|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 84
|
1. Info |
| To: | manyu | |
| From: | manyu tāpasa | |
| Metres: | 1st set of styles: triṣṭup (1, 3); pādanicṛjjgatī (4, 5); bhuriktriṣṭup (2); svarāḍārcījagatī (6); virāḍjagatī (7) 2nd set of styles: jagatī (4-7); triṣṭubh (1-3) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.084.01 (Mandala. Sukta. Rik)
8.3.19.01 (Ashtaka. Adhyaya. Varga. Rik)
10.06.129 (Mandala. Anuvāka. Rik)
Samhita Devanagari Accented
त्वया॑ मन्यो स॒रथ॑मारु॒जंतो॒ हर्ष॑माणासो धृषि॒ता म॑रुत्वः ।
ति॒ग्मेष॑व॒ आयु॑धा सं॒शिशा॑ना अ॒भि प्र यं॑तु॒ नरो॑ अ॒ग्निरू॑पाः ॥
Samhita Devanagari Nonaccented
त्वया मन्यो सरथमारुजंतो हर्षमाणासो धृषिता मरुत्वः ।
तिग्मेषव आयुधा संशिशाना अभि प्र यंतु नरो अग्निरूपाः ॥
Samhita Transcription Accented
tváyā manyo saráthamārujánto hárṣamāṇāso dhṛṣitā́ marutvaḥ ǀ
tigméṣava ā́yudhā saṃśíśānā abhí prá yantu náro agnírūpāḥ ǁ
Samhita Transcription Nonaccented
tvayā manyo sarathamārujanto harṣamāṇāso dhṛṣitā marutvaḥ ǀ
tigmeṣava āyudhā saṃśiśānā abhi pra yantu naro agnirūpāḥ ǁ
Padapatha Devanagari Accented
त्वया॑ । म॒न्यो॒ इति॑ । स॒ऽरथ॑म् । आ॒ऽरु॒जन्तः॑ । हर्ष॑माणासः । धृ॒षि॒ताः । म॒रु॒त्वः॒ ।
ति॒ग्मऽइ॑षवः । आयु॑धा । स॒म्ऽशिशा॑नाः । अ॒भि । प्र । य॒न्तु॒ । नरः॑ । अ॒ग्निऽरू॑पाः ॥
Padapatha Devanagari Nonaccented
त्वया । मन्यो इति । सऽरथम् । आऽरुजन्तः । हर्षमाणासः । धृषिताः । मरुत्वः ।
तिग्मऽइषवः । आयुधा । सम्ऽशिशानाः । अभि । प्र । यन्तु । नरः । अग्निऽरूपाः ॥
Padapatha Transcription Accented
tváyā ǀ manyo íti ǀ sa-rátham ǀ ā-rujántaḥ ǀ hárṣamāṇāsaḥ ǀ dhṛṣitā́ḥ ǀ marutvaḥ ǀ
tigmá-iṣavaḥ ǀ ā́yudhā ǀ sam-śíśānāḥ ǀ abhí ǀ prá ǀ yantu ǀ náraḥ ǀ agní-rūpāḥ ǁ
Padapatha Transcription Nonaccented
tvayā ǀ manyo iti ǀ sa-ratham ǀ ā-rujantaḥ ǀ harṣamāṇāsaḥ ǀ dhṛṣitāḥ ǀ marutvaḥ ǀ
tigma-iṣavaḥ ǀ āyudhā ǀ sam-śiśānāḥ ǀ abhi ǀ pra ǀ yantu ǀ naraḥ ǀ agni-rūpāḥ ǁ
10.084.02 (Mandala. Sukta. Rik)
8.3.19.02 (Ashtaka. Adhyaya. Varga. Rik)
10.06.130 (Mandala. Anuvāka. Rik)
Samhita Devanagari Accented
अ॒ग्निरि॑व मन्यो त्विषि॒तः स॑हस्व सेना॒नीर्नः॑ सहुरे हू॒त ए॑धि ।
ह॒त्वाय॒ शत्रू॒न्वि भ॑जस्व॒ वेद॒ ओजो॒ मिमा॑नो॒ वि मृधो॑ नुदस्व ॥
Samhita Devanagari Nonaccented
अग्निरिव मन्यो त्विषितः सहस्व सेनानीर्नः सहुरे हूत एधि ।
हत्वाय शत्रून्वि भजस्व वेद ओजो मिमानो वि मृधो नुदस्व ॥
