|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 66
|
1. Info |
| To: | viśvedevās | |
| From: | vasukarṇa vāsukra | |
| Metres: | 1st set of styles: jagatī (1, 3, 5-7); nicṛjjagatī (2, 10, 12, 13); virāḍjagatī (4, 8, 11); pādanicṛjjgatī (9); svarāḍārcījagatī (14); virāṭtrisṭup (15) 2nd set of styles: jagatī (1-14); triṣṭubh (15) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.066.01 (Mandala. Sukta. Rik)
8.2.12.01 (Ashtaka. Adhyaya. Varga. Rik)
10.05.088 (Mandala. Anuvāka. Rik)
Samhita Devanagari Accented
दे॒वान्हु॑वे बृ॒हच्छ्र॑वसः स्व॒स्तये॑ ज्योति॒ष्कृतो॑ अध्व॒रस्य॒ प्रचे॑तसः ।
ये वा॑वृ॒धुः प्र॑त॒रं वि॒श्ववे॑दस॒ इंद्र॑ज्येष्ठासो अ॒मृता॑ ऋता॒वृधः॑ ॥
Samhita Devanagari Nonaccented
देवान्हुवे बृहच्छ्रवसः स्वस्तये ज्योतिष्कृतो अध्वरस्य प्रचेतसः ।
ये वावृधुः प्रतरं विश्ववेदस इंद्रज्येष्ठासो अमृता ऋतावृधः ॥
Samhita Transcription Accented
devā́nhuve bṛhácchravasaḥ svastáye jyotiṣkṛ́to adhvarásya prácetasaḥ ǀ
yé vāvṛdhúḥ pratarám viśvávedasa índrajyeṣṭhāso amṛ́tā ṛtāvṛ́dhaḥ ǁ
Samhita Transcription Nonaccented
devānhuve bṛhacchravasaḥ svastaye jyotiṣkṛto adhvarasya pracetasaḥ ǀ
ye vāvṛdhuḥ prataram viśvavedasa indrajyeṣṭhāso amṛtā ṛtāvṛdhaḥ ǁ
Padapatha Devanagari Accented
दे॒वान् । हु॒वे॒ । बृ॒हत्ऽश्र॑वसः । स्व॒स्तये॑ । ज्यो॒तिः॒ऽकृतः॑ । अ॒ध्व॒रस्य॑ । प्रऽचे॑तसः ।
ये । व॒वृ॒धुः । प्र॒ऽत॒रम् । वि॒श्वऽवे॑दसः । इन्द्र॑ऽज्येष्ठासः । अ॒मृताः॑ । ऋ॒त॒ऽवृधः॑ ॥
Padapatha Devanagari Nonaccented
देवान् । हुवे । बृहत्ऽश्रवसः । स्वस्तये । ज्योतिःऽकृतः । अध्वरस्य । प्रऽचेतसः ।
ये । ववृधुः । प्रऽतरम् । विश्वऽवेदसः । इन्द्रऽज्येष्ठासः । अमृताः । ऋतऽवृधः ॥
Padapatha Transcription Accented
devā́n ǀ huve ǀ bṛhát-śravasaḥ ǀ svastáye ǀ jyotiḥ-kṛ́taḥ ǀ adhvarásya ǀ prá-cetasaḥ ǀ
yé ǀ vavṛdhúḥ ǀ pra-tarám ǀ viśvá-vedasaḥ ǀ índra-jyeṣṭhāsaḥ ǀ amṛ́tāḥ ǀ ṛta-vṛ́dhaḥ ǁ
Padapatha Transcription Nonaccented
devān ǀ huve ǀ bṛhat-śravasaḥ ǀ svastaye ǀ jyotiḥ-kṛtaḥ ǀ adhvarasya ǀ pra-cetasaḥ ǀ
ye ǀ vavṛdhuḥ ǀ pra-taram ǀ viśva-vedasaḥ ǀ indra-jyeṣṭhāsaḥ ǀ amṛtāḥ ǀ ṛta-vṛdhaḥ ǁ
10.066.02 (Mandala. Sukta. Rik)
8.2.12.02 (Ashtaka. Adhyaya. Varga. Rik)
10.05.089 (Mandala. Anuvāka. Rik)
Samhita Devanagari Accented
इंद्र॑प्रसूता॒ वरु॑णप्रशिष्टा॒ ये सूर्य॑स्य॒ ज्योति॑षो भा॒गमा॑न॒शुः ।
म॒रुद्ग॑णे वृ॒जने॒ मन्म॑ धीमहि॒ माघो॑ने य॒ज्ञं ज॑नयंत सू॒रयः॑ ॥
Samhita Devanagari Nonaccented
इंद्रप्रसूता वरुणप्रशिष्टा ये सूर्यस्य ज्योतिषो भागमानशुः ।
मरुद्गणे वृजने मन्म धीमहि माघोने यज्ञं जनयंत सूरयः ॥
Samhita Transcription Accented
índraprasūtā váruṇapraśiṣṭā yé sū́ryasya jyótiṣo bhāgámānaśúḥ ǀ
marúdgaṇe vṛjáne mánma dhīmahi mā́ghone yajñám janayanta sūráyaḥ ǁ
Samhita Transcription Nonaccented
indraprasūtā varuṇapraśiṣṭā ye sūryasya jyotiṣo bhāgamānaśuḥ ǀ
marudgaṇe vṛjane manma dhīmahi māghone yajñam janayanta sūrayaḥ ǁ
Padapatha Devanagari Accented
इन्द्र॑ऽप्रसूताः । वरु॑णऽप्रशिष्टाः । ये । सूर्य॑स्य । ज्योति॑षः । भा॒गम् । आ॒न॒शुः ।
म॒रुत्ऽग॑णे । वृ॒जने॑ । मन्म॑ । धी॒म॒हि॒ । माघो॑ने । य॒ज्ञम् । ज॒न॒य॒न्त॒ । सू॒रयः॑ ॥
Padapatha Devanagari Nonaccented
