|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 100
|
1. Info |
| To: | viśvedevās | |
| From: | duvasyu vāndana | |
| Metres: | 1st set of styles: nicṛjjagatī (4, 5, 7, 11); jagatī (1-3); virāḍjagatī (6, 8, 10); pādanicṛjjgatī (9); virāṭtrisṭup (12) 2nd set of styles: jagatī |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.100.01 (Mandala. Sukta. Rik)
8.5.16.01 (Ashtaka. Adhyaya. Varga. Rik)
10.09.001 (Mandala. Anuvāka. Rik)
Samhita Devanagari Accented
इंद्र॒ दृह्य॑ मघवं॒त्वाव॒दिद्भु॒ज इ॒ह स्तु॒तः सु॑त॒पा बो॑धि नो वृ॒धे ।
दे॒वेभि॑र्नः सवि॒ता प्राव॑तु श्रु॒तमा स॒र्वता॑ति॒मदि॑तिं वृणीमहे ॥
Samhita Devanagari Nonaccented
इंद्र दृह्य मघवंत्वावदिद्भुज इह स्तुतः सुतपा बोधि नो वृधे ।
देवेभिर्नः सविता प्रावतु श्रुतमा सर्वतातिमदितिं वृणीमहे ॥
Samhita Transcription Accented
índra dṛ́hya maghavantvā́vadídbhujá ihá stutáḥ sutapā́ bodhi no vṛdhé ǀ
devébhirnaḥ savitā́ prā́vatu śrutámā́ sarvátātimáditim vṛṇīmahe ǁ
Samhita Transcription Nonaccented
indra dṛhya maghavantvāvadidbhuja iha stutaḥ sutapā bodhi no vṛdhe ǀ
devebhirnaḥ savitā prāvatu śrutamā sarvatātimaditim vṛṇīmahe ǁ
Padapatha Devanagari Accented
इन्द्र॑ । दृह्य॑ । म॒घ॒ऽव॒न् । त्वाऽव॑त् । इत् । भु॒जे । इ॒ह । स्तु॒तः । सु॒त॒ऽपाः । बो॒धि॒ । नः॒ । वृ॒धे ।
दे॒वेभिः॑ । नः॒ । स॒वि॒ता । प्र । अ॒व॒तु॒ । श्रु॒तम् । आ । स॒र्वऽता॑तिम् । अदि॑तिम् । वृ॒णी॒म॒हे॒ ॥
Padapatha Devanagari Nonaccented
इन्द्र । दृह्य । मघऽवन् । त्वाऽवत् । इत् । भुजे । इह । स्तुतः । सुतऽपाः । बोधि । नः । वृधे ।
देवेभिः । नः । सविता । प्र । अवतु । श्रुतम् । आ । सर्वऽतातिम् । अदितिम् । वृणीमहे ॥
Padapatha Transcription Accented
índra ǀ dṛ́hya ǀ magha-van ǀ tvā́-vat ǀ ít ǀ bhujé ǀ ihá ǀ stutáḥ ǀ suta-pā́ḥ ǀ bodhi ǀ naḥ ǀ vṛdhé ǀ
devébhiḥ ǀ naḥ ǀ savitā́ ǀ prá ǀ avatu ǀ śrutám ǀ ā́ ǀ sarvá-tātim ǀ áditim ǀ vṛṇīmahe ǁ
Padapatha Transcription Nonaccented
indra ǀ dṛhya ǀ magha-van ǀ tvā-vat ǀ it ǀ bhuje ǀ iha ǀ stutaḥ ǀ suta-pāḥ ǀ bodhi ǀ naḥ ǀ vṛdhe ǀ
devebhiḥ ǀ naḥ ǀ savitā ǀ pra ǀ avatu ǀ śrutam ǀ ā ǀ sarva-tātim ǀ aditim ǀ vṛṇīmahe ǁ
10.100.02 (Mandala. Sukta. Rik)
8.5.16.02 (Ashtaka. Adhyaya. Varga. Rik)
10.09.002 (Mandala. Anuvāka. Rik)
Samhita Devanagari Accented
भरा॑य॒ सु भ॑रत भा॒गमृ॒त्वियं॒ प्र वा॒यवे॑ शुचि॒पे क्रं॒ददि॑ष्टये ।
गौ॒रस्य॒ यः पय॑सः पी॒तिमा॑न॒श आ स॒र्वता॑ति॒मदि॑तिं वृणीमहे ॥
Samhita Devanagari Nonaccented
भराय सु भरत भागमृत्वियं प्र वायवे शुचिपे क्रंददिष्टये ।
गौरस्य यः पयसः पीतिमानश आ सर्वतातिमदितिं वृणीमहे ॥
