|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 128
|
1. Info |
| To: | viśvedevās | |
| From: | vihavya āṅgirasa | |
| Metres: | 1st set of styles: triṣṭup (2, 5, 8); virāṭtrisṭup (1, 3); nicṛttriṣṭup (4, 6); bhuriktriṣṭup (7); pādanicṛjjgatī (9) 2nd set of styles: triṣṭubh (1-8); jagatī (9) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.128.01 (Mandala. Sukta. Rik)
8.7.15.01 (Ashtaka. Adhyaya. Varga. Rik)
10.10.138 (Mandala. Anuvāka. Rik)
Samhita Devanagari Accented
ममा॑ग्ने॒ वर्चो॑ विह॒वेष्व॑स्तु व॒यं त्वेंधा॑नास्त॒न्वं॑ पुषेम ।
मह्यं॑ नमंतां प्र॒दिश॒श्चत॑स्र॒स्त्वयाध्य॑क्षेण॒ पृत॑ना जयेम ॥
Samhita Devanagari Nonaccented
ममाग्ने वर्चो विहवेष्वस्तु वयं त्वेंधानास्तन्वं पुषेम ।
मह्यं नमंतां प्रदिशश्चतस्रस्त्वयाध्यक्षेण पृतना जयेम ॥
Samhita Transcription Accented
mámāgne várco vihavéṣvastu vayám tvéndhānāstanvám puṣema ǀ
máhyam namantām pradíśaścátasrastváyā́dhyakṣeṇa pṛ́tanā jayema ǁ
Samhita Transcription Nonaccented
mamāgne varco vihaveṣvastu vayam tvendhānāstanvam puṣema ǀ
mahyam namantām pradiśaścatasrastvayādhyakṣeṇa pṛtanā jayema ǁ
Padapatha Devanagari Accented
मम॑ । अ॒ग्ने॒ । वर्चः॑ । वि॒ऽह॒वेषु॑ । अ॒स्तु॒ । व॒यम् । त्वा॒ । इन्धा॑नाः । त॒न्व॑म् । पु॒षे॒म॒ ।
मह्य॑म् । न॒म॒न्ता॒म् । प्र॒ऽदिशः॑ । चत॑स्रः । त्वया॑ । अधि॑ऽअक्षेण । पृत॑नाः । ज॒ये॒म॒ ॥
Padapatha Devanagari Nonaccented
मम । अग्ने । वर्चः । विऽहवेषु । अस्तु । वयम् । त्वा । इन्धानाः । तन्वम् । पुषेम ।
मह्यम् । नमन्ताम् । प्रऽदिशः । चतस्रः । त्वया । अधिऽअक्षेण । पृतनाः । जयेम ॥
Padapatha Transcription Accented
máma ǀ agne ǀ várcaḥ ǀ vi-havéṣu ǀ astu ǀ vayám ǀ tvā ǀ índhānāḥ ǀ tanvám ǀ puṣema ǀ
máhyam ǀ namantām ǀ pra-díśaḥ ǀ cátasraḥ ǀ tváyā ǀ ádhi-akṣeṇa ǀ pṛ́tanāḥ ǀ jayema ǁ
Padapatha Transcription Nonaccented
mama ǀ agne ǀ varcaḥ ǀ vi-haveṣu ǀ astu ǀ vayam ǀ tvā ǀ indhānāḥ ǀ tanvam ǀ puṣema ǀ
mahyam ǀ namantām ǀ pra-diśaḥ ǀ catasraḥ ǀ tvayā ǀ adhi-akṣeṇa ǀ pṛtanāḥ ǀ jayema ǁ
10.128.02 (Mandala. Sukta. Rik)
8.7.15.02 (Ashtaka. Adhyaya. Varga. Rik)
10.10.139 (Mandala. Anuvāka. Rik)
Samhita Devanagari Accented
