|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 76
|
1. Info |
| To: | grāvāṇaḥ | |
| From: | jaratkarṇa airāvata | |
| Metres: | 1st set of styles: pādanicṛjjgatī (1, 6, 8); svarāḍārcījagatī (2, 3); nicṛjjagatī (4, 7); āsurīsvarāḍārcīnicṛjjagatī (5) 2nd set of styles: jagatī |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.076.01 (Mandala. Sukta. Rik)
8.3.08.01 (Ashtaka. Adhyaya. Varga. Rik)
10.06.070 (Mandala. Anuvāka. Rik)
Samhita Devanagari Accented
आ व॑ ऋंजस ऊ॒र्जां व्यु॑ष्टि॒ष्विंद्रं॑ म॒रुतो॒ रोद॑सी अनक्तन ।
उ॒भे यथा॑ नो॒ अह॑नी सचा॒भुवा॒ सदः॑सदो वरिव॒स्यात॑ उ॒द्भिदा॑ ॥
Samhita Devanagari Nonaccented
आ व ऋंजस ऊर्जां व्युष्टिष्विंद्रं मरुतो रोदसी अनक्तन ।
उभे यथा नो अहनी सचाभुवा सदःसदो वरिवस्यात उद्भिदा ॥
Samhita Transcription Accented
ā́ va ṛñjasa ūrjā́m vyúṣṭiṣvíndram marúto ródasī anaktana ǀ
ubhé yáthā no áhanī sacābhúvā sádaḥsado varivasyā́ta udbhídā ǁ
Samhita Transcription Nonaccented
ā va ṛñjasa ūrjām vyuṣṭiṣvindram maruto rodasī anaktana ǀ
ubhe yathā no ahanī sacābhuvā sadaḥsado varivasyāta udbhidā ǁ
Padapatha Devanagari Accented
आ । वः॒ । ऋ॒ञ्ज॒से॒ । ऊ॒र्जाम् । विऽउ॑ष्टिषु । इन्द्र॑म् । म॒रुतः॑ । रोद॑सी॒ इति॑ । अ॒न॒क्त॒न॒ ।
उ॒भे इति॑ । यथा॑ । नः॒ । अह॑नी॒ इति॑ । स॒चा॒ऽभुवा॑ । सदः॑ऽसदः । व॒रि॒व॒स्यातः॑ । उ॒त्ऽभिदा॑ ॥
Padapatha Devanagari Nonaccented
आ । वः । ऋञ्जसे । ऊर्जाम् । विऽउष्टिषु । इन्द्रम् । मरुतः । रोदसी इति । अनक्तन ।
उभे इति । यथा । नः । अहनी इति । सचाऽभुवा । सदःऽसदः । वरिवस्यातः । उत्ऽभिदा ॥
Padapatha Transcription Accented
ā́ ǀ vaḥ ǀ ṛñjase ǀ ūrjā́m ǀ ví-uṣṭiṣu ǀ índram ǀ marútaḥ ǀ ródasī íti ǀ anaktana ǀ
ubhé íti ǀ yáthā ǀ naḥ ǀ áhanī íti ǀ sacā-bhúvā ǀ sádaḥ-sadaḥ ǀ varivasyā́taḥ ǀ ut-bhídā ǁ
Padapatha Transcription Nonaccented
ā ǀ vaḥ ǀ ṛñjase ǀ ūrjām ǀ vi-uṣṭiṣu ǀ indram ǀ marutaḥ ǀ rodasī iti ǀ anaktana ǀ
ubhe iti ǀ yathā ǀ naḥ ǀ ahanī iti ǀ sacā-bhuvā ǀ sadaḥ-sadaḥ ǀ varivasyātaḥ ǀ ut-bhidā ǁ
10.076.02 (Mandala. Sukta. Rik)
8.3.08.02 (Ashtaka. Adhyaya. Varga. Rik)
10.06.071 (Mandala. Anuvāka. Rik)
Samhita Devanagari Accented
तदु॒ श्रेष्ठं॒ सव॑नं सुनोत॒नात्यो॒ न हस्त॑यतो॒ अद्रिः॑ सो॒तरि॑ ।