Samhita Transcription Accented
bhárāya sú bharata bhāgámṛtvíyam prá vāyáve śucipé krandádiṣṭaye ǀ
gaurásya yáḥ páyasaḥ pītímānaśá ā́ sarvátātimáditim vṛṇīmahe ǁ
Samhita Transcription Nonaccented
bharāya su bharata bhāgamṛtviyam pra vāyave śucipe krandadiṣṭaye ǀ
gaurasya yaḥ payasaḥ pītimānaśa ā sarvatātimaditim vṛṇīmahe ǁ
Padapatha Devanagari Accented
भरा॑य । सु । भ॒र॒त॒ । भा॒गम् । ऋ॒त्विय॑म् । प्र । वा॒यवे॑ । शु॒चि॒ऽपे । क्र॒न्दत्ऽइ॑ष्टये ।
गौ॒रस्य॑ । यः । पय॑सः । पी॒तिम् । आ॒न॒शे । आ । स॒र्वऽता॑तिम् । अदि॑तिम् । वृ॒णी॒म॒हे॒ ॥
Padapatha Devanagari Nonaccented
भराय । सु । भरत । भागम् । ऋत्वियम् । प्र । वायवे । शुचिऽपे । क्रन्दत्ऽइष्टये ।
गौरस्य । यः । पयसः । पीतिम् । आनशे । आ । सर्वऽतातिम् । अदितिम् । वृणीमहे ॥
Padapatha Transcription Accented
bhárāya ǀ sú ǀ bharata ǀ bhāgám ǀ ṛtvíyam ǀ prá ǀ vāyáve ǀ śuci-pé ǀ krandát-iṣṭaye ǀ
gaurásya ǀ yáḥ ǀ páyasaḥ ǀ pītím ǀ ānaśé ǀ ā́ ǀ sarvá-tātim ǀ áditim ǀ vṛṇīmahe ǁ
Padapatha Transcription Nonaccented
bharāya ǀ su ǀ bharata ǀ bhāgam ǀ ṛtviyam ǀ pra ǀ vāyave ǀ śuci-pe ǀ krandat-iṣṭaye ǀ
gaurasya ǀ yaḥ ǀ payasaḥ ǀ pītim ǀ ānaśe ǀ ā ǀ sarva-tātim ǀ aditim ǀ vṛṇīmahe ǁ
10.100.03 (Mandala. Sukta. Rik)
8.5.16.03 (Ashtaka. Adhyaya. Varga. Rik)
10.09.003 (Mandala. Anuvāka. Rik)
Samhita Devanagari Accented
आ नो॑ दे॒वः स॑वि॒ता सा॑विष॒द्वय॑ ऋजूय॒ते यज॑मानाय सुन्व॒ते ।
यथा॑ दे॒वान्प्र॑ति॒भूषे॑म पाक॒वदा स॒र्वता॑ति॒मदि॑तिं वृणीमहे ॥
Samhita Devanagari Nonaccented
आ नो देवः सविता साविषद्वय ऋजूयते यजमानाय सुन्वते ।
यथा देवान्प्रतिभूषेम पाकवदा सर्वतातिमदितिं वृणीमहे ॥
Samhita Transcription Accented
ā́ no deváḥ savitā́ sāviṣadváya ṛjūyaté yájamānāya sunvaté ǀ
yáthā devā́npratibhū́ṣema pākavádā́ sarvátātimáditim vṛṇīmahe ǁ
Samhita Transcription Nonaccented
ā no devaḥ savitā sāviṣadvaya ṛjūyate yajamānāya sunvate ǀ
yathā devānpratibhūṣema pākavadā sarvatātimaditim vṛṇīmahe ǁ
Padapatha Devanagari Accented
आ । नः॒ । दे॒वः । स॒वि॒ता । सा॒वि॒ष॒त् । वयः॑ । ऋ॒जु॒ऽय॒ते । यज॑मानाय । सु॒न्व॒ते ।
यथा॑ । दे॒वान् । प्र॒ति॒ऽभूषे॑म । पा॒क॒ऽवत् । आ । स॒र्वऽता॑तिम् । अदि॑तिम् । वृ॒णी॒म॒हे॒ ॥
Padapatha Devanagari Nonaccented
आ । नः । देवः । सविता । साविषत् । वयः । ऋजुऽयते । यजमानाय । सुन्वते ।
यथा । देवान् । प्रतिऽभूषेम । पाकऽवत् । आ । सर्वऽतातिम् । अदितिम् । वृणीमहे ॥
Padapatha Transcription Accented
ā́ ǀ naḥ ǀ deváḥ ǀ savitā́ ǀ sāviṣat ǀ váyaḥ ǀ ṛju-yaté ǀ yájamānāya ǀ sunvaté ǀ