इन्द्रऽप्रसूताः । वरुणऽप्रशिष्टाः । ये । सूर्यस्य । ज्योतिषः । भागम् । आनशुः ।
मरुत्ऽगणे । वृजने । मन्म । धीमहि । माघोने । यज्ञम् । जनयन्त । सूरयः ॥
Padapatha Transcription Accented
índra-prasūtāḥ ǀ váruṇa-praśiṣṭāḥ ǀ yé ǀ sū́ryasya ǀ jyótiṣaḥ ǀ bhāgám ǀ ānaśúḥ ǀ
marút-gaṇe ǀ vṛjáne ǀ mánma ǀ dhīmahi ǀ mā́ghone ǀ yajñám ǀ janayanta ǀ sūráyaḥ ǁ
Padapatha Transcription Nonaccented
indra-prasūtāḥ ǀ varuṇa-praśiṣṭāḥ ǀ ye ǀ sūryasya ǀ jyotiṣaḥ ǀ bhāgam ǀ ānaśuḥ ǀ
marut-gaṇe ǀ vṛjane ǀ manma ǀ dhīmahi ǀ māghone ǀ yajñam ǀ janayanta ǀ sūrayaḥ ǁ
10.066.03 (Mandala. Sukta. Rik)
8.2.12.03 (Ashtaka. Adhyaya. Varga. Rik)
10.05.090 (Mandala. Anuvāka. Rik)
Samhita Devanagari Accented
इंद्रो॒ वसु॑भिः॒ परि॑ पातु नो॒ गय॑मादि॒त्यैर्नो॒ अदि॑तिः॒ शर्म॑ यच्छतु ।
रु॒द्रो रु॒द्रेभि॑र्दे॒वो मृ॑ळयाति न॒स्त्वष्टा॑ नो॒ ग्नाभिः॑ सुवि॒ताय॑ जिन्वतु ॥
Samhita Devanagari Nonaccented
इंद्रो वसुभिः परि पातु नो गयमादित्यैर्नो अदितिः शर्म यच्छतु ।
रुद्रो रुद्रेभिर्देवो मृळयाति नस्त्वष्टा नो ग्नाभिः सुविताय जिन्वतु ॥
Samhita Transcription Accented
índro vásubhiḥ pári pātu no gáyamādityáirno áditiḥ śárma yacchatu ǀ
rudró rudrébhirdevó mṛḷayāti nastváṣṭā no gnā́bhiḥ suvitā́ya jinvatu ǁ
Samhita Transcription Nonaccented
indro vasubhiḥ pari pātu no gayamādityairno aditiḥ śarma yacchatu ǀ
rudro rudrebhirdevo mṛḷayāti nastvaṣṭā no gnābhiḥ suvitāya jinvatu ǁ
Padapatha Devanagari Accented
इन्द्रः॑ । वसु॑ऽभिः । परि॑ । पा॒तु॒ । नः॒ । गय॑म् । आ॒दि॒त्यैः । नः॒ । अदि॑तिः । शर्म॑ । य॒च्छ॒तु॒ ।
रु॒द्रः । रु॒द्रेभिः॑ । दे॒वः । मृ॒ळ॒या॒ति॒ । नः॒ । त्वष्टा॑ । नः॒ । ग्नाभिः॑ । सु॒वि॒ताय॑ । जि॒न्व॒तु॒ ॥
Padapatha Devanagari Nonaccented
इन्द्रः । वसुऽभिः । परि । पातु । नः । गयम् । आदित्यैः । नः । अदितिः । शर्म । यच्छतु ।
रुद्रः । रुद्रेभिः । देवः । मृळयाति । नः । त्वष्टा । नः । ग्नाभिः । सुविताय । जिन्वतु ॥
Padapatha Transcription Accented
índraḥ ǀ vásu-bhiḥ ǀ pári ǀ pātu ǀ naḥ ǀ gáyam ǀ ādityáiḥ ǀ naḥ ǀ áditiḥ ǀ śárma ǀ yacchatu ǀ
rudráḥ ǀ rudrébhiḥ ǀ deváḥ ǀ mṛḷayāti ǀ naḥ ǀ tváṣṭā ǀ naḥ ǀ gnā́bhiḥ ǀ suvitā́ya ǀ jinvatu ǁ
Padapatha Transcription Nonaccented
indraḥ ǀ vasu-bhiḥ ǀ pari ǀ pātu ǀ naḥ ǀ gayam ǀ ādityaiḥ ǀ naḥ ǀ aditiḥ ǀ śarma ǀ yacchatu ǀ
rudraḥ ǀ rudrebhiḥ ǀ devaḥ ǀ mṛḷayāti ǀ naḥ ǀ tvaṣṭā ǀ naḥ ǀ gnābhiḥ ǀ suvitāya ǀ jinvatu ǁ
10.066.04 (Mandala. Sukta. Rik)
8.2.12.04 (Ashtaka. Adhyaya. Varga. Rik)
10.05.091 (Mandala. Anuvāka. Rik)
Samhita Devanagari Accented
अदि॑ति॒र्द्यावा॑पृथि॒वी ऋ॒तं म॒हदिंद्रा॒विष्णू॑ म॒रुतः॒ स्व॑र्बृ॒हत् ।
दे॒वाँ आ॑दि॒त्याँ अव॑से हवामहे॒ वसू॑न्रु॒द्रान्त्स॑वि॒तारं॑ सु॒दंस॑सं ॥
Samhita Devanagari Nonaccented
अदितिर्द्यावापृथिवी ऋतं महदिंद्राविष्णू मरुतः स्वर्बृहत् ।
देवाँ आदित्याँ अवसे हवामहे वसून्रुद्रान्त्सवितारं सुदंससं ॥
Samhita Transcription Accented
áditirdyā́vāpṛthivī́ ṛtám mahádíndrāvíṣṇū marútaḥ svárbṛhát ǀ
devā́m̐ ādityā́m̐ ávase havāmahe vásūnrudrā́ntsavitā́ram sudáṃsasam ǁ
Samhita Transcription Nonaccented
aditirdyāvāpṛthivī ṛtam mahadindrāviṣṇū marutaḥ svarbṛhat ǀ
devām̐ ādityām̐ avase havāmahe vasūnrudrāntsavitāram sudaṃsasam ǁ
Padapatha Devanagari Accented