वि॒दद्ध्य१॒॑र्यो अ॒भिभू॑ति॒ पौंस्यं॑ म॒हो रा॒ये चि॑त्तरुते॒ यदर्व॑तः ॥
Samhita Devanagari Nonaccented
तदु श्रेष्ठं सवनं सुनोतनात्यो न हस्तयतो अद्रिः सोतरि ।
विदद्ध्यर्यो अभिभूति पौंस्यं महो राये चित्तरुते यदर्वतः ॥
Samhita Transcription Accented
tádu śréṣṭham sávanam sunotanā́tyo ná hástayato ádriḥ sotári ǀ
vidáddhyáryó abhíbhūti páuṃsyam mahó rāyé cittarute yádárvataḥ ǁ
Samhita Transcription Nonaccented
tadu śreṣṭham savanam sunotanātyo na hastayato adriḥ sotari ǀ
vidaddhyaryo abhibhūti pauṃsyam maho rāye cittarute yadarvataḥ ǁ
Padapatha Devanagari Accented
तत् । ऊं॒ इति॑ । श्रेष्ठ॑म् । सव॑नम् । सु॒नो॒त॒न॒ । अत्यः॑ । न । हस्त॑ऽयतः । अद्रिः॑ । सो॒तरि॑ ।
वि॒दत् । हि । अ॒र्यः । अ॒भिऽभू॑ति । पौंस्य॑म् । म॒हः । रा॒ये । चि॒त् । त॒रु॒ते॒ । यत् । अर्व॑तः ॥
Padapatha Devanagari Nonaccented
तत् । ऊं इति । श्रेष्ठम् । सवनम् । सुनोतन । अत्यः । न । हस्तऽयतः । अद्रिः । सोतरि ।
विदत् । हि । अर्यः । अभिऽभूति । पौंस्यम् । महः । राये । चित् । तरुते । यत् । अर्वतः ॥
Padapatha Transcription Accented
tát ǀ ūṃ íti ǀ śréṣṭham ǀ sávanam ǀ sunotana ǀ átyaḥ ǀ ná ǀ hásta-yataḥ ǀ ádriḥ ǀ sotári ǀ
vidát ǀ hí ǀ aryáḥ ǀ abhí-bhūti ǀ páuṃsyam ǀ maháḥ ǀ rāyé ǀ cit ǀ tarute ǀ yát ǀ árvataḥ ǁ
Padapatha Transcription Nonaccented
tat ǀ ūṃ iti ǀ śreṣṭham ǀ savanam ǀ sunotana ǀ atyaḥ ǀ na ǀ hasta-yataḥ ǀ adriḥ ǀ sotari ǀ
vidat ǀ hi ǀ aryaḥ ǀ abhi-bhūti ǀ pauṃsyam ǀ mahaḥ ǀ rāye ǀ cit ǀ tarute ǀ yat ǀ arvataḥ ǁ
10.076.03 (Mandala. Sukta. Rik)
8.3.08.03 (Ashtaka. Adhyaya. Varga. Rik)
10.06.072 (Mandala. Anuvāka. Rik)
Samhita Devanagari Accented
तदिद्ध्य॑स्य॒ सव॑नं वि॒वेर॒पो यथा॑ पु॒रा मन॑वे गा॒तुमश्रे॑त् ।
गोअ॑र्णसि त्वा॒ष्ट्रे अश्व॑निर्णिजि॒ प्रेम॑ध्व॒रेष्व॑ध्व॒राँ अ॑शिश्रयुः ॥
Samhita Devanagari Nonaccented
तदिद्ध्यस्य सवनं विवेरपो यथा पुरा मनवे गातुमश्रेत् ।
गोअर्णसि त्वाष्ट्रे अश्वनिर्णिजि प्रेमध्वरेष्वध्वराँ अशिश्रयुः ॥
Samhita Transcription Accented
tádíddhyásya sávanam vivérapó yáthā purā́ mánave gātúmáśret ǀ
góarṇasi tvāṣṭré áśvanirṇiji prémadhvaréṣvadhvarā́m̐ aśiśrayuḥ ǁ
Samhita Transcription Nonaccented
tadiddhyasya savanam viverapo yathā purā manave gātumaśret ǀ
goarṇasi tvāṣṭre aśvanirṇiji premadhvareṣvadhvarām̐ aśiśrayuḥ ǁ
