|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 96
|
1. Info |
| To: | haristutiḥ | |
| From: | baru āṅgirasa or sarvahari aindra | |
| Metres: | 1st set of styles: nicṛjjagatī (2-4, 9, 10); jagatī (1, 7, 8); triṣṭup (12, 13); svarāḍārcījagatī (5); virāḍjagatī (6); bhurigārcījagatī (11) 2nd set of styles: jagatī (1-11); triṣṭubh (12, 13) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.096.01 (Mandala. Sukta. Rik)
8.5.05.01 (Ashtaka. Adhyaya. Varga. Rik)
10.08.078 (Mandala. Anuvāka. Rik)
Samhita Devanagari Accented
प्र ते॑ म॒हे वि॒दथे॑ शंसिषं॒ हरी॒ प्र ते॑ वन्वे व॒नुषो॑ हर्य॒तं मदं॑ ।
घृ॒तं न यो हरि॑भि॒श्चारु॒ सेच॑त॒ आ त्वा॑ विशंतु॒ हरि॑वर्पसं॒ गिरः॑ ॥
Samhita Devanagari Nonaccented
प्र ते महे विदथे शंसिषं हरी प्र ते वन्वे वनुषो हर्यतं मदं ।
घृतं न यो हरिभिश्चारु सेचत आ त्वा विशंतु हरिवर्पसं गिरः ॥
Samhita Transcription Accented
prá te mahé vidáthe śaṃsiṣam hárī prá te vanve vanúṣo haryatám mádam ǀ
ghṛtám ná yó háribhiścā́ru sécata ā́ tvā viśantu hárivarpasam gíraḥ ǁ
Samhita Transcription Nonaccented
pra te mahe vidathe śaṃsiṣam harī pra te vanve vanuṣo haryatam madam ǀ
ghṛtam na yo haribhiścāru secata ā tvā viśantu harivarpasam giraḥ ǁ
Padapatha Devanagari Accented
प्र । ते॒ । म॒हे । वि॒दथे॑ । शं॒सि॒ष॒म् । हरी॒ इति॑ । प्र । ते॒ । व॒न्वे॒ । व॒नुषः॑ । ह॒र्य॒तम् । मद॑म् ।
घृ॒तम् । न । यः । हरि॑ऽभिः । चारु॑ । सेच॑ते । आ । त्वा॒ । वि॒श॒न्तु॒ । हरि॑ऽवर्पसम् । गिरः॑ ॥
Padapatha Devanagari Nonaccented
प्र । ते । महे । विदथे । शंसिषम् । हरी इति । प्र । ते । वन्वे । वनुषः । हर्यतम् । मदम् ।
घृतम् । न । यः । हरिऽभिः । चारु । सेचते । आ । त्वा । विशन्तु । हरिऽवर्पसम् । गिरः ॥
Padapatha Transcription Accented
prá ǀ te ǀ mahé ǀ vidáthe ǀ śaṃsiṣam ǀ hárī íti ǀ prá ǀ te ǀ vanve ǀ vanúṣaḥ ǀ haryatám ǀ mádam ǀ
ghṛtám ǀ ná ǀ yáḥ ǀ hári-bhiḥ ǀ cā́ru ǀ sécate ǀ ā́ ǀ tvā ǀ viśantu ǀ hári-varpasam ǀ gíraḥ ǁ
Padapatha Transcription Nonaccented
pra ǀ te ǀ mahe ǀ vidathe ǀ śaṃsiṣam ǀ harī iti ǀ pra ǀ te ǀ vanve ǀ vanuṣaḥ ǀ haryatam ǀ madam ǀ
ghṛtam ǀ na ǀ yaḥ ǀ hari-bhiḥ ǀ cāru ǀ secate ǀ ā ǀ tvā ǀ viśantu ǀ hari-varpasam ǀ giraḥ ǁ
10.096.02 (Mandala. Sukta. Rik)
8.5.05.02 (Ashtaka. Adhyaya. Varga. Rik)
10.08.079 (Mandala. Anuvāka. Rik)
Samhita Devanagari Accented
हरिं॒ हि योनि॑म॒भि ये स॒मस्व॑रन्हि॒न्वंतो॒ हरी॑ दि॒व्यं यथा॒ सदः॑ ।
आ यं पृ॒णंति॒ हरि॑भि॒र्न धे॒नव॒ इंद्रा॑य शू॒षं हरि॑वंतमर्चत ॥
Samhita Devanagari Nonaccented
हरिं हि योनिमभि ये समस्वरन्हिन्वंतो हरी दिव्यं यथा सदः ।
आ यं पृणंति हरिभिर्न धेनव इंद्राय शूषं हरिवंतमर्चत ॥
Samhita Transcription Accented
hárim hí yónimabhí yé samásvaranhinvánto hárī divyám yáthā sádaḥ ǀ
ā́ yám pṛṇánti háribhirná dhenáva índrāya śūṣám hárivantamarcata ǁ
