|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 116
|
1. Info |
| To: | indra | |
| From: | agniyuta sthaura or agniyūpa sthaura | |
| Metres: | 1st set of styles: triṣṭup (1, 8, 9); nicṛttriṣṭup (3, 4); virāṭtrisṭup (5, 7); pādanicṛttriṣṭup (2); svarāḍārcītriṣṭup (6) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.116.01 (Mandala. Sukta. Rik)
8.6.20.01 (Ashtaka. Adhyaya. Varga. Rik)
10.10.030 (Mandala. Anuvāka. Rik)
Samhita Devanagari Accented
पिबा॒ सोमं॑ मह॒त इं॑द्रि॒याय॒ पिबा॑ वृ॒त्राय॒ हंत॑वे शविष्ठ ।
पिब॑ रा॒ये शव॑से हू॒यमा॑नः॒ पिब॒ मध्व॑स्तृ॒पदिं॒द्रा वृ॑षस्व ॥
Samhita Devanagari Nonaccented
पिबा सोमं महत इंद्रियाय पिबा वृत्राय हंतवे शविष्ठ ।
पिब राये शवसे हूयमानः पिब मध्वस्तृपदिंद्रा वृषस्व ॥
Samhita Transcription Accented
píbā sómam mahatá indriyā́ya píbā vṛtrā́ya hántave śaviṣṭha ǀ
píba rāyé śávase hūyámānaḥ píba mádhvastṛpádindrā́ vṛṣasva ǁ
Samhita Transcription Nonaccented
pibā somam mahata indriyāya pibā vṛtrāya hantave śaviṣṭha ǀ
piba rāye śavase hūyamānaḥ piba madhvastṛpadindrā vṛṣasva ǁ
Padapatha Devanagari Accented
पिब॑ । सोम॑म् । म॒ह॒ते । इ॒न्द्रि॒याय॑ । पिब॑ । वृ॒त्राय॑ । हन्त॑वे । श॒वि॒ष्ठ॒ ।
पिब॑ । रा॒ये । शव॑से । हू॒यमा॑नः । पिब॑ । मध्वः॑ । तृ॒पत् । इ॒न्द्र॒ । आ । वृ॒ष॒स्व॒ ॥
Padapatha Devanagari Nonaccented
पिब । सोमम् । महते । इन्द्रियाय । पिब । वृत्राय । हन्तवे । शविष्ठ ।
पिब । राये । शवसे । हूयमानः । पिब । मध्वः । तृपत् । इन्द्र । आ । वृषस्व ॥
Padapatha Transcription Accented
píba ǀ sómam ǀ mahaté ǀ indriyā́ya ǀ píba ǀ vṛtrā́ya ǀ hántave ǀ śaviṣṭha ǀ
píba ǀ rāyé ǀ śávase ǀ hūyámānaḥ ǀ píba ǀ mádhvaḥ ǀ tṛpát ǀ indra ǀ ā́ ǀ vṛṣasva ǁ
Padapatha Transcription Nonaccented
piba ǀ somam ǀ mahate ǀ indriyāya ǀ piba ǀ vṛtrāya ǀ hantave ǀ śaviṣṭha ǀ
piba ǀ rāye ǀ śavase ǀ hūyamānaḥ ǀ piba ǀ madhvaḥ ǀ tṛpat ǀ indra ǀ ā ǀ vṛṣasva ǁ
10.116.02 (Mandala. Sukta. Rik)
8.6.20.02 (Ashtaka. Adhyaya. Varga. Rik)
10.10.031 (Mandala. Anuvāka. Rik)
Samhita Devanagari Accented
अ॒स्य पि॑ब क्षु॒मतः॒ प्रस्थि॑त॒स्येंद्र॒ सोम॑स्य॒ वर॒मा सु॒तस्य॑ ।