yáthā ǀ devā́n ǀ prati-bhū́ṣema ǀ pāka-vát ǀ ā́ ǀ sarvá-tātim ǀ áditim ǀ vṛṇīmahe ǁ
Padapatha Transcription Nonaccented
ā ǀ naḥ ǀ devaḥ ǀ savitā ǀ sāviṣat ǀ vayaḥ ǀ ṛju-yate ǀ yajamānāya ǀ sunvate ǀ
yathā ǀ devān ǀ prati-bhūṣema ǀ pāka-vat ǀ ā ǀ sarva-tātim ǀ aditim ǀ vṛṇīmahe ǁ
10.100.04 (Mandala. Sukta. Rik)
8.5.16.04 (Ashtaka. Adhyaya. Varga. Rik)
10.09.004 (Mandala. Anuvāka. Rik)
Samhita Devanagari Accented
इंद्रो॑ अ॒स्मे सु॒मना॑ अस्तु वि॒श्वहा॒ राजा॒ सोमः॑ सुवि॒तस्याध्ये॑तु नः ।
यथा॑यथा मि॒त्रधि॑तानि संद॒धुरा स॒र्वता॑ति॒मदि॑तिं वृणीमहे ॥
Samhita Devanagari Nonaccented
इंद्रो अस्मे सुमना अस्तु विश्वहा राजा सोमः सुवितस्याध्येतु नः ।
यथायथा मित्रधितानि संदधुरा सर्वतातिमदितिं वृणीमहे ॥
Samhita Transcription Accented
índro asmé sumánā astu viśváhā rā́jā sómaḥ suvitásyā́dhyetu naḥ ǀ
yáthāyathā mitrádhitāni saṃdadhúrā́ sarvátātimáditim vṛṇīmahe ǁ
Samhita Transcription Nonaccented
indro asme sumanā astu viśvahā rājā somaḥ suvitasyādhyetu naḥ ǀ
yathāyathā mitradhitāni saṃdadhurā sarvatātimaditim vṛṇīmahe ǁ
Padapatha Devanagari Accented
इन्द्रः॑ । अ॒स्मे इति॑ । सु॒ऽमनाः॑ । अ॒स्तु॒ । वि॒श्वहा॑ । राजा॑ । सोमः॑ । सु॒वि॒तस्य॑ । अधि॑ । ए॒तु॒ । नः॒ ।
यथा॑ऽयथा । मि॒त्रऽधि॑तानि । स॒म्ऽद॒धुः । आ । स॒र्वऽता॑तिम् । अदि॑तिम् । वृ॒णी॒म॒हे॒ ॥
Padapatha Devanagari Nonaccented
इन्द्रः । अस्मे इति । सुऽमनाः । अस्तु । विश्वहा । राजा । सोमः । सुवितस्य । अधि । एतु । नः ।
यथाऽयथा । मित्रऽधितानि । सम्ऽदधुः । आ । सर्वऽतातिम् । अदितिम् । वृणीमहे ॥
Padapatha Transcription Accented
índraḥ ǀ asmé íti ǀ su-mánāḥ ǀ astu ǀ viśváhā ǀ rā́jā ǀ sómaḥ ǀ suvitásya ǀ ádhi ǀ etu ǀ naḥ ǀ
yáthā-yathā ǀ mitrá-dhitāni ǀ sam-dadhúḥ ǀ ā́ ǀ sarvá-tātim ǀ áditim ǀ vṛṇīmahe ǁ
Padapatha Transcription Nonaccented
indraḥ ǀ asme iti ǀ su-manāḥ ǀ astu ǀ viśvahā ǀ rājā ǀ somaḥ ǀ suvitasya ǀ adhi ǀ etu ǀ naḥ ǀ
yathā-yathā ǀ mitra-dhitāni ǀ sam-dadhuḥ ǀ ā ǀ sarva-tātim ǀ aditim ǀ vṛṇīmahe ǁ
10.100.05 (Mandala. Sukta. Rik)
8.5.16.05 (Ashtaka. Adhyaya. Varga. Rik)
10.09.005 (Mandala. Anuvāka. Rik)
Samhita Devanagari Accented
इंद्र॑ उ॒क्थेन॒ शव॑सा॒ परु॑र्दधे॒ बृह॑स्पते प्रतरी॒तास्यायु॑षः ।
य॒ज्ञो मनुः॒ प्रम॑तिर्नः पि॒ता हि क॒मा स॒र्वता॑ति॒मदि॑तिं वृणीमहे ॥
Samhita Devanagari Nonaccented
इंद्र उक्थेन शवसा परुर्दधे बृहस्पते प्रतरीतास्यायुषः ।
यज्ञो मनुः प्रमतिर्नः पिता हि कमा सर्वतातिमदितिं वृणीमहे ॥
Samhita Transcription Accented
índra ukthéna śávasā párurdadhe bṛ́haspate pratarītā́syā́yuṣaḥ ǀ
yajñó mánuḥ prámatirnaḥ pitā́ hí kamā́ sarvátātimáditim vṛṇīmahe ǁ
