|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 115
|
1. Info |
| To: | agni | |
| From: | upastuta vārṣṭihavya | |
| Metres: | 1st set of styles: virāḍjagatī (1, 2, 4, 7); jagatī (3); bhurigārcījagatī (5); nicṛjjagatī (6); pādanicṛttriṣṭup (8); pādanicṛcchkvarī (9) 2nd set of styles: jagatī (1-7); triṣṭubh (8); śakvarī (9) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.115.01 (Mandala. Sukta. Rik)
8.6.18.01 (Ashtaka. Adhyaya. Varga. Rik)
10.10.021 (Mandala. Anuvāka. Rik)
Samhita Devanagari Accented
चि॒त्र इच्छिशो॒स्तरु॑णस्य व॒क्षथो॒ न यो मा॒तरा॑व॒प्येति॒ धात॑वे ।
अ॒नू॒धा यदि॒ जीज॑न॒दधा॑ च॒ नु व॒वक्ष॑ स॒द्यो महि॑ दू॒त्यं१॒॑ चर॑न् ॥
Samhita Devanagari Nonaccented
चित्र इच्छिशोस्तरुणस्य वक्षथो न यो मातरावप्येति धातवे ।
अनूधा यदि जीजनदधा च नु ववक्ष सद्यो महि दूत्यं चरन् ॥
Samhita Transcription Accented
citrá ícchíśostáruṇasya vakṣátho ná yó mātárāvapyéti dhā́tave ǀ
anūdhā́ yádi jī́janadádhā ca nú vavákṣa sadyó máhi dūtyám cáran ǁ
Samhita Transcription Nonaccented
citra icchiśostaruṇasya vakṣatho na yo mātarāvapyeti dhātave ǀ
anūdhā yadi jījanadadhā ca nu vavakṣa sadyo mahi dūtyam caran ǁ
Padapatha Devanagari Accented
चि॒त्रः । इत् । शिशोः॑ । तरु॑णस्य । व॒क्षथः॑ । न । यः । मा॒तरौ॑ । अ॒पि॒ऽएति॑ । धात॑वे ।
अ॒नू॒धाः । यदि॑ । जीज॑नत् । अध॑ । च॒ । नु । व॒वक्ष॑ । स॒द्यः । महि॑ । दू॒त्य॑म् । चर॑न् ॥
Padapatha Devanagari Nonaccented
चित्रः । इत् । शिशोः । तरुणस्य । वक्षथः । न । यः । मातरौ । अपिऽएति । धातवे ।
अनूधाः । यदि । जीजनत् । अध । च । नु । ववक्ष । सद्यः । महि । दूत्यम् । चरन् ॥
Padapatha Transcription Accented
citráḥ ǀ ít ǀ śíśoḥ ǀ táruṇasya ǀ vakṣáthaḥ ǀ ná ǀ yáḥ ǀ mātárau ǀ api-éti ǀ dhā́tave ǀ
anūdhā́ḥ ǀ yádi ǀ jī́janat ǀ ádha ǀ ca ǀ nú ǀ vavákṣa ǀ sadyáḥ ǀ máhi ǀ dūtyám ǀ cáran ǁ
Padapatha Transcription Nonaccented
citraḥ ǀ it ǀ śiśoḥ ǀ taruṇasya ǀ vakṣathaḥ ǀ na ǀ yaḥ ǀ mātarau ǀ api-eti ǀ dhātave ǀ
anūdhāḥ ǀ yadi ǀ jījanat ǀ adha ǀ ca ǀ nu ǀ vavakṣa ǀ sadyaḥ ǀ mahi ǀ dūtyam ǀ caran ǁ
10.115.02 (Mandala. Sukta. Rik)
8.6.18.02 (Ashtaka. Adhyaya. Varga. Rik)
10.10.022 (Mandala. Anuvāka. Rik)
Samhita Devanagari Accented
