|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 74
|
1. Info |
| To: | indra | |
| From: | gaurivīti śāktya | |
| Metres: | 1st set of styles: pādanicṛttriṣṭup (1, 4); nicṛttriṣṭup (2, 5); bhurigārcītriṣṭup (3); virāṭtrisṭup (6) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.074.01 (Mandala. Sukta. Rik)
8.3.05.01 (Ashtaka. Adhyaya. Varga. Rik)
10.06.055 (Mandala. Anuvāka. Rik)
Samhita Devanagari Accented
वसू॑नां वा चर्कृष॒ इय॑क्षंधि॒या वा॑ य॒ज्ञैर्वा॒ रोद॑स्योः ।
अर्वं॑तो वा॒ ये र॑यि॒मंतः॑ सा॒तौ व॒नुं वा॒ ये सु॒श्रुणं॑ सु॒श्रुतो॒ धुः ॥
Samhita Devanagari Nonaccented
वसूनां वा चर्कृष इयक्षंधिया वा यज्ञैर्वा रोदस्योः ।
अर्वंतो वा ये रयिमंतः सातौ वनुं वा ये सुश्रुणं सुश्रुतो धुः ॥
Samhita Transcription Accented
vásūnām vā carkṛṣa íyakṣandhiyā́ vā yajñáirvā ródasyoḥ ǀ
árvanto vā yé rayimántaḥ sātáu vanúm vā yé suśrúṇam suśrúto dhúḥ ǁ
Samhita Transcription Nonaccented
vasūnām vā carkṛṣa iyakṣandhiyā vā yajñairvā rodasyoḥ ǀ
arvanto vā ye rayimantaḥ sātau vanum vā ye suśruṇam suśruto dhuḥ ǁ
Padapatha Devanagari Accented
वसू॑नाम् । वा॒ । च॒र्कृ॒षे॒ । इय॑क्षन् । धि॒या । वा॒ । य॒ज्ञैः । वा॒ । रोद॑स्योः ।
अर्व॑न्तः । वा॒ । ये । र॒यि॒ऽमन्तः॑ । सा॒तौ । व॒नुम् । वा॒ । ये । सु॒ऽश्रुण॑म् । सु॒ऽश्रुतः॑ । धुरिति॒ धुः ॥
Padapatha Devanagari Nonaccented
वसूनाम् । वा । चर्कृषे । इयक्षन् । धिया । वा । यज्ञैः । वा । रोदस्योः ।
अर्वन्तः । वा । ये । रयिऽमन्तः । सातौ । वनुम् । वा । ये । सुऽश्रुणम् । सुऽश्रुतः । धुरिति धुः ॥
Padapatha Transcription Accented
vásūnām ǀ vā ǀ carkṛṣe ǀ íyakṣan ǀ dhiyā́ ǀ vā ǀ yajñáiḥ ǀ vā ǀ ródasyoḥ ǀ
árvantaḥ ǀ vā ǀ yé ǀ rayi-mántaḥ ǀ sātáu ǀ vanúm ǀ vā ǀ yé ǀ su-śrúṇam ǀ su-śrútaḥ ǀ dhúríti dhúḥ ǁ
Padapatha Transcription Nonaccented
vasūnām ǀ vā ǀ carkṛṣe ǀ iyakṣan ǀ dhiyā ǀ vā ǀ yajñaiḥ ǀ vā ǀ rodasyoḥ ǀ
arvantaḥ ǀ vā ǀ ye ǀ rayi-mantaḥ ǀ sātau ǀ vanum ǀ vā ǀ ye ǀ su-śruṇam ǀ su-śrutaḥ ǀ dhuriti dhuḥ ǁ
10.074.02 (Mandala. Sukta. Rik)
8.3.05.02 (Ashtaka. Adhyaya. Varga. Rik)
10.06.056 (Mandala. Anuvāka. Rik)
Samhita Devanagari Accented
हव॑ एषा॒मसु॑रो नक्षत॒ द्यां श्र॑वस्य॒ता मन॑सा निंसत॒ क्षां ।
चक्षा॑णा॒ यत्र॑ सुवि॒ताय॑ दे॒वा द्यौर्न वारे॑भिः कृ॒णवं॑त॒ स्वैः ॥
Samhita Devanagari Nonaccented
हव एषामसुरो नक्षत द्यां श्रवस्यता मनसा निंसत क्षां ।
चक्षाणा यत्र सुविताय देवा द्यौर्न वारेभिः कृणवंत स्वैः ॥
Samhita Transcription Accented
háva eṣāmásuro nakṣata dyā́m śravasyatā́ mánasā niṃsata kṣā́m ǀ