मम॑ दे॒वा वि॑ह॒वे सं॑तु॒ सर्व॒ इंद्र॑वंतो म॒रुतो॒ विष्णु॑र॒ग्निः ।
ममां॒तरि॑क्षमु॒रुलो॑कमस्तु॒ मह्यं॒ वातः॑ पवतां॒ कामे॑ अ॒स्मिन् ॥
Samhita Devanagari Nonaccented
मम देवा विहवे संतु सर्व इंद्रवंतो मरुतो विष्णुरग्निः ।
ममांतरिक्षमुरुलोकमस्तु मह्यं वातः पवतां कामे अस्मिन् ॥
Samhita Transcription Accented
máma devā́ vihavé santu sárva índravanto marúto víṣṇuragníḥ ǀ
mámāntárikṣamurúlokamastu máhyam vā́taḥ pavatām kā́me asmín ǁ
Samhita Transcription Nonaccented
mama devā vihave santu sarva indravanto maruto viṣṇuragniḥ ǀ
mamāntarikṣamurulokamastu mahyam vātaḥ pavatām kāme asmin ǁ
Padapatha Devanagari Accented
मम॑ । दे॒वाः । वि॒ऽह॒वे । स॒न्तु॒ । सर्वे॑ । इन्द्र॑ऽवन्तः । म॒रुतः॑ । विष्णुः॑ । अ॒ग्निः ।
मम॑ । अ॒न्तरि॑क्षम् । उ॒रुऽलो॑कम् । अ॒स्तु॒ । मह्य॑म् । वातः॑ । प॒व॒ता॒म् । कामे॑ । अ॒स्मिन् ॥
Padapatha Devanagari Nonaccented
मम । देवाः । विऽहवे । सन्तु । सर्वे । इन्द्रऽवन्तः । मरुतः । विष्णुः । अग्निः ।
मम । अन्तरिक्षम् । उरुऽलोकम् । अस्तु । मह्यम् । वातः । पवताम् । कामे । अस्मिन् ॥
Padapatha Transcription Accented
máma ǀ devā́ḥ ǀ vi-havé ǀ santu ǀ sárve ǀ índra-vantaḥ ǀ marútaḥ ǀ víṣṇuḥ ǀ agníḥ ǀ
máma ǀ antárikṣam ǀ urú-lokam ǀ astu ǀ máhyam ǀ vā́taḥ ǀ pavatām ǀ kā́me ǀ asmín ǁ
Padapatha Transcription Nonaccented
mama ǀ devāḥ ǀ vi-have ǀ santu ǀ sarve ǀ indra-vantaḥ ǀ marutaḥ ǀ viṣṇuḥ ǀ agniḥ ǀ
mama ǀ antarikṣam ǀ uru-lokam ǀ astu ǀ mahyam ǀ vātaḥ ǀ pavatām ǀ kāme ǀ asmin ǁ
10.128.03 (Mandala. Sukta. Rik)
8.7.15.03 (Ashtaka. Adhyaya. Varga. Rik)
10.10.140 (Mandala. Anuvāka. Rik)
Samhita Devanagari Accented
मयि॑ दे॒वा द्रवि॑ण॒मा य॑जंतां॒ मय्या॒शीर॑स्तु॒ मयि॑ दे॒वहू॑तिः ।
दैव्या॒ होता॑रो वनुषंत॒ पूर्वेऽरि॑ष्टाः स्याम त॒न्वा॑ सु॒वीराः॑ ॥
Samhita Devanagari Nonaccented
मयि देवा द्रविणमा यजंतां मय्याशीरस्तु मयि देवहूतिः ।
दैव्या होतारो वनुषंत पूर्वेऽरिष्टाः स्याम तन्वा सुवीराः ॥
Samhita Transcription Accented
máyi devā́ dráviṇamā́ yajantām máyyāśī́rastu máyi deváhūtiḥ ǀ
dáivyā hótāro vanuṣanta pū́rvé’riṣṭāḥ syāma tanvā́ suvī́rāḥ ǁ
Samhita Transcription Nonaccented
mayi devā draviṇamā yajantām mayyāśīrastu mayi devahūtiḥ ǀ
daivyā hotāro vanuṣanta pūrve’riṣṭāḥ syāma tanvā suvīrāḥ ǁ
