । म॒हय॑न्तः । सु॒ऽरा॒तयः॑ । दे॒वाः । स्त॒व॒न्ते॒ । मनु॑षाय । सू॒रयः॑ ॥
Padapatha Devanagari Nonaccented
स्वःऽनरम् । अन्तरिक्षाणि । रोचना । द्यावाभूमी इति । पृथिवीम् । स्कम्भुः । ओजसा ।
पृक्षाःऽइव । महयन्तः । सुऽरातयः । देवाः । स्तवन्ते । मनुषाय । सूरयः ॥
Padapatha Transcription Accented
sváḥ-naram ǀ antárikṣāṇi ǀ rocanā́ ǀ dyā́vābhū́mī íti ǀ pṛthivī́m ǀ skambhuḥ ǀ ójasā ǀ
pṛkṣā́ḥ-iva ǀ maháyantaḥ ǀ su-rātáyaḥ ǀ devā́ḥ ǀ stavante ǀ mánuṣāya ǀ sūráyaḥ ǁ
Padapatha Transcription Nonaccented
svaḥ-naram ǀ antarikṣāṇi ǀ rocanā ǀ dyāvābhūmī iti ǀ pṛthivīm ǀ skambhuḥ ǀ ojasā ǀ
pṛkṣāḥ-iva ǀ mahayantaḥ ǀ su-rātayaḥ ǀ devāḥ ǀ stavante ǀ manuṣāya ǀ sūrayaḥ ǁ
10.065.05 (Mandala. Sukta. Rik)
8.2.09.05 (Ashtaka. Adhyaya. Varga. Rik)
10.05.077 (Mandala. Anuvāka. Rik)
Samhita Devanagari Accented
मि॒त्राय॑ शिक्ष॒ वरु॑णाय दा॒शुषे॒ या स॒म्राजा॒ मन॑सा॒ न प्र॒युच्छ॑तः ।
ययो॒र्धाम॒ धर्म॑णा॒ रोच॑ते बृ॒हद्ययो॑रु॒भे रोद॑सी॒ नाध॑सी॒ वृतौ॑ ॥
Samhita Devanagari Nonaccented
मित्राय शिक्ष वरुणाय दाशुषे या सम्राजा मनसा न प्रयुच्छतः ।
ययोर्धाम धर्मणा रोचते बृहद्ययोरुभे रोदसी नाधसी वृतौ ॥
Samhita Transcription Accented
mitrā́ya śikṣa váruṇāya dāśúṣe yā́ samrā́jā mánasā ná prayúcchataḥ ǀ
yáyordhā́ma dhármaṇā rócate bṛhádyáyorubhé ródasī nā́dhasī vṛ́tau ǁ
Samhita Transcription Nonaccented
mitrāya śikṣa varuṇāya dāśuṣe yā samrājā manasā na prayucchataḥ ǀ
yayordhāma dharmaṇā rocate bṛhadyayorubhe rodasī nādhasī vṛtau ǁ
Padapatha Devanagari Accented
मि॒त्राय॑ । शि॒क्ष॒ । वरु॑णाय । दा॒शुषे॑ । या । स॒म्ऽराजा॑ । मन॑सा । न । प्र॒ऽयुच्छ॑तः ।
ययोः॑ । धाम॑ । धर्म॑णा । रोच॑ते । बृ॒हत् । ययोः॑ । उ॒भे इति॑ । रोद॑सी॒ इति॑ । नाध॑सी॒ इति॑ । वृतौ॑ ॥
Padapatha Devanagari Nonaccented
मित्राय । शिक्ष । वरुणाय । दाशुषे । या । सम्ऽराजा । मनसा । न । प्रऽयुच्छतः ।
ययोः । धाम । धर्मणा । रोचते । बृहत् । ययोः । उभे इति । रोदसी इति । नाधसी इति । वृतौ ॥
Padapatha Transcription Accented
mitrā́ya ǀ śikṣa ǀ váruṇāya ǀ dāśúṣe ǀ yā́ ǀ sam-rā́jā ǀ mánasā ǀ ná ǀ pra-yúcchataḥ ǀ
yáyoḥ ǀ dhā́ma ǀ dhármaṇā ǀ rócate ǀ bṛhát ǀ yáyoḥ ǀ ubhé íti ǀ ródasī íti ǀ nā́dhasī íti ǀ vṛ́tau ǁ
Padapatha Transcription Nonaccented
mitrāya ǀ śikṣa ǀ varuṇāya ǀ dāśuṣe ǀ yā ǀ sam-rājā ǀ manasā ǀ na ǀ pra-yucchataḥ ǀ
yayoḥ ǀ dhāma ǀ dharmaṇā ǀ rocate ǀ bṛhat ǀ yayoḥ ǀ ubhe iti ǀ rodasī iti ǀ nādhasī iti ǀ vṛtau ǁ