cákṣāṇā yátra suvitā́ya devā́ dyáurná vā́rebhiḥ kṛṇávanta sváiḥ ǁ
Samhita Transcription Nonaccented
hava eṣāmasuro nakṣata dyām śravasyatā manasā niṃsata kṣām ǀ
cakṣāṇā yatra suvitāya devā dyaurna vārebhiḥ kṛṇavanta svaiḥ ǁ
Padapatha Devanagari Accented
हवः॑ । ए॒षा॒म् । असु॑रः । न॒क्ष॒त॒ । द्याम् । श्र॒व॒स्य॒ता । मन॑सा । निं॒स॒त॒ । क्षाम् ।
चक्षा॑णाः । यत्र॑ । सु॒वि॒ताय॑ । दे॒वाः । द्यौः । न । वारे॑भिः । कृ॒णव॑न्त । स्वैः ॥
Padapatha Devanagari Nonaccented
हवः । एषाम् । असुरः । नक्षत । द्याम् । श्रवस्यता । मनसा । निंसत । क्षाम् ।
चक्षाणाः । यत्र । सुविताय । देवाः । द्यौः । न । वारेभिः । कृणवन्त । स्वैः ॥
Padapatha Transcription Accented
hávaḥ ǀ eṣām ǀ ásuraḥ ǀ nakṣata ǀ dyā́m ǀ śravasyatā́ ǀ mánasā ǀ niṃsata ǀ kṣā́m ǀ
cákṣāṇāḥ ǀ yátra ǀ suvitā́ya ǀ devā́ḥ ǀ dyáuḥ ǀ ná ǀ vā́rebhiḥ ǀ kṛṇávanta ǀ sváiḥ ǁ
Padapatha Transcription Nonaccented
havaḥ ǀ eṣām ǀ asuraḥ ǀ nakṣata ǀ dyām ǀ śravasyatā ǀ manasā ǀ niṃsata ǀ kṣām ǀ
cakṣāṇāḥ ǀ yatra ǀ suvitāya ǀ devāḥ ǀ dyauḥ ǀ na ǀ vārebhiḥ ǀ kṛṇavanta ǀ svaiḥ ǁ
10.074.03 (Mandala. Sukta. Rik)
8.3.05.03 (Ashtaka. Adhyaya. Varga. Rik)
10.06.057 (Mandala. Anuvāka. Rik)
Samhita Devanagari Accented
इ॒यमे॑षाम॒मृता॑नां॒ गीः स॒र्वता॑ता॒ ये कृ॒पणं॑त॒ रत्नं॑ ।
धियं॑ च य॒ज्ञं च॒ साधं॑त॒स्ते नो॑ धांतु वस॒व्य१॒॑मसा॑मि ॥
Samhita Devanagari Nonaccented
इयमेषाममृतानां गीः सर्वताता ये कृपणंत रत्नं ।
धियं च यज्ञं च साधंतस्ते नो धांतु वसव्यमसामि ॥
Samhita Transcription Accented
iyámeṣāmamṛ́tānām gī́ḥ sarvátātā yé kṛpáṇanta rátnam ǀ
dhíyam ca yajñám ca sā́dhantasté no dhāntu vasavyámásāmi ǁ
Samhita Transcription Nonaccented
iyameṣāmamṛtānām gīḥ sarvatātā ye kṛpaṇanta ratnam ǀ
dhiyam ca yajñam ca sādhantaste no dhāntu vasavyamasāmi ǁ
Padapatha Devanagari Accented
इ॒यम् । ए॒षा॒म् । अ॒मृता॑नाम् । गीः । स॒र्वऽता॑ता । ये । कृ॒पण॑न्त । रत्न॑म् ।
धिय॑म् । च॒ । य॒ज्ञम् । च॒ । साध॑न्तः । ते । नः॒ । धा॒न्तु॒ । व॒स॒व्य॑म् । असा॑मि ॥
Padapatha Devanagari Nonaccented
इयम् । एषाम् । अमृतानाम् । गीः । सर्वऽताता । ये । कृपणन्त । रत्नम् ।
धियम् । च । यज्ञम् । च । साधन्तः । ते । नः । धान्तु । वसव्यम् । असामि ॥
Padapatha Transcription Accented
iyám ǀ eṣām ǀ amṛ́tānām ǀ gī́ḥ ǀ sarvá-tātā ǀ yé ǀ kṛpáṇanta ǀ rátnam ǀ
dhíyam ǀ ca ǀ yajñám ǀ ca ǀ sā́dhantaḥ ǀ té ǀ naḥ ǀ dhāntu ǀ vasavyám ǀ ásāmi ǁ
Padapatha Transcription Nonaccented
iyam ǀ eṣām ǀ amṛtānām ǀ gīḥ ǀ sarva-tātā ǀ ye ǀ kṛpaṇanta ǀ ratnam ǀ
