|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 107
|
1. Info |
| To: | dakṣiṇā | |
| From: | divya āṅgirasa or dakṣiṇā prājapatyā | |
| Metres: | 1st set of styles: nicṛttriṣṭup (2, 3, 6, 9, 11); triṣṭup (1, 5, 7); pādanicṛttriṣṭup (8, 10); nicṛjjagatī (4) 2nd set of styles: triṣṭubh (1-3, 5-11); jagatī (4) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.107.01 (Mandala. Sukta. Rik)
8.6.03.01 (Ashtaka. Adhyaya. Varga. Rik)
10.09.083 (Mandala. Anuvāka. Rik)
Samhita Devanagari Accented
आ॒विर॑भू॒न्महि॒ माघो॑नमेषां॒ विश्वं॑ जी॒वं तम॑सो॒ निर॑मोचि ।
महि॒ ज्योतिः॑ पि॒तृभि॑र्द॒त्तमागा॑दु॒रुः पंथा॒ दक्षि॑णाया अदर्शि ॥
Samhita Devanagari Nonaccented
आविरभून्महि माघोनमेषां विश्वं जीवं तमसो निरमोचि ।
महि ज्योतिः पितृभिर्दत्तमागादुरुः पंथा दक्षिणाया अदर्शि ॥
Samhita Transcription Accented
āvírabhūnmáhi mā́ghonameṣām víśvam jīvám támaso níramoci ǀ
máhi jyótiḥ pitṛ́bhirdattámā́gādurúḥ pánthā dákṣiṇāyā adarśi ǁ
Samhita Transcription Nonaccented
āvirabhūnmahi māghonameṣām viśvam jīvam tamaso niramoci ǀ
mahi jyotiḥ pitṛbhirdattamāgāduruḥ panthā dakṣiṇāyā adarśi ǁ
Padapatha Devanagari Accented
आ॒विः । अ॒भू॒त् । महि॑ । माघो॑नम् । ए॒षा॒म् । विश्व॑म् । जी॒वम् । तम॑सः । निः । अ॒मो॒चि॒ ।
महि॑ । ज्योतिः॑ । पि॒तृऽभिः॑ । द॒त्तम् । आ । अ॒गा॒त् । उ॒रुः । पन्थाः॑ । दक्षि॑णायाः । अ॒द॒र्शि॒ ॥
Padapatha Devanagari Nonaccented
आविः । अभूत् । महि । माघोनम् । एषाम् । विश्वम् । जीवम् । तमसः । निः । अमोचि ।
महि । ज्योतिः । पितृऽभिः । दत्तम् । आ । अगात् । उरुः । पन्थाः । दक्षिणायाः । अदर्शि ॥
Padapatha Transcription Accented
āvíḥ ǀ abhūt ǀ máhi ǀ mā́ghonam ǀ eṣām ǀ víśvam ǀ jīvám ǀ támasaḥ ǀ níḥ ǀ amoci ǀ
máhi ǀ jyótiḥ ǀ pitṛ́-bhiḥ ǀ dattám ǀ ā́ ǀ agāt ǀ urúḥ ǀ pánthāḥ ǀ dákṣiṇāyāḥ ǀ adarśi ǁ
Padapatha Transcription Nonaccented
āviḥ ǀ abhūt ǀ mahi ǀ māghonam ǀ eṣām ǀ viśvam ǀ jīvam ǀ tamasaḥ ǀ niḥ ǀ amoci ǀ
mahi ǀ jyotiḥ ǀ pitṛ-bhiḥ ǀ dattam ǀ ā ǀ agāt ǀ uruḥ ǀ panthāḥ ǀ dakṣiṇāyāḥ ǀ adarśi ǁ
10.107.02 (Mandala. Sukta. Rik)
8.6.03.02 (Ashtaka. Adhyaya. Varga. Rik)
10.09.084 (Mandala. Anuvāka. Rik)
Samhita Devanagari Accented
उ॒च्चा दि॒वि दक्षि॑णावंतो अस्थु॒र्ये अ॑श्व॒दाः स॒ह ते सूर्ये॑ण ।
हि॒र॒ण्य॒दा अ॑मृत॒त्वं भ॑जंते वासो॒दाः सो॑म॒ प्र ति॑रंत॒ आयुः॑ ॥
