|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 102
|
1. Info |
| To: | indra | |
| From: | mudgala bhārmyaśva | |
| Metres: | 1st set of styles: nicṛttriṣṭup (2, 4, 5, 9); virāṭtrisṭup (7, 8, 10); nicṛdbṛhatī (3, 12); pādnicṛdbṛhatī (1); bhuriktriṣṭup (6); pādanicṛttriṣṭup (11) 2nd set of styles: triṣṭubh (2, 4-11); bṛhatī (1, 3, 12) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.102.01 (Mandala. Sukta. Rik)
8.5.20.01 (Ashtaka. Adhyaya. Varga. Rik)
10.09.025 (Mandala. Anuvāka. Rik)
Samhita Devanagari Accented
प्र ते॒ रथं॑ मिथू॒कृत॒मिंद्रो॑ऽवतु धृष्णु॒या ।
अ॒स्मिन्ना॒जौ पु॑रुहूत श्र॒वाय्ये॑ धनभ॒क्षेषु॑ नोऽव ॥
Samhita Devanagari Nonaccented
प्र ते रथं मिथूकृतमिंद्रोऽवतु धृष्णुया ।
अस्मिन्नाजौ पुरुहूत श्रवाय्ये धनभक्षेषु नोऽव ॥
Samhita Transcription Accented
prá te rátham mithūkṛ́tamíndro’vatu dhṛṣṇuyā́ ǀ
asmínnājáu puruhūta śravā́yye dhanabhakṣéṣu no’va ǁ
Samhita Transcription Nonaccented
pra te ratham mithūkṛtamindro’vatu dhṛṣṇuyā ǀ
asminnājau puruhūta śravāyye dhanabhakṣeṣu no’va ǁ
Padapatha Devanagari Accented
प्र । ते॒ । रथ॑म् । मि॒थु॒ऽकृत॑म् । इन्द्रः॑ । अ॒व॒तु॒ । धृ॒ष्णु॒ऽया ।
अ॒स्मिन् । आ॒जौ । पु॒रु॒ऽहू॒त॒ । श्र॒वाय्ये॑ । ध॒न॒ऽभ॒क्षेषु॑ । नः॒ । अ॒व॒ ॥
Padapatha Devanagari Nonaccented
प्र । ते । रथम् । मिथुऽकृतम् । इन्द्रः । अवतु । धृष्णुऽया ।
अस्मिन् । आजौ । पुरुऽहूत । श्रवाय्ये । धनऽभक्षेषु । नः । अव ॥
Padapatha Transcription Accented
prá ǀ te ǀ rátham ǀ mithu-kṛ́tam ǀ índraḥ ǀ avatu ǀ dhṛṣṇu-yā́ ǀ
asmín ǀ ājáu ǀ puru-hūta ǀ śravā́yye ǀ dhana-bhakṣéṣu ǀ naḥ ǀ ava ǁ
Padapatha Transcription Nonaccented
pra ǀ te ǀ ratham ǀ mithu-kṛtam ǀ indraḥ ǀ avatu ǀ dhṛṣṇu-yā ǀ
asmin ǀ ājau ǀ puru-hūta ǀ śravāyye ǀ dhana-bhakṣeṣu ǀ naḥ ǀ ava ǁ
10.102.02 (Mandala. Sukta. Rik)
8.5.20.02 (Ashtaka. Adhyaya. Varga. Rik)
10.09.026 (Mandala. Anuvāka. Rik)
Samhita Devanagari Accented
उत्स्म॒ वातो॑ वहति॒ वासो॑ऽस्या॒ अधि॑रथं॒ यदज॑यत्स॒हस्रं॑ ।
र॒थीर॑भून्मुद्ग॒लानी॒ गवि॑ष्टौ॒ भरे॑ कृ॒तं व्य॑चेदिंद्रसे॒ना ॥
Samhita Devanagari Nonaccented
उत्स्म वातो वहति वासोऽस्या अधिरथं यदजयत्सहस्रं ।
रथीरभून्मुद्गलानी गविष्टौ भरे कृतं व्यचेदिंद्रसेना ॥
Samhita Transcription Accented
útsma vā́to vahati vā́so’syā ádhiratham yádájayatsahásram ǀ
rathī́rabhūnmudgalā́nī gáviṣṭau bháre kṛtám vyácedindrasenā́ ǁ
