|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 117
|
1. Info |
| To: | dasyat | |
| From: | bhikṣu āṅgirasa | |
| Metres: | 1st set of styles: nicṛttriṣṭup (3, 7, 9); triṣṭup (4, 6); nicṛjjagatī (1); pādanicṛjjgatī (2); virāṭtrisṭup (5); bhuriktriṣṭup (8) 2nd set of styles: triṣṭubh (3-9); jagatī (1, 2) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.117.01 (Mandala. Sukta. Rik)
8.6.22.01 (Ashtaka. Adhyaya. Varga. Rik)
10.10.039 (Mandala. Anuvāka. Rik)
Samhita Devanagari Accented
न वा उ॑ दे॒वाः क्षुध॒मिद्व॒धं द॑दुरु॒ताशि॑त॒मुप॑ गच्छंति मृ॒त्यवः॑ ।
उ॒तो र॒यिः पृ॑ण॒तो नोप॑ दस्यत्यु॒तापृ॑णन्मर्डि॒तारं॒ न विं॑दते ॥
Samhita Devanagari Nonaccented
न वा उ देवाः क्षुधमिद्वधं ददुरुताशितमुप गच्छंति मृत्यवः ।
उतो रयिः पृणतो नोप दस्यत्युतापृणन्मर्डितारं न विंदते ॥
Samhita Transcription Accented
ná vā́ u devā́ḥ kṣúdhamídvadhám dadurutā́śitamúpa gacchanti mṛtyávaḥ ǀ
utó rayíḥ pṛṇató nópa dasyatyutā́pṛṇanmarḍitā́ram ná vindate ǁ
Samhita Transcription Nonaccented
na vā u devāḥ kṣudhamidvadham dadurutāśitamupa gacchanti mṛtyavaḥ ǀ
uto rayiḥ pṛṇato nopa dasyatyutāpṛṇanmarḍitāram na vindate ǁ
Padapatha Devanagari Accented
न । वै । ऊं॒ इति॑ । दे॒वाः । क्षुध॑म् । इत् । व॒धम् । द॒दुः॒ । उ॒त । आशि॑तम् । उप॑ । ग॒च्छ॒न्ति॒ । मृ॒त्यवः॑ ।
उ॒तो इति॑ । र॒यिः । पृ॒ण॒तः । न । उप॑ । द॒स्य॒ति॒ । उ॒त । अपृ॑णन् । म॒र्डि॒तार॑म् । न । वि॒न्द॒ते॒ ॥
Padapatha Devanagari Nonaccented
न । वै । ऊं इति । देवाः । क्षुधम् । इत् । वधम् । ददुः । उत । आशितम् । उप । गच्छन्ति । मृत्यवः ।
उतो इति । रयिः । पृणतः । न । उप । दस्यति । उत । अपृणन् । मर्डितारम् । न । विन्दते ॥
Padapatha Transcription Accented
ná ǀ vái ǀ ūṃ íti ǀ devā́ḥ ǀ kṣúdham ǀ ít ǀ vadhám ǀ daduḥ ǀ utá ǀ ā́śitam ǀ úpa ǀ gacchanti ǀ mṛtyávaḥ ǀ
utó íti ǀ rayíḥ ǀ pṛṇatáḥ ǀ ná ǀ úpa ǀ dasyati ǀ utá ǀ ápṛṇan ǀ marḍitā́ram ǀ ná ǀ vindate ǁ
Padapatha Transcription Nonaccented
na ǀ vai ǀ ūṃ iti ǀ devāḥ ǀ kṣudham ǀ it ǀ vadham ǀ daduḥ ǀ uta ǀ āśitam ǀ upa ǀ gacchanti ǀ mṛtyavaḥ ǀ
uto iti ǀ rayiḥ ǀ pṛṇataḥ ǀ na ǀ upa ǀ dasyati ǀ uta ǀ apṛṇan ǀ marḍitāram ǀ na ǀ vindate ǁ
