|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 98
|
1. Info |
| To: | devās | |
| From: | devāpi ārṣṭiṣeṇa | |
| Metres: | 1st set of styles: nicṛttriṣṭup (2, 6, 8, 11, 12); bhuriktriṣṭup (1, 7); triṣṭup (3, 5); virāṭtrisṭup (4, 10); pādanicṛttriṣṭup (9) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.098.01 (Mandala. Sukta. Rik)
8.5.12.01 (Ashtaka. Adhyaya. Varga. Rik)
10.08.114 (Mandala. Anuvāka. Rik)
Samhita Devanagari Accented
बृह॑स्पते॒ प्रति॑ मे दे॒वता॑मिहि मि॒त्रो वा॒ यद्वरु॑णो॒ वासि॑ पू॒षा ।
आ॒दि॒त्यैर्वा॒ यद्वसु॑भिर्म॒रुत्वा॒न्त्स प॒र्जन्यं॒ शंत॑नवे वृषाय ॥
Samhita Devanagari Nonaccented
बृहस्पते प्रति मे देवतामिहि मित्रो वा यद्वरुणो वासि पूषा ।
आदित्यैर्वा यद्वसुभिर्मरुत्वान्त्स पर्जन्यं शंतनवे वृषाय ॥
Samhita Transcription Accented
bṛ́haspate práti me devátāmihi mitró vā yádváruṇo vā́si pūṣā́ ǀ
ādityáirvā yádvásubhirmarútvāntsá parjányam śáṃtanave vṛṣāya ǁ
Samhita Transcription Nonaccented
bṛhaspate prati me devatāmihi mitro vā yadvaruṇo vāsi pūṣā ǀ
ādityairvā yadvasubhirmarutvāntsa parjanyam śaṃtanave vṛṣāya ǁ
Padapatha Devanagari Accented
बृह॑स्पते । प्रति॑ । मे॒ । दे॒वता॑म् । इ॒हि॒ । मि॒त्रः । वा॒ । यत् । वरु॑णः । वा॒ । असि॑ । पू॒षा ।
आ॒दि॒त्यैः । वा॒ । यत् । वसु॑ऽभिः । म॒रुत्वा॑न् । सः । प॒र्जन्य॑म् । शम्ऽत॑नवे । वृ॒ष॒य॒ ॥
Padapatha Devanagari Nonaccented
बृहस्पते । प्रति । मे । देवताम् । इहि । मित्रः । वा । यत् । वरुणः । वा । असि । पूषा ।
आदित्यैः । वा । यत् । वसुऽभिः । मरुत्वान् । सः । पर्जन्यम् । शम्ऽतनवे । वृषय ॥
Padapatha Transcription Accented
bṛ́haspate ǀ práti ǀ me ǀ devátām ǀ ihi ǀ mitráḥ ǀ vā ǀ yát ǀ váruṇaḥ ǀ vā ǀ ási ǀ pūṣā́ ǀ
ādityáiḥ ǀ vā ǀ yát ǀ vásu-bhiḥ ǀ marútvān ǀ sáḥ ǀ parjányam ǀ śám-tanave ǀ vṛṣaya ǁ
Padapatha Transcription Nonaccented
bṛhaspate ǀ prati ǀ me ǀ devatām ǀ ihi ǀ mitraḥ ǀ vā ǀ yat ǀ varuṇaḥ ǀ vā ǀ asi ǀ pūṣā ǀ
ādityaiḥ ǀ vā ǀ yat ǀ vasu-bhiḥ ǀ marutvān ǀ saḥ ǀ parjanyam ǀ śam-tanave ǀ vṛṣaya ǁ
10.098.02 (Mandala. Sukta. Rik)
8.5.12.02 (Ashtaka. Adhyaya. Varga. Rik)
10.08.115 (Mandala. Anuvāka. Rik)
Samhita Devanagari Accented
आ दे॒वो दू॒तो अ॑जि॒रश्चि॑कि॒त्वांत्वद्दे॑वापे अ॒भि माम॑गच्छत् ।
प्र॒ती॒ची॒नः प्रति॒ मामा व॑वृत्स्व॒ दधा॑मि ते द्यु॒मतीं॒ वाच॑मा॒सन् ॥
Samhita Devanagari Nonaccented
आ देवो दूतो अजिरश्चिकित्वांत्वद्देवापे अभि मामगच्छत् ।
प्रतीचीनः प्रति मामा ववृत्स्व दधामि ते द्युमतीं वाचमासन् ॥
Samhita Transcription Accented