स्व॒स्ति॒दा मन॑सा मादयस्वार्वाची॒नो रे॒वते॒ सौभ॑गाय ॥
Samhita Devanagari Nonaccented
अस्य पिब क्षुमतः प्रस्थितस्येंद्र सोमस्य वरमा सुतस्य ।
स्वस्तिदा मनसा मादयस्वार्वाचीनो रेवते सौभगाय ॥
Samhita Transcription Accented
asyá piba kṣumátaḥ prásthitasyéndra sómasya váramā́ sutásya ǀ
svastidā́ mánasā mādayasvārvācīnó reváte sáubhagāya ǁ
Samhita Transcription Nonaccented
asya piba kṣumataḥ prasthitasyendra somasya varamā sutasya ǀ
svastidā manasā mādayasvārvācīno revate saubhagāya ǁ
Padapatha Devanagari Accented
अ॒स्य । पि॒ब॒ । क्षु॒ऽमतः॑ । प्रऽस्थि॑तस्य । इन्द्र॑ । सोम॑स्य । वर॑म् । आ । सु॒तस्य॑ ।
स्व॒स्ति॒ऽदाः । मन॑सा । मा॒द॒य॒स्व॒ । अ॒र्वा॒ची॒नः । रे॒वते॑ । सौभ॑गाय ॥
Padapatha Devanagari Nonaccented
अस्य । पिब । क्षुऽमतः । प्रऽस्थितस्य । इन्द्र । सोमस्य । वरम् । आ । सुतस्य ।
स्वस्तिऽदाः । मनसा । मादयस्व । अर्वाचीनः । रेवते । सौभगाय ॥
Padapatha Transcription Accented
asyá ǀ piba ǀ kṣu-mátaḥ ǀ prá-sthitasya ǀ índra ǀ sómasya ǀ váram ǀ ā́ ǀ sutásya ǀ
svasti-dā́ḥ ǀ mánasā ǀ mādayasva ǀ arvācīnáḥ ǀ reváte ǀ sáubhagāya ǁ
Padapatha Transcription Nonaccented
asya ǀ piba ǀ kṣu-mataḥ ǀ pra-sthitasya ǀ indra ǀ somasya ǀ varam ǀ ā ǀ sutasya ǀ
svasti-dāḥ ǀ manasā ǀ mādayasva ǀ arvācīnaḥ ǀ revate ǀ saubhagāya ǁ
10.116.03 (Mandala. Sukta. Rik)
8.6.20.03 (Ashtaka. Adhyaya. Varga. Rik)
10.10.032 (Mandala. Anuvāka. Rik)
Samhita Devanagari Accented
म॒मत्तु॑ त्वा दि॒व्यः सोम॑ इंद्र म॒मत्तु॒ यः सू॒यते॒ पार्थि॑वेषु ।
म॒मत्तु॒ येन॒ वरि॑वश्च॒कर्थ॑ म॒मत्तु॒ येन॑ निरि॒णासि॒ शत्रू॑न् ॥
Samhita Devanagari Nonaccented
ममत्तु त्वा दिव्यः सोम इंद्र ममत्तु यः सूयते पार्थिवेषु ।
ममत्तु येन वरिवश्चकर्थ ममत्तु येन निरिणासि शत्रून् ॥
Samhita Transcription Accented
mamáttu tvā divyáḥ sóma indra mamáttu yáḥ sūyáte pā́rthiveṣu ǀ
mamáttu yéna várivaścakártha mamáttu yéna niriṇā́si śátrūn ǁ
Samhita Transcription Nonaccented
mamattu tvā divyaḥ soma indra mamattu yaḥ sūyate pārthiveṣu ǀ
mamattu yena varivaścakartha mamattu yena niriṇāsi śatrūn ǁ
Padapatha Devanagari Accented
