|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 75
|
1. Info |
| To: | sindhu | |
| From: | sindhukṣit praiyamedha | |
| Metres: | 1st set of styles: virāḍjagatī (2, 3); svarāḍārcījagatī (5, 7); pādanicṛjjgatī (8, 9); nicṛjjagatī (1); jagatī (4); bhurigārcījagatī (6) 2nd set of styles: jagatī |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.075.01 (Mandala. Sukta. Rik)
8.3.06.01 (Ashtaka. Adhyaya. Varga. Rik)
10.06.061 (Mandala. Anuvāka. Rik)
Samhita Devanagari Accented
प्र सु व॑ आपो महि॒मान॑मुत्त॒मं का॒रुर्वो॑चाति॒ सद॑ने वि॒वस्व॑तः ।
प्र स॒प्तस॑प्त त्रे॒धा हि च॑क्र॒मुः प्र सृत्व॑रीणा॒मति॒ सिंधु॒रोज॑सा ॥
Samhita Devanagari Nonaccented
प्र सु व आपो महिमानमुत्तमं कारुर्वोचाति सदने विवस्वतः ।
प्र सप्तसप्त त्रेधा हि चक्रमुः प्र सृत्वरीणामति सिंधुरोजसा ॥
Samhita Transcription Accented
prá sú va āpo mahimā́namuttamám kārúrvocāti sádane vivásvataḥ ǀ
prá saptásapta tredhā́ hí cakramúḥ prá sṛ́tvarīṇāmáti síndhurójasā ǁ
Samhita Transcription Nonaccented
pra su va āpo mahimānamuttamam kārurvocāti sadane vivasvataḥ ǀ
pra saptasapta tredhā hi cakramuḥ pra sṛtvarīṇāmati sindhurojasā ǁ
Padapatha Devanagari Accented
प्र । सु । वः॒ । आ॒पः॒ । म॒हि॒मान॑म् । उ॒त्ऽत॒मम् । का॒रुः । वो॒चा॒ति॒ । सद॑ने । वि॒वस्व॑तः ।
प्र । स॒प्तऽस॑प्त । त्रे॒धा । हि । च॒क्र॒मुः । प्र । सृत्व॑रीणाम् । अति॑ । सिन्धुः॑ । ओज॑सा ॥
Padapatha Devanagari Nonaccented
प्र । सु । वः । आपः । महिमानम् । उत्ऽतमम् । कारुः । वोचाति । सदने । विवस्वतः ।
प्र । सप्तऽसप्त । त्रेधा । हि । चक्रमुः । प्र । सृत्वरीणाम् । अति । सिन्धुः । ओजसा ॥
Padapatha Transcription Accented
prá ǀ sú ǀ vaḥ ǀ āpaḥ ǀ mahimā́nam ǀ ut-tamám ǀ kārúḥ ǀ vocāti ǀ sádane ǀ vivásvataḥ ǀ
prá ǀ saptá-sapta ǀ tredhā́ ǀ hí ǀ cakramúḥ ǀ prá ǀ sṛ́tvarīṇām ǀ áti ǀ síndhuḥ ǀ ójasā ǁ
Padapatha Transcription Nonaccented
pra ǀ su ǀ vaḥ ǀ āpaḥ ǀ mahimānam ǀ ut-tamam ǀ kāruḥ ǀ vocāti ǀ sadane ǀ vivasvataḥ ǀ
pra ǀ sapta-sapta ǀ tredhā ǀ hi ǀ cakramuḥ ǀ pra ǀ sṛtvarīṇām ǀ ati ǀ sindhuḥ ǀ ojasā ǁ
10.075.02 (Mandala. Sukta. Rik)
8.3.06.02 (Ashtaka. Adhyaya. Varga. Rik)
10.06.062 (Mandala. Anuvāka. Rik)
Samhita Devanagari Accented
