|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 81
|
1. Info |
| To: | viśvakarman | |
| From: | viśvakarman bhauvana | |
| Metres: | 1st set of styles: nicṛttriṣṭup (1, 6); bhuriktriṣṭup (3, 7); pādanicṛttriṣṭup (2); svarāṭtriṣṭup (4); triṣṭup (5) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.081.01 (Mandala. Sukta. Rik)
8.3.16.01 (Ashtaka. Adhyaya. Varga. Rik)
10.06.108 (Mandala. Anuvāka. Rik)
Samhita Devanagari Accented
य इ॒मा विश्वा॒ भुव॑नानि॒ जुह्व॒दृषि॒र्होता॒ न्यसी॑दत्पि॒ता नः॑ ।
स आ॒शिषा॒ द्रवि॑णमि॒च्छमा॑नः प्रथम॒च्छदव॑राँ॒ आ वि॑वेश ॥
Samhita Devanagari Nonaccented
य इमा विश्वा भुवनानि जुह्वदृषिर्होता न्यसीदत्पिता नः ।
स आशिषा द्रविणमिच्छमानः प्रथमच्छदवराँ आ विवेश ॥
Samhita Transcription Accented
yá imā́ víśvā bhúvanāni júhvadṛ́ṣirhótā nyásīdatpitā́ naḥ ǀ
sá āśíṣā dráviṇamicchámānaḥ prathamacchádávarām̐ ā́ viveśa ǁ
Samhita Transcription Nonaccented
ya imā viśvā bhuvanāni juhvadṛṣirhotā nyasīdatpitā naḥ ǀ
sa āśiṣā draviṇamicchamānaḥ prathamacchadavarām̐ ā viveśa ǁ
Padapatha Devanagari Accented
यः । इ॒मा । विश्वा॑ । भुव॑नानि । जुह्व॑त् । ऋषिः॑ । होता॑ । नि । असी॑दत् । पि॒ता । नः॒ ।
सः । आ॒ऽशिषा॑ । द्रवि॑णम् । इ॒च्छमा॑नः । प्र॒थ॒म॒ऽछत् । अव॑रान् । आ । वि॒वे॒श॒ ॥
Padapatha Devanagari Nonaccented
यः । इमा । विश्वा । भुवनानि । जुह्वत् । ऋषिः । होता । नि । असीदत् । पिता । नः ।
सः । आऽशिषा । द्रविणम् । इच्छमानः । प्रथमऽछत् । अवरान् । आ । विवेश ॥
Padapatha Transcription Accented
yáḥ ǀ imā́ ǀ víśvā ǀ bhúvanāni ǀ júhvat ǀ ṛ́ṣiḥ ǀ hótā ǀ ní ǀ ásīdat ǀ pitā́ ǀ naḥ ǀ
sáḥ ǀ ā-śíṣā ǀ dráviṇam ǀ icchámānaḥ ǀ prathama-chát ǀ ávarān ǀ ā́ ǀ viveśa ǁ
Padapatha Transcription Nonaccented
yaḥ ǀ imā ǀ viśvā ǀ bhuvanāni ǀ juhvat ǀ ṛṣiḥ ǀ hotā ǀ ni ǀ asīdat ǀ pitā ǀ naḥ ǀ
saḥ ǀ ā-śiṣā ǀ draviṇam ǀ icchamānaḥ ǀ prathama-chat ǀ avarān ǀ ā ǀ viveśa ǁ
10.081.02 (Mandala. Sukta. Rik)
8.3.16.02 (Ashtaka. Adhyaya. Varga. Rik)
10.06.109 (Mandala. Anuvāka. Rik)
Samhita Devanagari Accented
किं स्वि॑दासीदधि॒ष्ठान॑मा॒रंभ॑णं कत॒मत्स्वि॑त्क॒थासी॑त् ।
यतो॒ भूमिं॑ ज॒नय॑न्वि॒श्वक॑र्मा॒ वि द्यामौर्णो॑न्महि॒ना वि॒श्वच॑क्षाः ॥
Samhita Devanagari Nonaccented
किं स्विदासीदधिष्ठानमारंभणं कतमत्स्वित्कथासीत् ।
यतो भूमिं जनयन्विश्वकर्मा वि द्यामौर्णोन्महिना विश्वचक्षाः ॥
Samhita Transcription Accented