ā́ devó dūtó ajiráścikitvā́ntváddevāpe abhí mā́magacchat ǀ
pratīcīnáḥ práti mā́mā́ vavṛtsva dádhāmi te dyumátīm vā́camāsán ǁ
Samhita Transcription Nonaccented
ā devo dūto ajiraścikitvāntvaddevāpe abhi māmagacchat ǀ
pratīcīnaḥ prati māmā vavṛtsva dadhāmi te dyumatīm vācamāsan ǁ
Padapatha Devanagari Accented
आ । दे॒वः । दू॒तः । अ॒जि॒रः । चि॒कि॒त्वान् । त्वत् । दे॒व॒ऽआ॒पे॒ । अ॒भि । माम् । अ॒ग॒च्छ॒त् ।
प्र॒ती॒ची॒नः । प्रति॑ । माम् । आ । व॒वृ॒त्स्व॒ । दधा॑मि । ते॒ । द्यु॒ऽमती॑म् । वाच॑म् । आ॒सन् ॥
Padapatha Devanagari Nonaccented
आ । देवः । दूतः । अजिरः । चिकित्वान् । त्वत् । देवऽआपे । अभि । माम् । अगच्छत् ।
प्रतीचीनः । प्रति । माम् । आ । ववृत्स्व । दधामि । ते । द्युऽमतीम् । वाचम् । आसन् ॥
Padapatha Transcription Accented
ā́ ǀ deváḥ ǀ dūtáḥ ǀ ajiráḥ ǀ cikitvā́n ǀ tvát ǀ deva-āpe ǀ abhí ǀ mā́m ǀ agacchat ǀ
pratīcīnáḥ ǀ práti ǀ mā́m ǀ ā́ ǀ vavṛtsva ǀ dádhāmi ǀ te ǀ dyu-mátīm ǀ vā́cam ǀ āsán ǁ
Padapatha Transcription Nonaccented
ā ǀ devaḥ ǀ dūtaḥ ǀ ajiraḥ ǀ cikitvān ǀ tvat ǀ deva-āpe ǀ abhi ǀ mām ǀ agacchat ǀ
pratīcīnaḥ ǀ prati ǀ mām ǀ ā ǀ vavṛtsva ǀ dadhāmi ǀ te ǀ dyu-matīm ǀ vācam ǀ āsan ǁ
10.098.03 (Mandala. Sukta. Rik)
8.5.12.03 (Ashtaka. Adhyaya. Varga. Rik)
10.08.116 (Mandala. Anuvāka. Rik)
Samhita Devanagari Accented
अ॒स्मे धे॑हि द्यु॒मतीं॒ वाच॑मा॒सन्बृह॑स्पते अनमी॒वामि॑षि॒रां ।
यया॑ वृ॒ष्टिं शंत॑नवे॒ वना॑व दि॒वो द्र॒प्सो मधु॑माँ॒ आ वि॑वेश ॥
Samhita Devanagari Nonaccented
अस्मे धेहि द्युमतीं वाचमासन्बृहस्पते अनमीवामिषिरां ।
यया वृष्टिं शंतनवे वनाव दिवो द्रप्सो मधुमाँ आ विवेश ॥
Samhita Transcription Accented
asmé dhehi dyumátīm vā́camāsánbṛ́haspate anamīvā́miṣirā́m ǀ
yáyā vṛṣṭím śáṃtanave vánāva divó drapsó mádhumām̐ ā́ viveśa ǁ
Samhita Transcription Nonaccented
asme dhehi dyumatīm vācamāsanbṛhaspate anamīvāmiṣirām ǀ
yayā vṛṣṭim śaṃtanave vanāva divo drapso madhumām̐ ā viveśa ǁ
Padapatha Devanagari Accented
अ॒स्मे इति॑ । धे॒हि॒ । द्यु॒ऽमती॑म् । वाच॑म् । आ॒सन् । बृह॑स्पते । अ॒न॒मी॒वाम् । इ॒षि॒राम् ।
यया॑ । वृ॒ष्टिम् । शम्ऽत॑नवे । वना॑व । दि॒वः । द्र॒प्सः । मधु॑ऽमान् । आ । वि॒वे॒श॒ ॥
Padapatha Devanagari Nonaccented
अस्मे इति । धेहि । द्युऽमतीम् । वाचम् । आसन् । बृहस्पते । अनमीवाम् । इषिराम् ।
यया । वृष्टिम् । शम्ऽतनवे । वनाव । दिवः । द्रप्सः । मधुऽमान् । आ । विवेश ॥
Padapatha Transcription Accented
asmé íti ǀ dhehi ǀ dyu-mátīm ǀ vā́cam ǀ āsán ǀ bṛ́haspate ǀ anamīvā́m ǀ iṣirā́m ǀ
