|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 68
|
1. Info |
| To: | bṛhaspati | |
| From: | ayāsya āṅgirasa | |
| Metres: | 1st set of styles: 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.068.01 (Mandala. Sukta. Rik)
8.2.17.01 (Ashtaka. Adhyaya. Varga. Rik)
10.05.115 (Mandala. Anuvāka. Rik)
Samhita Devanagari Accented
उ॒द॒प्रुतो॒ न वयो॒ रक्ष॑माणा॒ वाव॑दतो अ॒भ्रिय॑स्येव॒ घोषाः॑ ।
गि॒रि॒भ्रजो॒ नोर्मयो॒ मदं॑तो॒ बृह॒स्पति॑म॒भ्य१॒॑र्का अ॑नावन् ॥
Samhita Devanagari Nonaccented
उदप्रुतो न वयो रक्षमाणा वावदतो अभ्रियस्येव घोषाः ।
गिरिभ्रजो नोर्मयो मदंतो बृहस्पतिमभ्यर्का अनावन् ॥
Samhita Transcription Accented
udaprúto ná váyo rákṣamāṇā vā́vadato abhríyasyeva ghóṣāḥ ǀ
giribhrájo nórmáyo mádanto bṛ́haspátimabhyárkā́ anāvan ǁ
Samhita Transcription Nonaccented
udapruto na vayo rakṣamāṇā vāvadato abhriyasyeva ghoṣāḥ ǀ
giribhrajo normayo madanto bṛhaspatimabhyarkā anāvan ǁ
Padapatha Devanagari Accented
उ॒द॒ऽप्रुतः॑ । न । वयः॑ । रक्ष॑माणाः । वाव॑दतः । अ॒भ्रिय॑स्यऽइव । घोषाः॑ ।
गि॒रि॒ऽभ्रजः॑ । न । ऊ॒र्मयः॑ । मद॑न्तः । बृह॒स्पति॑म् । अ॒भि । अ॒र्काः । अ॒ना॒व॒न् ॥
Padapatha Devanagari Nonaccented
उदऽप्रुतः । न । वयः । रक्षमाणाः । वावदतः । अभ्रियस्यऽइव । घोषाः ।
गिरिऽभ्रजः । न । ऊर्मयः । मदन्तः । बृहस्पतिम् । अभि । अर्काः । अनावन् ॥
Padapatha Transcription Accented
uda-prútaḥ ǀ ná ǀ váyaḥ ǀ rákṣamāṇāḥ ǀ vā́vadataḥ ǀ abhríyasya-iva ǀ ghóṣāḥ ǀ
giri-bhrájaḥ ǀ ná ǀ ūrmáyaḥ ǀ mádantaḥ ǀ bṛ́haspátim ǀ abhí ǀ arkā́ḥ ǀ anāvan ǁ
Padapatha Transcription Nonaccented
uda-prutaḥ ǀ na ǀ vayaḥ ǀ rakṣamāṇāḥ ǀ vāvadataḥ ǀ abhriyasya-iva ǀ ghoṣāḥ ǀ
giri-bhrajaḥ ǀ na ǀ ūrmayaḥ ǀ madantaḥ ǀ bṛhaspatim ǀ abhi ǀ arkāḥ ǀ anāvan ǁ
10.068.02 (Mandala. Sukta. Rik)
8.2.17.02 (Ashtaka. Adhyaya. Varga. Rik)
10.05.116 (Mandala. Anuvāka. Rik)
Samhita Devanagari Accented
सं गोभि॑रांगिर॒सो नक्ष॑माणो॒ भग॑ इ॒वेद॑र्य॒मणं॑ निनाय ।
जने॑ मि॒त्रो न दंप॑ती अनक्ति॒ बृह॑स्पते वा॒जया॒शूँरि॑वा॒जौ ॥
Samhita Devanagari Nonaccented
सं गोभिरांगिरसो नक्षमाणो भग इवेदर्यमणं निनाय ।
जने मित्रो न दंपती अनक्ति बृहस्पते वाजयाशूँरिवाजौ ॥
Samhita Transcription Accented
sám góbhirāṅgirasó nákṣamāṇo bhága ivédaryamáṇam nināya ǀ
jáne mitró ná dámpatī anakti bṛ́haspate vājáyāśū́m̐rivājáu ǁ
Samhita Transcription Nonaccented
sam gobhirāṅgiraso nakṣamāṇo bhaga ivedaryamaṇam nināya ǀ
jane mitro na dampatī anakti bṛhaspate vājayāśūm̐rivājau ǁ
