|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 77
|
1. Info |
| To: | maruts | |
| From: | syūmaraśmi bhārgava | |
| Metres: | 1st set of styles: virāṭtrisṭup (6-8); nicṛttriṣṭup (1, 3); triṣṭup (2, 4); pādanicṛjjgatī (5) 2nd set of styles: triṣṭubh (1-4, 6-8); jagatī (5) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.077.01 (Mandala. Sukta. Rik)
8.3.10.01 (Ashtaka. Adhyaya. Varga. Rik)
10.06.078 (Mandala. Anuvāka. Rik)
Samhita Devanagari Accented
अ॒भ्र॒प्रुषो॒ न वा॒चा प्रु॑षा॒ वसु॑ ह॒विष्मं॑तो॒ न य॒ज्ञा वि॑जा॒नुषः॑ ।
सु॒मारु॑तं॒ न ब्र॒ह्माण॑म॒र्हसे॑ ग॒णम॑स्तोष्येषां॒ न शो॒भसे॑ ॥
Samhita Devanagari Nonaccented
अभ्रप्रुषो न वाचा प्रुषा वसु हविष्मंतो न यज्ञा विजानुषः ।
सुमारुतं न ब्रह्माणमर्हसे गणमस्तोष्येषां न शोभसे ॥
Samhita Transcription Accented
abhraprúṣo ná vācā́ pruṣā vásu havíṣmanto ná yajñā́ vijānúṣaḥ ǀ
sumā́rutam ná brahmā́ṇamarháse gaṇámastoṣyeṣām ná śobháse ǁ
Samhita Transcription Nonaccented
abhrapruṣo na vācā pruṣā vasu haviṣmanto na yajñā vijānuṣaḥ ǀ
sumārutam na brahmāṇamarhase gaṇamastoṣyeṣām na śobhase ǁ
Padapatha Devanagari Accented
अ॒भ्र॒ऽप्रुषः॑ । न । वा॒चा । प्रु॒ष॒ । वसु॑ । ह॒विष्म॑न्तः । न । य॒ज्ञाः । वि॒ऽजा॒नुषः॑ ।
सु॒ऽमारु॑तम् । न । ब्र॒ह्माण॑म् । अ॒र्हसे॑ । ग॒णम् । अ॒स्तो॒षि॒ । ए॒षा॒म् । न । शो॒भसे॑ ॥
Padapatha Devanagari Nonaccented
अभ्रऽप्रुषः । न । वाचा । प्रुष । वसु । हविष्मन्तः । न । यज्ञाः । विऽजानुषः ।
सुऽमारुतम् । न । ब्रह्माणम् । अर्हसे । गणम् । अस्तोषि । एषाम् । न । शोभसे ॥
Padapatha Transcription Accented
abhra-prúṣaḥ ǀ ná ǀ vācā́ ǀ pruṣa ǀ vásu ǀ havíṣmantaḥ ǀ ná ǀ yajñā́ḥ ǀ vi-jānúṣaḥ ǀ
su-mā́rutam ǀ ná ǀ brahmā́ṇam ǀ arháse ǀ gaṇám ǀ astoṣi ǀ eṣām ǀ ná ǀ śobháse ǁ
Padapatha Transcription Nonaccented
abhra-pruṣaḥ ǀ na ǀ vācā ǀ pruṣa ǀ vasu ǀ haviṣmantaḥ ǀ na ǀ yajñāḥ ǀ vi-jānuṣaḥ ǀ
su-mārutam ǀ na ǀ brahmāṇam ǀ arhase ǀ gaṇam ǀ astoṣi ǀ eṣām ǀ na ǀ śobhase ǁ
10.077.02 (Mandala. Sukta. Rik)
8.3.10.02 (Ashtaka. Adhyaya. Varga. Rik)
10.06.079 (Mandala. Anuvāka. Rik)
Samhita Devanagari Accented
श्रि॒ये मर्या॑सो अं॒जीँर॑कृण्वत सु॒मारु॑तं॒ न पू॒र्वीरति॒ क्षपः॑ ।
दि॒वस्पु॒त्रास॒ एता॒ न ये॑तिर आदि॒त्यास॒स्ते अ॒क्रा न वा॑वृधुः ॥
