|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 73
|
1. Info |
| To: | indra | |
| From: | gaurivīti śāktya | |
| Metres: | 1st set of styles: pādanicṛttriṣṭup (3, 4, 8, 10); triṣṭup (1, 2, 5); virāṭtrisṭup (6); svarāḍārcītriṣṭup (7); bhurigārcītriṣṭup (9); nicṛttriṣṭup (11) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.073.01 (Mandala. Sukta. Rik)
8.3.03.01 (Ashtaka. Adhyaya. Varga. Rik)
10.06.044 (Mandala. Anuvāka. Rik)
Samhita Devanagari Accented
जनि॑ष्ठा उ॒ग्रः सह॑से तु॒राय॑ मं॒द्र ओजि॑ष्ठो बहु॒लाभि॑मानः ।
अव॑र्ध॒न्निंद्रं॑ म॒रुत॑श्चि॒दत्र॑ मा॒ता यद्वी॒रं द॒धन॒द्धनि॑ष्ठा ॥
Samhita Devanagari Nonaccented
जनिष्ठा उग्रः सहसे तुराय मंद्र ओजिष्ठो बहुलाभिमानः ।
अवर्धन्निंद्रं मरुतश्चिदत्र माता यद्वीरं दधनद्धनिष्ठा ॥
Samhita Transcription Accented
jániṣṭhā ugráḥ sáhase turā́ya mandrá ójiṣṭho bahulā́bhimānaḥ ǀ
ávardhanníndram marútaścidátra mātā́ yádvīrám dadhánaddhániṣṭhā ǁ
Samhita Transcription Nonaccented
janiṣṭhā ugraḥ sahase turāya mandra ojiṣṭho bahulābhimānaḥ ǀ
avardhannindram marutaścidatra mātā yadvīram dadhanaddhaniṣṭhā ǁ
Padapatha Devanagari Accented
जनि॑ष्ठाः । उ॒ग्रः । सह॑से । तु॒राय॑ । म॒न्द्रः । ओजि॑ष्ठः । ब॒हु॒लऽअ॑भिमानः ।
अव॑र्धन् । इन्द्र॑म् । म॒रुतः॑ । चि॒त् । अत्र॑ । मा॒ता । यत् । वी॒रम् । द॒धन॑त् । धनि॑ष्ठा ॥
Padapatha Devanagari Nonaccented
जनिष्ठाः । उग्रः । सहसे । तुराय । मन्द्रः । ओजिष्ठः । बहुलऽअभिमानः ।
अवर्धन् । इन्द्रम् । मरुतः । चित् । अत्र । माता । यत् । वीरम् । दधनत् । धनिष्ठा ॥
Padapatha Transcription Accented
jániṣṭhāḥ ǀ ugráḥ ǀ sáhase ǀ turā́ya ǀ mandráḥ ǀ ójiṣṭhaḥ ǀ bahulá-abhimānaḥ ǀ
ávardhan ǀ índram ǀ marútaḥ ǀ cit ǀ átra ǀ mātā́ ǀ yát ǀ vīrám ǀ dadhánat ǀ dhániṣṭhā ǁ
Padapatha Transcription Nonaccented
janiṣṭhāḥ ǀ ugraḥ ǀ sahase ǀ turāya ǀ mandraḥ ǀ ojiṣṭhaḥ ǀ bahula-abhimānaḥ ǀ
avardhan ǀ indram ǀ marutaḥ ǀ cit ǀ atra ǀ mātā ǀ yat ǀ vīram ǀ dadhanat ǀ dhaniṣṭhā ǁ
10.073.02 (Mandala. Sukta. Rik)
8.3.03.02 (Ashtaka. Adhyaya. Varga. Rik)
10.06.045 (Mandala. Anuvāka. Rik)
Samhita Devanagari Accented
द्रु॒हो निष॑त्ता पृश॒नी चि॒देवैः॑ पु॒रू शंसे॑न वावृधु॒ष्ट इंद्रं॑ ।
अ॒भीवृ॑तेव॒ ता म॑हाप॒देन॑ ध्वां॒तात्प्र॑पि॒त्वादुद॑रंत॒ गर्भाः॑ ॥