yáyā ǀ vṛṣṭím ǀ śám-tanave ǀ vánāva ǀ diváḥ ǀ drapsáḥ ǀ mádhu-mān ǀ ā́ ǀ viveśa ǁ
Padapatha Transcription Nonaccented
asme iti ǀ dhehi ǀ dyu-matīm ǀ vācam ǀ āsan ǀ bṛhaspate ǀ anamīvām ǀ iṣirām ǀ
yayā ǀ vṛṣṭim ǀ śam-tanave ǀ vanāva ǀ divaḥ ǀ drapsaḥ ǀ madhu-mān ǀ ā ǀ viveśa ǁ
10.098.04 (Mandala. Sukta. Rik)
8.5.12.04 (Ashtaka. Adhyaya. Varga. Rik)
10.08.117 (Mandala. Anuvāka. Rik)
Samhita Devanagari Accented
आ नो॑ द्र॒प्सा मधु॑मंतो विशं॒त्विंद्र॑ दे॒ह्यधि॑रथं स॒हस्रं॑ ।
नि षी॑द हो॒त्रमृ॑तु॒था य॑जस्व दे॒वांदे॑वापे ह॒विषा॑ सपर्य ॥
Samhita Devanagari Nonaccented
आ नो द्रप्सा मधुमंतो विशंत्विंद्र देह्यधिरथं सहस्रं ।
नि षीद होत्रमृतुथा यजस्व देवांदेवापे हविषा सपर्य ॥
Samhita Transcription Accented
ā́ no drapsā́ mádhumanto viśantvíndra dehyádhiratham sahásram ǀ
ní ṣīda hotrámṛtuthā́ yajasva devā́ndevāpe havíṣā saparya ǁ
Samhita Transcription Nonaccented
ā no drapsā madhumanto viśantvindra dehyadhiratham sahasram ǀ
ni ṣīda hotramṛtuthā yajasva devāndevāpe haviṣā saparya ǁ
Padapatha Devanagari Accented
आ । नः॒ । द्र॒प्साः । मधु॑ऽमन्तः । वि॒श॒न्तु॒ । इन्द्र॑ । दे॒हि । अधि॑ऽरथम् । स॒हस्र॑म् ।
नि । सी॒द॒ । हो॒त्रम् । ऋ॒तु॒ऽथा । य॒ज॒स्व॒ । दे॒वान् । दे॒व॒ऽआ॒पे॒ । ह॒विषा॑ । स॒प॒र्य॒ ॥
Padapatha Devanagari Nonaccented
आ । नः । द्रप्साः । मधुऽमन्तः । विशन्तु । इन्द्र । देहि । अधिऽरथम् । सहस्रम् ।
नि । सीद । होत्रम् । ऋतुऽथा । यजस्व । देवान् । देवऽआपे । हविषा । सपर्य ॥
Padapatha Transcription Accented
ā́ ǀ naḥ ǀ drapsā́ḥ ǀ mádhu-mantaḥ ǀ viśantu ǀ índra ǀ dehí ǀ ádhi-ratham ǀ sahásram ǀ
ní ǀ sīda ǀ hotrám ǀ ṛtu-thā́ ǀ yajasva ǀ devā́n ǀ deva-āpe ǀ havíṣā ǀ saparya ǁ
Padapatha Transcription Nonaccented
ā ǀ naḥ ǀ drapsāḥ ǀ madhu-mantaḥ ǀ viśantu ǀ indra ǀ dehi ǀ adhi-ratham ǀ sahasram ǀ
ni ǀ sīda ǀ hotram ǀ ṛtu-thā ǀ yajasva ǀ devān ǀ deva-āpe ǀ haviṣā ǀ saparya ǁ
10.098.05 (Mandala. Sukta. Rik)
8.5.12.05 (Ashtaka. Adhyaya. Varga. Rik)
10.08.118 (Mandala. Anuvāka. Rik)
Samhita Devanagari Accented
आ॒र्ष्टि॒षे॒णो हो॒त्रमृषि॑र्नि॒षीदं॑दे॒वापि॑र्देवसुम॒तिं चि॑कि॒त्वान् ।
स उत्त॑रस्मा॒दध॑रं समु॒द्रम॒पो दि॒व्या अ॑सृजद्व॒र्ष्या॑ अ॒भि ॥
Samhita Devanagari Nonaccented
आर्ष्टिषेणो होत्रमृषिर्निषीदंदेवापिर्देवसुमतिं चिकित्वान् ।
स उत्तरस्मादधरं समुद्रमपो दिव्या असृजद्वर्ष्या अभि ॥
Samhita Transcription Accented
ārṣṭiṣeṇó hotrámṛ́ṣirniṣī́dandevā́pirdevasumatím cikitvā́n ǀ
sá úttarasmādádharam samudrámapó divyā́ asṛjadvarṣyā́ abhí ǁ