10.117.02 (Mandala. Sukta. Rik)
8.6.22.02 (Ashtaka. Adhyaya. Varga. Rik)
10.10.040 (Mandala. Anuvāka. Rik)
Samhita Devanagari Accented
य आ॒ध्राय॑ चकमा॒नाय॑ पि॒त्वोऽन्न॑वा॒न्त्सन्र॑फि॒तायो॑पज॒ग्मुषे॑ ।
स्थि॒रं मनः॑ कृणु॒ते सेव॑ते पु॒रोतो चि॒त्स म॑र्डि॒तारं॒ न विं॑दते ॥
Samhita Devanagari Nonaccented
य आध्राय चकमानाय पित्वोऽन्नवान्त्सन्रफितायोपजग्मुषे ।
स्थिरं मनः कृणुते सेवते पुरोतो चित्स मर्डितारं न विंदते ॥
Samhita Transcription Accented
yá ādhrā́ya cakamānā́ya pitvó’nnavāntsánraphitā́yopajagmúṣe ǀ
sthirám mánaḥ kṛṇuté sévate purótó citsá marḍitā́ram ná vindate ǁ
Samhita Transcription Nonaccented
ya ādhrāya cakamānāya pitvo’nnavāntsanraphitāyopajagmuṣe ǀ
sthiram manaḥ kṛṇute sevate puroto citsa marḍitāram na vindate ǁ
Padapatha Devanagari Accented
यः । आ॒ध्राय॑ । च॒क॒मा॒नाय॑ । पि॒त्वः । अन्न॑ऽवान् । सन् । र॒फि॒ताय॑ । उ॒प॒ऽज॒ग्मुषे॑ ।
स्थि॒रम् । मनः॑ । कृ॒णु॒ते । सेव॑ते । पु॒रा । उ॒तो इति॑ । चि॒त् । सः । म॒र्डि॒तार॑म् । न । वि॒न्द॒ते॒ ॥
Padapatha Devanagari Nonaccented
यः । आध्राय । चकमानाय । पित्वः । अन्नऽवान् । सन् । रफिताय । उपऽजग्मुषे ।
स्थिरम् । मनः । कृणुते । सेवते । पुरा । उतो इति । चित् । सः । मर्डितारम् । न । विन्दते ॥
Padapatha Transcription Accented
yáḥ ǀ ādhrā́ya ǀ cakamānā́ya ǀ pitváḥ ǀ ánna-vān ǀ sán ǀ raphitā́ya ǀ upa-jagmúṣe ǀ
sthirám ǀ mánaḥ ǀ kṛṇuté ǀ sévate ǀ purā́ ǀ utó íti ǀ cit ǀ sáḥ ǀ marḍitā́ram ǀ ná ǀ vindate ǁ
Padapatha Transcription Nonaccented
yaḥ ǀ ādhrāya ǀ cakamānāya ǀ pitvaḥ ǀ anna-vān ǀ san ǀ raphitāya ǀ upa-jagmuṣe ǀ
sthiram ǀ manaḥ ǀ kṛṇute ǀ sevate ǀ purā ǀ uto iti ǀ cit ǀ saḥ ǀ marḍitāram ǀ na ǀ vindate ǁ
10.117.03 (Mandala. Sukta. Rik)
8.6.22.03 (Ashtaka. Adhyaya. Varga. Rik)
10.10.041 (Mandala. Anuvāka. Rik)
Samhita Devanagari Accented
स इद्भो॒जो यो गृ॒हवे॒ ददा॒त्यन्न॑कामाय॒ चर॑ते कृ॒शाय॑ ।
अर॑मस्मै भवति॒ याम॑हूता उ॒ताप॒रीषु॑ कृणुते॒ सखा॑यं ॥
Samhita Devanagari Nonaccented
स इद्भोजो यो गृहवे ददात्यन्नकामाय चरते कृशाय ।
अरमस्मै भवति यामहूता उतापरीषु कृणुते सखायं ॥
Samhita Transcription Accented
sá ídbhojó yó gṛháve dádātyánnakāmāya cárate kṛśā́ya ǀ
áramasmai bhavati yā́mahūtā utā́parī́ṣu kṛṇute sákhāyam ǁ
