|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 112
|
1. Info |
| To: | indra | |
| From: | nabhaḥprabhedana vairūpa | |
| Metres: | 1st set of styles: nicṛttriṣṭup (2, 4-6, 9, 10); virāṭtrisṭup (1, 3, 7, 8) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.112.01 (Mandala. Sukta. Rik)
8.6.12.01 (Ashtaka. Adhyaya. Varga. Rik)
10.09.133 (Mandala. Anuvāka. Rik)
Samhita Devanagari Accented
इंद्र॒ पिब॑ प्रतिका॒मं सु॒तस्य॑ प्रातःसा॒वस्तव॒ हि पू॒र्वपी॑तिः ।
हर्ष॑स्व॒ हंत॑वे शूर॒ शत्रू॑नु॒क्थेभि॑ष्टे वी॒र्या॒३॒॑ प्र ब्र॑वाम ॥
Samhita Devanagari Nonaccented
इंद्र पिब प्रतिकामं सुतस्य प्रातःसावस्तव हि पूर्वपीतिः ।
हर्षस्व हंतवे शूर शत्रूनुक्थेभिष्टे वीर्या प्र ब्रवाम ॥
Samhita Transcription Accented
índra píba pratikāmám sutásya prātaḥsāvástáva hí pūrvápītiḥ ǀ
hárṣasva hántave śūra śátrūnukthébhiṣṭe vīryā́ prá bravāma ǁ
Samhita Transcription Nonaccented
indra piba pratikāmam sutasya prātaḥsāvastava hi pūrvapītiḥ ǀ
harṣasva hantave śūra śatrūnukthebhiṣṭe vīryā pra bravāma ǁ
Padapatha Devanagari Accented
इन्द्र॑ । पिब॑ । प्र॒ति॒ऽका॒मम् । सु॒तस्य॑ । प्रा॒तः॒ऽसा॒वः । तव॑ । हि । पू॒र्वऽपी॑तिः ।
हर्ष॑स्व । हन्त॑वे । शू॒र॒ । शत्रू॑न् । उ॒क्थेभिः॑ । ते॒ । वी॒र्या॑ । प्र । ब्र॒वा॒म॒ ॥
Padapatha Devanagari Nonaccented
इन्द्र । पिब । प्रतिऽकामम् । सुतस्य । प्रातःऽसावः । तव । हि । पूर्वऽपीतिः ।
हर्षस्व । हन्तवे । शूर । शत्रून् । उक्थेभिः । ते । वीर्या । प्र । ब्रवाम ॥
Padapatha Transcription Accented
índra ǀ píba ǀ prati-kāmám ǀ sutásya ǀ prātaḥ-sāváḥ ǀ táva ǀ hí ǀ pūrvá-pītiḥ ǀ
hárṣasva ǀ hántave ǀ śūra ǀ śátrūn ǀ ukthébhiḥ ǀ te ǀ vīryā́ ǀ prá ǀ bravāma ǁ
Padapatha Transcription Nonaccented
indra ǀ piba ǀ prati-kāmam ǀ sutasya ǀ prātaḥ-sāvaḥ ǀ tava ǀ hi ǀ pūrva-pītiḥ ǀ
harṣasva ǀ hantave ǀ śūra ǀ śatrūn ǀ ukthebhiḥ ǀ te ǀ vīryā ǀ pra ǀ bravāma ǁ
10.112.02 (Mandala. Sukta. Rik)
8.6.12.02 (Ashtaka. Adhyaya. Varga. Rik)
10.09.134 (Mandala. Anuvāka. Rik)
Samhita Devanagari Accented