Samhita Transcription Nonaccented
ārṣṭiṣeṇo hotramṛṣirniṣīdandevāpirdevasumatim cikitvān ǀ
sa uttarasmādadharam samudramapo divyā asṛjadvarṣyā abhi ǁ
Padapatha Devanagari Accented
आ॒र्ष्टि॒षे॒णः । हो॒त्रम् । ऋषिः॑ । नि॒ऽसीद॑न् । दे॒वऽआ॑पिः । दे॒व॒ऽसु॒म॒तिम् । चि॒कि॒त्वान् ।
सः । उत्ऽत॑रस्मात् । अध॑रम् । स॒मु॒द्रम् । अ॒पः । दि॒व्याः । अ॒सृ॒ज॒त् । व॒र्ष्याः॑ । अ॒भि ॥
Padapatha Devanagari Nonaccented
आर्ष्टिषेणः । होत्रम् । ऋषिः । निऽसीदन् । देवऽआपिः । देवऽसुमतिम् । चिकित्वान् ।
सः । उत्ऽतरस्मात् । अधरम् । समुद्रम् । अपः । दिव्याः । असृजत् । वर्ष्याः । अभि ॥
Padapatha Transcription Accented
ārṣṭiṣeṇáḥ ǀ hotrám ǀ ṛ́ṣiḥ ǀ ni-sī́dan ǀ devá-āpiḥ ǀ deva-sumatím ǀ cikitvā́n ǀ
sáḥ ǀ út-tarasmāt ǀ ádharam ǀ samudrám ǀ apáḥ ǀ divyā́ḥ ǀ asṛjat ǀ varṣyā́ḥ ǀ abhí ǁ
Padapatha Transcription Nonaccented
ārṣṭiṣeṇaḥ ǀ hotram ǀ ṛṣiḥ ǀ ni-sīdan ǀ deva-āpiḥ ǀ deva-sumatim ǀ cikitvān ǀ
saḥ ǀ ut-tarasmāt ǀ adharam ǀ samudram ǀ apaḥ ǀ divyāḥ ǀ asṛjat ǀ varṣyāḥ ǀ abhi ǁ
10.098.06 (Mandala. Sukta. Rik)
8.5.12.06 (Ashtaka. Adhyaya. Varga. Rik)
10.08.119 (Mandala. Anuvāka. Rik)
Samhita Devanagari Accented
अ॒स्मिन्त्स॑मु॒द्रे अध्युत्त॑रस्मि॒न्नापो॑ दे॒वेभि॒र्निवृ॑ता अतिष्ठन् ।
ता अ॑द्रवन्नार्ष्टिषे॒णेन॑ सृ॒ष्टा दे॒वापि॑ना॒ प्रेषि॑ता मृ॒क्षिणी॑षु ॥
Samhita Devanagari Nonaccented
अस्मिन्त्समुद्रे अध्युत्तरस्मिन्नापो देवेभिर्निवृता अतिष्ठन् ।
ता अद्रवन्नार्ष्टिषेणेन सृष्टा देवापिना प्रेषिता मृक्षिणीषु ॥
Samhita Transcription Accented
asmíntsamudré ádhyúttarasminnā́po devébhirnívṛtā atiṣṭhan ǀ
tā́ adravannārṣṭiṣeṇéna sṛṣṭā́ devā́pinā préṣitā mṛkṣíṇīṣu ǁ
Samhita Transcription Nonaccented
asmintsamudre adhyuttarasminnāpo devebhirnivṛtā atiṣṭhan ǀ
tā adravannārṣṭiṣeṇena sṛṣṭā devāpinā preṣitā mṛkṣiṇīṣu ǁ
Padapatha Devanagari Accented
अ॒स्मिन् । स॒मु॒द्रे । अधि॑ । उत्ऽत॑रस्मिन् । आपः॑ । दे॒वेभिः॑ । निऽवृ॑ताः । अ॒ति॒ष्ठ॒न् ।
ताः । अ॒द्र॒व॒न् । आ॒र्ष्टि॒षे॒णेन॑ । सृ॒ष्टाः । दे॒वऽआ॑पिना । प्रऽइ॑षिताः । मृ॒क्षिणी॑षु ॥
Padapatha Devanagari Nonaccented
अस्मिन् । समुद्रे । अधि । उत्ऽतरस्मिन् । आपः । देवेभिः । निऽवृताः । अतिष्ठन् ।
ताः । अद्रवन् । आर्ष्टिषेणेन । सृष्टाः । देवऽआपिना । प्रऽइषिताः । मृक्षिणीषु ॥
Padapatha Transcription Accented
asmín ǀ samudré ǀ ádhi ǀ út-tarasmin ǀ ā́paḥ ǀ devébhiḥ ǀ ní-vṛtāḥ ǀ atiṣṭhan ǀ
tā́ḥ ǀ adravan ǀ ārṣṭiṣeṇéna ǀ sṛṣṭā́ḥ ǀ devá-āpinā ǀ prá-iṣitāḥ ǀ mṛkṣíṇīṣu ǁ