kím svidāsīdadhiṣṭhā́namārámbhaṇam katamátsvitkathā́sīt ǀ
yáto bhū́mim janáyanviśvákarmā ví dyā́máurṇonmahinā́ viśvácakṣāḥ ǁ
Samhita Transcription Nonaccented
kim svidāsīdadhiṣṭhānamārambhaṇam katamatsvitkathāsīt ǀ
yato bhūmim janayanviśvakarmā vi dyāmaurṇonmahinā viśvacakṣāḥ ǁ
Padapatha Devanagari Accented
किम् । स्वि॒त् । आ॒सी॒त् । अ॒धि॒ऽस्थान॑म् । आ॒ऽरम्भ॑णम् । क॒त॒मत् । स्वि॒त् । क॒था । आ॒सी॒त् ।
यतः॑ । भूमि॑म् । ज॒नय॑न् । वि॒श्वऽक॑र्मा । वि । द्याम् । और्णो॑त् । म॒हि॒ना । वि॒श्वऽच॑क्षाः ॥
Padapatha Devanagari Nonaccented
किम् । स्वित् । आसीत् । अधिऽस्थानम् । आऽरम्भणम् । कतमत् । स्वित् । कथा । आसीत् ।
यतः । भूमिम् । जनयन् । विश्वऽकर्मा । वि । द्याम् । और्णोत् । महिना । विश्वऽचक्षाः ॥
Padapatha Transcription Accented
kím ǀ svit ǀ āsīt ǀ adhi-sthā́nam ǀ ā-rámbhaṇam ǀ katamát ǀ svit ǀ kathā́ ǀ āsīt ǀ
yátaḥ ǀ bhū́mim ǀ janáyan ǀ viśvá-karmā ǀ ví ǀ dyā́m ǀ áurṇot ǀ mahinā́ ǀ viśvá-cakṣāḥ ǁ
Padapatha Transcription Nonaccented
kim ǀ svit ǀ āsīt ǀ adhi-sthānam ǀ ā-rambhaṇam ǀ katamat ǀ svit ǀ kathā ǀ āsīt ǀ
yataḥ ǀ bhūmim ǀ janayan ǀ viśva-karmā ǀ vi ǀ dyām ǀ aurṇot ǀ mahinā ǀ viśva-cakṣāḥ ǁ
10.081.03 (Mandala. Sukta. Rik)
8.3.16.03 (Ashtaka. Adhyaya. Varga. Rik)
10.06.110 (Mandala. Anuvāka. Rik)
Samhita Devanagari Accented
वि॒श्वत॑श्चक्षुरु॒त वि॒श्वतो॑मुखो वि॒श्वतो॑बाहुरु॒त वि॒श्वत॑स्पात् ।
सं बा॒हुभ्यां॒ धम॑ति॒ सं पत॑त्रै॒र्द्यावा॒भूमी॑ ज॒नयं॑दे॒व एकः॑ ॥
Samhita Devanagari Nonaccented
विश्वतश्चक्षुरुत विश्वतोमुखो विश्वतोबाहुरुत विश्वतस्पात् ।
सं बाहुभ्यां धमति सं पतत्रैर्द्यावाभूमी जनयंदेव एकः ॥
Samhita Transcription Accented
viśvátaścakṣurutá viśvátomukho viśvátobāhurutá viśvátaspāt ǀ
sám bāhúbhyām dhámati sám pátatrairdyā́vābhū́mī janáyandevá ékaḥ ǁ
Samhita Transcription Nonaccented
viśvataścakṣuruta viśvatomukho viśvatobāhuruta viśvataspāt ǀ
sam bāhubhyām dhamati sam patatrairdyāvābhūmī janayandeva ekaḥ ǁ
Padapatha Devanagari Accented
वि॒श्वतः॑ऽचक्षुः । उ॒त । वि॒श्वतः॑ऽमुखः । वि॒श्वतः॑ऽबाहुः । उ॒त । वि॒श्वतः॑ऽपात् ।
सम् । बा॒हुऽभ्या॑म् । धम॑ति । सम् । पत॑त्रैः । द्यावा॒भूमी॒ इति॑ । ज॒नय॑न् । दे॒वः । एकः॑ ॥
Padapatha Devanagari Nonaccented
विश्वतःऽचक्षुः । उत । विश्वतःऽमुखः । विश्वतःऽबाहुः । उत । विश्वतःऽपात् ।
सम् । बाहुऽभ्याम् । धमति । सम् । पतत्रैः । द्यावाभूमी इति । जनयन् । देवः । एकः ॥
