|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 134
|
1. Info |
| To: | indra | |
| From: | 1-5: māndhātṛ yauvanāśva; 6: māndhātṛ yauvanāśva (a); godhā (b); 7: godhā |
|
| Metres: | 1st set of styles: mahāpaṅkti (1-6); paṅktiḥ (7) 2nd set of styles: mahāpaṅkti (1-6); paṅkti (7) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.134.01 (Mandala. Sukta. Rik)
8.7.22.01 (Ashtaka. Adhyaya. Varga. Rik)
10.11.036 (Mandala. Anuvāka. Rik)
Samhita Devanagari Accented
उ॒भे यदिं॑द्र॒ रोद॑सी आप॒प्राथो॒षा इ॑व ।
म॒हांतं॑ त्वा म॒हीनां॑ स॒म्राजं॑ चर्षणी॒नां दे॒वी जनि॑त्र्यजीजनद्भ॒द्रा जनि॑त्र्यजीजनत् ॥
Samhita Devanagari Nonaccented
उभे यदिंद्र रोदसी आपप्राथोषा इव ।
महांतं त्वा महीनां सम्राजं चर्षणीनां देवी जनित्र्यजीजनद्भद्रा जनित्र्यजीजनत् ॥
Samhita Transcription Accented
ubhé yádindra ródasī āpaprā́thoṣā́ iva ǀ
mahā́ntam tvā mahī́nām samrā́jam carṣaṇīnā́m devī́ jánitryajījanadbhadrā́ jánitryajījanat ǁ
Samhita Transcription Nonaccented
ubhe yadindra rodasī āpaprāthoṣā iva ǀ
mahāntam tvā mahīnām samrājam carṣaṇīnām devī janitryajījanadbhadrā janitryajījanat ǁ
Padapatha Devanagari Accented
उ॒भे इति॑ । यत् । इ॒न्द्र॒ । रोद॑सी॒ इति॑ । आ॒ऽप॒प्राथ॑ । उ॒षाःऽइ॑व ।
म॒हान्त॑म् । त्वा॒ । म॒हीना॑म् । स॒म्ऽराज॑म् । च॒र्ष॒णी॒नाम् । दे॒वी । जनि॑त्री । अ॒जी॒ज॒न॒त् । भ॒द्रा । जनि॑त्री । अ॒जी॒ज॒न॒त् ॥
Padapatha Devanagari Nonaccented
उभे इति । यत् । इन्द्र । रोदसी इति । आऽपप्राथ । उषाःऽइव ।
महान्तम् । त्वा । महीनाम् । सम्ऽराजम् । चर्षणीनाम् । देवी । जनित्री । अजीजनत् । भद्रा । जनित्री । अजीजनत् ॥
Padapatha Transcription Accented
ubhé íti ǀ yát ǀ indra ǀ ródasī íti ǀ ā-paprā́tha ǀ uṣā́ḥ-iva ǀ
mahā́ntam ǀ tvā ǀ mahī́nām ǀ sam-rā́jam ǀ carṣaṇīnā́m ǀ devī́ ǀ jánitrī ǀ ajījanat ǀ bhadrā́ ǀ jánitrī ǀ ajījanat ǁ
Padapatha Transcription Nonaccented
ubhe iti ǀ yat ǀ indra ǀ rodasī iti ǀ ā-paprātha ǀ uṣāḥ-iva ǀ
mahāntam ǀ tvā ǀ mahīnām ǀ sam-rājam ǀ carṣaṇīnām ǀ devī ǀ janitrī ǀ ajījanat ǀ bhadrā ǀ janitrī ǀ ajījanat ǁ
10.134.02 (Mandala. Sukta. Rik)
8.7.22.02 (Ashtaka. Adhyaya. Varga. Rik)
10.11.037 (Mandala. Anuvāka. Rik)