Padapatha Devanagari Accented
मयि॑ । दे॒वाः । द्रवि॑णम् । आ । य॒ज॒न्ता॒म् । मयि॑ । आ॒ऽशीः । अ॒स्तु॒ । मयि॑ । दे॒वऽहू॑तिः ।
दैव्याः॑ । होता॑रः । व॒नु॒ष॒न्त॒ । पूर्वे॑ । अरि॑ष्टाः । स्या॒म॒ । त॒न्वा॑ । सु॒ऽवीराः॑ ॥
Padapatha Devanagari Nonaccented
मयि । देवाः । द्रविणम् । आ । यजन्ताम् । मयि । आऽशीः । अस्तु । मयि । देवऽहूतिः ।
दैव्याः । होतारः । वनुषन्त । पूर्वे । अरिष्टाः । स्याम । तन्वा । सुऽवीराः ॥
Padapatha Transcription Accented
máyi ǀ devā́ḥ ǀ dráviṇam ǀ ā́ ǀ yajantām ǀ máyi ǀ ā-śī́ḥ ǀ astu ǀ máyi ǀ devá-hūtiḥ ǀ
dáivyāḥ ǀ hótāraḥ ǀ vanuṣanta ǀ pū́rve ǀ áriṣṭāḥ ǀ syāma ǀ tanvā́ ǀ su-vī́rāḥ ǁ
Padapatha Transcription Nonaccented
mayi ǀ devāḥ ǀ draviṇam ǀ ā ǀ yajantām ǀ mayi ǀ ā-śīḥ ǀ astu ǀ mayi ǀ deva-hūtiḥ ǀ
daivyāḥ ǀ hotāraḥ ǀ vanuṣanta ǀ pūrve ǀ ariṣṭāḥ ǀ syāma ǀ tanvā ǀ su-vīrāḥ ǁ
10.128.04 (Mandala. Sukta. Rik)
8.7.15.04 (Ashtaka. Adhyaya. Varga. Rik)
10.10.141 (Mandala. Anuvāka. Rik)
Samhita Devanagari Accented
मह्यं॑ यजंतु॒ मम॒ यानि॑ ह॒व्याकू॑तिः स॒त्या मन॑सो मे अस्तु ।
एनो॒ मा नि गां॑ कत॒मच्च॒नाहं विश्वे॑ देवासो॒ अधि॑ वोचता नः ॥
Samhita Devanagari Nonaccented
मह्यं यजंतु मम यानि हव्याकूतिः सत्या मनसो मे अस्तु ।
एनो मा नि गां कतमच्चनाहं विश्वे देवासो अधि वोचता नः ॥
Samhita Transcription Accented
máhyam yajantu máma yā́ni havyā́kūtiḥ satyā́ mánaso me astu ǀ
éno mā́ ní gām katamáccanā́hám víśve devāso ádhi vocatā naḥ ǁ
Samhita Transcription Nonaccented
mahyam yajantu mama yāni havyākūtiḥ satyā manaso me astu ǀ
eno mā ni gām katamaccanāham viśve devāso adhi vocatā naḥ ǁ
Padapatha Devanagari Accented
मह्य॑म् । य॒ज॒न्तु॒ । मम॑ । यानि॑ । ह॒व्या । आऽकू॑तिः । स॒त्या । मन॑सः । मे॒ । अ॒स्तु॒ ।
एनः॑ । मा । नि । गा॒म् । क॒त॒मत् । च॒न । अ॒हम् । विश्वे॑ । दे॒वा॒सः॒ । अधि॑ । वो॒च॒त॒ । नः॒ ॥
Padapatha Devanagari Nonaccented
मह्यम् । यजन्तु । मम । यानि । हव्या । आऽकूतिः । सत्या । मनसः । मे । अस्तु ।
एनः । मा । नि । गाम् । कतमत् । चन । अहम् । विश्वे । देवासः । अधि । वोचत । नः ॥
Padapatha Transcription Accented
máhyam ǀ yajantu ǀ máma ǀ yā́ni ǀ havyā́ ǀ ā́-kūtiḥ ǀ satyā́ ǀ mánasaḥ ǀ me ǀ astu ǀ
