|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 132
|
1. Info |
| To: | 1: aśvins, divaḥ, pṛthivī; 2-7: mitra, varuṇa |
|
| From: | śakapūta nārmedha | |
| Metres: | 1st set of styles: pādanicṛtpaṅkti (2, 4); virāṭpaṅkti (5, 6); bṛhatī (1); paṅktiḥ (3); mahāsatobṛhatī (7) 2nd set of styles: virāḍrūpā (3-5); prastārapaṅkti (2, 6); nyaṅkusāriṇī (1); mahāsatobṛhatī (7) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.132.01 (Mandala. Sukta. Rik)
8.7.20.01 (Ashtaka. Adhyaya. Varga. Rik)
10.11.022 (Mandala. Anuvāka. Rik)
Samhita Devanagari Accented
ई॒जा॒नमिद्द्यौर्गू॒र्ताव॑सुरीजा॒नं भूमि॑र॒भि प्र॑भू॒षणि॑ ।
ई॒जा॒नं दे॒वाव॒श्विना॑व॒भि सु॒म्नैर॑वर्धतां ॥
Samhita Devanagari Nonaccented
ईजानमिद्द्यौर्गूर्तावसुरीजानं भूमिरभि प्रभूषणि ।
ईजानं देवावश्विनावभि सुम्नैरवर्धतां ॥
Samhita Transcription Accented
ījānámíddyáurgūrtā́vasurījānám bhū́mirabhí prabhūṣáṇi ǀ
ījānám devā́vaśvínāvabhí sumnáiravardhatām ǁ
Samhita Transcription Nonaccented
ījānamiddyaurgūrtāvasurījānam bhūmirabhi prabhūṣaṇi ǀ
ījānam devāvaśvināvabhi sumnairavardhatām ǁ
Padapatha Devanagari Accented
ई॒जा॒नम् । इत् । द्यौः । गू॒र्तऽव॑सुः । ई॒जा॒नम् । भूमिः॑ । अ॒भि । प्र॒ऽभू॒षणि॑ ।
ई॒जा॒नम् । दे॒वौ । अ॒श्विनौ॑ । अ॒भि । सु॒म्नैः । अ॒व॒र्ध॒ता॒म् ॥
Padapatha Devanagari Nonaccented
ईजानम् । इत् । द्यौः । गूर्तऽवसुः । ईजानम् । भूमिः । अभि । प्रऽभूषणि ।
ईजानम् । देवौ । अश्विनौ । अभि । सुम्नैः । अवर्धताम् ॥
Padapatha Transcription Accented
ījānám ǀ ít ǀ dyáuḥ ǀ gūrtá-vasuḥ ǀ ījānám ǀ bhū́miḥ ǀ abhí ǀ pra-bhūṣáṇi ǀ
ījānám ǀ deváu ǀ aśvínau ǀ abhí ǀ sumnáiḥ ǀ avardhatām ǁ
Padapatha Transcription Nonaccented
ījānam ǀ it ǀ dyauḥ ǀ gūrta-vasuḥ ǀ ījānam ǀ bhūmiḥ ǀ abhi ǀ pra-bhūṣaṇi ǀ
ījānam ǀ devau ǀ aśvinau ǀ abhi ǀ sumnaiḥ ǀ avardhatām ǁ
10.132.02 (Mandala. Sukta. Rik)
8.7.20.02 (Ashtaka. Adhyaya. Varga. Rik)
10.11.023 (Mandala. Anuvāka. Rik)
Samhita Devanagari Accented
ता वां॑ मित्रावरुणा धार॒यत्क्षि॑ती सुषु॒म्नेषि॑त॒त्वता॑ यजामसि ।
यु॒वोः क्रा॒णाय॑ स॒ख्यैर॒भि ष्या॑म र॒क्षसः॑ ॥
Samhita Devanagari Nonaccented
ता वां मित्रावरुणा धारयत्क्षिती सुषुम्नेषितत्वता यजामसि ।
युवोः क्राणाय सख्यैरभि ष्याम रक्षसः ॥