Samhita Transcription Nonaccented
sa idbhojo yo gṛhave dadātyannakāmāya carate kṛśāya ǀ
aramasmai bhavati yāmahūtā utāparīṣu kṛṇute sakhāyam ǁ
Padapatha Devanagari Accented
सः । इत् । भो॒जः । यः । गृ॒हवे॑ । ददा॑ति । अन्न॑ऽकामाय । चर॑ते । कृ॒शाय॑ ।
अर॑म् । अ॒स्मै॒ । भ॒व॒ति॒ । याम॑ऽहूतौ । उ॒त । अ॒प॒रीषु॑ । कृ॒णु॒ते॒ । सखा॑यम् ॥
Padapatha Devanagari Nonaccented
सः । इत् । भोजः । यः । गृहवे । ददाति । अन्नऽकामाय । चरते । कृशाय ।
अरम् । अस्मै । भवति । यामऽहूतौ । उत । अपरीषु । कृणुते । सखायम् ॥
Padapatha Transcription Accented
sáḥ ǀ ít ǀ bhojáḥ ǀ yáḥ ǀ gṛháve ǀ dádāti ǀ ánna-kāmāya ǀ cárate ǀ kṛśā́ya ǀ
áram ǀ asmai ǀ bhavati ǀ yā́ma-hūtau ǀ utá ǀ aparī́ṣu ǀ kṛṇute ǀ sákhāyam ǁ
Padapatha Transcription Nonaccented
saḥ ǀ it ǀ bhojaḥ ǀ yaḥ ǀ gṛhave ǀ dadāti ǀ anna-kāmāya ǀ carate ǀ kṛśāya ǀ
aram ǀ asmai ǀ bhavati ǀ yāma-hūtau ǀ uta ǀ aparīṣu ǀ kṛṇute ǀ sakhāyam ǁ
10.117.04 (Mandala. Sukta. Rik)
8.6.22.04 (Ashtaka. Adhyaya. Varga. Rik)
10.10.042 (Mandala. Anuvāka. Rik)
Samhita Devanagari Accented
न स सखा॒ यो न ददा॑ति॒ सख्ये॑ सचा॒भुवे॒ सच॑मानाय पि॒त्वः ।
अपा॑स्मा॒त्प्रेया॒न्न तदोको॑ अस्ति पृ॒णंत॑म॒न्यमर॑णं चिदिच्छेत् ॥
Samhita Devanagari Nonaccented
न स सखा यो न ददाति सख्ये सचाभुवे सचमानाय पित्वः ।
अपास्मात्प्रेयान्न तदोको अस्ति पृणंतमन्यमरणं चिदिच्छेत् ॥
Samhita Transcription Accented
ná sá sákhā yó ná dádāti sákhye sacābhúve sácamānāya pitváḥ ǀ
ápāsmātpréyānná tádóko asti pṛṇántamanyámáraṇam cidicchet ǁ
Samhita Transcription Nonaccented
na sa sakhā yo na dadāti sakhye sacābhuve sacamānāya pitvaḥ ǀ
apāsmātpreyānna tadoko asti pṛṇantamanyamaraṇam cidicchet ǁ
Padapatha Devanagari Accented
न । सः । सखा॑ । यः । न । ददा॑ति । सख्ये॑ । स॒चा॒ऽभुवे॑ । सच॑मानाय । पि॒त्वः ।
अप॑ । अ॒स्मा॒त् । प्र । इ॒या॒त् । न । तत् । ओकः॑ । अ॒स्ति॒ । पृ॒णन्त॑म् । अ॒न्यम् । अर॑णम् । चि॒त् । इ॒च्छे॒त् ॥
Padapatha Devanagari Nonaccented
न । सः । सखा । यः । न । ददाति । सख्ये । सचाऽभुवे । सचमानाय । पित्वः ।
अप । अस्मात् । प्र । इयात् । न । तत् । ओकः । अस्ति । पृणन्तम् । अन्यम् । अरणम् । चित् । इच्छेत् ॥