énaḥ ǀ mā́ ǀ ní ǀ gām ǀ katamát ǀ caná ǀ ahám ǀ víśve ǀ devāsaḥ ǀ ádhi ǀ vocata ǀ naḥ ǁ
Padapatha Transcription Nonaccented
mahyam ǀ yajantu ǀ mama ǀ yāni ǀ havyā ǀ ā-kūtiḥ ǀ satyā ǀ manasaḥ ǀ me ǀ astu ǀ
enaḥ ǀ mā ǀ ni ǀ gām ǀ katamat ǀ cana ǀ aham ǀ viśve ǀ devāsaḥ ǀ adhi ǀ vocata ǀ naḥ ǁ
10.128.05 (Mandala. Sukta. Rik)
8.7.15.05 (Ashtaka. Adhyaya. Varga. Rik)
10.10.142 (Mandala. Anuvāka. Rik)
Samhita Devanagari Accented
देवीः॑ षळुर्वीरु॒रु नः॑ कृणोत॒ विश्वे॑ देवास इ॒ह वी॑रयध्वं ।
मा हा॑स्महि प्र॒जया॒ मा त॒नूभि॒र्मा र॑धाम द्विष॒ते सो॑म राजन् ॥
Samhita Devanagari Nonaccented
देवीः षळुर्वीरुरु नः कृणोत विश्वे देवास इह वीरयध्वं ।
मा हास्महि प्रजया मा तनूभिर्मा रधाम द्विषते सोम राजन् ॥
Samhita Transcription Accented
dévīḥ ṣaḷurvīrurú naḥ kṛṇota víśve devāsa ihá vīrayadhvam ǀ
mā́ hāsmahi prajáyā mā́ tanū́bhirmā́ radhāma dviṣaté soma rājan ǁ
Samhita Transcription Nonaccented
devīḥ ṣaḷurvīruru naḥ kṛṇota viśve devāsa iha vīrayadhvam ǀ
mā hāsmahi prajayā mā tanūbhirmā radhāma dviṣate soma rājan ǁ
Padapatha Devanagari Accented
देवीः॑ । ष॒ट् । उ॒र्वीः॒ । उ॒रु । नः॒ । कृ॒णो॒त॒ । विश्वे॑ । दे॒वा॒सः॒ । इ॒ह । वी॒र॒य॒ध्व॒म् ।
मा । हा॒स्म॒हि॒ । प्र॒ऽजया॑ । मा । त॒नूभिः॑ । मा । र॒धा॒म॒ । द्वि॒ष॒ते । सो॒म॒ । रा॒ज॒न् ॥
Padapatha Devanagari Nonaccented
देवीः । षट् । उर्वीः । उरु । नः । कृणोत । विश्वे । देवासः । इह । वीरयध्वम् ।
मा । हास्महि । प्रऽजया । मा । तनूभिः । मा । रधाम । द्विषते । सोम । राजन् ॥
Padapatha Transcription Accented
dévīḥ ǀ ṣaṭ ǀ urvīḥ ǀ urú ǀ naḥ ǀ kṛṇota ǀ víśve ǀ devāsaḥ ǀ ihá ǀ vīrayadhvam ǀ
mā́ ǀ hāsmahi ǀ pra-jáyā ǀ mā́ ǀ tanū́bhiḥ ǀ mā́ ǀ radhāma ǀ dviṣaté ǀ soma ǀ rājan ǁ
Padapatha Transcription Nonaccented
devīḥ ǀ ṣaṭ ǀ urvīḥ ǀ uru ǀ naḥ ǀ kṛṇota ǀ viśve ǀ devāsaḥ ǀ iha ǀ vīrayadhvam ǀ
mā ǀ hāsmahi ǀ pra-jayā ǀ mā ǀ tanūbhiḥ ǀ mā ǀ radhāma ǀ dviṣate ǀ soma ǀ rājan ǁ
10.128.06 (Mandala. Sukta. Rik)
8.7.16.01 (Ashtaka. Adhyaya. Varga. Rik)
10.10.143 (Mandala. Anuvāka. Rik)
Samhita Devanagari Accented
अग्ने॑ म॒न्युं प्र॑तिनु॒दन्परे॑षा॒मद॑ब्धो गो॒पाः परि॑ पाहि न॒स्त्वं ।
प्र॒त्यंचो॑ यंतु नि॒गुतः॒ पुन॒स्ते॒३॒॑ऽमैषां॑ चि॒त्तं प्र॒बुधां॒ वि ने॑शत् ॥