Samhita Transcription Nonaccented
utsma vāto vahati vāso’syā adhiratham yadajayatsahasram ǀ
rathīrabhūnmudgalānī gaviṣṭau bhare kṛtam vyacedindrasenā ǁ
Padapatha Devanagari Accented
उत् । स्म॒ । वातः॑ । व॒ह॒ति॒ । वासः॑ । अ॒स्याः॒ । अधि॑ऽरथम् । यत् । अज॑यत् । स॒हस्र॑म् ।
र॒थीः । अ॒भू॒त् । मु॒द्ग॒लानी॑ । गोऽइ॑ष्टौ । भरे॑ । कृ॒तम् । वि । अ॒चे॒त् । इ॒न्द्र॒ऽसे॒ना ॥
Padapatha Devanagari Nonaccented
उत् । स्म । वातः । वहति । वासः । अस्याः । अधिऽरथम् । यत् । अजयत् । सहस्रम् ।
रथीः । अभूत् । मुद्गलानी । गोऽइष्टौ । भरे । कृतम् । वि । अचेत् । इन्द्रऽसेना ॥
Padapatha Transcription Accented
út ǀ sma ǀ vā́taḥ ǀ vahati ǀ vā́saḥ ǀ asyāḥ ǀ ádhi-ratham ǀ yát ǀ ájayat ǀ sahásram ǀ
rathī́ḥ ǀ abhūt ǀ mudgalā́nī ǀ gó-iṣṭau ǀ bháre ǀ kṛtám ǀ ví ǀ acet ǀ indra-senā́ ǁ
Padapatha Transcription Nonaccented
ut ǀ sma ǀ vātaḥ ǀ vahati ǀ vāsaḥ ǀ asyāḥ ǀ adhi-ratham ǀ yat ǀ ajayat ǀ sahasram ǀ
rathīḥ ǀ abhūt ǀ mudgalānī ǀ go-iṣṭau ǀ bhare ǀ kṛtam ǀ vi ǀ acet ǀ indra-senā ǁ
10.102.03 (Mandala. Sukta. Rik)
8.5.20.03 (Ashtaka. Adhyaya. Varga. Rik)
10.09.027 (Mandala. Anuvāka. Rik)
Samhita Devanagari Accented
अं॒तर्य॑च्छ॒ जिघां॑सतो॒ वज्र॑मिंद्राभि॒दास॑तः ।
दास॑स्य वा मघव॒न्नार्य॑स्य वा सनु॒तर्य॑वया व॒धं ॥
Samhita Devanagari Nonaccented
अंतर्यच्छ जिघांसतो वज्रमिंद्राभिदासतः ।
दासस्य वा मघवन्नार्यस्य वा सनुतर्यवया वधं ॥
Samhita Transcription Accented
antáryaccha jíghāṃsato vájramindrābhidā́sataḥ ǀ
dā́sasya vā maghavannā́ryasya vā sanutáryavayā vadhám ǁ
Samhita Transcription Nonaccented
antaryaccha jighāṃsato vajramindrābhidāsataḥ ǀ
dāsasya vā maghavannāryasya vā sanutaryavayā vadham ǁ
Padapatha Devanagari Accented
अ॒न्तः । य॒च्छ॒ । जिघां॑सतः । वज्र॑म् । इ॒न्द्र॒ । अ॒भि॒ऽदास॑तः ।
दास॑स्य । वा॒ । म॒घ॒ऽव॒न् । आर्य॑स्य । वा॒ । स॒नु॒तः । य॒व॒य॒ । व॒धम् ॥
Padapatha Devanagari Nonaccented
अन्तः । यच्छ । जिघांसतः । वज्रम् । इन्द्र । अभिऽदासतः ।
दासस्य । वा । मघऽवन् । आर्यस्य । वा । सनुतः । यवय । वधम् ॥
Padapatha Transcription Accented
antáḥ ǀ yaccha ǀ jíghāṃsataḥ ǀ vájram ǀ indra ǀ abhi-dā́sataḥ ǀ
dā́sasya ǀ vā ǀ magha-van ǀ ā́ryasya ǀ vā ǀ sanutáḥ ǀ yavaya ǀ vadhám ǁ
Padapatha Transcription Nonaccented
antaḥ ǀ yaccha ǀ jighāṃsataḥ ǀ vajram ǀ indra ǀ abhi-dāsataḥ ǀ