अ॒ग्निर्ह॒ नाम॑ धायि॒ दन्न॒पस्त॑मः॒ सं यो वना॑ यु॒वते॒ भस्म॑ना द॒ता ।
अ॒भि॒प्र॒मुरा॑ जु॒ह्वा॑ स्वध्व॒र इ॒नो न प्रोथ॑मानो॒ यव॑से॒ वृषा॑ ॥
Samhita Devanagari Nonaccented
अग्निर्ह नाम धायि दन्नपस्तमः सं यो वना युवते भस्मना दता ।
अभिप्रमुरा जुह्वा स्वध्वर इनो न प्रोथमानो यवसे वृषा ॥
Samhita Transcription Accented
agnírha nā́ma dhāyi dánnapástamaḥ sám yó vánā yuváte bhásmanā datā́ ǀ
abhipramúrā juhvā́ svadhvará inó ná próthamāno yávase vṛ́ṣā ǁ
Samhita Transcription Nonaccented
agnirha nāma dhāyi dannapastamaḥ sam yo vanā yuvate bhasmanā datā ǀ
abhipramurā juhvā svadhvara ino na prothamāno yavase vṛṣā ǁ
Padapatha Devanagari Accented
अ॒ग्निः । ह॒ । नाम॑ । धा॒यि॒ । दन् । अ॒पःऽत॑मः । सम् । यः । वना॑ । यु॒वते॑ । भस्म॑ना । द॒ता ।
अ॒भि॒ऽप्र॒मुरा॑ । जु॒ह्वा॑ । सु॒ऽअ॒ध्व॒रः । इ॒नः । न । प्रोथ॑मानः । यव॑से । वृषा॑ ॥
Padapatha Devanagari Nonaccented
अग्निः । ह । नाम । धायि । दन् । अपःऽतमः । सम् । यः । वना । युवते । भस्मना । दता ।
अभिऽप्रमुरा । जुह्वा । सुऽअध्वरः । इनः । न । प्रोथमानः । यवसे । वृषा ॥
Padapatha Transcription Accented
agníḥ ǀ ha ǀ nā́ma ǀ dhāyi ǀ dán ǀ apáḥ-tamaḥ ǀ sám ǀ yáḥ ǀ vánā ǀ yuváte ǀ bhásmanā ǀ datā́ ǀ
abhi-pramúrā ǀ juhvā́ ǀ su-adhvaráḥ ǀ ináḥ ǀ ná ǀ próthamānaḥ ǀ yávase ǀ vṛ́ṣā ǁ
Padapatha Transcription Nonaccented
agniḥ ǀ ha ǀ nāma ǀ dhāyi ǀ dan ǀ apaḥ-tamaḥ ǀ sam ǀ yaḥ ǀ vanā ǀ yuvate ǀ bhasmanā ǀ datā ǀ
abhi-pramurā ǀ juhvā ǀ su-adhvaraḥ ǀ inaḥ ǀ na ǀ prothamānaḥ ǀ yavase ǀ vṛṣā ǁ
10.115.03 (Mandala. Sukta. Rik)
8.6.18.03 (Ashtaka. Adhyaya. Varga. Rik)
10.10.023 (Mandala. Anuvāka. Rik)
Samhita Devanagari Accented
तं वो॒ विं न द्रु॒षदं॑ दे॒वमंध॑स॒ इंदुं॒ प्रोथं॑तं प्र॒वपं॑तमर्ण॒वं ।
आ॒सा वह्निं॒ न शो॒चिषा॑ विर॒प्शिनं॒ महि॑व्रतं॒ न स॒रजं॑त॒मध्व॑नः ॥
Samhita Devanagari Nonaccented
तं वो विं न द्रुषदं देवमंधस इंदुं प्रोथंतं प्रवपंतमर्णवं ।
आसा वह्निं न शोचिषा विरप्शिनं महिव्रतं न सरजंतमध्वनः ॥
Samhita Transcription Accented
tám vo vím ná druṣádam devámándhasa índum próthantam pravápantamarṇavám ǀ
āsā́ váhnim ná śocíṣā virapśínam máhivratam ná sarájantamádhvanaḥ ǁ
Samhita Transcription Nonaccented
tam vo vim na druṣadam devamandhasa indum prothantam pravapantamarṇavam ǀ
