|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 133
|
1. Info |
| To: | indra | |
| From: | sudās paijavana | |
| Metres: | 1st set of styles: śakvarī (1-3); mahāpaṅkti (4-6); virāṭtrisṭup (7) 2nd set of styles: śakvarī (1-3); mahāpaṅkti (4-6); triṣṭubh (7) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.133.01 (Mandala. Sukta. Rik)
8.7.21.01 (Ashtaka. Adhyaya. Varga. Rik)
10.11.029 (Mandala. Anuvāka. Rik)
Samhita Devanagari Accented
प्रो ष्व॑स्मै पुरोर॒थमिंद्रा॑य शू॒षम॑र्चत ।
अ॒भीके॑ चिदु लोक॒कृत्सं॒गे स॒मत्सु॑ वृत्र॒हास्माकं॑ बोधि चोदि॒ता नभं॑तामन्य॒केषां॑ ज्या॒का अधि॒ धन्व॑सु ॥
Samhita Devanagari Nonaccented
प्रो ष्वस्मै पुरोरथमिंद्राय शूषमर्चत ।
अभीके चिदु लोककृत्संगे समत्सु वृत्रहास्माकं बोधि चोदिता नभंतामन्यकेषां ज्याका अधि धन्वसु ॥
Samhita Transcription Accented
pró ṣvásmai purorathámíndrāya śūṣámarcata ǀ
abhī́ke cidu lokakṛ́tsaṃgé samátsu vṛtrahā́smā́kam bodhi coditā́ nábhantāmanyakéṣām jyākā́ ádhi dhánvasu ǁ
Samhita Transcription Nonaccented
pro ṣvasmai purorathamindrāya śūṣamarcata ǀ
abhīke cidu lokakṛtsaṃge samatsu vṛtrahāsmākam bodhi coditā nabhantāmanyakeṣām jyākā adhi dhanvasu ǁ
Padapatha Devanagari Accented
प्रो इति॑ । सु । अ॒स्मै॒ । पु॒रः॒ऽर॒थम् । इन्द्रा॑य । शू॒षम् । अ॒र्च॒त॒ ।
अ॒भीके॑ । चि॒त् । ऊं॒ इति॑ । लो॒क॒ऽकृत् । स॒म्ऽगे । स॒मत्ऽसु॑ । वृ॒त्र॒ऽहा । अ॒स्माक॑म् । बो॒धि॒ । चो॒दि॒ता । नभ॑न्ताम् । अ॒न्य॒केषा॑म् । ज्या॒काः । अधि॑ । धन्व॑ऽसु ॥
Padapatha Devanagari Nonaccented
प्रो इति । सु । अस्मै । पुरःऽरथम् । इन्द्राय । शूषम् । अर्चत ।
अभीके । चित् । ऊं इति । लोकऽकृत् । सम्ऽगे । समत्ऽसु । वृत्रऽहा । अस्माकम् । बोधि । चोदिता । नभन्ताम् । अन्यकेषाम् । ज्याकाः । अधि । धन्वऽसु ॥
Padapatha Transcription Accented
pró íti ǀ sú ǀ asmai ǀ puraḥ-rathám ǀ índrāya ǀ śūṣám ǀ arcata ǀ
abhī́ke ǀ cit ǀ ūṃ íti ǀ loka-kṛ́t ǀ sam-gé ǀ samát-su ǀ vṛtra-hā́ ǀ asmā́kam ǀ bodhi ǀ coditā́ ǀ nábhantām ǀ anyakéṣām ǀ jyākā́ḥ ǀ ádhi ǀ dhánva-su ǁ
Padapatha Transcription Nonaccented
pro iti ǀ su ǀ asmai ǀ puraḥ-ratham ǀ indrāya ǀ śūṣam ǀ arcata ǀ