Samhita Devanagari Nonaccented
श्रिये मर्यासो अंजीँरकृण्वत सुमारुतं न पूर्वीरति क्षपः ।
दिवस्पुत्रास एता न येतिर आदित्यासस्ते अक्रा न वावृधुः ॥
Samhita Transcription Accented
śriyé máryāso añjī́m̐rakṛṇvata sumā́rutam ná pūrvī́ráti kṣápaḥ ǀ
divásputrā́sa étā ná yetira ādityā́sasté akrā́ ná vāvṛdhuḥ ǁ
Samhita Transcription Nonaccented
śriye maryāso añjīm̐rakṛṇvata sumārutam na pūrvīrati kṣapaḥ ǀ
divasputrāsa etā na yetira ādityāsaste akrā na vāvṛdhuḥ ǁ
Padapatha Devanagari Accented
श्रि॒ये । मर्या॑सः । अ॒ञ्जीन् । अ॒कृ॒ण्व॒त॒ । सु॒ऽमारु॑तम् । न । पू॒र्वीः । अति॑ । क्षपः॑ ।
दि॒वः । पु॒त्रासः॑ । एताः॑ । न । ये॒ति॒रे॒ । आ॒दि॒त्यासः॑ । ते । अ॒क्राः । न । व॒वृ॒धुः॒ ॥
Padapatha Devanagari Nonaccented
श्रिये । मर्यासः । अञ्जीन् । अकृण्वत । सुऽमारुतम् । न । पूर्वीः । अति । क्षपः ।
दिवः । पुत्रासः । एताः । न । येतिरे । आदित्यासः । ते । अक्राः । न । ववृधुः ॥
Padapatha Transcription Accented
śriyé ǀ máryāsaḥ ǀ añjī́n ǀ akṛṇvata ǀ su-mā́rutam ǀ ná ǀ pūrvī́ḥ ǀ áti ǀ kṣápaḥ ǀ
diváḥ ǀ putrā́saḥ ǀ étāḥ ǀ ná ǀ yetire ǀ ādityā́saḥ ǀ té ǀ akrā́ḥ ǀ ná ǀ vavṛdhuḥ ǁ
Padapatha Transcription Nonaccented
śriye ǀ maryāsaḥ ǀ añjīn ǀ akṛṇvata ǀ su-mārutam ǀ na ǀ pūrvīḥ ǀ ati ǀ kṣapaḥ ǀ
divaḥ ǀ putrāsaḥ ǀ etāḥ ǀ na ǀ yetire ǀ ādityāsaḥ ǀ te ǀ akrāḥ ǀ na ǀ vavṛdhuḥ ǁ
10.077.03 (Mandala. Sukta. Rik)
8.3.10.03 (Ashtaka. Adhyaya. Varga. Rik)
10.06.080 (Mandala. Anuvāka. Rik)
Samhita Devanagari Accented
प्र ये दि॒वः पृ॑थि॒व्या न ब॒र्हणा॒ त्मना॑ रिरि॒च्रे अ॒भ्रान्न सूर्यः॑ ।
पाज॑स्वंतो॒ न वी॒राः प॑न॒स्यवो॑ रि॒शाद॑सो॒ न मर्या॑ अ॒भिद्य॑वः ॥
Samhita Devanagari Nonaccented
प्र ये दिवः पृथिव्या न बर्हणा त्मना रिरिच्रे अभ्रान्न सूर्यः ।
पाजस्वंतो न वीराः पनस्यवो रिशादसो न मर्या अभिद्यवः ॥
Samhita Transcription Accented
prá yé diváḥ pṛthivyā́ ná barháṇā tmánā riricré abhrā́nná sū́ryaḥ ǀ
pā́jasvanto ná vīrā́ḥ panasyávo riśā́daso ná máryā abhídyavaḥ ǁ
Samhita Transcription Nonaccented
pra ye divaḥ pṛthivyā na barhaṇā tmanā riricre abhrānna sūryaḥ ǀ
pājasvanto na vīrāḥ panasyavo riśādaso na maryā abhidyavaḥ ǁ
Padapatha Devanagari Accented