Padapatha Devanagari Accented
तत् । इत् । हि । अ॒स्य॒ । सव॑नम् । वि॒वेः । अ॒पः । यथा॑ । पु॒रा । मन॑वे । गा॒तुम् । अश्रे॑त् ।
गोऽअ॑र्णसि । त्वा॒ष्ट्रे । अश्व॑ऽनिर्निजि । प्र । ई॒म् । अ॒ध्व॒रेषु॑ । अ॒ध्व॒रान् । अ॒शि॒श्र॒युः॒ ॥
Padapatha Devanagari Nonaccented
तत् । इत् । हि । अस्य । सवनम् । विवेः । अपः । यथा । पुरा । मनवे । गातुम् । अश्रेत् ।
गोऽअर्णसि । त्वाष्ट्रे । अश्वऽनिर्निजि । प्र । ईम् । अध्वरेषु । अध्वरान् । अशिश्रयुः ॥
Padapatha Transcription Accented
tát ǀ ít ǀ hí ǀ asya ǀ sávanam ǀ vivéḥ ǀ apáḥ ǀ yáthā ǀ purā́ ǀ mánave ǀ gātúm ǀ áśret ǀ
gó-arṇasi ǀ tvāṣṭré ǀ áśva-nirniji ǀ prá ǀ īm ǀ adhvaréṣu ǀ adhvarā́n ǀ aśiśrayuḥ ǁ
Padapatha Transcription Nonaccented
tat ǀ it ǀ hi ǀ asya ǀ savanam ǀ viveḥ ǀ apaḥ ǀ yathā ǀ purā ǀ manave ǀ gātum ǀ aśret ǀ
go-arṇasi ǀ tvāṣṭre ǀ aśva-nirniji ǀ pra ǀ īm ǀ adhvareṣu ǀ adhvarān ǀ aśiśrayuḥ ǁ
10.076.04 (Mandala. Sukta. Rik)
8.3.08.04 (Ashtaka. Adhyaya. Varga. Rik)
10.06.073 (Mandala. Anuvāka. Rik)
Samhita Devanagari Accented
अप॑ हत र॒क्षसो॑ भंगु॒राव॑तः स्कभा॒यत॒ निर्ऋ॑तिं॒ सेध॒ताम॑तिं ।
आ नो॑ र॒यिं सर्व॑वीरं सुनोतन देवा॒व्यं॑ भरत॒ श्लोक॑मद्रयः ॥
Samhita Devanagari Nonaccented
अप हत रक्षसो भंगुरावतः स्कभायत निर्ऋतिं सेधतामतिं ।
आ नो रयिं सर्ववीरं सुनोतन देवाव्यं भरत श्लोकमद्रयः ॥
Samhita Transcription Accented
ápa hata rakṣáso bhaṅgurā́vataḥ skabhāyáta nírṛtim sédhatā́matim ǀ
ā́ no rayím sárvavīram sunotana devāvyám bharata ślókamadrayaḥ ǁ
Samhita Transcription Nonaccented
apa hata rakṣaso bhaṅgurāvataḥ skabhāyata nirṛtim sedhatāmatim ǀ
ā no rayim sarvavīram sunotana devāvyam bharata ślokamadrayaḥ ǁ
Padapatha Devanagari Accented
अप॑ । ह॒त॒ । र॒क्षसः॑ । भ॒ङ्गु॒रऽव॑तः । स्क॒भा॒यत॑ । निःऽऋ॑तिम् । सेध॑त । अम॑तिम् ।
आ । नः॒ । र॒यिम् । सर्व॑ऽवीरम् । सु॒नो॒त॒न॒ । दे॒व॒ऽअ॒व्य॑म् । भ॒र॒त॒ । श्लोक॑म् । अ॒द्र॒यः॒ ॥
Padapatha Devanagari Nonaccented
अप । हत । रक्षसः । भङ्गुरऽवतः । स्कभायत । निःऽऋतिम् । सेधत । अमतिम् ।
आ । नः । रयिम् । सर्वऽवीरम् । सुनोतन । देवऽअव्यम् । भरत । श्लोकम् । अद्रयः ॥
Padapatha Transcription Accented
ápa ǀ hata ǀ rakṣásaḥ ǀ bhaṅgurá-vataḥ ǀ skabhāyáta ǀ níḥ-ṛtim ǀ sédhata ǀ ámatim ǀ