Samhita Transcription Nonaccented
harim hi yonimabhi ye samasvaranhinvanto harī divyam yathā sadaḥ ǀ
ā yam pṛṇanti haribhirna dhenava indrāya śūṣam harivantamarcata ǁ
Padapatha Devanagari Accented
हरि॑म् । हि । योनि॑म् । अ॒भि । ये । स॒म्ऽअस्व॑रन् । हि॒न्वन्तः॑ । हरी॒ इति॑ । दि॒व्यम् । यथा॑ । सदः॑ ।
आ । यम् । पृ॒णन्ति॑ । हरि॑ऽभिः । न । धे॒नवः॑ । इन्द्रा॑य । शू॒षम् । हरि॑ऽवन्तम् । अ॒र्च॒त॒ ॥
Padapatha Devanagari Nonaccented
हरिम् । हि । योनिम् । अभि । ये । सम्ऽअस्वरन् । हिन्वन्तः । हरी इति । दिव्यम् । यथा । सदः ।
आ । यम् । पृणन्ति । हरिऽभिः । न । धेनवः । इन्द्राय । शूषम् । हरिऽवन्तम् । अर्चत ॥
Padapatha Transcription Accented
hárim ǀ hí ǀ yónim ǀ abhí ǀ yé ǀ sam-ásvaran ǀ hinvántaḥ ǀ hárī íti ǀ divyám ǀ yáthā ǀ sádaḥ ǀ
ā́ ǀ yám ǀ pṛṇánti ǀ hári-bhiḥ ǀ ná ǀ dhenávaḥ ǀ índrāya ǀ śūṣám ǀ hári-vantam ǀ arcata ǁ
Padapatha Transcription Nonaccented
harim ǀ hi ǀ yonim ǀ abhi ǀ ye ǀ sam-asvaran ǀ hinvantaḥ ǀ harī iti ǀ divyam ǀ yathā ǀ sadaḥ ǀ
ā ǀ yam ǀ pṛṇanti ǀ hari-bhiḥ ǀ na ǀ dhenavaḥ ǀ indrāya ǀ śūṣam ǀ hari-vantam ǀ arcata ǁ
10.096.03 (Mandala. Sukta. Rik)
8.5.05.03 (Ashtaka. Adhyaya. Varga. Rik)
10.08.080 (Mandala. Anuvāka. Rik)
Samhita Devanagari Accented
सो अ॑स्य॒ वज्रो॒ हरि॑तो॒ य आ॑य॒सो हरि॒र्निका॑मो॒ हरि॒रा गभ॑स्त्योः ।
द्यु॒म्नी सु॑शि॒प्रो हरि॑मन्युसायक॒ इंद्रे॒ नि रू॒पा हरि॑ता मिमिक्षिरे ॥
Samhita Devanagari Nonaccented
सो अस्य वज्रो हरितो य आयसो हरिर्निकामो हरिरा गभस्त्योः ।
द्युम्नी सुशिप्रो हरिमन्युसायक इंद्रे नि रूपा हरिता मिमिक्षिरे ॥
Samhita Transcription Accented
só asya vájro hárito yá āyasó hárirníkāmo hárirā́ gábhastyoḥ ǀ
dyumnī́ suśipró hárimanyusāyaka índre ní rūpā́ háritā mimikṣire ǁ
Samhita Transcription Nonaccented
so asya vajro harito ya āyaso harirnikāmo harirā gabhastyoḥ ǀ
dyumnī suśipro harimanyusāyaka indre ni rūpā haritā mimikṣire ǁ
Padapatha Devanagari Accented
सः । अ॒स्य॒ । वज्रः॑ । हरि॑तः । यः । आ॒य॒सः । हरिः॑ । निऽका॑मः । हरिः॑ । आ । गभ॑स्त्योः ।
द्यु॒म्नी । सु॒ऽशि॒प्रः । हरि॑मन्युऽसायकः । इन्द्रे॑ । नि । रू॒पा । हरि॑ता । मि॒मि॒क्षि॒रे॒ ॥
Padapatha Devanagari Nonaccented
सः । अस्य । वज्रः । हरितः । यः । आयसः । हरिः । निऽकामः । हरिः । आ । गभस्त्योः ।
द्युम्नी । सुऽशिप्रः । हरिमन्युऽसायकः । इन्द्रे । नि । रूपा । हरिता । मिमिक्षिरे ॥
Padapatha Transcription Accented
sáḥ ǀ asya ǀ vájraḥ ǀ háritaḥ ǀ yáḥ ǀ āyasáḥ ǀ háriḥ ǀ ní-kāmaḥ ǀ háriḥ ǀ ā́ ǀ gábhastyoḥ ǀ
dyumnī́ ǀ su-śipráḥ ǀ hárimanyu-sāyakaḥ ǀ índre ǀ ní ǀ rūpā́ ǀ háritā ǀ mimikṣire ǁ
Padapatha Transcription Nonaccented
saḥ ǀ asya ǀ vajraḥ ǀ haritaḥ ǀ yaḥ ǀ āyasaḥ ǀ hariḥ ǀ ni-kāmaḥ ǀ hariḥ ǀ ā ǀ gabhastyoḥ ǀ