प्र ते॑ऽरद॒द्वरु॑णो॒ यात॑वे प॒थः सिंधो॒ यद्वाजाँ॑ अ॒भ्यद्र॑व॒स्त्वं ।
भूम्या॒ अधि॑ प्र॒वता॑ यासि॒ सानु॑ना॒ यदे॑षा॒मग्रं॒ जग॑तामिर॒ज्यसि॑ ॥
Samhita Devanagari Nonaccented
प्र तेऽरदद्वरुणो यातवे पथः सिंधो यद्वाजाँ अभ्यद्रवस्त्वं ।
भूम्या अधि प्रवता यासि सानुना यदेषामग्रं जगतामिरज्यसि ॥
Samhita Transcription Accented
prá te’radadváruṇo yā́tave patháḥ síndho yádvā́jām̐ abhyádravastvám ǀ
bhū́myā ádhi pravátā yāsi sā́nunā yádeṣāmágram jágatāmirajyási ǁ
Samhita Transcription Nonaccented
pra te’radadvaruṇo yātave pathaḥ sindho yadvājām̐ abhyadravastvam ǀ
bhūmyā adhi pravatā yāsi sānunā yadeṣāmagram jagatāmirajyasi ǁ
Padapatha Devanagari Accented
प्र । ते॒ । अ॒र॒द॒त् । वरु॑णः । यात॑वे । प॒थः । सिन्धो॒ इति॑ । यत् । वाजा॑न् । अ॒भि । अद्र॑वः । त्वम् ।
भूम्याः॑ । अधि॑ । प्र॒ऽवता॑ । या॒सि॒ । सानु॑ना । यत् । ए॒षा॒म् । अग्र॑म् । जग॑ताम् । इ॒र॒ज्यसि॑ ॥
Padapatha Devanagari Nonaccented
प्र । ते । अरदत् । वरुणः । यातवे । पथः । सिन्धो इति । यत् । वाजान् । अभि । अद्रवः । त्वम् ।
भूम्याः । अधि । प्रऽवता । यासि । सानुना । यत् । एषाम् । अग्रम् । जगताम् । इरज्यसि ॥
Padapatha Transcription Accented
prá ǀ te ǀ aradat ǀ váruṇaḥ ǀ yā́tave ǀ patháḥ ǀ síndho íti ǀ yát ǀ vā́jān ǀ abhí ǀ ádravaḥ ǀ tvám ǀ
bhū́myāḥ ǀ ádhi ǀ pra-vátā ǀ yāsi ǀ sā́nunā ǀ yát ǀ eṣām ǀ ágram ǀ jágatām ǀ irajyási ǁ
Padapatha Transcription Nonaccented
pra ǀ te ǀ aradat ǀ varuṇaḥ ǀ yātave ǀ pathaḥ ǀ sindho iti ǀ yat ǀ vājān ǀ abhi ǀ adravaḥ ǀ tvam ǀ
bhūmyāḥ ǀ adhi ǀ pra-vatā ǀ yāsi ǀ sānunā ǀ yat ǀ eṣām ǀ agram ǀ jagatām ǀ irajyasi ǁ
10.075.03 (Mandala. Sukta. Rik)
8.3.06.03 (Ashtaka. Adhyaya. Varga. Rik)
10.06.063 (Mandala. Anuvāka. Rik)
Samhita Devanagari Accented
दि॒वि स्व॒नो य॑तते॒ भूम्यो॒पर्य॑नं॒तं शुष्म॒मुदि॑यर्ति भा॒नुना॑ ।
अ॒भ्रादि॑व॒ प्र स्त॑नयंति वृ॒ष्टयः॒ सिंधु॒र्यदेति॑ वृष॒भो न रोरु॑वत् ॥
Samhita Devanagari Nonaccented
दिवि स्वनो यतते भूम्योपर्यनंतं शुष्ममुदियर्ति भानुना ।
अभ्रादिव प्र स्तनयंति वृष्टयः सिंधुर्यदेति वृषभो न रोरुवत् ॥
Samhita Transcription Accented
diví svanó yatate bhū́myopáryanantám śúṣmamúdiyarti bhānúnā ǀ
abhrā́diva prá stanayanti vṛṣṭáyaḥ síndhuryádéti vṛṣabhó ná róruvat ǁ