Samhita Transcription Nonaccented
indra ukthena śavasā parurdadhe bṛhaspate pratarītāsyāyuṣaḥ ǀ
yajño manuḥ pramatirnaḥ pitā hi kamā sarvatātimaditim vṛṇīmahe ǁ
Padapatha Devanagari Accented
इन्द्रः॑ । उ॒क्थेन॑ । शव॑सा । परुः॑ । द॒धे॒ । बृह॑स्पते । प्र॒ऽत॒री॒ता । अ॒सि॒ । आयु॑षः ।
य॒ज्ञः । मनुः॑ । प्रऽम॑तिः । नः॒ । पि॒ता । हि । क॒म् । आ । स॒र्वऽता॑तिम् । अदि॑तिम् । वृ॒णी॒म॒हे॒ ॥
Padapatha Devanagari Nonaccented
इन्द्रः । उक्थेन । शवसा । परुः । दधे । बृहस्पते । प्रऽतरीता । असि । आयुषः ।
यज्ञः । मनुः । प्रऽमतिः । नः । पिता । हि । कम् । आ । सर्वऽतातिम् । अदितिम् । वृणीमहे ॥
Padapatha Transcription Accented
índraḥ ǀ ukthéna ǀ śávasā ǀ páruḥ ǀ dadhe ǀ bṛ́haspate ǀ pra-tarītā́ ǀ asi ǀ ā́yuṣaḥ ǀ
yajñáḥ ǀ mánuḥ ǀ prá-matiḥ ǀ naḥ ǀ pitā́ ǀ hí ǀ kam ǀ ā́ ǀ sarvá-tātim ǀ áditim ǀ vṛṇīmahe ǁ
Padapatha Transcription Nonaccented
indraḥ ǀ ukthena ǀ śavasā ǀ paruḥ ǀ dadhe ǀ bṛhaspate ǀ pra-tarītā ǀ asi ǀ āyuṣaḥ ǀ
yajñaḥ ǀ manuḥ ǀ pra-matiḥ ǀ naḥ ǀ pitā ǀ hi ǀ kam ǀ ā ǀ sarva-tātim ǀ aditim ǀ vṛṇīmahe ǁ
10.100.06 (Mandala. Sukta. Rik)
8.5.16.06 (Ashtaka. Adhyaya. Varga. Rik)
10.09.006 (Mandala. Anuvāka. Rik)
Samhita Devanagari Accented
इंद्र॑स्य॒ नु सुकृ॑तं॒ दैव्यं॒ सहो॒ऽग्निर्गृ॒हे ज॑रि॒ता मेधि॑रः क॒विः ।
य॒ज्ञश्च॑ भूद्वि॒दथे॒ चारु॒रंत॑म॒ आ स॒र्वता॑ति॒मदि॑तिं वृणीमहे ॥
Samhita Devanagari Nonaccented
इंद्रस्य नु सुकृतं दैव्यं सहोऽग्निर्गृहे जरिता मेधिरः कविः ।
यज्ञश्च भूद्विदथे चारुरंतम आ सर्वतातिमदितिं वृणीमहे ॥
Samhita Transcription Accented
índrasya nú súkṛtam dáivyam sáho’gnírgṛhé jaritā́ médhiraḥ kavíḥ ǀ
yajñáśca bhūdvidáthe cā́rurántama ā́ sarvátātimáditim vṛṇīmahe ǁ
Samhita Transcription Nonaccented
indrasya nu sukṛtam daivyam saho’gnirgṛhe jaritā medhiraḥ kaviḥ ǀ
yajñaśca bhūdvidathe cārurantama ā sarvatātimaditim vṛṇīmahe ǁ
Padapatha Devanagari Accented
इन्द्र॑स्य । नु । सुऽकृ॑तम् । दैव्य॑म् । सहः॑ । अ॒ग्निः । गृ॒हे । ज॒रि॒ता । मेधि॑रः । क॒विः ।
य॒ज्ञः । च॒ । भू॒त् । वि॒दथे॑ । चारुः॑ । अन्त॑मः । आ । स॒र्वऽता॑तिम् । अदि॑तिम् । वृ॒णी॒म॒हे॒ ॥
Padapatha Devanagari Nonaccented
इन्द्रस्य । नु । सुऽकृतम् । दैव्यम् । सहः । अग्निः । गृहे । जरिता । मेधिरः । कविः ।
यज्ञः । च । भूत् । विदथे । चारुः । अन्तमः । आ । सर्वऽतातिम् । अदितिम् । वृणीमहे ॥
Padapatha Transcription Accented
índrasya ǀ nú ǀ sú-kṛtam ǀ dáivyam ǀ sáhaḥ ǀ agníḥ ǀ gṛhé ǀ jaritā́ ǀ médhiraḥ ǀ kavíḥ ǀ
yajñáḥ ǀ ca ǀ bhūt ǀ vidáthe ǀ cā́ruḥ ǀ ántamaḥ ǀ ā́ ǀ sarvá-tātim ǀ áditim ǀ vṛṇīmahe ǁ
