|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 105
|
1. Info |
| To: | indra | |
| From: | durmitra kautsa or sumitra kautsa | |
| Metres: | 1st set of styles: virāḍuṣnik (5, 6, 8, 9); nicṛduṣṇik (4, 10); pipīlikāmadhyoṣṇik (1); svarāḍārcyanuṣṭup (2); bhuriguṣṇik (3); virāḍanuṣṭup (7); triṣṭup (11) 2nd set of styles: uṣṇih (3-10); uṣṇih or gāyatrī (1); pipīlikamadhyā (2); triṣṭubh or gāyatrī (11) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.105.01 (Mandala. Sukta. Rik)
8.5.26.01 (Ashtaka. Adhyaya. Varga. Rik)
10.09.061 (Mandala. Anuvāka. Rik)
Samhita Devanagari Accented
क॒दा व॑सो स्तो॒त्रं हर्य॑त॒ आव॑ श्म॒शा रु॑ध॒द्वाः ।
दी॒र्घं सु॒तं वा॒ताप्या॑य ॥
Samhita Devanagari Nonaccented
कदा वसो स्तोत्रं हर्यत आव श्मशा रुधद्वाः ।
दीर्घं सुतं वाताप्याय ॥
Samhita Transcription Accented
kadā́ vaso stotrám háryata ā́va śmaśā́ rudhadvā́ḥ ǀ
dīrghám sutám vātā́pyāya ǁ
Samhita Transcription Nonaccented
kadā vaso stotram haryata āva śmaśā rudhadvāḥ ǀ
dīrgham sutam vātāpyāya ǁ
Padapatha Devanagari Accented
क॒दा । व॒सो॒ इति॑ । स्तो॒त्रम् । हर्य॑ते । आ । अव॑ । श्म॒शा । रु॒ध॒त् । वारिति॒ वाः ।
दी॒र्घम् । सु॒तम् । वा॒ताप्या॑य ॥
Padapatha Devanagari Nonaccented
कदा । वसो इति । स्तोत्रम् । हर्यते । आ । अव । श्मशा । रुधत् । वारिति वाः ।
दीर्घम् । सुतम् । वाताप्याय ॥
Padapatha Transcription Accented
kadā́ ǀ vaso íti ǀ stotrám ǀ háryate ǀ ā́ ǀ áva ǀ śmaśā́ ǀ rudhat ǀ vā́ríti vā́ḥ ǀ
dīrghám ǀ sutám ǀ vātā́pyāya ǁ
Padapatha Transcription Nonaccented
kadā ǀ vaso iti ǀ stotram ǀ haryate ǀ ā ǀ ava ǀ śmaśā ǀ rudhat ǀ vāriti vāḥ ǀ
dīrgham ǀ sutam ǀ vātāpyāya ǁ
10.105.02 (Mandala. Sukta. Rik)
8.5.26.02 (Ashtaka. Adhyaya. Varga. Rik)
10.09.062 (Mandala. Anuvāka. Rik)
Samhita Devanagari Accented
हरी॒ यस्य॑ सु॒युजा॒ विव्र॑ता॒ वेरर्वं॒तानु॒ शेपा॑ ।
उ॒भा र॒जी न के॒शिना॒ पति॒र्दन् ॥
Samhita Devanagari Nonaccented
हरी यस्य सुयुजा विव्रता वेरर्वंतानु शेपा ।
उभा रजी न केशिना पतिर्दन् ॥
Samhita Transcription Accented
hárī yásya suyújā vívratā vérárvantā́nu śépā ǀ
ubhā́ rajī́ ná keśínā pátirdán ǁ
Samhita Transcription Nonaccented
harī yasya suyujā vivratā verarvantānu śepā ǀ
ubhā rajī na keśinā patirdan ǁ
Padapatha Devanagari Accented
हरी॒ इति॑ । यस्य॑ । सु॒ऽयुजा॑ । विऽव्र॑ता । वेः । अर्व॑न्ता । अनु॑ । शेपा॑ ।