Samhita Transcription Nonaccented
divi svano yatate bhūmyoparyanantam śuṣmamudiyarti bhānunā ǀ
abhrādiva pra stanayanti vṛṣṭayaḥ sindhuryadeti vṛṣabho na roruvat ǁ
Padapatha Devanagari Accented
दि॒वि । स्व॒नः । य॒त॒ते॒ । भूम्या॑ । उ॒परि॑ । अ॒न॒न्तम् । शुष्म॑म् । उत् । इ॒य॒र्ति॒ । भा॒नुना॑ ।
अ॒भ्रात्ऽइ॑व । प्र । स्त॒न॒य॒न्ति॒ । वृ॒ष्टयः॑ । सिन्धुः॑ । यत् । एति॑ । वृ॒ष॒भः । न । रोरु॑वत् ॥
Padapatha Devanagari Nonaccented
दिवि । स्वनः । यतते । भूम्या । उपरि । अनन्तम् । शुष्मम् । उत् । इयर्ति । भानुना ।
अभ्रात्ऽइव । प्र । स्तनयन्ति । वृष्टयः । सिन्धुः । यत् । एति । वृषभः । न । रोरुवत् ॥
Padapatha Transcription Accented
diví ǀ svanáḥ ǀ yatate ǀ bhū́myā ǀ upári ǀ anantám ǀ śúṣmam ǀ út ǀ iyarti ǀ bhānúnā ǀ
abhrā́t-iva ǀ prá ǀ stanayanti ǀ vṛṣṭáyaḥ ǀ síndhuḥ ǀ yát ǀ éti ǀ vṛṣabháḥ ǀ ná ǀ róruvat ǁ
Padapatha Transcription Nonaccented
divi ǀ svanaḥ ǀ yatate ǀ bhūmyā ǀ upari ǀ anantam ǀ śuṣmam ǀ ut ǀ iyarti ǀ bhānunā ǀ
abhrāt-iva ǀ pra ǀ stanayanti ǀ vṛṣṭayaḥ ǀ sindhuḥ ǀ yat ǀ eti ǀ vṛṣabhaḥ ǀ na ǀ roruvat ǁ
10.075.04 (Mandala. Sukta. Rik)
8.3.06.04 (Ashtaka. Adhyaya. Varga. Rik)
10.06.064 (Mandala. Anuvāka. Rik)
Samhita Devanagari Accented
अ॒भि त्वा॑ सिंधो॒ शिशु॒मिन्न मा॒तरो॑ वा॒श्रा अ॑र्षंति॒ पय॑सेव धे॒नवः॑ ।
राजे॑व॒ युध्वा॑ नयसि॒ त्वमित्सिचौ॒ यदा॑सा॒मग्रं॑ प्र॒वता॒मिन॑क्षसि ॥
Samhita Devanagari Nonaccented
अभि त्वा सिंधो शिशुमिन्न मातरो वाश्रा अर्षंति पयसेव धेनवः ।
राजेव युध्वा नयसि त्वमित्सिचौ यदासामग्रं प्रवतामिनक्षसि ॥
Samhita Transcription Accented
abhí tvā sindho śíśumínná mātáro vāśrā́ arṣanti páyaseva dhenávaḥ ǀ
rā́jeva yúdhvā nayasi tvámítsícau yádāsāmágram pravátāmínakṣasi ǁ
Samhita Transcription Nonaccented
abhi tvā sindho śiśuminna mātaro vāśrā arṣanti payaseva dhenavaḥ ǀ
rājeva yudhvā nayasi tvamitsicau yadāsāmagram pravatāminakṣasi ǁ
Padapatha Devanagari Accented
अ॒भि । त्वा॒ । सि॒न्धो॒ इति॑ । शिशु॑म् । इत् । न । मा॒तरः॑ । वा॒श्राः । अ॒र्ष॒न्ति॒ । पय॑साऽइव । धे॒नवः॑ ।
राजा॑ऽइव । युध्वा॑ । न॒य॒सि॒ । त्वम् । इत् । सिचौ॑ । यत् । आ॒सा॒म् । अग्र॑म् । प्र॒ऽवता॑म् । इन॑क्षसि ॥
Padapatha Devanagari Nonaccented