Padapatha Transcription Nonaccented
indrasya ǀ nu ǀ su-kṛtam ǀ daivyam ǀ sahaḥ ǀ agniḥ ǀ gṛhe ǀ jaritā ǀ medhiraḥ ǀ kaviḥ ǀ
yajñaḥ ǀ ca ǀ bhūt ǀ vidathe ǀ cāruḥ ǀ antamaḥ ǀ ā ǀ sarva-tātim ǀ aditim ǀ vṛṇīmahe ǁ
10.100.07 (Mandala. Sukta. Rik)
8.5.17.01 (Ashtaka. Adhyaya. Varga. Rik)
10.09.007 (Mandala. Anuvāka. Rik)
Samhita Devanagari Accented
न वो॒ गुहा॑ चकृम॒ भूरि॑ दुष्कृ॒तं नाविष्ट्यं॑ वसवो देव॒हेळ॑नं ।
माकि॑र्नो देवा॒ अनृ॑तस्य॒ वर्प॑स॒ आ स॒र्वता॑ति॒मदि॑तिं वृणीमहे ॥
Samhita Devanagari Nonaccented
न वो गुहा चकृम भूरि दुष्कृतं नाविष्ट्यं वसवो देवहेळनं ।
माकिर्नो देवा अनृतस्य वर्पस आ सर्वतातिमदितिं वृणीमहे ॥
Samhita Transcription Accented
ná vo gúhā cakṛma bhū́ri duṣkṛtám nā́víṣṭyam vasavo devahéḷanam ǀ
mā́kirno devā ánṛtasya várpasa ā́ sarvátātimáditim vṛṇīmahe ǁ
Samhita Transcription Nonaccented
na vo guhā cakṛma bhūri duṣkṛtam nāviṣṭyam vasavo devaheḷanam ǀ
mākirno devā anṛtasya varpasa ā sarvatātimaditim vṛṇīmahe ǁ
Padapatha Devanagari Accented
न । वः॒ । गुहा॑ । च॒कृ॒म॒ । भूरि॑ । दुः॒ऽकृ॒तम् । न । आ॒विःऽत्य॑म् । व॒स॒वः॒ । दे॒व॒ऽहेळ॑नम् ।
माकिः॑ । नः॒ । दे॒वाः॒ । अनृ॑तस्य । वर्प॑सः । आ । स॒र्वऽता॑तिम् । अदि॑तिम् । वृ॒णी॒म॒हे॒ ॥
Padapatha Devanagari Nonaccented
न । वः । गुहा । चकृम । भूरि । दुःऽकृतम् । न । आविःऽत्यम् । वसवः । देवऽहेळनम् ।
माकिः । नः । देवाः । अनृतस्य । वर्पसः । आ । सर्वऽतातिम् । अदितिम् । वृणीमहे ॥
Padapatha Transcription Accented
ná ǀ vaḥ ǀ gúhā ǀ cakṛma ǀ bhū́ri ǀ duḥ-kṛtám ǀ ná ǀ āvíḥ-tyam ǀ vasavaḥ ǀ deva-héḷanam ǀ
mā́kiḥ ǀ naḥ ǀ devāḥ ǀ ánṛtasya ǀ várpasaḥ ǀ ā́ ǀ sarvá-tātim ǀ áditim ǀ vṛṇīmahe ǁ
Padapatha Transcription Nonaccented
na ǀ vaḥ ǀ guhā ǀ cakṛma ǀ bhūri ǀ duḥ-kṛtam ǀ na ǀ āviḥ-tyam ǀ vasavaḥ ǀ deva-heḷanam ǀ
mākiḥ ǀ naḥ ǀ devāḥ ǀ anṛtasya ǀ varpasaḥ ǀ ā ǀ sarva-tātim ǀ aditim ǀ vṛṇīmahe ǁ
10.100.08 (Mandala. Sukta. Rik)
8.5.17.02 (Ashtaka. Adhyaya. Varga. Rik)
10.09.008 (Mandala. Anuvāka. Rik)
Samhita Devanagari Accented
अपामी॑वां सवि॒ता सा॑विष॒न्न्य१॒॑ग्वरी॑य॒ इदप॑ सेधं॒त्वद्र॑यः ।
ग्रावा॒ यत्र॑ मधु॒षुदु॒च्यते॑ बृ॒हदा स॒र्वता॑ति॒मदि॑तिं वृणीमहे ॥
Samhita Devanagari Nonaccented
अपामीवां सविता साविषन्न्यग्वरीय इदप सेधंत्वद्रयः ।
ग्रावा यत्र मधुषुदुच्यते बृहदा सर्वतातिमदितिं वृणीमहे ॥
Samhita Transcription Accented
ápā́mīvām savitā́ sāviṣannyágvárīya ídápa sedhantvádrayaḥ ǀ
grā́vā yátra madhuṣúducyáte bṛhádā́ sarvátātimáditim vṛṇīmahe ǁ
Samhita Transcription Nonaccented
