|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 123
|
1. Info |
| To: | vena | |
| From: | vena bhārgava | |
| Metres: | 1st set of styles: triṣṭup (2-4, 6, 8); nicṛttriṣṭup (1, 5, 7) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.123.01 (Mandala. Sukta. Rik)
8.7.07.01 (Ashtaka. Adhyaya. Varga. Rik)
10.10.097 (Mandala. Anuvāka. Rik)
Samhita Devanagari Accented
अ॒यं वे॒नश्चो॑दय॒त्पृश्नि॑गर्भा॒ ज्योति॑र्जरायू॒ रज॑सो वि॒माने॑ ।
इ॒मम॒पां सं॑ग॒मे सूर्य॑स्य॒ शिशुं॒ न विप्रा॑ म॒तिभी॑ रिहंति ॥
Samhita Devanagari Nonaccented
अयं वेनश्चोदयत्पृश्निगर्भा ज्योतिर्जरायू रजसो विमाने ।
इममपां संगमे सूर्यस्य शिशुं न विप्रा मतिभी रिहंति ॥
Samhita Transcription Accented
ayám venáścodayatpṛ́śnigarbhā jyótirjarāyū rájaso vimā́ne ǀ
imámapā́m saṃgamé sū́ryasya śíśum ná víprā matíbhī rihanti ǁ
Samhita Transcription Nonaccented
ayam venaścodayatpṛśnigarbhā jyotirjarāyū rajaso vimāne ǀ
imamapām saṃgame sūryasya śiśum na viprā matibhī rihanti ǁ
Padapatha Devanagari Accented
अ॒यम् । वे॒नः । चो॒द॒य॒त् । पृश्नि॑ऽगर्भाः । ज्योतिः॑ऽजरायुः । रज॑सः । वि॒ऽमाने॑ ।
इ॒मम् । अ॒पाम् । स॒म्ऽग॒मे । सूर्य॑स्य । शिशु॑म् । न । विप्राः॑ । म॒तिऽभिः॑ । रि॒ह॒न्ति॒ ॥
Padapatha Devanagari Nonaccented
अयम् । वेनः । चोदयत् । पृश्निऽगर्भाः । ज्योतिःऽजरायुः । रजसः । विऽमाने ।
इमम् । अपाम् । सम्ऽगमे । सूर्यस्य । शिशुम् । न । विप्राः । मतिऽभिः । रिहन्ति ॥
Padapatha Transcription Accented
ayám ǀ venáḥ ǀ codayat ǀ pṛ́śni-garbhāḥ ǀ jyótiḥ-jarāyuḥ ǀ rájasaḥ ǀ vi-mā́ne ǀ
imám ǀ apā́m ǀ sam-gamé ǀ sū́ryasya ǀ śíśum ǀ ná ǀ víprāḥ ǀ matí-bhiḥ ǀ rihanti ǁ
Padapatha Transcription Nonaccented
ayam ǀ venaḥ ǀ codayat ǀ pṛśni-garbhāḥ ǀ jyotiḥ-jarāyuḥ ǀ rajasaḥ ǀ vi-māne ǀ
imam ǀ apām ǀ sam-game ǀ sūryasya ǀ śiśum ǀ na ǀ viprāḥ ǀ mati-bhiḥ ǀ rihanti ǁ
10.123.02 (Mandala. Sukta. Rik)
8.7.07.02 (Ashtaka. Adhyaya. Varga. Rik)
10.10.098 (Mandala. Anuvāka. Rik)
Samhita Devanagari Accented
स॒मु॒द्रादू॒र्मिमुदि॑यर्ति वे॒नो न॑भो॒जाः पृ॒ष्ठं ह॑र्य॒तस्य॑ दर्शि ।
ऋ॒तस्य॒ साना॒वधि॑ वि॒ष्टपि॒ भ्राट् स॑मा॒नं योनि॑म॒भ्य॑नूषत॒ व्राः ॥
Samhita Devanagari Nonaccented
समुद्रादूर्मिमुदियर्ति वेनो नभोजाः पृष्ठं हर्यतस्य दर्शि ।