Padapatha Transcription Nonaccented
asmin ǀ samudre ǀ adhi ǀ ut-tarasmin ǀ āpaḥ ǀ devebhiḥ ǀ ni-vṛtāḥ ǀ atiṣṭhan ǀ
tāḥ ǀ adravan ǀ ārṣṭiṣeṇena ǀ sṛṣṭāḥ ǀ deva-āpinā ǀ pra-iṣitāḥ ǀ mṛkṣiṇīṣu ǁ
10.098.07 (Mandala. Sukta. Rik)
8.5.13.01 (Ashtaka. Adhyaya. Varga. Rik)
10.08.120 (Mandala. Anuvāka. Rik)
Samhita Devanagari Accented
यद्दे॒वापिः॒ शंत॑नवे पु॒रोहि॑तो हो॒त्राय॑ वृ॒तः कृ॒पय॒न्नदी॑धेत् ।
दे॒व॒श्रुतं॑ वृष्टि॒वनिं॒ ररा॑णो॒ बृह॒स्पति॒र्वाच॑मस्मा अयच्छत् ॥
Samhita Devanagari Nonaccented
यद्देवापिः शंतनवे पुरोहितो होत्राय वृतः कृपयन्नदीधेत् ।
देवश्रुतं वृष्टिवनिं रराणो बृहस्पतिर्वाचमस्मा अयच्छत् ॥
Samhita Transcription Accented
yáddevā́piḥ śáṃtanave puróhito hotrā́ya vṛtáḥ kṛpáyannádīdhet ǀ
devaśrútam vṛṣṭivánim rárāṇo bṛ́haspátirvā́camasmā ayacchat ǁ
Samhita Transcription Nonaccented
yaddevāpiḥ śaṃtanave purohito hotrāya vṛtaḥ kṛpayannadīdhet ǀ
devaśrutam vṛṣṭivanim rarāṇo bṛhaspatirvācamasmā ayacchat ǁ
Padapatha Devanagari Accented
यत् । दे॒वऽआ॑पिः । शम्ऽत॑नवे । पु॒रःऽहि॑तः । हो॒त्राय॑ । वृ॒तः । कृ॒पय॑न् । अदी॑धेत् ।
दे॒व॒ऽश्रुत॑म् । वृ॒ष्टि॒ऽवनि॑म् । ररा॑णः । बृह॒स्पतिः॑ । वाच॑म् । अ॒स्मै॒ । अ॒य॒च्छ॒त् ॥
Padapatha Devanagari Nonaccented
यत् । देवऽआपिः । शम्ऽतनवे । पुरःऽहितः । होत्राय । वृतः । कृपयन् । अदीधेत् ।
देवऽश्रुतम् । वृष्टिऽवनिम् । रराणः । बृहस्पतिः । वाचम् । अस्मै । अयच्छत् ॥
Padapatha Transcription Accented
yát ǀ devá-āpiḥ ǀ śám-tanave ǀ puráḥ-hitaḥ ǀ hotrā́ya ǀ vṛtáḥ ǀ kṛpáyan ǀ ádīdhet ǀ
deva-śrútam ǀ vṛṣṭi-vánim ǀ rárāṇaḥ ǀ bṛ́haspátiḥ ǀ vā́cam ǀ asmai ǀ ayacchat ǁ
Padapatha Transcription Nonaccented
yat ǀ deva-āpiḥ ǀ śam-tanave ǀ puraḥ-hitaḥ ǀ hotrāya ǀ vṛtaḥ ǀ kṛpayan ǀ adīdhet ǀ
deva-śrutam ǀ vṛṣṭi-vanim ǀ rarāṇaḥ ǀ bṛhaspatiḥ ǀ vācam ǀ asmai ǀ ayacchat ǁ
10.098.08 (Mandala. Sukta. Rik)
8.5.13.02 (Ashtaka. Adhyaya. Varga. Rik)
10.08.121 (Mandala. Anuvāka. Rik)
Samhita Devanagari Accented
यं त्वा॑ दे॒वापिः॑ शुशुचा॒नो अ॑ग्न आर्ष्टिषे॒णो म॑नु॒ष्यः॑ समी॒धे ।
विश्वे॑भिर्दे॒वैर॑नुम॒द्यमा॑नः॒ प्र प॒र्जन्य॑मीरया वृष्टि॒मंतं॑ ॥
Samhita Devanagari Nonaccented
यं त्वा देवापिः शुशुचानो अग्न आर्ष्टिषेणो मनुष्यः समीधे ।
विश्वेभिर्देवैरनुमद्यमानः प्र पर्जन्यमीरया वृष्टिमंतं ॥
Samhita Transcription Accented
yám tvā devā́piḥ śuśucānó agna ārṣṭiṣeṇó manuṣyáḥ samīdhé ǀ
víśvebhirdeváiranumadyámānaḥ prá parjányamīrayā vṛṣṭimántam ǁ
Samhita Transcription Nonaccented