abhīke ǀ cit ǀ ūṃ iti ǀ loka-kṛt ǀ sam-ge ǀ samat-su ǀ vṛtra-hā ǀ asmākam ǀ bodhi ǀ coditā ǀ nabhantām ǀ anyakeṣām ǀ jyākāḥ ǀ adhi ǀ dhanva-su ǁ
10.133.02 (Mandala. Sukta. Rik)
8.7.21.02 (Ashtaka. Adhyaya. Varga. Rik)
10.11.030 (Mandala. Anuvāka. Rik)
Samhita Devanagari Accented
त्वं सिंधूँ॒रवा॑सृजोऽध॒राचो॒ अह॒न्नहिं॑ ।
अ॒श॒त्रुरिं॑द्र जज्ञिषे॒ विश्वं॑ पुष्यसि॒ वार्यं॒ तं त्वा॒ परि॑ ष्वजामहे॒ नभं॑तामन्य॒केषां॑ ज्या॒का अधि॒ धन्व॑सु ॥
Samhita Devanagari Nonaccented
त्वं सिंधूँरवासृजोऽधराचो अहन्नहिं ।
अशत्रुरिंद्र जज्ञिषे विश्वं पुष्यसि वार्यं तं त्वा परि ष्वजामहे नभंतामन्यकेषां ज्याका अधि धन्वसु ॥
Samhita Transcription Accented
tvám síndhūm̐rávāsṛjo’dharā́co áhannáhim ǀ
aśatrúrindra jajñiṣe víśvam puṣyasi vā́ryam tám tvā pári ṣvajāmahe nábhantāmanyakéṣām jyākā́ ádhi dhánvasu ǁ
Samhita Transcription Nonaccented
tvam sindhūm̐ravāsṛjo’dharāco ahannahim ǀ
aśatrurindra jajñiṣe viśvam puṣyasi vāryam tam tvā pari ṣvajāmahe nabhantāmanyakeṣām jyākā adhi dhanvasu ǁ
Padapatha Devanagari Accented
त्वम् । सिन्धू॑न् । अव॑ । अ॒सृ॒जः॒ । अ॒ध॒राचः॑ । अह॑न् । अहि॑म् ।
अ॒श॒त्रुः । इ॒न्द्र॒ । ज॒ज्ञि॒षे॒ । विश्व॑म् । पु॒ष्य॒सि॒ । वार्य॑म् । तम् । त्वा॒ । परि॑ । स्व॒जा॒म॒हे॒ । नभ॑न्ताम् । अ॒न्य॒केषा॑म् । ज्या॒काः । अधि॑ । धन्व॑ऽसु ॥
Padapatha Devanagari Nonaccented
त्वम् । सिन्धून् । अव । असृजः । अधराचः । अहन् । अहिम् ।
अशत्रुः । इन्द्र । जज्ञिषे । विश्वम् । पुष्यसि । वार्यम् । तम् । त्वा । परि । स्वजामहे । नभन्ताम् । अन्यकेषाम् । ज्याकाः । अधि । धन्वऽसु ॥
Padapatha Transcription Accented
tvám ǀ síndhūn ǀ áva ǀ asṛjaḥ ǀ adharā́caḥ ǀ áhan ǀ áhim ǀ
aśatrúḥ ǀ indra ǀ jajñiṣe ǀ víśvam ǀ puṣyasi ǀ vā́ryam ǀ tám ǀ tvā ǀ pári ǀ svajāmahe ǀ nábhantām ǀ anyakéṣām ǀ jyākā́ḥ ǀ ádhi ǀ dhánva-su ǁ
Padapatha Transcription Nonaccented
tvam ǀ sindhūn ǀ ava ǀ asṛjaḥ ǀ adharācaḥ ǀ ahan ǀ ahim ǀ
aśatruḥ ǀ indra ǀ jajñiṣe ǀ viśvam ǀ puṣyasi ǀ vāryam ǀ tam ǀ tvā ǀ pari ǀ svajāmahe ǀ nabhantām ǀ anyakeṣām ǀ jyākāḥ ǀ adhi ǀ dhanva-su ǁ
10.133.03 (Mandala. Sukta. Rik)
8.7.21.03 (Ashtaka. Adhyaya. Varga. Rik)