म॒मत्तु॑ । त्वा॒ । दि॒व्यः । सोमः॑ । इ॒न्द्र॒ । म॒मत्तु॑ । यः । सू॒यते॑ । पार्थि॑वेषु ।
म॒मत्तु॑ । येन॑ । वरि॑वः । च॒कर्थ॑ । म॒मत्तु॑ । येन॑ । नि॒ऽरि॒णासि॑ । शत्रू॑न् ॥
Padapatha Devanagari Nonaccented
ममत्तु । त्वा । दिव्यः । सोमः । इन्द्र । ममत्तु । यः । सूयते । पार्थिवेषु ।
ममत्तु । येन । वरिवः । चकर्थ । ममत्तु । येन । निऽरिणासि । शत्रून् ॥
Padapatha Transcription Accented
mamáttu ǀ tvā ǀ divyáḥ ǀ sómaḥ ǀ indra ǀ mamáttu ǀ yáḥ ǀ sūyáte ǀ pā́rthiveṣu ǀ
mamáttu ǀ yéna ǀ várivaḥ ǀ cakártha ǀ mamáttu ǀ yéna ǀ ni-riṇā́si ǀ śátrūn ǁ
Padapatha Transcription Nonaccented
mamattu ǀ tvā ǀ divyaḥ ǀ somaḥ ǀ indra ǀ mamattu ǀ yaḥ ǀ sūyate ǀ pārthiveṣu ǀ
mamattu ǀ yena ǀ varivaḥ ǀ cakartha ǀ mamattu ǀ yena ǀ ni-riṇāsi ǀ śatrūn ǁ
10.116.04 (Mandala. Sukta. Rik)
8.6.20.04 (Ashtaka. Adhyaya. Varga. Rik)
10.10.033 (Mandala. Anuvāka. Rik)
Samhita Devanagari Accented
आ द्वि॒बर्हा॑ अमि॒नो या॒त्विंद्रो॒ वृषा॒ हरि॑भ्यां॒ परि॑षिक्त॒मंधः॑ ।
गव्या सु॒तस्य॒ प्रभृ॑तस्य॒ मध्वः॑ स॒त्रा खेदा॑मरुश॒हा वृ॑षस्व ॥
Samhita Devanagari Nonaccented
आ द्विबर्हा अमिनो यात्विंद्रो वृषा हरिभ्यां परिषिक्तमंधः ।
गव्या सुतस्य प्रभृतस्य मध्वः सत्रा खेदामरुशहा वृषस्व ॥
Samhita Transcription Accented
ā́ dvibárhā aminó yātvíndro vṛ́ṣā háribhyām páriṣiktamándhaḥ ǀ
gávyā́ sutásya prábhṛtasya mádhvaḥ satrā́ khédāmaruśahā́ vṛṣasva ǁ
Samhita Transcription Nonaccented
ā dvibarhā amino yātvindro vṛṣā haribhyām pariṣiktamandhaḥ ǀ
gavyā sutasya prabhṛtasya madhvaḥ satrā khedāmaruśahā vṛṣasva ǁ
Padapatha Devanagari Accented
आ । द्वि॒ऽबर्हाः॑ । अ॒मि॒नः । या॒तु॒ । इन्द्रः॑ । वृषा॑ । हरि॑ऽभ्याम् । परि॑ऽसिक्तम् । अन्धः॑ ।
गवि॑ । आ । सु॒तस्य॑ । प्रऽभृ॑तस्य । मध्वः॑ । स॒त्रा । खेदा॑म् । अ॒रु॒श॒ऽहा । आ । वृ॒ष॒स्व॒ ॥
Padapatha Devanagari Nonaccented
आ । द्विऽबर्हाः । अमिनः । यातु । इन्द्रः । वृषा । हरिऽभ्याम् । परिऽसिक्तम् । अन्धः ।
गवि । आ । सुतस्य । प्रऽभृतस्य । मध्वः । सत्रा । खेदाम् । अरुशऽहा । आ । वृषस्व ॥
Padapatha Transcription Accented
ā́ ǀ dvi-bárhāḥ ǀ amináḥ ǀ yātu ǀ índraḥ ǀ vṛ́ṣā ǀ hári-bhyām ǀ pári-siktam ǀ ándhaḥ ǀ