प्र । ये । दि॒वः । पृ॒थि॒व्याः । न । ब॒र्हणा॑ । त्मना॑ । रि॒रि॒च्रे । अ॒भ्रात् । न । सूर्यः॑ ।
पाज॑स्वन्तः । न । वी॒राः । प॒न॒स्यवः॑ । रि॒शाद॑सः । न । मर्याः॑ । अ॒भिऽद्य॑वः ॥
Padapatha Devanagari Nonaccented
प्र । ये । दिवः । पृथिव्याः । न । बर्हणा । त्मना । रिरिच्रे । अभ्रात् । न । सूर्यः ।
पाजस्वन्तः । न । वीराः । पनस्यवः । रिशादसः । न । मर्याः । अभिऽद्यवः ॥
Padapatha Transcription Accented
prá ǀ yé ǀ diváḥ ǀ pṛthivyā́ḥ ǀ ná ǀ barháṇā ǀ tmánā ǀ riricré ǀ abhrā́t ǀ ná ǀ sū́ryaḥ ǀ
pā́jasvantaḥ ǀ ná ǀ vīrā́ḥ ǀ panasyávaḥ ǀ riśā́dasaḥ ǀ ná ǀ máryāḥ ǀ abhí-dyavaḥ ǁ
Padapatha Transcription Nonaccented
pra ǀ ye ǀ divaḥ ǀ pṛthivyāḥ ǀ na ǀ barhaṇā ǀ tmanā ǀ riricre ǀ abhrāt ǀ na ǀ sūryaḥ ǀ
pājasvantaḥ ǀ na ǀ vīrāḥ ǀ panasyavaḥ ǀ riśādasaḥ ǀ na ǀ maryāḥ ǀ abhi-dyavaḥ ǁ
10.077.04 (Mandala. Sukta. Rik)
8.3.10.04 (Ashtaka. Adhyaya. Varga. Rik)
10.06.081 (Mandala. Anuvāka. Rik)
Samhita Devanagari Accented
यु॒ष्माकं॑ बु॒ध्ने अ॒पां न याम॑नि विथु॒र्यति॒ न म॒ही श्र॑थ॒र्यति॑ ।
वि॒श्वप्सु॑र्य॒ज्ञो अ॒र्वाग॒यं सु वः॒ प्रय॑स्वंतो॒ न स॒त्राच॒ आ ग॑त ॥
Samhita Devanagari Nonaccented
युष्माकं बुध्ने अपां न यामनि विथुर्यति न मही श्रथर्यति ।
विश्वप्सुर्यज्ञो अर्वागयं सु वः प्रयस्वंतो न सत्राच आ गत ॥
Samhita Transcription Accented
yuṣmā́kam budhné apā́m ná yā́mani vithuryáti ná mahī́ śratharyáti ǀ
viśvápsuryajñó arvā́gayám sú vaḥ práyasvanto ná satrā́ca ā́ gata ǁ
Samhita Transcription Nonaccented
yuṣmākam budhne apām na yāmani vithuryati na mahī śratharyati ǀ
viśvapsuryajño arvāgayam su vaḥ prayasvanto na satrāca ā gata ǁ
Padapatha Devanagari Accented
यु॒ष्माक॑म् । बु॒ध्ने । अ॒पाम् । न । याम॑नि । वि॒थु॒र्यति॑ । न । म॒ही । श्र॒थ॒र्यति॑ ।
वि॒श्वऽप्सुः॑ । य॒ज्ञः । अ॒र्वाक् । अ॒यम् । सु । वः॒ । प्रय॑स्वन्तः । न । स॒त्राचः॑ । आ । ग॒त॒ ॥
Padapatha Devanagari Nonaccented
युष्माकम् । बुध्ने । अपाम् । न । यामनि । विथुर्यति । न । मही । श्रथर्यति ।
विश्वऽप्सुः । यज्ञः । अर्वाक् । अयम् । सु । वः । प्रयस्वन्तः । न । सत्राचः । आ । गत ॥
Padapatha Transcription Accented
yuṣmā́kam ǀ budhné ǀ apā́m ǀ ná ǀ yā́mani ǀ vithuryáti ǀ ná ǀ mahī́ ǀ śratharyáti ǀ
viśvá-psuḥ ǀ yajñáḥ ǀ arvā́k ǀ ayám ǀ sú ǀ vaḥ ǀ práyasvantaḥ ǀ ná ǀ satrā́caḥ ǀ ā́ ǀ gata ǁ