Samhita Devanagari Accented
अव॑ स्म दुर्हणाय॒तो मर्त॑स्य तनुहि स्थि॒रं ।
अ॒ध॒स्प॒दं तमीं॑ कृधि॒ यो अ॒स्माँ आ॒दिदे॑शति दे॒वी जनि॑त्र्यजीजनद्भ॒द्रा जनि॑त्र्यजीजनत् ॥
Samhita Devanagari Nonaccented
अव स्म दुर्हणायतो मर्तस्य तनुहि स्थिरं ।
अधस्पदं तमीं कृधि यो अस्माँ आदिदेशति देवी जनित्र्यजीजनद्भद्रा जनित्र्यजीजनत् ॥
Samhita Transcription Accented
áva sma durhaṇāyató mártasya tanuhi sthirám ǀ
adhaspadám támīm kṛdhi yó asmā́m̐ ādídeśati devī́ jánitryajījanadbhadrā́ jánitryajījanat ǁ
Samhita Transcription Nonaccented
ava sma durhaṇāyato martasya tanuhi sthiram ǀ
adhaspadam tamīm kṛdhi yo asmām̐ ādideśati devī janitryajījanadbhadrā janitryajījanat ǁ
Padapatha Devanagari Accented
अव॑ । स्म॒ । दुः॒ऽह॒ना॒य॒तः । मर्त॑स्य । त॒नु॒हि॒ । स्थि॒रम् ।
अ॒धः॒ऽप॒दम् । तम् । ई॒म् । कृ॒धि॒ । यः । अ॒स्मान् । आ॒ऽदिदे॑शति । दे॒वी । जनि॑त्री । अ॒जी॒ज॒न॒त् । भ॒द्रा । जनि॑त्री । अ॒जी॒ज॒न॒त् ॥
Padapatha Devanagari Nonaccented
अव । स्म । दुःऽहनायतः । मर्तस्य । तनुहि । स्थिरम् ।
अधःऽपदम् । तम् । ईम् । कृधि । यः । अस्मान् । आऽदिदेशति । देवी । जनित्री । अजीजनत् । भद्रा । जनित्री । अजीजनत् ॥
Padapatha Transcription Accented
áva ǀ sma ǀ duḥ-hanāyatáḥ ǀ mártasya ǀ tanuhi ǀ sthirám ǀ
adhaḥ-padám ǀ tám ǀ īm ǀ kṛdhi ǀ yáḥ ǀ asmā́n ǀ ā-dídeśati ǀ devī́ ǀ jánitrī ǀ ajījanat ǀ bhadrā́ ǀ jánitrī ǀ ajījanat ǁ
Padapatha Transcription Nonaccented
ava ǀ sma ǀ duḥ-hanāyataḥ ǀ martasya ǀ tanuhi ǀ sthiram ǀ
adhaḥ-padam ǀ tam ǀ īm ǀ kṛdhi ǀ yaḥ ǀ asmān ǀ ā-dideśati ǀ devī ǀ janitrī ǀ ajījanat ǀ bhadrā ǀ janitrī ǀ ajījanat ǁ
10.134.03 (Mandala. Sukta. Rik)
8.7.22.03 (Ashtaka. Adhyaya. Varga. Rik)
10.11.038 (Mandala. Anuvāka. Rik)
Samhita Devanagari Accented
अव॒ त्या बृ॑ह॒तीरिषो॑ वि॒श्वश्चं॑द्रा अमित्रहन् ।
शची॑भिः शक्र धूनु॒हींद्र॒ विश्वा॑भिरू॒तिभि॑र्दे॒वी जनि॑त्र्यजीजनद्भ॒द्रा जनि॑त्र्यजीजनत् ॥
Samhita Devanagari Nonaccented
अव त्या बृहतीरिषो विश्वश्चंद्रा अमित्रहन् ।
शचीभिः शक्र धूनुहींद्र विश्वाभिरूतिभिर्देवी जनित्र्यजीजनद्भद्रा जनित्र्यजीजनत् ॥
Samhita Transcription Accented
áva tyā́ bṛhatī́ríṣo viśváścandrā amitrahan ǀ