gávi ǀ ā́ ǀ sutásya ǀ prá-bhṛtasya ǀ mádhvaḥ ǀ satrā́ ǀ khédām ǀ aruśa-hā́ ǀ ā́ ǀ vṛṣasva ǁ
Padapatha Transcription Nonaccented
ā ǀ dvi-barhāḥ ǀ aminaḥ ǀ yātu ǀ indraḥ ǀ vṛṣā ǀ hari-bhyām ǀ pari-siktam ǀ andhaḥ ǀ
gavi ǀ ā ǀ sutasya ǀ pra-bhṛtasya ǀ madhvaḥ ǀ satrā ǀ khedām ǀ aruśa-hā ǀ ā ǀ vṛṣasva ǁ
10.116.05 (Mandala. Sukta. Rik)
8.6.20.05 (Ashtaka. Adhyaya. Varga. Rik)
10.10.034 (Mandala. Anuvāka. Rik)
Samhita Devanagari Accented
नि ति॒ग्मानि॑ भ्रा॒शय॒न्भ्राश्या॒न्यव॑ स्थि॒रा त॑नुहि यातु॒जूनां॑ ।
उ॒ग्राय॑ ते॒ सहो॒ बलं॑ ददामि प्र॒तीत्या॒ शत्रू॑न्विग॒देषु॑ वृश्च ॥
Samhita Devanagari Nonaccented
नि तिग्मानि भ्राशयन्भ्राश्यान्यव स्थिरा तनुहि यातुजूनां ।
उग्राय ते सहो बलं ददामि प्रतीत्या शत्रून्विगदेषु वृश्च ॥
Samhita Transcription Accented
ní tigmā́ni bhrāśáyanbhrā́śyānyáva sthirā́ tanuhi yātujū́nām ǀ
ugrā́ya te sáho bálam dadāmi pratī́tyā śátrūnvigadéṣu vṛśca ǁ
Samhita Transcription Nonaccented
ni tigmāni bhrāśayanbhrāśyānyava sthirā tanuhi yātujūnām ǀ
ugrāya te saho balam dadāmi pratītyā śatrūnvigadeṣu vṛśca ǁ
Padapatha Devanagari Accented
नि । ति॒ग्मानि॑ । भ्रा॒शय॑न् । भ्राश्या॑नि । अव॑ । स्थि॒रा । त॒नु॒हि॒ । या॒तु॒ऽजूना॑म् ।
उ॒ग्राय॑ । ते॒ । सहः॑ । बल॑म् । द॒दा॒मि॒ । प्र॒ति॒ऽइत्य॑ । शत्रू॑न् । वि॒ऽग॒देषु॑ । वृ॒श्च॒ ॥
Padapatha Devanagari Nonaccented
नि । तिग्मानि । भ्राशयन् । भ्राश्यानि । अव । स्थिरा । तनुहि । यातुऽजूनाम् ।
उग्राय । ते । सहः । बलम् । ददामि । प्रतिऽइत्य । शत्रून् । विऽगदेषु । वृश्च ॥
Padapatha Transcription Accented
ní ǀ tigmā́ni ǀ bhrāśáyan ǀ bhrā́śyāni ǀ áva ǀ sthirā́ ǀ tanuhi ǀ yātu-jū́nām ǀ
ugrā́ya ǀ te ǀ sáhaḥ ǀ bálam ǀ dadāmi ǀ prati-ítya ǀ śátrūn ǀ vi-gadéṣu ǀ vṛśca ǁ
Padapatha Transcription Nonaccented
ni ǀ tigmāni ǀ bhrāśayan ǀ bhrāśyāni ǀ ava ǀ sthirā ǀ tanuhi ǀ yātu-jūnām ǀ
ugrāya ǀ te ǀ sahaḥ ǀ balam ǀ dadāmi ǀ prati-itya ǀ śatrūn ǀ vi-gadeṣu ǀ vṛśca ǁ
10.116.06 (Mandala. Sukta. Rik)
8.6.21.01 (Ashtaka. Adhyaya. Varga. Rik)
10.10.035 (Mandala. Anuvāka. Rik)
Samhita Devanagari Accented
व्य१॒॑र्य इं॑द्र तनुहि॒ श्रवां॒स्योजः॑ स्थि॒रेव॒ धन्व॑नो॒ऽभिमा॑तीः ।