Padapatha Transcription Accented
viśvátaḥ-cakṣuḥ ǀ utá ǀ viśvátaḥ-mukhaḥ ǀ viśvátaḥ-bāhuḥ ǀ utá ǀ viśvátaḥ-pāt ǀ
sám ǀ bāhú-bhyām ǀ dhámati ǀ sám ǀ pátatraiḥ ǀ dyā́vābhū́mī íti ǀ janáyan ǀ deváḥ ǀ ékaḥ ǁ
Padapatha Transcription Nonaccented
viśvataḥ-cakṣuḥ ǀ uta ǀ viśvataḥ-mukhaḥ ǀ viśvataḥ-bāhuḥ ǀ uta ǀ viśvataḥ-pāt ǀ
sam ǀ bāhu-bhyām ǀ dhamati ǀ sam ǀ patatraiḥ ǀ dyāvābhūmī iti ǀ janayan ǀ devaḥ ǀ ekaḥ ǁ
10.081.04 (Mandala. Sukta. Rik)
8.3.16.04 (Ashtaka. Adhyaya. Varga. Rik)
10.06.111 (Mandala. Anuvāka. Rik)
Samhita Devanagari Accented
किं स्वि॒द्वनं॒ क उ॒ स वृ॒क्ष आ॑स॒ यतो॒ द्यावा॑पृथि॒वी नि॑ष्टत॒क्षुः ।
मनी॑षिणो॒ मन॑सा पृ॒च्छतेदु॒ तद्यद॒ध्यति॑ष्ठ॒द्भुव॑नानि धा॒रय॑न् ॥
Samhita Devanagari Nonaccented
किं स्विद्वनं क उ स वृक्ष आस यतो द्यावापृथिवी निष्टतक्षुः ।
मनीषिणो मनसा पृच्छतेदु तद्यदध्यतिष्ठद्भुवनानि धारयन् ॥
Samhita Transcription Accented
kím svidvánam ká u sá vṛkṣá āsa yáto dyā́vāpṛthivī́ niṣṭatakṣúḥ ǀ
mánīṣiṇo mánasā pṛcchátédu tádyádadhyátiṣṭhadbhúvanāni dhāráyan ǁ
Samhita Transcription Nonaccented
kim svidvanam ka u sa vṛkṣa āsa yato dyāvāpṛthivī niṣṭatakṣuḥ ǀ
manīṣiṇo manasā pṛcchatedu tadyadadhyatiṣṭhadbhuvanāni dhārayan ǁ
Padapatha Devanagari Accented
किम् । स्वि॒त् । वन॑म् । कः । ऊं॒ इति॑ । सः । वृ॒क्षः । आ॒स॒ । यतः॑ । द्यावा॑पृथि॒वी इति॑ । निः॒ऽत॒त॒क्षुः ।
मनी॑षिणः । मन॑सा । पृ॒च्छत॑ । इत् । ऊं॒ इति॑ । तत् । यत् । अ॒धि॒ऽअति॑ष्ठत् । भुव॑नानि । धा॒रय॑न् ॥
Padapatha Devanagari Nonaccented
किम् । स्वित् । वनम् । कः । ऊं इति । सः । वृक्षः । आस । यतः । द्यावापृथिवी इति । निःऽततक्षुः ।
मनीषिणः । मनसा । पृच्छत । इत् । ऊं इति । तत् । यत् । अधिऽअतिष्ठत् । भुवनानि । धारयन् ॥
Padapatha Transcription Accented
kím ǀ svit ǀ vánam ǀ káḥ ǀ ūṃ íti ǀ sáḥ ǀ vṛkṣáḥ ǀ āsa ǀ yátaḥ ǀ dyā́vāpṛthivī́ íti ǀ niḥ-tatakṣúḥ ǀ
mánīṣiṇaḥ ǀ mánasā ǀ pṛccháta ǀ ít ǀ ūṃ íti ǀ tát ǀ yát ǀ adhi-átiṣṭhat ǀ bhúvanāni ǀ dhāráyan ǁ
Padapatha Transcription Nonaccented
kim ǀ svit ǀ vanam ǀ kaḥ ǀ ūṃ iti ǀ saḥ ǀ vṛkṣaḥ ǀ āsa ǀ yataḥ ǀ dyāvāpṛthivī iti ǀ niḥ-tatakṣuḥ ǀ
manīṣiṇaḥ ǀ manasā ǀ pṛcchata ǀ it ǀ ūṃ iti ǀ tat ǀ yat ǀ adhi-atiṣṭhat ǀ bhuvanāni ǀ dhārayan ǁ
10.081.05 (Mandala. Sukta. Rik)
8.3.16.05 (Ashtaka. Adhyaya. Varga. Rik)
10.06.112 (Mandala. Anuvāka. Rik)