Samhita Transcription Accented
agníriva manyo tviṣitáḥ sahasva senānī́rnaḥ sahure hūtá edhi ǀ
hatvā́ya śátrūnví bhajasva véda ójo mímāno ví mṛ́dho nudasva ǁ
Samhita Transcription Nonaccented
agniriva manyo tviṣitaḥ sahasva senānīrnaḥ sahure hūta edhi ǀ
hatvāya śatrūnvi bhajasva veda ojo mimāno vi mṛdho nudasva ǁ
Padapatha Devanagari Accented
अ॒ग्निःऽइ॑व । म॒न्यो॒ इति॑ । त्वि॒षि॒तः । स॒ह॒स्व॒ । से॒ना॒ऽनीः । नः॒ । स॒हु॒रे॒ । हू॒तः । ए॒धि॒ ।
ह॒त्वाय॑ । शत्रू॑न् । वि । भ॒ज॒स्व॒ । वेदः॑ । ओजः॑ । मिमा॑नः । वि । मृधः॑ । नु॒द॒स्व॒ ॥
Padapatha Devanagari Nonaccented
अग्निःऽइव । मन्यो इति । त्विषितः । सहस्व । सेनाऽनीः । नः । सहुरे । हूतः । एधि ।
हत्वाय । शत्रून् । वि । भजस्व । वेदः । ओजः । मिमानः । वि । मृधः । नुदस्व ॥
Padapatha Transcription Accented
agníḥ-iva ǀ manyo íti ǀ tviṣitáḥ ǀ sahasva ǀ senā-nī́ḥ ǀ naḥ ǀ sahure ǀ hūtáḥ ǀ edhi ǀ
hatvā́ya ǀ śátrūn ǀ ví ǀ bhajasva ǀ védaḥ ǀ ójaḥ ǀ mímānaḥ ǀ ví ǀ mṛ́dhaḥ ǀ nudasva ǁ
Padapatha Transcription Nonaccented
agniḥ-iva ǀ manyo iti ǀ tviṣitaḥ ǀ sahasva ǀ senā-nīḥ ǀ naḥ ǀ sahure ǀ hūtaḥ ǀ edhi ǀ
hatvāya ǀ śatrūn ǀ vi ǀ bhajasva ǀ vedaḥ ǀ ojaḥ ǀ mimānaḥ ǀ vi ǀ mṛdhaḥ ǀ nudasva ǁ
10.084.03 (Mandala. Sukta. Rik)
8.3.19.03 (Ashtaka. Adhyaya. Varga. Rik)
10.06.131 (Mandala. Anuvāka. Rik)
Samhita Devanagari Accented
सह॑स्व मन्यो अ॒भिमा॑तिम॒स्मे रु॒जन्मृ॒णन्प्र॑मृ॒णन्प्रेहि॒ शत्रू॑न् ।
उ॒ग्रं ते॒ पाजो॑ न॒न्वा रु॑रुध्रे व॒शी वशं॑ नयस एकज॒ त्वं ॥
Samhita Devanagari Nonaccented
सहस्व मन्यो अभिमातिमस्मे रुजन्मृणन्प्रमृणन्प्रेहि शत्रून् ।
उग्रं ते पाजो नन्वा रुरुध्रे वशी वशं नयस एकज त्वं ॥
Samhita Transcription Accented
sáhasva manyo abhímātimasmé rujánmṛṇánpramṛṇánpréhi śátrūn ǀ
ugrám te pā́jo nanvā́ rurudhre vaśī́ váśam nayasa ekaja tvám ǁ
Samhita Transcription Nonaccented
sahasva manyo abhimātimasme rujanmṛṇanpramṛṇanprehi śatrūn ǀ
ugram te pājo nanvā rurudhre vaśī vaśam nayasa ekaja tvam ǁ
Padapatha Devanagari Accented
सह॑स्व । म॒न्यो॒ इति॑ । अ॒भिऽमा॑तिम् । अ॒स्मे इति॑ । रु॒जन् । मृ॒णन् । प्र॒ऽमृ॒णन् । प्र । इ॒हि॒ । शत्रू॑न् ।
उ॒ग्रम् । ते॒ । पाजः॑ । न॒नु । आ । रु॒रु॒ध्रे॒ । व॒शी । वश॑म् । न॒य॒से॒ । ए॒क॒ऽज॒ । त्वम् ॥
Padapatha Devanagari Nonaccented
सहस्व । मन्यो इति । अभिऽमातिम् । अस्मे इति । रुजन् । मृणन् । प्रऽमृणन् । प्र । इहि । शत्रून् ।