10.065.06 (Mandala. Sukta. Rik)
8.2.10.01 (Ashtaka. Adhyaya. Varga. Rik)
10.05.078 (Mandala. Anuvāka. Rik)
Samhita Devanagari Accented
या गौर्व॑र्त॒निं प॒र्येति॑ निष्कृ॒तं पयो॒ दुहा॑ना व्रत॒नीर॑वा॒रतः॑ ।
सा प्र॑ब्रुवा॒णा वरु॑णाय दा॒शुषे॑ दे॒वेभ्यो॑ दाशद्ध॒विषा॑ वि॒वस्व॑ते ॥
Samhita Devanagari Nonaccented
या गौर्वर्तनिं पर्येति निष्कृतं पयो दुहाना व्रतनीरवारतः ।
सा प्रब्रुवाणा वरुणाय दाशुषे देवेभ्यो दाशद्धविषा विवस्वते ॥
Samhita Transcription Accented
yā́ gáurvartaním paryéti niṣkṛtám páyo dúhānā vratanī́ravārátaḥ ǀ
sā́ prabruvāṇā́ váruṇāya dāśúṣe devébhyo dāśaddhavíṣā vivásvate ǁ
Samhita Transcription Nonaccented
yā gaurvartanim paryeti niṣkṛtam payo duhānā vratanīravārataḥ ǀ
sā prabruvāṇā varuṇāya dāśuṣe devebhyo dāśaddhaviṣā vivasvate ǁ
Padapatha Devanagari Accented
या । गौः । व॒र्त॒निम् । प॒रि॒ऽएति॑ । निः॒ऽकृ॒तम् । पयः॑ । दुहा॑ना । व्र॒त॒ऽनीः । अ॒वा॒रतः॑ ।
सा । प्र॒ऽब्रु॒वा॒णा । वरु॑णाय । दा॒शुषे॑ । दे॒वेभ्यः॑ । दा॒श॒त् । ह॒विषा॑ । वि॒वस्व॑ते ॥
Padapatha Devanagari Nonaccented
या । गौः । वर्तनिम् । परिऽएति । निःऽकृतम् । पयः । दुहाना । व्रतऽनीः । अवारतः ।
सा । प्रऽब्रुवाणा । वरुणाय । दाशुषे । देवेभ्यः । दाशत् । हविषा । विवस्वते ॥
Padapatha Transcription Accented
yā́ ǀ gáuḥ ǀ vartaním ǀ pari-éti ǀ niḥ-kṛtám ǀ páyaḥ ǀ dúhānā ǀ vrata-nī́ḥ ǀ avārátaḥ ǀ
sā́ ǀ pra-bruvāṇā́ ǀ váruṇāya ǀ dāśúṣe ǀ devébhyaḥ ǀ dāśat ǀ havíṣā ǀ vivásvate ǁ
Padapatha Transcription Nonaccented
yā ǀ gauḥ ǀ vartanim ǀ pari-eti ǀ niḥ-kṛtam ǀ payaḥ ǀ duhānā ǀ vrata-nīḥ ǀ avārataḥ ǀ
sā ǀ pra-bruvāṇā ǀ varuṇāya ǀ dāśuṣe ǀ devebhyaḥ ǀ dāśat ǀ haviṣā ǀ vivasvate ǁ
10.065.07 (Mandala. Sukta. Rik)
8.2.10.02 (Ashtaka. Adhyaya. Varga. Rik)
10.05.079 (Mandala. Anuvāka. Rik)
Samhita Devanagari Accented
दि॒वक्ष॑सो अग्निजि॒ह्वा ऋ॑ता॒वृध॑ ऋ॒तस्य॒ योनिं॑ विमृ॒शंत॑ आसते ।
द्यां स्क॑भि॒त्व्य१॒॑प आ च॑क्रु॒रोज॑सा य॒ज्ञं ज॑नि॒त्वी त॒न्वी॒३॒॑ नि मा॑मृजुः ॥
Samhita Devanagari Nonaccented
दिवक्षसो अग्निजिह्वा ऋतावृध ऋतस्य योनिं विमृशंत आसते ।
द्यां स्कभित्व्यप आ चक्रुरोजसा यज्ञं जनित्वी तन्वी नि मामृजुः ॥
Samhita Transcription Accented
divákṣaso agnijihvā́ ṛtāvṛ́dha ṛtásya yónim vimṛśánta āsate ǀ
dyā́m skabhitvyápá ā́ cakrurójasā yajñám janitvī́ tanvī́ ní māmṛjuḥ ǁ
Samhita Transcription Nonaccented
divakṣaso agnijihvā ṛtāvṛdha ṛtasya yonim vimṛśanta āsate ǀ