dāsasya ǀ vā ǀ magha-van ǀ āryasya ǀ vā ǀ sanutaḥ ǀ yavaya ǀ vadham ǁ
10.102.04 (Mandala. Sukta. Rik)
8.5.20.04 (Ashtaka. Adhyaya. Varga. Rik)
10.09.028 (Mandala. Anuvāka. Rik)
Samhita Devanagari Accented
उ॒द्नो ह्र॒दम॑पिब॒ज्जर्हृ॑षाणः॒ कूटं॑ स्म तृं॒हद॒भिमा॑तिमेति ।
प्र मु॒ष्कभा॑रः॒ श्रव॑ इ॒च्छमा॑नोऽजि॒रं बा॒हू अ॑भर॒त्सिषा॑सन् ॥
Samhita Devanagari Nonaccented
उद्नो ह्रदमपिबज्जर्हृषाणः कूटं स्म तृंहदभिमातिमेति ।
प्र मुष्कभारः श्रव इच्छमानोऽजिरं बाहू अभरत्सिषासन् ॥
Samhita Transcription Accented
udnó hradámapibajjárhṛṣāṇaḥ kū́ṭam sma tṛṃhádabhímātimeti ǀ
prá muṣkábhāraḥ śráva icchámāno’jirám bāhū́ abharatsíṣāsan ǁ
Samhita Transcription Nonaccented
udno hradamapibajjarhṛṣāṇaḥ kūṭam sma tṛṃhadabhimātimeti ǀ
pra muṣkabhāraḥ śrava icchamāno’jiram bāhū abharatsiṣāsan ǁ
Padapatha Devanagari Accented
उ॒द्नः । ह्र॒दम् । अ॒पि॒ब॒त् । जर्हृ॑षाणः । कूट॑म् । स्म॒ । तृं॒हत् । अ॒भिऽमा॑तिम् । ए॒ति॒ ।
प्र । मु॒ष्कऽभा॑रः । श्रवः॑ । इ॒च्छमा॑नः । अ॒जि॒रम् । बा॒हू इति॑ । अ॒भ॒र॒त् । सिसा॑सन् ॥
Padapatha Devanagari Nonaccented
उद्नः । ह्रदम् । अपिबत् । जर्हृषाणः । कूटम् । स्म । तृंहत् । अभिऽमातिम् । एति ।
प्र । मुष्कऽभारः । श्रवः । इच्छमानः । अजिरम् । बाहू इति । अभरत् । सिसासन् ॥
Padapatha Transcription Accented
udnáḥ ǀ hradám ǀ apibat ǀ járhṛṣāṇaḥ ǀ kū́ṭam ǀ sma ǀ tṛṃhát ǀ abhí-mātim ǀ eti ǀ
prá ǀ muṣká-bhāraḥ ǀ śrávaḥ ǀ icchámānaḥ ǀ ajirám ǀ bāhū́ íti ǀ abharat ǀ sísāsan ǁ
Padapatha Transcription Nonaccented
udnaḥ ǀ hradam ǀ apibat ǀ jarhṛṣāṇaḥ ǀ kūṭam ǀ sma ǀ tṛṃhat ǀ abhi-mātim ǀ eti ǀ
pra ǀ muṣka-bhāraḥ ǀ śravaḥ ǀ icchamānaḥ ǀ ajiram ǀ bāhū iti ǀ abharat ǀ sisāsan ǁ
10.102.05 (Mandala. Sukta. Rik)
8.5.20.05 (Ashtaka. Adhyaya. Varga. Rik)
10.09.029 (Mandala. Anuvāka. Rik)
Samhita Devanagari Accented
न्य॑क्रंदयन्नुप॒यंत॑ एन॒ममे॑हयन्वृष॒भं मध्य॑ आ॒जेः ।
तेन॒ सूभ॑र्वं श॒तव॑त्स॒हस्रं॒ गवां॒ मुद्ग॑लः प्र॒धने॑ जिगाय ॥
Samhita Devanagari Nonaccented
न्यक्रंदयन्नुपयंत एनममेहयन्वृषभं मध्य आजेः ।
तेन सूभर्वं शतवत्सहस्रं गवां मुद्गलः प्रधने जिगाय ॥
Samhita Transcription Accented
nyákrandayannupayánta enamámehayanvṛṣabhám mádhya ājéḥ ǀ
téna sū́bharvam śatávatsahásram gávām múdgalaḥ pradháne jigāya ǁ
Samhita Transcription Nonaccented
nyakrandayannupayanta enamamehayanvṛṣabham madhya ājeḥ ǀ
tena sūbharvam śatavatsahasram gavām mudgalaḥ pradhane jigāya ǁ