Samhita Devanagari Accented
या ते॒ धामा॑नि पर॒माणि॒ याव॒मा या म॑ध्य॒मा वि॑श्वकर्मन्नु॒तेमा ।
शिक्षा॒ सखि॑भ्यो ह॒विषि॑ स्वधावः स्व॒यं य॑जस्व त॒न्वं॑ वृधा॒नः ॥
Samhita Devanagari Nonaccented
या ते धामानि परमाणि यावमा या मध्यमा विश्वकर्मन्नुतेमा ।
शिक्षा सखिभ्यो हविषि स्वधावः स्वयं यजस्व तन्वं वृधानः ॥
Samhita Transcription Accented
yā́ te dhā́māni paramā́ṇi yā́vamā́ yā́ madhyamā́ viśvakarmannutémā́ ǀ
śíkṣā sákhibhyo havíṣi svadhāvaḥ svayám yajasva tanvám vṛdhānáḥ ǁ
Samhita Transcription Nonaccented
yā te dhāmāni paramāṇi yāvamā yā madhyamā viśvakarmannutemā ǀ
śikṣā sakhibhyo haviṣi svadhāvaḥ svayam yajasva tanvam vṛdhānaḥ ǁ
Padapatha Devanagari Accented
या । ते॒ । धामा॑नि । प॒र॒माणि॑ । या । अ॒व॒मा । या । म॒ध्य॒मा । वि॒श्व॒ऽक॒र्म॒न् । उ॒त । इ॒मा ।
शिक्ष॑ । सखि॑ऽभ्यः । ह॒विषि॑ । स्व॒धा॒ऽवः॒ । स्व॒यम् । य॒ज॒स्व॒ । त॒न्व॑म् । वृ॒धा॒नः ॥
Padapatha Devanagari Nonaccented
या । ते । धामानि । परमाणि । या । अवमा । या । मध्यमा । विश्वऽकर्मन् । उत । इमा ।
शिक्ष । सखिऽभ्यः । हविषि । स्वधाऽवः । स्वयम् । यजस्व । तन्वम् । वृधानः ॥
Padapatha Transcription Accented
yā́ ǀ te ǀ dhā́māni ǀ paramā́ṇi ǀ yā́ ǀ avamā́ ǀ yā́ ǀ madhyamā́ ǀ viśva-karman ǀ utá ǀ imā́ ǀ
śíkṣa ǀ sákhi-bhyaḥ ǀ havíṣi ǀ svadhā-vaḥ ǀ svayám ǀ yajasva ǀ tanvám ǀ vṛdhānáḥ ǁ
Padapatha Transcription Nonaccented
yā ǀ te ǀ dhāmāni ǀ paramāṇi ǀ yā ǀ avamā ǀ yā ǀ madhyamā ǀ viśva-karman ǀ uta ǀ imā ǀ
śikṣa ǀ sakhi-bhyaḥ ǀ haviṣi ǀ svadhā-vaḥ ǀ svayam ǀ yajasva ǀ tanvam ǀ vṛdhānaḥ ǁ
10.081.06 (Mandala. Sukta. Rik)
8.3.16.06 (Ashtaka. Adhyaya. Varga. Rik)
10.06.113 (Mandala. Anuvāka. Rik)
Samhita Devanagari Accented
विश्व॑कर्मन्ह॒विषा॑ वावृधा॒नः स्व॒यं य॑जस्व पृथि॒वीमु॒त द्यां ।
मुह्यं॑त्व॒न्ये अ॒भितो॒ जना॑स इ॒हास्माकं॑ म॒घवा॑ सू॒रिर॑स्तु ॥
Samhita Devanagari Nonaccented
विश्वकर्मन्हविषा वावृधानः स्वयं यजस्व पृथिवीमुत द्यां ।
मुह्यंत्वन्ये अभितो जनास इहास्माकं मघवा सूरिरस्तु ॥
Samhita Transcription Accented
víśvakarmanhavíṣā vāvṛdhānáḥ svayám yajasva pṛthivī́mutá dyā́m ǀ
múhyantvanyé abhíto jánāsa ihā́smā́kam maghávā sūrírastu ǁ
Samhita Transcription Nonaccented
viśvakarmanhaviṣā vāvṛdhānaḥ svayam yajasva pṛthivīmuta dyām ǀ
muhyantvanye abhito janāsa ihāsmākam maghavā sūrirastu ǁ
Padapatha Devanagari Accented