Samhita Devanagari Nonaccented
द्रुहो निषत्ता पृशनी चिदेवैः पुरू शंसेन वावृधुष्ट इंद्रं ।
अभीवृतेव ता महापदेन ध्वांतात्प्रपित्वादुदरंत गर्भाः ॥
Samhita Transcription Accented
druhó níṣattā pṛśanī́ cidévaiḥ purū́ śáṃsena vāvṛdhuṣṭá índram ǀ
abhī́vṛteva tā́ mahāpadéna dhvāntā́tprapitvā́dúdaranta gárbhāḥ ǁ
Samhita Transcription Nonaccented
druho niṣattā pṛśanī cidevaiḥ purū śaṃsena vāvṛdhuṣṭa indram ǀ
abhīvṛteva tā mahāpadena dhvāntātprapitvādudaranta garbhāḥ ǁ
Padapatha Devanagari Accented
द्रु॒हः । निऽस॑त्ता । पृ॒श॒नी । चि॒त् । एवैः॑ । पु॒रु । शंसे॑न । व॒वृ॒धुः॒ । ते । इन्द्र॑म् ।
अ॒भिवृ॑ताऽइव । ता । म॒हा॒ऽप॒देन॑ । ध्वा॒न्तात् । प्र॒ऽपि॒त्वात् । उत् । अ॒र॒न्त॒ । गर्भाः॑ ॥
Padapatha Devanagari Nonaccented
द्रुहः । निऽसत्ता । पृशनी । चित् । एवैः । पुरु । शंसेन । ववृधुः । ते । इन्द्रम् ।
अभिवृताऽइव । ता । महाऽपदेन । ध्वान्तात् । प्रऽपित्वात् । उत् । अरन्त । गर्भाः ॥
Padapatha Transcription Accented
druháḥ ǀ ní-sattā ǀ pṛśanī́ ǀ cit ǀ évaiḥ ǀ purú ǀ śáṃsena ǀ vavṛdhuḥ ǀ té ǀ índram ǀ
abhívṛtā-iva ǀ tā́ ǀ mahā-padéna ǀ dhvāntā́t ǀ pra-pitvā́t ǀ út ǀ aranta ǀ gárbhāḥ ǁ
Padapatha Transcription Nonaccented
druhaḥ ǀ ni-sattā ǀ pṛśanī ǀ cit ǀ evaiḥ ǀ puru ǀ śaṃsena ǀ vavṛdhuḥ ǀ te ǀ indram ǀ
abhivṛtā-iva ǀ tā ǀ mahā-padena ǀ dhvāntāt ǀ pra-pitvāt ǀ ut ǀ aranta ǀ garbhāḥ ǁ
10.073.03 (Mandala. Sukta. Rik)
8.3.03.03 (Ashtaka. Adhyaya. Varga. Rik)
10.06.046 (Mandala. Anuvāka. Rik)
Samhita Devanagari Accented
ऋ॒ष्वा ते॒ पादा॒ प्र यज्जिगा॒स्यव॑र्ध॒न्वाजा॑ उ॒त ये चि॒दत्र॑ ।
त्वमिं॑द्र सालावृ॒कान्त्स॒हस्र॑मा॒संद॑धिषे अ॒श्विना व॑वृत्याः ॥
Samhita Devanagari Nonaccented
ऋष्वा ते पादा प्र यज्जिगास्यवर्धन्वाजा उत ये चिदत्र ।
त्वमिंद्र सालावृकान्त्सहस्रमासंदधिषे अश्विना ववृत्याः ॥
Samhita Transcription Accented
ṛṣvā́ te pā́dā prá yájjígāsyávardhanvā́jā utá yé cidátra ǀ
tvámindra sālāvṛkā́ntsahásramāsándadhiṣe aśvínā́ vavṛtyāḥ ǁ
Samhita Transcription Nonaccented
ṛṣvā te pādā pra yajjigāsyavardhanvājā uta ye cidatra ǀ
tvamindra sālāvṛkāntsahasramāsandadhiṣe aśvinā vavṛtyāḥ ǁ
Padapatha Devanagari Accented
ऋ॒ष्वा । ते॒ । पादा॑ । प्र । यत् । जिगा॑सि । अव॑र्धन् । वाजाः॑ । उ॒त । ये । चि॒त् । अत्र॑ ।