उग्रम् । ते । पाजः । ननु । आ । रुरुध्रे । वशी । वशम् । नयसे । एकऽज । त्वम् ॥
Padapatha Transcription Accented
sáhasva ǀ manyo íti ǀ abhí-mātim ǀ asmé íti ǀ ruján ǀ mṛṇán ǀ pra-mṛṇán ǀ prá ǀ ihi ǀ śátrūn ǀ
ugrám ǀ te ǀ pā́jaḥ ǀ nanú ǀ ā́ ǀ rurudhre ǀ vaśī́ ǀ váśam ǀ nayase ǀ eka-ja ǀ tvám ǁ
Padapatha Transcription Nonaccented
sahasva ǀ manyo iti ǀ abhi-mātim ǀ asme iti ǀ rujan ǀ mṛṇan ǀ pra-mṛṇan ǀ pra ǀ ihi ǀ śatrūn ǀ
ugram ǀ te ǀ pājaḥ ǀ nanu ǀ ā ǀ rurudhre ǀ vaśī ǀ vaśam ǀ nayase ǀ eka-ja ǀ tvam ǁ
10.084.04 (Mandala. Sukta. Rik)
8.3.19.04 (Ashtaka. Adhyaya. Varga. Rik)
10.06.132 (Mandala. Anuvāka. Rik)
Samhita Devanagari Accented
एको॑ बहू॒नाम॑सि मन्यवीळि॒तो विशं॑विशं यु॒धये॒ सं शि॑शाधि ।
अकृ॑त्तरु॒क्त्वया॑ यु॒जा व॒यं द्यु॒मंतं॒ घोषं॑ विज॒याय॑ कृण्महे ॥
Samhita Devanagari Nonaccented
एको बहूनामसि मन्यवीळितो विशंविशं युधये सं शिशाधि ।
अकृत्तरुक्त्वया युजा वयं द्युमंतं घोषं विजयाय कृण्महे ॥
Samhita Transcription Accented
éko bahūnā́masi manyavīḷitó víśaṃviśam yudháye sám śiśādhi ǀ
ákṛttaruktváyā yujā́ vayám dyumántam ghóṣam vijayā́ya kṛṇmahe ǁ
Samhita Transcription Nonaccented
eko bahūnāmasi manyavīḷito viśaṃviśam yudhaye sam śiśādhi ǀ
akṛttaruktvayā yujā vayam dyumantam ghoṣam vijayāya kṛṇmahe ǁ
Padapatha Devanagari Accented
एकः॑ । ब॒हू॒नाम् । अ॒सि॒ । म॒न्यो॒ इति॑ । ई॒ळि॒तः । विश॑म्ऽविशम् । यु॒धये॑ । सम् । शि॒शा॒धि॒ ।
अकृ॑त्तऽरुक् । त्वया॑ । यु॒जा । व॒यम् । द्यु॒ऽमन्त॑म् । घोष॑म् । वि॒ऽज॒याय॑ । कृ॒ण्म॒हे॒ ॥
Padapatha Devanagari Nonaccented
एकः । बहूनाम् । असि । मन्यो इति । ईळितः । विशम्ऽविशम् । युधये । सम् । शिशाधि ।
अकृत्तऽरुक् । त्वया । युजा । वयम् । द्युऽमन्तम् । घोषम् । विऽजयाय । कृण्महे ॥
Padapatha Transcription Accented
ékaḥ ǀ bahūnā́m ǀ asi ǀ manyo íti ǀ īḷitáḥ ǀ víśam-viśam ǀ yudháye ǀ sám ǀ śiśādhi ǀ
ákṛtta-ruk ǀ tváyā ǀ yujā́ ǀ vayám ǀ dyu-mántam ǀ ghóṣam ǀ vi-jayā́ya ǀ kṛṇmahe ǁ
Padapatha Transcription Nonaccented
ekaḥ ǀ bahūnām ǀ asi ǀ manyo iti ǀ īḷitaḥ ǀ viśam-viśam ǀ yudhaye ǀ sam ǀ śiśādhi ǀ
akṛtta-ruk ǀ tvayā ǀ yujā ǀ vayam ǀ dyu-mantam ǀ ghoṣam ǀ vi-jayāya ǀ kṛṇmahe ǁ
10.084.05 (Mandala. Sukta. Rik)
8.3.19.05 (Ashtaka. Adhyaya. Varga. Rik)
10.06.133 (Mandala. Anuvāka. Rik)
Samhita Devanagari Accented
वि॒जे॒ष॒कृदिंद्र॑ इवानवब्र॒वो॒३॒॑ऽस्माकं॑ मन्यो अधि॒पा भ॑वे॒ह ।