अ॒स्म॒द्र्य॑ग्वावृधा॒नः सहो॑भि॒रनि॑भृष्टस्त॒न्वं॑ वावृधस्व ॥
Samhita Devanagari Nonaccented
व्यर्य इंद्र तनुहि श्रवांस्योजः स्थिरेव धन्वनोऽभिमातीः ।
अस्मद्र्यग्वावृधानः सहोभिरनिभृष्टस्तन्वं वावृधस्व ॥
Samhita Transcription Accented
vyáryá indra tanuhi śrávāṃsyójaḥ sthiréva dhánvano’bhímātīḥ ǀ
asmadryágvāvṛdhānáḥ sáhobhiránibhṛṣṭastanvám vāvṛdhasva ǁ
Samhita Transcription Nonaccented
vyarya indra tanuhi śravāṃsyojaḥ sthireva dhanvano’bhimātīḥ ǀ
asmadryagvāvṛdhānaḥ sahobhiranibhṛṣṭastanvam vāvṛdhasva ǁ
Padapatha Devanagari Accented
वि । अ॒र्यः । इ॒न्द्र॒ । त॒नु॒हि॒ । श्रवां॑सि । ओजः॑ । स्थि॒राऽइ॑व । धन्व॑नः । अ॒भिऽमा॑तीः ।
अ॒स्म॒द्र्य॑क् । व॒वृ॒धा॒नः । सहः॑ऽभिः । अनि॑ऽभृष्टः । त॒न्व॑म् । व॒वृ॒ध॒स्व॒ ॥
Padapatha Devanagari Nonaccented
वि । अर्यः । इन्द्र । तनुहि । श्रवांसि । ओजः । स्थिराऽइव । धन्वनः । अभिऽमातीः ।
अस्मद्र्यक् । ववृधानः । सहःऽभिः । अनिऽभृष्टः । तन्वम् । ववृधस्व ॥
Padapatha Transcription Accented
ví ǀ aryáḥ ǀ indra ǀ tanuhi ǀ śrávāṃsi ǀ ójaḥ ǀ sthirā́-iva ǀ dhánvanaḥ ǀ abhí-mātīḥ ǀ
asmadryák ǀ vavṛdhānáḥ ǀ sáhaḥ-bhiḥ ǀ áni-bhṛṣṭaḥ ǀ tanvám ǀ vavṛdhasva ǁ
Padapatha Transcription Nonaccented
vi ǀ aryaḥ ǀ indra ǀ tanuhi ǀ śravāṃsi ǀ ojaḥ ǀ sthirā-iva ǀ dhanvanaḥ ǀ abhi-mātīḥ ǀ
asmadryak ǀ vavṛdhānaḥ ǀ sahaḥ-bhiḥ ǀ ani-bhṛṣṭaḥ ǀ tanvam ǀ vavṛdhasva ǁ
10.116.07 (Mandala. Sukta. Rik)
8.6.21.02 (Ashtaka. Adhyaya. Varga. Rik)
10.10.036 (Mandala. Anuvāka. Rik)
Samhita Devanagari Accented
इ॒दं ह॒विर्म॑घवं॒तुभ्यं॑ रा॒तं प्रति॑ सम्रा॒ळहृ॑णानो गृभाय ।
तुभ्यं॑ सु॒तो म॑घवं॒तुभ्यं॑ प॒क्वो॒३॒॑ऽद्धीं॑द्र॒ पिब॑ च॒ प्रस्थि॑तस्य ॥
Samhita Devanagari Nonaccented
इदं हविर्मघवंतुभ्यं रातं प्रति सम्राळहृणानो गृभाय ।
तुभ्यं सुतो मघवंतुभ्यं पक्वोऽद्धींद्र पिब च प्रस्थितस्य ॥
Samhita Transcription Accented
idám havírmaghavantúbhyam rātám práti samrāḷáhṛṇāno gṛbhāya ǀ
túbhyam sutó maghavantúbhyam pakvó’ddhī́ndra píba ca prásthitasya ǁ
Samhita Transcription Nonaccented
idam havirmaghavantubhyam rātam prati samrāḷahṛṇāno gṛbhāya ǀ
tubhyam suto maghavantubhyam pakvo’ddhīndra piba ca prasthitasya ǁ