त्वम् । इ॒न्द्र॒ । सा॒ला॒वृ॒कान् । स॒हस्र॑म् । आ॒सन् । द॒धि॒षे॒ । अ॒श्विना॑ । आ । व॒वृ॒त्याः॒ ॥
Padapatha Devanagari Nonaccented
ऋष्वा । ते । पादा । प्र । यत् । जिगासि । अवर्धन् । वाजाः । उत । ये । चित् । अत्र ।
त्वम् । इन्द्र । सालावृकान् । सहस्रम् । आसन् । दधिषे । अश्विना । आ । ववृत्याः ॥
Padapatha Transcription Accented
ṛṣvā́ ǀ te ǀ pā́dā ǀ prá ǀ yát ǀ jígāsi ǀ ávardhan ǀ vā́jāḥ ǀ utá ǀ yé ǀ cit ǀ átra ǀ
tvám ǀ indra ǀ sālāvṛkā́n ǀ sahásram ǀ āsán ǀ dadhiṣe ǀ aśvínā ǀ ā́ ǀ vavṛtyāḥ ǁ
Padapatha Transcription Nonaccented
ṛṣvā ǀ te ǀ pādā ǀ pra ǀ yat ǀ jigāsi ǀ avardhan ǀ vājāḥ ǀ uta ǀ ye ǀ cit ǀ atra ǀ
tvam ǀ indra ǀ sālāvṛkān ǀ sahasram ǀ āsan ǀ dadhiṣe ǀ aśvinā ǀ ā ǀ vavṛtyāḥ ǁ
10.073.04 (Mandala. Sukta. Rik)
8.3.03.04 (Ashtaka. Adhyaya. Varga. Rik)
10.06.047 (Mandala. Anuvāka. Rik)
Samhita Devanagari Accented
स॒म॒ना तूर्णि॒रुप॑ यासि य॒ज्ञमा नास॑त्या स॒ख्याय॑ वक्षि ।
व॒साव्या॑मिंद्र धारयः स॒हस्रा॒श्विना॑ शूर ददतुर्म॒घानि॑ ॥
Samhita Devanagari Nonaccented
समना तूर्णिरुप यासि यज्ञमा नासत्या सख्याय वक्षि ।
वसाव्यामिंद्र धारयः सहस्राश्विना शूर ददतुर्मघानि ॥
Samhita Transcription Accented
samanā́ tū́rṇirúpa yāsi yajñámā́ nā́satyā sakhyā́ya vakṣi ǀ
vasā́vyāmindra dhārayaḥ sahásrāśvínā śūra dadaturmaghā́ni ǁ
Samhita Transcription Nonaccented
samanā tūrṇirupa yāsi yajñamā nāsatyā sakhyāya vakṣi ǀ
vasāvyāmindra dhārayaḥ sahasrāśvinā śūra dadaturmaghāni ǁ
Padapatha Devanagari Accented
स॒म॒ना । तूर्णिः॑ । उप॑ । या॒सि॒ । य॒ज्ञम् । आ । नास॑त्या । स॒ख्याय॑ । व॒क्षि॒ ।
व॒साव्या॑म् । इ॒न्द्र॒ । धा॒र॒यः॒ । स॒हस्रा॑ । अ॒श्विना॑ । शू॒र॒ । द॒द॒तुः॒ । म॒घानि॑ ॥
Padapatha Devanagari Nonaccented
समना । तूर्णिः । उप । यासि । यज्ञम् । आ । नासत्या । सख्याय । वक्षि ।
वसाव्याम् । इन्द्र । धारयः । सहस्रा । अश्विना । शूर । ददतुः । मघानि ॥
Padapatha Transcription Accented
samanā́ ǀ tū́rṇiḥ ǀ úpa ǀ yāsi ǀ yajñám ǀ ā́ ǀ nā́satyā ǀ sakhyā́ya ǀ vakṣi ǀ
vasā́vyām ǀ indra ǀ dhārayaḥ ǀ sahásrā ǀ aśvínā ǀ śūra ǀ dadatuḥ ǀ maghā́ni ǁ
Padapatha Transcription Nonaccented
samanā ǀ tūrṇiḥ ǀ upa ǀ yāsi ǀ yajñam ǀ ā ǀ nāsatyā ǀ sakhyāya ǀ vakṣi ǀ
vasāvyām ǀ indra ǀ dhārayaḥ ǀ sahasrā ǀ aśvinā ǀ śūra ǀ dadatuḥ ǀ maghāni ǁ