10.11.031 (Mandala. Anuvāka. Rik)
Samhita Devanagari Accented
वि षु विश्वा॒ अरा॑तयो॒ऽर्यो न॑शंत नो॒ धियः॑ ।
अस्ता॑सि॒ शत्र॑वे व॒धं यो न॑ इंद्र॒ जिघां॑सति॒ या ते॑ रा॒तिर्द॒दिर्वसु॒ नभं॑तामन्य॒केषां॑ ज्या॒का अधि॒ धन्व॑सु ॥
Samhita Devanagari Nonaccented
वि षु विश्वा अरातयोऽर्यो नशंत नो धियः ।
अस्तासि शत्रवे वधं यो न इंद्र जिघांसति या ते रातिर्ददिर्वसु नभंतामन्यकेषां ज्याका अधि धन्वसु ॥
Samhita Transcription Accented
ví ṣú víśvā árātayo’ryó naśanta no dhíyaḥ ǀ
ástāsi śátrave vadhám yó na indra jíghāṃsati yā́ te rātírdadírvásu nábhantāmanyakéṣām jyākā́ ádhi dhánvasu ǁ
Samhita Transcription Nonaccented
vi ṣu viśvā arātayo’ryo naśanta no dhiyaḥ ǀ
astāsi śatrave vadham yo na indra jighāṃsati yā te rātirdadirvasu nabhantāmanyakeṣām jyākā adhi dhanvasu ǁ
Padapatha Devanagari Accented
वि । सु । विश्वा॑ । अरा॑तयः । अ॒र्यः । न॒श॒न्त॒ । नः॒ । धियः॑ ।
अस्ता॑ । अ॒सि॒ । शत्र॑वे । व॒धम् । यः । नः॒ । इ॒न्द्र॒ । जिघां॑सति । या । ते॒ । रा॒तिः । द॒दिः । वसु॑ । नभ॑न्ताम् । अ॒न्य॒केषा॑म् । ज्या॒काः । अधि॑ । धन्व॑ऽसु ॥
Padapatha Devanagari Nonaccented
वि । सु । विश्वा । अरातयः । अर्यः । नशन्त । नः । धियः ।
अस्ता । असि । शत्रवे । वधम् । यः । नः । इन्द्र । जिघांसति । या । ते । रातिः । ददिः । वसु । नभन्ताम् । अन्यकेषाम् । ज्याकाः । अधि । धन्वऽसु ॥
Padapatha Transcription Accented
ví ǀ sú ǀ víśvā ǀ árātayaḥ ǀ aryáḥ ǀ naśanta ǀ naḥ ǀ dhíyaḥ ǀ
ástā ǀ asi ǀ śátrave ǀ vadhám ǀ yáḥ ǀ naḥ ǀ indra ǀ jíghāṃsati ǀ yā́ ǀ te ǀ rātíḥ ǀ dadíḥ ǀ vásu ǀ nábhantām ǀ anyakéṣām ǀ jyākā́ḥ ǀ ádhi ǀ dhánva-su ǁ
Padapatha Transcription Nonaccented
vi ǀ su ǀ viśvā ǀ arātayaḥ ǀ aryaḥ ǀ naśanta ǀ naḥ ǀ dhiyaḥ ǀ
astā ǀ asi ǀ śatrave ǀ vadham ǀ yaḥ ǀ naḥ ǀ indra ǀ jighāṃsati ǀ yā ǀ te ǀ rātiḥ ǀ dadiḥ ǀ vasu ǀ nabhantām ǀ anyakeṣām ǀ jyākāḥ ǀ adhi ǀ dhanva-su ǁ
10.133.04 (Mandala. Sukta. Rik)
8.7.21.04 (Ashtaka. Adhyaya. Varga. Rik)
10.11.032 (Mandala. Anuvāka. Rik)
Samhita Devanagari Accented
यो न॑ इंद्रा॒भितो॒ जनो॑ वृका॒युरा॒दिदे॑शति ।
अ॒ध॒स्प॒दं तमीं॑ कृधि विबा॒धो अ॑सि सास॒हिर्नभं॑तामन्य॒केषां॑ ज्या॒का अधि॒ धन्व॑सु ॥