Samhita Devanagari Nonaccented
अग्ने मन्युं प्रतिनुदन्परेषामदब्धो गोपाः परि पाहि नस्त्वं ।
प्रत्यंचो यंतु निगुतः पुनस्तेऽमैषां चित्तं प्रबुधां वि नेशत् ॥
Samhita Transcription Accented
ágne manyúm pratinudánpáreṣāmádabdho gopā́ḥ pári pāhi nastvám ǀ
pratyáñco yantu nigútaḥ púnasté’máiṣām cittám prabúdhām ví neśat ǁ
Samhita Transcription Nonaccented
agne manyum pratinudanpareṣāmadabdho gopāḥ pari pāhi nastvam ǀ
pratyañco yantu nigutaḥ punaste’maiṣām cittam prabudhām vi neśat ǁ
Padapatha Devanagari Accented
अग्ने॑ । म॒न्युम् । प्र॒ति॒ऽनु॒दन् । परे॑षाम् । अद॑ब्धः । गो॒पाः । परि॑ । पा॒हि॒ । नः॒ । त्वम् ।
प्र॒त्यञ्चः॑ । य॒न्तु॒ । नि॒ऽगुतः॑ । पुन॒रिति॑ । ते । अ॒मा । ए॒षा॒म् । चि॒त्तम् । प्र॒ऽबुधा॑म् । वि । ने॒श॒त् ॥
Padapatha Devanagari Nonaccented
अग्ने । मन्युम् । प्रतिऽनुदन् । परेषाम् । अदब्धः । गोपाः । परि । पाहि । नः । त्वम् ।
प्रत्यञ्चः । यन्तु । निऽगुतः । पुनरिति । ते । अमा । एषाम् । चित्तम् । प्रऽबुधाम् । वि । नेशत् ॥
Padapatha Transcription Accented
ágne ǀ manyúm ǀ prati-nudán ǀ páreṣām ǀ ádabdhaḥ ǀ gopā́ḥ ǀ pári ǀ pāhi ǀ naḥ ǀ tvám ǀ
pratyáñcaḥ ǀ yantu ǀ ni-gútaḥ ǀ púnaríti ǀ té ǀ amā́ ǀ eṣām ǀ cittám ǀ pra-búdhām ǀ ví ǀ neśat ǁ
Padapatha Transcription Nonaccented
agne ǀ manyum ǀ prati-nudan ǀ pareṣām ǀ adabdhaḥ ǀ gopāḥ ǀ pari ǀ pāhi ǀ naḥ ǀ tvam ǀ
pratyañcaḥ ǀ yantu ǀ ni-gutaḥ ǀ punariti ǀ te ǀ amā ǀ eṣām ǀ cittam ǀ pra-budhām ǀ vi ǀ neśat ǁ
10.128.07 (Mandala. Sukta. Rik)
8.7.16.02 (Ashtaka. Adhyaya. Varga. Rik)
10.10.144 (Mandala. Anuvāka. Rik)
Samhita Devanagari Accented
धा॒ता धा॑तॄ॒णां भुव॑नस्य॒ यस्पति॑र्दे॒वं त्रा॒तार॑मभिमातिषा॒हं ।
इ॒मं य॒ज्ञम॒श्विनो॒भा बृह॒स्पति॑र्दे॒वाः पां॑तु॒ यज॑मानं न्य॒र्थात् ॥
Samhita Devanagari Nonaccented
धाता धातॄणां भुवनस्य यस्पतिर्देवं त्रातारमभिमातिषाहं ।
इमं यज्ञमश्विनोभा बृहस्पतिर्देवाः पांतु यजमानं न्यर्थात् ॥
Samhita Transcription Accented
dhātā́ dhātṝṇā́m bhúvanasya yáspátirdevám trātā́ramabhimātiṣāhám ǀ
imám yajñámaśvínobhā́ bṛ́haspátirdevā́ḥ pāntu yájamānam nyarthā́t ǁ
Samhita Transcription Nonaccented
dhātā dhātṝṇām bhuvanasya yaspatirdevam trātāramabhimātiṣāham ǀ