Padapatha Transcription Nonaccented
yuṣmākam ǀ budhne ǀ apām ǀ na ǀ yāmani ǀ vithuryati ǀ na ǀ mahī ǀ śratharyati ǀ
viśva-psuḥ ǀ yajñaḥ ǀ arvāk ǀ ayam ǀ su ǀ vaḥ ǀ prayasvantaḥ ǀ na ǀ satrācaḥ ǀ ā ǀ gata ǁ
10.077.05 (Mandala. Sukta. Rik)
8.3.10.05 (Ashtaka. Adhyaya. Varga. Rik)
10.06.082 (Mandala. Anuvāka. Rik)
Samhita Devanagari Accented
यू॒यं धू॒र्षु प्र॒युजो॒ न र॒श्मिभि॒र्ज्योति॑ष्मंतो॒ न भा॒सा व्यु॑ष्टिषु ।
श्ये॒नासो॒ न स्वय॑शसो रि॒शाद॑सः प्र॒वासो॒ न प्रसि॑तासः परि॒प्रुषः॑ ॥
Samhita Devanagari Nonaccented
यूयं धूर्षु प्रयुजो न रश्मिभिर्ज्योतिष्मंतो न भासा व्युष्टिषु ।
श्येनासो न स्वयशसो रिशादसः प्रवासो न प्रसितासः परिप्रुषः ॥
Samhita Transcription Accented
yūyám dhūrṣú prayújo ná raśmíbhirjyótiṣmanto ná bhāsā́ vyúṣṭiṣu ǀ
śyenā́so ná sváyaśaso riśā́dasaḥ pravā́so ná prásitāsaḥ pariprúṣaḥ ǁ
Samhita Transcription Nonaccented
yūyam dhūrṣu prayujo na raśmibhirjyotiṣmanto na bhāsā vyuṣṭiṣu ǀ
śyenāso na svayaśaso riśādasaḥ pravāso na prasitāsaḥ paripruṣaḥ ǁ
Padapatha Devanagari Accented
यू॒यम् । धूः॒ऽसु । प्र॒ऽयुजः॑ । न । र॒श्मिऽभिः॑ । ज्योति॑ष्मन्तः । न । भा॒सा । विऽउ॑ष्टिषु ।
श्ये॒नासः॑ । न । स्वऽय॑शसः । रि॒शाद॑सः । प्र॒वासः॑ । न । प्रऽसि॑तासः । प॒रि॒ऽप्रुषः॑ ॥
Padapatha Devanagari Nonaccented
यूयम् । धूःऽसु । प्रऽयुजः । न । रश्मिऽभिः । ज्योतिष्मन्तः । न । भासा । विऽउष्टिषु ।
श्येनासः । न । स्वऽयशसः । रिशादसः । प्रवासः । न । प्रऽसितासः । परिऽप्रुषः ॥
Padapatha Transcription Accented
yūyám ǀ dhūḥ-sú ǀ pra-yújaḥ ǀ ná ǀ raśmí-bhiḥ ǀ jyótiṣmantaḥ ǀ ná ǀ bhāsā́ ǀ ví-uṣṭiṣu ǀ
śyenā́saḥ ǀ ná ǀ svá-yaśasaḥ ǀ riśā́dasaḥ ǀ pravā́saḥ ǀ ná ǀ prá-sitāsaḥ ǀ pari-prúṣaḥ ǁ
Padapatha Transcription Nonaccented
yūyam ǀ dhūḥ-su ǀ pra-yujaḥ ǀ na ǀ raśmi-bhiḥ ǀ jyotiṣmantaḥ ǀ na ǀ bhāsā ǀ vi-uṣṭiṣu ǀ
śyenāsaḥ ǀ na ǀ sva-yaśasaḥ ǀ riśādasaḥ ǀ pravāsaḥ ǀ na ǀ pra-sitāsaḥ ǀ pari-pruṣaḥ ǁ
10.077.06 (Mandala. Sukta. Rik)
8.3.11.01 (Ashtaka. Adhyaya. Varga. Rik)
10.06.083 (Mandala. Anuvāka. Rik)
Samhita Devanagari Accented
प्र यद्वह॑ध्वे मरुतः परा॒काद्यू॒यं म॒हः सं॒वर॑णस्य॒ वस्वः॑ ।
वि॒दा॒नासो॑ वसवो॒ राध्य॑स्या॒राच्चि॒द्द्वेषः॑ सनु॒तर्यु॑योत ॥