Samhita Devanagari Nonaccented
उच्चा दिवि दक्षिणावंतो अस्थुर्ये अश्वदाः सह ते सूर्येण ।
हिरण्यदा अमृतत्वं भजंते वासोदाः सोम प्र तिरंत आयुः ॥
Samhita Transcription Accented
uccā́ diví dákṣiṇāvanto asthuryé aśvadā́ḥ sahá té sū́ryeṇa ǀ
hiraṇyadā́ amṛtatvám bhajante vāsodā́ḥ soma prá tiranta ā́yuḥ ǁ
Samhita Transcription Nonaccented
uccā divi dakṣiṇāvanto asthurye aśvadāḥ saha te sūryeṇa ǀ
hiraṇyadā amṛtatvam bhajante vāsodāḥ soma pra tiranta āyuḥ ǁ
Padapatha Devanagari Accented
उ॒च्चा । दि॒वि । दक्षि॑णाऽवन्तः । अ॒स्थुः॒ । ये । अ॒श्व॒ऽदाः । स॒ह । ते । सूर्ये॑ण ।
हि॒र॒ण्य॒ऽदाः । अ॒मृ॒त॒ऽत्वम् । भ॒ज॒न्ते॒ । वा॒सः॒ऽदाः । सो॒म॒ । प्र । ति॒र॒न्ते॒ । आयुः॑ ॥
Padapatha Devanagari Nonaccented
उच्चा । दिवि । दक्षिणाऽवन्तः । अस्थुः । ये । अश्वऽदाः । सह । ते । सूर्येण ।
हिरण्यऽदाः । अमृतऽत्वम् । भजन्ते । वासःऽदाः । सोम । प्र । तिरन्ते । आयुः ॥
Padapatha Transcription Accented
uccā́ ǀ diví ǀ dákṣiṇā-vantaḥ ǀ asthuḥ ǀ yé ǀ aśva-dā́ḥ ǀ sahá ǀ té ǀ sū́ryeṇa ǀ
hiraṇya-dā́ḥ ǀ amṛta-tvám ǀ bhajante ǀ vāsaḥ-dā́ḥ ǀ soma ǀ prá ǀ tirante ǀ ā́yuḥ ǁ
Padapatha Transcription Nonaccented
uccā ǀ divi ǀ dakṣiṇā-vantaḥ ǀ asthuḥ ǀ ye ǀ aśva-dāḥ ǀ saha ǀ te ǀ sūryeṇa ǀ
hiraṇya-dāḥ ǀ amṛta-tvam ǀ bhajante ǀ vāsaḥ-dāḥ ǀ soma ǀ pra ǀ tirante ǀ āyuḥ ǁ
10.107.03 (Mandala. Sukta. Rik)
8.6.03.03 (Ashtaka. Adhyaya. Varga. Rik)
10.09.085 (Mandala. Anuvāka. Rik)
Samhita Devanagari Accented
दैवी॑ पू॒र्तिर्दक्षि॑णा देवय॒ज्या न क॑वा॒रिभ्यो॑ न॒हि ते पृ॒णंति॑ ।
अथा॒ नरः॒ प्रय॑तदक्षिणासोऽवद्यभि॒या ब॒हवः॑ पृणंति ॥
Samhita Devanagari Nonaccented
दैवी पूर्तिर्दक्षिणा देवयज्या न कवारिभ्यो नहि ते पृणंति ।
अथा नरः प्रयतदक्षिणासोऽवद्यभिया बहवः पृणंति ॥
Samhita Transcription Accented
dáivī pūrtírdákṣiṇā devayajyā́ ná kavāríbhyo nahí té pṛṇánti ǀ
áthā náraḥ práyatadakṣiṇāso’vadyabhiyā́ bahávaḥ pṛṇanti ǁ
Samhita Transcription Nonaccented
daivī pūrtirdakṣiṇā devayajyā na kavāribhyo nahi te pṛṇanti ǀ
athā naraḥ prayatadakṣiṇāso’vadyabhiyā bahavaḥ pṛṇanti ǁ
Padapatha Devanagari Accented
दैवी॑ । पू॒र्तिः । दक्षि॑णा । दे॒व॒ऽय॒ज्या । न । क॒व॒ऽअ॒रिभ्यः॑ । न॒हि । ते । पृ॒णन्ति॑ ।
अथ॑ । नरः॑ । प्रय॑तऽदक्षिणासः । अ॒व॒द्य॒ऽभि॒या । ब॒हवः॑ । पृ॒ण॒न्ति॒ ॥
Padapatha Devanagari Nonaccented