Padapatha Devanagari Accented
सम् । गोभिः॑ । आ॒ङ्गि॒र॒सः । नक्ष॑माणः । भगः॑ऽइव । इत् । अ॒र्य॒मण॑म् । नि॒ना॒य॒ ।
जने॑ । मि॒त्रः । न । दम्प॑ती॒ इति॒ दम्ऽप॑ती । अ॒न॒क्ति॒ । बृह॑स्पते । वा॒जय॑ । आ॒शून्ऽइ॑व । आ॒जौ ॥
Padapatha Devanagari Nonaccented
सम् । गोभिः । आङ्गिरसः । नक्षमाणः । भगःऽइव । इत् । अर्यमणम् । निनाय ।
जने । मित्रः । न । दम्पती इति दम्ऽपती । अनक्ति । बृहस्पते । वाजय । आशून्ऽइव । आजौ ॥
Padapatha Transcription Accented
sám ǀ góbhiḥ ǀ āṅgirasáḥ ǀ nákṣamāṇaḥ ǀ bhágaḥ-iva ǀ ít ǀ aryamáṇam ǀ nināya ǀ
jáne ǀ mitráḥ ǀ ná ǀ dámpatī íti dám-patī ǀ anakti ǀ bṛ́haspate ǀ vājáya ǀ āśū́n-iva ǀ ājáu ǁ
Padapatha Transcription Nonaccented
sam ǀ gobhiḥ ǀ āṅgirasaḥ ǀ nakṣamāṇaḥ ǀ bhagaḥ-iva ǀ it ǀ aryamaṇam ǀ nināya ǀ
jane ǀ mitraḥ ǀ na ǀ dampatī iti dam-patī ǀ anakti ǀ bṛhaspate ǀ vājaya ǀ āśūn-iva ǀ ājau ǁ
10.068.03 (Mandala. Sukta. Rik)
8.2.17.03 (Ashtaka. Adhyaya. Varga. Rik)
10.05.117 (Mandala. Anuvāka. Rik)
Samhita Devanagari Accented
सा॒ध्व॒र्या अ॑ति॒थिनी॑रिषि॒राः स्पा॒र्हाः सु॒वर्णा॑ अनव॒द्यरू॑पाः ।
बृह॒स्पतिः॒ पर्व॑तेभ्यो वि॒तूर्या॒ निर्गा ऊ॑पे॒ यव॑मिव स्थि॒विभ्यः॑ ॥
Samhita Devanagari Nonaccented
साध्वर्या अतिथिनीरिषिराः स्पार्हाः सुवर्णा अनवद्यरूपाः ।
बृहस्पतिः पर्वतेभ्यो वितूर्या निर्गा ऊपे यवमिव स्थिविभ्यः ॥
Samhita Transcription Accented
sādhvaryā́ atithínīriṣirā́ḥ spārhā́ḥ suvárṇā anavadyárūpāḥ ǀ
bṛ́haspátiḥ párvatebhyo vitū́ryā nírgā́ ūpe yávamiva sthivíbhyaḥ ǁ
Samhita Transcription Nonaccented
sādhvaryā atithinīriṣirāḥ spārhāḥ suvarṇā anavadyarūpāḥ ǀ
bṛhaspatiḥ parvatebhyo vitūryā nirgā ūpe yavamiva sthivibhyaḥ ǁ
Padapatha Devanagari Accented
सा॒धु॒ऽअ॒र्याः । अ॒ति॒थिनीः॑ । इ॒षि॒राः । स्पा॒र्हाः । सु॒ऽवर्णाः॑ । अ॒न॒व॒द्यऽरू॑पाः ।
बृह॒स्पतिः॑ । पर्व॑तेभ्यः । वि॒ऽतूर्य॑ । निः । गाः । ऊ॒पे॒ । यव॑म्ऽइव । स्थि॒विऽभ्यः॑ ॥
Padapatha Devanagari Nonaccented
साधुऽअर्याः । अतिथिनीः । इषिराः । स्पार्हाः । सुऽवर्णाः । अनवद्यऽरूपाः ।
बृहस्पतिः । पर्वतेभ्यः । विऽतूर्य । निः । गाः । ऊपे । यवम्ऽइव । स्थिविऽभ्यः ॥
Padapatha Transcription Accented
sādhu-aryā́ḥ ǀ atithínīḥ ǀ iṣirā́ḥ ǀ spārhā́ḥ ǀ su-várṇāḥ ǀ anavadyá-rūpāḥ ǀ
bṛ́haspátiḥ ǀ párvatebhyaḥ ǀ vi-tū́rya ǀ níḥ ǀ gā́ḥ ǀ ūpe ǀ yávam-iva ǀ sthiví-bhyaḥ ǁ
Padapatha Transcription Nonaccented
sādhu-aryāḥ ǀ atithinīḥ ǀ iṣirāḥ ǀ spārhāḥ ǀ su-varṇāḥ ǀ anavadya-rūpāḥ ǀ