उ॒भा । र॒जी इति॑ । न । के॒शिना॑ । पतिः॑ । दन् ॥
Padapatha Devanagari Nonaccented
हरी इति । यस्य । सुऽयुजा । विऽव्रता । वेः । अर्वन्ता । अनु । शेपा ।
उभा । रजी इति । न । केशिना । पतिः । दन् ॥
Padapatha Transcription Accented
hárī íti ǀ yásya ǀ su-yújā ǀ ví-vratā ǀ véḥ ǀ árvantā ǀ ánu ǀ śépā ǀ
ubhā́ ǀ rajī́ íti ǀ ná ǀ keśínā ǀ pátiḥ ǀ dán ǁ
Padapatha Transcription Nonaccented
harī iti ǀ yasya ǀ su-yujā ǀ vi-vratā ǀ veḥ ǀ arvantā ǀ anu ǀ śepā ǀ
ubhā ǀ rajī iti ǀ na ǀ keśinā ǀ patiḥ ǀ dan ǁ
10.105.03 (Mandala. Sukta. Rik)
8.5.26.03 (Ashtaka. Adhyaya. Varga. Rik)
10.09.063 (Mandala. Anuvāka. Rik)
Samhita Devanagari Accented
अप॒ योरिंद्रः॒ पाप॑ज॒ आ मर्तो॒ न श॑श्रमा॒णो बि॑भी॒वान् ।
शु॒भे यद्यु॑यु॒जे तवि॑षीवान् ॥
Samhita Devanagari Nonaccented
अप योरिंद्रः पापज आ मर्तो न शश्रमाणो बिभीवान् ।
शुभे यद्युयुजे तविषीवान् ॥
Samhita Transcription Accented
ápa yóríndraḥ pā́paja ā́ márto ná śaśramāṇó bibhīvā́n ǀ
śubhé yádyuyujé táviṣīvān ǁ
Samhita Transcription Nonaccented
apa yorindraḥ pāpaja ā marto na śaśramāṇo bibhīvān ǀ
śubhe yadyuyuje taviṣīvān ǁ
Padapatha Devanagari Accented
अप॑ । योः । इन्द्रः॑ । पाप॑जे । आ । मर्तः॑ । न । श॒श्र॒मा॒णः । बि॒भी॒वान् ।
शु॒भे । यत् । यु॒यु॒जे । तवि॑षीऽवान् ॥
Padapatha Devanagari Nonaccented
अप । योः । इन्द्रः । पापजे । आ । मर्तः । न । शश्रमाणः । बिभीवान् ।
शुभे । यत् । युयुजे । तविषीऽवान् ॥
Padapatha Transcription Accented
ápa ǀ yóḥ ǀ índraḥ ǀ pā́paje ǀ ā́ ǀ mártaḥ ǀ ná ǀ śaśramāṇáḥ ǀ bibhīvā́n ǀ
śubhé ǀ yát ǀ yuyujé ǀ táviṣī-vān ǁ
Padapatha Transcription Nonaccented
apa ǀ yoḥ ǀ indraḥ ǀ pāpaje ǀ ā ǀ martaḥ ǀ na ǀ śaśramāṇaḥ ǀ bibhīvān ǀ
śubhe ǀ yat ǀ yuyuje ǀ taviṣī-vān ǁ
10.105.04 (Mandala. Sukta. Rik)
8.5.26.04 (Ashtaka. Adhyaya. Varga. Rik)
10.09.064 (Mandala. Anuvāka. Rik)
Samhita Devanagari Accented
सचा॒योरिंद्र॒श्चर्कृ॑ष॒ आँ उ॑पान॒सः स॑प॒र्यन् ।
न॒दयो॒र्विव्र॑तयोः॒ शूर॒ इंद्रः॑ ॥
Samhita Devanagari Nonaccented
सचायोरिंद्रश्चर्कृष आँ उपानसः सपर्यन् ।
नदयोर्विव्रतयोः शूर इंद्रः ॥
Samhita Transcription Accented
sácāyóríndraścárkṛṣa ā́m̐ upānasáḥ saparyán ǀ
nadáyorvívratayoḥ śū́ra índraḥ ǁ
Samhita Transcription Nonaccented
sacāyorindraścarkṛṣa ām̐ upānasaḥ saparyan ǀ
nadayorvivratayoḥ śūra indraḥ ǁ
Padapatha Devanagari Accented