āsā vahnim na śociṣā virapśinam mahivratam na sarajantamadhvanaḥ ǁ
Padapatha Devanagari Accented
तम् । वः॒ । विम् । न । द्रु॒ऽसद॑म् । दे॒वम् । अन्ध॑सः । इन्दु॑म् । प्रोथ॑न्तम् । प्र॒ऽवप॑न्तम् । अ॒र्ण॒वम् ।
आ॒सा । वह्नि॑म् । न । शो॒चिषा॑ । वि॒ऽर॒प्शिन॑म् । महि॑ऽव्रतम् । न । स॒रज॑न्तम् । अध्व॑नः ॥
Padapatha Devanagari Nonaccented
तम् । वः । विम् । न । द्रुऽसदम् । देवम् । अन्धसः । इन्दुम् । प्रोथन्तम् । प्रऽवपन्तम् । अर्णवम् ।
आसा । वह्निम् । न । शोचिषा । विऽरप्शिनम् । महिऽव्रतम् । न । सरजन्तम् । अध्वनः ॥
Padapatha Transcription Accented
tám ǀ vaḥ ǀ vím ǀ ná ǀ dru-sádam ǀ devám ǀ ándhasaḥ ǀ índum ǀ próthantam ǀ pra-vápantam ǀ arṇavám ǀ
āsā́ ǀ váhnim ǀ ná ǀ śocíṣā ǀ vi-rapśínam ǀ máhi-vratam ǀ ná ǀ sarájantam ǀ ádhvanaḥ ǁ
Padapatha Transcription Nonaccented
tam ǀ vaḥ ǀ vim ǀ na ǀ dru-sadam ǀ devam ǀ andhasaḥ ǀ indum ǀ prothantam ǀ pra-vapantam ǀ arṇavam ǀ
āsā ǀ vahnim ǀ na ǀ śociṣā ǀ vi-rapśinam ǀ mahi-vratam ǀ na ǀ sarajantam ǀ adhvanaḥ ǁ
10.115.04 (Mandala. Sukta. Rik)
8.6.18.04 (Ashtaka. Adhyaya. Varga. Rik)
10.10.024 (Mandala. Anuvāka. Rik)
Samhita Devanagari Accented
वि यस्य॑ ते ज्रयसा॒नस्या॑जर॒ धक्षो॒र्न वाताः॒ परि॒ संत्यच्यु॑ताः ।
आ र॒ण्वासो॒ युयु॑धयो॒ न स॑त्व॒नं त्रि॒तं न॑शंत॒ प्र शि॒षंत॑ इ॒ष्टये॑ ॥
Samhita Devanagari Nonaccented
वि यस्य ते ज्रयसानस्याजर धक्षोर्न वाताः परि संत्यच्युताः ।
आ रण्वासो युयुधयो न सत्वनं त्रितं नशंत प्र शिषंत इष्टये ॥
Samhita Transcription Accented
ví yásya te jrayasānásyājara dhákṣorná vā́tāḥ pári sántyácyutāḥ ǀ
ā́ raṇvā́so yúyudhayo ná satvanám tritám naśanta prá śiṣánta iṣṭáye ǁ
Samhita Transcription Nonaccented
vi yasya te jrayasānasyājara dhakṣorna vātāḥ pari santyacyutāḥ ǀ
ā raṇvāso yuyudhayo na satvanam tritam naśanta pra śiṣanta iṣṭaye ǁ
Padapatha Devanagari Accented
वि । यस्य॑ । ते॒ । ज्र॒य॒सा॒नस्य॑ । अ॒ज॒र॒ । धक्षोः॑ । न । वाताः॑ । परि॑ । सन्ति॑ । अच्यु॑ताः ।
आ । र॒ण्वासः॑ । युयु॑धयः । न । स॒त्व॒नम् । त्रि॒तम् । न॒श॒न्त॒ । प्र । शि॒षन्तः॑ । इ॒ष्टये॑ ॥
Padapatha Devanagari Nonaccented
वि । यस्य । ते । ज्रयसानस्य । अजर । धक्षोः । न । वाताः । परि । सन्ति । अच्युताः ।
आ । रण्वासः । युयुधयः । न । सत्वनम् । त्रितम् । नशन्त । प्र । शिषन्तः । इष्टये ॥