dyumnī ǀ su-śipraḥ ǀ harimanyu-sāyakaḥ ǀ indre ǀ ni ǀ rūpā ǀ haritā ǀ mimikṣire ǁ
10.096.04 (Mandala. Sukta. Rik)
8.5.05.04 (Ashtaka. Adhyaya. Varga. Rik)
10.08.081 (Mandala. Anuvāka. Rik)
Samhita Devanagari Accented
दि॒वि न के॒तुरधि॑ धायि हर्य॒तो वि॒व्यच॒द्वज्रो॒ हरि॑तो॒ न रंह्या॑ ।
तु॒ददहिं॒ हरि॑शिप्रो॒ य आ॑य॒सः स॒हस्र॑शोका अभवद्धरिंभ॒रः ॥
Samhita Devanagari Nonaccented
दिवि न केतुरधि धायि हर्यतो विव्यचद्वज्रो हरितो न रंह्या ।
तुददहिं हरिशिप्रो य आयसः सहस्रशोका अभवद्धरिंभरः ॥
Samhita Transcription Accented
diví ná ketúrádhi dhāyi haryató vivyácadvájro hárito ná ráṃhyā ǀ
tudádáhim háriśipro yá āyasáḥ sahásraśokā abhavaddharimbharáḥ ǁ
Samhita Transcription Nonaccented
divi na keturadhi dhāyi haryato vivyacadvajro harito na raṃhyā ǀ
tudadahim hariśipro ya āyasaḥ sahasraśokā abhavaddharimbharaḥ ǁ
Padapatha Devanagari Accented
दि॒वि । न । के॒तुः । अधि॑ । धा॒यि॒ । ह॒र्य॒तः । वि॒व्यच॑त् । वज्रः॑ । हरि॑तः । न । रंह्या॑ ।
तु॒दत् । अहि॑म् । हरि॑ऽशिप्रः । यः । आ॒य॒सः । स॒हस्र॑ऽशोकाः । अ॒भ॒व॒त् । ह॒रि॒म्ऽभ॒रः ॥
Padapatha Devanagari Nonaccented
दिवि । न । केतुः । अधि । धायि । हर्यतः । विव्यचत् । वज्रः । हरितः । न । रंह्या ।
तुदत् । अहिम् । हरिऽशिप्रः । यः । आयसः । सहस्रऽशोकाः । अभवत् । हरिम्ऽभरः ॥
Padapatha Transcription Accented
diví ǀ ná ǀ ketúḥ ǀ ádhi ǀ dhāyi ǀ haryatáḥ ǀ vivyácat ǀ vájraḥ ǀ háritaḥ ǀ ná ǀ ráṃhyā ǀ
tudát ǀ áhim ǀ hári-śipraḥ ǀ yáḥ ǀ āyasáḥ ǀ sahásra-śokāḥ ǀ abhavat ǀ harim-bharáḥ ǁ
Padapatha Transcription Nonaccented
divi ǀ na ǀ ketuḥ ǀ adhi ǀ dhāyi ǀ haryataḥ ǀ vivyacat ǀ vajraḥ ǀ haritaḥ ǀ na ǀ raṃhyā ǀ
tudat ǀ ahim ǀ hari-śipraḥ ǀ yaḥ ǀ āyasaḥ ǀ sahasra-śokāḥ ǀ abhavat ǀ harim-bharaḥ ǁ
10.096.05 (Mandala. Sukta. Rik)
8.5.05.05 (Ashtaka. Adhyaya. Varga. Rik)
10.08.082 (Mandala. Anuvāka. Rik)
Samhita Devanagari Accented
त्वंत्व॑महर्यथा॒ उप॑स्तुतः॒ पूर्वे॑भिरिंद्र हरिकेश॒ यज्व॑भिः ।
त्वं ह॑र्यसि॒ तव॒ विश्व॑मु॒क्थ्य१॒॑मसा॑मि॒ राधो॑ हरिजात हर्य॒तं ॥
Samhita Devanagari Nonaccented
त्वंत्वमहर्यथा उपस्तुतः पूर्वेभिरिंद्र हरिकेश यज्वभिः ।
त्वं हर्यसि तव विश्वमुक्थ्यमसामि राधो हरिजात हर्यतं ॥
Samhita Transcription Accented
tváṃtvamaharyathā úpastutaḥ pū́rvebhirindra harikeśa yájvabhiḥ ǀ
tvám haryasi táva víśvamukthyámásāmi rā́dho harijāta haryatám ǁ
Samhita Transcription Nonaccented
tvaṃtvamaharyathā upastutaḥ pūrvebhirindra harikeśa yajvabhiḥ ǀ
tvam haryasi tava viśvamukthyamasāmi rādho harijāta haryatam ǁ
Padapatha Devanagari Accented
त्वम्ऽत्व॑म् । अ॒ह॒र्य॒थाः॒ । उप॑ऽस्तुतः । पूर्वे॑भिः । इ॒न्द्र॒ । ह॒रि॒ऽके॒श॒ । यज्व॑ऽभिः ।
त्वम् । ह॒र्य॒सि॒ । तव॑ । विश्व॑म् । उ॒क्थ्य॑म् । असा॑मि । राधः॑ । ह॒रि॒ऽजा॒त॒ । ह॒र्य॒तम् ॥
Padapatha Devanagari Nonaccented