सचा॑ । आ॒योः । इन्द्रः॑ । चर्कृ॑षे । आ । उ॒पा॒न॒सः । स॒प॒र्यन् ।
न॒दयोः॑ । विऽव्र॑तयोः । शूरः॑ । इन्द्रः॑ ॥
Padapatha Devanagari Nonaccented
सचा । आयोः । इन्द्रः । चर्कृषे । आ । उपानसः । सपर्यन् ।
नदयोः । विऽव्रतयोः । शूरः । इन्द्रः ॥
Padapatha Transcription Accented
sácā ǀ āyóḥ ǀ índraḥ ǀ cárkṛṣe ǀ ā́ ǀ upānasáḥ ǀ saparyán ǀ
nadáyoḥ ǀ ví-vratayoḥ ǀ śū́raḥ ǀ índraḥ ǁ
Padapatha Transcription Nonaccented
sacā ǀ āyoḥ ǀ indraḥ ǀ carkṛṣe ǀ ā ǀ upānasaḥ ǀ saparyan ǀ
nadayoḥ ǀ vi-vratayoḥ ǀ śūraḥ ǀ indraḥ ǁ
10.105.05 (Mandala. Sukta. Rik)
8.5.26.05 (Ashtaka. Adhyaya. Varga. Rik)
10.09.065 (Mandala. Anuvāka. Rik)
Samhita Devanagari Accented
अधि॒ यस्त॒स्थौ केश॑वंता॒ व्यच॑स्वंता॒ न पु॒ष्ट्यै ।
व॒नोति॒ शिप्रा॑भ्यां शि॒प्रिणी॑वान् ॥
Samhita Devanagari Nonaccented
अधि यस्तस्थौ केशवंता व्यचस्वंता न पुष्ट्यै ।
वनोति शिप्राभ्यां शिप्रिणीवान् ॥
Samhita Transcription Accented
ádhi yástastháu kéśavantā vyácasvantā ná puṣṭyái ǀ
vanóti śíprābhyām śipríṇīvān ǁ
Samhita Transcription Nonaccented
adhi yastasthau keśavantā vyacasvantā na puṣṭyai ǀ
vanoti śiprābhyām śipriṇīvān ǁ
Padapatha Devanagari Accented
अधि॑ । यः । त॒स्थौ । केश॑ऽवन्ता । व्यच॑स्वन्ता । न । पु॒ष्ट्यै ।
व॒नोति॑ । शिप्रा॑भ्याम् । शि॒प्रिणी॑ऽवान् ॥
Padapatha Devanagari Nonaccented
अधि । यः । तस्थौ । केशऽवन्ता । व्यचस्वन्ता । न । पुष्ट्यै ।
वनोति । शिप्राभ्याम् । शिप्रिणीऽवान् ॥
Padapatha Transcription Accented
ádhi ǀ yáḥ ǀ tastháu ǀ kéśa-vantā ǀ vyácasvantā ǀ ná ǀ puṣṭyái ǀ
vanóti ǀ śíprābhyām ǀ śipríṇī-vān ǁ
Padapatha Transcription Nonaccented
adhi ǀ yaḥ ǀ tasthau ǀ keśa-vantā ǀ vyacasvantā ǀ na ǀ puṣṭyai ǀ
vanoti ǀ śiprābhyām ǀ śipriṇī-vān ǁ
10.105.06 (Mandala. Sukta. Rik)
8.5.27.01 (Ashtaka. Adhyaya. Varga. Rik)
10.09.066 (Mandala. Anuvāka. Rik)
Samhita Devanagari Accented
प्रास्तौ॑दृ॒ष्वौजा॑ ऋ॒ष्वेभि॑स्त॒तक्ष॒ शूरः॒ शव॑सा ।
ऋ॒भुर्न क्रतु॑भिर्मात॒रिश्वा॑ ॥
Samhita Devanagari Nonaccented
प्रास्तौदृष्वौजा ऋष्वेभिस्ततक्ष शूरः शवसा ।
ऋभुर्न क्रतुभिर्मातरिश्वा ॥
Samhita Transcription Accented
prā́staudṛṣváujā ṛṣvébhistatákṣa śū́raḥ śávasā ǀ
ṛbhúrná krátubhirmātaríśvā ǁ
Samhita Transcription Nonaccented
prāstaudṛṣvaujā ṛṣvebhistatakṣa śūraḥ śavasā ǀ
ṛbhurna kratubhirmātariśvā ǁ
Padapatha Devanagari Accented
प्र । अ॒स्तौ॒त् । ऋ॒ष्वऽओ॑जाः । ऋ॒ष्वेभिः॑ । त॒तक्ष॑ । शूरः॑ । शव॑सा ।