Padapatha Devanagari Accented
नि । अ॒क्र॒न्द॒य॒न् । उ॒प॒ऽयन्तः॑ । ए॒न॒म् । अमे॑हयन् । वृ॒ष॒भम् । मध्ये॑ । आ॒जेः ।
तेन॑ । सूभ॑र्वम् । श॒तऽव॑त् । स॒हस्र॑म् । गवा॑म् । मुद्ग॑लः । प्र॒ऽधने॑ । जि॒गा॒य॒ ॥
Padapatha Devanagari Nonaccented
नि । अक्रन्दयन् । उपऽयन्तः । एनम् । अमेहयन् । वृषभम् । मध्ये । आजेः ।
तेन । सूभर्वम् । शतऽवत् । सहस्रम् । गवाम् । मुद्गलः । प्रऽधने । जिगाय ॥
Padapatha Transcription Accented
ní ǀ akrandayan ǀ upa-yántaḥ ǀ enam ǀ ámehayan ǀ vṛṣabhám ǀ mádhye ǀ ājéḥ ǀ
téna ǀ sū́bharvam ǀ śatá-vat ǀ sahásram ǀ gávām ǀ múdgalaḥ ǀ pra-dháne ǀ jigāya ǁ
Padapatha Transcription Nonaccented
ni ǀ akrandayan ǀ upa-yantaḥ ǀ enam ǀ amehayan ǀ vṛṣabham ǀ madhye ǀ ājeḥ ǀ
tena ǀ sūbharvam ǀ śata-vat ǀ sahasram ǀ gavām ǀ mudgalaḥ ǀ pra-dhane ǀ jigāya ǁ
10.102.06 (Mandala. Sukta. Rik)
8.5.20.06 (Ashtaka. Adhyaya. Varga. Rik)
10.09.030 (Mandala. Anuvāka. Rik)
Samhita Devanagari Accented
क॒कर्द॑वे वृष॒भो यु॒क्त आ॑सी॒दवा॑वची॒त्सार॑थिरस्य के॒शी ।
दुधे॑र्यु॒क्तस्य॒ द्रव॑तः स॒हान॑स ऋ॒च्छंति॑ ष्मा नि॒ष्पदो॑ मुद्ग॒लानीं॑ ॥
Samhita Devanagari Nonaccented
ककर्दवे वृषभो युक्त आसीदवावचीत्सारथिरस्य केशी ।
दुधेर्युक्तस्य द्रवतः सहानस ऋच्छंति ष्मा निष्पदो मुद्गलानीं ॥
Samhita Transcription Accented
kakárdave vṛṣabhó yuktá āsīdávāvacītsā́rathirasya keśī́ ǀ
dúdheryuktásya drávataḥ sahā́nasa ṛcchánti ṣmā niṣpádo mudgalā́nīm ǁ
Samhita Transcription Nonaccented
kakardave vṛṣabho yukta āsīdavāvacītsārathirasya keśī ǀ
dudheryuktasya dravataḥ sahānasa ṛcchanti ṣmā niṣpado mudgalānīm ǁ
Padapatha Devanagari Accented
क॒कर्द॑वे । वृ॒ष॒भः । यु॒क्तः । आ॒सी॒त् । अवा॑वचीत् । सार॑थिः । अ॒स्य॒ । के॒शी ।
दुधेः॑ । यु॒क्तस्य॑ । द्रव॑तः । स॒ह । अन॑सा । ऋ॒च्छन्ति॑ । स्म॒ । निः॒ऽपदः॑ । मु॒द्ग॒लानी॑म् ॥
Padapatha Devanagari Nonaccented
ककर्दवे । वृषभः । युक्तः । आसीत् । अवावचीत् । सारथिः । अस्य । केशी ।
दुधेः । युक्तस्य । द्रवतः । सह । अनसा । ऋच्छन्ति । स्म । निःऽपदः । मुद्गलानीम् ॥
Padapatha Transcription Accented
kakárdave ǀ vṛṣabháḥ ǀ yuktáḥ ǀ āsīt ǀ ávāvacīt ǀ sā́rathiḥ ǀ asya ǀ keśī́ ǀ
dúdheḥ ǀ yuktásya ǀ drávataḥ ǀ sahá ǀ ánasā ǀ ṛcchánti ǀ sma ǀ niḥ-pádaḥ ǀ mudgalā́nīm ǁ
Padapatha Transcription Nonaccented
kakardave ǀ vṛṣabhaḥ ǀ yuktaḥ ǀ āsīt ǀ avāvacīt ǀ sārathiḥ ǀ asya ǀ keśī ǀ