यस्ते॒ रथो॒ मन॑सो॒ जवी॑या॒नेंद्र॒ तेन॑ सोम॒पेया॑य याहि ।
तूय॒मा ते॒ हर॑यः॒ प्र द्र॑वंतु॒ येभि॒र्यासि॒ वृष॑भि॒र्मंद॑मानः ॥
Samhita Devanagari Nonaccented
यस्ते रथो मनसो जवीयानेंद्र तेन सोमपेयाय याहि ।
तूयमा ते हरयः प्र द्रवंतु येभिर्यासि वृषभिर्मंदमानः ॥
Samhita Transcription Accented
yáste rátho mánaso jávīyānéndra téna somapéyāya yāhi ǀ
tū́yamā́ te hárayaḥ prá dravantu yébhiryā́si vṛ́ṣabhirmándamānaḥ ǁ
Samhita Transcription Nonaccented
yaste ratho manaso javīyānendra tena somapeyāya yāhi ǀ
tūyamā te harayaḥ pra dravantu yebhiryāsi vṛṣabhirmandamānaḥ ǁ
Padapatha Devanagari Accented
यः । ते॒ । रथः॑ । मन॑सः । जवी॑यान् । आ । इ॒न्द्र॒ । तेन॑ । सो॒म॒ऽपेया॑य । या॒हि॒ ।
तूय॑म् । आ । ते॒ । हर॑यः । प्र । द्र॒व॒न्तु॒ । येभिः॑ । यासि॑ । वृष॑ऽभिः । मन्द॑मानः ॥
Padapatha Devanagari Nonaccented
यः । ते । रथः । मनसः । जवीयान् । आ । इन्द्र । तेन । सोमऽपेयाय । याहि ।
तूयम् । आ । ते । हरयः । प्र । द्रवन्तु । येभिः । यासि । वृषऽभिः । मन्दमानः ॥
Padapatha Transcription Accented
yáḥ ǀ te ǀ ráthaḥ ǀ mánasaḥ ǀ jávīyān ǀ ā́ ǀ indra ǀ téna ǀ soma-péyāya ǀ yāhi ǀ
tū́yam ǀ ā́ ǀ te ǀ hárayaḥ ǀ prá ǀ dravantu ǀ yébhiḥ ǀ yā́si ǀ vṛ́ṣa-bhiḥ ǀ mándamānaḥ ǁ
Padapatha Transcription Nonaccented
yaḥ ǀ te ǀ rathaḥ ǀ manasaḥ ǀ javīyān ǀ ā ǀ indra ǀ tena ǀ soma-peyāya ǀ yāhi ǀ
tūyam ǀ ā ǀ te ǀ harayaḥ ǀ pra ǀ dravantu ǀ yebhiḥ ǀ yāsi ǀ vṛṣa-bhiḥ ǀ mandamānaḥ ǁ
10.112.03 (Mandala. Sukta. Rik)
8.6.12.03 (Ashtaka. Adhyaya. Varga. Rik)
10.09.135 (Mandala. Anuvāka. Rik)
Samhita Devanagari Accented
हरि॑त्वता॒ वर्च॑सा॒ सूर्य॑स्य॒ श्रेष्ठै॑ रू॒पैस्त॒न्वं॑ स्पर्शयस्व ।
अ॒स्माभि॑रिंद्र॒ सखि॑भिर्हुवा॒नः स॑ध्रीची॒नो मा॑दयस्वा नि॒षद्य॑ ॥
Samhita Devanagari Nonaccented
हरित्वता वर्चसा सूर्यस्य श्रेष्ठै रूपैस्तन्वं स्पर्शयस्व ।
अस्माभिरिंद्र सखिभिर्हुवानः सध्रीचीनो मादयस्वा निषद्य ॥
Samhita Transcription Accented
háritvatā várcasā sū́ryasya śréṣṭhai rūpáistanvám sparśayasva ǀ
asmā́bhirindra sákhibhirhuvānáḥ sadhrīcīnó mādayasvā niṣádya ǁ
Samhita Transcription Nonaccented