Padapatha Transcription Accented
ná ǀ sáḥ ǀ sákhā ǀ yáḥ ǀ ná ǀ dádāti ǀ sákhye ǀ sacā-bhúve ǀ sácamānāya ǀ pitváḥ ǀ
ápa ǀ asmāt ǀ prá ǀ iyāt ǀ ná ǀ tát ǀ ókaḥ ǀ asti ǀ pṛṇántam ǀ anyám ǀ áraṇam ǀ cit ǀ icchet ǁ
Padapatha Transcription Nonaccented
na ǀ saḥ ǀ sakhā ǀ yaḥ ǀ na ǀ dadāti ǀ sakhye ǀ sacā-bhuve ǀ sacamānāya ǀ pitvaḥ ǀ
apa ǀ asmāt ǀ pra ǀ iyāt ǀ na ǀ tat ǀ okaḥ ǀ asti ǀ pṛṇantam ǀ anyam ǀ araṇam ǀ cit ǀ icchet ǁ
10.117.05 (Mandala. Sukta. Rik)
8.6.22.05 (Ashtaka. Adhyaya. Varga. Rik)
10.10.043 (Mandala. Anuvāka. Rik)
Samhita Devanagari Accented
पृ॒णी॒यादिन्नाध॑मानाय॒ तव्यां॒द्राघी॑यांस॒मनु॑ पश्येत॒ पंथां॑ ।
ओ हि वर्तं॑ते॒ रथ्ये॑व च॒क्रान्यम॑न्य॒मुप॑ तिष्ठंत॒ रायः॑ ॥
Samhita Devanagari Nonaccented
पृणीयादिन्नाधमानाय तव्यांद्राघीयांसमनु पश्येत पंथां ।
ओ हि वर्तंते रथ्येव चक्रान्यमन्यमुप तिष्ठंत रायः ॥
Samhita Transcription Accented
pṛṇīyā́dínnā́dhamānāya távyāndrā́ghīyāṃsamánu paśyeta pánthām ǀ
ó hí vártante ráthyeva cakrā́nyámanyamúpa tiṣṭhanta rā́yaḥ ǁ
Samhita Transcription Nonaccented
pṛṇīyādinnādhamānāya tavyāndrāghīyāṃsamanu paśyeta panthām ǀ
o hi vartante rathyeva cakrānyamanyamupa tiṣṭhanta rāyaḥ ǁ
Padapatha Devanagari Accented
पृ॒णी॒यात् । इत् । नाध॑मानाय । तव्या॑न् । द्राघी॑यांसम् । अनु॑ । प॒श्ये॒त॒ । पन्था॑म् ।
ओ इति॑ । हि । वर्त॑न्ते । रथ्या॑ऽइव । च॒क्रा । अ॒न्यम्ऽअ॑न्यम् । उप॑ । ति॒ष्ठ॒न्त॒ । रायः॑ ॥
Padapatha Devanagari Nonaccented
पृणीयात् । इत् । नाधमानाय । तव्यान् । द्राघीयांसम् । अनु । पश्येत । पन्थाम् ।
ओ इति । हि । वर्तन्ते । रथ्याऽइव । चक्रा । अन्यम्ऽअन्यम् । उप । तिष्ठन्त । रायः ॥
Padapatha Transcription Accented
pṛṇīyā́t ǀ ít ǀ nā́dhamānāya ǀ távyān ǀ drā́ghīyāṃsam ǀ ánu ǀ paśyeta ǀ pánthām ǀ
ó íti ǀ hí ǀ vártante ǀ ráthyā-iva ǀ cakrā́ ǀ anyám-anyam ǀ úpa ǀ tiṣṭhanta ǀ rā́yaḥ ǁ
Padapatha Transcription Nonaccented
pṛṇīyāt ǀ it ǀ nādhamānāya ǀ tavyān ǀ drāghīyāṃsam ǀ anu ǀ paśyeta ǀ panthām ǀ
o iti ǀ hi ǀ vartante ǀ rathyā-iva ǀ cakrā ǀ anyam-anyam ǀ upa ǀ tiṣṭhanta ǀ rāyaḥ ǁ
10.117.06 (Mandala. Sukta. Rik)
8.6.23.01 (Ashtaka. Adhyaya. Varga. Rik)
10.10.044 (Mandala. Anuvāka. Rik)