dudheḥ ǀ yuktasya ǀ dravataḥ ǀ saha ǀ anasā ǀ ṛcchanti ǀ sma ǀ niḥ-padaḥ ǀ mudgalānīm ǁ
10.102.07 (Mandala. Sukta. Rik)
8.5.21.01 (Ashtaka. Adhyaya. Varga. Rik)
10.09.031 (Mandala. Anuvāka. Rik)
Samhita Devanagari Accented
उ॒त प्र॒धिमुद॑हन्नस्य वि॒द्वानुपा॑युन॒ग्वंस॑ग॒मत्र॒ शिक्ष॑न् ।
इंद्र॒ उदा॑व॒त्पति॒मघ्न्या॑ना॒मरं॑हत॒ पद्या॑भिः क॒कुद्मा॑न् ॥
Samhita Devanagari Nonaccented
उत प्रधिमुदहन्नस्य विद्वानुपायुनग्वंसगमत्र शिक्षन् ।
इंद्र उदावत्पतिमघ्न्यानामरंहत पद्याभिः ककुद्मान् ॥
Samhita Transcription Accented
utá pradhímúdahannasya vidvā́núpāyunagváṃsagamátra śíkṣan ǀ
índra údāvatpátimághnyānāmáraṃhata pádyābhiḥ kakúdmān ǁ
Samhita Transcription Nonaccented
uta pradhimudahannasya vidvānupāyunagvaṃsagamatra śikṣan ǀ
indra udāvatpatimaghnyānāmaraṃhata padyābhiḥ kakudmān ǁ
Padapatha Devanagari Accented
उ॒त । प्र॒ऽधिम् । उत् । अ॒ह॒न् । अ॒स्य॒ । वि॒द्वान् । उप॑ । अ॒यु॒न॒क् । वंस॑गम् । अत्र॑ । शिक्ष॑न् ।
इन्द्रः॑ । उत् । आ॒व॒त् । पति॑म् । अघ्न्या॑नाम् । अरं॑हत । पद्या॑भिः । क॒कुत्ऽमा॑न् ॥
Padapatha Devanagari Nonaccented
उत । प्रऽधिम् । उत् । अहन् । अस्य । विद्वान् । उप । अयुनक् । वंसगम् । अत्र । शिक्षन् ।
इन्द्रः । उत् । आवत् । पतिम् । अघ्न्यानाम् । अरंहत । पद्याभिः । ककुत्ऽमान् ॥
Padapatha Transcription Accented
utá ǀ pra-dhím ǀ út ǀ ahan ǀ asya ǀ vidvā́n ǀ úpa ǀ ayunak ǀ váṃsagam ǀ átra ǀ śíkṣan ǀ
índraḥ ǀ út ǀ āvat ǀ pátim ǀ ághnyānām ǀ áraṃhata ǀ pádyābhiḥ ǀ kakút-mān ǁ
Padapatha Transcription Nonaccented
uta ǀ pra-dhim ǀ ut ǀ ahan ǀ asya ǀ vidvān ǀ upa ǀ ayunak ǀ vaṃsagam ǀ atra ǀ śikṣan ǀ
indraḥ ǀ ut ǀ āvat ǀ patim ǀ aghnyānām ǀ araṃhata ǀ padyābhiḥ ǀ kakut-mān ǁ
10.102.08 (Mandala. Sukta. Rik)
8.5.21.02 (Ashtaka. Adhyaya. Varga. Rik)
10.09.032 (Mandala. Anuvāka. Rik)
Samhita Devanagari Accented
शु॒नम॑ष्ट्रा॒व्य॑चरत्कप॒र्दी व॑र॒त्रायां॒ दार्वा॒नह्य॑मानः ।
नृ॒म्णानि॑ कृ॒ण्वन्ब॒हवे॒ जना॑य॒ गाः प॑स्पशा॒नस्तवि॑षीरधत्त ॥
Samhita Devanagari Nonaccented
शुनमष्ट्राव्यचरत्कपर्दी वरत्रायां दार्वानह्यमानः ।
नृम्णानि कृण्वन्बहवे जनाय गाः पस्पशानस्तविषीरधत्त ॥
Samhita Transcription Accented
śunámaṣṭrāvyácaratkapardī́ varatrā́yām dā́rvānáhyamānaḥ ǀ
nṛmṇā́ni kṛṇvánbaháve jánāya gā́ḥ paspaśānástáviṣīradhatta ǁ
Samhita Transcription Nonaccented
śunamaṣṭrāvyacaratkapardī varatrāyām dārvānahyamānaḥ ǀ