अदि॑तिः । द्यावा॑पृथि॒वी इति॑ । ऋ॒तम् । म॒हत् । इन्द्रा॒विष्णू॒ इति॑ । म॒रुतः॑ । स्वः॑ । बृ॒हत् ।
दे॒वान् । आ॒दि॒त्यान् । अव॑से । ह॒वा॒म॒हे॒ । वसू॑न् । रु॒द्रान् । स॒वि॒तार॑म् । सु॒ऽदंस॑सम् ॥
Padapatha Devanagari Nonaccented
अदितिः । द्यावापृथिवी इति । ऋतम् । महत् । इन्द्राविष्णू इति । मरुतः । स्वः । बृहत् ।
देवान् । आदित्यान् । अवसे । हवामहे । वसून् । रुद्रान् । सवितारम् । सुऽदंससम् ॥
Padapatha Transcription Accented
áditiḥ ǀ dyā́vāpṛthivī́ íti ǀ ṛtám ǀ mahát ǀ índrāvíṣṇū íti ǀ marútaḥ ǀ sváḥ ǀ bṛhát ǀ
devā́n ǀ ādityā́n ǀ ávase ǀ havāmahe ǀ vásūn ǀ rudrā́n ǀ savitā́ram ǀ su-dáṃsasam ǁ
Padapatha Transcription Nonaccented
aditiḥ ǀ dyāvāpṛthivī iti ǀ ṛtam ǀ mahat ǀ indrāviṣṇū iti ǀ marutaḥ ǀ svaḥ ǀ bṛhat ǀ
devān ǀ ādityān ǀ avase ǀ havāmahe ǀ vasūn ǀ rudrān ǀ savitāram ǀ su-daṃsasam ǁ
10.066.05 (Mandala. Sukta. Rik)
8.2.12.05 (Ashtaka. Adhyaya. Varga. Rik)
10.05.092 (Mandala. Anuvāka. Rik)
Samhita Devanagari Accented
सर॑स्वांधी॒भिर्वरु॑णो धृ॒तव्र॑तः पू॒षा विष्णु॑र्महि॒मा वा॒युर॒श्विना॑ ।
ब्र॒ह्म॒कृतो॑ अ॒मृता॑ वि॒श्ववे॑दसः॒ शर्म॑ नो यंसंत्रि॒वरू॑थ॒मंह॑सः ॥
Samhita Devanagari Nonaccented
सरस्वांधीभिर्वरुणो धृतव्रतः पूषा विष्णुर्महिमा वायुरश्विना ।
ब्रह्मकृतो अमृता विश्ववेदसः शर्म नो यंसंत्रिवरूथमंहसः ॥
Samhita Transcription Accented
sárasvāndhībhírváruṇo dhṛtávrataḥ pūṣā́ víṣṇurmahimā́ vāyúraśvínā ǀ
brahmakṛ́to amṛ́tā viśvávedasaḥ śárma no yaṃsantrivárūthamáṃhasaḥ ǁ
Samhita Transcription Nonaccented
sarasvāndhībhirvaruṇo dhṛtavrataḥ pūṣā viṣṇurmahimā vāyuraśvinā ǀ
brahmakṛto amṛtā viśvavedasaḥ śarma no yaṃsantrivarūthamaṃhasaḥ ǁ
Padapatha Devanagari Accented
सर॑स्वान् । धी॒भिः । वरु॑णः । धृ॒तऽव्र॑तः । पू॒षा । विष्णुः॑ । म॒हि॒मा । वा॒युः । अ॒श्विना॑ ।
ब्र॒ह्म॒ऽकृतः॑ । अ॒मृताः॑ । वि॒श्वऽवे॑दसः । शर्म॑ । नः॒ । यं॒स॒न् । त्रि॒ऽवरू॑थम् । अंह॑सः ॥
Padapatha Devanagari Nonaccented
सरस्वान् । धीभिः । वरुणः । धृतऽव्रतः । पूषा । विष्णुः । महिमा । वायुः । अश्विना ।
ब्रह्मऽकृतः । अमृताः । विश्वऽवेदसः । शर्म । नः । यंसन् । त्रिऽवरूथम् । अंहसः ॥
Padapatha Transcription Accented
sárasvān ǀ dhībhíḥ ǀ váruṇaḥ ǀ dhṛtá-vrataḥ ǀ pūṣā́ ǀ víṣṇuḥ ǀ mahimā́ ǀ vāyúḥ ǀ aśvínā ǀ
brahma-kṛ́taḥ ǀ amṛ́tāḥ ǀ viśvá-vedasaḥ ǀ śárma ǀ naḥ ǀ yaṃsan ǀ tri-várūtham ǀ áṃhasaḥ ǁ
Padapatha Transcription Nonaccented
sarasvān ǀ dhībhiḥ ǀ varuṇaḥ ǀ dhṛta-vrataḥ ǀ pūṣā ǀ viṣṇuḥ ǀ mahimā ǀ vāyuḥ ǀ aśvinā ǀ
brahma-kṛtaḥ ǀ amṛtāḥ ǀ viśva-vedasaḥ ǀ śarma ǀ naḥ ǀ yaṃsan ǀ tri-varūtham ǀ aṃhasaḥ ǁ
10.066.06 (Mandala. Sukta. Rik)
8.2.13.01 (Ashtaka. Adhyaya. Varga. Rik)
10.05.093 (Mandala. Anuvāka. Rik)
Samhita Devanagari Accented
वृषा॑ य॒ज्ञो वृष॑णः संतु य॒ज्ञिया॒ वृष॑णो दे॒वा वृष॑णो हवि॒ष्कृतः॑ ।
वृष॑णा॒ द्यावा॑पृथि॒वी ऋ॒ताव॑री॒ वृषा॑ प॒र्जन्यो॒ वृष॑णो वृष॒स्तुभः॑ ॥
Samhita Devanagari Nonaccented
वृषा यज्ञो वृषणः संतु यज्ञिया वृषणो देवा वृषणो हविष्कृतः ।
वृषणा द्यावापृथिवी ऋतावरी वृषा पर्जन्यो वृषणो वृषस्तुभः ॥
Samhita Transcription Accented
vṛ́ṣā yajñó vṛ́ṣaṇaḥ santu yajñíyā vṛ́ṣaṇo devā́ vṛ́ṣaṇo haviṣkṛ́taḥ ǀ
vṛ́ṣaṇā dyā́vāpṛthivī́ ṛtā́varī vṛ́ṣā parjányo vṛ́ṣaṇo vṛṣastúbhaḥ ǁ