Samhita Devanagari Nonaccented
यो न इंद्राभितो जनो वृकायुरादिदेशति ।
अधस्पदं तमीं कृधि विबाधो असि सासहिर्नभंतामन्यकेषां ज्याका अधि धन्वसु ॥
Samhita Transcription Accented
yó na indrābhíto jáno vṛkāyúrādídeśati ǀ
adhaspadám támīm kṛdhi vibādhó asi sāsahírnábhantāmanyakéṣām jyākā́ ádhi dhánvasu ǁ
Samhita Transcription Nonaccented
yo na indrābhito jano vṛkāyurādideśati ǀ
adhaspadam tamīm kṛdhi vibādho asi sāsahirnabhantāmanyakeṣām jyākā adhi dhanvasu ǁ
Padapatha Devanagari Accented
यः । नः॒ । इ॒न्द्र॒ । अ॒भितः॑ । जनः॑ । वृ॒क॒ऽयुः । आ॒ऽदिदे॑शति ।
अ॒धः॒ऽप॒दम् । तम् । ई॒म् । कृ॒धि॒ । वि॒ऽबा॒धः । अ॒सि॒ । स॒स॒हिः । नभ॑न्ताम् । अ॒न्य॒केषा॑म् । ज्या॒काः । अधि॑ । धन्व॑ऽसु ॥
Padapatha Devanagari Nonaccented
यः । नः । इन्द्र । अभितः । जनः । वृकऽयुः । आऽदिदेशति ।
अधःऽपदम् । तम् । ईम् । कृधि । विऽबाधः । असि । ससहिः । नभन्ताम् । अन्यकेषाम् । ज्याकाः । अधि । धन्वऽसु ॥
Padapatha Transcription Accented
yáḥ ǀ naḥ ǀ indra ǀ abhítaḥ ǀ jánaḥ ǀ vṛka-yúḥ ǀ ā-dídeśati ǀ
adhaḥ-padám ǀ tám ǀ īm ǀ kṛdhi ǀ vi-bādháḥ ǀ asi ǀ sasahíḥ ǀ nábhantām ǀ anyakéṣām ǀ jyākā́ḥ ǀ ádhi ǀ dhánva-su ǁ
Padapatha Transcription Nonaccented
yaḥ ǀ naḥ ǀ indra ǀ abhitaḥ ǀ janaḥ ǀ vṛka-yuḥ ǀ ā-dideśati ǀ
adhaḥ-padam ǀ tam ǀ īm ǀ kṛdhi ǀ vi-bādhaḥ ǀ asi ǀ sasahiḥ ǀ nabhantām ǀ anyakeṣām ǀ jyākāḥ ǀ adhi ǀ dhanva-su ǁ
10.133.05 (Mandala. Sukta. Rik)
8.7.21.05 (Ashtaka. Adhyaya. Varga. Rik)
10.11.033 (Mandala. Anuvāka. Rik)
Samhita Devanagari Accented
यो न॑ इंद्राभि॒दास॑ति॒ सना॑भि॒र्यश्च॒ निष्ट्यः॑ ।
अव॒ तस्य॒ बलं॑ तिर म॒हीव॒ द्यौरध॒ त्मना॒ नभं॑तामन्य॒केषां॑ ज्या॒का अधि॒ धन्व॑सु ॥
Samhita Devanagari Nonaccented
यो न इंद्राभिदासति सनाभिर्यश्च निष्ट्यः ।
अव तस्य बलं तिर महीव द्यौरध त्मना नभंतामन्यकेषां ज्याका अधि धन्वसु ॥
Samhita Transcription Accented
yó na indrābhidā́sati sánābhiryáśca níṣṭyaḥ ǀ
áva tásya bálam tira mahī́va dyáurádha tmánā nábhantāmanyakéṣām jyākā́ ádhi dhánvasu ǁ
Samhita Transcription Nonaccented
yo na indrābhidāsati sanābhiryaśca niṣṭyaḥ ǀ