nṛmṇāni kṛṇvanbahave janāya gāḥ paspaśānastaviṣīradhatta ǁ
Padapatha Devanagari Accented
शु॒नम् । अ॒ष्ट्रा॒ऽवी । अ॒च॒र॒त् । क॒प॒र्दी । व॒र॒त्राया॑म् । दारु॑ । आ॒ऽनह्य॑मानः ।
नृ॒म्णानि॑ । कृ॒ण्वन् । ब॒हवे॑ । जना॑य । गाः । प॒स्प॒शा॒नः । तवि॑षीः । अ॒ध॒त्त॒ ॥
Padapatha Devanagari Nonaccented
शुनम् । अष्ट्राऽवी । अचरत् । कपर्दी । वरत्रायाम् । दारु । आऽनह्यमानः ।
नृम्णानि । कृण्वन् । बहवे । जनाय । गाः । पस्पशानः । तविषीः । अधत्त ॥
Padapatha Transcription Accented
śunám ǀ aṣṭrā-vī́ ǀ acarat ǀ kapardī́ ǀ varatrā́yām ǀ dā́ru ǀ ā-náhyamānaḥ ǀ
nṛmṇā́ni ǀ kṛṇván ǀ baháve ǀ jánāya ǀ gā́ḥ ǀ paspaśānáḥ ǀ táviṣīḥ ǀ adhatta ǁ
Padapatha Transcription Nonaccented
śunam ǀ aṣṭrā-vī ǀ acarat ǀ kapardī ǀ varatrāyām ǀ dāru ǀ ā-nahyamānaḥ ǀ
nṛmṇāni ǀ kṛṇvan ǀ bahave ǀ janāya ǀ gāḥ ǀ paspaśānaḥ ǀ taviṣīḥ ǀ adhatta ǁ
10.102.09 (Mandala. Sukta. Rik)
8.5.21.03 (Ashtaka. Adhyaya. Varga. Rik)
10.09.033 (Mandala. Anuvāka. Rik)
Samhita Devanagari Accented
इ॒मं तं प॑श्य वृष॒भस्य॒ युंजं॒ काष्ठा॑या॒ मध्ये॑ द्रुघ॒णं शया॑नं ।
येन॑ जि॒गाय॑ श॒तव॑त्स॒हस्रं॒ गवां॒ मुद्ग॑लः पृत॒नाज्ये॑षु ॥
Samhita Devanagari Nonaccented
इमं तं पश्य वृषभस्य युंजं काष्ठाया मध्ये द्रुघणं शयानं ।
येन जिगाय शतवत्सहस्रं गवां मुद्गलः पृतनाज्येषु ॥
Samhita Transcription Accented
imám tám paśya vṛṣabhásya yúñjam kā́ṣṭhāyā mádhye drughaṇám śáyānam ǀ
yéna jigā́ya śatávatsahásram gávām múdgalaḥ pṛtanā́jyeṣu ǁ
Samhita Transcription Nonaccented
imam tam paśya vṛṣabhasya yuñjam kāṣṭhāyā madhye drughaṇam śayānam ǀ
yena jigāya śatavatsahasram gavām mudgalaḥ pṛtanājyeṣu ǁ
Padapatha Devanagari Accented
इ॒मम् । तम् । प॒श्य॒ । वृ॒ष॒भस्य॑ । युञ्ज॑म् । काष्ठा॑याः । मध्ये॑ । द्रु॒ऽघ॒नम् । शया॑नम् ।
येन॑ । जि॒गाय॑ । श॒तऽव॑त् । स॒हस्र॑म् । गवा॑म् । मुद्ग॑लः । पृ॒त॒नाज्ये॑षु ॥
Padapatha Devanagari Nonaccented
इमम् । तम् । पश्य । वृषभस्य । युञ्जम् । काष्ठायाः । मध्ये । द्रुऽघनम् । शयानम् ।
येन । जिगाय । शतऽवत् । सहस्रम् । गवाम् । मुद्गलः । पृतनाज्येषु ॥
Padapatha Transcription Accented
imám ǀ tám ǀ paśya ǀ vṛṣabhásya ǀ yúñjam ǀ kā́ṣṭhāyāḥ ǀ mádhye ǀ dru-ghanám ǀ śáyānam ǀ
yéna ǀ jigā́ya ǀ śatá-vat ǀ sahásram ǀ gávām ǀ múdgalaḥ ǀ pṛtanā́jyeṣu ǁ
Padapatha Transcription Nonaccented
imam ǀ tam ǀ paśya ǀ vṛṣabhasya ǀ yuñjam ǀ kāṣṭhāyāḥ ǀ madhye ǀ dru-ghanam ǀ śayānam ǀ