Samhita Transcription Nonaccented
vṛṣā yajño vṛṣaṇaḥ santu yajñiyā vṛṣaṇo devā vṛṣaṇo haviṣkṛtaḥ ǀ
vṛṣaṇā dyāvāpṛthivī ṛtāvarī vṛṣā parjanyo vṛṣaṇo vṛṣastubhaḥ ǁ
Padapatha Devanagari Accented
वृषा॑ । य॒ज्ञः । वृष॑णः । स॒न्तु॒ । य॒ज्ञियाः॑ । वृष॑णः । दे॒वाः । वृष॑णः । ह॒विः॒ऽकृतः॑ ।
वृष॑णा । द्यावा॑पृथि॒वी इति॑ । ऋ॒तव॑री॒ इत्यृ॒तऽव॑री । वृषा॑ । प॒र्जन्यः॑ । वृष॑णः । वृ॒ष॒ऽस्तुभः॑ ॥
Padapatha Devanagari Nonaccented
वृषा । यज्ञः । वृषणः । सन्तु । यज्ञियाः । वृषणः । देवाः । वृषणः । हविःऽकृतः ।
वृषणा । द्यावापृथिवी इति । ऋतवरी इत्यृतऽवरी । वृषा । पर्जन्यः । वृषणः । वृषऽस्तुभः ॥
Padapatha Transcription Accented
vṛ́ṣā ǀ yajñáḥ ǀ vṛ́ṣaṇaḥ ǀ santu ǀ yajñíyāḥ ǀ vṛ́ṣaṇaḥ ǀ devā́ḥ ǀ vṛ́ṣaṇaḥ ǀ haviḥ-kṛ́taḥ ǀ
vṛ́ṣaṇā ǀ dyā́vāpṛthivī́ íti ǀ ṛtávarī ítyṛtá-varī ǀ vṛ́ṣā ǀ parjányaḥ ǀ vṛ́ṣaṇaḥ ǀ vṛṣa-stúbhaḥ ǁ
Padapatha Transcription Nonaccented
vṛṣā ǀ yajñaḥ ǀ vṛṣaṇaḥ ǀ santu ǀ yajñiyāḥ ǀ vṛṣaṇaḥ ǀ devāḥ ǀ vṛṣaṇaḥ ǀ haviḥ-kṛtaḥ ǀ
vṛṣaṇā ǀ dyāvāpṛthivī iti ǀ ṛtavarī ityṛta-varī ǀ vṛṣā ǀ parjanyaḥ ǀ vṛṣaṇaḥ ǀ vṛṣa-stubhaḥ ǁ
10.066.07 (Mandala. Sukta. Rik)
8.2.13.02 (Ashtaka. Adhyaya. Varga. Rik)
10.05.094 (Mandala. Anuvāka. Rik)
Samhita Devanagari Accented
अ॒ग्नीषोमा॒ वृष॑णा॒ वाज॑सातये पुरुप्रश॒स्ता वृष॑णा॒ उप॑ ब्रुवे ।
यावी॑जि॒रे वृष॑णो देवय॒ज्यया॒ ता नः॒ शर्म॑ त्रि॒वरू॑थं॒ वि यं॑सतः ॥
Samhita Devanagari Nonaccented
अग्नीषोमा वृषणा वाजसातये पुरुप्रशस्ता वृषणा उप ब्रुवे ।
यावीजिरे वृषणो देवयज्यया ता नः शर्म त्रिवरूथं वि यंसतः ॥
Samhita Transcription Accented
agnī́ṣómā vṛ́ṣaṇā vā́jasātaye purupraśastā́ vṛ́ṣaṇā úpa bruve ǀ
yā́vījiré vṛ́ṣaṇo devayajyáyā tā́ naḥ śárma trivárūtham ví yaṃsataḥ ǁ
Samhita Transcription Nonaccented
agnīṣomā vṛṣaṇā vājasātaye purupraśastā vṛṣaṇā upa bruve ǀ
yāvījire vṛṣaṇo devayajyayā tā naḥ śarma trivarūtham vi yaṃsataḥ ǁ
Padapatha Devanagari Accented
अ॒ग्नीषोमा॑ । वृष॑णा । वाज॑ऽसातये । पु॒रु॒ऽप्र॒श॒स्ता । वृष॑णौ । उप॑ । ब्रु॒वे॒ ।
यौ । ई॒जि॒रे । वृष॑णः । दे॒व॒ऽय॒ज्यया॑ । ता । नः॒ । शर्म॑ । त्रि॒ऽवरू॑थम् । वि । यं॒स॒तः॒ ॥
Padapatha Devanagari Nonaccented
अग्नीषोमा । वृषणा । वाजऽसातये । पुरुऽप्रशस्ता । वृषणौ । उप । ब्रुवे ।
यौ । ईजिरे । वृषणः । देवऽयज्यया । ता । नः । शर्म । त्रिऽवरूथम् । वि । यंसतः ॥
Padapatha Transcription Accented
agnī́ṣómā ǀ vṛ́ṣaṇā ǀ vā́ja-sātaye ǀ puru-praśastā́ ǀ vṛ́ṣaṇau ǀ úpa ǀ bruve ǀ
yáu ǀ ījiré ǀ vṛ́ṣaṇaḥ ǀ deva-yajyáyā ǀ tā́ ǀ naḥ ǀ śárma ǀ tri-várūtham ǀ ví ǀ yaṃsataḥ ǁ
Padapatha Transcription Nonaccented
agnīṣomā ǀ vṛṣaṇā ǀ vāja-sātaye ǀ puru-praśastā ǀ vṛṣaṇau ǀ upa ǀ bruve ǀ
yau ǀ ījire ǀ vṛṣaṇaḥ ǀ deva-yajyayā ǀ tā ǀ naḥ ǀ śarma ǀ tri-varūtham ǀ vi ǀ yaṃsataḥ ǁ
10.066.08 (Mandala. Sukta. Rik)
8.2.13.03 (Ashtaka. Adhyaya. Varga. Rik)
10.05.095 (Mandala. Anuvāka. Rik)
Samhita Devanagari Accented
धृ॒तव्र॑ताः क्ष॒त्रिया॑ यज्ञनि॒ष्कृतो॑ बृहद्दि॒वा अ॑ध्व॒राणा॑मभि॒श्रियः॑ ।
अ॒ग्निहो॑तार ऋत॒सापो॑ अ॒द्रुहो॒ऽपो अ॑सृज॒न्ननु॑ वृत्र॒तूर्ये॑ ॥
Samhita Devanagari Nonaccented
धृतव्रताः क्षत्रिया यज्ञनिष्कृतो बृहद्दिवा अध्वराणामभिश्रियः ।
अग्निहोतार ऋतसापो अद्रुहोऽपो असृजन्ननु वृत्रतूर्ये ॥