bṛhaspatiḥ ǀ parvatebhyaḥ ǀ vi-tūrya ǀ niḥ ǀ gāḥ ǀ ūpe ǀ yavam-iva ǀ sthivi-bhyaḥ ǁ
10.068.04 (Mandala. Sukta. Rik)
8.2.17.04 (Ashtaka. Adhyaya. Varga. Rik)
10.05.118 (Mandala. Anuvāka. Rik)
Samhita Devanagari Accented
आ॒प्रु॒षा॒यन्मधु॑न ऋ॒तस्य॒ योनि॑मवक्षि॒पन्न॒र्क उ॒ल्कामि॑व॒ द्योः ।
बृह॒स्पति॑रु॒द्धर॒न्नश्म॑नो॒ गा भूम्या॑ उ॒द्नेव॒ वि त्वचं॑ बिभेद ॥
Samhita Devanagari Nonaccented
आप्रुषायन्मधुन ऋतस्य योनिमवक्षिपन्नर्क उल्कामिव द्योः ।
बृहस्पतिरुद्धरन्नश्मनो गा भूम्या उद्नेव वि त्वचं बिभेद ॥
Samhita Transcription Accented
āpruṣāyánmádhuna ṛtásya yónimavakṣipánnarká ulkā́miva dyóḥ ǀ
bṛ́haspátiruddhárannáśmano gā́ bhū́myā udnéva ví tvácam bibheda ǁ
Samhita Transcription Nonaccented
āpruṣāyanmadhuna ṛtasya yonimavakṣipannarka ulkāmiva dyoḥ ǀ
bṛhaspatiruddharannaśmano gā bhūmyā udneva vi tvacam bibheda ǁ
Padapatha Devanagari Accented
आ॒ऽप्रु॒षा॒यन् । मधु॑ना । ऋ॒तस्य॑ । योनि॑म् । अ॒व॒ऽक्षि॒पन् । अ॒र्कः । उ॒ल्काम्ऽइ॑व । द्योः ।
बृह॒स्पतिः॑ । उ॒द्धर॑न् । अश्म॑नः । गाः । भूम्याः॑ । उ॒द्नाऽइ॑व । वि । त्वच॑म् । बि॒भे॒द॒ ॥
Padapatha Devanagari Nonaccented
आऽप्रुषायन् । मधुना । ऋतस्य । योनिम् । अवऽक्षिपन् । अर्कः । उल्काम्ऽइव । द्योः ।
बृहस्पतिः । उद्धरन् । अश्मनः । गाः । भूम्याः । उद्नाऽइव । वि । त्वचम् । बिभेद ॥
Padapatha Transcription Accented
ā-pruṣāyán ǀ mádhunā ǀ ṛtásya ǀ yónim ǀ ava-kṣipán ǀ arkáḥ ǀ ulkā́m-iva ǀ dyóḥ ǀ
bṛ́haspátiḥ ǀ uddháran ǀ áśmanaḥ ǀ gā́ḥ ǀ bhū́myāḥ ǀ udnā́-iva ǀ ví ǀ tvácam ǀ bibheda ǁ
Padapatha Transcription Nonaccented
ā-pruṣāyan ǀ madhunā ǀ ṛtasya ǀ yonim ǀ ava-kṣipan ǀ arkaḥ ǀ ulkām-iva ǀ dyoḥ ǀ
bṛhaspatiḥ ǀ uddharan ǀ aśmanaḥ ǀ gāḥ ǀ bhūmyāḥ ǀ udnā-iva ǀ vi ǀ tvacam ǀ bibheda ǁ
10.068.05 (Mandala. Sukta. Rik)
8.2.17.05 (Ashtaka. Adhyaya. Varga. Rik)
10.05.119 (Mandala. Anuvāka. Rik)
Samhita Devanagari Accented
अप॒ ज्योति॑षा॒ तमो॑ अं॒तरि॑क्षादु॒द्नः शीपा॑लमिव॒ वात॑ आजत् ।
बृह॒स्पति॑रनु॒मृश्या॑ व॒लस्या॒भ्रमि॑व॒ वात॒ आ च॑क्र॒ आ गाः ॥
Samhita Devanagari Nonaccented
अप ज्योतिषा तमो अंतरिक्षादुद्नः शीपालमिव वात आजत् ।
बृहस्पतिरनुमृश्या वलस्याभ्रमिव वात आ चक्र आ गाः ॥
Samhita Transcription Accented
ápa jyótiṣā támo antárikṣādudnáḥ śī́pālamiva vā́ta ājat ǀ
bṛ́haspátiranumṛ́śyā valásyābhrámiva vā́ta ā́ cakra ā́ gā́ḥ ǁ
Samhita Transcription Nonaccented
apa jyotiṣā tamo antarikṣādudnaḥ śīpālamiva vāta ājat ǀ
bṛhaspatiranumṛśyā valasyābhramiva vāta ā cakra ā gāḥ ǁ