śácībhiḥ śakra dhūnuhī́ndra víśvābhirūtíbhirdevī́ jánitryajījanadbhadrā́ jánitryajījanat ǁ
Samhita Transcription Nonaccented
ava tyā bṛhatīriṣo viśvaścandrā amitrahan ǀ
śacībhiḥ śakra dhūnuhīndra viśvābhirūtibhirdevī janitryajījanadbhadrā janitryajījanat ǁ
Padapatha Devanagari Accented
अव॑ । त्याः । बृ॒ह॒तीः । इषः॑ । वि॒श्वऽच॑न्द्राः । अ॒मि॒त्र॒ऽह॒न् ।
शची॑भिः । श॒क्र॒ । धू॒नु॒हि॒ । इन्द्र॑ । विश्वा॑भिः । ऊ॒तिऽभिः॑ । दे॒वी । जनि॑त्री । अ॒जी॒ज॒न॒त् । भ॒द्रा । जनि॑त्री । अ॒जी॒ज॒न॒त् ॥
Padapatha Devanagari Nonaccented
अव । त्याः । बृहतीः । इषः । विश्वऽचन्द्राः । अमित्रऽहन् ।
शचीभिः । शक्र । धूनुहि । इन्द्र । विश्वाभिः । ऊतिऽभिः । देवी । जनित्री । अजीजनत् । भद्रा । जनित्री । अजीजनत् ॥
Padapatha Transcription Accented
áva ǀ tyā́ḥ ǀ bṛhatī́ḥ ǀ íṣaḥ ǀ viśvá-candrāḥ ǀ amitra-han ǀ
śácībhiḥ ǀ śakra ǀ dhūnuhi ǀ índra ǀ víśvābhiḥ ǀ ūtí-bhiḥ ǀ devī́ ǀ jánitrī ǀ ajījanat ǀ bhadrā́ ǀ jánitrī ǀ ajījanat ǁ
Padapatha Transcription Nonaccented
ava ǀ tyāḥ ǀ bṛhatīḥ ǀ iṣaḥ ǀ viśva-candrāḥ ǀ amitra-han ǀ
śacībhiḥ ǀ śakra ǀ dhūnuhi ǀ indra ǀ viśvābhiḥ ǀ ūti-bhiḥ ǀ devī ǀ janitrī ǀ ajījanat ǀ bhadrā ǀ janitrī ǀ ajījanat ǁ
10.134.04 (Mandala. Sukta. Rik)
8.7.22.04 (Ashtaka. Adhyaya. Varga. Rik)
10.11.039 (Mandala. Anuvāka. Rik)
Samhita Devanagari Accented
अव॒ यत्त्वं श॑तक्रत॒विंद्र॒ विश्वा॑नि धूनु॒षे ।
र॒यिं न सु॑न्व॒ते सचा॑ सह॒स्रिणी॑भिरू॒तिभि॑र्दे॒वी जनि॑त्र्यजीजनद्भ॒द्रा जनि॑त्र्यजीजनत् ॥
Samhita Devanagari Nonaccented
अव यत्त्वं शतक्रतविंद्र विश्वानि धूनुषे ।
रयिं न सुन्वते सचा सहस्रिणीभिरूतिभिर्देवी जनित्र्यजीजनद्भद्रा जनित्र्यजीजनत् ॥
Samhita Transcription Accented
áva yáttvám śatakratavíndra víśvāni dhūnuṣé ǀ
rayím ná sunvaté sácā sahasríṇībhirūtíbhirdevī́ jánitryajījanadbhadrā́ jánitryajījanat ǁ
Samhita Transcription Nonaccented
ava yattvam śatakratavindra viśvāni dhūnuṣe ǀ
rayim na sunvate sacā sahasriṇībhirūtibhirdevī janitryajījanadbhadrā janitryajījanat ǁ
Padapatha Devanagari Accented
अव॑ । यत् । त्वम् । श॒त॒क्र॒तो॒ इति॑ शतऽक्रतो । इन्द्र॑ । विश्वा॑नि । धू॒नु॒षे ।
र॒यिम् । न । सु॒न्व॒ते । सचा॑ । स॒ह॒स्रिणी॑भिः । ऊ॒तिऽभिः॑ । दे॒वी । जनि॑त्री । अ॒जी॒ज॒न॒त् । भ॒द्रा । जनि॑त्री । अ॒जी॒ज॒न॒त् ॥