haritvatā varcasā sūryasya śreṣṭhai rūpaistanvam sparśayasva ǀ
asmābhirindra sakhibhirhuvānaḥ sadhrīcīno mādayasvā niṣadya ǁ
Padapatha Devanagari Accented
हरि॑त्वता । वर्च॑सा । सूर्य॑स्य । श्रेष्ठैः॑ । रू॒पैः । त॒न्व॑म् । स्प॒र्श॒य॒स्व॒ ।
अ॒स्माभिः॑ । इ॒न्द्र॒ । सखि॑ऽभिः । हु॒वा॒नः । स॒ध्री॒ची॒नः । मा॒द॒य॒स्व॒ । नि॒ऽसद्य॑ ॥
Padapatha Devanagari Nonaccented
हरित्वता । वर्चसा । सूर्यस्य । श्रेष्ठैः । रूपैः । तन्वम् । स्पर्शयस्व ।
अस्माभिः । इन्द्र । सखिऽभिः । हुवानः । सध्रीचीनः । मादयस्व । निऽसद्य ॥
Padapatha Transcription Accented
háritvatā ǀ várcasā ǀ sū́ryasya ǀ śréṣṭhaiḥ ǀ rūpáiḥ ǀ tanvám ǀ sparśayasva ǀ
asmā́bhiḥ ǀ indra ǀ sákhi-bhiḥ ǀ huvānáḥ ǀ sadhrīcīnáḥ ǀ mādayasva ǀ ni-sádya ǁ
Padapatha Transcription Nonaccented
haritvatā ǀ varcasā ǀ sūryasya ǀ śreṣṭhaiḥ ǀ rūpaiḥ ǀ tanvam ǀ sparśayasva ǀ
asmābhiḥ ǀ indra ǀ sakhi-bhiḥ ǀ huvānaḥ ǀ sadhrīcīnaḥ ǀ mādayasva ǀ ni-sadya ǁ
10.112.04 (Mandala. Sukta. Rik)
8.6.12.04 (Ashtaka. Adhyaya. Varga. Rik)
10.09.136 (Mandala. Anuvāka. Rik)
Samhita Devanagari Accented
यस्य॒ त्यत्ते॑ महि॒मानं॒ मदे॑ष्वि॒मे म॒ही रोद॑सी॒ नावि॑विक्तां ।
तदोक॒ आ हरि॑भिरिंद्र यु॒क्तैः प्रि॒येभि॑र्याहि प्रि॒यमन्न॒मच्छ॑ ॥
Samhita Devanagari Nonaccented
यस्य त्यत्ते महिमानं मदेष्विमे मही रोदसी नाविविक्तां ।
तदोक आ हरिभिरिंद्र युक्तैः प्रियेभिर्याहि प्रियमन्नमच्छ ॥
Samhita Transcription Accented
yásya tyátte mahimā́nam mádeṣvimé mahī́ ródasī nā́viviktām ǀ
tádóka ā́ háribhirindra yuktáiḥ priyébhiryāhi priyámánnamáccha ǁ
Samhita Transcription Nonaccented
yasya tyatte mahimānam madeṣvime mahī rodasī nāviviktām ǀ
tadoka ā haribhirindra yuktaiḥ priyebhiryāhi priyamannamaccha ǁ
Padapatha Devanagari Accented
यस्य॑ । त्यत् । ते॒ । म॒हि॒मान॑म् । मदे॑षु । इ॒मे इति॑ । म॒ही इति॑ । रोद॑सी॒ इति॑ । न । अवि॑विक्ताम् ।
तत् । ओकः॑ । आ । हरि॑ऽभिः । इ॒न्द्र॒ । यु॒क्तैः । प्रि॒येभिः॑ । या॒हि॒ । प्रि॒यम् । अन्न॑म् । अच्छ॑ ॥
Padapatha Devanagari Nonaccented
यस्य । त्यत् । ते । महिमानम् । मदेषु । इमे इति । मही इति । रोदसी इति । न । अविविक्ताम् ।