Padapatha Devanagari Accented
अप॑ । ज्योति॑षा । तमः॑ । अ॒न्तरि॑क्षात् । उ॒द्नः । शीपा॑लम्ऽइव । वातः॑ । आ॒ज॒त् ।
बृह॒स्पतिः॑ । अ॒नु॒ऽमृश्य॑ । व॒लस्य॑ । अ॒भ्रम्ऽइ॑व । वातः॑ । आ । च॒क्रे॒ । आ । गाः ॥
Padapatha Devanagari Nonaccented
अप । ज्योतिषा । तमः । अन्तरिक्षात् । उद्नः । शीपालम्ऽइव । वातः । आजत् ।
बृहस्पतिः । अनुऽमृश्य । वलस्य । अभ्रम्ऽइव । वातः । आ । चक्रे । आ । गाः ॥
Padapatha Transcription Accented
ápa ǀ jyótiṣā ǀ támaḥ ǀ antárikṣāt ǀ udnáḥ ǀ śī́pālam-iva ǀ vā́taḥ ǀ ājat ǀ
bṛ́haspátiḥ ǀ anu-mṛ́śya ǀ valásya ǀ abhrám-iva ǀ vā́taḥ ǀ ā́ ǀ cakre ǀ ā́ ǀ gā́ḥ ǁ
Padapatha Transcription Nonaccented
apa ǀ jyotiṣā ǀ tamaḥ ǀ antarikṣāt ǀ udnaḥ ǀ śīpālam-iva ǀ vātaḥ ǀ ājat ǀ
bṛhaspatiḥ ǀ anu-mṛśya ǀ valasya ǀ abhram-iva ǀ vātaḥ ǀ ā ǀ cakre ǀ ā ǀ gāḥ ǁ
10.068.06 (Mandala. Sukta. Rik)
8.2.17.06 (Ashtaka. Adhyaya. Varga. Rik)
10.05.120 (Mandala. Anuvāka. Rik)
Samhita Devanagari Accented
य॒दा व॒लस्य॒ पीय॑तो॒ जसुं॒ भेद्बृह॒स्पति॑रग्नि॒तपो॑भिर॒र्कैः ।
द॒द्भिर्न जि॒ह्वा परि॑विष्ट॒माद॑दा॒विर्नि॒धीँर॑कृणोदु॒स्रिया॑णां ॥
Samhita Devanagari Nonaccented
यदा वलस्य पीयतो जसुं भेद्बृहस्पतिरग्नितपोभिरर्कैः ।
दद्भिर्न जिह्वा परिविष्टमाददाविर्निधीँरकृणोदुस्रियाणां ॥
Samhita Transcription Accented
yadā́ valásya pī́yato jásum bhédbṛ́haspátiragnitápobhirarkáiḥ ǀ
dadbhírná jihvā́ páriviṣṭamā́dadāvírnidhī́m̐rakṛṇodusríyāṇām ǁ
Samhita Transcription Nonaccented
yadā valasya pīyato jasum bhedbṛhaspatiragnitapobhirarkaiḥ ǀ
dadbhirna jihvā pariviṣṭamādadāvirnidhīm̐rakṛṇodusriyāṇām ǁ
Padapatha Devanagari Accented
य॒दा । व॒लस्य॑ । पीय॑तः । जसु॑म् । भेत् । बृह॒स्पतिः॑ । अ॒ग्नि॒तपः॑ऽभिः । अ॒र्कैः ।
द॒त्ऽभिः । न । जि॒ह्वा । परि॑ऽविष्टम् । आद॑त् । आ॒विः । नि॒ऽधीन् । अ॒कृ॒णो॒त् । उ॒स्रिया॑णाम् ॥
Padapatha Devanagari Nonaccented
यदा । वलस्य । पीयतः । जसुम् । भेत् । बृहस्पतिः । अग्नितपःऽभिः । अर्कैः ।
दत्ऽभिः । न । जिह्वा । परिऽविष्टम् । आदत् । आविः । निऽधीन् । अकृणोत् । उस्रियाणाम् ॥
Padapatha Transcription Accented
yadā́ ǀ valásya ǀ pī́yataḥ ǀ jásum ǀ bhét ǀ bṛ́haspátiḥ ǀ agnitápaḥ-bhiḥ ǀ arkáiḥ ǀ
dat-bhíḥ ǀ ná ǀ jihvā́ ǀ pári-viṣṭam ǀ ā́dat ǀ āvíḥ ǀ ni-dhī́n ǀ akṛṇot ǀ usríyāṇām ǁ
Padapatha Transcription Nonaccented
yadā ǀ valasya ǀ pīyataḥ ǀ jasum ǀ bhet ǀ bṛhaspatiḥ ǀ agnitapaḥ-bhiḥ ǀ arkaiḥ ǀ
dat-bhiḥ ǀ na ǀ jihvā ǀ pari-viṣṭam ǀ ādat ǀ āviḥ ǀ ni-dhīn ǀ akṛṇot ǀ usriyāṇām ǁ
10.068.07 (Mandala. Sukta. Rik)