apāmīvām savitā sāviṣannyagvarīya idapa sedhantvadrayaḥ ǀ
grāvā yatra madhuṣuducyate bṛhadā sarvatātimaditim vṛṇīmahe ǁ
Padapatha Devanagari Accented
अप॑ । अमी॑वाम् । स॒वि॒ता । सा॒वि॒ष॒त् । न्य॑क् । वरी॑यः । इत् । अप॑ । से॒ध॒न्तु॒ । अद्र॑यः ।
ग्रावा॑ । यत्र॑ । म॒धु॒ऽसुत् । उ॒च्यते॑ । बृ॒हत् । आ । स॒र्वऽता॑तिम् । अदि॑तिम् । वृ॒णी॒म॒हे॒ ॥
Padapatha Devanagari Nonaccented
अप । अमीवाम् । सविता । साविषत् । न्यक् । वरीयः । इत् । अप । सेधन्तु । अद्रयः ।
ग्रावा । यत्र । मधुऽसुत् । उच्यते । बृहत् । आ । सर्वऽतातिम् । अदितिम् । वृणीमहे ॥
Padapatha Transcription Accented
ápa ǀ ámīvām ǀ savitā́ ǀ sāviṣat ǀ nyák ǀ várīyaḥ ǀ ít ǀ ápa ǀ sedhantu ǀ ádrayaḥ ǀ
grā́vā ǀ yátra ǀ madhu-sút ǀ ucyáte ǀ bṛhát ǀ ā́ ǀ sarvá-tātim ǀ áditim ǀ vṛṇīmahe ǁ
Padapatha Transcription Nonaccented
apa ǀ amīvām ǀ savitā ǀ sāviṣat ǀ nyak ǀ varīyaḥ ǀ it ǀ apa ǀ sedhantu ǀ adrayaḥ ǀ
grāvā ǀ yatra ǀ madhu-sut ǀ ucyate ǀ bṛhat ǀ ā ǀ sarva-tātim ǀ aditim ǀ vṛṇīmahe ǁ
10.100.09 (Mandala. Sukta. Rik)
8.5.17.03 (Ashtaka. Adhyaya. Varga. Rik)
10.09.009 (Mandala. Anuvāka. Rik)
Samhita Devanagari Accented
ऊ॒र्ध्वो ग्रावा॑ वसवोऽस्तु सो॒तरि॒ विश्वा॒ द्वेषां॑सि सनु॒तर्यु॑योत ।
स नो॑ दे॒वः स॑वि॒ता पा॒युरीड्य॒ आ स॒र्वता॑ति॒मदि॑तिं वृणीमहे ॥
Samhita Devanagari Nonaccented
ऊर्ध्वो ग्रावा वसवोऽस्तु सोतरि विश्वा द्वेषांसि सनुतर्युयोत ।
स नो देवः सविता पायुरीड्य आ सर्वतातिमदितिं वृणीमहे ॥
Samhita Transcription Accented
ūrdhvó grā́vā vasavo’stu sotári víśvā dvéṣāṃsi sanutáryuyota ǀ
sá no deváḥ savitā́ pāyúrī́ḍya ā́ sarvátātimáditim vṛṇīmahe ǁ
Samhita Transcription Nonaccented
ūrdhvo grāvā vasavo’stu sotari viśvā dveṣāṃsi sanutaryuyota ǀ
sa no devaḥ savitā pāyurīḍya ā sarvatātimaditim vṛṇīmahe ǁ
Padapatha Devanagari Accented
ऊ॒र्ध्वः । ग्रावा॑ । व॒स॒वः॒ । अ॒स्तु॒ । सो॒तरि॑ । विश्वा॑ । द्वेषां॑सि । स॒नु॒तः । यु॒यो॒त॒ ।
सः । नः॒ । दे॒वः । स॒वि॒ता । पा॒युः । ईड्यः॑ । आ । स॒र्वऽता॑तिम् । अदि॑तिम् । वृ॒णी॒म॒हे॒ ॥
Padapatha Devanagari Nonaccented
ऊर्ध्वः । ग्रावा । वसवः । अस्तु । सोतरि । विश्वा । द्वेषांसि । सनुतः । युयोत ।
सः । नः । देवः । सविता । पायुः । ईड्यः । आ । सर्वऽतातिम् । अदितिम् । वृणीमहे ॥
Padapatha Transcription Accented
ūrdhváḥ ǀ grā́vā ǀ vasavaḥ ǀ astu ǀ sotári ǀ víśvā ǀ dvéṣāṃsi ǀ sanutáḥ ǀ yuyota ǀ
sáḥ ǀ naḥ ǀ deváḥ ǀ savitā́ ǀ pāyúḥ ǀ ī́ḍyaḥ ǀ ā́ ǀ sarvá-tātim ǀ áditim ǀ vṛṇīmahe ǁ
Padapatha Transcription Nonaccented
ūrdhvaḥ ǀ grāvā ǀ vasavaḥ ǀ astu ǀ sotari ǀ viśvā ǀ dveṣāṃsi ǀ sanutaḥ ǀ yuyota ǀ