10.073.05 (Mandala. Sukta. Rik)
8.3.03.05 (Ashtaka. Adhyaya. Varga. Rik)
10.06.048 (Mandala. Anuvāka. Rik)
Samhita Devanagari Accented
मंद॑मान ऋ॒तादधि॑ प्र॒जायै॒ सखि॑भि॒रिंद्र॑ इषि॒रेभि॒रर्थं॑ ।
आभि॒र्हि मा॒या उप॒ दस्यु॒मागा॒न्मिहः॒ प्र त॒म्रा अ॑वप॒त्तमां॑सि ॥
Samhita Devanagari Nonaccented
मंदमान ऋतादधि प्रजायै सखिभिरिंद्र इषिरेभिरर्थं ।
आभिर्हि माया उप दस्युमागान्मिहः प्र तम्रा अवपत्तमांसि ॥
Samhita Transcription Accented
mándamāna ṛtā́dádhi prajā́yai sákhibhiríndra iṣirébhirártham ǀ
ā́bhirhí māyā́ úpa dásyumā́gānmíhaḥ prá tamrā́ avapattámāṃsi ǁ
Samhita Transcription Nonaccented
mandamāna ṛtādadhi prajāyai sakhibhirindra iṣirebhirartham ǀ
ābhirhi māyā upa dasyumāgānmihaḥ pra tamrā avapattamāṃsi ǁ
Padapatha Devanagari Accented
मन्द॑मानः । ऋ॒तात् । अधि॑ । प्र॒ऽजायै॑ । सखि॑ऽभिः । इन्द्रः॑ । इ॒षि॒रेभिः॑ । अर्थ॑म् ।
आ । आ॒भिः॒ । हि । मा॒याः । उप॑ । दस्यु॑म् । आ । अगा॑त् । मिहः॑ । प्र । त॒म्राः । अ॒व॒प॒त् । तमां॑सि ॥
Padapatha Devanagari Nonaccented
मन्दमानः । ऋतात् । अधि । प्रऽजायै । सखिऽभिः । इन्द्रः । इषिरेभिः । अर्थम् ।
आ । आभिः । हि । मायाः । उप । दस्युम् । आ । अगात् । मिहः । प्र । तम्राः । अवपत् । तमांसि ॥
Padapatha Transcription Accented
mándamānaḥ ǀ ṛtā́t ǀ ádhi ǀ pra-jā́yai ǀ sákhi-bhiḥ ǀ índraḥ ǀ iṣirébhiḥ ǀ ártham ǀ
ā́ ǀ ābhiḥ ǀ hí ǀ māyā́ḥ ǀ úpa ǀ dásyum ǀ ā́ ǀ ágāt ǀ míhaḥ ǀ prá ǀ tamrā́ḥ ǀ avapat ǀ támāṃsi ǁ
Padapatha Transcription Nonaccented
mandamānaḥ ǀ ṛtāt ǀ adhi ǀ pra-jāyai ǀ sakhi-bhiḥ ǀ indraḥ ǀ iṣirebhiḥ ǀ artham ǀ
ā ǀ ābhiḥ ǀ hi ǀ māyāḥ ǀ upa ǀ dasyum ǀ ā ǀ agāt ǀ mihaḥ ǀ pra ǀ tamrāḥ ǀ avapat ǀ tamāṃsi ǁ
10.073.06 (Mandala. Sukta. Rik)
8.3.04.01 (Ashtaka. Adhyaya. Varga. Rik)
10.06.049 (Mandala. Anuvāka. Rik)
Samhita Devanagari Accented
सना॑माना चिद्ध्वसयो॒ न्य॑स्मा॒ अवा॑ह॒न्निंद्र॑ उ॒षसो॒ यथानः॑ ।
ऋ॒ष्वैर॑गच्छः॒ सखि॑भि॒र्निका॑मैः सा॒कं प्र॑ति॒ष्ठा हृद्या॑ जघंथ ॥
Samhita Devanagari Nonaccented
सनामाना चिद्ध्वसयो न्यस्मा अवाहन्निंद्र उषसो यथानः ।
ऋष्वैरगच्छः सखिभिर्निकामैः साकं प्रतिष्ठा हृद्या जघंथ ॥
Samhita Transcription Accented
sánāmānā ciddhvasayo nyásmā ávāhanníndra uṣáso yáthā́naḥ ǀ
ṛṣváiragacchaḥ sákhibhirníkāmaiḥ sākám pratiṣṭhā́ hṛ́dyā jaghantha ǁ