Padapatha Devanagari Accented
इ॒दम् । ह॒विः । म॒घ॒ऽव॒न् । तुभ्य॑म् । रा॒तम् । प्रति॑ । स॒म्ऽरा॒ट् । अहृ॑णानः । गृ॒भा॒य॒ ।
तुभ्य॑म् । सु॒तः । म॒घ॒ऽव॒न् । तुभ्य॑म् । प॒क्वः॑ । अ॒द्धि । इ॒न्द्र॒ । पिब॑ । च॒ । प्रऽस्थि॑तस्य ॥
Padapatha Devanagari Nonaccented
इदम् । हविः । मघऽवन् । तुभ्यम् । रातम् । प्रति । सम्ऽराट् । अहृणानः । गृभाय ।
तुभ्यम् । सुतः । मघऽवन् । तुभ्यम् । पक्वः । अद्धि । इन्द्र । पिब । च । प्रऽस्थितस्य ॥
Padapatha Transcription Accented
idám ǀ havíḥ ǀ magha-van ǀ túbhyam ǀ rātám ǀ práti ǀ sam-rāṭ ǀ áhṛṇānaḥ ǀ gṛbhāya ǀ
túbhyam ǀ sutáḥ ǀ magha-van ǀ túbhyam ǀ pakváḥ ǀ addhí ǀ indra ǀ píba ǀ ca ǀ prá-sthitasya ǁ
Padapatha Transcription Nonaccented
idam ǀ haviḥ ǀ magha-van ǀ tubhyam ǀ rātam ǀ prati ǀ sam-rāṭ ǀ ahṛṇānaḥ ǀ gṛbhāya ǀ
tubhyam ǀ sutaḥ ǀ magha-van ǀ tubhyam ǀ pakvaḥ ǀ addhi ǀ indra ǀ piba ǀ ca ǀ pra-sthitasya ǁ
10.116.08 (Mandala. Sukta. Rik)
8.6.21.03 (Ashtaka. Adhyaya. Varga. Rik)
10.10.037 (Mandala. Anuvāka. Rik)
Samhita Devanagari Accented
अ॒द्धीदिं॑द्र॒ प्रस्थि॑ते॒मा ह॒वींषि॒ चनो॑ दधिष्व पच॒तोत सोमं॑ ।
प्रय॑स्वंतः॒ प्रति॑ हर्यामसि त्वा स॒त्याः सं॑तु॒ यज॑मानस्य॒ कामाः॑ ॥
Samhita Devanagari Nonaccented
अद्धीदिंद्र प्रस्थितेमा हवींषि चनो दधिष्व पचतोत सोमं ।
प्रयस्वंतः प्रति हर्यामसि त्वा सत्याः संतु यजमानस्य कामाः ॥
Samhita Transcription Accented
addhī́dindra prásthitemā́ havī́ṃṣi cáno dadhiṣva pacatótá sómam ǀ
práyasvantaḥ práti haryāmasi tvā satyā́ḥ santu yájamānasya kā́māḥ ǁ
Samhita Transcription Nonaccented
addhīdindra prasthitemā havīṃṣi cano dadhiṣva pacatota somam ǀ
prayasvantaḥ prati haryāmasi tvā satyāḥ santu yajamānasya kāmāḥ ǁ
Padapatha Devanagari Accented
अ॒द्धि । इत् । इ॒न्द्र॒ । प्रऽस्थि॑ता । इ॒मा । ह॒वींषि॑ । चनः॑ । द॒धि॒ष्व॒ । प॒च॒ता । उ॒त । सोम॑म् ।
प्रय॑स्वन्तः । प्रति॑ । ह॒र्या॒म॒सि॒ । त्वा॒ । स॒त्याः । स॒न्तु॒ । यज॑मानस्य । कामाः॑ ॥
Padapatha Devanagari Nonaccented
अद्धि । इत् । इन्द्र । प्रऽस्थिता । इमा । हवींषि । चनः । दधिष्व । पचता । उत । सोमम् ।
प्रयस्वन्तः । प्रति । हर्यामसि । त्वा । सत्याः । सन्तु । यजमानस्य । कामाः ॥