8.2.18.01 (Ashtaka. Adhyaya. Varga. Rik)
10.05.121 (Mandala. Anuvāka. Rik)
Samhita Devanagari Accented
बृह॒स्पति॒रम॑त॒ हि त्यदा॑सां॒ नाम॑ स्व॒रीणां॒ सद॑ने॒ गुहा॒ यत् ।
आं॒डेव॑ भि॒त्त्वा श॑कु॒नस्य॒ गर्भ॒मुदु॒स्रियाः॒ पर्व॑तस्य॒ त्मना॑जत् ॥
Samhita Devanagari Nonaccented
बृहस्पतिरमत हि त्यदासां नाम स्वरीणां सदने गुहा यत् ।
आंडेव भित्त्वा शकुनस्य गर्भमुदुस्रियाः पर्वतस्य त्मनाजत् ॥
Samhita Transcription Accented
bṛ́haspátirámata hí tyádāsām nā́ma svarī́ṇām sádane gúhā yát ǀ
āṇḍéva bhittvā́ śakunásya gárbhamúdusríyāḥ párvatasya tmánājat ǁ
Samhita Transcription Nonaccented
bṛhaspatiramata hi tyadāsām nāma svarīṇām sadane guhā yat ǀ
āṇḍeva bhittvā śakunasya garbhamudusriyāḥ parvatasya tmanājat ǁ
Padapatha Devanagari Accented
बृह॒स्पतिः॑ । अम॑त । हि । त्यत् । आ॒सा॒म् । नाम॑ । स्व॒रीणा॑म् । सद॑ने । गुहा॑ । यत् ।
आ॒ण्डाऽइ॑व । भि॒त्त्वा । श॒कु॒नस्य॑ । गर्भ॑म् । उत् । उ॒स्रियाः॑ । पर्व॑तस्य । त्मना॑ । आ॒ज॒त् ॥
Padapatha Devanagari Nonaccented
बृहस्पतिः । अमत । हि । त्यत् । आसाम् । नाम । स्वरीणाम् । सदने । गुहा । यत् ।
आण्डाऽइव । भित्त्वा । शकुनस्य । गर्भम् । उत् । उस्रियाः । पर्वतस्य । त्मना । आजत् ॥
Padapatha Transcription Accented
bṛ́haspátiḥ ǀ ámata ǀ hí ǀ tyát ǀ āsām ǀ nā́ma ǀ svarī́ṇām ǀ sádane ǀ gúhā ǀ yát ǀ
āṇḍā́-iva ǀ bhittvā́ ǀ śakunásya ǀ gárbham ǀ út ǀ usríyāḥ ǀ párvatasya ǀ tmánā ǀ ājat ǁ
Padapatha Transcription Nonaccented
bṛhaspatiḥ ǀ amata ǀ hi ǀ tyat ǀ āsām ǀ nāma ǀ svarīṇām ǀ sadane ǀ guhā ǀ yat ǀ
āṇḍā-iva ǀ bhittvā ǀ śakunasya ǀ garbham ǀ ut ǀ usriyāḥ ǀ parvatasya ǀ tmanā ǀ ājat ǁ
10.068.08 (Mandala. Sukta. Rik)
8.2.18.02 (Ashtaka. Adhyaya. Varga. Rik)
10.05.122 (Mandala. Anuvāka. Rik)
Samhita Devanagari Accented
अश्नापि॑नद्धं॒ मधु॒ पर्य॑पश्य॒न्मत्स्यं॒ न दी॒न उ॒दनि॑ क्षि॒यंतं॑ ।
निष्टज्ज॑भार चम॒सं न वृ॒क्षाद्बृह॒स्पति॑र्विर॒वेणा॑ वि॒कृत्य॑ ॥
Samhita Devanagari Nonaccented
अश्नापिनद्धं मधु पर्यपश्यन्मत्स्यं न दीन उदनि क्षियंतं ।
निष्टज्जभार चमसं न वृक्षाद्बृहस्पतिर्विरवेणा विकृत्य ॥
Samhita Transcription Accented
áśnā́pinaddham mádhu páryapaśyanmátsyam ná dīná udáni kṣiyántam ǀ
níṣṭájjabhāra camasám ná vṛkṣā́dbṛ́haspátirviravéṇā vikṛ́tya ǁ
Samhita Transcription Nonaccented
aśnāpinaddham madhu paryapaśyanmatsyam na dīna udani kṣiyantam ǀ
niṣṭajjabhāra camasam na vṛkṣādbṛhaspatirviraveṇā vikṛtya ǁ
Padapatha Devanagari Accented