दैवी । पूर्तिः । दक्षिणा । देवऽयज्या । न । कवऽअरिभ्यः । नहि । ते । पृणन्ति ।
अथ । नरः । प्रयतऽदक्षिणासः । अवद्यऽभिया । बहवः । पृणन्ति ॥
Padapatha Transcription Accented
dáivī ǀ pūrtíḥ ǀ dákṣiṇā ǀ deva-yajyā́ ǀ ná ǀ kava-aríbhyaḥ ǀ nahí ǀ té ǀ pṛṇánti ǀ
átha ǀ náraḥ ǀ práyata-dakṣiṇāsaḥ ǀ avadya-bhiyā́ ǀ bahávaḥ ǀ pṛṇanti ǁ
Padapatha Transcription Nonaccented
daivī ǀ pūrtiḥ ǀ dakṣiṇā ǀ deva-yajyā ǀ na ǀ kava-aribhyaḥ ǀ nahi ǀ te ǀ pṛṇanti ǀ
atha ǀ naraḥ ǀ prayata-dakṣiṇāsaḥ ǀ avadya-bhiyā ǀ bahavaḥ ǀ pṛṇanti ǁ
10.107.04 (Mandala. Sukta. Rik)
8.6.03.04 (Ashtaka. Adhyaya. Varga. Rik)
10.09.086 (Mandala. Anuvāka. Rik)
Samhita Devanagari Accented
श॒तधा॑रं वा॒युम॒र्कं स्व॒र्विदं॑ नृ॒चक्ष॑स॒स्ते अ॒भि च॑क्षते ह॒विः ।
ये पृ॒णंति॒ प्र च॒ यच्छं॑ति संग॒मे ते दक्षि॑णां दुहते स॒प्तमा॑तरं ॥
Samhita Devanagari Nonaccented
शतधारं वायुमर्कं स्वर्विदं नृचक्षसस्ते अभि चक्षते हविः ।
ये पृणंति प्र च यच्छंति संगमे ते दक्षिणां दुहते सप्तमातरं ॥
Samhita Transcription Accented
śatádhāram vāyúmarkám svarvídam nṛcákṣasasté abhí cakṣate havíḥ ǀ
yé pṛṇánti prá ca yácchanti saṃgamé té dákṣiṇām duhate saptámātaram ǁ
Samhita Transcription Nonaccented
śatadhāram vāyumarkam svarvidam nṛcakṣasaste abhi cakṣate haviḥ ǀ
ye pṛṇanti pra ca yacchanti saṃgame te dakṣiṇām duhate saptamātaram ǁ
Padapatha Devanagari Accented
श॒तऽधा॑रम् । वा॒युम् । अ॒र्कम् । स्वः॒ऽविद॑म् । नृ॒ऽचक्ष॑सः । ते । अ॒भि । च॒क्ष॒ते॒ । ह॒विः ।
ये । पृ॒णन्ति॑ । प्र । च॒ । यच्छ॑न्ति । स॒म्ऽग॒मे । ते । दक्षि॑णाम् । दु॒ह॒ते॒ । स॒प्तऽमा॑तरम् ॥
Padapatha Devanagari Nonaccented
शतऽधारम् । वायुम् । अर्कम् । स्वःऽविदम् । नृऽचक्षसः । ते । अभि । चक्षते । हविः ।
ये । पृणन्ति । प्र । च । यच्छन्ति । सम्ऽगमे । ते । दक्षिणाम् । दुहते । सप्तऽमातरम् ॥
Padapatha Transcription Accented
śatá-dhāram ǀ vāyúm ǀ arkám ǀ svaḥ-vídam ǀ nṛ-cákṣasaḥ ǀ té ǀ abhí ǀ cakṣate ǀ havíḥ ǀ
yé ǀ pṛṇánti ǀ prá ǀ ca ǀ yácchanti ǀ sam-gamé ǀ té ǀ dákṣiṇām ǀ duhate ǀ saptá-mātaram ǁ
Padapatha Transcription Nonaccented
śata-dhāram ǀ vāyum ǀ arkam ǀ svaḥ-vidam ǀ nṛ-cakṣasaḥ ǀ te ǀ abhi ǀ cakṣate ǀ haviḥ ǀ
ye ǀ pṛṇanti ǀ pra ǀ ca ǀ yacchanti ǀ sam-game ǀ te ǀ dakṣiṇām ǀ duhate ǀ sapta-mātaram ǁ
10.107.05 (Mandala. Sukta. Rik)