Samhita Transcription Accented
dhṛtávratāḥ kṣatríyā yajñaniṣkṛ́to bṛhaddivā́ adhvarā́ṇāmabhiśríyaḥ ǀ
agníhotāra ṛtasā́po adrúho’pó asṛjannánu vṛtratū́rye ǁ
Samhita Transcription Nonaccented
dhṛtavratāḥ kṣatriyā yajñaniṣkṛto bṛhaddivā adhvarāṇāmabhiśriyaḥ ǀ
agnihotāra ṛtasāpo adruho’po asṛjannanu vṛtratūrye ǁ
Padapatha Devanagari Accented
धृ॒तऽव्र॑ताः । क्ष॒त्रियाः॑ । य॒ज्ञ॒निः॒ऽकृतः॑ । बृ॒ह॒त्ऽदि॒वाः । अ॒ध्व॒राणा॑म् । अ॒भि॒ऽश्रियः॑ ।
अ॒ग्निऽहो॑तारः । ऋ॒त॒ऽसापः॑ । अ॒द्रुहः॑ । अ॒पः । अ॒सृज॒न् । अनु॑ । वृ॒त्र॒ऽतूर्ये॑ ॥
Padapatha Devanagari Nonaccented
धृतऽव्रताः । क्षत्रियाः । यज्ञनिःऽकृतः । बृहत्ऽदिवाः । अध्वराणाम् । अभिऽश्रियः ।
अग्निऽहोतारः । ऋतऽसापः । अद्रुहः । अपः । असृजन् । अनु । वृत्रऽतूर्ये ॥
Padapatha Transcription Accented
dhṛtá-vratāḥ ǀ kṣatríyāḥ ǀ yajñaniḥ-kṛ́taḥ ǀ bṛhat-divā́ḥ ǀ adhvarā́ṇām ǀ abhi-śríyaḥ ǀ
agní-hotāraḥ ǀ ṛta-sā́paḥ ǀ adrúhaḥ ǀ apáḥ ǀ asṛ́jan ǀ ánu ǀ vṛtra-tū́rye ǁ
Padapatha Transcription Nonaccented
dhṛta-vratāḥ ǀ kṣatriyāḥ ǀ yajñaniḥ-kṛtaḥ ǀ bṛhat-divāḥ ǀ adhvarāṇām ǀ abhi-śriyaḥ ǀ
agni-hotāraḥ ǀ ṛta-sāpaḥ ǀ adruhaḥ ǀ apaḥ ǀ asṛjan ǀ anu ǀ vṛtra-tūrye ǁ
10.066.09 (Mandala. Sukta. Rik)
8.2.13.04 (Ashtaka. Adhyaya. Varga. Rik)
10.05.096 (Mandala. Anuvāka. Rik)
Samhita Devanagari Accented
द्यावा॑पृथि॒वी ज॑नयन्न॒भि व्र॒ताप॒ ओष॑धीर्व॒निना॑नि य॒ज्ञिया॑ ।
अं॒तरि॑क्षं॒ स्व१॒॑रा प॑प्रुरू॒तये॒ वशं॑ दे॒वास॑स्त॒न्वी॒३॒॑ नि मा॑मृजुः ॥
Samhita Devanagari Nonaccented
द्यावापृथिवी जनयन्नभि व्रताप ओषधीर्वनिनानि यज्ञिया ।
अंतरिक्षं स्वरा पप्रुरूतये वशं देवासस्तन्वी नि मामृजुः ॥
Samhita Transcription Accented
dyā́vāpṛthivī́ janayannabhí vratā́pa óṣadhīrvanínāni yajñíyā ǀ
antárikṣam svárā́ paprurūtáye váśam devā́sastanvī́ ní māmṛjuḥ ǁ
Samhita Transcription Nonaccented
dyāvāpṛthivī janayannabhi vratāpa oṣadhīrvanināni yajñiyā ǀ
antarikṣam svarā paprurūtaye vaśam devāsastanvī ni māmṛjuḥ ǁ
Padapatha Devanagari Accented
द्यावा॑पृथि॒वी इति॑ । ज॒न॒य॒न् । अ॒भि । व्र॒ता । आपः॑ । ओष॑धीः । व॒निना॑नि । य॒ज्ञिया॑ ।
अ॒न्तरि॑क्षम् । स्वः॑ । आ । प॒प्रुः॒ । ऊ॒तये॑ । वश॑म् । दे॒वासः॑ । त॒न्वि॑ । नि । म॒मृ॒जुः॒ ॥
Padapatha Devanagari Nonaccented
द्यावापृथिवी इति । जनयन् । अभि । व्रता । आपः । ओषधीः । वनिनानि । यज्ञिया ।
अन्तरिक्षम् । स्वः । आ । पप्रुः । ऊतये । वशम् । देवासः । तन्वि । नि । ममृजुः ॥
Padapatha Transcription Accented
dyā́vāpṛthivī́ íti ǀ janayan ǀ abhí ǀ vratā́ ǀ ā́paḥ ǀ óṣadhīḥ ǀ vanínāni ǀ yajñíyā ǀ
antárikṣam ǀ sváḥ ǀ ā́ ǀ papruḥ ǀ ūtáye ǀ váśam ǀ devā́saḥ ǀ tanví ǀ ní ǀ mamṛjuḥ ǁ
Padapatha Transcription Nonaccented
dyāvāpṛthivī iti ǀ janayan ǀ abhi ǀ vratā ǀ āpaḥ ǀ oṣadhīḥ ǀ vanināni ǀ yajñiyā ǀ
antarikṣam ǀ svaḥ ǀ ā ǀ papruḥ ǀ ūtaye ǀ vaśam ǀ devāsaḥ ǀ tanvi ǀ ni ǀ mamṛjuḥ ǁ
10.066.10 (Mandala. Sukta. Rik)
8.2.13.05 (Ashtaka. Adhyaya. Varga. Rik)
10.05.097 (Mandala. Anuvāka. Rik)
Samhita Devanagari Accented
ध॒र्तारो॑ दि॒व ऋ॒भवः॑ सु॒हस्ता॑ वातापर्ज॒न्या म॑हि॒षस्य॑ तन्य॒तोः ।
आप॒ ओष॑धीः॒ प्र ति॑रंतु नो॒ गिरो॒ भगो॑ रा॒तिर्वा॒जिनो॑ यंतु मे॒ हवं॑ ॥
Samhita Devanagari Nonaccented
धर्तारो दिव ऋभवः सुहस्ता वातापर्जन्या महिषस्य तन्यतोः ।