Samhita Transcription Accented
tā́ vām mitrāvaruṇā dhārayátkṣitī suṣumnéṣitatvátā yajāmasi ǀ
yuvóḥ krāṇā́ya sakhyáirabhí ṣyāma rakṣásaḥ ǁ
Samhita Transcription Nonaccented
tā vām mitrāvaruṇā dhārayatkṣitī suṣumneṣitatvatā yajāmasi ǀ
yuvoḥ krāṇāya sakhyairabhi ṣyāma rakṣasaḥ ǁ
Padapatha Devanagari Accented
ता । वा॒म् । मि॒त्रा॒व॒रु॒णा॒ । धा॒र॒यत्क्षि॑ती॒ इति॑ धा॒र॒यत्ऽक्षि॑ती । सु॒ऽसु॒म्ना । इ॒षि॒त॒त्वता॑ । य॒जा॒म॒सि॒ ।
यु॒वोः । क्रा॒णाय॑ । स॒ख्यैः । अ॒भि । स्या॒म॒ । र॒क्षसः॑ ॥
Padapatha Devanagari Nonaccented
ता । वाम् । मित्रावरुणा । धारयत्क्षिती इति धारयत्ऽक्षिती । सुऽसुम्ना । इषितत्वता । यजामसि ।
युवोः । क्राणाय । सख्यैः । अभि । स्याम । रक्षसः ॥
Padapatha Transcription Accented
tā́ ǀ vām ǀ mitrāvaruṇā ǀ dhārayátkṣitī íti dhārayát-kṣitī ǀ su-sumnā́ ǀ iṣitatvátā ǀ yajāmasi ǀ
yuvóḥ ǀ krāṇā́ya ǀ sakhyáiḥ ǀ abhí ǀ syāma ǀ rakṣásaḥ ǁ
Padapatha Transcription Nonaccented
tā ǀ vām ǀ mitrāvaruṇā ǀ dhārayatkṣitī iti dhārayat-kṣitī ǀ su-sumnā ǀ iṣitatvatā ǀ yajāmasi ǀ
yuvoḥ ǀ krāṇāya ǀ sakhyaiḥ ǀ abhi ǀ syāma ǀ rakṣasaḥ ǁ
10.132.03 (Mandala. Sukta. Rik)
8.7.20.03 (Ashtaka. Adhyaya. Varga. Rik)
10.11.024 (Mandala. Anuvāka. Rik)
Samhita Devanagari Accented
अधा॑ चि॒न्नु यद्दिधि॑षामहे वाम॒भि प्रि॒यं रेक्णः॒ पत्य॑मानाः ।
द॒द्वाँ वा॒ यत्पुष्य॑ति॒ रेक्णः॒ सम्वा॑र॒न्नकि॑रस्य म॒घानि॑ ॥
Samhita Devanagari Nonaccented
अधा चिन्नु यद्दिधिषामहे वामभि प्रियं रेक्णः पत्यमानाः ।
दद्वाँ वा यत्पुष्यति रेक्णः सम्वारन्नकिरस्य मघानि ॥
Samhita Transcription Accented
ádhā cinnú yáddídhiṣāmahe vāmabhí priyám rékṇaḥ pátyamānāḥ ǀ
dadvā́m̐ vā yátpúṣyati rékṇaḥ sámvārannákirasya maghā́ni ǁ
Samhita Transcription Nonaccented
adhā cinnu yaddidhiṣāmahe vāmabhi priyam rekṇaḥ patyamānāḥ ǀ
dadvām̐ vā yatpuṣyati rekṇaḥ samvārannakirasya maghāni ǁ
Padapatha Devanagari Accented
अध॑ । चि॒त् । नु । यत् । दिधि॑षामहे । वा॒म् । अ॒भि । प्रि॒यम् । रेक्णः॑ । पत्य॑मानाः ।
द॒द्वान् । वा॒ । यत् । पुष्य॑ति । रेक्णः॑ । सम् । ऊं॒ इति॑ । आ॒र॒न् । नकिः॑ । अ॒स्य॒ । म॒घानि॑ ॥
Padapatha Devanagari Nonaccented
अध । चित् । नु । यत् । दिधिषामहे । वाम् । अभि । प्रियम् । रेक्णः । पत्यमानाः ।