तत् । ओकः । आ । हरिऽभिः । इन्द्र । युक्तैः । प्रियेभिः । याहि । प्रियम् । अन्नम् । अच्छ ॥
Padapatha Transcription Accented
yásya ǀ tyát ǀ te ǀ mahimā́nam ǀ mádeṣu ǀ imé íti ǀ mahī́ íti ǀ ródasī íti ǀ ná ǀ áviviktām ǀ
tát ǀ ókaḥ ǀ ā́ ǀ hári-bhiḥ ǀ indra ǀ yuktáiḥ ǀ priyébhiḥ ǀ yāhi ǀ priyám ǀ ánnam ǀ áccha ǁ
Padapatha Transcription Nonaccented
yasya ǀ tyat ǀ te ǀ mahimānam ǀ madeṣu ǀ ime iti ǀ mahī iti ǀ rodasī iti ǀ na ǀ aviviktām ǀ
tat ǀ okaḥ ǀ ā ǀ hari-bhiḥ ǀ indra ǀ yuktaiḥ ǀ priyebhiḥ ǀ yāhi ǀ priyam ǀ annam ǀ accha ǁ
10.112.05 (Mandala. Sukta. Rik)
8.6.12.05 (Ashtaka. Adhyaya. Varga. Rik)
10.09.137 (Mandala. Anuvāka. Rik)
Samhita Devanagari Accented
यस्य॒ शश्व॑त्पपि॒वाँ इं॑द्र॒ शत्रू॑ननानुकृ॒त्या रण्या॑ च॒कर्थ॑ ।
स ते॒ पुरं॑धिं॒ तवि॑षीमियर्ति॒ स ते॒ मदा॑य सु॒त इं॑द्र॒ सोमः॑ ॥
Samhita Devanagari Nonaccented
यस्य शश्वत्पपिवाँ इंद्र शत्रूननानुकृत्या रण्या चकर्थ ।
स ते पुरंधिं तविषीमियर्ति स ते मदाय सुत इंद्र सोमः ॥
Samhita Transcription Accented
yásya śáśvatpapivā́m̐ indra śátrūnanānukṛtyā́ ráṇyā cakártha ǀ
sá te púraṃdhim táviṣīmiyarti sá te mádāya sutá indra sómaḥ ǁ
Samhita Transcription Nonaccented
yasya śaśvatpapivām̐ indra śatrūnanānukṛtyā raṇyā cakartha ǀ
sa te puraṃdhim taviṣīmiyarti sa te madāya suta indra somaḥ ǁ
Padapatha Devanagari Accented
यस्य॑ । शश्व॑त् । प॒पि॒ऽवान् । इ॒न्द्र॒ । शत्रू॑न् । अ॒न॒नु॒ऽकृ॒त्या । रण्या॑ । च॒कर्थ॑ ।
सः । ते॒ । पुर॑म्ऽधिम् । तवि॑षीम् । इ॒य॒र्ति॒ । सः । ते॒ । मदा॑य । सु॒तः । इ॒न्द्र॒ । सोमः॑ ॥
Padapatha Devanagari Nonaccented
यस्य । शश्वत् । पपिऽवान् । इन्द्र । शत्रून् । अननुऽकृत्या । रण्या । चकर्थ ।
सः । ते । पुरम्ऽधिम् । तविषीम् । इयर्ति । सः । ते । मदाय । सुतः । इन्द्र । सोमः ॥
Padapatha Transcription Accented
yásya ǀ śáśvat ǀ papi-vā́n ǀ indra ǀ śátrūn ǀ ananu-kṛtyā́ ǀ ráṇyā ǀ cakártha ǀ
sáḥ ǀ te ǀ púram-dhim ǀ táviṣīm ǀ iyarti ǀ sáḥ ǀ te ǀ mádāya ǀ sutáḥ ǀ indra ǀ sómaḥ ǁ
Padapatha Transcription Nonaccented