आप ओषधीः प्र तिरंतु नो गिरो भगो रातिर्वाजिनो यंतु मे हवं ॥
Samhita Transcription Accented
dhartā́ro divá ṛbhávaḥ suhástā vātāparjanyā́ mahiṣásya tanyatóḥ ǀ
ā́pa óṣadhīḥ prá tirantu no gíro bhágo rātírvājíno yantu me hávam ǁ
Samhita Transcription Nonaccented
dhartāro diva ṛbhavaḥ suhastā vātāparjanyā mahiṣasya tanyatoḥ ǀ
āpa oṣadhīḥ pra tirantu no giro bhago rātirvājino yantu me havam ǁ
Padapatha Devanagari Accented
ध॒र्तारः॑ । दि॒वः । ऋ॒भवः॑ । सु॒ऽहस्ताः॑ । वा॒ता॒प॒र्ज॒न्या । म॒हि॒षस्य॑ । त॒न्य॒तोः ।
आपः॑ । ओष॑धीः । प्र । ति॒र॒न्तु॒ । नः॒ । गिरः॑ । भगः॑ । रा॒तिः । वा॒जिनः॑ । य॒न्तु॒ । मे॒ । हव॑म् ॥
Padapatha Devanagari Nonaccented
धर्तारः । दिवः । ऋभवः । सुऽहस्ताः । वातापर्जन्या । महिषस्य । तन्यतोः ।
आपः । ओषधीः । प्र । तिरन्तु । नः । गिरः । भगः । रातिः । वाजिनः । यन्तु । मे । हवम् ॥
Padapatha Transcription Accented
dhartā́raḥ ǀ diváḥ ǀ ṛbhávaḥ ǀ su-hástāḥ ǀ vātāparjanyā́ ǀ mahiṣásya ǀ tanyatóḥ ǀ
ā́paḥ ǀ óṣadhīḥ ǀ prá ǀ tirantu ǀ naḥ ǀ gíraḥ ǀ bhágaḥ ǀ rātíḥ ǀ vājínaḥ ǀ yantu ǀ me ǀ hávam ǁ
Padapatha Transcription Nonaccented
dhartāraḥ ǀ divaḥ ǀ ṛbhavaḥ ǀ su-hastāḥ ǀ vātāparjanyā ǀ mahiṣasya ǀ tanyatoḥ ǀ
āpaḥ ǀ oṣadhīḥ ǀ pra ǀ tirantu ǀ naḥ ǀ giraḥ ǀ bhagaḥ ǀ rātiḥ ǀ vājinaḥ ǀ yantu ǀ me ǀ havam ǁ
10.066.11 (Mandala. Sukta. Rik)
8.2.14.01 (Ashtaka. Adhyaya. Varga. Rik)
10.05.098 (Mandala. Anuvāka. Rik)
Samhita Devanagari Accented
स॒मु॒द्रः सिंधू॒ रजो॑ अं॒तरि॑क्षम॒ज एक॑पात्तनयि॒त्नुर॑र्ण॒वः ।
अहि॑र्बु॒ध्न्यः॑ शृणव॒द्वचां॑सि मे॒ विश्वे॑ दे॒वास॑ उ॒त सू॒रयो॒ मम॑ ॥
Samhita Devanagari Nonaccented
समुद्रः सिंधू रजो अंतरिक्षमज एकपात्तनयित्नुरर्णवः ।
अहिर्बुध्न्यः शृणवद्वचांसि मे विश्वे देवास उत सूरयो मम ॥
Samhita Transcription Accented
samudráḥ síndhū rájo antárikṣamajá ékapāttanayitnúrarṇaváḥ ǀ
áhirbudhnyáḥ śṛṇavadvácāṃsi me víśve devā́sa utá sūráyo máma ǁ
Samhita Transcription Nonaccented
samudraḥ sindhū rajo antarikṣamaja ekapāttanayitnurarṇavaḥ ǀ
ahirbudhnyaḥ śṛṇavadvacāṃsi me viśve devāsa uta sūrayo mama ǁ
Padapatha Devanagari Accented
स॒मु॒द्रः । सिन्धुः॑ । रजः॑ । अ॒न्तरि॑क्षम् । अ॒जः । एक॑ऽपात् । त॒न॒यि॒त्नुः । अ॒र्ण॒वः ।
अहिः॑ । बु॒ध्न्यः॑ । शृ॒ण॒व॒त् । वचां॑सि । मे॒ । विश्वे॑ । दे॒वासः॑ । उ॒त । सू॒रयः॑ । मम॑ ॥
Padapatha Devanagari Nonaccented
समुद्रः । सिन्धुः । रजः । अन्तरिक्षम् । अजः । एकऽपात् । तनयित्नुः । अर्णवः ।
अहिः । बुध्न्यः । शृणवत् । वचांसि । मे । विश्वे । देवासः । उत । सूरयः । मम ॥
Padapatha Transcription Accented
samudráḥ ǀ síndhuḥ ǀ rájaḥ ǀ antárikṣam ǀ ajáḥ ǀ éka-pāt ǀ tanayitnúḥ ǀ arṇaváḥ ǀ
áhiḥ ǀ budhnyáḥ ǀ śṛṇavat ǀ vácāṃsi ǀ me ǀ víśve ǀ devā́saḥ ǀ utá ǀ sūráyaḥ ǀ máma ǁ
Padapatha Transcription Nonaccented
samudraḥ ǀ sindhuḥ ǀ rajaḥ ǀ antarikṣam ǀ ajaḥ ǀ eka-pāt ǀ tanayitnuḥ ǀ arṇavaḥ ǀ
ahiḥ ǀ budhnyaḥ ǀ śṛṇavat ǀ vacāṃsi ǀ me ǀ viśve ǀ devāsaḥ ǀ uta ǀ sūrayaḥ ǀ mama ǁ
10.066.12 (Mandala. Sukta. Rik)
8.2.14.02 (Ashtaka. Adhyaya. Varga. Rik)
10.05.099 (Mandala. Anuvāka. Rik)
Samhita Devanagari Accented
स्याम॑ वो॒ मन॑वो दे॒ववी॑तये॒ प्रांचं॑ नो य॒ज्ञं प्र ण॑यत साधु॒या ।