Samhita Transcription Nonaccented
sanāmānā ciddhvasayo nyasmā avāhannindra uṣaso yathānaḥ ǀ
ṛṣvairagacchaḥ sakhibhirnikāmaiḥ sākam pratiṣṭhā hṛdyā jaghantha ǁ
Padapatha Devanagari Accented
सऽना॑माना । चि॒त् । ध्व॒स॒यः॒ । नि । अ॒स्मै॒ । अव॑ । अ॒ह॒न् । इन्द्रः॑ । उ॒षसः॑ । यथा॑ । अनः॑ ।
ऋ॒ष्वैः । अ॒ग॒च्छः॒ । सखि॑ऽभिः । निऽका॑मैः । सा॒कम् । प्र॒ति॒ऽस्था । हृद्या॑ । ज॒घ॒न्थ॒ ॥
Padapatha Devanagari Nonaccented
सऽनामाना । चित् । ध्वसयः । नि । अस्मै । अव । अहन् । इन्द्रः । उषसः । यथा । अनः ।
ऋष्वैः । अगच्छः । सखिऽभिः । निऽकामैः । साकम् । प्रतिऽस्था । हृद्या । जघन्थ ॥
Padapatha Transcription Accented
sá-nāmānā ǀ cit ǀ dhvasayaḥ ǀ ní ǀ asmai ǀ áva ǀ ahan ǀ índraḥ ǀ uṣásaḥ ǀ yáthā ǀ ánaḥ ǀ
ṛṣváiḥ ǀ agacchaḥ ǀ sákhi-bhiḥ ǀ ní-kāmaiḥ ǀ sākám ǀ prati-sthā́ ǀ hṛ́dyā ǀ jaghantha ǁ
Padapatha Transcription Nonaccented
sa-nāmānā ǀ cit ǀ dhvasayaḥ ǀ ni ǀ asmai ǀ ava ǀ ahan ǀ indraḥ ǀ uṣasaḥ ǀ yathā ǀ anaḥ ǀ
ṛṣvaiḥ ǀ agacchaḥ ǀ sakhi-bhiḥ ǀ ni-kāmaiḥ ǀ sākam ǀ prati-sthā ǀ hṛdyā ǀ jaghantha ǁ
10.073.07 (Mandala. Sukta. Rik)
8.3.04.02 (Ashtaka. Adhyaya. Varga. Rik)
10.06.050 (Mandala. Anuvāka. Rik)
Samhita Devanagari Accented
त्वं ज॑घंथ॒ नमु॑चिं मख॒स्युं दासं॑ कृण्वा॒न ऋष॑ये॒ विमा॑यं ।
त्वं च॑कर्थ॒ मन॑वे स्यो॒नान्प॒थो दे॑व॒त्रांज॑सेव॒ याना॑न् ॥
Samhita Devanagari Nonaccented
त्वं जघंथ नमुचिं मखस्युं दासं कृण्वान ऋषये विमायं ।
त्वं चकर्थ मनवे स्योनान्पथो देवत्रांजसेव यानान् ॥
Samhita Transcription Accented
tvám jaghantha námucim makhasyúm dā́sam kṛṇvāná ṛ́ṣaye vímāyam ǀ
tvám cakartha mánave syonā́npathó devatrā́ñjaseva yā́nān ǁ
Samhita Transcription Nonaccented
tvam jaghantha namucim makhasyum dāsam kṛṇvāna ṛṣaye vimāyam ǀ
tvam cakartha manave syonānpatho devatrāñjaseva yānān ǁ
Padapatha Devanagari Accented
त्वम् । ज॒घ॒न्थ॒ । नमु॑चिम् । म॒ख॒स्युम् । दास॑म् । कृ॒ण्वा॒नः । ऋष॑ये । विऽमा॑यम् ।
त्वम् । च॒क॒र्थ॒ । मन॑वे । स्यो॒नान् । प॒थः । दे॒व॒ऽत्रा । अञ्ज॑साऽइव । याना॑न् ॥
Padapatha Devanagari Nonaccented
त्वम् । जघन्थ । नमुचिम् । मखस्युम् । दासम् । कृण्वानः । ऋषये । विऽमायम् ।
त्वम् । चकर्थ । मनवे । स्योनान् । पथः । देवऽत्रा । अञ्जसाऽइव । यानान् ॥