dyām skabhitvyapa ā cakrurojasā yajñam janitvī tanvī ni māmṛjuḥ ǁ
Padapatha Devanagari Accented
दि॒वक्ष॑सः । अ॒ग्नि॒ऽजि॒ह्वाः । ऋ॒त॒ऽवृधः॑ । ऋ॒तस्य॑ । योनि॑म् । वि॒ऽमृ॒शन्तः॑ । आ॒स॒ते॒ ।
द्याम् । स्क॒भि॒त्वी । अ॒पः । आ । च॒क्रुः॒ । ओज॑सा । य॒ज्ञम् । ज॒नि॒त्वी । त॒न्वि॑ । नि । म॒मृ॒जुः॒ ॥
Padapatha Devanagari Nonaccented
दिवक्षसः । अग्निऽजिह्वाः । ऋतऽवृधः । ऋतस्य । योनिम् । विऽमृशन्तः । आसते ।
द्याम् । स्कभित्वी । अपः । आ । चक्रुः । ओजसा । यज्ञम् । जनित्वी । तन्वि । नि । ममृजुः ॥
Padapatha Transcription Accented
divákṣasaḥ ǀ agni-jihvā́ḥ ǀ ṛta-vṛ́dhaḥ ǀ ṛtásya ǀ yónim ǀ vi-mṛśántaḥ ǀ āsate ǀ
dyā́m ǀ skabhitvī́ ǀ apáḥ ǀ ā́ ǀ cakruḥ ǀ ójasā ǀ yajñám ǀ janitvī́ ǀ tanví ǀ ní ǀ mamṛjuḥ ǁ
Padapatha Transcription Nonaccented
divakṣasaḥ ǀ agni-jihvāḥ ǀ ṛta-vṛdhaḥ ǀ ṛtasya ǀ yonim ǀ vi-mṛśantaḥ ǀ āsate ǀ
dyām ǀ skabhitvī ǀ apaḥ ǀ ā ǀ cakruḥ ǀ ojasā ǀ yajñam ǀ janitvī ǀ tanvi ǀ ni ǀ mamṛjuḥ ǁ
10.065.08 (Mandala. Sukta. Rik)
8.2.10.03 (Ashtaka. Adhyaya. Varga. Rik)
10.05.080 (Mandala. Anuvāka. Rik)
Samhita Devanagari Accented
प॒रि॒क्षिता॑ पि॒तरा॑ पूर्व॒जाव॑री ऋ॒तस्य॒ योना॑ क्षयतः॒ समो॑कसा ।
द्यावा॑पृथि॒वी वरु॑णाय॒ सव्र॑ते घृ॒तव॒त्पयो॑ महि॒षाय॑ पिन्वतः ॥
Samhita Devanagari Nonaccented
परिक्षिता पितरा पूर्वजावरी ऋतस्य योना क्षयतः समोकसा ।
द्यावापृथिवी वरुणाय सव्रते घृतवत्पयो महिषाय पिन्वतः ॥
Samhita Transcription Accented
parikṣítā pitárā pūrvajā́varī ṛtásya yónā kṣayataḥ sámokasā ǀ
dyā́vāpṛthivī́ váruṇāya sávrate ghṛtávatpáyo mahiṣā́ya pinvataḥ ǁ
Samhita Transcription Nonaccented
parikṣitā pitarā pūrvajāvarī ṛtasya yonā kṣayataḥ samokasā ǀ
dyāvāpṛthivī varuṇāya savrate ghṛtavatpayo mahiṣāya pinvataḥ ǁ
Padapatha Devanagari Accented
प॒रि॒ऽक्षिता॑ । पि॒तरा॑ । पू॒र्व॒जाव॑री॒ इति॑ पूर्व॒ऽजाव॑री । ऋ॒तस्य॑ । योना॑ । क्ष॒य॒तः॒ । सम्ऽओ॑कसा ।
द्यावा॑पृथि॒वी इति॑ । वरु॑णाय । सव्र॑ते॒ इति॒ सऽव्र॑ते । घृ॒तऽव॑त् । पयः॑ । म॒हि॒षाय॑ । पि॒न्व॒तः॒ ॥
Padapatha Devanagari Nonaccented
परिऽक्षिता । पितरा । पूर्वजावरी इति पूर्वऽजावरी । ऋतस्य । योना । क्षयतः । सम्ऽओकसा ।
द्यावापृथिवी इति । वरुणाय । सव्रते इति सऽव्रते । घृतऽवत् । पयः । महिषाय । पिन्वतः ॥
Padapatha Transcription Accented
pari-kṣítā ǀ pitárā ǀ pūrvajā́varī íti pūrva-jā́varī ǀ ṛtásya ǀ yónā ǀ kṣayataḥ ǀ sám-okasā ǀ
dyā́vāpṛthivī́ íti ǀ váruṇāya ǀ sávrate íti sá-vrate ǀ ghṛtá-vat ǀ páyaḥ ǀ mahiṣā́ya ǀ pinvataḥ ǁ