ऋ॒भुः । न । क्रतु॑ऽभिः । मा॒त॒रिश्वा॑ ॥
Padapatha Devanagari Nonaccented
प्र । अस्तौत् । ऋष्वऽओजाः । ऋष्वेभिः । ततक्ष । शूरः । शवसा ।
ऋभुः । न । क्रतुऽभिः । मातरिश्वा ॥
Padapatha Transcription Accented
prá ǀ astaut ǀ ṛṣvá-ojāḥ ǀ ṛṣvébhiḥ ǀ tatákṣa ǀ śū́raḥ ǀ śávasā ǀ
ṛbhúḥ ǀ ná ǀ krátu-bhiḥ ǀ mātaríśvā ǁ
Padapatha Transcription Nonaccented
pra ǀ astaut ǀ ṛṣva-ojāḥ ǀ ṛṣvebhiḥ ǀ tatakṣa ǀ śūraḥ ǀ śavasā ǀ
ṛbhuḥ ǀ na ǀ kratu-bhiḥ ǀ mātariśvā ǁ
10.105.07 (Mandala. Sukta. Rik)
8.5.27.02 (Ashtaka. Adhyaya. Varga. Rik)
10.09.067 (Mandala. Anuvāka. Rik)
Samhita Devanagari Accented
वज्रं॒ यश्च॒क्रे सु॒हना॑य॒ दस्य॑वे हिरीम॒शो हिरी॑मान् ।
अरु॑तहनु॒रद्भु॑तं॒ न रजः॑ ॥
Samhita Devanagari Nonaccented
वज्रं यश्चक्रे सुहनाय दस्यवे हिरीमशो हिरीमान् ।
अरुतहनुरद्भुतं न रजः ॥
Samhita Transcription Accented
vájram yáścakré suhánāya dásyave hirīmaśó hírīmān ǀ
árutahanurádbhutam ná rájaḥ ǁ
Samhita Transcription Nonaccented
vajram yaścakre suhanāya dasyave hirīmaśo hirīmān ǀ
arutahanuradbhutam na rajaḥ ǁ
Padapatha Devanagari Accented
वज्र॑म् । यः । च॒क्रे । सु॒ऽहना॑य । दस्य॑वे । हि॒री॒म॒शः । हिरी॑मान् ।
अरु॑तऽहनुः । अद्भु॑तम् । न । रजः॑ ॥
Padapatha Devanagari Nonaccented
वज्रम् । यः । चक्रे । सुऽहनाय । दस्यवे । हिरीमशः । हिरीमान् ।
अरुतऽहनुः । अद्भुतम् । न । रजः ॥
Padapatha Transcription Accented
vájram ǀ yáḥ ǀ cakré ǀ su-hánāya ǀ dásyave ǀ hirīmaśáḥ ǀ hírīmān ǀ
áruta-hanuḥ ǀ ádbhutam ǀ ná ǀ rájaḥ ǁ
Padapatha Transcription Nonaccented
vajram ǀ yaḥ ǀ cakre ǀ su-hanāya ǀ dasyave ǀ hirīmaśaḥ ǀ hirīmān ǀ
aruta-hanuḥ ǀ adbhutam ǀ na ǀ rajaḥ ǁ
10.105.08 (Mandala. Sukta. Rik)
8.5.27.03 (Ashtaka. Adhyaya. Varga. Rik)
10.09.068 (Mandala. Anuvāka. Rik)
Samhita Devanagari Accented
अव॑ नो वृजि॒ना शि॑शीह्यृ॒चा व॑नेमा॒नृचः॑ ।
नाब्र॑ह्मा य॒ज्ञ ऋध॒ग्जोष॑ति॒ त्वे ॥
Samhita Devanagari Nonaccented
अव नो वृजिना शिशीह्यृचा वनेमानृचः ।
नाब्रह्मा यज्ञ ऋधग्जोषति त्वे ॥
Samhita Transcription Accented
áva no vṛjinā́ śiśīhyṛcā́ vanemānṛ́caḥ ǀ
nā́brahmā yajñá ṛ́dhagjóṣati tvé ǁ
Samhita Transcription Nonaccented
ava no vṛjinā śiśīhyṛcā vanemānṛcaḥ ǀ
nābrahmā yajña ṛdhagjoṣati tve ǁ
Padapatha Devanagari Accented
अव॑ । नः॒ । वृ॒जि॒ना । शि॒शी॒हि॒ । ऋ॒चा । व॒ने॒म॒ । अ॒नृचः॑ ।
न । अब्र॑ह्मा । य॒ज्ञः । ऋध॑क् । जोष॑ति । त्वे इति॑ ॥