Padapatha Transcription Accented
addhí ǀ ít ǀ indra ǀ prá-sthitā ǀ imā́ ǀ havī́ṃṣi ǀ cánaḥ ǀ dadhiṣva ǀ pacatā́ ǀ utá ǀ sómam ǀ
práyasvantaḥ ǀ práti ǀ haryāmasi ǀ tvā ǀ satyā́ḥ ǀ santu ǀ yájamānasya ǀ kā́māḥ ǁ
Padapatha Transcription Nonaccented
addhi ǀ it ǀ indra ǀ pra-sthitā ǀ imā ǀ havīṃṣi ǀ canaḥ ǀ dadhiṣva ǀ pacatā ǀ uta ǀ somam ǀ
prayasvantaḥ ǀ prati ǀ haryāmasi ǀ tvā ǀ satyāḥ ǀ santu ǀ yajamānasya ǀ kāmāḥ ǁ
10.116.09 (Mandala. Sukta. Rik)
8.6.21.04 (Ashtaka. Adhyaya. Varga. Rik)
10.10.038 (Mandala. Anuvāka. Rik)
Samhita Devanagari Accented
प्रेंद्रा॒ग्निभ्यां॑ सुवच॒स्यामि॑यर्मि॒ सिंधा॑विव॒ प्रेर॑यं॒ नाव॑म॒र्कैः ।
अया॑ इव॒ परि॑ चरंति दे॒वा ये अ॒स्मभ्यं॑ धन॒दा उ॒द्भिद॑श्च ॥
Samhita Devanagari Nonaccented
प्रेंद्राग्निभ्यां सुवचस्यामियर्मि सिंधाविव प्रेरयं नावमर्कैः ।
अया इव परि चरंति देवा ये अस्मभ्यं धनदा उद्भिदश्च ॥
Samhita Transcription Accented
préndrāgníbhyām suvacasyā́miyarmi síndhāviva prérayam nā́vamarkáiḥ ǀ
áyā iva pári caranti devā́ yé asmábhyam dhanadā́ udbhídaśca ǁ
Samhita Transcription Nonaccented
prendrāgnibhyām suvacasyāmiyarmi sindhāviva prerayam nāvamarkaiḥ ǀ
ayā iva pari caranti devā ye asmabhyam dhanadā udbhidaśca ǁ
Padapatha Devanagari Accented
प्र । इ॒न्द्रा॒ग्निऽभ्या॑म् । सु॒ऽव॒च॒स्याम् । इ॒य॒र्मि॒ । सिन्धौ॑ऽइव । प्र । ई॒र॒य॒म् । नाव॑म् । अ॒र्कैः ।
अयाः॑ऽइव । परि॑ । च॒र॒न्ति॒ । दे॒वाः । ये । अ॒स्मभ्य॑म् । ध॒न॒ऽदाः । उ॒त्ऽभिदः॑ । च॒ ॥
Padapatha Devanagari Nonaccented
प्र । इन्द्राग्निऽभ्याम् । सुऽवचस्याम् । इयर्मि । सिन्धौऽइव । प्र । ईरयम् । नावम् । अर्कैः ।
अयाःऽइव । परि । चरन्ति । देवाः । ये । अस्मभ्यम् । धनऽदाः । उत्ऽभिदः । च ॥
Padapatha Transcription Accented
prá ǀ indrāgní-bhyām ǀ su-vacasyā́m ǀ iyarmi ǀ síndhau-iva ǀ prá ǀ īrayam ǀ nā́vam ǀ arkáiḥ ǀ
áyāḥ-iva ǀ pári ǀ caranti ǀ devā́ḥ ǀ yé ǀ asmábhyam ǀ dhana-dā́ḥ ǀ ut-bhídaḥ ǀ ca ǁ
Padapatha Transcription Nonaccented
pra ǀ indrāgni-bhyām ǀ su-vacasyām ǀ iyarmi ǀ sindhau-iva ǀ pra ǀ īrayam ǀ nāvam ǀ arkaiḥ ǀ
ayāḥ-iva ǀ pari ǀ caranti ǀ devāḥ ǀ ye ǀ asmabhyam ǀ dhana-dāḥ ǀ ut-bhidaḥ ǀ ca ǁ