Padapatha Transcription Nonaccented
pari-kṣitā ǀ pitarā ǀ pūrvajāvarī iti pūrva-jāvarī ǀ ṛtasya ǀ yonā ǀ kṣayataḥ ǀ sam-okasā ǀ
dyāvāpṛthivī iti ǀ varuṇāya ǀ savrate iti sa-vrate ǀ ghṛta-vat ǀ payaḥ ǀ mahiṣāya ǀ pinvataḥ ǁ
10.065.09 (Mandala. Sukta. Rik)
8.2.10.04 (Ashtaka. Adhyaya. Varga. Rik)
10.05.081 (Mandala. Anuvāka. Rik)
Samhita Devanagari Accented
प॒र्जन्या॒वाता॑ वृष॒भा पु॑री॒षिणें॑द्रवा॒यू वरु॑णो मि॒त्रो अ॑र्य॒मा ।
दे॒वाँ आ॑दि॒त्याँ अदि॑तिं हवामहे॒ ये पार्थि॑वासो दि॒व्यासो॑ अ॒प्सु ये ॥
Samhita Devanagari Nonaccented
पर्जन्यावाता वृषभा पुरीषिणेंद्रवायू वरुणो मित्रो अर्यमा ।
देवाँ आदित्याँ अदितिं हवामहे ये पार्थिवासो दिव्यासो अप्सु ये ॥
Samhita Transcription Accented
parjányāvā́tā vṛṣabhā́ purīṣíṇendravāyū́ váruṇo mitró aryamā́ ǀ
devā́m̐ ādityā́m̐ áditim havāmahe yé pā́rthivāso divyā́so apsú yé ǁ
Samhita Transcription Nonaccented
parjanyāvātā vṛṣabhā purīṣiṇendravāyū varuṇo mitro aryamā ǀ
devām̐ ādityām̐ aditim havāmahe ye pārthivāso divyāso apsu ye ǁ
Padapatha Devanagari Accented
प॒र्जन्या॒वाता॑ । वृ॒ष॒भा । पु॒री॒षिणा॑ । इ॒न्द्र॒वा॒यू इति॑ । वरु॑णः । मि॒त्रः । अ॒र्य॒मा ।
दे॒वान् । आ॒दि॒त्यान् । अदि॑तिम् । ह॒वा॒म॒हे॒ । ये । पार्थि॑वासः । दि॒व्यासः॑ । अ॒प्ऽसु । ये ॥
Padapatha Devanagari Nonaccented
पर्जन्यावाता । वृषभा । पुरीषिणा । इन्द्रवायू इति । वरुणः । मित्रः । अर्यमा ।
देवान् । आदित्यान् । अदितिम् । हवामहे । ये । पार्थिवासः । दिव्यासः । अप्ऽसु । ये ॥
Padapatha Transcription Accented
parjányāvā́tā ǀ vṛṣabhā́ ǀ purīṣíṇā ǀ indravāyū́ íti ǀ váruṇaḥ ǀ mitráḥ ǀ aryamā́ ǀ
devā́n ǀ ādityā́n ǀ áditim ǀ havāmahe ǀ yé ǀ pā́rthivāsaḥ ǀ divyā́saḥ ǀ ap-sú ǀ yé ǁ
Padapatha Transcription Nonaccented
parjanyāvātā ǀ vṛṣabhā ǀ purīṣiṇā ǀ indravāyū iti ǀ varuṇaḥ ǀ mitraḥ ǀ aryamā ǀ
devān ǀ ādityān ǀ aditim ǀ havāmahe ǀ ye ǀ pārthivāsaḥ ǀ divyāsaḥ ǀ ap-su ǀ ye ǁ
10.065.10 (Mandala. Sukta. Rik)
8.2.10.05 (Ashtaka. Adhyaya. Varga. Rik)
10.05.082 (Mandala. Anuvāka. Rik)
Samhita Devanagari Accented
त्वष्टा॑रं वा॒युमृ॑भवो॒ य ओह॑ते॒ दैव्या॒ होता॑रा उ॒षसं॑ स्व॒स्तये॑ ।
बृह॒स्पतिं॑ वृत्रखा॒दं सु॑मे॒धस॑मिंद्रि॒यं सोमं॑ धन॒सा उ॑ ईमहे ॥
Samhita Devanagari Nonaccented
त्वष्टारं वायुमृभवो य ओहते दैव्या होतारा उषसं स्वस्तये ।
बृहस्पतिं वृत्रखादं सुमेधसमिंद्रियं सोमं धनसा उ ईमहे ॥
Samhita Transcription Accented