8.6.03.05 (Ashtaka. Adhyaya. Varga. Rik)
10.09.087 (Mandala. Anuvāka. Rik)
Samhita Devanagari Accented
दक्षि॑णावान्प्रथ॒मो हू॒त ए॑ति॒ दक्षि॑णावान्ग्राम॒णीरग्र॑मेति ।
तमे॒व म॑न्ये नृ॒पतिं॒ जना॑नां॒ यः प्र॑थ॒मो दक्षि॑णामावि॒वाय॑ ॥
Samhita Devanagari Nonaccented
दक्षिणावान्प्रथमो हूत एति दक्षिणावान्ग्रामणीरग्रमेति ।
तमेव मन्ये नृपतिं जनानां यः प्रथमो दक्षिणामाविवाय ॥
Samhita Transcription Accented
dákṣiṇāvānprathamó hūtá eti dákṣiṇāvāngrāmaṇī́rágrameti ǀ
támevá manye nṛpátim jánānām yáḥ prathamó dákṣiṇāmāvivā́ya ǁ
Samhita Transcription Nonaccented
dakṣiṇāvānprathamo hūta eti dakṣiṇāvāngrāmaṇīragrameti ǀ
tameva manye nṛpatim janānām yaḥ prathamo dakṣiṇāmāvivāya ǁ
Padapatha Devanagari Accented
दक्षि॑णाऽवान् । प्र॒थ॒मः । हू॒तः । ए॒ति॒ । दक्षि॑णाऽवान् । ग्रा॒म॒ऽनीः । अग्र॑म् । ए॒ति॒ ।
तम् । ए॒व । म॒न्ये॒ । नृ॒ऽपति॑म् । जना॑नाम् । यः । प्र॒थ॒मः । दक्षि॑णाम् । आ॒ऽवि॒वाय॑ ॥
Padapatha Devanagari Nonaccented
दक्षिणाऽवान् । प्रथमः । हूतः । एति । दक्षिणाऽवान् । ग्रामऽनीः । अग्रम् । एति ।
तम् । एव । मन्ये । नृऽपतिम् । जनानाम् । यः । प्रथमः । दक्षिणाम् । आऽविवाय ॥
Padapatha Transcription Accented
dákṣiṇā-vān ǀ prathamáḥ ǀ hūtáḥ ǀ eti ǀ dákṣiṇā-vān ǀ grāma-nī́ḥ ǀ ágram ǀ eti ǀ
tám ǀ evá ǀ manye ǀ nṛ-pátim ǀ jánānām ǀ yáḥ ǀ prathamáḥ ǀ dákṣiṇām ǀ ā-vivā́ya ǁ
Padapatha Transcription Nonaccented
dakṣiṇā-vān ǀ prathamaḥ ǀ hūtaḥ ǀ eti ǀ dakṣiṇā-vān ǀ grāma-nīḥ ǀ agram ǀ eti ǀ
tam ǀ eva ǀ manye ǀ nṛ-patim ǀ janānām ǀ yaḥ ǀ prathamaḥ ǀ dakṣiṇām ǀ ā-vivāya ǁ
10.107.06 (Mandala. Sukta. Rik)
8.6.04.01 (Ashtaka. Adhyaya. Varga. Rik)
10.09.088 (Mandala. Anuvāka. Rik)
Samhita Devanagari Accented
तमे॒व ऋषिं॒ तमु॑ ब्र॒ह्माण॑माहुर्यज्ञ॒न्यं॑ साम॒गामु॑क्थ॒शासं॑ ।
स शु॒क्रस्य॑ त॒न्वो॑ वेद ति॒स्रो यः प्र॑थ॒मो दक्षि॑णया र॒राध॑ ॥
Samhita Devanagari Nonaccented
तमेव ऋषिं तमु ब्रह्माणमाहुर्यज्ञन्यं सामगामुक्थशासं ।
स शुक्रस्य तन्वो वेद तिस्रो यः प्रथमो दक्षिणया रराध ॥
Samhita Transcription Accented
támevá ṛ́ṣim támu brahmā́ṇamāhuryajñanyám sāmagā́mukthaśā́sam ǀ
sá śukrásya tanvó veda tisró yáḥ prathamó dákṣiṇayā rarā́dha ǁ
Samhita Transcription Nonaccented
tameva ṛṣim tamu brahmāṇamāhuryajñanyam sāmagāmukthaśāsam ǀ
sa śukrasya tanvo veda tisro yaḥ prathamo dakṣiṇayā rarādha ǁ