saḥ ǀ naḥ ǀ devaḥ ǀ savitā ǀ pāyuḥ ǀ īḍyaḥ ǀ ā ǀ sarva-tātim ǀ aditim ǀ vṛṇīmahe ǁ
10.100.10 (Mandala. Sukta. Rik)
8.5.17.04 (Ashtaka. Adhyaya. Varga. Rik)
10.09.010 (Mandala. Anuvāka. Rik)
Samhita Devanagari Accented
ऊर्जं॑ गावो॒ यव॑से॒ पीवो॑ अत्तन ऋ॒तस्य॒ याः सद॑ने॒ कोशे॑ अं॒ग्ध्वे ।
त॒नूरे॒व त॒न्वो॑ अस्तु भेष॒जमा स॒र्वता॑ति॒मदि॑तिं वृणीमहे ॥
Samhita Devanagari Nonaccented
ऊर्जं गावो यवसे पीवो अत्तन ऋतस्य याः सदने कोशे अंग्ध्वे ।
तनूरेव तन्वो अस्तु भेषजमा सर्वतातिमदितिं वृणीमहे ॥
Samhita Transcription Accented
ū́rjam gāvo yávase pī́vo attana ṛtásya yā́ḥ sádane kóśe aṅgdhvé ǀ
tanū́revá tanvó astu bheṣajámā́ sarvátātimáditim vṛṇīmahe ǁ
Samhita Transcription Nonaccented
ūrjam gāvo yavase pīvo attana ṛtasya yāḥ sadane kośe aṅgdhve ǀ
tanūreva tanvo astu bheṣajamā sarvatātimaditim vṛṇīmahe ǁ
Padapatha Devanagari Accented
ऊर्ज॑म् । गा॒वः॒ । यव॑से । पीवः॑ । अ॒त्त॒न॒ । ऋ॒तस्य॑ । याः । सद॑ने । कोशे॑ । अ॒ङ्ग्ध्वे ।
त॒नूः । ए॒व । त॒न्वः॑ । अ॒स्तु॒ । भे॒ष॒जम् । आ । स॒र्वऽता॑तिम् । अदि॑तिम् । वृ॒णी॒म॒हे॒ ॥
Padapatha Devanagari Nonaccented
ऊर्जम् । गावः । यवसे । पीवः । अत्तन । ऋतस्य । याः । सदने । कोशे । अङ्ग्ध्वे ।
तनूः । एव । तन्वः । अस्तु । भेषजम् । आ । सर्वऽतातिम् । अदितिम् । वृणीमहे ॥
Padapatha Transcription Accented
ū́rjam ǀ gāvaḥ ǀ yávase ǀ pī́vaḥ ǀ attana ǀ ṛtásya ǀ yā́ḥ ǀ sádane ǀ kóśe ǀ aṅgdhvé ǀ
tanū́ḥ ǀ evá ǀ tanváḥ ǀ astu ǀ bheṣajám ǀ ā́ ǀ sarvá-tātim ǀ áditim ǀ vṛṇīmahe ǁ
Padapatha Transcription Nonaccented
ūrjam ǀ gāvaḥ ǀ yavase ǀ pīvaḥ ǀ attana ǀ ṛtasya ǀ yāḥ ǀ sadane ǀ kośe ǀ aṅgdhve ǀ
tanūḥ ǀ eva ǀ tanvaḥ ǀ astu ǀ bheṣajam ǀ ā ǀ sarva-tātim ǀ aditim ǀ vṛṇīmahe ǁ
10.100.11 (Mandala. Sukta. Rik)
8.5.17.05 (Ashtaka. Adhyaya. Varga. Rik)
10.09.011 (Mandala. Anuvāka. Rik)
Samhita Devanagari Accented
क्र॒तु॒प्रावा॑ जरि॒ता शश्व॑ता॒मव॒ इंद्र॒ इद्भ॒द्रा प्रम॑तिः सु॒ताव॑तां ।
पू॒र्णमूध॑र्दि॒व्यं यस्य॑ सि॒क्तय॒ आ स॒र्वता॑ति॒मदि॑तिं वृणीमहे ॥
Samhita Devanagari Nonaccented
क्रतुप्रावा जरिता शश्वतामव इंद्र इद्भद्रा प्रमतिः सुतावतां ।
पूर्णमूधर्दिव्यं यस्य सिक्तय आ सर्वतातिमदितिं वृणीमहे ॥
Samhita Transcription Accented
kratuprā́vā jaritā́ śáśvatāmáva índra ídbhadrā́ prámatiḥ sutā́vatām ǀ
pūrṇámū́dhardivyám yásya siktáya ā́ sarvátātimáditim vṛṇīmahe ǁ
Samhita Transcription Nonaccented
kratuprāvā jaritā śaśvatāmava indra idbhadrā pramatiḥ sutāvatām ǀ
pūrṇamūdhardivyam yasya siktaya ā sarvatātimaditim vṛṇīmahe ǁ
Padapatha Devanagari Accented