Samhita Devanagari Accented
मोघ॒मन्नं॑ विंदते॒ अप्र॑चेताः स॒त्यं ब्र॑वीमि व॒ध इत्स तस्य॑ ।
नार्य॒मणं॒ पुष्य॑ति॒ नो सखा॑यं॒ केव॑लाघो भवति केवला॒दी ॥
Samhita Devanagari Nonaccented
मोघमन्नं विंदते अप्रचेताः सत्यं ब्रवीमि वध इत्स तस्य ।
नार्यमणं पुष्यति नो सखायं केवलाघो भवति केवलादी ॥
Samhita Transcription Accented
móghamánnam vindate ápracetāḥ satyám bravīmi vadhá ítsá tásya ǀ
nā́ryamáṇam púṣyati nó sákhāyam kévalāgho bhavati kevalādī́ ǁ
Samhita Transcription Nonaccented
moghamannam vindate apracetāḥ satyam bravīmi vadha itsa tasya ǀ
nāryamaṇam puṣyati no sakhāyam kevalāgho bhavati kevalādī ǁ
Padapatha Devanagari Accented
मोघ॑म् । अन्न॑म् । वि॒न्द॒ते॒ । अप्र॑ऽचेताः । स॒त्यम् । ब्र॒वी॒मि॒ । व॒धः । इत् । सः । तस्य॑ ।
न । अ॒र्य॒मण॑म् । पुष्य॑ति । नो इति॑ । सखा॑यम् । केव॑लऽअघः । भ॒व॒ति॒ । के॒व॒ल॒ऽआ॒दी ॥
Padapatha Devanagari Nonaccented
मोघम् । अन्नम् । विन्दते । अप्रऽचेताः । सत्यम् । ब्रवीमि । वधः । इत् । सः । तस्य ।
न । अर्यमणम् । पुष्यति । नो इति । सखायम् । केवलऽअघः । भवति । केवलऽआदी ॥
Padapatha Transcription Accented
mógham ǀ ánnam ǀ vindate ǀ ápra-cetāḥ ǀ satyám ǀ bravīmi ǀ vadháḥ ǀ ít ǀ sáḥ ǀ tásya ǀ
ná ǀ aryamáṇam ǀ púṣyati ǀ nó íti ǀ sákhāyam ǀ kévala-aghaḥ ǀ bhavati ǀ kevala-ādī́ ǁ
Padapatha Transcription Nonaccented
mogham ǀ annam ǀ vindate ǀ apra-cetāḥ ǀ satyam ǀ bravīmi ǀ vadhaḥ ǀ it ǀ saḥ ǀ tasya ǀ
na ǀ aryamaṇam ǀ puṣyati ǀ no iti ǀ sakhāyam ǀ kevala-aghaḥ ǀ bhavati ǀ kevala-ādī ǁ
10.117.07 (Mandala. Sukta. Rik)
8.6.23.02 (Ashtaka. Adhyaya. Varga. Rik)
10.10.045 (Mandala. Anuvāka. Rik)
Samhita Devanagari Accented
कृ॒षन्नित्फाल॒ आशि॑तं कृणोति॒ यन्नध्वा॑न॒मप॑ वृंक्ते च॒रित्रैः॑ ।
वद॑न्ब्र॒ह्माव॑दतो॒ वनी॑यान्पृ॒णन्ना॒पिरपृ॑णंतम॒भि ष्या॑त् ॥
Samhita Devanagari Nonaccented
कृषन्नित्फाल आशितं कृणोति यन्नध्वानमप वृंक्ते चरित्रैः ।
वदन्ब्रह्मावदतो वनीयान्पृणन्नापिरपृणंतमभि ष्यात् ॥
Samhita Transcription Accented
kṛṣánnítphā́la ā́śitam kṛṇoti yánnádhvānamápa vṛṅkte carítraiḥ ǀ
vádanbrahmā́vadato vánīyānpṛṇánnāpírápṛṇantamabhí ṣyāt ǁ
Samhita Transcription Nonaccented
kṛṣannitphāla āśitam kṛṇoti yannadhvānamapa vṛṅkte caritraiḥ ǀ