अश्ना॑ । अपि॑ऽनद्धम् । मधु॑ । परि॑ । अ॒प॒श्य॒त् । मत्स्य॑म् । न । दी॒ने । उ॒दनि॑ । क्षि॒यन्त॑म् ।
निः । तत् । ज॒भा॒र॒ । च॒म॒सम् । न । वृ॒क्षात् । बृह॒स्पतिः॑ । वि॒ऽर॒वेण॑ । वि॒ऽकृत्य॑ ॥
Padapatha Devanagari Nonaccented
अश्ना । अपिऽनद्धम् । मधु । परि । अपश्यत् । मत्स्यम् । न । दीने । उदनि । क्षियन्तम् ।
निः । तत् । जभार । चमसम् । न । वृक्षात् । बृहस्पतिः । विऽरवेण । विऽकृत्य ॥
Padapatha Transcription Accented
áśnā ǀ ápi-naddham ǀ mádhu ǀ pári ǀ apaśyat ǀ mátsyam ǀ ná ǀ dīné ǀ udáni ǀ kṣiyántam ǀ
níḥ ǀ tát ǀ jabhāra ǀ camasám ǀ ná ǀ vṛkṣā́t ǀ bṛ́haspátiḥ ǀ vi-ravéṇa ǀ vi-kṛ́tya ǁ
Padapatha Transcription Nonaccented
aśnā ǀ api-naddham ǀ madhu ǀ pari ǀ apaśyat ǀ matsyam ǀ na ǀ dīne ǀ udani ǀ kṣiyantam ǀ
niḥ ǀ tat ǀ jabhāra ǀ camasam ǀ na ǀ vṛkṣāt ǀ bṛhaspatiḥ ǀ vi-raveṇa ǀ vi-kṛtya ǁ
10.068.09 (Mandala. Sukta. Rik)
8.2.18.03 (Ashtaka. Adhyaya. Varga. Rik)
10.05.123 (Mandala. Anuvāka. Rik)
Samhita Devanagari Accented
सोषाम॑विंद॒त्स स्वः१॒॑ सो अ॒ग्निं सो अ॒र्केण॒ वि ब॑बाधे॒ तमां॑सि ।
बृह॒स्पति॒र्गोव॑पुषो व॒लस्य॒ निर्म॒ज्जानं॒ न पर्व॑णो जभार ॥
Samhita Devanagari Nonaccented
सोषामविंदत्स स्वः सो अग्निं सो अर्केण वि बबाधे तमांसि ।
बृहस्पतिर्गोवपुषो वलस्य निर्मज्जानं न पर्वणो जभार ॥
Samhita Transcription Accented
sóṣā́mavindatsá sváḥ só agním só arkéṇa ví babādhe támāṃsi ǀ
bṛ́haspátirgóvapuṣo valásya nírmajjā́nam ná párvaṇo jabhāra ǁ
Samhita Transcription Nonaccented
soṣāmavindatsa svaḥ so agnim so arkeṇa vi babādhe tamāṃsi ǀ
bṛhaspatirgovapuṣo valasya nirmajjānam na parvaṇo jabhāra ǁ
Padapatha Devanagari Accented
सः । उ॒षाम् । अ॒वि॒न्द॒त् । सः । स्व१॒॑रिति॑ स्वः॑ । सः । अ॒ग्निम् । सः । अ॒र्केण॑ । वि । ब॒बा॒धे॒ । तमां॑सि ।
बृह॒स्पतिः॑ । गोऽव॑पुषः । व॒लस्य॑ । निः । म॒ज्जान॑म् । न । पर्व॑णः । ज॒भा॒र॒ ॥
Padapatha Devanagari Nonaccented
सः । उषाम् । अविन्दत् । सः । स्वरिति स्वः । सः । अग्निम् । सः । अर्केण । वि । बबाधे । तमांसि ।
बृहस्पतिः । गोऽवपुषः । वलस्य । निः । मज्जानम् । न । पर्वणः । जभार ॥
Padapatha Transcription Accented
sáḥ ǀ uṣā́m ǀ avindat ǀ sáḥ ǀ sváríti sváḥ ǀ sáḥ ǀ agním ǀ sáḥ ǀ arkéṇa ǀ ví ǀ babādhe ǀ támāṃsi ǀ
bṛ́haspátiḥ ǀ gó-vapuṣaḥ ǀ valásya ǀ níḥ ǀ majjā́nam ǀ ná ǀ párvaṇaḥ ǀ jabhāra ǁ
Padapatha Transcription Nonaccented
saḥ ǀ uṣām ǀ avindat ǀ saḥ ǀ svariti svaḥ ǀ saḥ ǀ agnim ǀ saḥ ǀ arkeṇa ǀ vi ǀ babādhe ǀ tamāṃsi ǀ
bṛhaspatiḥ ǀ go-vapuṣaḥ ǀ valasya ǀ niḥ ǀ majjānam ǀ na ǀ parvaṇaḥ ǀ jabhāra ǁ