ऋतस्य सानावधि विष्टपि भ्राट् समानं योनिमभ्यनूषत व्राः ॥
Samhita Transcription Accented
samudrā́dūrmímúdiyarti venó nabhojā́ḥ pṛṣṭhám haryatásya darśi ǀ
ṛtásya sā́nāvádhi viṣṭápi bhrā́ṭ samānám yónimabhyánūṣata vrā́ḥ ǁ
Samhita Transcription Nonaccented
samudrādūrmimudiyarti veno nabhojāḥ pṛṣṭham haryatasya darśi ǀ
ṛtasya sānāvadhi viṣṭapi bhrāṭ samānam yonimabhyanūṣata vrāḥ ǁ
Padapatha Devanagari Accented
स॒मु॒द्रात् । ऊ॒र्मिम् । उत् । इ॒य॒र्ति॒ । वे॒नः । न॒भः॒ऽजाः । पृ॒ष्ठम् । ह॒र्य॒तस्य॑ । द॒र्शि॒ ।
ऋ॒तस्य॑ । सानौ॑ । अधि॑ । वि॒ष्टपि॑ । भ्राट् । स॒मा॒नम् । योनि॑म् । अ॒भि । अ॒नू॒ष॒त॒ । व्राः ॥
Padapatha Devanagari Nonaccented
समुद्रात् । ऊर्मिम् । उत् । इयर्ति । वेनः । नभःऽजाः । पृष्ठम् । हर्यतस्य । दर्शि ।
ऋतस्य । सानौ । अधि । विष्टपि । भ्राट् । समानम् । योनिम् । अभि । अनूषत । व्राः ॥
Padapatha Transcription Accented
samudrā́t ǀ ūrmím ǀ út ǀ iyarti ǀ venáḥ ǀ nabhaḥ-jā́ḥ ǀ pṛṣṭhám ǀ haryatásya ǀ darśi ǀ
ṛtásya ǀ sā́nau ǀ ádhi ǀ viṣṭápi ǀ bhrā́ṭ ǀ samānám ǀ yónim ǀ abhí ǀ anūṣata ǀ vrā́ḥ ǁ
Padapatha Transcription Nonaccented
samudrāt ǀ ūrmim ǀ ut ǀ iyarti ǀ venaḥ ǀ nabhaḥ-jāḥ ǀ pṛṣṭham ǀ haryatasya ǀ darśi ǀ
ṛtasya ǀ sānau ǀ adhi ǀ viṣṭapi ǀ bhrāṭ ǀ samānam ǀ yonim ǀ abhi ǀ anūṣata ǀ vrāḥ ǁ
10.123.03 (Mandala. Sukta. Rik)
8.7.07.03 (Ashtaka. Adhyaya. Varga. Rik)
10.10.099 (Mandala. Anuvāka. Rik)
Samhita Devanagari Accented
स॒मा॒नं पू॒र्वीर॒भि वा॑वशा॒नास्तिष्ठ॑न्व॒त्सस्य॑ मा॒तरः॒ सनी॑ळाः ।
ऋ॒तस्य॒ साना॒वधि॑ चक्रमा॒णा रि॒हंति॒ मध्वो॑ अ॒मृत॑स्य॒ वाणीः॑ ॥
Samhita Devanagari Nonaccented
समानं पूर्वीरभि वावशानास्तिष्ठन्वत्सस्य मातरः सनीळाः ।
ऋतस्य सानावधि चक्रमाणा रिहंति मध्वो अमृतस्य वाणीः ॥
Samhita Transcription Accented
samānám pūrvī́rabhí vāvaśānā́stíṣṭhanvatsásya mātáraḥ sánīḷāḥ ǀ
ṛtásya sā́nāvádhi cakramāṇā́ rihánti mádhvo amṛ́tasya vā́ṇīḥ ǁ
Samhita Transcription Nonaccented
samānam pūrvīrabhi vāvaśānāstiṣṭhanvatsasya mātaraḥ sanīḷāḥ ǀ
ṛtasya sānāvadhi cakramāṇā rihanti madhvo amṛtasya vāṇīḥ ǁ
Padapatha Devanagari Accented
स॒मा॒नम् । पू॒र्वीः । अ॒भि । वा॒व॒शा॒नाः । तिष्ठ॑न् । व॒त्सस्य॑ । मा॒तरः॑ । सऽनी॑ळाः ।