ava tasya balam tira mahīva dyauradha tmanā nabhantāmanyakeṣām jyākā adhi dhanvasu ǁ
Padapatha Devanagari Accented
यः । नः॒ । इ॒न्द्र॒ । अ॒भि॒ऽदास॑ति । सऽना॑भिः । यः । च॒ । निष्ट्यः॑ ।
अव॑ । तस्य॑ । बल॑म् । ति॒र॒ । म॒हीऽइ॑व । द्यौः । अध॑ । त्मना॑ । नभ॑न्ताम् । अ॒न्य॒केषा॑म् । ज्या॒काः । अधि॑ । धन्व॑ऽसु ॥
Padapatha Devanagari Nonaccented
यः । नः । इन्द्र । अभिऽदासति । सऽनाभिः । यः । च । निष्ट्यः ।
अव । तस्य । बलम् । तिर । महीऽइव । द्यौः । अध । त्मना । नभन्ताम् । अन्यकेषाम् । ज्याकाः । अधि । धन्वऽसु ॥
Padapatha Transcription Accented
yáḥ ǀ naḥ ǀ indra ǀ abhi-dā́sati ǀ sá-nābhiḥ ǀ yáḥ ǀ ca ǀ níṣṭyaḥ ǀ
áva ǀ tásya ǀ bálam ǀ tira ǀ mahī́-iva ǀ dyáuḥ ǀ ádha ǀ tmánā ǀ nábhantām ǀ anyakéṣām ǀ jyākā́ḥ ǀ ádhi ǀ dhánva-su ǁ
Padapatha Transcription Nonaccented
yaḥ ǀ naḥ ǀ indra ǀ abhi-dāsati ǀ sa-nābhiḥ ǀ yaḥ ǀ ca ǀ niṣṭyaḥ ǀ
ava ǀ tasya ǀ balam ǀ tira ǀ mahī-iva ǀ dyauḥ ǀ adha ǀ tmanā ǀ nabhantām ǀ anyakeṣām ǀ jyākāḥ ǀ adhi ǀ dhanva-su ǁ
10.133.06 (Mandala. Sukta. Rik)
8.7.21.06 (Ashtaka. Adhyaya. Varga. Rik)
10.11.034 (Mandala. Anuvāka. Rik)
Samhita Devanagari Accented
व॒यमिं॑द्र त्वा॒यवः॑ सखि॒त्वमा र॑भामहे ।
ऋ॒तस्य॑ नः प॒था न॒याति॒ विश्वा॑नि दुरि॒ता नभं॑तामन्य॒केषां॑ ज्या॒का अधि॒ धन्व॑सु ॥
Samhita Devanagari Nonaccented
वयमिंद्र त्वायवः सखित्वमा रभामहे ।
ऋतस्य नः पथा नयाति विश्वानि दुरिता नभंतामन्यकेषां ज्याका अधि धन्वसु ॥
Samhita Transcription Accented
vayámindra tvāyávaḥ sakhitvámā́ rabhāmahe ǀ
ṛtásya naḥ pathā́ nayā́ti víśvāni duritā́ nábhantāmanyakéṣām jyākā́ ádhi dhánvasu ǁ
Samhita Transcription Nonaccented
vayamindra tvāyavaḥ sakhitvamā rabhāmahe ǀ
ṛtasya naḥ pathā nayāti viśvāni duritā nabhantāmanyakeṣām jyākā adhi dhanvasu ǁ
Padapatha Devanagari Accented
व॒यम् । इ॒न्द्र॒ । त्वा॒ऽयवः॑ । स॒खि॒ऽत्वम् । आ । र॒भा॒म॒हे॒ ।
ऋ॒तस्य॑ । नः॒ । प॒था । न॒य॒ । अति॑ । विश्वा॑नि । दुः॒ऽइ॒ता । नभ॑न्ताम् । अ॒न्य॒केषा॑म् । ज्या॒काः । अधि॑ । धन्व॑ऽसु ॥
Padapatha Devanagari Nonaccented
वयम् । इन्द्र । त्वाऽयवः । सखिऽत्वम् । आ । रभामहे ।
ऋतस्य । नः । पथा । नय । अति । विश्वानि । दुःऽइता । नभन्ताम् । अन्यकेषाम् । ज्याकाः । अधि । धन्वऽसु ॥