ā́ ǀ naḥ ǀ rayím ǀ sárva-vīram ǀ sunotana ǀ deva-avyám ǀ bharata ǀ ślókam ǀ adrayaḥ ǁ
Padapatha Transcription Nonaccented
apa ǀ hata ǀ rakṣasaḥ ǀ bhaṅgura-vataḥ ǀ skabhāyata ǀ niḥ-ṛtim ǀ sedhata ǀ amatim ǀ
ā ǀ naḥ ǀ rayim ǀ sarva-vīram ǀ sunotana ǀ deva-avyam ǀ bharata ǀ ślokam ǀ adrayaḥ ǁ
10.076.05 (Mandala. Sukta. Rik)
8.3.08.05 (Ashtaka. Adhyaya. Varga. Rik)
10.06.074 (Mandala. Anuvāka. Rik)
Samhita Devanagari Accented
दि॒वश्चि॒दा वोऽम॑वत्तरेभ्यो वि॒भ्वना॑ चिदा॒श्व॑पस्तरेभ्यः ।
वा॒योश्चि॒दा सोम॑रभस्तरेभ्यो॒ऽग्नेश्चि॑दर्च पितु॒कृत्त॑रेभ्यः ॥
Samhita Devanagari Nonaccented
दिवश्चिदा वोऽमवत्तरेभ्यो विभ्वना चिदाश्वपस्तरेभ्यः ।
वायोश्चिदा सोमरभस्तरेभ्योऽग्नेश्चिदर्च पितुकृत्तरेभ्यः ॥
Samhita Transcription Accented
diváścidā́ vó’mavattarebhyo vibhvánā cidāśvápastarebhyaḥ ǀ
vāyóścidā́ sómarabhastarebhyo’gnéścidarca pitukṛ́ttarebhyaḥ ǁ
Samhita Transcription Nonaccented
divaścidā vo’mavattarebhyo vibhvanā cidāśvapastarebhyaḥ ǀ
vāyościdā somarabhastarebhyo’gneścidarca pitukṛttarebhyaḥ ǁ
Padapatha Devanagari Accented
दि॒वः । चि॒त् । आ । वः॒ । अम॑वत्ऽतरेभ्यः । वि॒ऽभ्वना॑ । चि॒त् । आ॒श्व॑पःऽतरेभ्यः ।
वा॒योः । चि॒त् । आ । सोम॑रभःऽतरेभ्यः । अ॒ग्नेः । चि॒त् । अ॒र्च॒ । पि॒तु॒कृत्ऽत॑रेभ्यः ॥
Padapatha Devanagari Nonaccented
दिवः । चित् । आ । वः । अमवत्ऽतरेभ्यः । विऽभ्वना । चित् । आश्वपःऽतरेभ्यः ।
वायोः । चित् । आ । सोमरभःऽतरेभ्यः । अग्नेः । चित् । अर्च । पितुकृत्ऽतरेभ्यः ॥
Padapatha Transcription Accented
diváḥ ǀ cit ǀ ā́ ǀ vaḥ ǀ ámavat-tarebhyaḥ ǀ vi-bhvánā ǀ cit ǀ āśvápaḥ-tarebhyaḥ ǀ
vāyóḥ ǀ cit ǀ ā́ ǀ sómarabhaḥ-tarebhyaḥ ǀ agnéḥ ǀ cit ǀ arca ǀ pitukṛ́t-tarebhyaḥ ǁ
Padapatha Transcription Nonaccented
divaḥ ǀ cit ǀ ā ǀ vaḥ ǀ amavat-tarebhyaḥ ǀ vi-bhvanā ǀ cit ǀ āśvapaḥ-tarebhyaḥ ǀ
vāyoḥ ǀ cit ǀ ā ǀ somarabhaḥ-tarebhyaḥ ǀ agneḥ ǀ cit ǀ arca ǀ pitukṛt-tarebhyaḥ ǁ
10.076.06 (Mandala. Sukta. Rik)
8.3.09.01 (Ashtaka. Adhyaya. Varga. Rik)
10.06.075 (Mandala. Anuvāka. Rik)
Samhita Devanagari Accented
भु॒रंतु॑ नो य॒शसः॒ सोत्वंध॑सो॒ ग्रावा॑णो वा॒चा दि॒विता॑ दि॒वित्म॑ता ।
नरो॒ यत्र॑ दुह॒ते काम्यं॒ मध्वा॑घो॒षयं॑तो अ॒भितो॑ मिथ॒स्तुरः॑ ॥
Samhita Devanagari Nonaccented
भुरंतु नो यशसः सोत्वंधसो ग्रावाणो वाचा दिविता दिवित्मता ।