yena ǀ jigāya ǀ śata-vat ǀ sahasram ǀ gavām ǀ mudgalaḥ ǀ pṛtanājyeṣu ǁ
10.102.10 (Mandala. Sukta. Rik)
8.5.21.04 (Ashtaka. Adhyaya. Varga. Rik)
10.09.034 (Mandala. Anuvāka. Rik)
Samhita Devanagari Accented
आ॒रे अ॒घा को न्वि१॒॑त्था द॑दर्श॒ यं युं॒जंति॒ तम्वा स्था॑पयंति ।
नास्मै॒ तृणं॒ नोद॒कमा भ॑रं॒त्युत्त॑रो धु॒रो व॑हति प्र॒देदि॑शत् ॥
Samhita Devanagari Nonaccented
आरे अघा को न्वित्था ददर्श यं युंजंति तम्वा स्थापयंति ।
नास्मै तृणं नोदकमा भरंत्युत्तरो धुरो वहति प्रदेदिशत् ॥
Samhita Transcription Accented
āré aghā́ kó nvítthā́ dadarśa yám yuñjánti támvā́ sthāpayanti ǀ
nā́smai tṛ́ṇam nódakámā́ bharantyúttaro dhuró vahati pradédiśat ǁ
Samhita Transcription Nonaccented
āre aghā ko nvitthā dadarśa yam yuñjanti tamvā sthāpayanti ǀ
nāsmai tṛṇam nodakamā bharantyuttaro dhuro vahati pradediśat ǁ
Padapatha Devanagari Accented
आ॒रे । अ॒घा । कः । नु । इ॒त्था । द॒द॒र्श॒ । यम् । यु॒ञ्जन्ति॑ । तम् । ऊं॒ इति॑ । आ । स्था॒प॒य॒न्ति॒ ।
न । अ॒स्मै॒ । तृण॑म् । न । उ॒द॒कम् । आ । भ॒र॒न्ति॒ । उत्ऽत॑रः । धु॒रः । व॒ह॒ति॒ । प्र॒ऽदेदि॑शत् ॥
Padapatha Devanagari Nonaccented
आरे । अघा । कः । नु । इत्था । ददर्श । यम् । युञ्जन्ति । तम् । ऊं इति । आ । स्थापयन्ति ।
न । अस्मै । तृणम् । न । उदकम् । आ । भरन्ति । उत्ऽतरः । धुरः । वहति । प्रऽदेदिशत् ॥
Padapatha Transcription Accented
āré ǀ aghā́ ǀ káḥ ǀ nú ǀ itthā́ ǀ dadarśa ǀ yám ǀ yuñjánti ǀ tám ǀ ūṃ íti ǀ ā́ ǀ sthāpayanti ǀ
ná ǀ asmai ǀ tṛ́ṇam ǀ ná ǀ udakám ǀ ā́ ǀ bharanti ǀ út-taraḥ ǀ dhuráḥ ǀ vahati ǀ pra-dédiśat ǁ
Padapatha Transcription Nonaccented
āre ǀ aghā ǀ kaḥ ǀ nu ǀ itthā ǀ dadarśa ǀ yam ǀ yuñjanti ǀ tam ǀ ūṃ iti ǀ ā ǀ sthāpayanti ǀ
na ǀ asmai ǀ tṛṇam ǀ na ǀ udakam ǀ ā ǀ bharanti ǀ ut-taraḥ ǀ dhuraḥ ǀ vahati ǀ pra-dediśat ǁ
10.102.11 (Mandala. Sukta. Rik)
8.5.21.05 (Ashtaka. Adhyaya. Varga. Rik)
10.09.035 (Mandala. Anuvāka. Rik)
Samhita Devanagari Accented
प॒रि॒वृ॒क्तेव॑ पति॒विद्य॑मान॒ट् पीप्या॑ना॒ कूच॑क्रेणेव सिं॒चन् ।
ए॒षै॒ष्या॑ चिद्र॒थ्या॑ जयेम सुमं॒गलं॒ सिन॑वदस्तु सा॒तं ॥
Samhita Devanagari Nonaccented
परिवृक्तेव पतिविद्यमानट् पीप्याना कूचक्रेणेव सिंचन् ।
एषैष्या चिद्रथ्या जयेम सुमंगलं सिनवदस्तु सातं ॥
Samhita Transcription Accented
parivṛktéva pativídyamānaṭ pī́pyānā kū́cakreṇeva siñcán ǀ
eṣaiṣyā́ cidrathyā́ jayema sumaṅgálam sínavadastu sātám ǁ