Padapatha Devanagari Nonaccented
अव । नः । वृजिना । शिशीहि । ऋचा । वनेम । अनृचः ।
न । अब्रह्मा । यज्ञः । ऋधक् । जोषति । त्वे इति ॥
Padapatha Transcription Accented
áva ǀ naḥ ǀ vṛjinā́ ǀ śiśīhi ǀ ṛcā́ ǀ vanema ǀ anṛ́caḥ ǀ
ná ǀ ábrahmā ǀ yajñáḥ ǀ ṛ́dhak ǀ jóṣati ǀ tvé íti ǁ
Padapatha Transcription Nonaccented
ava ǀ naḥ ǀ vṛjinā ǀ śiśīhi ǀ ṛcā ǀ vanema ǀ anṛcaḥ ǀ
na ǀ abrahmā ǀ yajñaḥ ǀ ṛdhak ǀ joṣati ǀ tve iti ǁ
10.105.09 (Mandala. Sukta. Rik)
8.5.27.04 (Ashtaka. Adhyaya. Varga. Rik)
10.09.069 (Mandala. Anuvāka. Rik)
Samhita Devanagari Accented
ऊ॒र्ध्वा यत्ते॑ त्रे॒तिनी॒ भूद्य॒ज्ञस्य॑ धू॒र्षु सद्म॑न् ।
स॒जूर्नावं॒ स्वय॑शसं॒ सचा॒योः ॥
Samhita Devanagari Nonaccented
ऊर्ध्वा यत्ते त्रेतिनी भूद्यज्ञस्य धूर्षु सद्मन् ।
सजूर्नावं स्वयशसं सचायोः ॥
Samhita Transcription Accented
ūrdhvā́ yátte tretínī bhū́dyajñásya dhūrṣú sádman ǀ
sajū́rnā́vam sváyaśasam sácāyóḥ ǁ
Samhita Transcription Nonaccented
ūrdhvā yatte tretinī bhūdyajñasya dhūrṣu sadman ǀ
sajūrnāvam svayaśasam sacāyoḥ ǁ
Padapatha Devanagari Accented
ऊ॒र्ध्वा । यत् । ते॒ । त्रे॒तिनी॑ । भूत् । य॒ज्ञस्य॑ । धूः॒ऽसु । सद्म॑न् ।
स॒ऽजूः । नाव॑म् । स्वऽय॑शसम् । सचा॑ । आ॒योः ॥
Padapatha Devanagari Nonaccented
ऊर्ध्वा । यत् । ते । त्रेतिनी । भूत् । यज्ञस्य । धूःऽसु । सद्मन् ।
सऽजूः । नावम् । स्वऽयशसम् । सचा । आयोः ॥
Padapatha Transcription Accented
ūrdhvā́ ǀ yát ǀ te ǀ tretínī ǀ bhū́t ǀ yajñásya ǀ dhūḥ-sú ǀ sádman ǀ
sa-jū́ḥ ǀ nā́vam ǀ svá-yaśasam ǀ sácā ǀ āyóḥ ǁ
Padapatha Transcription Nonaccented
ūrdhvā ǀ yat ǀ te ǀ tretinī ǀ bhūt ǀ yajñasya ǀ dhūḥ-su ǀ sadman ǀ
sa-jūḥ ǀ nāvam ǀ sva-yaśasam ǀ sacā ǀ āyoḥ ǁ
10.105.10 (Mandala. Sukta. Rik)
8.5.27.05 (Ashtaka. Adhyaya. Varga. Rik)
10.09.070 (Mandala. Anuvāka. Rik)
Samhita Devanagari Accented
श्रि॒ये ते॒ पृश्नि॑रुप॒सेच॑नी भूच्छ्रि॒ये दर्वि॑ररे॒पाः ।
यया॒ स्वे पात्रे॑ सिं॒चस॒ उत् ॥
Samhita Devanagari Nonaccented
श्रिये ते पृश्निरुपसेचनी भूच्छ्रिये दर्विररेपाः ।
यया स्वे पात्रे सिंचस उत् ॥
Samhita Transcription Accented
śriyé te pṛ́śnirupasécanī bhūcchriyé dárvirarepā́ḥ ǀ
yáyā své pā́tre siñcása út ǁ
Samhita Transcription Nonaccented
śriye te pṛśnirupasecanī bhūcchriye darvirarepāḥ ǀ
yayā sve pātre siñcasa ut ǁ
Padapatha Devanagari Accented
श्रि॒ये । ते॒ । पृश्निः॑ । उ॒प॒ऽसेच॑नी । भू॒त् । श्रि॒ये । दर्विः॑ । अ॒रे॒पाः ।