आदि॑त्या॒ रुद्रा॒ वस॑वः॒ सुदा॑नव इ॒मा ब्रह्म॑ श॒स्यमा॑नानि जिन्वत ॥
Samhita Devanagari Nonaccented
स्याम वो मनवो देववीतये प्रांचं नो यज्ञं प्र णयत साधुया ।
आदित्या रुद्रा वसवः सुदानव इमा ब्रह्म शस्यमानानि जिन्वत ॥
Samhita Transcription Accented
syā́ma vo mánavo devávītaye prā́ñcam no yajñám prá ṇayata sādhuyā́ ǀ
ā́dityā rúdrā vásavaḥ súdānava imā́ bráhma śasyámānāni jinvata ǁ
Samhita Transcription Nonaccented
syāma vo manavo devavītaye prāñcam no yajñam pra ṇayata sādhuyā ǀ
ādityā rudrā vasavaḥ sudānava imā brahma śasyamānāni jinvata ǁ
Padapatha Devanagari Accented
स्याम॑ । वः॒ । मन॑वः । दे॒वऽवी॑तये । प्राञ्च॑म् । नः॒ । य॒ज्ञम् । प्र । न॒य॒त॒ । सा॒धु॒ऽया ।
आदि॑त्याः । रुद्राः॑ । वस॑वः । सुऽदा॑नवः । इ॒मा । ब्रह्म॑ । श॒स्यमा॑नानि । जि॒न्व॒त॒ ॥
Padapatha Devanagari Nonaccented
स्याम । वः । मनवः । देवऽवीतये । प्राञ्चम् । नः । यज्ञम् । प्र । नयत । साधुऽया ।
आदित्याः । रुद्राः । वसवः । सुऽदानवः । इमा । ब्रह्म । शस्यमानानि । जिन्वत ॥
Padapatha Transcription Accented
syā́ma ǀ vaḥ ǀ mánavaḥ ǀ devá-vītaye ǀ prā́ñcam ǀ naḥ ǀ yajñám ǀ prá ǀ nayata ǀ sādhu-yā́ ǀ
ā́dityāḥ ǀ rúdrāḥ ǀ vásavaḥ ǀ sú-dānavaḥ ǀ imā́ ǀ bráhma ǀ śasyámānāni ǀ jinvata ǁ
Padapatha Transcription Nonaccented
syāma ǀ vaḥ ǀ manavaḥ ǀ deva-vītaye ǀ prāñcam ǀ naḥ ǀ yajñam ǀ pra ǀ nayata ǀ sādhu-yā ǀ
ādityāḥ ǀ rudrāḥ ǀ vasavaḥ ǀ su-dānavaḥ ǀ imā ǀ brahma ǀ śasyamānāni ǀ jinvata ǁ
10.066.13 (Mandala. Sukta. Rik)
8.2.14.03 (Ashtaka. Adhyaya. Varga. Rik)
10.05.100 (Mandala. Anuvāka. Rik)
Samhita Devanagari Accented
दैव्या॒ होता॑रा प्रथ॒मा पु॒रोहि॑त ऋ॒तस्य॒ पंथा॒मन्वे॑मि साधु॒या ।
क्षेत्र॑स्य॒ पतिं॒ प्रति॑वेशमीमहे॒ विश्वां॑दे॒वाँ अ॒मृताँ॒ अप्र॑युच्छतः ॥
Samhita Devanagari Nonaccented
दैव्या होतारा प्रथमा पुरोहित ऋतस्य पंथामन्वेमि साधुया ।
क्षेत्रस्य पतिं प्रतिवेशमीमहे विश्वांदेवाँ अमृताँ अप्रयुच्छतः ॥
Samhita Transcription Accented
dáivyā hótārā prathamā́ puróhita ṛtásya pánthāmánvemi sādhuyā́ ǀ
kṣétrasya pátim prátiveśamīmahe víśvāndevā́m̐ amṛ́tām̐ áprayucchataḥ ǁ
Samhita Transcription Nonaccented
daivyā hotārā prathamā purohita ṛtasya panthāmanvemi sādhuyā ǀ
kṣetrasya patim prativeśamīmahe viśvāndevām̐ amṛtām̐ aprayucchataḥ ǁ
Padapatha Devanagari Accented
दैव्या॑ । होता॑रा । प्र॒थ॒मा । पु॒रःऽहि॑ता । ऋ॒तस्य॑ । पन्था॑म् । अनु॑ । ए॒मि॒ । सा॒धु॒ऽया ।
क्षेत्र॑स्य । पति॑म् । प्रति॑ऽवेशम् । ई॒म॒हे॒ । विश्वा॑न् । दे॒वान् । अ॒मृता॑न् । अप्र॑ऽयुच्छतः ॥
Padapatha Devanagari Nonaccented
दैव्या । होतारा । प्रथमा । पुरःऽहिता । ऋतस्य । पन्थाम् । अनु । एमि । साधुऽया ।
क्षेत्रस्य । पतिम् । प्रतिऽवेशम् । ईमहे । विश्वान् । देवान् । अमृतान् । अप्रऽयुच्छतः ॥
Padapatha Transcription Accented
dáivyā ǀ hótārā ǀ prathamā́ ǀ puráḥ-hitā ǀ ṛtásya ǀ pánthām ǀ ánu ǀ emi ǀ sādhu-yā́ ǀ
kṣétrasya ǀ pátim ǀ práti-veśam ǀ īmahe ǀ víśvān ǀ devā́n ǀ amṛ́tān ǀ ápra-yucchataḥ ǁ
Padapatha Transcription Nonaccented
daivyā ǀ hotārā ǀ prathamā ǀ puraḥ-hitā ǀ ṛtasya ǀ panthām ǀ anu ǀ emi ǀ sādhu-yā ǀ
kṣetrasya ǀ patim ǀ prati-veśam ǀ īmahe ǀ viśvān ǀ devān ǀ amṛtān ǀ apra-yucchataḥ ǁ
10.066.14 (Mandala. Sukta. Rik)
8.2.14.04 (Ashtaka. Adhyaya. Varga. Rik)