yam tvā devāpiḥ śuśucāno agna ārṣṭiṣeṇo manuṣyaḥ samīdhe ǀ
viśvebhirdevairanumadyamānaḥ pra parjanyamīrayā vṛṣṭimantam ǁ
Padapatha Devanagari Accented
यम् । त्वा॒ । दे॒वऽआ॑पिः । शु॒शु॒चा॒नः । अ॒ग्ने॒ । आ॒र्ष्टि॒षे॒णः । म॒नु॒ष्यः॑ । स॒म्ऽई॒धे ।
विश्वे॑भिः । दे॒वैः । अ॒नु॒ऽम॒द्यमा॑नः । प्र । प॒र्जन्य॑म् । ई॒र॒य॒ । वृ॒ष्टि॒ऽमन्त॑म् ॥
Padapatha Devanagari Nonaccented
यम् । त्वा । देवऽआपिः । शुशुचानः । अग्ने । आर्ष्टिषेणः । मनुष्यः । सम्ऽईधे ।
विश्वेभिः । देवैः । अनुऽमद्यमानः । प्र । पर्जन्यम् । ईरय । वृष्टिऽमन्तम् ॥
Padapatha Transcription Accented
yám ǀ tvā ǀ devá-āpiḥ ǀ śuśucānáḥ ǀ agne ǀ ārṣṭiṣeṇáḥ ǀ manuṣyáḥ ǀ sam-īdhé ǀ
víśvebhiḥ ǀ deváiḥ ǀ anu-madyámānaḥ ǀ prá ǀ parjányam ǀ īraya ǀ vṛṣṭi-mántam ǁ
Padapatha Transcription Nonaccented
yam ǀ tvā ǀ deva-āpiḥ ǀ śuśucānaḥ ǀ agne ǀ ārṣṭiṣeṇaḥ ǀ manuṣyaḥ ǀ sam-īdhe ǀ
viśvebhiḥ ǀ devaiḥ ǀ anu-madyamānaḥ ǀ pra ǀ parjanyam ǀ īraya ǀ vṛṣṭi-mantam ǁ
10.098.09 (Mandala. Sukta. Rik)
8.5.13.03 (Ashtaka. Adhyaya. Varga. Rik)
10.08.122 (Mandala. Anuvāka. Rik)
Samhita Devanagari Accented
त्वां पूर्व॒ ऋष॑यो गी॒र्भिरा॑यं॒त्वाम॑ध्व॒रेषु॑ पुरुहूत॒ विश्वे॑ ।
स॒हस्रा॒ण्यधि॑रथान्य॒स्मे आ नो॑ य॒ज्ञं रो॑हिद॒श्वोप॑ याहि ॥
Samhita Devanagari Nonaccented
त्वां पूर्व ऋषयो गीर्भिरायंत्वामध्वरेषु पुरुहूत विश्वे ।
सहस्राण्यधिरथान्यस्मे आ नो यज्ञं रोहिदश्वोप याहि ॥
Samhita Transcription Accented
tvā́m pū́rva ṛ́ṣayo gīrbhírāyantvā́madhvaréṣu puruhūta víśve ǀ
sahásrāṇyádhirathānyasmé ā́ no yajñám rohidaśvópa yāhi ǁ
Samhita Transcription Nonaccented
tvām pūrva ṛṣayo gīrbhirāyantvāmadhvareṣu puruhūta viśve ǀ
sahasrāṇyadhirathānyasme ā no yajñam rohidaśvopa yāhi ǁ
Padapatha Devanagari Accented
त्वाम् । पूर्वे॑ । ऋष॑यः । गीः॒ऽभिः । आ॒य॒न् । त्वाम् । अ॒ध्व॒रेषु॑ । पु॒रु॒ऽहू॒त॒ । विश्वे॑ ।
स॒हस्रा॑णि । अधि॑ऽरथानि । अ॒स्मे इति॑ । आ । नः॒ । य॒ज्ञम् । रो॒हि॒त्ऽअ॒श्व॒ । उप॑ । या॒हि॒ ॥
Padapatha Devanagari Nonaccented
त्वाम् । पूर्वे । ऋषयः । गीःऽभिः । आयन् । त्वाम् । अध्वरेषु । पुरुऽहूत । विश्वे ।
सहस्राणि । अधिऽरथानि । अस्मे इति । आ । नः । यज्ञम् । रोहित्ऽअश्व । उप । याहि ॥
Padapatha Transcription Accented
tvā́m ǀ pū́rve ǀ ṛ́ṣayaḥ ǀ gīḥ-bhíḥ ǀ āyan ǀ tvā́m ǀ adhvaréṣu ǀ puru-hūta ǀ víśve ǀ
sahásrāṇi ǀ ádhi-rathāni ǀ asmé íti ǀ ā́ ǀ naḥ ǀ yajñám ǀ rohit-aśva ǀ úpa ǀ yāhi ǁ
Padapatha Transcription Nonaccented
tvām ǀ pūrve ǀ ṛṣayaḥ ǀ gīḥ-bhiḥ ǀ āyan ǀ tvām ǀ adhvareṣu ǀ puru-hūta ǀ viśve ǀ