10.068.10 (Mandala. Sukta. Rik)
8.2.18.04 (Ashtaka. Adhyaya. Varga. Rik)
10.05.124 (Mandala. Anuvāka. Rik)
Samhita Devanagari Accented
हि॒मेव॑ प॒र्णा मु॑षि॒ता वना॑नि॒ बृह॒स्पति॑नाकृपयद्व॒लो गाः ।
अ॒ना॒नु॒कृ॒त्यम॑पु॒नश्च॑कार॒ यात्सूर्या॒मासा॑ मि॒थ उ॒च्चरा॑तः ॥
Samhita Devanagari Nonaccented
हिमेव पर्णा मुषिता वनानि बृहस्पतिनाकृपयद्वलो गाः ।
अनानुकृत्यमपुनश्चकार यात्सूर्यामासा मिथ उच्चरातः ॥
Samhita Transcription Accented
himéva parṇā́ muṣitā́ vánāni bṛ́haspátinākṛpayadvaló gā́ḥ ǀ
anānukṛtyámapunáścakāra yā́tsū́ryāmā́sā mithá uccárātaḥ ǁ
Samhita Transcription Nonaccented
himeva parṇā muṣitā vanāni bṛhaspatinākṛpayadvalo gāḥ ǀ
anānukṛtyamapunaścakāra yātsūryāmāsā mitha uccarātaḥ ǁ
Padapatha Devanagari Accented
हि॒माऽइ॑व । प॒र्णा । मु॒षि॒ता । वना॑नि । बृह॒स्पति॑ना । अ॒कृ॒प॒य॒त् । व॒लः । गाः ।
अ॒न॒नु॒ऽकृ॒त्यम् । अ॒पु॒नरिति॑ । च॒का॒र॒ । यात् । सूर्या॒मासा॑ । मि॒थः । उ॒त्ऽचरा॑तः ॥
Padapatha Devanagari Nonaccented
हिमाऽइव । पर्णा । मुषिता । वनानि । बृहस्पतिना । अकृपयत् । वलः । गाः ।
अननुऽकृत्यम् । अपुनरिति । चकार । यात् । सूर्यामासा । मिथः । उत्ऽचरातः ॥
Padapatha Transcription Accented
himā́-iva ǀ parṇā́ ǀ muṣitā́ ǀ vánāni ǀ bṛ́haspátinā ǀ akṛpayat ǀ valáḥ ǀ gā́ḥ ǀ
ananu-kṛtyám ǀ apunáríti ǀ cakāra ǀ yā́t ǀ sū́ryāmā́sā ǀ mitháḥ ǀ ut-cárātaḥ ǁ
Padapatha Transcription Nonaccented
himā-iva ǀ parṇā ǀ muṣitā ǀ vanāni ǀ bṛhaspatinā ǀ akṛpayat ǀ valaḥ ǀ gāḥ ǀ
ananu-kṛtyam ǀ apunariti ǀ cakāra ǀ yāt ǀ sūryāmāsā ǀ mithaḥ ǀ ut-carātaḥ ǁ
10.068.11 (Mandala. Sukta. Rik)
8.2.18.05 (Ashtaka. Adhyaya. Varga. Rik)
10.05.125 (Mandala. Anuvāka. Rik)
Samhita Devanagari Accented
अ॒भि श्या॒वं न कृश॑नेभि॒रश्वं॒ नक्ष॑त्रेभिः पि॒तरो॒ द्याम॑पिंशन् ।
रात्र्यां॒ तमो॒ अद॑धु॒र्ज्योति॒रह॒न्बृह॒स्पति॑र्भि॒नदद्रिं॑ वि॒दद्गाः ॥
Samhita Devanagari Nonaccented
अभि श्यावं न कृशनेभिरश्वं नक्षत्रेभिः पितरो द्यामपिंशन् ।
रात्र्यां तमो अदधुर्ज्योतिरहन्बृहस्पतिर्भिनदद्रिं विदद्गाः ॥
Samhita Transcription Accented
abhí śyāvám ná kṛ́śanebhiráśvam nákṣatrebhiḥ pitáro dyā́mapiṃśan ǀ
rā́tryām támo ádadhurjyótiráhanbṛ́haspátirbhinádádrim vidádgā́ḥ ǁ
Samhita Transcription Nonaccented
abhi śyāvam na kṛśanebhiraśvam nakṣatrebhiḥ pitaro dyāmapiṃśan ǀ
rātryām tamo adadhurjyotirahanbṛhaspatirbhinadadrim vidadgāḥ ǁ
Padapatha Devanagari Accented