yasya ǀ śaśvat ǀ papi-vān ǀ indra ǀ śatrūn ǀ ananu-kṛtyā ǀ raṇyā ǀ cakartha ǀ
saḥ ǀ te ǀ puram-dhim ǀ taviṣīm ǀ iyarti ǀ saḥ ǀ te ǀ madāya ǀ sutaḥ ǀ indra ǀ somaḥ ǁ
10.112.06 (Mandala. Sukta. Rik)
8.6.13.01 (Ashtaka. Adhyaya. Varga. Rik)
10.09.138 (Mandala. Anuvāka. Rik)
Samhita Devanagari Accented
इ॒दं ते॒ पात्रं॒ सन॑वित्तमिंद्र॒ पिबा॒ सोम॑मे॒ना श॑तक्रतो ।
पू॒र्ण आ॑हा॒वो म॑दि॒रस्य॒ मध्वो॒ यं विश्व॒ इद॑भि॒हर्यं॑ति दे॒वाः ॥
Samhita Devanagari Nonaccented
इदं ते पात्रं सनवित्तमिंद्र पिबा सोममेना शतक्रतो ।
पूर्ण आहावो मदिरस्य मध्वो यं विश्व इदभिहर्यंति देवाः ॥
Samhita Transcription Accented
idám te pā́tram sánavittamindra píbā sómamenā́ śatakrato ǀ
pūrṇá āhāvó madirásya mádhvo yám víśva ídabhiháryanti devā́ḥ ǁ
Samhita Transcription Nonaccented
idam te pātram sanavittamindra pibā somamenā śatakrato ǀ
pūrṇa āhāvo madirasya madhvo yam viśva idabhiharyanti devāḥ ǁ
Padapatha Devanagari Accented
इ॒दम् । ते॒ । पात्र॑म् । सन॑ऽवित्तम् । इ॒न्द्र॒ । पिब॑ । सोम॑म् । ए॒ना । श॒त॒क्र॒तो॒ इति॑ शतऽक्रतो ।
पू॒र्णः । आ॒ऽहा॒वः । म॒दि॒रस्य॑ । मध्वः॑ । यम् । विश्वे॑ । इत् । अ॒भि॒ऽहर्य॑न्ति । दे॒वाः ॥
Padapatha Devanagari Nonaccented
इदम् । ते । पात्रम् । सनऽवित्तम् । इन्द्र । पिब । सोमम् । एना । शतक्रतो इति शतऽक्रतो ।
पूर्णः । आऽहावः । मदिरस्य । मध्वः । यम् । विश्वे । इत् । अभिऽहर्यन्ति । देवाः ॥
Padapatha Transcription Accented
idám ǀ te ǀ pā́tram ǀ sána-vittam ǀ indra ǀ píba ǀ sómam ǀ enā́ ǀ śatakrato íti śata-krato ǀ
pūrṇáḥ ǀ ā-hāváḥ ǀ madirásya ǀ mádhvaḥ ǀ yám ǀ víśve ǀ ít ǀ abhi-háryanti ǀ devā́ḥ ǁ
Padapatha Transcription Nonaccented
idam ǀ te ǀ pātram ǀ sana-vittam ǀ indra ǀ piba ǀ somam ǀ enā ǀ śatakrato iti śata-krato ǀ
pūrṇaḥ ǀ ā-hāvaḥ ǀ madirasya ǀ madhvaḥ ǀ yam ǀ viśve ǀ it ǀ abhi-haryanti ǀ devāḥ ǁ
10.112.07 (Mandala. Sukta. Rik)
8.6.13.02 (Ashtaka. Adhyaya. Varga. Rik)
10.09.139 (Mandala. Anuvāka. Rik)
Samhita Devanagari Accented
वि हि त्वामिं॑द्र पुरु॒धा जना॑सो हि॒तप्र॑यसो वृषभ॒ ह्वयं॑ते ।