Padapatha Transcription Accented
tvám ǀ jaghantha ǀ námucim ǀ makhasyúm ǀ dā́sam ǀ kṛṇvānáḥ ǀ ṛ́ṣaye ǀ ví-māyam ǀ
tvám ǀ cakartha ǀ mánave ǀ syonā́n ǀ patháḥ ǀ deva-trā́ ǀ áñjasā-iva ǀ yā́nān ǁ
Padapatha Transcription Nonaccented
tvam ǀ jaghantha ǀ namucim ǀ makhasyum ǀ dāsam ǀ kṛṇvānaḥ ǀ ṛṣaye ǀ vi-māyam ǀ
tvam ǀ cakartha ǀ manave ǀ syonān ǀ pathaḥ ǀ deva-trā ǀ añjasā-iva ǀ yānān ǁ
10.073.08 (Mandala. Sukta. Rik)
8.3.04.03 (Ashtaka. Adhyaya. Varga. Rik)
10.06.051 (Mandala. Anuvāka. Rik)
Samhita Devanagari Accented
त्वमे॒तानि॑ पप्रिषे॒ वि नामेशा॑न इंद्र दधिषे॒ गभ॑स्तौ ।
अनु॑ त्वा दे॒वाः शव॑सा मदंत्यु॒परि॑बुध्नान्व॒निन॑श्चकर्थ ॥
Samhita Devanagari Nonaccented
त्वमेतानि पप्रिषे वि नामेशान इंद्र दधिषे गभस्तौ ।
अनु त्वा देवाः शवसा मदंत्युपरिबुध्नान्वनिनश्चकर्थ ॥
Samhita Transcription Accented
tvámetā́ni papriṣe ví nā́méśāna indra dadhiṣe gábhastau ǀ
ánu tvā devā́ḥ śávasā madantyupáribudhnānvanínaścakartha ǁ
Samhita Transcription Nonaccented
tvametāni papriṣe vi nāmeśāna indra dadhiṣe gabhastau ǀ
anu tvā devāḥ śavasā madantyuparibudhnānvaninaścakartha ǁ
Padapatha Devanagari Accented
त्वम् । ए॒तानि॑ । प॒प्रि॒षे॒ । वि । नाम॑ । ईशा॑नः । इ॒न्द्र॒ । द॒धि॒षे॒ । गभ॑स्तौ ।
अनु॑ । त्वा॒ । दे॒वाः । शव॑सा । म॒द॒न्ति॒ । उ॒परि॑ऽबुध्नान् । व॒निनः॑ । च॒क॒र्थ॒ ॥
Padapatha Devanagari Nonaccented
त्वम् । एतानि । पप्रिषे । वि । नाम । ईशानः । इन्द्र । दधिषे । गभस्तौ ।
अनु । त्वा । देवाः । शवसा । मदन्ति । उपरिऽबुध्नान् । वनिनः । चकर्थ ॥
Padapatha Transcription Accented
tvám ǀ etā́ni ǀ papriṣe ǀ ví ǀ nā́ma ǀ ī́śānaḥ ǀ indra ǀ dadhiṣe ǀ gábhastau ǀ
ánu ǀ tvā ǀ devā́ḥ ǀ śávasā ǀ madanti ǀ upári-budhnān ǀ vanínaḥ ǀ cakartha ǁ
Padapatha Transcription Nonaccented
tvam ǀ etāni ǀ papriṣe ǀ vi ǀ nāma ǀ īśānaḥ ǀ indra ǀ dadhiṣe ǀ gabhastau ǀ
anu ǀ tvā ǀ devāḥ ǀ śavasā ǀ madanti ǀ upari-budhnān ǀ vaninaḥ ǀ cakartha ǁ
10.073.09 (Mandala. Sukta. Rik)
8.3.04.04 (Ashtaka. Adhyaya. Varga. Rik)
10.06.052 (Mandala. Anuvāka. Rik)
Samhita Devanagari Accented
च॒क्रं यद॑स्या॒प्स्वा निष॑त्तमु॒तो तद॑स्मै॒ मध्विच्च॑च्छद्यात् ।
पृ॒थि॒व्यामति॑षितं॒ यदूधः॒ पयो॒ गोष्वद॑धा॒ ओष॑धीषु ॥
Samhita Devanagari Nonaccented