tváṣṭāram vāyúmṛbhavo yá óhate dáivyā hótārā uṣásam svastáye ǀ
bṛ́haspátim vṛtrakhādám sumedhásamindriyám sómam dhanasā́ u īmahe ǁ
Samhita Transcription Nonaccented
tvaṣṭāram vāyumṛbhavo ya ohate daivyā hotārā uṣasam svastaye ǀ
bṛhaspatim vṛtrakhādam sumedhasamindriyam somam dhanasā u īmahe ǁ
Padapatha Devanagari Accented
त्वष्टा॑रम् । वा॒युम् । ऋ॒भ॒वः॒ । यः । ओह॑ते । दैव्या॑ । होता॑रौ । उ॒षस॑म् । स्व॒स्तये॑ ।
बृह॒स्पति॑म् । वृ॒त्र॒ऽखा॒दम् । सु॒ऽमे॒धस॑म् । इ॒न्द्रि॒यम् । सोम॑म् । ध॒न॒ऽसाः । ऊं॒ इति॑ । ई॒म॒हे॒ ॥
Padapatha Devanagari Nonaccented
त्वष्टारम् । वायुम् । ऋभवः । यः । ओहते । दैव्या । होतारौ । उषसम् । स्वस्तये ।
बृहस्पतिम् । वृत्रऽखादम् । सुऽमेधसम् । इन्द्रियम् । सोमम् । धनऽसाः । ऊं इति । ईमहे ॥
Padapatha Transcription Accented
tváṣṭāram ǀ vāyúm ǀ ṛbhavaḥ ǀ yáḥ ǀ óhate ǀ dáivyā ǀ hótārau ǀ uṣásam ǀ svastáye ǀ
bṛ́haspátim ǀ vṛtra-khādám ǀ su-medhásam ǀ indriyám ǀ sómam ǀ dhana-sā́ḥ ǀ ūṃ íti ǀ īmahe ǁ
Padapatha Transcription Nonaccented
tvaṣṭāram ǀ vāyum ǀ ṛbhavaḥ ǀ yaḥ ǀ ohate ǀ daivyā ǀ hotārau ǀ uṣasam ǀ svastaye ǀ
bṛhaspatim ǀ vṛtra-khādam ǀ su-medhasam ǀ indriyam ǀ somam ǀ dhana-sāḥ ǀ ūṃ iti ǀ īmahe ǁ
10.065.11 (Mandala. Sukta. Rik)
8.2.11.01 (Ashtaka. Adhyaya. Varga. Rik)
10.05.083 (Mandala. Anuvāka. Rik)
Samhita Devanagari Accented
ब्रह्म॒ गामश्वं॑ ज॒नयं॑त॒ ओष॑धी॒र्वन॒स्पती॑न्पृथि॒वीं पर्व॑ताँ अ॒पः ।
सूर्यं॑ दि॒वि रो॒हयं॑तः सु॒दान॑व॒ आर्या॑ व्र॒ता वि॑सृ॒जंतो॒ अधि॒ क्षमि॑ ॥
Samhita Devanagari Nonaccented
ब्रह्म गामश्वं जनयंत ओषधीर्वनस्पतीन्पृथिवीं पर्वताँ अपः ।
सूर्यं दिवि रोहयंतः सुदानव आर्या व्रता विसृजंतो अधि क्षमि ॥
Samhita Transcription Accented
bráhma gā́máśvam janáyanta óṣadhīrvánaspátīnpṛthivī́m párvatām̐ apáḥ ǀ
sū́ryam diví roháyantaḥ sudā́nava ā́ryā vratā́ visṛjánto ádhi kṣámi ǁ
Samhita Transcription Nonaccented
brahma gāmaśvam janayanta oṣadhīrvanaspatīnpṛthivīm parvatām̐ apaḥ ǀ
sūryam divi rohayantaḥ sudānava āryā vratā visṛjanto adhi kṣami ǁ
Padapatha Devanagari Accented
ब्रह्म॑ । गाम् । अश्व॑म् । ज॒नय॑न्तः । ओष॑धीः । वन॒स्पती॑न् । पृ॒थि॒वीम् । पर्व॑तान् । अ॒पः ।
सूर्य॑म् । दि॒वि । रो॒हय॑न्तः । सु॒ऽदान॑वः । आर्या॑ । व्र॒ता । वि॒ऽसृ॒जन्तः॑ । अधि॑ । क्षमि॑ ॥
Padapatha Devanagari Nonaccented
ब्रह्म । गाम् । अश्वम् । जनयन्तः । ओषधीः । वनस्पतीन् । पृथिवीम् । पर्वतान् । अपः ।