vadanbrahmāvadato vanīyānpṛṇannāpirapṛṇantamabhi ṣyāt ǁ
Padapatha Devanagari Accented
कृ॒षन् । इत् । फालः॑ । आशि॑तम् । कृ॒णो॒ति॒ । यन् । अध्वा॑नम् । अप॑ । वृ॒ङ्क्ते॒ । च॒रित्रैः॑ ।
वद॑न् । ब्र॒ह्मा । अव॑दतः । वनी॑यान् । पृ॒णन् । आ॒पिः । अपृ॑णन्तम् । अ॒भि । स्या॒त् ॥
Padapatha Devanagari Nonaccented
कृषन् । इत् । फालः । आशितम् । कृणोति । यन् । अध्वानम् । अप । वृङ्क्ते । चरित्रैः ।
वदन् । ब्रह्मा । अवदतः । वनीयान् । पृणन् । आपिः । अपृणन्तम् । अभि । स्यात् ॥
Padapatha Transcription Accented
kṛṣán ǀ ít ǀ phā́laḥ ǀ ā́śitam ǀ kṛṇoti ǀ yán ǀ ádhvānam ǀ ápa ǀ vṛṅkte ǀ carítraiḥ ǀ
vádan ǀ brahmā́ ǀ ávadataḥ ǀ vánīyān ǀ pṛṇán ǀ āpíḥ ǀ ápṛṇantam ǀ abhí ǀ syāt ǁ
Padapatha Transcription Nonaccented
kṛṣan ǀ it ǀ phālaḥ ǀ āśitam ǀ kṛṇoti ǀ yan ǀ adhvānam ǀ apa ǀ vṛṅkte ǀ caritraiḥ ǀ
vadan ǀ brahmā ǀ avadataḥ ǀ vanīyān ǀ pṛṇan ǀ āpiḥ ǀ apṛṇantam ǀ abhi ǀ syāt ǁ
10.117.08 (Mandala. Sukta. Rik)
8.6.23.03 (Ashtaka. Adhyaya. Varga. Rik)
10.10.046 (Mandala. Anuvāka. Rik)
Samhita Devanagari Accented
एक॑पा॒द्भूयो॑ द्वि॒पदो॒ वि च॑क्रमे द्वि॒पात्त्रि॒पाद॑म॒भ्ये॑ति प॒श्चात् ।
चतु॑ष्पादेति द्वि॒पदा॑मभिस्व॒रे सं॒पश्य॑न्पं॒क्तीरु॑प॒तिष्ठ॑मानः ॥
Samhita Devanagari Nonaccented
एकपाद्भूयो द्विपदो वि चक्रमे द्विपात्त्रिपादमभ्येति पश्चात् ।
चतुष्पादेति द्विपदामभिस्वरे संपश्यन्पंक्तीरुपतिष्ठमानः ॥
Samhita Transcription Accented
ékapādbhū́yo dvipádo ví cakrame dvipā́ttripā́damabhyéti paścā́t ǀ
cátuṣpādeti dvipádāmabhisvaré sampáśyanpaṅktī́rupatíṣṭhamānaḥ ǁ
Samhita Transcription Nonaccented
ekapādbhūyo dvipado vi cakrame dvipāttripādamabhyeti paścāt ǀ
catuṣpādeti dvipadāmabhisvare sampaśyanpaṅktīrupatiṣṭhamānaḥ ǁ
Padapatha Devanagari Accented
एक॑ऽपात् । भूयः॑ । द्वि॒ऽपदः॑ । वि । च॒क्र॒मे॒ । द्वि॒ऽपात् । त्रि॒ऽपाद॑म् । अ॒भि । ए॒ति॒ । प॒श्चात् ।
चतुः॑ऽपात् । ए॒ति॒ । द्वि॒ऽपदा॑म् । अ॒भि॒ऽस्व॒रे । स॒म्ऽपश्य॑न् । प॒ङ्क्तीः । उ॒प॒ऽतिष्ठ॑मानः ॥
Padapatha Devanagari Nonaccented
एकऽपात् । भूयः । द्विऽपदः । वि । चक्रमे । द्विऽपात् । त्रिऽपादम् । अभि । एति । पश्चात् ।
चतुःऽपात् । एति । द्विऽपदाम् । अभिऽस्वरे । सम्ऽपश्यन् । पङ्क्तीः । उपऽतिष्ठमानः ॥