ऋ॒तस्य॑ । सानौ॑ । अधि॑ । च॒क्र॒मा॒णाः । रि॒हन्ति॑ । मध्वः॑ । अ॒मृत॑स्य । वाणीः॑ ॥
Padapatha Devanagari Nonaccented
समानम् । पूर्वीः । अभि । वावशानाः । तिष्ठन् । वत्सस्य । मातरः । सऽनीळाः ।
ऋतस्य । सानौ । अधि । चक्रमाणाः । रिहन्ति । मध्वः । अमृतस्य । वाणीः ॥
Padapatha Transcription Accented
samānám ǀ pūrvī́ḥ ǀ abhí ǀ vāvaśānā́ḥ ǀ tíṣṭhan ǀ vatsásya ǀ mātáraḥ ǀ sá-nīḷāḥ ǀ
ṛtásya ǀ sā́nau ǀ ádhi ǀ cakramāṇā́ḥ ǀ rihánti ǀ mádhvaḥ ǀ amṛ́tasya ǀ vā́ṇīḥ ǁ
Padapatha Transcription Nonaccented
samānam ǀ pūrvīḥ ǀ abhi ǀ vāvaśānāḥ ǀ tiṣṭhan ǀ vatsasya ǀ mātaraḥ ǀ sa-nīḷāḥ ǀ
ṛtasya ǀ sānau ǀ adhi ǀ cakramāṇāḥ ǀ rihanti ǀ madhvaḥ ǀ amṛtasya ǀ vāṇīḥ ǁ
10.123.04 (Mandala. Sukta. Rik)
8.7.07.04 (Ashtaka. Adhyaya. Varga. Rik)
10.10.100 (Mandala. Anuvāka. Rik)
Samhita Devanagari Accented
जा॒नंतो॑ रू॒पम॑कृपंत॒ विप्रा॑ मृ॒गस्य॒ घोषं॑ महि॒षस्य॒ हि ग्मन् ।
ऋ॒तेन॒ यंतो॒ अधि॒ सिंधु॑मस्थुर्वि॒दद्गं॑ध॒र्वो अ॒मृता॑नि॒ नाम॑ ॥
Samhita Devanagari Nonaccented
जानंतो रूपमकृपंत विप्रा मृगस्य घोषं महिषस्य हि ग्मन् ।
ऋतेन यंतो अधि सिंधुमस्थुर्विदद्गंधर्वो अमृतानि नाम ॥
Samhita Transcription Accented
jānánto rūpámakṛpanta víprā mṛgásya ghóṣam mahiṣásya hí gmán ǀ
ṛténa yánto ádhi síndhumasthurvidádgandharvó amṛ́tāni nā́ma ǁ
Samhita Transcription Nonaccented
jānanto rūpamakṛpanta viprā mṛgasya ghoṣam mahiṣasya hi gman ǀ
ṛtena yanto adhi sindhumasthurvidadgandharvo amṛtāni nāma ǁ
Padapatha Devanagari Accented
जा॒नन्तः॑ । रू॒पम् । अ॒कृ॒प॒न्त॒ । विप्राः॑ । मृ॒गस्य॑ । घोष॑म् । म॒हि॒षस्य॑ । हि । ग्मन् ।
ऋ॒तेन॑ । यन्तः॑ । अधि॑ । सिन्धु॑म् । अ॒स्थुः॒ । वि॒दत् । ग॒न्ध॒र्वः । अ॒मृता॑नि । नाम॑ ॥
Padapatha Devanagari Nonaccented
जानन्तः । रूपम् । अकृपन्त । विप्राः । मृगस्य । घोषम् । महिषस्य । हि । ग्मन् ।
ऋतेन । यन्तः । अधि । सिन्धुम् । अस्थुः । विदत् । गन्धर्वः । अमृतानि । नाम ॥
Padapatha Transcription Accented
jānántaḥ ǀ rūpám ǀ akṛpanta ǀ víprāḥ ǀ mṛgásya ǀ ghóṣam ǀ mahiṣásya ǀ hí ǀ gmán ǀ
ṛténa ǀ yántaḥ ǀ ádhi ǀ síndhum ǀ asthuḥ ǀ vidát ǀ gandharváḥ ǀ amṛ́tāni ǀ nā́ma ǁ
Padapatha Transcription Nonaccented
jānantaḥ ǀ rūpam ǀ akṛpanta ǀ viprāḥ ǀ mṛgasya ǀ ghoṣam ǀ mahiṣasya ǀ hi ǀ gman ǀ