Padapatha Devanagari Accented
तम् । ए॒व । ऋषि॑म् । तम् । ऊं॒ इति॑ । ब्र॒ह्माण॑म् । आ॒हुः॒ । य॒ज्ञ॒ऽन्य॑म् । सा॒म॒ऽगाम् । उ॒क्थ॒ऽशस॑म् ।
सः । शु॒क्रस्य॑ । त॒न्वः॑ । वे॒द॒ । ति॒स्रः । यः । प्र॒थ॒मः । दक्षि॑णया । र॒राध॑ ॥
Padapatha Devanagari Nonaccented
तम् । एव । ऋषिम् । तम् । ऊं इति । ब्रह्माणम् । आहुः । यज्ञऽन्यम् । सामऽगाम् । उक्थऽशसम् ।
सः । शुक्रस्य । तन्वः । वेद । तिस्रः । यः । प्रथमः । दक्षिणया । रराध ॥
Padapatha Transcription Accented
tám ǀ evá ǀ ṛ́ṣim ǀ tám ǀ ūṃ íti ǀ brahmā́ṇam ǀ āhuḥ ǀ yajña-nyám ǀ sāma-gā́m ǀ uktha-śásam ǀ
sáḥ ǀ śukrásya ǀ tanváḥ ǀ veda ǀ tisráḥ ǀ yáḥ ǀ prathamáḥ ǀ dákṣiṇayā ǀ rarā́dha ǁ
Padapatha Transcription Nonaccented
tam ǀ eva ǀ ṛṣim ǀ tam ǀ ūṃ iti ǀ brahmāṇam ǀ āhuḥ ǀ yajña-nyam ǀ sāma-gām ǀ uktha-śasam ǀ
saḥ ǀ śukrasya ǀ tanvaḥ ǀ veda ǀ tisraḥ ǀ yaḥ ǀ prathamaḥ ǀ dakṣiṇayā ǀ rarādha ǁ
10.107.07 (Mandala. Sukta. Rik)
8.6.04.02 (Ashtaka. Adhyaya. Varga. Rik)
10.09.089 (Mandala. Anuvāka. Rik)
Samhita Devanagari Accented
दक्षि॒णाश्वं॒ दक्षि॑णा॒ गां द॑दाति॒ दक्षि॑णा चं॒द्रमु॒त यद्धिर॑ण्यं ।
दक्षि॒णान्नं॑ वनुते॒ यो न॑ आ॒त्मा दक्षि॑णां॒ वर्म॑ कृणुते विजा॒नन् ॥
Samhita Devanagari Nonaccented
दक्षिणाश्वं दक्षिणा गां ददाति दक्षिणा चंद्रमुत यद्धिरण्यं ।
दक्षिणान्नं वनुते यो न आत्मा दक्षिणां वर्म कृणुते विजानन् ॥
Samhita Transcription Accented
dákṣiṇā́śvam dákṣiṇā gā́m dadāti dákṣiṇā candrámutá yáddhíraṇyam ǀ
dákṣiṇā́nnam vanute yó na ātmā́ dákṣiṇām várma kṛṇute vijānán ǁ
Samhita Transcription Nonaccented
dakṣiṇāśvam dakṣiṇā gām dadāti dakṣiṇā candramuta yaddhiraṇyam ǀ
dakṣiṇānnam vanute yo na ātmā dakṣiṇām varma kṛṇute vijānan ǁ
Padapatha Devanagari Accented
दक्षि॑णा । अश्व॑म् । दक्षि॑णा । गाम् । द॒दा॒ति॒ । दक्षि॑णा । च॒न्द्रम् । उ॒त । यत् । हिर॑ण्यम् ।
दक्षि॑णा । अन्न॑म् । व॒नु॒ते॒ । यः । नः॒ । आ॒त्मा । दक्षि॑णाम् । वर्म॑ । कृ॒णु॒ते॒ । वि॒ऽजा॒नन् ॥
Padapatha Devanagari Nonaccented
दक्षिणा । अश्वम् । दक्षिणा । गाम् । ददाति । दक्षिणा । चन्द्रम् । उत । यत् । हिरण्यम् ।
दक्षिणा । अन्नम् । वनुते । यः । नः । आत्मा । दक्षिणाम् । वर्म । कृणुते । विऽजानन् ॥
Padapatha Transcription Accented
dákṣiṇā ǀ áśvam ǀ dákṣiṇā ǀ gā́m ǀ dadāti ǀ dákṣiṇā ǀ candrám ǀ utá ǀ yát ǀ híraṇyam ǀ