प्रि॒यं ते॒ नाम॑ सहुरे गृणीमसि वि॒द्मा तमुत्सं॒ यत॑ आब॒भूथ॑ ॥
Samhita Devanagari Nonaccented
विजेषकृदिंद्र इवानवब्रवोऽस्माकं मन्यो अधिपा भवेह ।
प्रियं ते नाम सहुरे गृणीमसि विद्मा तमुत्सं यत आबभूथ ॥
Samhita Transcription Accented
vijeṣakṛ́díndra ivānavabravó’smā́kam manyo adhipā́ bhavehá ǀ
priyám te nā́ma sahure gṛṇīmasi vidmā́ támútsam yáta ābabhū́tha ǁ
Samhita Transcription Nonaccented
vijeṣakṛdindra ivānavabravo’smākam manyo adhipā bhaveha ǀ
priyam te nāma sahure gṛṇīmasi vidmā tamutsam yata ābabhūtha ǁ
Padapatha Devanagari Accented
वि॒जे॒ष॒ऽकृत् । इन्द्रः॑ऽइव । अ॒न॒व॒ऽब्र॒वः । अ॒स्माक॑म् । म॒न्यो॒ इति॑ । अ॒धि॒ऽपाः । भ॒व॒ । इ॒ह ।
प्रि॒यम् । ते॒ । नाम॑ । स॒हु॒रे॒ । गृ॒णी॒म॒सि॒ । वि॒द्म । तम् । उत्स॑म् । यतः॑ । आ॒ऽब॒भूथ॑ ॥
Padapatha Devanagari Nonaccented
विजेषऽकृत् । इन्द्रःऽइव । अनवऽब्रवः । अस्माकम् । मन्यो इति । अधिऽपाः । भव । इह ।
प्रियम् । ते । नाम । सहुरे । गृणीमसि । विद्म । तम् । उत्सम् । यतः । आऽबभूथ ॥
Padapatha Transcription Accented
vijeṣa-kṛ́t ǀ índraḥ-iva ǀ anava-braváḥ ǀ asmā́kam ǀ manyo íti ǀ adhi-pā́ḥ ǀ bhava ǀ ihá ǀ
priyám ǀ te ǀ nā́ma ǀ sahure ǀ gṛṇīmasi ǀ vidmá ǀ tám ǀ útsam ǀ yátaḥ ǀ ā-babhū́tha ǁ
Padapatha Transcription Nonaccented
vijeṣa-kṛt ǀ indraḥ-iva ǀ anava-bravaḥ ǀ asmākam ǀ manyo iti ǀ adhi-pāḥ ǀ bhava ǀ iha ǀ
priyam ǀ te ǀ nāma ǀ sahure ǀ gṛṇīmasi ǀ vidma ǀ tam ǀ utsam ǀ yataḥ ǀ ā-babhūtha ǁ
10.084.06 (Mandala. Sukta. Rik)
8.3.19.06 (Ashtaka. Adhyaya. Varga. Rik)
10.06.134 (Mandala. Anuvāka. Rik)
Samhita Devanagari Accented
आभू॑त्या सह॒जा व॑ज्र सायक॒ सहो॑ बिभर्ष्यभिभूत॒ उत्त॑रं ।
क्रत्वा॑ नो मन्यो स॒ह मे॒द्ये॑धि महाध॒नस्य॑ पुरुहूत सं॒सृजि॑ ॥
Samhita Devanagari Nonaccented
आभूत्या सहजा वज्र सायक सहो बिभर्ष्यभिभूत उत्तरं ।
क्रत्वा नो मन्यो सह मेद्येधि महाधनस्य पुरुहूत संसृजि ॥
Samhita Transcription Accented
ā́bhūtyā sahajā́ vajra sāyaka sáho bibharṣyabhibhūta úttaram ǀ
krátvā no manyo sahá medyédhi mahādhanásya puruhūta saṃsṛ́ji ǁ
Samhita Transcription Nonaccented
ābhūtyā sahajā vajra sāyaka saho bibharṣyabhibhūta uttaram ǀ
kratvā no manyo saha medyedhi mahādhanasya puruhūta saṃsṛji ǁ
Padapatha Devanagari Accented
आऽभू॑त्या । स॒ह॒ऽजाः । व॒ज्र॒ । सा॒य॒क॒ । सहः॑ । बि॒भ॒र्षि॒ । अ॒भि॒ऽभू॒ते॒ । उत्ऽत॑रम् ।