त्वम्ऽत्वम् । अहर्यथाः । उपऽस्तुतः । पूर्वेभिः । इन्द्र । हरिऽकेश । यज्वऽभिः ।
त्वम् । हर्यसि । तव । विश्वम् । उक्थ्यम् । असामि । राधः । हरिऽजात । हर्यतम् ॥
Padapatha Transcription Accented
tvám-tvam ǀ aharyathāḥ ǀ úpa-stutaḥ ǀ pū́rvebhiḥ ǀ indra ǀ hari-keśa ǀ yájva-bhiḥ ǀ
tvám ǀ haryasi ǀ táva ǀ víśvam ǀ ukthyám ǀ ásāmi ǀ rā́dhaḥ ǀ hari-jāta ǀ haryatám ǁ
Padapatha Transcription Nonaccented
tvam-tvam ǀ aharyathāḥ ǀ upa-stutaḥ ǀ pūrvebhiḥ ǀ indra ǀ hari-keśa ǀ yajva-bhiḥ ǀ
tvam ǀ haryasi ǀ tava ǀ viśvam ǀ ukthyam ǀ asāmi ǀ rādhaḥ ǀ hari-jāta ǀ haryatam ǁ
10.096.06 (Mandala. Sukta. Rik)
8.5.06.01 (Ashtaka. Adhyaya. Varga. Rik)
10.08.083 (Mandala. Anuvāka. Rik)
Samhita Devanagari Accented
ता व॒ज्रिणं॑ मं॒दिनं॒ स्तोम्यं॒ मद॒ इंद्रं॒ रथे॑ वहतो हर्य॒ता हरी॑ ।
पु॒रूण्य॑स्मै॒ सव॑नानि॒ हर्य॑त॒ इंद्रा॑य॒ सोमा॒ हर॑यो दधन्विरे ॥
Samhita Devanagari Nonaccented
ता वज्रिणं मंदिनं स्तोम्यं मद इंद्रं रथे वहतो हर्यता हरी ।
पुरूण्यस्मै सवनानि हर्यत इंद्राय सोमा हरयो दधन्विरे ॥
Samhita Transcription Accented
tā́ vajríṇam mandínam stómyam máda índram ráthe vahato haryatā́ hárī ǀ
purū́ṇyasmai sávanāni háryata índrāya sómā hárayo dadhanvire ǁ
Samhita Transcription Nonaccented
tā vajriṇam mandinam stomyam mada indram rathe vahato haryatā harī ǀ
purūṇyasmai savanāni haryata indrāya somā harayo dadhanvire ǁ
Padapatha Devanagari Accented
ता । व॒ज्रिण॑म् । म॒न्दिन॑म् । स्तोम्य॑म् । मदे॑ । इन्द्र॑म् । रथे॑ । व॒ह॒तः॒ । ह॒र्य॒ता । हरी॒ इति॑ ।
पु॒रूणि॑ । अ॒स्मै॒ । सव॑नानि । हर्य॑ते । इन्द्रा॑य । सोमाः॑ । हर॑यः । द॒ध॒न्वि॒रे॒ ॥
Padapatha Devanagari Nonaccented
ता । वज्रिणम् । मन्दिनम् । स्तोम्यम् । मदे । इन्द्रम् । रथे । वहतः । हर्यता । हरी इति ।
पुरूणि । अस्मै । सवनानि । हर्यते । इन्द्राय । सोमाः । हरयः । दधन्विरे ॥
Padapatha Transcription Accented
tā́ ǀ vajríṇam ǀ mandínam ǀ stómyam ǀ máde ǀ índram ǀ ráthe ǀ vahataḥ ǀ haryatā́ ǀ hárī íti ǀ
purū́ṇi ǀ asmai ǀ sávanāni ǀ háryate ǀ índrāya ǀ sómāḥ ǀ hárayaḥ ǀ dadhanvire ǁ
Padapatha Transcription Nonaccented
tā ǀ vajriṇam ǀ mandinam ǀ stomyam ǀ made ǀ indram ǀ rathe ǀ vahataḥ ǀ haryatā ǀ harī iti ǀ
purūṇi ǀ asmai ǀ savanāni ǀ haryate ǀ indrāya ǀ somāḥ ǀ harayaḥ ǀ dadhanvire ǁ
10.096.07 (Mandala. Sukta. Rik)
8.5.06.02 (Ashtaka. Adhyaya. Varga. Rik)
10.08.084 (Mandala. Anuvāka. Rik)
Samhita Devanagari Accented
अरं॒ कामा॑य॒ हर॑यो दधन्विरे स्थि॒राय॑ हिन्व॒न्हर॑यो॒ हरी॑ तु॒रा ।
अर्व॑द्भि॒र्यो हरि॑भि॒र्जोष॒मीय॑ते॒ सो अ॑स्य॒ कामं॒ हरि॑वंतमानशे ॥
Samhita Devanagari Nonaccented
अरं कामाय हरयो दधन्विरे स्थिराय हिन्वन्हरयो हरी तुरा ।
अर्वद्भिर्यो हरिभिर्जोषमीयते सो अस्य कामं हरिवंतमानशे ॥
Samhita Transcription Accented
áram kā́māya hárayo dadhanvire sthirā́ya hinvanhárayo hárī turā́ ǀ