sahasrāṇi ǀ adhi-rathāni ǀ asme iti ǀ ā ǀ naḥ ǀ yajñam ǀ rohit-aśva ǀ upa ǀ yāhi ǁ
10.098.10 (Mandala. Sukta. Rik)
8.5.13.04 (Ashtaka. Adhyaya. Varga. Rik)
10.08.123 (Mandala. Anuvāka. Rik)
Samhita Devanagari Accented
ए॒तान्य॑ग्ने नव॒तिर्नव॒ त्वे आहु॑ता॒न्यधि॑रथा स॒हस्रा॑ ।
तेभि॑र्वर्धस्व त॒न्वः॑ शूर पू॒र्वीर्दि॒वो नो॑ वृ॒ष्टिमि॑षि॒तो रि॑रीहि ॥
Samhita Devanagari Nonaccented
एतान्यग्ने नवतिर्नव त्वे आहुतान्यधिरथा सहस्रा ।
तेभिर्वर्धस्व तन्वः शूर पूर्वीर्दिवो नो वृष्टिमिषितो रिरीहि ॥
Samhita Transcription Accented
etā́nyagne navatírnáva tvé ā́hutānyádhirathā sahásrā ǀ
tébhirvardhasva tanváḥ śūra pūrvī́rdivó no vṛṣṭímiṣitó rirīhi ǁ
Samhita Transcription Nonaccented
etānyagne navatirnava tve āhutānyadhirathā sahasrā ǀ
tebhirvardhasva tanvaḥ śūra pūrvīrdivo no vṛṣṭimiṣito rirīhi ǁ
Padapatha Devanagari Accented
ए॒तानि॑ । अ॒ग्ने॒ । न॒व॒तिः । नव॑ । त्वे इति॑ । आऽहु॑तानि । अधि॑ऽरथा । स॒हस्रा॑ ।
तेभिः॑ । व॒र्ध॒स्व॒ । त॒न्वः॑ । शू॒र॒ । पू॒र्वीः । दि॒वः । नः॒ । वृ॒ष्टिम् । इ॒षि॒तः । रि॒री॒हि॒ ॥
Padapatha Devanagari Nonaccented
एतानि । अग्ने । नवतिः । नव । त्वे इति । आऽहुतानि । अधिऽरथा । सहस्रा ।
तेभिः । वर्धस्व । तन्वः । शूर । पूर्वीः । दिवः । नः । वृष्टिम् । इषितः । रिरीहि ॥
Padapatha Transcription Accented
etā́ni ǀ agne ǀ navatíḥ ǀ náva ǀ tvé íti ǀ ā́-hutāni ǀ ádhi-rathā ǀ sahásrā ǀ
tébhiḥ ǀ vardhasva ǀ tanváḥ ǀ śūra ǀ pūrvī́ḥ ǀ diváḥ ǀ naḥ ǀ vṛṣṭím ǀ iṣitáḥ ǀ rirīhi ǁ
Padapatha Transcription Nonaccented
etāni ǀ agne ǀ navatiḥ ǀ nava ǀ tve iti ǀ ā-hutāni ǀ adhi-rathā ǀ sahasrā ǀ
tebhiḥ ǀ vardhasva ǀ tanvaḥ ǀ śūra ǀ pūrvīḥ ǀ divaḥ ǀ naḥ ǀ vṛṣṭim ǀ iṣitaḥ ǀ rirīhi ǁ
10.098.11 (Mandala. Sukta. Rik)
8.5.13.05 (Ashtaka. Adhyaya. Varga. Rik)
10.08.124 (Mandala. Anuvāka. Rik)
Samhita Devanagari Accented
ए॒तान्य॑ग्ने नव॒तिं स॒हस्रा॒ सं प्र य॑च्छ॒ वृष्ण॒ इंद्रा॑य भा॒गं ।
वि॒द्वान्प॒थ ऋ॑तु॒शो दे॑व॒याना॒नप्यौ॑ला॒नं दि॒वि दे॒वेषु॑ धेहि ॥
Samhita Devanagari Nonaccented
एतान्यग्ने नवतिं सहस्रा सं प्र यच्छ वृष्ण इंद्राय भागं ।
विद्वान्पथ ऋतुशो देवयानानप्यौलानं दिवि देवेषु धेहि ॥
Samhita Transcription Accented
etā́nyagne navatím sahásrā sám prá yaccha vṛ́ṣṇa índrāya bhāgám ǀ
vidvā́npathá ṛtuśó devayā́nānápyaulānám diví devéṣu dhehi ǁ
Samhita Transcription Nonaccented
etānyagne navatim sahasrā sam pra yaccha vṛṣṇa indrāya bhāgam ǀ
vidvānpatha ṛtuśo devayānānapyaulānam divi deveṣu dhehi ǁ
Padapatha Devanagari Accented