दद्वान् । वा । यत् । पुष्यति । रेक्णः । सम् । ऊं इति । आरन् । नकिः । अस्य । मघानि ॥
Padapatha Transcription Accented
ádha ǀ cit ǀ nú ǀ yát ǀ dídhiṣāmahe ǀ vām ǀ abhí ǀ priyám ǀ rékṇaḥ ǀ pátyamānāḥ ǀ
dadvā́n ǀ vā ǀ yát ǀ púṣyati ǀ rékṇaḥ ǀ sám ǀ ūṃ íti ǀ āran ǀ nákiḥ ǀ asya ǀ maghā́ni ǁ
Padapatha Transcription Nonaccented
adha ǀ cit ǀ nu ǀ yat ǀ didhiṣāmahe ǀ vām ǀ abhi ǀ priyam ǀ rekṇaḥ ǀ patyamānāḥ ǀ
dadvān ǀ vā ǀ yat ǀ puṣyati ǀ rekṇaḥ ǀ sam ǀ ūṃ iti ǀ āran ǀ nakiḥ ǀ asya ǀ maghāni ǁ
10.132.04 (Mandala. Sukta. Rik)
8.7.20.04 (Ashtaka. Adhyaya. Varga. Rik)
10.11.025 (Mandala. Anuvāka. Rik)
Samhita Devanagari Accented
अ॒साव॒न्यो अ॑सुर सूयत॒ द्यौस्त्वं विश्वे॑षां वरुणासि॒ राजा॑ ।
मू॒र्धा रथ॑स्य चाक॒न्नैताव॒तैन॑सांतक॒ध्रुक् ॥
Samhita Devanagari Nonaccented
असावन्यो असुर सूयत द्यौस्त्वं विश्वेषां वरुणासि राजा ।
मूर्धा रथस्य चाकन्नैतावतैनसांतकध्रुक् ॥
Samhita Transcription Accented
asā́vanyó asura sūyata dyáustvám víśveṣām varuṇāsi rā́jā ǀ
mūrdhā́ ráthasya cākannáitā́vatáinasāntakadhrúk ǁ
Samhita Transcription Nonaccented
asāvanyo asura sūyata dyaustvam viśveṣām varuṇāsi rājā ǀ
mūrdhā rathasya cākannaitāvatainasāntakadhruk ǁ
Padapatha Devanagari Accented
अ॒सौ । अ॒न्यः । अ॒सु॒र॒ । सू॒य॒त॒ । द्यौः । त्वम् । विश्वे॑षाम् । व॒रु॒ण॒ । अ॒सि॒ । राजा॑ ।
मू॒र्धा । रथ॑स्य । चा॒क॒न् । न । ए॒ताव॑ता । एन॑सा । अ॒न्त॒क॒ऽध्रुक् ॥
Padapatha Devanagari Nonaccented
असौ । अन्यः । असुर । सूयत । द्यौः । त्वम् । विश्वेषाम् । वरुण । असि । राजा ।
मूर्धा । रथस्य । चाकन् । न । एतावता । एनसा । अन्तकऽध्रुक् ॥
Padapatha Transcription Accented
asáu ǀ anyáḥ ǀ asura ǀ sūyata ǀ dyáuḥ ǀ tvám ǀ víśveṣām ǀ varuṇa ǀ asi ǀ rā́jā ǀ
mūrdhā́ ǀ ráthasya ǀ cākan ǀ ná ǀ etā́vatā ǀ énasā ǀ antaka-dhrúk ǁ
Padapatha Transcription Nonaccented
asau ǀ anyaḥ ǀ asura ǀ sūyata ǀ dyauḥ ǀ tvam ǀ viśveṣām ǀ varuṇa ǀ asi ǀ rājā ǀ
mūrdhā ǀ rathasya ǀ cākan ǀ na ǀ etāvatā ǀ enasā ǀ antaka-dhruk ǁ
10.132.05 (Mandala. Sukta. Rik)
8.7.20.05 (Ashtaka. Adhyaya. Varga. Rik)
10.11.026 (Mandala. Anuvāka. Rik)
Samhita Devanagari Accented
अ॒स्मिन्त्स्वे॒३॒॑तच्छक॑पूत॒ एनो॑ हि॒ते मि॒त्रे निग॑तान्हंति वी॒रान् ।