Samhita Transcription Nonaccented
parivṛkteva patividyamānaṭ pīpyānā kūcakreṇeva siñcan ǀ
eṣaiṣyā cidrathyā jayema sumaṅgalam sinavadastu sātam ǁ
Padapatha Devanagari Accented
प॒रि॒वृ॒क्ताऽइ॑व । प॒ति॒ऽविद्य॑म् । आ॒न॒ट् । पीप्या॑ना । कूच॑क्रेणऽइव । सि॒ञ्चन् ।
ए॒ष॒ऽए॒ष्या॑ । चि॒त् । र॒थ्या॑ । ज॒ये॒म॒ । सु॒ऽम॒ङ्गल॑म् । सिन॑ऽवत् । अ॒स्तु॒ । सा॒तम् ॥
Padapatha Devanagari Nonaccented
परिवृक्ताऽइव । पतिऽविद्यम् । आनट् । पीप्याना । कूचक्रेणऽइव । सिञ्चन् ।
एषऽएष्या । चित् । रथ्या । जयेम । सुऽमङ्गलम् । सिनऽवत् । अस्तु । सातम् ॥
Padapatha Transcription Accented
parivṛktā́-iva ǀ pati-vídyam ǀ ānaṭ ǀ pī́pyānā ǀ kū́cakreṇa-iva ǀ siñcán ǀ
eṣa-eṣyā́ ǀ cit ǀ rathyā́ ǀ jayema ǀ su-maṅgálam ǀ sína-vat ǀ astu ǀ sātám ǁ
Padapatha Transcription Nonaccented
parivṛktā-iva ǀ pati-vidyam ǀ ānaṭ ǀ pīpyānā ǀ kūcakreṇa-iva ǀ siñcan ǀ
eṣa-eṣyā ǀ cit ǀ rathyā ǀ jayema ǀ su-maṅgalam ǀ sina-vat ǀ astu ǀ sātam ǁ
10.102.12 (Mandala. Sukta. Rik)
8.5.21.06 (Ashtaka. Adhyaya. Varga. Rik)
10.09.036 (Mandala. Anuvāka. Rik)
Samhita Devanagari Accented
त्वं विश्व॑स्य॒ जग॑त॒श्चक्षु॑रिंद्रासि॒ चक्षु॑षः ।
वृषा॒ यदा॒जिं वृष॑णा॒ सिषा॑ससि चो॒दय॒न्वध्रि॑णा यु॒जा ॥
Samhita Devanagari Nonaccented
त्वं विश्वस्य जगतश्चक्षुरिंद्रासि चक्षुषः ।
वृषा यदाजिं वृषणा सिषाससि चोदयन्वध्रिणा युजा ॥
Samhita Transcription Accented
tvám víśvasya jágataścákṣurindrāsi cákṣuṣaḥ ǀ
vṛ́ṣā yádājím vṛ́ṣaṇā síṣāsasi codáyanvádhriṇā yujā́ ǁ
Samhita Transcription Nonaccented
tvam viśvasya jagataścakṣurindrāsi cakṣuṣaḥ ǀ
vṛṣā yadājim vṛṣaṇā siṣāsasi codayanvadhriṇā yujā ǁ
Padapatha Devanagari Accented
त्वम् । विश्व॑स्य । जग॑तः । चक्षुः॑ । इ॒न्द्र॒ । अ॒सि॒ । चक्षु॑षः ।
वृषा॑ । यत् । आ॒जिम् । वृष॑णा । सिसा॑ससि । चो॒दय॑न् । वध्रि॑णा । यु॒जा ॥
Padapatha Devanagari Nonaccented
त्वम् । विश्वस्य । जगतः । चक्षुः । इन्द्र । असि । चक्षुषः ।
वृषा । यत् । आजिम् । वृषणा । सिसाससि । चोदयन् । वध्रिणा । युजा ॥
Padapatha Transcription Accented
tvám ǀ víśvasya ǀ jágataḥ ǀ cákṣuḥ ǀ indra ǀ asi ǀ cákṣuṣaḥ ǀ
vṛ́ṣā ǀ yát ǀ ājím ǀ vṛ́ṣaṇā ǀ sísāsasi ǀ codáyan ǀ vádhriṇā ǀ yujā́ ǁ
Padapatha Transcription Nonaccented
tvam ǀ viśvasya ǀ jagataḥ ǀ cakṣuḥ ǀ indra ǀ asi ǀ cakṣuṣaḥ ǀ
vṛṣā ǀ yat ǀ ājim ǀ vṛṣaṇā ǀ sisāsasi ǀ codayan ǀ vadhriṇā ǀ yujā ǁ