Padapatha Transcription Accented
ví ǀ yásya ǀ te ǀ jrayasānásya ǀ ajara ǀ dhákṣoḥ ǀ ná ǀ vā́tāḥ ǀ pári ǀ sánti ǀ ácyutāḥ ǀ
ā́ ǀ raṇvā́saḥ ǀ yúyudhayaḥ ǀ ná ǀ satvanám ǀ tritám ǀ naśanta ǀ prá ǀ śiṣántaḥ ǀ iṣṭáye ǁ
Padapatha Transcription Nonaccented
vi ǀ yasya ǀ te ǀ jrayasānasya ǀ ajara ǀ dhakṣoḥ ǀ na ǀ vātāḥ ǀ pari ǀ santi ǀ acyutāḥ ǀ
ā ǀ raṇvāsaḥ ǀ yuyudhayaḥ ǀ na ǀ satvanam ǀ tritam ǀ naśanta ǀ pra ǀ śiṣantaḥ ǀ iṣṭaye ǁ
10.115.05 (Mandala. Sukta. Rik)
8.6.18.05 (Ashtaka. Adhyaya. Varga. Rik)
10.10.025 (Mandala. Anuvāka. Rik)
Samhita Devanagari Accented
स इद॒ग्निः कण्व॑तमः॒ कण्व॑सखा॒र्यः पर॒स्यांत॑रस्य॒ तरु॑षः ।
अ॒ग्निः पा॑तु गृण॒तो अ॒ग्निः सू॒रीन॒ग्निर्द॑दातु॒ तेषा॒मवो॑ नः ॥
Samhita Devanagari Nonaccented
स इदग्निः कण्वतमः कण्वसखार्यः परस्यांतरस्य तरुषः ।
अग्निः पातु गृणतो अग्निः सूरीनग्निर्ददातु तेषामवो नः ॥
Samhita Transcription Accented
sá ídagníḥ káṇvatamaḥ káṇvasakhāryáḥ párasyā́ntarasya táruṣaḥ ǀ
agníḥ pātu gṛṇató agníḥ sūrī́nagnírdadātu téṣāmávo naḥ ǁ
Samhita Transcription Nonaccented
sa idagniḥ kaṇvatamaḥ kaṇvasakhāryaḥ parasyāntarasya taruṣaḥ ǀ
agniḥ pātu gṛṇato agniḥ sūrīnagnirdadātu teṣāmavo naḥ ǁ
Padapatha Devanagari Accented
सः । इत् । अ॒ग्निः । कण्व॑ऽतमः । कण्व॑ऽसखा । अ॒र्यः । पर॑स्य । अन्त॑रस्य । तरु॑षः ।
अ॒ग्निः । पा॒तु॒ । गृ॒ण॒तः । अ॒ग्निः । सू॒रीन् । अ॒ग्निः । द॒दा॒तु॒ । तेषा॑म् । अवः॑ । नः॒ ॥
Padapatha Devanagari Nonaccented
सः । इत् । अग्निः । कण्वऽतमः । कण्वऽसखा । अर्यः । परस्य । अन्तरस्य । तरुषः ।
अग्निः । पातु । गृणतः । अग्निः । सूरीन् । अग्निः । ददातु । तेषाम् । अवः । नः ॥
Padapatha Transcription Accented
sáḥ ǀ ít ǀ agníḥ ǀ káṇva-tamaḥ ǀ káṇva-sakhā ǀ aryáḥ ǀ párasya ǀ ántarasya ǀ táruṣaḥ ǀ
agníḥ ǀ pātu ǀ gṛṇatáḥ ǀ agníḥ ǀ sūrī́n ǀ agníḥ ǀ dadātu ǀ téṣām ǀ ávaḥ ǀ naḥ ǁ
Padapatha Transcription Nonaccented
saḥ ǀ it ǀ agniḥ ǀ kaṇva-tamaḥ ǀ kaṇva-sakhā ǀ aryaḥ ǀ parasya ǀ antarasya ǀ taruṣaḥ ǀ
agniḥ ǀ pātu ǀ gṛṇataḥ ǀ agniḥ ǀ sūrīn ǀ agniḥ ǀ dadātu ǀ teṣām ǀ avaḥ ǀ naḥ ǁ
10.115.06 (Mandala. Sukta. Rik)
8.6.19.01 (Ashtaka. Adhyaya. Varga. Rik)
10.10.026 (Mandala. Anuvāka. Rik)
Samhita Devanagari Accented