ṛtena ǀ yantaḥ ǀ adhi ǀ sindhum ǀ asthuḥ ǀ vidat ǀ gandharvaḥ ǀ amṛtāni ǀ nāma ǁ
10.123.05 (Mandala. Sukta. Rik)
8.7.07.05 (Ashtaka. Adhyaya. Varga. Rik)
10.10.101 (Mandala. Anuvāka. Rik)
Samhita Devanagari Accented
अ॒प्स॒रा जा॒रमु॑पसिष्मिया॒णा योषा॑ बिभर्ति पर॒मे व्यो॑मन् ।
चर॑त्प्रि॒यस्य॒ योनि॑षु प्रि॒यः सन्त्सीद॑त्प॒क्षे हि॑र॒ण्यये॒ स वे॒नः ॥
Samhita Devanagari Nonaccented
अप्सरा जारमुपसिष्मियाणा योषा बिभर्ति परमे व्योमन् ।
चरत्प्रियस्य योनिषु प्रियः सन्त्सीदत्पक्षे हिरण्यये स वेनः ॥
Samhita Transcription Accented
apsarā́ jārámupasiṣmiyāṇā́ yóṣā bibharti paramé vyóman ǀ
cáratpriyásya yóniṣu priyáḥ sántsī́datpakṣé hiraṇyáye sá venáḥ ǁ
Samhita Transcription Nonaccented
apsarā jāramupasiṣmiyāṇā yoṣā bibharti parame vyoman ǀ
caratpriyasya yoniṣu priyaḥ santsīdatpakṣe hiraṇyaye sa venaḥ ǁ
Padapatha Devanagari Accented
अ॒प्स॒राः । जा॒रम् । उ॒प॒ऽसि॒ष्मि॒या॒णा । योषा॑ । बि॒भ॒र्ति॒ । प॒र॒मे । विऽओ॑मन् ।
चर॑त् । प्रि॒यस्य॑ । योनि॑षु । प्रि॒यः । सन् । सीद॑त् । प॒क्षे । हि॒र॒ण्यये॑ । सः । वे॒नः ॥
Padapatha Devanagari Nonaccented
अप्सराः । जारम् । उपऽसिष्मियाणा । योषा । बिभर्ति । परमे । विऽओमन् ।
चरत् । प्रियस्य । योनिषु । प्रियः । सन् । सीदत् । पक्षे । हिरण्यये । सः । वेनः ॥
Padapatha Transcription Accented
apsarā́ḥ ǀ jārám ǀ upa-siṣmiyāṇā́ ǀ yóṣā ǀ bibharti ǀ paramé ǀ ví-oman ǀ
cárat ǀ priyásya ǀ yóniṣu ǀ priyáḥ ǀ sán ǀ sī́dat ǀ pakṣé ǀ hiraṇyáye ǀ sáḥ ǀ venáḥ ǁ
Padapatha Transcription Nonaccented
apsarāḥ ǀ jāram ǀ upa-siṣmiyāṇā ǀ yoṣā ǀ bibharti ǀ parame ǀ vi-oman ǀ
carat ǀ priyasya ǀ yoniṣu ǀ priyaḥ ǀ san ǀ sīdat ǀ pakṣe ǀ hiraṇyaye ǀ saḥ ǀ venaḥ ǁ
10.123.06 (Mandala. Sukta. Rik)
8.7.08.01 (Ashtaka. Adhyaya. Varga. Rik)
10.10.102 (Mandala. Anuvāka. Rik)
Samhita Devanagari Accented
नाके॑ सुप॒र्णमुप॒ यत्पतं॑तं हृ॒दा वेनं॑तो अ॒भ्यच॑क्षत त्वा ।
हिर॑ण्यपक्षं॒ वरु॑णस्य दू॒तं य॒मस्य॒ योनौ॑ शकु॒नं भु॑र॒ण्युं ॥
Samhita Devanagari Nonaccented
नाके सुपर्णमुप यत्पतंतं हृदा वेनंतो अभ्यचक्षत त्वा ।
हिरण्यपक्षं वरुणस्य दूतं यमस्य योनौ शकुनं भुरण्युं ॥
Samhita Transcription Accented
nā́ke suparṇámúpa yátpátantam hṛdā́ vénanto abhyácakṣata tvā ǀ