सूर्यम् । दिवि । रोहयन्तः । सुऽदानवः । आर्या । व्रता । विऽसृजन्तः । अधि । क्षमि ॥
Padapatha Transcription Accented
bráhma ǀ gā́m ǀ áśvam ǀ janáyantaḥ ǀ óṣadhīḥ ǀ vánaspátīn ǀ pṛthivī́m ǀ párvatān ǀ apáḥ ǀ
sū́ryam ǀ diví ǀ roháyantaḥ ǀ su-dā́navaḥ ǀ ā́ryā ǀ vratā́ ǀ vi-sṛjántaḥ ǀ ádhi ǀ kṣámi ǁ
Padapatha Transcription Nonaccented
brahma ǀ gām ǀ aśvam ǀ janayantaḥ ǀ oṣadhīḥ ǀ vanaspatīn ǀ pṛthivīm ǀ parvatān ǀ apaḥ ǀ
sūryam ǀ divi ǀ rohayantaḥ ǀ su-dānavaḥ ǀ āryā ǀ vratā ǀ vi-sṛjantaḥ ǀ adhi ǀ kṣami ǁ
10.065.12 (Mandala. Sukta. Rik)
8.2.11.02 (Ashtaka. Adhyaya. Varga. Rik)
10.05.084 (Mandala. Anuvāka. Rik)
Samhita Devanagari Accented
भु॒ज्युमंह॑सः पिपृथो॒ निर॑श्विना॒ श्यावं॑ पु॒त्रं व॑ध्रिम॒त्या अ॑जिन्वतं ।
क॒म॒द्युवं॑ विम॒दायो॑हथुर्यु॒वं वि॑ष्णा॒प्वं१॒॑ विश्व॑का॒याव॑ सृजथः ॥
Samhita Devanagari Nonaccented
भुज्युमंहसः पिपृथो निरश्विना श्यावं पुत्रं वध्रिमत्या अजिन्वतं ।
कमद्युवं विमदायोहथुर्युवं विष्णाप्वं विश्वकायाव सृजथः ॥
Samhita Transcription Accented
bhujyúmáṃhasaḥ pipṛtho níraśvinā śyā́vam putrám vadhrimatyā́ ajinvatam ǀ
kamadyúvam vimadā́yohathuryuvám viṣṇāpvám víśvakāyā́va sṛjathaḥ ǁ
Samhita Transcription Nonaccented
bhujyumaṃhasaḥ pipṛtho niraśvinā śyāvam putram vadhrimatyā ajinvatam ǀ
kamadyuvam vimadāyohathuryuvam viṣṇāpvam viśvakāyāva sṛjathaḥ ǁ
Padapatha Devanagari Accented
भु॒ज्युम् । अंह॑सः । पि॒पृ॒थः॒ । निः । अ॒श्वि॒ना॒ । श्याव॑म् । पु॒त्रम् । व॒ध्रि॒ऽम॒त्याः । अ॒जि॒न्व॒त॒म् ।
क॒म॒ऽद्युव॑म् । वि॒ऽम॒दाय॑ । ऊ॒ह॒थुः॒ । यु॒वम् । वि॒ष्णा॒प्व॑म् । विश्व॑काय । अव॑ । सृ॒ज॒थः॒ ॥
Padapatha Devanagari Nonaccented
भुज्युम् । अंहसः । पिपृथः । निः । अश्विना । श्यावम् । पुत्रम् । वध्रिऽमत्याः । अजिन्वतम् ।
कमऽद्युवम् । विऽमदाय । ऊहथुः । युवम् । विष्णाप्वम् । विश्वकाय । अव । सृजथः ॥
Padapatha Transcription Accented
bhujyúm ǀ áṃhasaḥ ǀ pipṛthaḥ ǀ níḥ ǀ aśvinā ǀ śyā́vam ǀ putrám ǀ vadhri-matyā́ḥ ǀ ajinvatam ǀ
kama-dyúvam ǀ vi-madā́ya ǀ ūhathuḥ ǀ yuvám ǀ viṣṇāpvám ǀ víśvakāya ǀ áva ǀ sṛjathaḥ ǁ
Padapatha Transcription Nonaccented
bhujyum ǀ aṃhasaḥ ǀ pipṛthaḥ ǀ niḥ ǀ aśvinā ǀ śyāvam ǀ putram ǀ vadhri-matyāḥ ǀ ajinvatam ǀ
kama-dyuvam ǀ vi-madāya ǀ ūhathuḥ ǀ yuvam ǀ viṣṇāpvam ǀ viśvakāya ǀ ava ǀ sṛjathaḥ ǁ
10.065.13 (Mandala. Sukta. Rik)
8.2.11.03 (Ashtaka. Adhyaya. Varga. Rik)
10.05.085 (Mandala. Anuvāka. Rik)
Samhita Devanagari Accented