dákṣiṇā ǀ ánnam ǀ vanute ǀ yáḥ ǀ naḥ ǀ ātmā́ ǀ dákṣiṇām ǀ várma ǀ kṛṇute ǀ vi-jānán ǁ
Padapatha Transcription Nonaccented
dakṣiṇā ǀ aśvam ǀ dakṣiṇā ǀ gām ǀ dadāti ǀ dakṣiṇā ǀ candram ǀ uta ǀ yat ǀ hiraṇyam ǀ
dakṣiṇā ǀ annam ǀ vanute ǀ yaḥ ǀ naḥ ǀ ātmā ǀ dakṣiṇām ǀ varma ǀ kṛṇute ǀ vi-jānan ǁ
10.107.08 (Mandala. Sukta. Rik)
8.6.04.03 (Ashtaka. Adhyaya. Varga. Rik)
10.09.090 (Mandala. Anuvāka. Rik)
Samhita Devanagari Accented
न भो॒जा म॑म्रु॒र्न न्य॒र्थमी॑यु॒र्न रि॑ष्यंति॒ न व्य॑थंते ह भो॒जाः ।
इ॒दं यद्विश्वं॒ भुव॑नं॒ स्व॑श्चै॒तत्सर्वं॒ दक्षि॑णैभ्यो ददाति ॥
Samhita Devanagari Nonaccented
न भोजा मम्रुर्न न्यर्थमीयुर्न रिष्यंति न व्यथंते ह भोजाः ।
इदं यद्विश्वं भुवनं स्वश्चैतत्सर्वं दक्षिणैभ्यो ददाति ॥
Samhita Transcription Accented
ná bhojā́ mamrurná nyarthámīyurná riṣyanti ná vyathante ha bhojā́ḥ ǀ
idám yádvíśvam bhúvanam sváścaitátsárvam dákṣiṇaibhyo dadāti ǁ
Samhita Transcription Nonaccented
na bhojā mamrurna nyarthamīyurna riṣyanti na vyathante ha bhojāḥ ǀ
idam yadviśvam bhuvanam svaścaitatsarvam dakṣiṇaibhyo dadāti ǁ
Padapatha Devanagari Accented
न । भो॒जाः । म॒म्रुः॒ । न । नि॒ऽअ॒र्थम् । ई॒युः॒ । न । रि॒ष्य॒न्ति॒ । न । व्य॒थ॒न्ते॒ । ह॒ । भो॒जाः ।
इ॒दम् । यत् । विश्व॑म् । भुव॑नम् । स्वः॑ । च॒ । ए॒तत् । सर्व॑म् । दक्षि॑णा । ए॒भ्यः॒ । द॒दा॒ति॒ ॥
Padapatha Devanagari Nonaccented
न । भोजाः । मम्रुः । न । निऽअर्थम् । ईयुः । न । रिष्यन्ति । न । व्यथन्ते । ह । भोजाः ।
इदम् । यत् । विश्वम् । भुवनम् । स्वः । च । एतत् । सर्वम् । दक्षिणा । एभ्यः । ददाति ॥
Padapatha Transcription Accented
ná ǀ bhojā́ḥ ǀ mamruḥ ǀ ná ǀ ni-arthám ǀ īyuḥ ǀ ná ǀ riṣyanti ǀ ná ǀ vyathante ǀ ha ǀ bhojā́ḥ ǀ
idám ǀ yát ǀ víśvam ǀ bhúvanam ǀ sváḥ ǀ ca ǀ etát ǀ sárvam ǀ dákṣiṇā ǀ ebhyaḥ ǀ dadāti ǁ
Padapatha Transcription Nonaccented
na ǀ bhojāḥ ǀ mamruḥ ǀ na ǀ ni-artham ǀ īyuḥ ǀ na ǀ riṣyanti ǀ na ǀ vyathante ǀ ha ǀ bhojāḥ ǀ
idam ǀ yat ǀ viśvam ǀ bhuvanam ǀ svaḥ ǀ ca ǀ etat ǀ sarvam ǀ dakṣiṇā ǀ ebhyaḥ ǀ dadāti ǁ
10.107.09 (Mandala. Sukta. Rik)
8.6.04.04 (Ashtaka. Adhyaya. Varga. Rik)
10.09.091 (Mandala. Anuvāka. Rik)
Samhita Devanagari Accented
भो॒जा जि॑ग्युः सुर॒भिं योनि॒मग्रे॑ भो॒जा जि॑ग्युर्व॒ध्वं१॒॑ या सु॒वासाः॑ ।
भो॒जा जि॑ग्युरंतः॒पेयं॒ सुरा॑या भो॒जा जि॑ग्यु॒र्ये अहू॑ताः प्र॒यंति॑ ॥