híraṇyapakṣam váruṇasya dūtám yamásya yónau śakunám bhuraṇyúm ǁ
Samhita Transcription Nonaccented
nāke suparṇamupa yatpatantam hṛdā venanto abhyacakṣata tvā ǀ
hiraṇyapakṣam varuṇasya dūtam yamasya yonau śakunam bhuraṇyum ǁ
Padapatha Devanagari Accented
नाके॑ । सु॒ऽप॒र्णम् । उप॑ । यत् । पत॑न्तम् । हृ॒दा । वेन॑न्तः । अ॒भि । अच॑क्षत । त्वा॒ ।
हिर॑ण्यऽपक्ष॑म् । वरु॑णस्य । दू॒तम् । य॒मस्य॑ । योनौ॑ । श॒कु॒नम् । भु॒र॒ण्युम् ॥
Padapatha Devanagari Nonaccented
नाके । सुऽपर्णम् । उप । यत् । पतन्तम् । हृदा । वेनन्तः । अभि । अचक्षत । त्वा ।
हिरण्यऽपक्षम् । वरुणस्य । दूतम् । यमस्य । योनौ । शकुनम् । भुरण्युम् ॥
Padapatha Transcription Accented
nā́ke ǀ su-parṇám ǀ úpa ǀ yát ǀ pátantam ǀ hṛdā́ ǀ vénantaḥ ǀ abhí ǀ ácakṣata ǀ tvā ǀ
híraṇya-pakṣam ǀ váruṇasya ǀ dūtám ǀ yamásya ǀ yónau ǀ śakunám ǀ bhuraṇyúm ǁ
Padapatha Transcription Nonaccented
nāke ǀ su-parṇam ǀ upa ǀ yat ǀ patantam ǀ hṛdā ǀ venantaḥ ǀ abhi ǀ acakṣata ǀ tvā ǀ
hiraṇya-pakṣam ǀ varuṇasya ǀ dūtam ǀ yamasya ǀ yonau ǀ śakunam ǀ bhuraṇyum ǁ
10.123.07 (Mandala. Sukta. Rik)
8.7.08.02 (Ashtaka. Adhyaya. Varga. Rik)
10.10.103 (Mandala. Anuvāka. Rik)
Samhita Devanagari Accented
ऊ॒र्ध्वो गं॑ध॒र्वो अधि॒ नाके॑ अस्थात्प्र॒त्यङ्चि॒त्रा बिभ्र॑द॒स्यायु॑धानि ।
वसा॑नो॒ अत्कं॑ सुर॒भिं दृ॒शे कं स्व१॒॑र्ण नाम॑ जनत प्रि॒याणि॑ ॥
Samhita Devanagari Nonaccented
ऊर्ध्वो गंधर्वो अधि नाके अस्थात्प्रत्यङ्चित्रा बिभ्रदस्यायुधानि ।
वसानो अत्कं सुरभिं दृशे कं स्वर्ण नाम जनत प्रियाणि ॥
Samhita Transcription Accented
ūrdhvó gandharvó ádhi nā́ke asthātpratyáṅcitrā́ bíbhradasyā́yudhāni ǀ
vásāno átkam surabhím dṛśé kám svárṇá nā́ma janata priyā́ṇi ǁ
Samhita Transcription Nonaccented
ūrdhvo gandharvo adhi nāke asthātpratyaṅcitrā bibhradasyāyudhāni ǀ
vasāno atkam surabhim dṛśe kam svarṇa nāma janata priyāṇi ǁ
Padapatha Devanagari Accented
ऊ॒र्ध्वः । ग॒न्ध॒र्वः । अधि॑ । नाके॑ । अ॒स्था॒त् । प्र॒त्यङ् । चि॒त्रा । बिभ्र॑त् । अ॒स्य॒ । आयु॑धानि ।
वसा॑नः । अत्क॑म् । सु॒र॒भिम् । दृ॒शे । कम् । स्वः॑ । न । नाम॑ । ज॒न॒त॒ । प्रि॒याणि॑ ॥
Padapatha Devanagari Nonaccented
ऊर्ध्वः । गन्धर्वः । अधि । नाके । अस्थात् । प्रत्यङ् । चित्रा । बिभ्रत् । अस्य । आयुधानि ।