अ॒वोर्वा॒ यद्धात्त॒नूष्ववः॑ प्रि॒यासु॑ य॒ज्ञिया॒स्वर्वा॑ ॥
Samhita Devanagari Nonaccented
अस्मिन्त्स्वेतच्छकपूत एनो हिते मित्रे निगतान्हंति वीरान् ।
अवोर्वा यद्धात्तनूष्ववः प्रियासु यज्ञियास्वर्वा ॥
Samhita Transcription Accented
asmíntsvétácchákapūta éno hité mitré nígatānhanti vīrā́n ǀ
avórvā yáddhā́ttanū́ṣvávaḥ priyā́su yajñíyāsvárvā ǁ
Samhita Transcription Nonaccented
asmintsvetacchakapūta eno hite mitre nigatānhanti vīrān ǀ
avorvā yaddhāttanūṣvavaḥ priyāsu yajñiyāsvarvā ǁ
Padapatha Devanagari Accented
अ॒स्मिन् । सु । ए॒तत् । शक॑ऽपूते । एनः॑ । हि॒ते । मि॒त्रे । निऽग॑तान् । ह॒न्ति॒ । वी॒रान् ।
अ॒वोः । वा॒ । यत् । धात् । त॒नूषु॑ । अवः॑ । प्रि॒यासु॑ । य॒ज्ञिया॑सु । अर्वा॑ ॥
Padapatha Devanagari Nonaccented
अस्मिन् । सु । एतत् । शकऽपूते । एनः । हिते । मित्रे । निऽगतान् । हन्ति । वीरान् ।
अवोः । वा । यत् । धात् । तनूषु । अवः । प्रियासु । यज्ञियासु । अर्वा ॥
Padapatha Transcription Accented
asmín ǀ sú ǀ etát ǀ śáka-pūte ǀ énaḥ ǀ hité ǀ mitré ǀ ní-gatān ǀ hanti ǀ vīrā́n ǀ
avóḥ ǀ vā ǀ yát ǀ dhā́t ǀ tanū́ṣu ǀ ávaḥ ǀ priyā́su ǀ yajñíyāsu ǀ árvā ǁ
Padapatha Transcription Nonaccented
asmin ǀ su ǀ etat ǀ śaka-pūte ǀ enaḥ ǀ hite ǀ mitre ǀ ni-gatān ǀ hanti ǀ vīrān ǀ
avoḥ ǀ vā ǀ yat ǀ dhāt ǀ tanūṣu ǀ avaḥ ǀ priyāsu ǀ yajñiyāsu ǀ arvā ǁ
10.132.06 (Mandala. Sukta. Rik)
8.7.20.06 (Ashtaka. Adhyaya. Varga. Rik)
10.11.027 (Mandala. Anuvāka. Rik)
Samhita Devanagari Accented
यु॒वोर्हि मा॒तादि॑तिर्विचेतसा॒ द्यौर्न भूमिः॒ पय॑सा पुपू॒तनि॑ ।
अव॑ प्रि॒या दि॑दिष्टन॒ सूरो॑ निनिक्त र॒श्मिभिः॑ ॥
Samhita Devanagari Nonaccented
युवोर्हि मातादितिर्विचेतसा द्यौर्न भूमिः पयसा पुपूतनि ।
अव प्रिया दिदिष्टन सूरो निनिक्त रश्मिभिः ॥
Samhita Transcription Accented
yuvórhí mātā́ditirvicetasā dyáurná bhū́miḥ páyasā pupūtáni ǀ
áva priyā́ didiṣṭana sū́ro ninikta raśmíbhiḥ ǁ
Samhita Transcription Nonaccented
yuvorhi mātāditirvicetasā dyaurna bhūmiḥ payasā pupūtani ǀ
ava priyā didiṣṭana sūro ninikta raśmibhiḥ ǁ
Padapatha Devanagari Accented
यु॒वोः । हि । मा॒ता । अदि॑तिः । वि॒ऽचे॒त॒सा॒ । द्यौः । न । भूमिः॑ । पय॑सा । पु॒पू॒तनि॑ ।
अव॑ । प्रि॒या । दि॒दि॒ष्ट॒न॒ । सूरः॑ । नि॒नि॒क्त॒ । र॒श्मिऽभिः॑ ॥