árvadbhiryó háribhirjóṣamī́yate só asya kā́mam hárivantamānaśe ǁ
Samhita Transcription Nonaccented
aram kāmāya harayo dadhanvire sthirāya hinvanharayo harī turā ǀ
arvadbhiryo haribhirjoṣamīyate so asya kāmam harivantamānaśe ǁ
Padapatha Devanagari Accented
अर॑म् । कामा॑य । हर॑यः । द॒ध॒न्वि॒रे॒ । स्थि॒राय॑ । हि॒न्व॒न् । हर॑यः । हरी॒ इति॑ । तु॒रा ।
अर्व॑त्ऽभिः । यः । हरि॑ऽभिः । जोष॑म् । ईय॑ते । सः । अ॒स्य॒ । काम॑म् । हरि॑ऽवन्तम् । आ॒न॒शे॒ ॥
Padapatha Devanagari Nonaccented
अरम् । कामाय । हरयः । दधन्विरे । स्थिराय । हिन्वन् । हरयः । हरी इति । तुरा ।
अर्वत्ऽभिः । यः । हरिऽभिः । जोषम् । ईयते । सः । अस्य । कामम् । हरिऽवन्तम् । आनशे ॥
Padapatha Transcription Accented
áram ǀ kā́māya ǀ hárayaḥ ǀ dadhanvire ǀ sthirā́ya ǀ hinvan ǀ hárayaḥ ǀ hárī íti ǀ turā́ ǀ
árvat-bhiḥ ǀ yáḥ ǀ hári-bhiḥ ǀ jóṣam ǀ ī́yate ǀ sáḥ ǀ asya ǀ kā́mam ǀ hári-vantam ǀ ānaśe ǁ
Padapatha Transcription Nonaccented
aram ǀ kāmāya ǀ harayaḥ ǀ dadhanvire ǀ sthirāya ǀ hinvan ǀ harayaḥ ǀ harī iti ǀ turā ǀ
arvat-bhiḥ ǀ yaḥ ǀ hari-bhiḥ ǀ joṣam ǀ īyate ǀ saḥ ǀ asya ǀ kāmam ǀ hari-vantam ǀ ānaśe ǁ
10.096.08 (Mandala. Sukta. Rik)
8.5.06.03 (Ashtaka. Adhyaya. Varga. Rik)
10.08.085 (Mandala. Anuvāka. Rik)
Samhita Devanagari Accented
हरि॑श्मशारु॒र्हरि॑केश आय॒सस्तु॑र॒स्पेये॒ यो ह॑रि॒पा अव॑र्धत ।
अर्व॑द्भि॒र्यो हरि॑भिर्वा॒जिनी॑वसु॒रति॒ विश्वा॑ दुरि॒ता पारि॑ष॒द्धरी॑ ॥
Samhita Devanagari Nonaccented
हरिश्मशारुर्हरिकेश आयसस्तुरस्पेये यो हरिपा अवर्धत ।
अर्वद्भिर्यो हरिभिर्वाजिनीवसुरति विश्वा दुरिता पारिषद्धरी ॥
Samhita Transcription Accented
háriśmaśārurhárikeśa āyasásturaspéye yó haripā́ ávardhata ǀ
árvadbhiryó háribhirvājínīvasuráti víśvā duritā́ pā́riṣaddhárī ǁ
Samhita Transcription Nonaccented
hariśmaśārurharikeśa āyasasturaspeye yo haripā avardhata ǀ
arvadbhiryo haribhirvājinīvasurati viśvā duritā pāriṣaddharī ǁ
Padapatha Devanagari Accented
हरि॑ऽश्मशारुः । हरि॑ऽकेशः । आ॒य॒सः । तु॒रः॒ऽपेये॑ । यः । ह॒रि॒ऽपाः । अव॑र्धत ।
अर्व॑त्ऽभिः । यः । हरि॑ऽभिः । वा॒जिनी॑ऽवसुः । अति॑ । विश्वा॑ । दुः॒ऽइ॒ता । पारि॑षत् । हरी॒ इति॑ ॥
Padapatha Devanagari Nonaccented
हरिऽश्मशारुः । हरिऽकेशः । आयसः । तुरःऽपेये । यः । हरिऽपाः । अवर्धत ।
अर्वत्ऽभिः । यः । हरिऽभिः । वाजिनीऽवसुः । अति । विश्वा । दुःऽइता । पारिषत् । हरी इति ॥
Padapatha Transcription Accented
hári-śmaśāruḥ ǀ hári-keśaḥ ǀ āyasáḥ ǀ turaḥ-péye ǀ yáḥ ǀ hari-pā́ḥ ǀ ávardhata ǀ
árvat-bhiḥ ǀ yáḥ ǀ hári-bhiḥ ǀ vājínī-vasuḥ ǀ áti ǀ víśvā ǀ duḥ-itā́ ǀ pā́riṣat ǀ hárī íti ǁ
Padapatha Transcription Nonaccented
hari-śmaśāruḥ ǀ hari-keśaḥ ǀ āyasaḥ ǀ turaḥ-peye ǀ yaḥ ǀ hari-pāḥ ǀ avardhata ǀ
arvat-bhiḥ ǀ yaḥ ǀ hari-bhiḥ ǀ vājinī-vasuḥ ǀ ati ǀ viśvā ǀ duḥ-itā ǀ pāriṣat ǀ harī iti ǁ