अभि । त्वा । सिन्धो इति । शिशुम् । इत् । न । मातरः । वाश्राः । अर्षन्ति । पयसाऽइव । धेनवः ।
राजाऽइव । युध्वा । नयसि । त्वम् । इत् । सिचौ । यत् । आसाम् । अग्रम् । प्रऽवताम् । इनक्षसि ॥
Padapatha Transcription Accented
abhí ǀ tvā ǀ sindho íti ǀ śíśum ǀ ít ǀ ná ǀ mātáraḥ ǀ vāśrā́ḥ ǀ arṣanti ǀ páyasā-iva ǀ dhenávaḥ ǀ
rā́jā-iva ǀ yúdhvā ǀ nayasi ǀ tvám ǀ ít ǀ sícau ǀ yát ǀ āsām ǀ ágram ǀ pra-vátām ǀ ínakṣasi ǁ
Padapatha Transcription Nonaccented
abhi ǀ tvā ǀ sindho iti ǀ śiśum ǀ it ǀ na ǀ mātaraḥ ǀ vāśrāḥ ǀ arṣanti ǀ payasā-iva ǀ dhenavaḥ ǀ
rājā-iva ǀ yudhvā ǀ nayasi ǀ tvam ǀ it ǀ sicau ǀ yat ǀ āsām ǀ agram ǀ pra-vatām ǀ inakṣasi ǁ
10.075.05 (Mandala. Sukta. Rik)
8.3.06.05 (Ashtaka. Adhyaya. Varga. Rik)
10.06.065 (Mandala. Anuvāka. Rik)
Samhita Devanagari Accented
इ॒मं मे॑ गंगे यमुने सरस्वति॒ शुतु॑द्रि॒ स्तोमं॑ सचता॒ परु॒ष्ण्या ।
अ॒सि॒क्न्या म॑रुद्वृधे वि॒तस्त॒यार्जी॑कीये शृणु॒ह्या सु॒षोम॑या ॥
Samhita Devanagari Nonaccented
इमं मे गंगे यमुने सरस्वति शुतुद्रि स्तोमं सचता परुष्ण्या ।
असिक्न्या मरुद्वृधे वितस्तयार्जीकीये शृणुह्या सुषोमया ॥
Samhita Transcription Accented
imám me gaṅge yamune sarasvati śútudri stómam sacatā páruṣṇyā́ ǀ
asiknyā́ marudvṛdhe vitástayā́rjīkīye śṛṇuhyā́ suṣómayā ǁ
Samhita Transcription Nonaccented
imam me gaṅge yamune sarasvati śutudri stomam sacatā paruṣṇyā ǀ
asiknyā marudvṛdhe vitastayārjīkīye śṛṇuhyā suṣomayā ǁ
Padapatha Devanagari Accented
इ॒मम् । मे॒ । ग॒ङ्गे॒ । य॒मु॒ने॒ । स॒र॒स्व॒ति॒ । शुतु॑द्रि । स्तोम॑म् । स॒च॒त॒ । परु॑ष्णि । आ ।
अ॒सि॒क्न्या । म॒रु॒त्ऽवृ॒धे॒ । वि॒तस्त॑या । आर्जी॑कीये । शृ॒णु॒हि । आ । सु॒ऽसोम॑या ॥
Padapatha Devanagari Nonaccented
इमम् । मे । गङ्गे । यमुने । सरस्वति । शुतुद्रि । स्तोमम् । सचत । परुष्णि । आ ।
असिक्न्या । मरुत्ऽवृधे । वितस्तया । आर्जीकीये । शृणुहि । आ । सुऽसोमया ॥
Padapatha Transcription Accented
imám ǀ me ǀ gaṅge ǀ yamune ǀ sarasvati ǀ śútudri ǀ stómam ǀ sacata ǀ páruṣṇi ǀ ā́ ǀ
asiknyā́ ǀ marut-vṛdhe ǀ vitástayā ǀ ā́rjīkīye ǀ śṛṇuhí ǀ ā́ ǀ su-sómayā ǁ
Padapatha Transcription Nonaccented
imam ǀ me ǀ gaṅge ǀ yamune ǀ sarasvati ǀ śutudri ǀ stomam ǀ sacata ǀ paruṣṇi ǀ ā ǀ