Padapatha Devanagari Nonaccented
युवोः । हि । माता । अदितिः । विऽचेतसा । द्यौः । न । भूमिः । पयसा । पुपूतनि ।
अव । प्रिया । दिदिष्टन । सूरः । निनिक्त । रश्मिऽभिः ॥
Padapatha Transcription Accented
yuvóḥ ǀ hí ǀ mātā́ ǀ áditiḥ ǀ vi-cetasā ǀ dyáuḥ ǀ ná ǀ bhū́miḥ ǀ páyasā ǀ pupūtáni ǀ
áva ǀ priyā́ ǀ didiṣṭana ǀ sū́raḥ ǀ ninikta ǀ raśmí-bhiḥ ǁ
Padapatha Transcription Nonaccented
yuvoḥ ǀ hi ǀ mātā ǀ aditiḥ ǀ vi-cetasā ǀ dyauḥ ǀ na ǀ bhūmiḥ ǀ payasā ǀ pupūtani ǀ
ava ǀ priyā ǀ didiṣṭana ǀ sūraḥ ǀ ninikta ǀ raśmi-bhiḥ ǁ
10.132.07 (Mandala. Sukta. Rik)
8.7.20.07 (Ashtaka. Adhyaya. Varga. Rik)
10.11.028 (Mandala. Anuvāka. Rik)
Samhita Devanagari Accented
यु॒वं ह्य॑प्न॒राजा॒वसी॑दतं॒ तिष्ठ॒द्रथं॒ न धू॒र्षदं॑ वन॒र्षदं॑ ।
ता नः॑ कणूक॒यंती॑र्नृ॒मेध॑स्तत्रे॒ अंह॑सः सु॒मेध॑स्तत्रे॒ अंह॑सः ॥
Samhita Devanagari Nonaccented
युवं ह्यप्नराजावसीदतं तिष्ठद्रथं न धूर्षदं वनर्षदं ।
ता नः कणूकयंतीर्नृमेधस्तत्रे अंहसः सुमेधस्तत्रे अंहसः ॥
Samhita Transcription Accented
yuvám hyápnarā́jāvásīdatam tíṣṭhadrátham ná dhūrṣádam vanarṣádam ǀ
tā́ naḥ kaṇūkayántīrnṛmédhastatre áṃhasaḥ sumédhastatre áṃhasaḥ ǁ
Samhita Transcription Nonaccented
yuvam hyapnarājāvasīdatam tiṣṭhadratham na dhūrṣadam vanarṣadam ǀ
tā naḥ kaṇūkayantīrnṛmedhastatre aṃhasaḥ sumedhastatre aṃhasaḥ ǁ
Padapatha Devanagari Accented
यु॒वम् । हि । अ॒प्न॒ऽराजौ॑ । असी॑दतम् । तिष्ठ॑त् । रथ॑म् । न । धूः॒ऽसद॑म् । व॒न॒ऽसद॑म् ।
ताः । नः॒ । क॒णू॒क॒ऽयन्तीः॑ । नृ॒ऽमेधः॑ । त॒त्रे॒ । अंह॑सः । सु॒ऽमेधः॑ । त॒त्रे॒ । अंह॑सः ॥
Padapatha Devanagari Nonaccented
युवम् । हि । अप्नऽराजौ । असीदतम् । तिष्ठत् । रथम् । न । धूःऽसदम् । वनऽसदम् ।
ताः । नः । कणूकऽयन्तीः । नृऽमेधः । तत्रे । अंहसः । सुऽमेधः । तत्रे । अंहसः ॥
Padapatha Transcription Accented
yuvám ǀ hí ǀ apna-rā́jau ǀ ásīdatam ǀ tíṣṭhat ǀ rátham ǀ ná ǀ dhūḥ-sádam ǀ vana-sádam ǀ
tā́ḥ ǀ naḥ ǀ kaṇūka-yántīḥ ǀ nṛ-médhaḥ ǀ tatre ǀ áṃhasaḥ ǀ su-médhaḥ ǀ tatre ǀ áṃhasaḥ ǁ
Padapatha Transcription Nonaccented
yuvam ǀ hi ǀ apna-rājau ǀ asīdatam ǀ tiṣṭhat ǀ ratham ǀ na ǀ dhūḥ-sadam ǀ vana-sadam ǀ
tāḥ ǀ naḥ ǀ kaṇūka-yantīḥ ǀ nṛ-medhaḥ ǀ tatre ǀ aṃhasaḥ ǀ su-medhaḥ ǀ tatre ǀ aṃhasaḥ ǁ