10.05.101 (Mandala. Anuvāka. Rik)
Samhita Devanagari Accented
वसि॑ष्ठासः पितृ॒वद्वाच॑मक्रत दे॒वाँ ईळा॑ना ऋषि॒वत्स्व॒स्तये॑ ।
प्री॒ता इ॑व ज्ञा॒तयः॒ काम॒मेत्या॒स्मे दे॑वा॒सोऽव॑ धूनुता॒ वसु॑ ॥
Samhita Devanagari Nonaccented
वसिष्ठासः पितृवद्वाचमक्रत देवाँ ईळाना ऋषिवत्स्वस्तये ।
प्रीता इव ज्ञातयः काममेत्यास्मे देवासोऽव धूनुता वसु ॥
Samhita Transcription Accented
vásiṣṭhāsaḥ pitṛvádvā́camakrata devā́m̐ ī́ḷānā ṛṣivátsvastáye ǀ
prītā́ iva jñātáyaḥ kā́mamétyāsmé devāsó’va dhūnutā vásu ǁ
Samhita Transcription Nonaccented
vasiṣṭhāsaḥ pitṛvadvācamakrata devām̐ īḷānā ṛṣivatsvastaye ǀ
prītā iva jñātayaḥ kāmametyāsme devāso’va dhūnutā vasu ǁ
Padapatha Devanagari Accented
वसि॑ष्ठासः । पि॒तृ॒ऽवत् । वाच॑म् । अ॒क्र॒त॒ । दे॒वान् । ईळा॑नाः । ऋ॒षि॒ऽवत् । स्व॒स्तये॑ ।
प्री॒ताःऽइ॑व । ज्ञा॒तयः॑ । काम॑म् । आ॒ऽइत्य॑ । अ॒स्मे इति॑ । दे॒वा॒सः॒ । अव॑ । धू॒नु॒त॒ । वसु॑ ॥
Padapatha Devanagari Nonaccented
वसिष्ठासः । पितृऽवत् । वाचम् । अक्रत । देवान् । ईळानाः । ऋषिऽवत् । स्वस्तये ।
प्रीताःऽइव । ज्ञातयः । कामम् । आऽइत्य । अस्मे इति । देवासः । अव । धूनुत । वसु ॥
Padapatha Transcription Accented
vásiṣṭhāsaḥ ǀ pitṛ-vát ǀ vā́cam ǀ akrata ǀ devā́n ǀ ī́ḷānāḥ ǀ ṛṣi-vát ǀ svastáye ǀ
prītā́ḥ-iva ǀ jñātáyaḥ ǀ kā́mam ǀ ā-ítya ǀ asmé íti ǀ devāsaḥ ǀ áva ǀ dhūnuta ǀ vásu ǁ
Padapatha Transcription Nonaccented
vasiṣṭhāsaḥ ǀ pitṛ-vat ǀ vācam ǀ akrata ǀ devān ǀ īḷānāḥ ǀ ṛṣi-vat ǀ svastaye ǀ
prītāḥ-iva ǀ jñātayaḥ ǀ kāmam ǀ ā-itya ǀ asme iti ǀ devāsaḥ ǀ ava ǀ dhūnuta ǀ vasu ǁ
10.066.15 (Mandala. Sukta. Rik)
8.2.14.05 (Ashtaka. Adhyaya. Varga. Rik)
10.05.102 (Mandala. Anuvāka. Rik)
Samhita Devanagari Accented
दे॒वान्वसि॑ष्ठो अ॒मृता॑न्ववंदे॒ ये विश्वा॒ भुव॑ना॒भि प्र॑त॒स्थुः ।
ते नो॑ रासंतामुरुगा॒यम॒द्य यू॒यं पा॑त स्व॒स्तिभिः॒ सदा॑ नः ॥
Samhita Devanagari Nonaccented
देवान्वसिष्ठो अमृतान्ववंदे ये विश्वा भुवनाभि प्रतस्थुः ।
ते नो रासंतामुरुगायमद्य यूयं पात स्वस्तिभिः सदा नः ॥
Samhita Transcription Accented
devā́nvásiṣṭho amṛ́tānvavande yé víśvā bhúvanābhí pratasthúḥ ǀ
té no rāsantāmurugāyámadyá yūyám pāta svastíbhiḥ sádā naḥ ǁ
Samhita Transcription Nonaccented
devānvasiṣṭho amṛtānvavande ye viśvā bhuvanābhi pratasthuḥ ǀ
te no rāsantāmurugāyamadya yūyam pāta svastibhiḥ sadā naḥ ǁ
Padapatha Devanagari Accented
दे॒वान् । वसि॑ष्ठः । अ॒मृता॑न् । व॒व॒न्दे॒ । ये । विश्वा॑ । भुव॑ना । अ॒भि । प्र॒ऽत॒स्थुः ।
ते । नः॒ । रा॒स॒न्ता॒म् । उ॒रु॒ऽगा॒यम् । अ॒द्य । यू॒यम् । पा॒त॒ । स्व॒स्तिऽभिः॑ । सदा॑ । नः॒ ॥
Padapatha Devanagari Nonaccented
देवान् । वसिष्ठः । अमृतान् । ववन्दे । ये । विश्वा । भुवना । अभि । प्रऽतस्थुः ।
ते । नः । रासन्ताम् । उरुऽगायम् । अद्य । यूयम् । पात । स्वस्तिऽभिः । सदा । नः ॥
Padapatha Transcription Accented
devā́n ǀ vásiṣṭhaḥ ǀ amṛ́tān ǀ vavande ǀ yé ǀ víśvā ǀ bhúvanā ǀ abhí ǀ pra-tasthúḥ ǀ
té ǀ naḥ ǀ rāsantām ǀ uru-gāyám ǀ adyá ǀ yūyám ǀ pāta ǀ svastí-bhiḥ ǀ sádā ǀ naḥ ǁ
Padapatha Transcription Nonaccented
devān ǀ vasiṣṭhaḥ ǀ amṛtān ǀ vavande ǀ ye ǀ viśvā ǀ bhuvanā ǀ abhi ǀ pra-tasthuḥ ǀ
te ǀ naḥ ǀ rāsantām ǀ uru-gāyam ǀ adya ǀ yūyam ǀ pāta ǀ svasti-bhiḥ ǀ sadā ǀ naḥ ǁ