क्र॒तु॒ऽप्रावा॑ । ज॒रि॒ता । शश्व॑ताम् । अवः॑ । इन्द्रः॑ । इत् । भ॒द्रा । प्रऽम॑तिः । सु॒तऽव॑ताम् ।
पू॒र्णम् । ऊधः॑ । दि॒व्यम् । यस्य॑ । सि॒क्तये॑ । आ । स॒र्वऽता॑तिम् । अदि॑तिम् । वृ॒णी॒म॒हे॒ ॥
Padapatha Devanagari Nonaccented
क्रतुऽप्रावा । जरिता । शश्वताम् । अवः । इन्द्रः । इत् । भद्रा । प्रऽमतिः । सुतऽवताम् ।
पूर्णम् । ऊधः । दिव्यम् । यस्य । सिक्तये । आ । सर्वऽतातिम् । अदितिम् । वृणीमहे ॥
Padapatha Transcription Accented
kratu-prā́vā ǀ jaritā́ ǀ śáśvatām ǀ ávaḥ ǀ índraḥ ǀ ít ǀ bhadrā́ ǀ prá-matiḥ ǀ sutá-vatām ǀ
pūrṇám ǀ ū́dhaḥ ǀ divyám ǀ yásya ǀ siktáye ǀ ā́ ǀ sarvá-tātim ǀ áditim ǀ vṛṇīmahe ǁ
Padapatha Transcription Nonaccented
kratu-prāvā ǀ jaritā ǀ śaśvatām ǀ avaḥ ǀ indraḥ ǀ it ǀ bhadrā ǀ pra-matiḥ ǀ suta-vatām ǀ
pūrṇam ǀ ūdhaḥ ǀ divyam ǀ yasya ǀ siktaye ǀ ā ǀ sarva-tātim ǀ aditim ǀ vṛṇīmahe ǁ
10.100.12 (Mandala. Sukta. Rik)
8.5.17.06 (Ashtaka. Adhyaya. Varga. Rik)
10.09.012 (Mandala. Anuvāka. Rik)
Samhita Devanagari Accented
चि॒त्रस्ते॑ भा॒नुः क्र॑तु॒प्रा अ॑भि॒ष्टिः संति॒ स्पृधो॑ जरणि॒प्रा अधृ॑ष्टाः ।
रजि॑ष्ठया॒ रज्या॑ प॒श्व आ गोस्तूतू॑र्षति॒ पर्यग्रं॑ दुव॒स्युः ॥
Samhita Devanagari Nonaccented
चित्रस्ते भानुः क्रतुप्रा अभिष्टिः संति स्पृधो जरणिप्रा अधृष्टाः ।
रजिष्ठया रज्या पश्व आ गोस्तूतूर्षति पर्यग्रं दुवस्युः ॥
Samhita Transcription Accented
citráste bhānúḥ kratuprā́ abhiṣṭíḥ sánti spṛ́dho jaraṇiprā́ ádhṛṣṭāḥ ǀ
rájiṣṭhayā rájyā paśvá ā́ góstū́tūrṣati páryágram duvasyúḥ ǁ
Samhita Transcription Nonaccented
citraste bhānuḥ kratuprā abhiṣṭiḥ santi spṛdho jaraṇiprā adhṛṣṭāḥ ǀ
rajiṣṭhayā rajyā paśva ā gostūtūrṣati paryagram duvasyuḥ ǁ
Padapatha Devanagari Accented
चि॒त्रः । ते॒ । भा॒नुः । क्र॒तु॒ऽप्राः । अ॒भि॒ष्टिः । सन्ति॑ । स्पृधः॑ । ज॒र॒णि॒ऽप्राः । अधृ॑ष्टाः ।
रजि॑ष्ठया । रज्या॑ । प॒श्वः । आ । गोः । तूतू॑र्षति । परि॑ । अग्र॑म् । दु॒व॒स्युः ॥
Padapatha Devanagari Nonaccented
चित्रः । ते । भानुः । क्रतुऽप्राः । अभिष्टिः । सन्ति । स्पृधः । जरणिऽप्राः । अधृष्टाः ।
रजिष्ठया । रज्या । पश्वः । आ । गोः । तूतूर्षति । परि । अग्रम् । दुवस्युः ॥
Padapatha Transcription Accented
citráḥ ǀ te ǀ bhānúḥ ǀ kratu-prā́ḥ ǀ abhiṣṭíḥ ǀ sánti ǀ spṛ́dhaḥ ǀ jaraṇi-prā́ḥ ǀ ádhṛṣṭāḥ ǀ
rájiṣṭhayā ǀ rájyā ǀ paśváḥ ǀ ā́ ǀ góḥ ǀ tū́tūrṣati ǀ pári ǀ ágram ǀ duvasyúḥ ǁ
Padapatha Transcription Nonaccented
citraḥ ǀ te ǀ bhānuḥ ǀ kratu-prāḥ ǀ abhiṣṭiḥ ǀ santi ǀ spṛdhaḥ ǀ jaraṇi-prāḥ ǀ adhṛṣṭāḥ ǀ
rajiṣṭhayā ǀ rajyā ǀ paśvaḥ ǀ ā ǀ goḥ ǀ tūtūrṣati ǀ pari ǀ agram ǀ duvasyuḥ ǁ