10.096.09 (Mandala. Sukta. Rik)
8.5.06.04 (Ashtaka. Adhyaya. Varga. Rik)
10.08.086 (Mandala. Anuvāka. Rik)
Samhita Devanagari Accented
स्रुवे॑व॒ यस्य॒ हरि॑णी विपे॒ततुः॒ शिप्रे॒ वाजा॑य॒ हरि॑णी॒ दवि॑ध्वतः ।
प्र यत्कृ॒ते च॑म॒से मर्मृ॑ज॒द्धरी॑ पी॒त्वा मद॑स्य हर्य॒तस्यांध॑सः ॥
Samhita Devanagari Nonaccented
स्रुवेव यस्य हरिणी विपेततुः शिप्रे वाजाय हरिणी दविध्वतः ।
प्र यत्कृते चमसे मर्मृजद्धरी पीत्वा मदस्य हर्यतस्यांधसः ॥
Samhita Transcription Accented
srúveva yásya háriṇī vipetátuḥ śípre vā́jāya háriṇī dávidhvataḥ ǀ
prá yátkṛté camasé mármṛjaddhárī pītvā́ mádasya haryatásyā́ndhasaḥ ǁ
Samhita Transcription Nonaccented
sruveva yasya hariṇī vipetatuḥ śipre vājāya hariṇī davidhvataḥ ǀ
pra yatkṛte camase marmṛjaddharī pītvā madasya haryatasyāndhasaḥ ǁ
Padapatha Devanagari Accented
स्रुवा॑ऽइव । यस्य॑ । हरि॑णी॒ इति॑ । वि॒ऽपे॒ततुः॑ । शिप्रे॒ इति॑ । वाजा॑य । हरि॑णी॒ इति॑ । दवि॑ध्वतः ।
प्र । यत् । कृ॒ते । च॒म॒से । मर्मृ॑जत् । हरी॒ इति॑ । पी॒त्वा । मद॑स्य । ह॒र्य॒तस्य॑ । अन्ध॑सः ॥
Padapatha Devanagari Nonaccented
स्रुवाऽइव । यस्य । हरिणी इति । विऽपेततुः । शिप्रे इति । वाजाय । हरिणी इति । दविध्वतः ।
प्र । यत् । कृते । चमसे । मर्मृजत् । हरी इति । पीत्वा । मदस्य । हर्यतस्य । अन्धसः ॥
Padapatha Transcription Accented
srúvā-iva ǀ yásya ǀ háriṇī íti ǀ vi-petátuḥ ǀ śípre íti ǀ vā́jāya ǀ háriṇī íti ǀ dávidhvataḥ ǀ
prá ǀ yát ǀ kṛté ǀ camasé ǀ mármṛjat ǀ hárī íti ǀ pītvā́ ǀ mádasya ǀ haryatásya ǀ ándhasaḥ ǁ
Padapatha Transcription Nonaccented
sruvā-iva ǀ yasya ǀ hariṇī iti ǀ vi-petatuḥ ǀ śipre iti ǀ vājāya ǀ hariṇī iti ǀ davidhvataḥ ǀ
pra ǀ yat ǀ kṛte ǀ camase ǀ marmṛjat ǀ harī iti ǀ pītvā ǀ madasya ǀ haryatasya ǀ andhasaḥ ǁ
10.096.10 (Mandala. Sukta. Rik)
8.5.06.05 (Ashtaka. Adhyaya. Varga. Rik)
10.08.087 (Mandala. Anuvāka. Rik)
Samhita Devanagari Accented
उ॒त स्म॒ सद्म॑ हर्य॒तस्य॑ प॒स्त्यो॒३॒॑रत्यो॒ न वाजं॒ हरि॑वाँ अचिक्रदत् ।
म॒ही चि॒द्धि धि॒षणाह॑र्य॒दोज॑सा बृ॒हद्वयो॑ दधिषे हर्य॒तश्चि॒दा ॥
Samhita Devanagari Nonaccented
उत स्म सद्म हर्यतस्य पस्त्योरत्यो न वाजं हरिवाँ अचिक्रदत् ।
मही चिद्धि धिषणाहर्यदोजसा बृहद्वयो दधिषे हर्यतश्चिदा ॥
Samhita Transcription Accented
utá sma sádma haryatásya pastyórátyo ná vā́jam hárivām̐ acikradat ǀ
mahī́ ciddhí dhiṣáṇā́haryadójasā bṛhádváyo dadhiṣe haryatáścidā́ ǁ
Samhita Transcription Nonaccented
uta sma sadma haryatasya pastyoratyo na vājam harivām̐ acikradat ǀ
mahī ciddhi dhiṣaṇāharyadojasā bṛhadvayo dadhiṣe haryataścidā ǁ
Padapatha Devanagari Accented
उ॒त । स्म॒ । सद्म॑ । ह॒र्य॒तस्य॑ । प॒स्त्योः॑ । अत्यः॑ । न । वाज॑म् । हरि॑ऽवान् । अ॒चि॒क्र॒द॒त् ।
म॒ही । चि॒त् । हि । धि॒षणा॑ । अह॑र्यत् । ओज॑सा । बृ॒हत् । वयः॑ । द॒धि॒षे॒ । ह॒र्य॒तः । चि॒त् । आ ॥