विश्व॑ऽकर्मन् । ह॒विषा॑ । व॒वृ॒धा॒नः । स्व॒यम् । य॒ज॒स्व॒ । पृ॒थि॒वीम् । उ॒त । द्याम् ।
मुह्य॑न्तु । अ॒न्ये । अ॒भितः॑ । जना॑सः । इ॒ह । अ॒स्माक॑म् । म॒घऽवा॑ । सू॒रिः । अ॒स्तु॒ ॥
Padapatha Devanagari Nonaccented
विश्वऽकर्मन् । हविषा । ववृधानः । स्वयम् । यजस्व । पृथिवीम् । उत । द्याम् ।
मुह्यन्तु । अन्ये । अभितः । जनासः । इह । अस्माकम् । मघऽवा । सूरिः । अस्तु ॥
Padapatha Transcription Accented
víśva-karman ǀ havíṣā ǀ vavṛdhānáḥ ǀ svayám ǀ yajasva ǀ pṛthivī́m ǀ utá ǀ dyā́m ǀ
múhyantu ǀ anyé ǀ abhítaḥ ǀ jánāsaḥ ǀ ihá ǀ asmā́kam ǀ maghá-vā ǀ sūríḥ ǀ astu ǁ
Padapatha Transcription Nonaccented
viśva-karman ǀ haviṣā ǀ vavṛdhānaḥ ǀ svayam ǀ yajasva ǀ pṛthivīm ǀ uta ǀ dyām ǀ
muhyantu ǀ anye ǀ abhitaḥ ǀ janāsaḥ ǀ iha ǀ asmākam ǀ magha-vā ǀ sūriḥ ǀ astu ǁ
10.081.07 (Mandala. Sukta. Rik)
8.3.16.07 (Ashtaka. Adhyaya. Varga. Rik)
10.06.114 (Mandala. Anuvāka. Rik)
Samhita Devanagari Accented
वा॒चस्पतिं॑ वि॒श्वक॑र्माणमू॒तये॑ मनो॒जुवं॒ वाजे॑ अ॒द्या हु॑वेम ।
स नो॒ विश्वा॑नि॒ हव॑नानि जोषद्वि॒श्वशं॑भू॒रव॑से सा॒धुक॑र्मा ॥
Samhita Devanagari Nonaccented
वाचस्पतिं विश्वकर्माणमूतये मनोजुवं वाजे अद्या हुवेम ।
स नो विश्वानि हवनानि जोषद्विश्वशंभूरवसे साधुकर्मा ॥
Samhita Transcription Accented
vācáspátim viśvákarmāṇamūtáye manojúvam vā́je adyā́ huvema ǀ
sá no víśvāni hávanāni joṣadviśváśambhūrávase sādhúkarmā ǁ
Samhita Transcription Nonaccented
vācaspatim viśvakarmāṇamūtaye manojuvam vāje adyā huvema ǀ
sa no viśvāni havanāni joṣadviśvaśambhūravase sādhukarmā ǁ
Padapatha Devanagari Accented
वा॒चः । पति॑म् । वि॒श्वऽक॑र्माणम् । ऊ॒तये॑ । म॒नः॒ऽजुव॑म् । वाजे॑ । अ॒द्य । हु॒वे॒म॒ ।
सः । नः॒ । विश्वा॑नि । हव॑नानि । जो॒ष॒त् । वि॒श्वऽश॑म्भूः । अव॑से । सा॒धुऽक॑र्मा ॥
Padapatha Devanagari Nonaccented
वाचः । पतिम् । विश्वऽकर्माणम् । ऊतये । मनःऽजुवम् । वाजे । अद्य । हुवेम ।
सः । नः । विश्वानि । हवनानि । जोषत् । विश्वऽशम्भूः । अवसे । साधुऽकर्मा ॥
Padapatha Transcription Accented
vācáḥ ǀ pátim ǀ viśvá-karmāṇam ǀ ūtáye ǀ manaḥ-júvam ǀ vā́je ǀ adyá ǀ huvema ǀ
sáḥ ǀ naḥ ǀ víśvāni ǀ hávanāni ǀ joṣat ǀ viśvá-śambhūḥ ǀ ávase ǀ sādhú-karmā ǁ
Padapatha Transcription Nonaccented
vācaḥ ǀ patim ǀ viśva-karmāṇam ǀ ūtaye ǀ manaḥ-juvam ǀ vāje ǀ adya ǀ huvema ǀ
saḥ ǀ naḥ ǀ viśvāni ǀ havanāni ǀ joṣat ǀ viśva-śambhūḥ ǀ avase ǀ sādhu-karmā ǁ