वा॒जिंत॑माय॒ सह्य॑से सुपित्र्य तृ॒षु च्यवा॑नो॒ अनु॑ जा॒तवे॑दसे ।
अ॒नु॒द्रे चि॒द्यो धृ॑ष॒ता वरं॑ स॒ते म॒हिंत॑माय॒ धन्व॒नेद॑विष्य॒ते ॥
Samhita Devanagari Nonaccented
वाजिंतमाय सह्यसे सुपित्र्य तृषु च्यवानो अनु जातवेदसे ।
अनुद्रे चिद्यो धृषता वरं सते महिंतमाय धन्वनेदविष्यते ॥
Samhita Transcription Accented
vājíntamāya sáhyase supitrya tṛṣú cyávāno ánu jātávedase ǀ
anudré cidyó dhṛṣatā́ váram saté mahíntamāya dhánvanédaviṣyaté ǁ
Samhita Transcription Nonaccented
vājintamāya sahyase supitrya tṛṣu cyavāno anu jātavedase ǀ
anudre cidyo dhṛṣatā varam sate mahintamāya dhanvanedaviṣyate ǁ
Padapatha Devanagari Accented
वा॒जिन्ऽत॑माय । सह्य॑से । सु॒ऽपि॒त्र्य॒ । तृ॒षु । च्यवा॑नः । अनु॑ । जा॒तऽवे॑दसे ।
अ॒नु॒द्रे । चि॒त् । यः । धृ॒ष॒ता । वर॑म् । स॒ते । म॒हिन्ऽत॑माय । धन्व॑ना । इत् । अ॒वि॒ष्य॒ते ॥
Padapatha Devanagari Nonaccented
वाजिन्ऽतमाय । सह्यसे । सुऽपित्र्य । तृषु । च्यवानः । अनु । जातऽवेदसे ।
अनुद्रे । चित् । यः । धृषता । वरम् । सते । महिन्ऽतमाय । धन्वना । इत् । अविष्यते ॥
Padapatha Transcription Accented
vājín-tamāya ǀ sáhyase ǀ su-pitrya ǀ tṛṣú ǀ cyávānaḥ ǀ ánu ǀ jātá-vedase ǀ
anudré ǀ cit ǀ yáḥ ǀ dhṛṣatā́ ǀ váram ǀ saté ǀ mahín-tamāya ǀ dhánvanā ǀ ít ǀ aviṣyaté ǁ
Padapatha Transcription Nonaccented
vājin-tamāya ǀ sahyase ǀ su-pitrya ǀ tṛṣu ǀ cyavānaḥ ǀ anu ǀ jāta-vedase ǀ
anudre ǀ cit ǀ yaḥ ǀ dhṛṣatā ǀ varam ǀ sate ǀ mahin-tamāya ǀ dhanvanā ǀ it ǀ aviṣyate ǁ
10.115.07 (Mandala. Sukta. Rik)
8.6.19.02 (Ashtaka. Adhyaya. Varga. Rik)
10.10.027 (Mandala. Anuvāka. Rik)
Samhita Devanagari Accented
ए॒वाग्निर्मर्तैः॑ स॒ह सू॒रिभि॒र्वसु॑ ष्टवे॒ सह॑सः सू॒नरो॒ नृभिः॑ ।
मि॒त्रासो॒ न ये सुधि॑ता ऋता॒यवो॒ द्यावो॒ न द्यु॒म्नैर॒भि संति॒ मानु॑षान् ॥
Samhita Devanagari Nonaccented
एवाग्निर्मर्तैः सह सूरिभिर्वसु ष्टवे सहसः सूनरो नृभिः ।
मित्रासो न ये सुधिता ऋतायवो द्यावो न द्युम्नैरभि संति मानुषान् ॥
Samhita Transcription Accented
evā́gnírmártaiḥ sahá sūríbhirvásu ṣṭave sáhasaḥ sūnáro nṛ́bhiḥ ǀ
mitrā́so ná yé súdhitā ṛtāyávo dyā́vo ná dyumnáirabhí sánti mā́nuṣān ǁ
Samhita Transcription Nonaccented
evāgnirmartaiḥ saha sūribhirvasu ṣṭave sahasaḥ sūnaro nṛbhiḥ ǀ
mitrāso na ye sudhitā ṛtāyavo dyāvo na dyumnairabhi santi mānuṣān ǁ