ए॒तानि॑ । अ॒ग्ने॒ । न॒व॒तिम् । स॒हस्रा॑ । सम् । प्र । य॒च्छ॒ । वृष्णे॑ । इन्द्रा॑य । भा॒गम् ।
वि॒द्वान् । प॒थः । ऋ॒तु॒ऽशः । दे॒व॒ऽयाना॑न् । अपि॑ । औ॒ला॒नम् । दि॒वि । दे॒वेषु॑ । धे॒हि॒ ॥
Padapatha Devanagari Nonaccented
एतानि । अग्ने । नवतिम् । सहस्रा । सम् । प्र । यच्छ । वृष्णे । इन्द्राय । भागम् ।
विद्वान् । पथः । ऋतुऽशः । देवऽयानान् । अपि । औलानम् । दिवि । देवेषु । धेहि ॥
Padapatha Transcription Accented
etā́ni ǀ agne ǀ navatím ǀ sahásrā ǀ sám ǀ prá ǀ yaccha ǀ vṛ́ṣṇe ǀ índrāya ǀ bhāgám ǀ
vidvā́n ǀ patháḥ ǀ ṛtu-śáḥ ǀ deva-yā́nān ǀ ápi ǀ aulānám ǀ diví ǀ devéṣu ǀ dhehi ǁ
Padapatha Transcription Nonaccented
etāni ǀ agne ǀ navatim ǀ sahasrā ǀ sam ǀ pra ǀ yaccha ǀ vṛṣṇe ǀ indrāya ǀ bhāgam ǀ
vidvān ǀ pathaḥ ǀ ṛtu-śaḥ ǀ deva-yānān ǀ api ǀ aulānam ǀ divi ǀ deveṣu ǀ dhehi ǁ
10.098.12 (Mandala. Sukta. Rik)
8.5.13.06 (Ashtaka. Adhyaya. Varga. Rik)
10.08.125 (Mandala. Anuvāka. Rik)
Samhita Devanagari Accented
अग्ने॒ बाध॑स्व॒ वि मृधो॒ वि दु॒र्गहापामी॑वा॒मप॒ रक्षां॑सि सेध ।
अ॒स्मात्स॑मु॒द्राद्बृ॑ह॒तो दि॒वो नो॒ऽपां भू॒मान॒मुप॑ नः सृजे॒ह ॥
Samhita Devanagari Nonaccented
अग्ने बाधस्व वि मृधो वि दुर्गहापामीवामप रक्षांसि सेध ।
अस्मात्समुद्राद्बृहतो दिवो नोऽपां भूमानमुप नः सृजेह ॥
Samhita Transcription Accented
ágne bā́dhasva ví mṛ́dho ví durgáhā́pā́mīvāmápa rákṣāṃsi sedha ǀ
asmā́tsamudrā́dbṛható divó no’pā́m bhūmā́namúpa naḥ sṛjehá ǁ
Samhita Transcription Nonaccented
agne bādhasva vi mṛdho vi durgahāpāmīvāmapa rakṣāṃsi sedha ǀ
asmātsamudrādbṛhato divo no’pām bhūmānamupa naḥ sṛjeha ǁ
Padapatha Devanagari Accented
अग्ने॑ । बाध॑स्व । वि । मृधः॑ । वि । दुः॒ऽगहा॑ । अप॑ । अमी॑वाम् । अप॑ । रक्षां॑सि । से॒ध॒ ।
अ॒स्मात् । स॒मु॒द्रात् । बृ॒ह॒तः । दि॒वः । नः॒ । अ॒पाम् । भू॒मान॑म् । उप॑ । नः॒ । सृ॒ज॒ । इ॒ह ॥
Padapatha Devanagari Nonaccented
अग्ने । बाधस्व । वि । मृधः । वि । दुःऽगहा । अप । अमीवाम् । अप । रक्षांसि । सेध ।
अस्मात् । समुद्रात् । बृहतः । दिवः । नः । अपाम् । भूमानम् । उप । नः । सृज । इह ॥
Padapatha Transcription Accented
ágne ǀ bā́dhasva ǀ ví ǀ mṛ́dhaḥ ǀ ví ǀ duḥ-gáhā ǀ ápa ǀ ámīvām ǀ ápa ǀ rákṣāṃsi ǀ sedha ǀ
asmā́t ǀ samudrā́t ǀ bṛhatáḥ ǀ diváḥ ǀ naḥ ǀ apā́m ǀ bhūmā́nam ǀ úpa ǀ naḥ ǀ sṛja ǀ ihá ǁ
Padapatha Transcription Nonaccented
agne ǀ bādhasva ǀ vi ǀ mṛdhaḥ ǀ vi ǀ duḥ-gahā ǀ apa ǀ amīvām ǀ apa ǀ rakṣāṃsi ǀ sedha ǀ
asmāt ǀ samudrāt ǀ bṛhataḥ ǀ divaḥ ǀ naḥ ǀ apām ǀ bhūmānam ǀ upa ǀ naḥ ǀ sṛja ǀ iha ǁ