अ॒भि । श्या॒वम् । न । कृश॑नेभिः । अश्व॑म् । नक्ष॑त्रेभिः । पि॒तरः॑ । द्याम् । अ॒पिं॒श॒न् ।
रात्र्या॑म् । तमः॑ । अद॑धुः । ज्योतिः॑ । अह॑न् । बृह॒स्पतिः॑ । भि॒नत् । अद्रि॑म् । वि॒दत् । गाः ॥
Padapatha Devanagari Nonaccented
अभि । श्यावम् । न । कृशनेभिः । अश्वम् । नक्षत्रेभिः । पितरः । द्याम् । अपिंशन् ।
रात्र्याम् । तमः । अदधुः । ज्योतिः । अहन् । बृहस्पतिः । भिनत् । अद्रिम् । विदत् । गाः ॥
Padapatha Transcription Accented
abhí ǀ śyāvám ǀ ná ǀ kṛ́śanebhiḥ ǀ áśvam ǀ nákṣatrebhiḥ ǀ pitáraḥ ǀ dyā́m ǀ apiṃśan ǀ
rā́tryām ǀ támaḥ ǀ ádadhuḥ ǀ jyótiḥ ǀ áhan ǀ bṛ́haspátiḥ ǀ bhinát ǀ ádrim ǀ vidát ǀ gā́ḥ ǁ
Padapatha Transcription Nonaccented
abhi ǀ śyāvam ǀ na ǀ kṛśanebhiḥ ǀ aśvam ǀ nakṣatrebhiḥ ǀ pitaraḥ ǀ dyām ǀ apiṃśan ǀ
rātryām ǀ tamaḥ ǀ adadhuḥ ǀ jyotiḥ ǀ ahan ǀ bṛhaspatiḥ ǀ bhinat ǀ adrim ǀ vidat ǀ gāḥ ǁ
10.068.12 (Mandala. Sukta. Rik)
8.2.18.06 (Ashtaka. Adhyaya. Varga. Rik)
10.05.126 (Mandala. Anuvāka. Rik)
Samhita Devanagari Accented
इ॒दम॑कर्म॒ नमो॑ अभ्रि॒याय॒ यः पू॒र्वीरन्वा॒नोन॑वीति ।
बृह॒स्पतिः॒ स हि गोभिः॒ सो अश्वैः॒ स वी॒रेभिः॒ स नृभि॑र्नो॒ वयो॑ धात् ॥
Samhita Devanagari Nonaccented
इदमकर्म नमो अभ्रियाय यः पूर्वीरन्वानोनवीति ।
बृहस्पतिः स हि गोभिः सो अश्वैः स वीरेभिः स नृभिर्नो वयो धात् ॥
Samhita Transcription Accented
idámakarma námo abhriyā́ya yáḥ pūrvī́ránvānónavīti ǀ
bṛ́haspátiḥ sá hí góbhiḥ só áśvaiḥ sá vīrébhiḥ sá nṛ́bhirno váyo dhāt ǁ
Samhita Transcription Nonaccented
idamakarma namo abhriyāya yaḥ pūrvīranvānonavīti ǀ
bṛhaspatiḥ sa hi gobhiḥ so aśvaiḥ sa vīrebhiḥ sa nṛbhirno vayo dhāt ǁ
Padapatha Devanagari Accented
इ॒दम् । अ॒क॒र्म॒ । नमः॑ । अ॒भ्रि॒याय॑ । यः । पू॒र्वीः । अनु॑ । आ॒ऽनोन॑वीति ।
बृह॒स्पतिः॑ । सः । हि । गोभिः॑ । सः । अश्वः॑ । सः । वी॒रेभिः॑ । सः । नृऽभिः॑ । नः॒ । वयः॑ । धा॒त् ॥
Padapatha Devanagari Nonaccented
इदम् । अकर्म । नमः । अभ्रियाय । यः । पूर्वीः । अनु । आऽनोनवीति ।
बृहस्पतिः । सः । हि । गोभिः । सः । अश्वः । सः । वीरेभिः । सः । नृऽभिः । नः । वयः । धात् ॥
Padapatha Transcription Accented
idám ǀ akarma ǀ námaḥ ǀ abhriyā́ya ǀ yáḥ ǀ pūrvī́ḥ ǀ ánu ǀ ā-nónavīti ǀ
bṛ́haspátiḥ ǀ sáḥ ǀ hí ǀ góbhiḥ ǀ sáḥ ǀ áśvaḥ ǀ sáḥ ǀ vīrébhiḥ ǀ sáḥ ǀ nṛ́-bhiḥ ǀ naḥ ǀ váyaḥ ǀ dhāt ǁ
Padapatha Transcription Nonaccented
idam ǀ akarma ǀ namaḥ ǀ abhriyāya ǀ yaḥ ǀ pūrvīḥ ǀ anu ǀ ā-nonavīti ǀ
bṛhaspatiḥ ǀ saḥ ǀ hi ǀ gobhiḥ ǀ saḥ ǀ aśvaḥ ǀ saḥ ǀ vīrebhiḥ ǀ saḥ ǀ nṛ-bhiḥ ǀ naḥ ǀ vayaḥ ǀ dhāt ǁ