Samhita Devanagari Nonaccented
प्र यद्वहध्वे मरुतः पराकाद्यूयं महः संवरणस्य वस्वः ।
विदानासो वसवो राध्यस्याराच्चिद्द्वेषः सनुतर्युयोत ॥
Samhita Transcription Accented
prá yádváhadhve marutaḥ parākā́dyūyám maháḥ saṃváraṇasya vásvaḥ ǀ
vidānā́so vasavo rā́dhyasyārā́cciddvéṣaḥ sanutáryuyota ǁ
Samhita Transcription Nonaccented
pra yadvahadhve marutaḥ parākādyūyam mahaḥ saṃvaraṇasya vasvaḥ ǀ
vidānāso vasavo rādhyasyārācciddveṣaḥ sanutaryuyota ǁ
Padapatha Devanagari Accented
प्र । यत् । वह॑ध्वे । म॒रु॒तः॒ । प॒रा॒कात् । यू॒यम् । म॒हः । स॒म्ऽवर॑णस्य । वस्वः॑ ।
वि॒दा॒नासः॑ । व॒स॒वः॒ । राध्य॑स्य । आ॒रात् । चि॒त् । द्वेषः॑ । स॒नु॒तः । यु॒यो॒त॒ ॥
Padapatha Devanagari Nonaccented
प्र । यत् । वहध्वे । मरुतः । पराकात् । यूयम् । महः । सम्ऽवरणस्य । वस्वः ।
विदानासः । वसवः । राध्यस्य । आरात् । चित् । द्वेषः । सनुतः । युयोत ॥
Padapatha Transcription Accented
prá ǀ yát ǀ váhadhve ǀ marutaḥ ǀ parākā́t ǀ yūyám ǀ maháḥ ǀ sam-váraṇasya ǀ vásvaḥ ǀ
vidānā́saḥ ǀ vasavaḥ ǀ rā́dhyasya ǀ ārā́t ǀ cit ǀ dvéṣaḥ ǀ sanutáḥ ǀ yuyota ǁ
Padapatha Transcription Nonaccented
pra ǀ yat ǀ vahadhve ǀ marutaḥ ǀ parākāt ǀ yūyam ǀ mahaḥ ǀ sam-varaṇasya ǀ vasvaḥ ǀ
vidānāsaḥ ǀ vasavaḥ ǀ rādhyasya ǀ ārāt ǀ cit ǀ dveṣaḥ ǀ sanutaḥ ǀ yuyota ǁ
10.077.07 (Mandala. Sukta. Rik)
8.3.11.02 (Ashtaka. Adhyaya. Varga. Rik)
10.06.084 (Mandala. Anuvāka. Rik)
Samhita Devanagari Accented
य उ॒दृचि॑ य॒ज्ञे अ॑ध्वरे॒ष्ठा म॒रुद्भ्यो॒ न मानु॑षो॒ ददा॑शत् ।
रे॒वत्स वयो॑ दधते सु॒वीरं॒ स दे॒वाना॒मपि॑ गोपी॒थे अ॑स्तु ॥
Samhita Devanagari Nonaccented
य उदृचि यज्ञे अध्वरेष्ठा मरुद्भ्यो न मानुषो ददाशत् ।
रेवत्स वयो दधते सुवीरं स देवानामपि गोपीथे अस्तु ॥
Samhita Transcription Accented
yá udṛ́ci yajñé adhvareṣṭhā́ marúdbhyo ná mā́nuṣo dádāśat ǀ
revátsá váyo dadhate suvī́ram sá devā́nāmápi gopīthé astu ǁ
Samhita Transcription Nonaccented
ya udṛci yajñe adhvareṣṭhā marudbhyo na mānuṣo dadāśat ǀ
revatsa vayo dadhate suvīram sa devānāmapi gopīthe astu ǁ
Padapatha Devanagari Accented
यः । उ॒त्ऽऋचि॑ । य॒ज्ञे । अ॒ध्व॒रे॒ऽस्थाः । म॒रुत्ऽभ्यः॑ । न । मानु॑षः । ददा॑शत् ।
रे॒वत् । सः । वयः॑ । द॒ध॒ते॒ । सु॒ऽवीर॑म् । सः । दे॒वाना॑म् । अपि॑ । गो॒ऽपी॒थे । अ॒स्तु॒ ॥