चक्रं यदस्याप्स्वा निषत्तमुतो तदस्मै मध्विच्चच्छद्यात् ।
पृथिव्यामतिषितं यदूधः पयो गोष्वदधा ओषधीषु ॥
Samhita Transcription Accented
cakrám yádasyāpsvā́ níṣattamutó tádasmai mádhvíccacchadyāt ǀ
pṛthivyā́mátiṣitam yádū́dhaḥ páyo góṣvádadhā óṣadhīṣu ǁ
Samhita Transcription Nonaccented
cakram yadasyāpsvā niṣattamuto tadasmai madhviccacchadyāt ǀ
pṛthivyāmatiṣitam yadūdhaḥ payo goṣvadadhā oṣadhīṣu ǁ
Padapatha Devanagari Accented
च॒क्रम् । यत् । अ॒स्य॒ । अ॒प्ऽसु । आ । निऽस॑त्तम् । उ॒तो इति॑ । तत् । अ॒स्मै॒ । मधु॑ । इत् । च॒च्छ॒द्या॒त् ।
पृ॒थि॒व्याम् । अति॑ऽसितम् । यत् । ऊधः॑ । पयः॑ । गोषु॑ । अद॑धाः । ओष॑धीषु ॥
Padapatha Devanagari Nonaccented
चक्रम् । यत् । अस्य । अप्ऽसु । आ । निऽसत्तम् । उतो इति । तत् । अस्मै । मधु । इत् । चच्छद्यात् ।
पृथिव्याम् । अतिऽसितम् । यत् । ऊधः । पयः । गोषु । अदधाः । ओषधीषु ॥
Padapatha Transcription Accented
cakrám ǀ yát ǀ asya ǀ ap-sú ǀ ā́ ǀ ní-sattam ǀ utó íti ǀ tát ǀ asmai ǀ mádhu ǀ ít ǀ cacchadyāt ǀ
pṛthivyā́m ǀ áti-sitam ǀ yát ǀ ū́dhaḥ ǀ páyaḥ ǀ góṣu ǀ ádadhāḥ ǀ óṣadhīṣu ǁ
Padapatha Transcription Nonaccented
cakram ǀ yat ǀ asya ǀ ap-su ǀ ā ǀ ni-sattam ǀ uto iti ǀ tat ǀ asmai ǀ madhu ǀ it ǀ cacchadyāt ǀ
pṛthivyām ǀ ati-sitam ǀ yat ǀ ūdhaḥ ǀ payaḥ ǀ goṣu ǀ adadhāḥ ǀ oṣadhīṣu ǁ
10.073.10 (Mandala. Sukta. Rik)
8.3.04.05 (Ashtaka. Adhyaya. Varga. Rik)
10.06.053 (Mandala. Anuvāka. Rik)
Samhita Devanagari Accented
अश्वा॑दिया॒येति॒ यद्वदं॒त्योज॑सो जा॒तमु॒त म॑न्य एनं ।
म॒न्योरि॑याय ह॒र्म्येषु॑ तस्थौ॒ यतः॑ प्रज॒ज्ञ इंद्रो॑ अस्य वेद ॥
Samhita Devanagari Nonaccented
अश्वादियायेति यद्वदंत्योजसो जातमुत मन्य एनं ।
मन्योरियाय हर्म्येषु तस्थौ यतः प्रजज्ञ इंद्रो अस्य वेद ॥
Samhita Transcription Accented
áśvādiyāyéti yádvádantyójaso jātámutá manya enam ǀ
manyóriyāya harmyéṣu tasthau yátaḥ prajajñá índro asya veda ǁ
Samhita Transcription Nonaccented
aśvādiyāyeti yadvadantyojaso jātamuta manya enam ǀ
manyoriyāya harmyeṣu tasthau yataḥ prajajña indro asya veda ǁ
Padapatha Devanagari Accented
अश्वा॑त् । इ॒या॒य॒ । इति॑ । यत् । वद॑न्ति । ओज॑सः । जा॒तम् । उ॒त । म॒न्ये॒ । ए॒न॒म् ।
म॒न्योः । इ॒या॒य॒ । ह॒र्म्येषु॑ । त॒स्थौ॒ । यतः॑ । प्र॒ऽज॒ज्ञे । इन्द्रः॑ । अ॒स्य॒ । वे॒द॒ ॥
Padapatha Devanagari Nonaccented