asiknyā ǀ marut-vṛdhe ǀ vitastayā ǀ ārjīkīye ǀ śṛṇuhi ǀ ā ǀ su-somayā ǁ
10.075.06 (Mandala. Sukta. Rik)
8.3.07.01 (Ashtaka. Adhyaya. Varga. Rik)
10.06.066 (Mandala. Anuvāka. Rik)
Samhita Devanagari Accented
तृ॒ष्टाम॑या प्रथ॒मं यात॑वे स॒जूः सु॒सर्त्वा॑ र॒सया॑ श्वे॒त्या त्या ।
त्वं सिं॑धो॒ कुभ॑या गोम॒तीं क्रुमुं॑ मेह॒त्न्वा स॒रथं॒ याभि॒रीय॑से ॥
Samhita Devanagari Nonaccented
तृष्टामया प्रथमं यातवे सजूः सुसर्त्वा रसया श्वेत्या त्या ।
त्वं सिंधो कुभया गोमतीं क्रुमुं मेहत्न्वा सरथं याभिरीयसे ॥
Samhita Transcription Accented
tṛṣṭā́mayā prathamám yā́tave sajū́ḥ susártvā rasáyā śvetyā́ tyā́ ǀ
tvám sindho kúbhayā gomatī́m krúmum mehatnvā́ sarátham yā́bhirī́yase ǁ
Samhita Transcription Nonaccented
tṛṣṭāmayā prathamam yātave sajūḥ susartvā rasayā śvetyā tyā ǀ
tvam sindho kubhayā gomatīm krumum mehatnvā saratham yābhirīyase ǁ
Padapatha Devanagari Accented
तृ॒ष्टऽअ॑मया । प्र॒थ॒मम् । यात॑वे । स॒ऽजूः । सु॒ऽसर्त्वा॑ । र॒सया॑ । श्वे॒त्या । त्या ।
त्वम् । सि॒न्धो॒ इति॑ । कुभ॑या । गो॒ऽम॒तीम् । क्रुमु॑म् । मे॒ह॒त्न्वा । स॒ऽरथ॑म् । याभिः॑ । ईय॑से ॥
Padapatha Devanagari Nonaccented
तृष्टऽअमया । प्रथमम् । यातवे । सऽजूः । सुऽसर्त्वा । रसया । श्वेत्या । त्या ।
त्वम् । सिन्धो इति । कुभया । गोऽमतीम् । क्रुमुम् । मेहत्न्वा । सऽरथम् । याभिः । ईयसे ॥
Padapatha Transcription Accented
tṛṣṭá-amayā ǀ prathamám ǀ yā́tave ǀ sa-jū́ḥ ǀ su-sártvā ǀ rasáyā ǀ śvetyā́ ǀ tyā́ ǀ
tvám ǀ sindho íti ǀ kúbhayā ǀ go-matī́m ǀ krúmum ǀ mehatnvā́ ǀ sa-rátham ǀ yā́bhiḥ ǀ ī́yase ǁ
Padapatha Transcription Nonaccented
tṛṣṭa-amayā ǀ prathamam ǀ yātave ǀ sa-jūḥ ǀ su-sartvā ǀ rasayā ǀ śvetyā ǀ tyā ǀ
tvam ǀ sindho iti ǀ kubhayā ǀ go-matīm ǀ krumum ǀ mehatnvā ǀ sa-ratham ǀ yābhiḥ ǀ īyase ǁ
10.075.07 (Mandala. Sukta. Rik)
8.3.07.02 (Ashtaka. Adhyaya. Varga. Rik)
10.06.067 (Mandala. Anuvāka. Rik)
Samhita Devanagari Accented
ऋजी॒त्येनी॒ रुश॑ती महि॒त्वा परि॒ ज्रयां॑सि भरते॒ रजां॑सि ।
अद॑ब्धा॒ सिंधु॑र॒पसा॑म॒पस्त॒माश्वा॒ न चि॒त्रा वपु॑षीव दर्श॒ता ॥
Samhita Devanagari Nonaccented
ऋजीत्येनी रुशती महित्वा परि ज्रयांसि भरते रजांसि ।
अदब्धा सिंधुरपसामपस्तमाश्वा न चित्रा वपुषीव दर्शता ॥