Padapatha Transcription Accented
vayám ǀ indra ǀ tvā-yávaḥ ǀ sakhi-tvám ǀ ā́ ǀ rabhāmahe ǀ
ṛtásya ǀ naḥ ǀ pathā́ ǀ naya ǀ áti ǀ víśvāni ǀ duḥ-itā́ ǀ nábhantām ǀ anyakéṣām ǀ jyākā́ḥ ǀ ádhi ǀ dhánva-su ǁ
Padapatha Transcription Nonaccented
vayam ǀ indra ǀ tvā-yavaḥ ǀ sakhi-tvam ǀ ā ǀ rabhāmahe ǀ
ṛtasya ǀ naḥ ǀ pathā ǀ naya ǀ ati ǀ viśvāni ǀ duḥ-itā ǀ nabhantām ǀ anyakeṣām ǀ jyākāḥ ǀ adhi ǀ dhanva-su ǁ
10.133.07 (Mandala. Sukta. Rik)
8.7.21.07 (Ashtaka. Adhyaya. Varga. Rik)
10.11.035 (Mandala. Anuvāka. Rik)
Samhita Devanagari Accented
अ॒स्मभ्यं॒ सु त्वमिं॑द्र॒ तां शि॑क्ष॒ या दोह॑ते॒ प्रति॒ वरं॑ जरि॒त्रे ।
अच्छि॑द्रोध्नी पी॒पय॒द्यथा॑ नः स॒हस्र॑धारा॒ पय॑सा म॒ही गौः ॥
Samhita Devanagari Nonaccented
अस्मभ्यं सु त्वमिंद्र तां शिक्ष या दोहते प्रति वरं जरित्रे ।
अच्छिद्रोध्नी पीपयद्यथा नः सहस्रधारा पयसा मही गौः ॥
Samhita Transcription Accented
asmábhyam sú tvámindra tā́m śikṣa yā́ dóhate práti váram jaritré ǀ
ácchidrodhnī pīpáyadyáthā naḥ sahásradhārā páyasā mahī́ gáuḥ ǁ
Samhita Transcription Nonaccented
asmabhyam su tvamindra tām śikṣa yā dohate prati varam jaritre ǀ
acchidrodhnī pīpayadyathā naḥ sahasradhārā payasā mahī gauḥ ǁ
Padapatha Devanagari Accented
अ॒स्मभ्य॑म् । सु । त्वम् । इ॒न्द्र॒ । ताम् । शि॒क्ष॒ । या । दोह॑ते । प्रति॑ । वर॑म् । ज॒रि॒त्रे ।
अच्छि॑द्रऽऊध्नी । पी॒पय॑त् । यथा॑ । नः॒ । स॒हस्र॑ऽधारा । पय॑सा । म॒ही । गौः ॥
Padapatha Devanagari Nonaccented
अस्मभ्यम् । सु । त्वम् । इन्द्र । ताम् । शिक्ष । या । दोहते । प्रति । वरम् । जरित्रे ।
अच्छिद्रऽऊध्नी । पीपयत् । यथा । नः । सहस्रऽधारा । पयसा । मही । गौः ॥
Padapatha Transcription Accented
asmábhyam ǀ sú ǀ tvám ǀ indra ǀ tā́m ǀ śikṣa ǀ yā́ ǀ dóhate ǀ práti ǀ váram ǀ jaritré ǀ
ácchidra-ūdhnī ǀ pīpáyat ǀ yáthā ǀ naḥ ǀ sahásra-dhārā ǀ páyasā ǀ mahī́ ǀ gáuḥ ǁ
Padapatha Transcription Nonaccented
asmabhyam ǀ su ǀ tvam ǀ indra ǀ tām ǀ śikṣa ǀ yā ǀ dohate ǀ prati ǀ varam ǀ jaritre ǀ
acchidra-ūdhnī ǀ pīpayat ǀ yathā ǀ naḥ ǀ sahasra-dhārā ǀ payasā ǀ mahī ǀ gauḥ ǁ