अश्वात् । इयाय । इति । यत् । वदन्ति । ओजसः । जातम् । उत । मन्ये । एनम् ।
मन्योः । इयाय । हर्म्येषु । तस्थौ । यतः । प्रऽजज्ञे । इन्द्रः । अस्य । वेद ॥
Padapatha Transcription Accented
áśvāt ǀ iyāya ǀ íti ǀ yát ǀ vádanti ǀ ójasaḥ ǀ jātám ǀ utá ǀ manye ǀ enam ǀ
manyóḥ ǀ iyāya ǀ harmyéṣu ǀ tasthau ǀ yátaḥ ǀ pra-jajñé ǀ índraḥ ǀ asya ǀ veda ǁ
Padapatha Transcription Nonaccented
aśvāt ǀ iyāya ǀ iti ǀ yat ǀ vadanti ǀ ojasaḥ ǀ jātam ǀ uta ǀ manye ǀ enam ǀ
manyoḥ ǀ iyāya ǀ harmyeṣu ǀ tasthau ǀ yataḥ ǀ pra-jajñe ǀ indraḥ ǀ asya ǀ veda ǁ
10.073.11 (Mandala. Sukta. Rik)
8.3.04.06 (Ashtaka. Adhyaya. Varga. Rik)
10.06.054 (Mandala. Anuvāka. Rik)
Samhita Devanagari Accented
वयः॑ सुप॒र्णा उप॑ सेदु॒रिंद्रं॑ प्रि॒यमे॑धा॒ ऋष॑यो॒ नाध॑मानाः ।
अप॑ ध्वां॒तमू॑र्णु॒हि पू॒र्धि चक्षु॑र्मुमु॒ग्ध्य१॒॑स्मान्नि॒धये॑व ब॒द्धान् ॥
Samhita Devanagari Nonaccented
वयः सुपर्णा उप सेदुरिंद्रं प्रियमेधा ऋषयो नाधमानाः ।
अप ध्वांतमूर्णुहि पूर्धि चक्षुर्मुमुग्ध्यस्मान्निधयेव बद्धान् ॥
Samhita Transcription Accented
váyaḥ suparṇā́ úpa seduríndram priyámedhā ṛ́ṣayo nā́dhamānāḥ ǀ
ápa dhvāntámūrṇuhí pūrdhí cákṣurmumugdhyásmā́nnidháyeva baddhā́n ǁ
Samhita Transcription Nonaccented
vayaḥ suparṇā upa sedurindram priyamedhā ṛṣayo nādhamānāḥ ǀ
apa dhvāntamūrṇuhi pūrdhi cakṣurmumugdhyasmānnidhayeva baddhān ǁ
Padapatha Devanagari Accented
वयः॑ । सु॒ऽप॒र्णाः । उप॑ । से॒दुः॒ । इन्द्र॑म् । प्रि॒यऽमे॑धाः । ऋष॑यः । नाध॑मानाः ।
अप॑ । ध्वा॒न्तम् । ऊ॒र्णु॒हि । पू॒र्धि । चक्षुः॑ । मु॒मु॒ग्धि । अ॒स्मान् । नि॒धया॑ऽइव । ब॒द्धान् ॥
Padapatha Devanagari Nonaccented
वयः । सुऽपर्णाः । उप । सेदुः । इन्द्रम् । प्रियऽमेधाः । ऋषयः । नाधमानाः ।
अप । ध्वान्तम् । ऊर्णुहि । पूर्धि । चक्षुः । मुमुग्धि । अस्मान् । निधयाऽइव । बद्धान् ॥
Padapatha Transcription Accented
váyaḥ ǀ su-parṇā́ḥ ǀ úpa ǀ seduḥ ǀ índram ǀ priyá-medhāḥ ǀ ṛ́ṣayaḥ ǀ nā́dhamānāḥ ǀ
ápa ǀ dhvāntám ǀ ūrṇuhí ǀ pūrdhí ǀ cákṣuḥ ǀ mumugdhí ǀ asmā́n ǀ nidháyā-iva ǀ baddhā́n ǁ
Padapatha Transcription Nonaccented
vayaḥ ǀ su-parṇāḥ ǀ upa ǀ seduḥ ǀ indram ǀ priya-medhāḥ ǀ ṛṣayaḥ ǀ nādhamānāḥ ǀ
apa ǀ dhvāntam ǀ ūrṇuhi ǀ pūrdhi ǀ cakṣuḥ ǀ mumugdhi ǀ asmān ǀ nidhayā-iva ǀ baddhān ǁ