Samhita Transcription Accented
ṛ́jītyénī rúśatī mahitvā́ pári jráyāṃsi bharate rájāṃsi ǀ
ádabdhā síndhurapásāmapástamā́śvā ná citrā́ vápuṣīva darśatā́ ǁ
Samhita Transcription Nonaccented
ṛjītyenī ruśatī mahitvā pari jrayāṃsi bharate rajāṃsi ǀ
adabdhā sindhurapasāmapastamāśvā na citrā vapuṣīva darśatā ǁ
Padapatha Devanagari Accented
ऋजी॑ती । एनी॑ । रुश॑ती । म॒हि॒ऽत्वा । परि॑ । ज्रयां॑सि । भ॒र॒ते॒ । रजां॑सि ।
अद॑ब्धा । सिन्धुः॑ । अ॒पसा॑म् । अ॒पःऽत॑मा । अश्वा॑ । न । चि॒त्रा । वपु॑षीऽइव । द॒र्श॒ता ॥
Padapatha Devanagari Nonaccented
ऋजीती । एनी । रुशती । महिऽत्वा । परि । ज्रयांसि । भरते । रजांसि ।
अदब्धा । सिन्धुः । अपसाम् । अपःऽतमा । अश्वा । न । चित्रा । वपुषीऽइव । दर्शता ॥
Padapatha Transcription Accented
ṛ́jītī ǀ énī ǀ rúśatī ǀ mahi-tvā́ ǀ pári ǀ jráyāṃsi ǀ bharate ǀ rájāṃsi ǀ
ádabdhā ǀ síndhuḥ ǀ apásām ǀ apáḥ-tamā ǀ áśvā ǀ ná ǀ citrā́ ǀ vápuṣī-iva ǀ darśatā́ ǁ
Padapatha Transcription Nonaccented
ṛjītī ǀ enī ǀ ruśatī ǀ mahi-tvā ǀ pari ǀ jrayāṃsi ǀ bharate ǀ rajāṃsi ǀ
adabdhā ǀ sindhuḥ ǀ apasām ǀ apaḥ-tamā ǀ aśvā ǀ na ǀ citrā ǀ vapuṣī-iva ǀ darśatā ǁ
10.075.08 (Mandala. Sukta. Rik)
8.3.07.03 (Ashtaka. Adhyaya. Varga. Rik)
10.06.068 (Mandala. Anuvāka. Rik)
Samhita Devanagari Accented
स्वश्वा॒ सिंधुः॑ सु॒रथा॑ सु॒वासा॑ हिर॒ण्ययी॒ सुकृ॑ता वा॒जिनी॑वती ।
ऊर्णा॑वती युव॒तिः सी॒लमा॑वत्यु॒ताधि॑ वस्ते सु॒भगा॑ मधु॒वृधं॑ ॥
Samhita Devanagari Nonaccented
स्वश्वा सिंधुः सुरथा सुवासा हिरण्ययी सुकृता वाजिनीवती ।
ऊर्णावती युवतिः सीलमावत्युताधि वस्ते सुभगा मधुवृधं ॥
Samhita Transcription Accented
sváśvā síndhuḥ suráthā suvā́sā hiraṇyáyī súkṛtā vājínīvatī ǀ
ū́rṇāvatī yuvatíḥ sīlámāvatyutā́dhi vaste subhágā madhuvṛ́dham ǁ
Samhita Transcription Nonaccented
svaśvā sindhuḥ surathā suvāsā hiraṇyayī sukṛtā vājinīvatī ǀ
ūrṇāvatī yuvatiḥ sīlamāvatyutādhi vaste subhagā madhuvṛdham ǁ
Padapatha Devanagari Accented
सु॒ऽअश्वा॑ । सिन्धुः॑ । सु॒ऽरथा॑ । सु॒ऽवासाः॑ । हि॒र॒ण्ययी॑ । सुऽकृ॑ता । वा॒जिनी॑ऽवती ।
ऊर्णा॑ऽवती । यु॒व॒तिः । सी॒लमा॑ऽवती । उ॒त । अधि॑ । व॒स्ते॒ । सु॒ऽभगा॑ । म॒धु॒ऽवृध॑म् ॥
Padapatha Devanagari Nonaccented