imam yajñamaśvinobhā bṛhaspatirdevāḥ pāntu yajamānam nyarthāt ǁ
Padapatha Devanagari Accented
धा॒ता । धा॒तॄ॒णाम् । भुव॑नस्य । यः । पतिः॑ । दे॒वम् । त्रा॒तार॑म् । अ॒भि॒मा॒ति॒ऽस॒हम् ।
इ॒मम् । य॒ज्ञम् । अ॒श्विना॑ । उ॒भा । बृह॒स्पतिः॑ । दे॒वाः । पा॒न्तु॒ । यज॑मानम् । नि॒ऽअ॒र्थात् ॥
Padapatha Devanagari Nonaccented
धाता । धातॄणाम् । भुवनस्य । यः । पतिः । देवम् । त्रातारम् । अभिमातिऽसहम् ।
इमम् । यज्ञम् । अश्विना । उभा । बृहस्पतिः । देवाः । पान्तु । यजमानम् । निऽअर्थात् ॥
Padapatha Transcription Accented
dhātā́ ǀ dhātṝṇā́m ǀ bhúvanasya ǀ yáḥ ǀ pátiḥ ǀ devám ǀ trātā́ram ǀ abhimāti-sahám ǀ
imám ǀ yajñám ǀ aśvínā ǀ ubhā́ ǀ bṛ́haspátiḥ ǀ devā́ḥ ǀ pāntu ǀ yájamānam ǀ ni-arthā́t ǁ
Padapatha Transcription Nonaccented
dhātā ǀ dhātṝṇām ǀ bhuvanasya ǀ yaḥ ǀ patiḥ ǀ devam ǀ trātāram ǀ abhimāti-saham ǀ
imam ǀ yajñam ǀ aśvinā ǀ ubhā ǀ bṛhaspatiḥ ǀ devāḥ ǀ pāntu ǀ yajamānam ǀ ni-arthāt ǁ
10.128.08 (Mandala. Sukta. Rik)
8.7.16.03 (Ashtaka. Adhyaya. Varga. Rik)
10.10.145 (Mandala. Anuvāka. Rik)
Samhita Devanagari Accented
उ॒रु॒व्यचा॑ नो महि॒षः शर्म॑ यंसद॒स्मिन्हवे॑ पुरुहू॒तः पु॑रु॒क्षुः ।
स नः॑ प्र॒जायै॑ हर्यश्व मृळ॒येंद्र॒ मा नो॑ रीरिषो॒ मा परा॑ दाः ॥
Samhita Devanagari Nonaccented
उरुव्यचा नो महिषः शर्म यंसदस्मिन्हवे पुरुहूतः पुरुक्षुः ।
स नः प्रजायै हर्यश्व मृळयेंद्र मा नो रीरिषो मा परा दाः ॥
Samhita Transcription Accented
uruvyácā no mahiṣáḥ śárma yaṃsadasmínháve puruhūtáḥ purukṣúḥ ǀ
sá naḥ prajā́yai haryaśva mṛḷayéndra mā́ no rīriṣo mā́ párā dāḥ ǁ
Samhita Transcription Nonaccented
uruvyacā no mahiṣaḥ śarma yaṃsadasminhave puruhūtaḥ purukṣuḥ ǀ
sa naḥ prajāyai haryaśva mṛḷayendra mā no rīriṣo mā parā dāḥ ǁ
Padapatha Devanagari Accented
उ॒रु॒ऽव्यचाः॑ । नः॒ । म॒हि॒षः । शर्म॑ । यं॒स॒त् । अ॒स्मिन् । हवे॑ । पु॒रु॒ऽहू॒तः । पु॒रु॒ऽक्षुः ।
सः । नः॒ । प्र॒ऽजायै॑ । ह॒रि॒ऽअ॒श्व॒ । मृ॒ळ॒य॒ । इन्द्र॑ । मा । नः॒ । रि॒रि॒षः॒ । मा । परा॑ । दाः॒ ॥
Padapatha Devanagari Nonaccented
उरुऽव्यचाः । नः । महिषः । शर्म । यंसत् । अस्मिन् । हवे । पुरुऽहूतः । पुरुऽक्षुः ।
सः । नः । प्रऽजायै । हरिऽअश्व । मृळय । इन्द्र । मा । नः । रिरिषः । मा । परा । दाः ॥