पावी॑रवी तन्य॒तुरेक॑पाद॒जो दि॒वो ध॒र्ता सिंधु॒रापः॑ समु॒द्रियः॑ ।
विश्वे॑ दे॒वासः॑ शृणव॒न्वचां॑सि मे॒ सर॑स्वती स॒ह धी॒भिः पुरं॑ध्या ॥
Samhita Devanagari Nonaccented
पावीरवी तन्यतुरेकपादजो दिवो धर्ता सिंधुरापः समुद्रियः ।
विश्वे देवासः शृणवन्वचांसि मे सरस्वती सह धीभिः पुरंध्या ॥
Samhita Transcription Accented
pā́vīravī tanyatúrékapādajó divó dhartā́ síndhurā́paḥ samudríyaḥ ǀ
víśve devā́saḥ śṛṇavanvácāṃsi me sárasvatī sahá dhībhíḥ púraṃdhyā ǁ
Samhita Transcription Nonaccented
pāvīravī tanyaturekapādajo divo dhartā sindhurāpaḥ samudriyaḥ ǀ
viśve devāsaḥ śṛṇavanvacāṃsi me sarasvatī saha dhībhiḥ puraṃdhyā ǁ
Padapatha Devanagari Accented
पावी॑रवी । त॒न्य॒तुः । एक॑ऽपात् । अ॒जः । दि॒वः । ध॒र्ता । सिन्धुः॑ । आपः॑ । स॒मु॒द्रियः॑ ।
विश्वे॑ । दे॒वासः॑ । शृ॒ण॒व॒न् । वचां॑सि । मे॒ । सर॑स्वती । स॒ह । धी॒भिः । पुर॑म्ऽध्या ॥
Padapatha Devanagari Nonaccented
पावीरवी । तन्यतुः । एकऽपात् । अजः । दिवः । धर्ता । सिन्धुः । आपः । समुद्रियः ।
विश्वे । देवासः । शृणवन् । वचांसि । मे । सरस्वती । सह । धीभिः । पुरम्ऽध्या ॥
Padapatha Transcription Accented
pā́vīravī ǀ tanyatúḥ ǀ éka-pāt ǀ ajáḥ ǀ diváḥ ǀ dhartā́ ǀ síndhuḥ ǀ ā́paḥ ǀ samudríyaḥ ǀ
víśve ǀ devā́saḥ ǀ śṛṇavan ǀ vácāṃsi ǀ me ǀ sárasvatī ǀ sahá ǀ dhībhíḥ ǀ púram-dhyā ǁ
Padapatha Transcription Nonaccented
pāvīravī ǀ tanyatuḥ ǀ eka-pāt ǀ ajaḥ ǀ divaḥ ǀ dhartā ǀ sindhuḥ ǀ āpaḥ ǀ samudriyaḥ ǀ
viśve ǀ devāsaḥ ǀ śṛṇavan ǀ vacāṃsi ǀ me ǀ sarasvatī ǀ saha ǀ dhībhiḥ ǀ puram-dhyā ǁ
10.065.14 (Mandala. Sukta. Rik)
8.2.11.04 (Ashtaka. Adhyaya. Varga. Rik)
10.05.086 (Mandala. Anuvāka. Rik)
Samhita Devanagari Accented
विश्वे॑ दे॒वाः स॒ह धी॒भिः पुरं॑ध्या॒ मनो॒र्यज॑त्रा अ॒मृता॑ ऋत॒ज्ञाः ।
रा॒ति॒षाचो॑ अभि॒षाचः॑ स्व॒र्विदः॒ स्व१॒॑र्गिरो॒ ब्रह्म॑ सू॒क्तं जु॑षेरत ॥
Samhita Devanagari Nonaccented
विश्वे देवाः सह धीभिः पुरंध्या मनोर्यजत्रा अमृता ऋतज्ञाः ।
रातिषाचो अभिषाचः स्वर्विदः स्वर्गिरो ब्रह्म सूक्तं जुषेरत ॥
Samhita Transcription Accented
víśve devā́ḥ sahá dhībhíḥ púraṃdhyā mánoryájatrā amṛ́tā ṛtajñā́ḥ ǀ
rātiṣā́co abhiṣā́caḥ svarvídaḥ svárgíro bráhma sūktám juṣerata ǁ
Samhita Transcription Nonaccented
viśve devāḥ saha dhībhiḥ puraṃdhyā manoryajatrā amṛtā ṛtajñāḥ ǀ
rātiṣāco abhiṣācaḥ svarvidaḥ svargiro brahma sūktam juṣerata ǁ
Padapatha Devanagari Accented
विश्वे॑ । दे॒वाः । स॒ह । धी॒भिः । पुर॑म्ऽध्या । मनोः॑ । यज॑त्राः । अ॒मृताः॑ । ऋ॒त॒ऽज्ञाः ।