Padapatha Devanagari Nonaccented
उत । स्म । सद्म । हर्यतस्य । पस्त्योः । अत्यः । न । वाजम् । हरिऽवान् । अचिक्रदत् ।
मही । चित् । हि । धिषणा । अहर्यत् । ओजसा । बृहत् । वयः । दधिषे । हर्यतः । चित् । आ ॥
Padapatha Transcription Accented
utá ǀ sma ǀ sádma ǀ haryatásya ǀ pastyóḥ ǀ átyaḥ ǀ ná ǀ vā́jam ǀ hári-vān ǀ acikradat ǀ
mahī́ ǀ cit ǀ hí ǀ dhiṣáṇā ǀ áharyat ǀ ójasā ǀ bṛhát ǀ váyaḥ ǀ dadhiṣe ǀ haryatáḥ ǀ cit ǀ ā́ ǁ
Padapatha Transcription Nonaccented
uta ǀ sma ǀ sadma ǀ haryatasya ǀ pastyoḥ ǀ atyaḥ ǀ na ǀ vājam ǀ hari-vān ǀ acikradat ǀ
mahī ǀ cit ǀ hi ǀ dhiṣaṇā ǀ aharyat ǀ ojasā ǀ bṛhat ǀ vayaḥ ǀ dadhiṣe ǀ haryataḥ ǀ cit ǀ ā ǁ
10.096.11 (Mandala. Sukta. Rik)
8.5.07.01 (Ashtaka. Adhyaya. Varga. Rik)
10.08.088 (Mandala. Anuvāka. Rik)
Samhita Devanagari Accented
आ रोद॑सी॒ हर्य॑माणो महि॒त्वा नव्यं॑नव्यं हर्यसि॒ मन्म॒ नु प्रि॒यं ।
प्र प॒स्त्य॑मसुर हर्य॒तं गोरा॒विष्कृ॑धि॒ हर॑ये॒ सूर्या॑य ॥
Samhita Devanagari Nonaccented
आ रोदसी हर्यमाणो महित्वा नव्यंनव्यं हर्यसि मन्म नु प्रियं ।
प्र पस्त्यमसुर हर्यतं गोराविष्कृधि हरये सूर्याय ॥
Samhita Transcription Accented
ā́ ródasī háryamāṇo mahitvā́ návyaṃnavyam haryasi mánma nú priyám ǀ
prá pastyámasura haryatám górāvíṣkṛdhi háraye sū́ryāya ǁ
Samhita Transcription Nonaccented
ā rodasī haryamāṇo mahitvā navyaṃnavyam haryasi manma nu priyam ǀ
pra pastyamasura haryatam gorāviṣkṛdhi haraye sūryāya ǁ
Padapatha Devanagari Accented
आ । रोद॑सी॒ इति॑ । हर्य॑माणः । म॒हि॒ऽत्वा । नव्य॑म्ऽनव्यम् । ह॒र्य॒सि॒ । मन्म॑ । नु । प्रि॒यम् ।
प्र । प॒स्त्य॑म् । अ॒सु॒र॒ । ह॒र्य॒तम् । गोः । आ॒विः । कृ॒धि॒ । हर॑ये । सूर्या॑य ॥
Padapatha Devanagari Nonaccented
आ । रोदसी इति । हर्यमाणः । महिऽत्वा । नव्यम्ऽनव्यम् । हर्यसि । मन्म । नु । प्रियम् ।
प्र । पस्त्यम् । असुर । हर्यतम् । गोः । आविः । कृधि । हरये । सूर्याय ॥
Padapatha Transcription Accented
ā́ ǀ ródasī íti ǀ háryamāṇaḥ ǀ mahi-tvā́ ǀ návyam-navyam ǀ haryasi ǀ mánma ǀ nú ǀ priyám ǀ
prá ǀ pastyám ǀ asura ǀ haryatám ǀ góḥ ǀ āvíḥ ǀ kṛdhi ǀ háraye ǀ sū́ryāya ǁ
Padapatha Transcription Nonaccented
ā ǀ rodasī iti ǀ haryamāṇaḥ ǀ mahi-tvā ǀ navyam-navyam ǀ haryasi ǀ manma ǀ nu ǀ priyam ǀ
pra ǀ pastyam ǀ asura ǀ haryatam ǀ goḥ ǀ āviḥ ǀ kṛdhi ǀ haraye ǀ sūryāya ǁ
10.096.12 (Mandala. Sukta. Rik)
8.5.07.02 (Ashtaka. Adhyaya. Varga. Rik)
10.08.089 (Mandala. Anuvāka. Rik)
Samhita Devanagari Accented
आ त्वा॑ ह॒र्यंतं॑ प्र॒युजो॒ जना॑नां॒ रथे॑ वहंतु॒ हरि॑शिप्रमिंद्र ।
पिबा॒ यथा॒ प्रति॑भृतस्य॒ मध्वो॒ हर्य॑न्य॒ज्ञं स॑ध॒मादे॒ दशो॑णिं ॥
Samhita Devanagari Nonaccented
आ त्वा हर्यंतं प्रयुजो जनानां रथे वहंतु हरिशिप्रमिंद्र ।
पिबा यथा प्रतिभृतस्य मध्वो हर्यन्यज्ञं सधमादे दशोणिं ॥
Samhita Transcription Accented