dhiyam ǀ ca ǀ yajñam ǀ ca ǀ sādhantaḥ ǀ te ǀ naḥ ǀ dhāntu ǀ vasavyam ǀ asāmi ǁ
10.074.04 (Mandala. Sukta. Rik)
8.3.05.04 (Ashtaka. Adhyaya. Varga. Rik)
10.06.058 (Mandala. Anuvāka. Rik)
Samhita Devanagari Accented
आ तत्त॑ इंद्रा॒यवः॑ पनंता॒भि य ऊ॒र्वं गोमं॑तं॒ तितृ॑त्सान् ।
स॒कृ॒त्स्वं१॒॑ ये पु॑रुपु॒त्रां म॒हीं स॒हस्र॑धारां बृह॒तीं दुदु॑क्षन् ॥
Samhita Devanagari Nonaccented
आ तत्त इंद्रायवः पनंताभि य ऊर्वं गोमंतं तितृत्सान् ।
सकृत्स्वं ये पुरुपुत्रां महीं सहस्रधारां बृहतीं दुदुक्षन् ॥
Samhita Transcription Accented
ā́ tátta indrāyávaḥ panantābhí yá ūrvám gómantam títṛtsān ǀ
sakṛtsvám yé puruputrā́m mahī́m sahásradhārām bṛhatī́m dúdukṣan ǁ
Samhita Transcription Nonaccented
ā tatta indrāyavaḥ panantābhi ya ūrvam gomantam titṛtsān ǀ
sakṛtsvam ye puruputrām mahīm sahasradhārām bṛhatīm dudukṣan ǁ
Padapatha Devanagari Accented
आ । तत् । ते॒ । इ॒न्द्र॒ । आ॒यवः॑ । प॒न॒न्त॒ । अ॒भि । ये । ऊ॒र्वम् । गोऽम॑न्तम् । तितृ॑त्सान् ।
स॒कृ॒त्ऽस्व॑म् । ये । पु॒रु॒ऽपु॒त्राम् । म॒हीम् । स॒हस्र॑ऽधाराम् । बृ॒ह॒तीम् । दुधु॑क्षन् ॥
Padapatha Devanagari Nonaccented
आ । तत् । ते । इन्द्र । आयवः । पनन्त । अभि । ये । ऊर्वम् । गोऽमन्तम् । तितृत्सान् ।
सकृत्ऽस्वम् । ये । पुरुऽपुत्राम् । महीम् । सहस्रऽधाराम् । बृहतीम् । दुधुक्षन् ॥
Padapatha Transcription Accented
ā́ ǀ tát ǀ te ǀ indra ǀ āyávaḥ ǀ pananta ǀ abhí ǀ yé ǀ ūrvám ǀ gó-mantam ǀ títṛtsān ǀ
sakṛt-svám ǀ yé ǀ puru-putrā́m ǀ mahī́m ǀ sahásra-dhārām ǀ bṛhatī́m ǀ dúdhukṣan ǁ
Padapatha Transcription Nonaccented
ā ǀ tat ǀ te ǀ indra ǀ āyavaḥ ǀ pananta ǀ abhi ǀ ye ǀ ūrvam ǀ go-mantam ǀ titṛtsān ǀ
sakṛt-svam ǀ ye ǀ puru-putrām ǀ mahīm ǀ sahasra-dhārām ǀ bṛhatīm ǀ dudhukṣan ǁ
10.074.05 (Mandala. Sukta. Rik)
8.3.05.05 (Ashtaka. Adhyaya. Varga. Rik)
10.06.059 (Mandala. Anuvāka. Rik)
Samhita Devanagari Accented
शची॑व॒ इंद्र॒मव॑से कृणुध्व॒मना॑नतं द॒मयं॑तं पृत॒न्यून् ।
ऋ॒भु॒क्षणं॑ म॒घवा॑नं सुवृ॒क्तिं भर्ता॒ यो वज्रं॒ नर्यं॑ पुरु॒क्षुः ॥
Samhita Devanagari Nonaccented
शचीव इंद्रमवसे कृणुध्वमनानतं दमयंतं पृतन्यून् ।
ऋभुक्षणं मघवानं सुवृक्तिं भर्ता यो वज्रं नर्यं पुरुक्षुः ॥
Samhita Transcription Accented
śácīva índramávase kṛṇudhvamánānatam damáyantam pṛtanyū́n ǀ
ṛbhukṣáṇam maghávānam suvṛktím bhártā yó vájram náryam purukṣúḥ ǁ
Samhita Transcription Nonaccented
śacīva indramavase kṛṇudhvamanānatam damayantam pṛtanyūn ǀ