नरो यत्र दुहते काम्यं मध्वाघोषयंतो अभितो मिथस्तुरः ॥
Samhita Transcription Accented
bhurántu no yaśásaḥ sótvándhaso grā́vāṇo vācā́ divítā divítmatā ǀ
náro yátra duhaté kā́myam mádhvāghoṣáyanto abhíto mithastúraḥ ǁ
Samhita Transcription Nonaccented
bhurantu no yaśasaḥ sotvandhaso grāvāṇo vācā divitā divitmatā ǀ
naro yatra duhate kāmyam madhvāghoṣayanto abhito mithasturaḥ ǁ
Padapatha Devanagari Accented
भु॒रन्तु॑ । नः॒ । य॒शसः॑ । सोतु॑ । अन्ध॑सः । ग्रावा॑णः । वा॒चा । दि॒विता॑ । दि॒वित्म॑ता ।
नरः॑ । यत्र॑ । दु॒ह॒ते । काम्य॑म् । मधु॑ । आ॒ऽघो॒षय॑न्तः । अ॒भितः॑ । मि॒थः॒ऽतुरः॑ ॥
Padapatha Devanagari Nonaccented
भुरन्तु । नः । यशसः । सोतु । अन्धसः । ग्रावाणः । वाचा । दिविता । दिवित्मता ।
नरः । यत्र । दुहते । काम्यम् । मधु । आऽघोषयन्तः । अभितः । मिथःऽतुरः ॥
Padapatha Transcription Accented
bhurántu ǀ naḥ ǀ yaśásaḥ ǀ sótu ǀ ándhasaḥ ǀ grā́vāṇaḥ ǀ vācā́ ǀ divítā ǀ divítmatā ǀ
náraḥ ǀ yátra ǀ duhaté ǀ kā́myam ǀ mádhu ǀ ā-ghoṣáyantaḥ ǀ abhítaḥ ǀ mithaḥ-túraḥ ǁ
Padapatha Transcription Nonaccented
bhurantu ǀ naḥ ǀ yaśasaḥ ǀ sotu ǀ andhasaḥ ǀ grāvāṇaḥ ǀ vācā ǀ divitā ǀ divitmatā ǀ
naraḥ ǀ yatra ǀ duhate ǀ kāmyam ǀ madhu ǀ ā-ghoṣayantaḥ ǀ abhitaḥ ǀ mithaḥ-turaḥ ǁ
10.076.07 (Mandala. Sukta. Rik)
8.3.09.02 (Ashtaka. Adhyaya. Varga. Rik)
10.06.076 (Mandala. Anuvāka. Rik)
Samhita Devanagari Accented
सु॒न्वंति॒ सोमं॑ रथि॒रासो॒ अद्र॑यो॒ निर॑स्य॒ रसं॑ ग॒विषो॑ दुहंति॒ ते ।
दु॒हंत्यूध॑रुप॒सेच॑नाय॒ कं नरो॑ ह॒व्या न म॑र्जयंत आ॒सभिः॑ ॥
Samhita Devanagari Nonaccented
सुन्वंति सोमं रथिरासो अद्रयो निरस्य रसं गविषो दुहंति ते ।
दुहंत्यूधरुपसेचनाय कं नरो हव्या न मर्जयंत आसभिः ॥
Samhita Transcription Accented
sunvánti sómam rathirā́so ádrayo nírasya rásam gavíṣo duhanti té ǀ
duhántyū́dharupasécanāya kám náro havyā́ ná marjayanta āsábhiḥ ǁ
Samhita Transcription Nonaccented
sunvanti somam rathirāso adrayo nirasya rasam gaviṣo duhanti te ǀ
duhantyūdharupasecanāya kam naro havyā na marjayanta āsabhiḥ ǁ
Padapatha Devanagari Accented
सु॒न्वन्ति॑ । सोम॑म् । र॒थि॒रासः॑ । अद्र॑यः । निः । अ॒स्य॒ । रस॑म् । गो॒ऽइषः॑ । दु॒ह॒न्ति॒ । ते ।
दु॒हन्ति॑ । ऊधः॑ । उ॒प॒ऽसेच॑नाय । कम् । नरः॑ । ह॒व्या । न । म॒र्ज॒य॒न्ते॒ । आ॒सऽभिः॑ ॥