Samhita Devanagari Nonaccented
भोजा जिग्युः सुरभिं योनिमग्रे भोजा जिग्युर्वध्वं या सुवासाः ।
भोजा जिग्युरंतःपेयं सुराया भोजा जिग्युर्ये अहूताः प्रयंति ॥
Samhita Transcription Accented
bhojā́ jigyuḥ surabhím yónimágre bhojā́ jigyurvadhvám yā́ suvā́sāḥ ǀ
bhojā́ jigyurantaḥpéyam súrāyā bhojā́ jigyuryé áhūtāḥ prayánti ǁ
Samhita Transcription Nonaccented
bhojā jigyuḥ surabhim yonimagre bhojā jigyurvadhvam yā suvāsāḥ ǀ
bhojā jigyurantaḥpeyam surāyā bhojā jigyurye ahūtāḥ prayanti ǁ
Padapatha Devanagari Accented
भो॒जाः । जि॒ग्युः॒ । सु॒र॒भिम् । योनि॑म् । अग्रे॑ । भो॒जाः । जि॒ग्युः॒ । व॒ध्व॑म् । या । सु॒ऽवासाः॑ ।
भो॒जाः । जि॒ग्युः॒ । अ॒न्तः॒ऽपेय॑म् । सुरा॑याः । भो॒जाः । जि॒ग्युः॒ । ये । अहू॑ताः । प्र॒ऽयन्ति॑ ॥
Padapatha Devanagari Nonaccented
भोजाः । जिग्युः । सुरभिम् । योनिम् । अग्रे । भोजाः । जिग्युः । वध्वम् । या । सुऽवासाः ।
भोजाः । जिग्युः । अन्तःऽपेयम् । सुरायाः । भोजाः । जिग्युः । ये । अहूताः । प्रऽयन्ति ॥
Padapatha Transcription Accented
bhojā́ḥ ǀ jigyuḥ ǀ surabhím ǀ yónim ǀ ágre ǀ bhojā́ḥ ǀ jigyuḥ ǀ vadhvám ǀ yā́ ǀ su-vā́sāḥ ǀ
bhojā́ḥ ǀ jigyuḥ ǀ antaḥ-péyam ǀ súrāyāḥ ǀ bhojā́ḥ ǀ jigyuḥ ǀ yé ǀ áhūtāḥ ǀ pra-yánti ǁ
Padapatha Transcription Nonaccented
bhojāḥ ǀ jigyuḥ ǀ surabhim ǀ yonim ǀ agre ǀ bhojāḥ ǀ jigyuḥ ǀ vadhvam ǀ yā ǀ su-vāsāḥ ǀ
bhojāḥ ǀ jigyuḥ ǀ antaḥ-peyam ǀ surāyāḥ ǀ bhojāḥ ǀ jigyuḥ ǀ ye ǀ ahūtāḥ ǀ pra-yanti ǁ
10.107.10 (Mandala. Sukta. Rik)
8.6.04.05 (Ashtaka. Adhyaya. Varga. Rik)
10.09.092 (Mandala. Anuvāka. Rik)
Samhita Devanagari Accented
भो॒जायाश्वं॒ सं मृ॑जंत्या॒शुं भो॒जाया॑स्ते क॒न्या॒३॒॑ शुंभ॑माना ।
भो॒जस्ये॒दं पु॑ष्क॒रिणी॑व॒ वेश्म॒ परि॑ष्कृतं देवमा॒नेव॑ चि॒त्रं ॥
Samhita Devanagari Nonaccented
भोजायाश्वं सं मृजंत्याशुं भोजायास्ते कन्या शुंभमाना ।
भोजस्येदं पुष्करिणीव वेश्म परिष्कृतं देवमानेव चित्रं ॥
Samhita Transcription Accented
bhojā́yā́śvam sám mṛjantyāśúm bhojā́yāste kanyā́ śúmbhamānā ǀ
bhojásyedám puṣkaríṇīva véśma páriṣkṛtam devamānéva citrám ǁ
Samhita Transcription Nonaccented
bhojāyāśvam sam mṛjantyāśum bhojāyāste kanyā śumbhamānā ǀ
bhojasyedam puṣkariṇīva veśma pariṣkṛtam devamāneva citram ǁ
Padapatha Devanagari Accented
भो॒जाय॑ । अश्व॑म् । सम् । मृ॒ज॒न्ति॒ । आ॒शुम् । भो॒जाय॑ । आ॒स्ते॒ । क॒न्या॑ । शुम्भ॑माना ।