Padapatha Devanagari Accented
ए॒व । अ॒ग्निः । मर्तैः॑ । स॒ह । सू॒रिऽभिः॑ । वसुः॑ । स्त॒वे॒ । सह॑सः । सू॒नरः॑ । नृऽभिः॑ ।
मि॒त्रासः॑ । न । ये । सुऽधि॑ताः । ऋ॒त॒ऽयवः॑ । द्यावः॑ । न । द्यु॒म्नैः । अ॒भि । सन्ति॑ । मानु॑षान् ॥
Padapatha Devanagari Nonaccented
एव । अग्निः । मर्तैः । सह । सूरिऽभिः । वसुः । स्तवे । सहसः । सूनरः । नृऽभिः ।
मित्रासः । न । ये । सुऽधिताः । ऋतऽयवः । द्यावः । न । द्युम्नैः । अभि । सन्ति । मानुषान् ॥
Padapatha Transcription Accented
evá ǀ agníḥ ǀ mártaiḥ ǀ sahá ǀ sūrí-bhiḥ ǀ vásuḥ ǀ stave ǀ sáhasaḥ ǀ sūnáraḥ ǀ nṛ́-bhiḥ ǀ
mitrā́saḥ ǀ ná ǀ yé ǀ sú-dhitāḥ ǀ ṛta-yávaḥ ǀ dyā́vaḥ ǀ ná ǀ dyumnáiḥ ǀ abhí ǀ sánti ǀ mā́nuṣān ǁ
Padapatha Transcription Nonaccented
eva ǀ agniḥ ǀ martaiḥ ǀ saha ǀ sūri-bhiḥ ǀ vasuḥ ǀ stave ǀ sahasaḥ ǀ sūnaraḥ ǀ nṛ-bhiḥ ǀ
mitrāsaḥ ǀ na ǀ ye ǀ su-dhitāḥ ǀ ṛta-yavaḥ ǀ dyāvaḥ ǀ na ǀ dyumnaiḥ ǀ abhi ǀ santi ǀ mānuṣān ǁ
10.115.08 (Mandala. Sukta. Rik)
8.6.19.03 (Ashtaka. Adhyaya. Varga. Rik)
10.10.028 (Mandala. Anuvāka. Rik)
Samhita Devanagari Accented
ऊर्जो॑ नपात्सहसाव॒न्निति॑ त्वोपस्तु॒तस्य॑ वंदते॒ वृषा॒ वाक् ।
त्वां स्तो॑षाम॒ त्वया॑ सु॒वीरा॒ द्राघी॑य॒ आयुः॑ प्रत॒रं दधा॑नाः ॥
Samhita Devanagari Nonaccented
ऊर्जो नपात्सहसावन्निति त्वोपस्तुतस्य वंदते वृषा वाक् ।
त्वां स्तोषाम त्वया सुवीरा द्राघीय आयुः प्रतरं दधानाः ॥
Samhita Transcription Accented
ū́rjo napātsahasāvanníti tvopastutásya vandate vṛ́ṣā vā́k ǀ
tvā́m stoṣāma tváyā suvī́rā drā́ghīya ā́yuḥ pratarám dádhānāḥ ǁ
Samhita Transcription Nonaccented
ūrjo napātsahasāvanniti tvopastutasya vandate vṛṣā vāk ǀ
tvām stoṣāma tvayā suvīrā drāghīya āyuḥ prataram dadhānāḥ ǁ
Padapatha Devanagari Accented
ऊर्जः॑ । न॒पा॒त् । स॒ह॒सा॒ऽव॒न् । इति॑ । त्वा॒ । उ॒प॒ऽस्तु॒तस्य॑ । व॒न्द॒ते॒ । वृषा॑ । वाक् ।
त्वाम् । स्तो॒षा॒म॒ । त्वया॑ । सु॒ऽवीराः॑ । द्राघी॑यः । आयुः॑ । प्र॒ऽत॒रम् । दधा॑नाः ॥
Padapatha Devanagari Nonaccented
ऊर्जः । नपात् । सहसाऽवन् । इति । त्वा । उपऽस्तुतस्य । वन्दते । वृषा । वाक् ।
त्वाम् । स्तोषाम । त्वया । सुऽवीराः । द्राघीयः । आयुः । प्रऽतरम् । दधानाः ॥
Padapatha Transcription Accented
ū́rjaḥ ǀ napāt ǀ sahasā-van ǀ íti ǀ tvā ǀ upa-stutásya ǀ vandate ǀ vṛ́ṣā ǀ vā́k ǀ