Padapatha Transcription Accented
éka-pāt ǀ bhū́yaḥ ǀ dvi-pádaḥ ǀ ví ǀ cakrame ǀ dvi-pā́t ǀ tri-pā́dam ǀ abhí ǀ eti ǀ paścā́t ǀ
cátuḥ-pāt ǀ eti ǀ dvi-pádām ǀ abhi-svaré ǀ sam-páśyan ǀ paṅktī́ḥ ǀ upa-tíṣṭhamānaḥ ǁ
Padapatha Transcription Nonaccented
eka-pāt ǀ bhūyaḥ ǀ dvi-padaḥ ǀ vi ǀ cakrame ǀ dvi-pāt ǀ tri-pādam ǀ abhi ǀ eti ǀ paścāt ǀ
catuḥ-pāt ǀ eti ǀ dvi-padām ǀ abhi-svare ǀ sam-paśyan ǀ paṅktīḥ ǀ upa-tiṣṭhamānaḥ ǁ
10.117.09 (Mandala. Sukta. Rik)
8.6.23.04 (Ashtaka. Adhyaya. Varga. Rik)
10.10.047 (Mandala. Anuvāka. Rik)
Samhita Devanagari Accented
स॒मौ चि॒द्धस्तौ॒ न स॒मं वि॑विष्टः सम्मा॒तरा॑ चि॒न्न स॒मं दु॑हाते ।
य॒मयो॑श्चि॒न्न स॒मा वी॒र्या॑णि ज्ञा॒ती चि॒त्संतौ॒ न स॒मं पृ॑णीतः ॥
Samhita Devanagari Nonaccented
समौ चिद्धस्तौ न समं विविष्टः सम्मातरा चिन्न समं दुहाते ।
यमयोश्चिन्न समा वीर्याणि ज्ञाती चित्संतौ न समं पृणीतः ॥
Samhita Transcription Accented
samáu ciddhástau ná samám viviṣṭaḥ sammātárā cinná samám duhāte ǀ
yamáyościnná samā́ vīryā́ṇi jñātī́ citsántau ná samám pṛṇītaḥ ǁ
Samhita Transcription Nonaccented
samau ciddhastau na samam viviṣṭaḥ sammātarā cinna samam duhāte ǀ
yamayościnna samā vīryāṇi jñātī citsantau na samam pṛṇītaḥ ǁ
Padapatha Devanagari Accented
स॒मौ । चि॒त् । हस्तौ॑ । न । स॒मम् । वि॒वि॒ष्टः॒ । स॒म्ऽमा॒तरा॑ । चि॒त् । न । स॒मम् । दु॒हा॒ते॒ इति॑ ।
य॒मयोः॑ । चि॒त् । न । स॒मा । वी॒र्या॑णि । ज्ञा॒ती इति॑ । चि॒त् । सन्तौ॑ । न । स॒मम् । पृ॒णी॒तः॒ ॥
Padapatha Devanagari Nonaccented
समौ । चित् । हस्तौ । न । समम् । विविष्टः । सम्ऽमातरा । चित् । न । समम् । दुहाते इति ।
यमयोः । चित् । न । समा । वीर्याणि । ज्ञाती इति । चित् । सन्तौ । न । समम् । पृणीतः ॥
Padapatha Transcription Accented
samáu ǀ cit ǀ hástau ǀ ná ǀ samám ǀ viviṣṭaḥ ǀ sam-mātárā ǀ cit ǀ ná ǀ samám ǀ duhāte íti ǀ
yamáyoḥ ǀ cit ǀ ná ǀ samā́ ǀ vīryā́ṇi ǀ jñātī́ íti ǀ cit ǀ sántau ǀ ná ǀ samám ǀ pṛṇītaḥ ǁ
Padapatha Transcription Nonaccented
samau ǀ cit ǀ hastau ǀ na ǀ samam ǀ viviṣṭaḥ ǀ sam-mātarā ǀ cit ǀ na ǀ samam ǀ duhāte iti ǀ
yamayoḥ ǀ cit ǀ na ǀ samā ǀ vīryāṇi ǀ jñātī iti ǀ cit ǀ santau ǀ na ǀ samam ǀ pṛṇītaḥ ǁ