अ॒स्माकं॑ ते॒ मधु॑मत्तमानी॒मा भु॑व॒न्त्सव॑ना॒ तेषु॑ हर्य ॥
Samhita Devanagari Nonaccented
वि हि त्वामिंद्र पुरुधा जनासो हितप्रयसो वृषभ ह्वयंते ।
अस्माकं ते मधुमत्तमानीमा भुवन्त्सवना तेषु हर्य ॥
Samhita Transcription Accented
ví hí tvā́mindra purudhā́ jánāso hitáprayaso vṛṣabha hváyante ǀ
asmā́kam te mádhumattamānīmā́ bhuvantsávanā téṣu harya ǁ
Samhita Transcription Nonaccented
vi hi tvāmindra purudhā janāso hitaprayaso vṛṣabha hvayante ǀ
asmākam te madhumattamānīmā bhuvantsavanā teṣu harya ǁ
Padapatha Devanagari Accented
वि । हि । त्वाम् । इ॒न्द्र॒ । पु॒रु॒धा । जना॑सः । हि॒तऽप्र॑यसः । वृ॒ष॒भ॒ । ह्वय॑न्ते ।
अ॒स्माक॑म् । ते॒ । मधु॑मत्ऽतमानि । इ॒मा । भु॒व॒न् । सव॑ना । तेषु॑ । ह॒र्य॒ ॥
Padapatha Devanagari Nonaccented
वि । हि । त्वाम् । इन्द्र । पुरुधा । जनासः । हितऽप्रयसः । वृषभ । ह्वयन्ते ।
अस्माकम् । ते । मधुमत्ऽतमानि । इमा । भुवन् । सवना । तेषु । हर्य ॥
Padapatha Transcription Accented
ví ǀ hí ǀ tvā́m ǀ indra ǀ purudhā́ ǀ jánāsaḥ ǀ hitá-prayasaḥ ǀ vṛṣabha ǀ hváyante ǀ
asmā́kam ǀ te ǀ mádhumat-tamāni ǀ imā́ ǀ bhuvan ǀ sávanā ǀ téṣu ǀ harya ǁ
Padapatha Transcription Nonaccented
vi ǀ hi ǀ tvām ǀ indra ǀ purudhā ǀ janāsaḥ ǀ hita-prayasaḥ ǀ vṛṣabha ǀ hvayante ǀ
asmākam ǀ te ǀ madhumat-tamāni ǀ imā ǀ bhuvan ǀ savanā ǀ teṣu ǀ harya ǁ
10.112.08 (Mandala. Sukta. Rik)
8.6.13.03 (Ashtaka. Adhyaya. Varga. Rik)
10.09.140 (Mandala. Anuvāka. Rik)
Samhita Devanagari Accented
प्र त॑ इंद्र पू॒र्व्याणि॒ प्र नू॒नं वी॒र्या॑ वोचं प्रथ॒मा कृ॒तानि॑ ।
स॒ती॒नम॑न्युरश्रथायो॒ अद्रिं॑ सुवेद॒नाम॑कृणो॒र्ब्रह्म॑णे॒ गां ॥
Samhita Devanagari Nonaccented
प्र त इंद्र पूर्व्याणि प्र नूनं वीर्या वोचं प्रथमा कृतानि ।
सतीनमन्युरश्रथायो अद्रिं सुवेदनामकृणोर्ब्रह्मणे गां ॥
Samhita Transcription Accented
prá ta indra pūrvyā́ṇi prá nūnám vīryā́ vocam prathamā́ kṛtā́ni ǀ
satīnámanyuraśrathāyo ádrim suvedanā́makṛṇorbráhmaṇe gā́m ǁ
Samhita Transcription Nonaccented
pra ta indra pūrvyāṇi pra nūnam vīryā vocam prathamā kṛtāni ǀ