tvā́m ǀ stoṣāma ǀ tváyā ǀ su-vī́rāḥ ǀ drā́ghīyaḥ ǀ ā́yuḥ ǀ pra-tarám ǀ dádhānāḥ ǁ
Padapatha Transcription Nonaccented
ūrjaḥ ǀ napāt ǀ sahasā-van ǀ iti ǀ tvā ǀ upa-stutasya ǀ vandate ǀ vṛṣā ǀ vāk ǀ
tvām ǀ stoṣāma ǀ tvayā ǀ su-vīrāḥ ǀ drāghīyaḥ ǀ āyuḥ ǀ pra-taram ǀ dadhānāḥ ǁ
10.115.09 (Mandala. Sukta. Rik)
8.6.19.04 (Ashtaka. Adhyaya. Varga. Rik)
10.10.029 (Mandala. Anuvāka. Rik)
Samhita Devanagari Accented
इति॑ त्वाग्ने वृष्टि॒हव्य॑स्य पु॒त्रा उ॑पस्तु॒तास॒ ऋष॑योऽवोचन् ।
तांश्च॑ पा॒हि गृ॑ण॒तश्च॑ सू॒रीन्वष॒ड्वष॒ळित्यू॒र्ध्वासो॑ अनक्ष॒न्नमो॒ नम॒ इत्यू॒र्ध्वासो॑ अनक्षन् ॥
Samhita Devanagari Nonaccented
इति त्वाग्ने वृष्टिहव्यस्य पुत्रा उपस्तुतास ऋषयोऽवोचन् ।
तांश्च पाहि गृणतश्च सूरीन्वषड्वषळित्यूर्ध्वासो अनक्षन्नमो नम इत्यूर्ध्वासो अनक्षन् ॥
Samhita Transcription Accented
íti tvāgne vṛṣṭihávyasya putrā́ upastutā́sa ṛ́ṣayo’vocan ǀ
tā́ṃśca pāhí gṛṇatáśca sūrī́nváṣaḍváṣaḷítyūrdhvā́so anakṣannámo náma ítyūrdhvā́so anakṣan ǁ
Samhita Transcription Nonaccented
iti tvāgne vṛṣṭihavyasya putrā upastutāsa ṛṣayo’vocan ǀ
tāṃśca pāhi gṛṇataśca sūrīnvaṣaḍvaṣaḷityūrdhvāso anakṣannamo nama ityūrdhvāso anakṣan ǁ
Padapatha Devanagari Accented
इति॑ । त्वा॒ । अ॒ग्ने॒ । वृ॒ष्टि॒ऽहव्य॑स्य । पु॒त्राः । उ॒प॒ऽस्तु॒तासः॑ । ऋष॑यः । अ॒वो॒च॒न् ।
तान् । च॒ । पा॒हि । गृ॒ण॒तः । च॒ । सू॒रीन् । वष॑ट् । वष॑ट् । इति॑ । ऊ॒र्ध्वासः॑ । अ॒न॒क्ष॒न् । नमः॑ । नमः॑ । इति॑ । ऊ॒र्ध्वासः॑ । अ॒न॒क्ष॒न् ॥
Padapatha Devanagari Nonaccented
इति । त्वा । अग्ने । वृष्टिऽहव्यस्य । पुत्राः । उपऽस्तुतासः । ऋषयः । अवोचन् ।
तान् । च । पाहि । गृणतः । च । सूरीन् । वषट् । वषट् । इति । ऊर्ध्वासः । अनक्षन् । नमः । नमः । इति । ऊर्ध्वासः । अनक्षन् ॥
Padapatha Transcription Accented
íti ǀ tvā ǀ agne ǀ vṛṣṭi-hávyasya ǀ putrā́ḥ ǀ upa-stutā́saḥ ǀ ṛ́ṣayaḥ ǀ avocan ǀ
tā́n ǀ ca ǀ pāhí ǀ gṛṇatáḥ ǀ ca ǀ sūrī́n ǀ váṣaṭ ǀ váṣaṭ ǀ íti ǀ ūrdhvā́saḥ ǀ anakṣan ǀ námaḥ ǀ námaḥ ǀ íti ǀ ūrdhvā́saḥ ǀ anakṣan ǁ
Padapatha Transcription Nonaccented
iti ǀ tvā ǀ agne ǀ vṛṣṭi-havyasya ǀ putrāḥ ǀ upa-stutāsaḥ ǀ ṛṣayaḥ ǀ avocan ǀ
tān ǀ ca ǀ pāhi ǀ gṛṇataḥ ǀ ca ǀ sūrīn ǀ vaṣaṭ ǀ vaṣaṭ ǀ iti ǀ ūrdhvāsaḥ ǀ anakṣan ǀ namaḥ ǀ namaḥ ǀ iti ǀ ūrdhvāsaḥ ǀ anakṣan ǁ