सुऽअश्वा । सिन्धुः । सुऽरथा । सुऽवासाः । हिरण्ययी । सुऽकृता । वाजिनीऽवती ।
ऊर्णाऽवती । युवतिः । सीलमाऽवती । उत । अधि । वस्ते । सुऽभगा । मधुऽवृधम् ॥
Padapatha Transcription Accented
su-áśvā ǀ síndhuḥ ǀ su-ráthā ǀ su-vā́sāḥ ǀ hiraṇyáyī ǀ sú-kṛtā ǀ vājínī-vatī ǀ
ū́rṇā-vatī ǀ yuvatíḥ ǀ sīlámā-vatī ǀ utá ǀ ádhi ǀ vaste ǀ su-bhágā ǀ madhu-vṛ́dham ǁ
Padapatha Transcription Nonaccented
su-aśvā ǀ sindhuḥ ǀ su-rathā ǀ su-vāsāḥ ǀ hiraṇyayī ǀ su-kṛtā ǀ vājinī-vatī ǀ
ūrṇā-vatī ǀ yuvatiḥ ǀ sīlamā-vatī ǀ uta ǀ adhi ǀ vaste ǀ su-bhagā ǀ madhu-vṛdham ǁ
10.075.09 (Mandala. Sukta. Rik)
8.3.07.04 (Ashtaka. Adhyaya. Varga. Rik)
10.06.069 (Mandala. Anuvāka. Rik)
Samhita Devanagari Accented
सु॒खं रथं॑ युयुजे॒ सिंधु॑र॒श्विनं॒ तेन॒ वाजं॑ सनिषद॒स्मिन्ना॒जौ ।
म॒हान्ह्य॑स्य महि॒मा प॑न॒स्यतेऽद॑ब्धस्य॒ स्वय॑शसो विर॒प्शिनः॑ ॥
Samhita Devanagari Nonaccented
सुखं रथं युयुजे सिंधुरश्विनं तेन वाजं सनिषदस्मिन्नाजौ ।
महान्ह्यस्य महिमा पनस्यतेऽदब्धस्य स्वयशसो विरप्शिनः ॥
Samhita Transcription Accented
sukhám rátham yuyuje síndhuraśvínam téna vā́jam saniṣadasmínnājáu ǀ
mahā́nhyásya mahimā́ panasyáté’dabdhasya sváyaśaso virapśínaḥ ǁ
Samhita Transcription Nonaccented
sukham ratham yuyuje sindhuraśvinam tena vājam saniṣadasminnājau ǀ
mahānhyasya mahimā panasyate’dabdhasya svayaśaso virapśinaḥ ǁ
Padapatha Devanagari Accented
सु॒ऽखम् । रथ॑म् । यु॒यु॒जे॒ । सिन्धुः॑ । अ॒श्विन॑म् । तेन॑ । वाज॑म् । स॒नि॒ष॒त् । अ॒स्मिन् । आ॒जौ ।
म॒हान् । हि । अ॒स्य॒ । म॒हि॒मा । प॒न॒स्यते॑ । अद॑ब्धस्य । स्वऽय॑शसः । वि॒ऽर॒प्शिनः॑ ॥
Padapatha Devanagari Nonaccented
सुऽखम् । रथम् । युयुजे । सिन्धुः । अश्विनम् । तेन । वाजम् । सनिषत् । अस्मिन् । आजौ ।
महान् । हि । अस्य । महिमा । पनस्यते । अदब्धस्य । स्वऽयशसः । विऽरप्शिनः ॥
Padapatha Transcription Accented
su-khám ǀ rátham ǀ yuyuje ǀ síndhuḥ ǀ aśvínam ǀ téna ǀ vā́jam ǀ saniṣat ǀ asmín ǀ ājáu ǀ
mahā́n ǀ hí ǀ asya ǀ mahimā́ ǀ panasyáte ǀ ádabdhasya ǀ svá-yaśasaḥ ǀ vi-rapśínaḥ ǁ
Padapatha Transcription Nonaccented
su-kham ǀ ratham ǀ yuyuje ǀ sindhuḥ ǀ aśvinam ǀ tena ǀ vājam ǀ saniṣat ǀ asmin ǀ ājau ǀ
mahān ǀ hi ǀ asya ǀ mahimā ǀ panasyate ǀ adabdhasya ǀ sva-yaśasaḥ ǀ vi-rapśinaḥ ǁ