वसानः । अत्कम् । सुरभिम् । दृशे । कम् । स्वः । न । नाम । जनत । प्रियाणि ॥
Padapatha Transcription Accented
ūrdhváḥ ǀ gandharváḥ ǀ ádhi ǀ nā́ke ǀ asthāt ǀ pratyáṅ ǀ citrā́ ǀ bíbhrat ǀ asya ǀ ā́yudhāni ǀ
vásānaḥ ǀ átkam ǀ surabhím ǀ dṛśé ǀ kám ǀ sváḥ ǀ ná ǀ nā́ma ǀ janata ǀ priyā́ṇi ǁ
Padapatha Transcription Nonaccented
ūrdhvaḥ ǀ gandharvaḥ ǀ adhi ǀ nāke ǀ asthāt ǀ pratyaṅ ǀ citrā ǀ bibhrat ǀ asya ǀ āyudhāni ǀ
vasānaḥ ǀ atkam ǀ surabhim ǀ dṛśe ǀ kam ǀ svaḥ ǀ na ǀ nāma ǀ janata ǀ priyāṇi ǁ
10.123.08 (Mandala. Sukta. Rik)
8.7.08.03 (Ashtaka. Adhyaya. Varga. Rik)
10.10.104 (Mandala. Anuvāka. Rik)
Samhita Devanagari Accented
द्र॒प्सः स॑मु॒द्रम॒भि यज्जिगा॑ति॒ पश्य॒न्गृध्र॑स्य॒ चक्ष॑सा॒ विध॑र्मन् ।
भा॒नुः शु॒क्रेण॑ शो॒चिषा॑ चका॒नस्तृ॒तीये॑ चक्रे॒ रज॑सि प्रि॒याणि॑ ॥
Samhita Devanagari Nonaccented
द्रप्सः समुद्रमभि यज्जिगाति पश्यन्गृध्रस्य चक्षसा विधर्मन् ।
भानुः शुक्रेण शोचिषा चकानस्तृतीये चक्रे रजसि प्रियाणि ॥
Samhita Transcription Accented
drapsáḥ samudrámabhí yájjígāti páśyangṛ́dhrasya cákṣasā vídharman ǀ
bhānúḥ śukréṇa śocíṣā cakānástṛtī́ye cakre rájasi priyā́ṇi ǁ
Samhita Transcription Nonaccented
drapsaḥ samudramabhi yajjigāti paśyangṛdhrasya cakṣasā vidharman ǀ
bhānuḥ śukreṇa śociṣā cakānastṛtīye cakre rajasi priyāṇi ǁ
Padapatha Devanagari Accented
द्र॒प्सः । स॒मु॒द्रम् । अ॒भि । यत् । जिगा॑ति । पश्य॑न् । गृध्र॑स्य । चक्ष॑सा । विऽध॑र्मन् ।
भा॒नुः । शु॒क्रेण॑ । शो॒चिषा॑ । च॒का॒नः । तृ॒तीये॑ । च॒क्रे॒ । रज॑सि । प्रि॒याणि॑ ॥
Padapatha Devanagari Nonaccented
द्रप्सः । समुद्रम् । अभि । यत् । जिगाति । पश्यन् । गृध्रस्य । चक्षसा । विऽधर्मन् ।
भानुः । शुक्रेण । शोचिषा । चकानः । तृतीये । चक्रे । रजसि । प्रियाणि ॥
Padapatha Transcription Accented
drapsáḥ ǀ samudrám ǀ abhí ǀ yát ǀ jígāti ǀ páśyan ǀ gṛ́dhrasya ǀ cákṣasā ǀ ví-dharman ǀ
bhānúḥ ǀ śukréṇa ǀ śocíṣā ǀ cakānáḥ ǀ tṛtī́ye ǀ cakre ǀ rájasi ǀ priyā́ṇi ǁ
Padapatha Transcription Nonaccented
drapsaḥ ǀ samudram ǀ abhi ǀ yat ǀ jigāti ǀ paśyan ǀ gṛdhrasya ǀ cakṣasā ǀ vi-dharman ǀ
bhānuḥ ǀ śukreṇa ǀ śociṣā ǀ cakānaḥ ǀ tṛtīye ǀ cakre ǀ rajasi ǀ priyāṇi ǁ