ṛbhukṣaṇam maghavānam suvṛktim bhartā yo vajram naryam purukṣuḥ ǁ
Padapatha Devanagari Accented
शची॑ऽवः । इन्द्र॑म् । अव॑से । कृ॒णु॒ध्व॒म् । अना॑नतम् । द॒मय॑न्तम् । पृ॒त॒न्यून् ।
ऋ॒भु॒क्षण॑म् । म॒घऽवा॑नम् । सु॒ऽवृ॒क्तिम् । भर्ता॑ । यः । वज्र॑म् । नर्य॑म् । पु॒रु॒ऽक्षुः ॥
Padapatha Devanagari Nonaccented
शचीऽवः । इन्द्रम् । अवसे । कृणुध्वम् । अनानतम् । दमयन्तम् । पृतन्यून् ।
ऋभुक्षणम् । मघऽवानम् । सुऽवृक्तिम् । भर्ता । यः । वज्रम् । नर्यम् । पुरुऽक्षुः ॥
Padapatha Transcription Accented
śácī-vaḥ ǀ índram ǀ ávase ǀ kṛṇudhvam ǀ ánānatam ǀ damáyantam ǀ pṛtanyū́n ǀ
ṛbhukṣáṇam ǀ maghá-vānam ǀ su-vṛktím ǀ bhártā ǀ yáḥ ǀ vájram ǀ náryam ǀ puru-kṣúḥ ǁ
Padapatha Transcription Nonaccented
śacī-vaḥ ǀ indram ǀ avase ǀ kṛṇudhvam ǀ anānatam ǀ damayantam ǀ pṛtanyūn ǀ
ṛbhukṣaṇam ǀ magha-vānam ǀ su-vṛktim ǀ bhartā ǀ yaḥ ǀ vajram ǀ naryam ǀ puru-kṣuḥ ǁ
10.074.06 (Mandala. Sukta. Rik)
8.3.05.06 (Ashtaka. Adhyaya. Varga. Rik)
10.06.060 (Mandala. Anuvāka. Rik)
Samhita Devanagari Accented
यद्वा॒वान॑ पुरु॒तमं॑ पुरा॒षाळा वृ॑त्र॒हेंद्रो॒ नामा॑न्यप्राः ।
अचे॑ति प्रा॒सह॒स्पति॒स्तुवि॑ष्मा॒न्यदी॑मु॒श्मसि॒ कर्त॑वे॒ कर॒त्तत् ॥
Samhita Devanagari Nonaccented
यद्वावान पुरुतमं पुराषाळा वृत्रहेंद्रो नामान्यप्राः ।
अचेति प्रासहस्पतिस्तुविष्मान्यदीमुश्मसि कर्तवे करत्तत् ॥
Samhita Transcription Accented
yádvāvā́na purutámam purāṣā́ḷā́ vṛtrahéndro nā́mānyaprāḥ ǀ
áceti prāsáhaspátistúviṣmānyádīmuśmási kártave kárattát ǁ
Samhita Transcription Nonaccented
yadvāvāna purutamam purāṣāḷā vṛtrahendro nāmānyaprāḥ ǀ
aceti prāsahaspatistuviṣmānyadīmuśmasi kartave karattat ǁ
Padapatha Devanagari Accented
यत् । व॒वान॑ । पु॒रु॒ऽतम॑म् । पु॒रा॒षाट् । आ । वृ॒त्र॒ऽहा । इन्द्रः॑ । नामा॑नि । अ॒प्राः॒ ।
अचे॑ति । प्र॒ऽसहः॑ । पतिः॑ । तुवि॑ष्मान् । यत् । ई॒म् । उ॒श्मसि॑ । कर्त॑वे । कर॑त् । तत् ॥
Padapatha Devanagari Nonaccented
यत् । ववान । पुरुऽतमम् । पुराषाट् । आ । वृत्रऽहा । इन्द्रः । नामानि । अप्राः ।
अचेति । प्रऽसहः । पतिः । तुविष्मान् । यत् । ईम् । उश्मसि । कर्तवे । करत् । तत् ॥
Padapatha Transcription Accented
yát ǀ vavā́na ǀ puru-támam ǀ purāṣā́ṭ ǀ ā́ ǀ vṛtra-hā́ ǀ índraḥ ǀ nā́māni ǀ aprāḥ ǀ
áceti ǀ pra-sáhaḥ ǀ pátiḥ ǀ túviṣmān ǀ yát ǀ īm ǀ uśmási ǀ kártave ǀ kárat ǀ tát ǁ
Padapatha Transcription Nonaccented
yat ǀ vavāna ǀ puru-tamam ǀ purāṣāṭ ǀ ā ǀ vṛtra-hā ǀ indraḥ ǀ nāmāni ǀ aprāḥ ǀ
aceti ǀ pra-sahaḥ ǀ patiḥ ǀ tuviṣmān ǀ yat ǀ īm ǀ uśmasi ǀ kartave ǀ karat ǀ tat ǁ