Padapatha Devanagari Nonaccented
सुन्वन्ति । सोमम् । रथिरासः । अद्रयः । निः । अस्य । रसम् । गोऽइषः । दुहन्ति । ते ।
दुहन्ति । ऊधः । उपऽसेचनाय । कम् । नरः । हव्या । न । मर्जयन्ते । आसऽभिः ॥
Padapatha Transcription Accented
sunvánti ǀ sómam ǀ rathirā́saḥ ǀ ádrayaḥ ǀ níḥ ǀ asya ǀ rásam ǀ go-íṣaḥ ǀ duhanti ǀ té ǀ
duhánti ǀ ū́dhaḥ ǀ upa-sécanāya ǀ kám ǀ náraḥ ǀ havyā́ ǀ ná ǀ marjayante ǀ āsá-bhiḥ ǁ
Padapatha Transcription Nonaccented
sunvanti ǀ somam ǀ rathirāsaḥ ǀ adrayaḥ ǀ niḥ ǀ asya ǀ rasam ǀ go-iṣaḥ ǀ duhanti ǀ te ǀ
duhanti ǀ ūdhaḥ ǀ upa-secanāya ǀ kam ǀ naraḥ ǀ havyā ǀ na ǀ marjayante ǀ āsa-bhiḥ ǁ
10.076.08 (Mandala. Sukta. Rik)
8.3.09.03 (Ashtaka. Adhyaya. Varga. Rik)
10.06.077 (Mandala. Anuvāka. Rik)
Samhita Devanagari Accented
ए॒ते न॑रः॒ स्वप॑सो अभूतन॒ य इंद्रा॑य सुनु॒थ सोम॑मद्रयः ।
वा॒मंवा॑मं वो दि॒व्याय॒ धाम्ने॒ वसु॑वसु वः॒ पार्थि॑वाय सुन्व॒ते ॥
Samhita Devanagari Nonaccented
एते नरः स्वपसो अभूतन य इंद्राय सुनुथ सोममद्रयः ।
वामंवामं वो दिव्याय धाम्ने वसुवसु वः पार्थिवाय सुन्वते ॥
Samhita Transcription Accented
eté naraḥ svápaso abhūtana yá índrāya sunuthá sómamadrayaḥ ǀ
vāmáṃvāmam vo divyā́ya dhā́mne vásuvasu vaḥ pā́rthivāya sunvaté ǁ
Samhita Transcription Nonaccented
ete naraḥ svapaso abhūtana ya indrāya sunutha somamadrayaḥ ǀ
vāmaṃvāmam vo divyāya dhāmne vasuvasu vaḥ pārthivāya sunvate ǁ
Padapatha Devanagari Accented
ए॒ते । न॒रः॒ । सु॒ऽअप॑सः । अ॒भू॒त॒न॒ । ये । इन्द्रा॑य । सु॒नु॒थ । सोम॑म् । अ॒द्र॒यः॒ ।
वा॒मम्ऽवा॑मम् । वः॒ । दि॒व्याय॑ । धाम्ने॑ । वसु॑ऽवसु । वः॒ । पार्थि॑वाय । सु॒न्व॒ते ॥
Padapatha Devanagari Nonaccented
एते । नरः । सुऽअपसः । अभूतन । ये । इन्द्राय । सुनुथ । सोमम् । अद्रयः ।
वामम्ऽवामम् । वः । दिव्याय । धाम्ने । वसुऽवसु । वः । पार्थिवाय । सुन्वते ॥
Padapatha Transcription Accented
eté ǀ naraḥ ǀ su-ápasaḥ ǀ abhūtana ǀ yé ǀ índrāya ǀ sunuthá ǀ sómam ǀ adrayaḥ ǀ
vāmám-vāmam ǀ vaḥ ǀ divyā́ya ǀ dhā́mne ǀ vásu-vasu ǀ vaḥ ǀ pā́rthivāya ǀ sunvaté ǁ
Padapatha Transcription Nonaccented
ete ǀ naraḥ ǀ su-apasaḥ ǀ abhūtana ǀ ye ǀ indrāya ǀ sunutha ǀ somam ǀ adrayaḥ ǀ
vāmam-vāmam ǀ vaḥ ǀ divyāya ǀ dhāmne ǀ vasu-vasu ǀ vaḥ ǀ pārthivāya ǀ sunvate ǁ