satīnamanyuraśrathāyo adrim suvedanāmakṛṇorbrahmaṇe gām ǁ
Padapatha Devanagari Accented
प्र । ते॒ । इ॒न्द्र॒ । पू॒र्व्याणि॑ । प्र । नू॒नम् । वी॒र्या॑ । वो॒च॒म् । प्र॒थ॒मा । कृ॒तानि॑ ।
स॒ती॒नऽम॑न्युः । अ॒श्र॒थ॒यः॒ । अद्रि॑म् । सु॒ऽवे॒द॒नाम् । अ॒कृ॒णोः॒ । ब्रह्म॑णे । गाम् ॥
Padapatha Devanagari Nonaccented
प्र । ते । इन्द्र । पूर्व्याणि । प्र । नूनम् । वीर्या । वोचम् । प्रथमा । कृतानि ।
सतीनऽमन्युः । अश्रथयः । अद्रिम् । सुऽवेदनाम् । अकृणोः । ब्रह्मणे । गाम् ॥
Padapatha Transcription Accented
prá ǀ te ǀ indra ǀ pūrvyā́ṇi ǀ prá ǀ nūnám ǀ vīryā́ ǀ vocam ǀ prathamā́ ǀ kṛtā́ni ǀ
satīná-manyuḥ ǀ aśrathayaḥ ǀ ádrim ǀ su-vedanā́m ǀ akṛṇoḥ ǀ bráhmaṇe ǀ gā́m ǁ
Padapatha Transcription Nonaccented
pra ǀ te ǀ indra ǀ pūrvyāṇi ǀ pra ǀ nūnam ǀ vīryā ǀ vocam ǀ prathamā ǀ kṛtāni ǀ
satīna-manyuḥ ǀ aśrathayaḥ ǀ adrim ǀ su-vedanām ǀ akṛṇoḥ ǀ brahmaṇe ǀ gām ǁ
10.112.09 (Mandala. Sukta. Rik)
8.6.13.04 (Ashtaka. Adhyaya. Varga. Rik)
10.09.141 (Mandala. Anuvāka. Rik)
Samhita Devanagari Accented
नि षु सी॑द गणपते ग॒णेषु॒ त्वामा॑हु॒र्विप्र॑तमं कवी॒नां ।
न ऋ॒ते त्वत्क्रि॑यते॒ किं च॒नारे म॒हाम॒र्कं म॑घवंचि॒त्रम॑र्च ॥
Samhita Devanagari Nonaccented
नि षु सीद गणपते गणेषु त्वामाहुर्विप्रतमं कवीनां ।
न ऋते त्वत्क्रियते किं चनारे महामर्कं मघवंचित्रमर्च ॥
Samhita Transcription Accented
ní ṣú sīda gaṇapate gaṇéṣu tvā́māhurvípratamam kavīnā́m ǀ
ná ṛté tvátkriyate kím canā́ré mahā́markám maghavañcitrámarca ǁ
Samhita Transcription Nonaccented
ni ṣu sīda gaṇapate gaṇeṣu tvāmāhurvipratamam kavīnām ǀ
na ṛte tvatkriyate kim canāre mahāmarkam maghavañcitramarca ǁ
Padapatha Devanagari Accented
नि । सु । सी॒द॒ । ग॒ण॒ऽप॒ते॒ । ग॒णेषु॑ । त्वाम् । आ॒हुः॒ । विप्र॑ऽतमम् । क॒वी॒नाम् ।
न । ऋ॒ते । त्वत् । क्रि॒य॒ते॒ । किम् । च॒न । आ॒रे । म॒हाम् । अ॒र्कम् । म॒घ॒ऽव॒न् । चि॒त्रम् । अ॒र्च॒ ॥
Padapatha Devanagari Nonaccented
नि । सु । सीद । गणऽपते । गणेषु । त्वाम् । आहुः । विप्रऽतमम् । कवीनाम् ।
न । ऋते । त्वत् । क्रियते । किम् । चन । आरे । महाम् । अर्कम् । मघऽवन् । चित्रम् । अर्च ॥