क्रत्वा॑ । नः॒ । म॒न्यो॒ इति॑ । स॒ह । मे॒दी । ए॒धि॒ । म॒हा॒ऽध॒नस्य॑ । पु॒रु॒ऽहू॒त॒ । स॒म्ऽसृजि॑ ॥
Padapatha Devanagari Nonaccented
आऽभूत्या । सहऽजाः । वज्र । सायक । सहः । बिभर्षि । अभिऽभूते । उत्ऽतरम् ।
क्रत्वा । नः । मन्यो इति । सह । मेदी । एधि । महाऽधनस्य । पुरुऽहूत । सम्ऽसृजि ॥
Padapatha Transcription Accented
ā́-bhūtyā ǀ saha-jā́ḥ ǀ vajra ǀ sāyaka ǀ sáhaḥ ǀ bibharṣi ǀ abhi-bhūte ǀ út-taram ǀ
krátvā ǀ naḥ ǀ manyo íti ǀ sahá ǀ medī́ ǀ edhi ǀ mahā-dhanásya ǀ puru-hūta ǀ sam-sṛ́ji ǁ
Padapatha Transcription Nonaccented
ā-bhūtyā ǀ saha-jāḥ ǀ vajra ǀ sāyaka ǀ sahaḥ ǀ bibharṣi ǀ abhi-bhūte ǀ ut-taram ǀ
kratvā ǀ naḥ ǀ manyo iti ǀ saha ǀ medī ǀ edhi ǀ mahā-dhanasya ǀ puru-hūta ǀ sam-sṛji ǁ
10.084.07 (Mandala. Sukta. Rik)
8.3.19.07 (Ashtaka. Adhyaya. Varga. Rik)
10.06.135 (Mandala. Anuvāka. Rik)
Samhita Devanagari Accented
संसृ॑ष्टं॒ धन॑मु॒भयं॑ स॒माकृ॑तम॒स्मभ्यं॑ दत्तां॒ वरु॑णश्च म॒न्युः ।
भियं॒ दधा॑ना॒ हृद॑येषु॒ शत्र॑वः॒ परा॑जितासो॒ अप॒ नि ल॑यंतां ॥
Samhita Devanagari Nonaccented
संसृष्टं धनमुभयं समाकृतमस्मभ्यं दत्तां वरुणश्च मन्युः ।
भियं दधाना हृदयेषु शत्रवः पराजितासो अप नि लयंतां ॥
Samhita Transcription Accented
sáṃsṛṣṭam dhánamubháyam samā́kṛtamasmábhyam dattām váruṇaśca manyúḥ ǀ
bhíyam dádhānā hṛ́dayeṣu śátravaḥ párājitāso ápa ní layantām ǁ
Samhita Transcription Nonaccented
saṃsṛṣṭam dhanamubhayam samākṛtamasmabhyam dattām varuṇaśca manyuḥ ǀ
bhiyam dadhānā hṛdayeṣu śatravaḥ parājitāso apa ni layantām ǁ
Padapatha Devanagari Accented
सम्ऽसृ॑ष्टम् । धन॑म् । उ॒भय॑म् । स॒म्ऽआकृ॑तम् । अ॒स्मभ्य॑म् । द॒त्ता॒म् । वरु॑णः । च॒ । म॒न्युः ।
भिय॑म् । दधा॑नाः । हृद॑येषु । शत्र॑वः । परा॑ऽजितासः । अप॑ । नि । ल॒य॒न्ता॒म् ॥
Padapatha Devanagari Nonaccented
सम्ऽसृष्टम् । धनम् । उभयम् । सम्ऽआकृतम् । अस्मभ्यम् । दत्ताम् । वरुणः । च । मन्युः ।
भियम् । दधानाः । हृदयेषु । शत्रवः । पराऽजितासः । अप । नि । लयन्ताम् ॥
Padapatha Transcription Accented
sám-sṛṣṭam ǀ dhánam ǀ ubháyam ǀ sam-ā́kṛtam ǀ asmábhyam ǀ dattām ǀ váruṇaḥ ǀ ca ǀ manyúḥ ǀ
bhíyam ǀ dádhānāḥ ǀ hṛ́dayeṣu ǀ śátravaḥ ǀ párā-jitāsaḥ ǀ ápa ǀ ní ǀ layantām ǁ
Padapatha Transcription Nonaccented
sam-sṛṣṭam ǀ dhanam ǀ ubhayam ǀ sam-ākṛtam ǀ asmabhyam ǀ dattām ǀ varuṇaḥ ǀ ca ǀ manyuḥ ǀ
bhiyam ǀ dadhānāḥ ǀ hṛdayeṣu ǀ śatravaḥ ǀ parā-jitāsaḥ ǀ apa ǀ ni ǀ layantām ǁ