रा॒ति॒ऽसाचः॑ । अ॒भि॒ऽसाचः॑ । स्वः॒ऽविदः॑ । स्वः॑ । गिरः॑ । ब्रह्म॑ । सु॒ऽउ॒क्तम् । जु॒षे॒र॒त॒ ॥
Padapatha Devanagari Nonaccented
विश्वे । देवाः । सह । धीभिः । पुरम्ऽध्या । मनोः । यजत्राः । अमृताः । ऋतऽज्ञाः ।
रातिऽसाचः । अभिऽसाचः । स्वःऽविदः । स्वः । गिरः । ब्रह्म । सुऽउक्तम् । जुषेरत ॥
Padapatha Transcription Accented
víśve ǀ devā́ḥ ǀ sahá ǀ dhībhíḥ ǀ púram-dhyā ǀ mánoḥ ǀ yájatrāḥ ǀ amṛ́tāḥ ǀ ṛta-jñā́ḥ ǀ
rāti-sā́caḥ ǀ abhi-sā́caḥ ǀ svaḥ-vídaḥ ǀ sváḥ ǀ gíraḥ ǀ bráhma ǀ su-uktám ǀ juṣerata ǁ
Padapatha Transcription Nonaccented
viśve ǀ devāḥ ǀ saha ǀ dhībhiḥ ǀ puram-dhyā ǀ manoḥ ǀ yajatrāḥ ǀ amṛtāḥ ǀ ṛta-jñāḥ ǀ
rāti-sācaḥ ǀ abhi-sācaḥ ǀ svaḥ-vidaḥ ǀ svaḥ ǀ giraḥ ǀ brahma ǀ su-uktam ǀ juṣerata ǁ
10.065.15 (Mandala. Sukta. Rik)
8.2.11.05 (Ashtaka. Adhyaya. Varga. Rik)
10.05.087 (Mandala. Anuvāka. Rik)
Samhita Devanagari Accented
दे॒वान्वसि॑ष्ठो अ॒मृता॑न्ववंदे॒ ये विश्वा॒ भुव॑ना॒भि प्र॑त॒स्थुः ।
ते नो॑ रासंतामुरुगा॒यम॒द्य यू॒यं पा॑त स्व॒स्तिभिः॒ सदा॑ नः ॥
Samhita Devanagari Nonaccented
देवान्वसिष्ठो अमृतान्ववंदे ये विश्वा भुवनाभि प्रतस्थुः ।
ते नो रासंतामुरुगायमद्य यूयं पात स्वस्तिभिः सदा नः ॥
Samhita Transcription Accented
devā́nvásiṣṭho amṛ́tānvavande yé víśvā bhúvanābhí pratasthúḥ ǀ
té no rāsantāmurugāyámadyá yūyám pāta svastíbhiḥ sádā naḥ ǁ
Samhita Transcription Nonaccented
devānvasiṣṭho amṛtānvavande ye viśvā bhuvanābhi pratasthuḥ ǀ
te no rāsantāmurugāyamadya yūyam pāta svastibhiḥ sadā naḥ ǁ
Padapatha Devanagari Accented
दे॒वान् । वसि॑ष्ठः । अ॒मृता॑न् । व॒व॒न्दे॒ । ये । विश्वा॑ । भुव॑ना । अ॒भि । प्र॒ऽत॒स्थुः ।
ते । नः॒ । रा॒स॒न्ता॒म् । उ॒रु॒ऽगा॒यम् । अ॒द्य । यू॒यम् । पा॒त॒ । स्व॒स्तिऽभिः॑ । सदा॑ । नः॒ ॥
Padapatha Devanagari Nonaccented
देवान् । वसिष्ठः । अमृतान् । ववन्दे । ये । विश्वा । भुवना । अभि । प्रऽतस्थुः ।
ते । नः । रासन्ताम् । उरुऽगायम् । अद्य । यूयम् । पात । स्वस्तिऽभिः । सदा । नः ॥
Padapatha Transcription Accented
devā́n ǀ vásiṣṭhaḥ ǀ amṛ́tān ǀ vavande ǀ yé ǀ víśvā ǀ bhúvanā ǀ abhí ǀ pra-tasthúḥ ǀ
té ǀ naḥ ǀ rāsantām ǀ uru-gāyám ǀ adyá ǀ yūyám ǀ pāta ǀ svastí-bhiḥ ǀ sádā ǀ naḥ ǁ
Padapatha Transcription Nonaccented
devān ǀ vasiṣṭhaḥ ǀ amṛtān ǀ vavande ǀ ye ǀ viśvā ǀ bhuvanā ǀ abhi ǀ pra-tasthuḥ ǀ
te ǀ naḥ ǀ rāsantām ǀ uru-gāyam ǀ adya ǀ yūyam ǀ pāta ǀ svasti-bhiḥ ǀ sadā ǀ naḥ ǁ