भो॒जस्य॑ । इ॒दम् । पु॒ष्क॒रिणी॑ऽइव । वेश्म॑ । परि॑ऽकृतम् । दे॒व॒मा॒नाऽइ॑व । चि॒त्रम् ॥
Padapatha Devanagari Nonaccented
भोजाय । अश्वम् । सम् । मृजन्ति । आशुम् । भोजाय । आस्ते । कन्या । शुम्भमाना ।
भोजस्य । इदम् । पुष्करिणीऽइव । वेश्म । परिऽकृतम् । देवमानाऽइव । चित्रम् ॥
Padapatha Transcription Accented
bhojā́ya ǀ áśvam ǀ sám ǀ mṛjanti ǀ āśúm ǀ bhojā́ya ǀ āste ǀ kanyā́ ǀ śúmbhamānā ǀ
bhojásya ǀ idám ǀ puṣkaríṇī-iva ǀ véśma ǀ pári-kṛtam ǀ devamānā́-iva ǀ citrám ǁ
Padapatha Transcription Nonaccented
bhojāya ǀ aśvam ǀ sam ǀ mṛjanti ǀ āśum ǀ bhojāya ǀ āste ǀ kanyā ǀ śumbhamānā ǀ
bhojasya ǀ idam ǀ puṣkariṇī-iva ǀ veśma ǀ pari-kṛtam ǀ devamānā-iva ǀ citram ǁ
10.107.11 (Mandala. Sukta. Rik)
8.6.04.06 (Ashtaka. Adhyaya. Varga. Rik)
10.09.093 (Mandala. Anuvāka. Rik)
Samhita Devanagari Accented
भो॒जमश्वाः॑ सुष्ठु॒वाहो॑ वहंति सु॒वृद्रथो॑ वर्तते॒ दक्षि॑णायाः ।
भो॒जं दे॑वासोऽवता॒ भरे॑षु भो॒जः शत्रू॑न्त्समनी॒केषु॒ जेता॑ ॥
Samhita Devanagari Nonaccented
भोजमश्वाः सुष्ठुवाहो वहंति सुवृद्रथो वर्तते दक्षिणायाः ।
भोजं देवासोऽवता भरेषु भोजः शत्रून्त्समनीकेषु जेता ॥
Samhita Transcription Accented
bhojámáśvāḥ suṣṭhuvā́ho vahanti suvṛ́drátho vartate dákṣiṇāyāḥ ǀ
bhojám devāso’vatā bháreṣu bhojáḥ śátrūntsamanīkéṣu jétā ǁ
Samhita Transcription Nonaccented
bhojamaśvāḥ suṣṭhuvāho vahanti suvṛdratho vartate dakṣiṇāyāḥ ǀ
bhojam devāso’vatā bhareṣu bhojaḥ śatrūntsamanīkeṣu jetā ǁ
Padapatha Devanagari Accented
भो॒जम् । अश्वाः॑ । सु॒ष्ठु॒ऽवाहः॑ । व॒ह॒न्ति॒ । सु॒ऽवृत् । रथः॑ । व॒र्त॒ते॒ । दक्षि॑णायाः ।
भो॒जम् । दे॒वा॒सः॒ । अ॒व॒त॒ । भरे॑षु । भो॒जः । शत्रू॑न् । स॒म्ऽअ॒नी॒केषु॑ । जेता॑ ॥
Padapatha Devanagari Nonaccented
भोजम् । अश्वाः । सुष्ठुऽवाहः । वहन्ति । सुऽवृत् । रथः । वर्तते । दक्षिणायाः ।
भोजम् । देवासः । अवत । भरेषु । भोजः । शत्रून् । सम्ऽअनीकेषु । जेता ॥
Padapatha Transcription Accented
bhojám ǀ áśvāḥ ǀ suṣṭhu-vā́haḥ ǀ vahanti ǀ su-vṛ́t ǀ ráthaḥ ǀ vartate ǀ dákṣiṇāyāḥ ǀ
bhojám ǀ devāsaḥ ǀ avata ǀ bháreṣu ǀ bhojáḥ ǀ śátrūn ǀ sam-anīkéṣu ǀ jétā ǁ
Padapatha Transcription Nonaccented
bhojam ǀ aśvāḥ ǀ suṣṭhu-vāhaḥ ǀ vahanti ǀ su-vṛt ǀ rathaḥ ǀ vartate ǀ dakṣiṇāyāḥ ǀ
bhojam ǀ devāsaḥ ǀ avata ǀ bhareṣu ǀ bhojaḥ ǀ śatrūn ǀ sam-anīkeṣu ǀ jetā ǁ