Padapatha Devanagari Nonaccented
यः । उत्ऽऋचि । यज्ञे । अध्वरेऽस्थाः । मरुत्ऽभ्यः । न । मानुषः । ददाशत् ।
रेवत् । सः । वयः । दधते । सुऽवीरम् । सः । देवानाम् । अपि । गोऽपीथे । अस्तु ॥
Padapatha Transcription Accented
yáḥ ǀ ut-ṛ́ci ǀ yajñé ǀ adhvare-sthā́ḥ ǀ marút-bhyaḥ ǀ ná ǀ mā́nuṣaḥ ǀ dádāśat ǀ
revát ǀ sáḥ ǀ váyaḥ ǀ dadhate ǀ su-vī́ram ǀ sáḥ ǀ devā́nām ǀ ápi ǀ go-pīthé ǀ astu ǁ
Padapatha Transcription Nonaccented
yaḥ ǀ ut-ṛci ǀ yajñe ǀ adhvare-sthāḥ ǀ marut-bhyaḥ ǀ na ǀ mānuṣaḥ ǀ dadāśat ǀ
revat ǀ saḥ ǀ vayaḥ ǀ dadhate ǀ su-vīram ǀ saḥ ǀ devānām ǀ api ǀ go-pīthe ǀ astu ǁ
10.077.08 (Mandala. Sukta. Rik)
8.3.11.03 (Ashtaka. Adhyaya. Varga. Rik)
10.06.085 (Mandala. Anuvāka. Rik)
Samhita Devanagari Accented
ते हि य॒ज्ञेषु॑ य॒ज्ञिया॑स॒ ऊमा॑ आदि॒त्येन॒ नाम्ना॒ शंभ॑विष्ठाः ।
ते नो॑ऽवंतु रथ॒तूर्म॑नी॒षां म॒हश्च॒ याम॑न्नध्व॒रे च॑का॒नाः ॥
Samhita Devanagari Nonaccented
ते हि यज्ञेषु यज्ञियास ऊमा आदित्येन नाम्ना शंभविष्ठाः ।
ते नोऽवंतु रथतूर्मनीषां महश्च यामन्नध्वरे चकानाः ॥
Samhita Transcription Accented
té hí yajñéṣu yajñíyāsa ū́mā ādityéna nā́mnā śámbhaviṣṭhāḥ ǀ
té no’vantu rathatū́rmanīṣā́m maháśca yā́mannadhvaré cakānā́ḥ ǁ
Samhita Transcription Nonaccented
te hi yajñeṣu yajñiyāsa ūmā ādityena nāmnā śambhaviṣṭhāḥ ǀ
te no’vantu rathatūrmanīṣām mahaśca yāmannadhvare cakānāḥ ǁ
Padapatha Devanagari Accented
ते । हि । य॒ज्ञेषु॑ । य॒ज्ञिया॑सः । ऊमाः॑ । आ॒दि॒त्येन॑ । नाम्ना॑ । शम्ऽभ॑विष्ठाः ।
ते । नः॒ । अ॒व॒न्तु॒ । र॒थ॒ऽतूः । म॒नी॒षाम् । म॒हः । च॒ । याम॑न् । अ॒ध्व॒रे । च॒का॒नाः ॥
Padapatha Devanagari Nonaccented
ते । हि । यज्ञेषु । यज्ञियासः । ऊमाः । आदित्येन । नाम्ना । शम्ऽभविष्ठाः ।
ते । नः । अवन्तु । रथऽतूः । मनीषाम् । महः । च । यामन् । अध्वरे । चकानाः ॥
Padapatha Transcription Accented
té ǀ hí ǀ yajñéṣu ǀ yajñíyāsaḥ ǀ ū́māḥ ǀ ādityéna ǀ nā́mnā ǀ śám-bhaviṣṭhāḥ ǀ
té ǀ naḥ ǀ avantu ǀ ratha-tū́ḥ ǀ manīṣā́m ǀ maháḥ ǀ ca ǀ yā́man ǀ adhvaré ǀ cakānā́ḥ ǁ
Padapatha Transcription Nonaccented
te ǀ hi ǀ yajñeṣu ǀ yajñiyāsaḥ ǀ ūmāḥ ǀ ādityena ǀ nāmnā ǀ śam-bhaviṣṭhāḥ ǀ
te ǀ naḥ ǀ avantu ǀ ratha-tūḥ ǀ manīṣām ǀ mahaḥ ǀ ca ǀ yāman ǀ adhvare ǀ cakānāḥ ǁ