यया॑ । स्वे । पात्रे॑ । सि॒ञ्चसे॑ । उत् ॥
Padapatha Devanagari Nonaccented
श्रिये । ते । पृश्निः । उपऽसेचनी । भूत् । श्रिये । दर्विः । अरेपाः ।
यया । स्वे । पात्रे । सिञ्चसे । उत् ॥
Padapatha Transcription Accented
śriyé ǀ te ǀ pṛ́śniḥ ǀ upa-sécanī ǀ bhūt ǀ śriyé ǀ dárviḥ ǀ arepā́ḥ ǀ
yáyā ǀ své ǀ pā́tre ǀ siñcáse ǀ út ǁ
Padapatha Transcription Nonaccented
śriye ǀ te ǀ pṛśniḥ ǀ upa-secanī ǀ bhūt ǀ śriye ǀ darviḥ ǀ arepāḥ ǀ
yayā ǀ sve ǀ pātre ǀ siñcase ǀ ut ǁ
10.105.11 (Mandala. Sukta. Rik)
8.5.27.06 (Ashtaka. Adhyaya. Varga. Rik)
10.09.071 (Mandala. Anuvāka. Rik)
Samhita Devanagari Accented
श॒तं वा॒ यद॑सुर्य॒ प्रति॑ त्वा सुमि॒त्र इ॒त्थास्तौ॑द्दुर्मि॒त्र इ॒त्थास्तौ॑त् ।
आवो॒ यद्द॑स्यु॒हत्ये॑ कुत्सपु॒त्रं प्रावो॒ यद्द॑स्यु॒हत्ये॑ कुत्सव॒त्सं ॥
Samhita Devanagari Nonaccented
शतं वा यदसुर्य प्रति त्वा सुमित्र इत्थास्तौद्दुर्मित्र इत्थास्तौत् ।
आवो यद्दस्युहत्ये कुत्सपुत्रं प्रावो यद्दस्युहत्ये कुत्सवत्सं ॥
Samhita Transcription Accented
śatám vā yádasurya práti tvā sumitrá itthā́stauddurmitrá itthā́staut ǀ
ā́vo yáddasyuhátye kutsaputrám prā́vo yáddasyuhátye kutsavatsám ǁ
Samhita Transcription Nonaccented
śatam vā yadasurya prati tvā sumitra itthāstauddurmitra itthāstaut ǀ
āvo yaddasyuhatye kutsaputram prāvo yaddasyuhatye kutsavatsam ǁ
Padapatha Devanagari Accented
श॒तम् । वा॒ । यत् । अ॒सु॒र्य॒ । प्रति॑ । त्वा॒ । सु॒ऽमि॒त्रः । इ॒त्था । अ॒स्तौ॒त् । दुः॒ऽमि॒त्रः । इ॒त्था । अ॒स्तौ॒त् ।
आवः॑ । यत् । द॒स्यु॒ऽहत्ये॑ । कु॒त्स॒ऽपु॒त्रम् । प्र । आवः॑ । यत् । द॒स्यु॒ऽहत्ये॑ । कु॒त्स॒ऽव॒त्सम् ॥
Padapatha Devanagari Nonaccented
शतम् । वा । यत् । असुर्य । प्रति । त्वा । सुऽमित्रः । इत्था । अस्तौत् । दुःऽमित्रः । इत्था । अस्तौत् ।
आवः । यत् । दस्युऽहत्ये । कुत्सऽपुत्रम् । प्र । आवः । यत् । दस्युऽहत्ये । कुत्सऽवत्सम् ॥
Padapatha Transcription Accented
śatám ǀ vā ǀ yát ǀ asurya ǀ práti ǀ tvā ǀ su-mitráḥ ǀ itthā́ ǀ astaut ǀ duḥ-mitráḥ ǀ itthā́ ǀ astaut ǀ
ā́vaḥ ǀ yát ǀ dasyu-hátye ǀ kutsa-putrám ǀ prá ǀ ā́vaḥ ǀ yát ǀ dasyu-hátye ǀ kutsa-vatsám ǁ
Padapatha Transcription Nonaccented
śatam ǀ vā ǀ yat ǀ asurya ǀ prati ǀ tvā ǀ su-mitraḥ ǀ itthā ǀ astaut ǀ duḥ-mitraḥ ǀ itthā ǀ astaut ǀ
āvaḥ ǀ yat ǀ dasyu-hatye ǀ kutsa-putram ǀ pra ǀ āvaḥ ǀ yat ǀ dasyu-hatye ǀ kutsa-vatsam ǁ