ā́ tvā haryántam prayújo jánānām ráthe vahantu háriśipramindra ǀ
píbā yáthā prátibhṛtasya mádhvo háryanyajñám sadhamā́de dáśoṇim ǁ
Samhita Transcription Nonaccented
ā tvā haryantam prayujo janānām rathe vahantu hariśipramindra ǀ
pibā yathā pratibhṛtasya madhvo haryanyajñam sadhamāde daśoṇim ǁ
Padapatha Devanagari Accented
आ । त्वा॒ । ह॒र्यन्त॑म् । प्र॒ऽयुजः॑ । जना॑नाम् । रथे॑ । व॒ह॒न्तु॒ । हरि॑ऽशिप्रम् । इ॒न्द्र॒ ।
पिब॑ । यथा॑ । प्रति॑ऽभृतस्य । मध्वः॑ । हर्य॑न् । य॒ज्ञम् । स॒ध॒ऽमादे॑ । दश॑ऽओणिम् ॥
Padapatha Devanagari Nonaccented
आ । त्वा । हर्यन्तम् । प्रऽयुजः । जनानाम् । रथे । वहन्तु । हरिऽशिप्रम् । इन्द्र ।
पिब । यथा । प्रतिऽभृतस्य । मध्वः । हर्यन् । यज्ञम् । सधऽमादे । दशऽओणिम् ॥
Padapatha Transcription Accented
ā́ ǀ tvā ǀ haryántam ǀ pra-yújaḥ ǀ jánānām ǀ ráthe ǀ vahantu ǀ hári-śipram ǀ indra ǀ
píba ǀ yáthā ǀ práti-bhṛtasya ǀ mádhvaḥ ǀ háryan ǀ yajñám ǀ sadha-mā́de ǀ dáśa-oṇim ǁ
Padapatha Transcription Nonaccented
ā ǀ tvā ǀ haryantam ǀ pra-yujaḥ ǀ janānām ǀ rathe ǀ vahantu ǀ hari-śipram ǀ indra ǀ
piba ǀ yathā ǀ prati-bhṛtasya ǀ madhvaḥ ǀ haryan ǀ yajñam ǀ sadha-māde ǀ daśa-oṇim ǁ
10.096.13 (Mandala. Sukta. Rik)
8.5.07.03 (Ashtaka. Adhyaya. Varga. Rik)
10.08.090 (Mandala. Anuvāka. Rik)
Samhita Devanagari Accented
अपाः॒ पूर्वे॑षां हरिवः सु॒ताना॒मथो॑ इ॒दं सव॑नं॒ केव॑लं ते ।
म॒म॒द्धि सोमं॒ मधु॑मंतमिंद्र स॒त्रा वृ॑षंज॒ठर॒ आ वृ॑षस्व ॥
Samhita Devanagari Nonaccented
अपाः पूर्वेषां हरिवः सुतानामथो इदं सवनं केवलं ते ।
ममद्धि सोमं मधुमंतमिंद्र सत्रा वृषंजठर आ वृषस्व ॥
Samhita Transcription Accented
ápāḥ pū́rveṣām harivaḥ sutā́nāmátho idám sávanam kévalam te ǀ
mamaddhí sómam mádhumantamindra satrā́ vṛṣañjaṭhára ā́ vṛṣasva ǁ
Samhita Transcription Nonaccented
apāḥ pūrveṣām harivaḥ sutānāmatho idam savanam kevalam te ǀ
mamaddhi somam madhumantamindra satrā vṛṣañjaṭhara ā vṛṣasva ǁ
Padapatha Devanagari Accented
अपाः॑ । पूर्वे॑षाम् । ह॒रि॒ऽवः॒ । सु॒ताना॑म् । अथो॒ इति॑ । इ॒दम् । सव॑नम् । केव॑लम् । ते॒ ।
म॒म॒द्धि । सोम॑म् । मधु॑ऽमन्तम् । इ॒न्द्र॒ । स॒त्रा । वृ॒ष॒न् । ज॒ठरे॑ । आ । वृ॒ष॒स्व॒ ॥
Padapatha Devanagari Nonaccented
अपाः । पूर्वेषाम् । हरिऽवः । सुतानाम् । अथो इति । इदम् । सवनम् । केवलम् । ते ।
ममद्धि । सोमम् । मधुऽमन्तम् । इन्द्र । सत्रा । वृषन् । जठरे । आ । वृषस्व ॥
Padapatha Transcription Accented
ápāḥ ǀ pū́rveṣām ǀ hari-vaḥ ǀ sutā́nām ǀ átho íti ǀ idám ǀ sávanam ǀ kévalam ǀ te ǀ
mamaddhí ǀ sómam ǀ mádhu-mantam ǀ indra ǀ satrā́ ǀ vṛṣan ǀ jaṭháre ǀ ā́ ǀ vṛṣasva ǁ
Padapatha Transcription Nonaccented
apāḥ ǀ pūrveṣām ǀ hari-vaḥ ǀ sutānām ǀ atho iti ǀ idam ǀ savanam ǀ kevalam ǀ te ǀ
mamaddhi ǀ somam ǀ madhu-mantam ǀ indra ǀ satrā ǀ vṛṣan ǀ jaṭhare ǀ ā ǀ vṛṣasva ǁ