Padapatha Transcription Accented
ní ǀ sú ǀ sīda ǀ gaṇa-pate ǀ gaṇéṣu ǀ tvā́m ǀ āhuḥ ǀ vípra-tamam ǀ kavīnā́m ǀ
ná ǀ ṛté ǀ tvát ǀ kriyate ǀ kím ǀ caná ǀ āré ǀ mahā́m ǀ arkám ǀ magha-van ǀ citrám ǀ arca ǁ
Padapatha Transcription Nonaccented
ni ǀ su ǀ sīda ǀ gaṇa-pate ǀ gaṇeṣu ǀ tvām ǀ āhuḥ ǀ vipra-tamam ǀ kavīnām ǀ
na ǀ ṛte ǀ tvat ǀ kriyate ǀ kim ǀ cana ǀ āre ǀ mahām ǀ arkam ǀ magha-van ǀ citram ǀ arca ǁ
10.112.10 (Mandala. Sukta. Rik)
8.6.13.05 (Ashtaka. Adhyaya. Varga. Rik)
10.09.142 (Mandala. Anuvāka. Rik)
Samhita Devanagari Accented
अ॒भि॒ख्या नो॑ मघव॒न्नाध॑माना॒न्त्सखे॑ बो॒धि व॑सुपते॒ सखी॑नां ।
रणं॑ कृधि रणकृत्सत्यशु॒ष्माभ॑क्ते चि॒दा भ॑जा रा॒ये अ॒स्मान् ॥
Samhita Devanagari Nonaccented
अभिख्या नो मघवन्नाधमानान्त्सखे बोधि वसुपते सखीनां ।
रणं कृधि रणकृत्सत्यशुष्माभक्ते चिदा भजा राये अस्मान् ॥
Samhita Transcription Accented
abhikhyā́ no maghavannā́dhamānāntsákhe bodhí vasupate sákhīnām ǀ
ráṇam kṛdhi raṇakṛtsatyaśuṣmā́bhakte cidā́ bhajā rāyé asmā́n ǁ
Samhita Transcription Nonaccented
abhikhyā no maghavannādhamānāntsakhe bodhi vasupate sakhīnām ǀ
raṇam kṛdhi raṇakṛtsatyaśuṣmābhakte cidā bhajā rāye asmān ǁ
Padapatha Devanagari Accented
अ॒भि॒ऽख्या । नः॒ । म॒घ॒ऽव॒न् । नाध॑मानान् । सखे॑ । बो॒धि । व॒सु॒ऽप॒ते॒ । सखी॑नाम् ।
रण॑म् । कृ॒धि॒ । र॒ण॒ऽकृ॒त् । स॒त्य॒ऽशु॒ष्म॒ । अभ॑क्ते । चि॒त् । आ । भ॒ज॒ । रा॒ये । अ॒स्मान् ॥
Padapatha Devanagari Nonaccented
अभिऽख्या । नः । मघऽवन् । नाधमानान् । सखे । बोधि । वसुऽपते । सखीनाम् ।
रणम् । कृधि । रणऽकृत् । सत्यऽशुष्म । अभक्ते । चित् । आ । भज । राये । अस्मान् ॥
Padapatha Transcription Accented
abhi-khyā́ ǀ naḥ ǀ magha-van ǀ nā́dhamānān ǀ sákhe ǀ bodhí ǀ vasu-pate ǀ sákhīnām ǀ
ráṇam ǀ kṛdhi ǀ raṇa-kṛt ǀ satya-śuṣma ǀ ábhakte ǀ cit ǀ ā́ ǀ bhaja ǀ rāyé ǀ asmā́n ǁ
Padapatha Transcription Nonaccented
abhi-khyā ǀ naḥ ǀ magha-van ǀ nādhamānān ǀ sakhe ǀ bodhi ǀ vasu-pate ǀ sakhīnām ǀ
raṇam ǀ kṛdhi ǀ raṇa-kṛt ǀ satya-śuṣma ǀ abhakte ǀ cit ǀ ā ǀ bhaja ǀ rāye ǀ asmān ǁ