Padapatha Transcription Accented
uru-vyácāḥ ǀ naḥ ǀ mahiṣáḥ ǀ śárma ǀ yaṃsat ǀ asmín ǀ háve ǀ puru-hūtáḥ ǀ puru-kṣúḥ ǀ
sáḥ ǀ naḥ ǀ pra-jā́yai ǀ hari-aśva ǀ mṛḷaya ǀ índra ǀ mā́ ǀ naḥ ǀ ririṣaḥ ǀ mā́ ǀ párā ǀ dāḥ ǁ
Padapatha Transcription Nonaccented
uru-vyacāḥ ǀ naḥ ǀ mahiṣaḥ ǀ śarma ǀ yaṃsat ǀ asmin ǀ have ǀ puru-hūtaḥ ǀ puru-kṣuḥ ǀ
saḥ ǀ naḥ ǀ pra-jāyai ǀ hari-aśva ǀ mṛḷaya ǀ indra ǀ mā ǀ naḥ ǀ ririṣaḥ ǀ mā ǀ parā ǀ dāḥ ǁ
10.128.09 (Mandala. Sukta. Rik)
8.7.16.04 (Ashtaka. Adhyaya. Varga. Rik)
10.10.146 (Mandala. Anuvāka. Rik)
Samhita Devanagari Accented
ये नः॑ स॒पत्ना॒ अप॒ ते भ॑वंत्विंद्रा॒ग्निभ्या॒मव॑ बाधामहे॒ तान् ।
वस॑वो रु॒द्रा आ॑दि॒त्या उ॑परि॒स्पृशं॑ मो॒ग्रं चेत्ता॑रमधिरा॒जम॑क्रन् ॥
Samhita Devanagari Nonaccented
ये नः सपत्ना अप ते भवंत्विंद्राग्निभ्यामव बाधामहे तान् ।
वसवो रुद्रा आदित्या उपरिस्पृशं मोग्रं चेत्तारमधिराजमक्रन् ॥
Samhita Transcription Accented
yé naḥ sapátnā ápa té bhavantvindrāgníbhyāmáva bādhāmahe tā́n ǀ
vásavo rudrā́ ādityā́ uparispṛ́śam mográm céttāramadhirājámakran ǁ
Samhita Transcription Nonaccented
ye naḥ sapatnā apa te bhavantvindrāgnibhyāmava bādhāmahe tān ǀ
vasavo rudrā ādityā uparispṛśam mogram cettāramadhirājamakran ǁ
Padapatha Devanagari Accented
ये । नः॒ । स॒ऽपत्नाः॑ । अप॑ । ते । भ॒व॒न्तु॒ । इ॒न्द्रा॒ग्निऽभ्या॑म् । अव॑ । बा॒धा॒म॒हे॒ । तान् ।
वस॑वः । रु॒द्राः । आ॒दि॒त्याः । उ॒प॒रि॒ऽस्पृश॑म् । मा॒ । उ॒ग्रम् । चेत्ता॑रम् । अ॒धि॒ऽरा॒जम् । अ॒क्र॒न् ॥
Padapatha Devanagari Nonaccented
ये । नः । सऽपत्नाः । अप । ते । भवन्तु । इन्द्राग्निऽभ्याम् । अव । बाधामहे । तान् ।
वसवः । रुद्राः । आदित्याः । उपरिऽस्पृशम् । मा । उग्रम् । चेत्तारम् । अधिऽराजम् । अक्रन् ॥
Padapatha Transcription Accented
yé ǀ naḥ ǀ sa-pátnāḥ ǀ ápa ǀ té ǀ bhavantu ǀ indrāgní-bhyām ǀ áva ǀ bādhāmahe ǀ tā́n ǀ
vásavaḥ ǀ rudrā́ḥ ǀ ādityā́ḥ ǀ upari-spṛ́śam ǀ mā ǀ ugrám ǀ céttāram ǀ adhi-rājám ǀ akran ǁ
Padapatha Transcription Nonaccented
ye ǀ naḥ ǀ sa-patnāḥ ǀ apa ǀ te ǀ bhavantu ǀ indrāgni-bhyām ǀ ava ǀ bādhāmahe ǀ tān ǀ
vasavaḥ ǀ rudrāḥ ǀ ādityāḥ ǀ upari-spṛśam ǀ mā ǀ ugram ǀ cettāram ǀ adhi-rājam ǀ akran ǁ