Padapatha Devanagari Nonaccented
अव । यत् । त्वम् । शतक्रतो इति शतऽक्रतो । इन्द्र । विश्वानि । धूनुषे ।
रयिम् । न । सुन्वते । सचा । सहस्रिणीभिः । ऊतिऽभिः । देवी । जनित्री । अजीजनत् । भद्रा । जनित्री । अजीजनत् ॥
Padapatha Transcription Accented
áva ǀ yát ǀ tvám ǀ śatakrato íti śata-krato ǀ índra ǀ víśvāni ǀ dhūnuṣé ǀ
rayím ǀ ná ǀ sunvaté ǀ sácā ǀ sahasríṇībhiḥ ǀ ūtí-bhiḥ ǀ devī́ ǀ jánitrī ǀ ajījanat ǀ bhadrā́ ǀ jánitrī ǀ ajījanat ǁ
Padapatha Transcription Nonaccented
ava ǀ yat ǀ tvam ǀ śatakrato iti śata-krato ǀ indra ǀ viśvāni ǀ dhūnuṣe ǀ
rayim ǀ na ǀ sunvate ǀ sacā ǀ sahasriṇībhiḥ ǀ ūti-bhiḥ ǀ devī ǀ janitrī ǀ ajījanat ǀ bhadrā ǀ janitrī ǀ ajījanat ǁ
10.134.05 (Mandala. Sukta. Rik)
8.7.22.05 (Ashtaka. Adhyaya. Varga. Rik)
10.11.040 (Mandala. Anuvāka. Rik)
Samhita Devanagari Accented
अव॒ स्वेदा॑ इवा॒भितो॒ विष्व॑क्पतंतु दि॒द्यवः॑ ।
दूर्वा॑या इव॒ तंत॑वो॒ व्य१॒॑स्मदे॑तु दुर्म॒तिर्दे॒वी जनि॑त्र्यजीजनद्भ॒द्रा जनि॑त्र्यजीजनत् ॥
Samhita Devanagari Nonaccented
अव स्वेदा इवाभितो विष्वक्पतंतु दिद्यवः ।
दूर्वाया इव तंतवो व्यस्मदेतु दुर्मतिर्देवी जनित्र्यजीजनद्भद्रा जनित्र्यजीजनत् ॥
Samhita Transcription Accented
áva svédā ivābhíto víṣvakpatantu didyávaḥ ǀ
dū́rvāyā iva tántavo vyásmádetu durmatírdevī́ jánitryajījanadbhadrā́ jánitryajījanat ǁ
Samhita Transcription Nonaccented
ava svedā ivābhito viṣvakpatantu didyavaḥ ǀ
dūrvāyā iva tantavo vyasmadetu durmatirdevī janitryajījanadbhadrā janitryajījanat ǁ
Padapatha Devanagari Accented
अव॑ । स्वेदाः॑ऽइव । अ॒भितः॑ । विष्व॑क् । प॒त॒न्तु॒ । दि॒द्यवः॑ ।
दूर्वा॑याःऽइव । तन्त॑वः । वि । अ॒स्मत् । ए॒तु॒ । दुः॒ऽम॒तिः । दे॒वी । जनि॑त्री । अ॒जी॒ज॒न॒त् । भ॒द्रा । जनि॑त्री । अ॒जी॒ज॒न॒त् ॥
Padapatha Devanagari Nonaccented
अव । स्वेदाःऽइव । अभितः । विष्वक् । पतन्तु । दिद्यवः ।
दूर्वायाःऽइव । तन्तवः । वि । अस्मत् । एतु । दुःऽमतिः । देवी । जनित्री । अजीजनत् । भद्रा । जनित्री । अजीजनत् ॥
Padapatha Transcription Accented
áva ǀ svédāḥ-iva ǀ abhítaḥ ǀ víṣvak ǀ patantu ǀ didyávaḥ ǀ
dū́rvāyāḥ-iva ǀ tántavaḥ ǀ ví ǀ asmát ǀ etu ǀ duḥ-matíḥ ǀ devī́ ǀ jánitrī ǀ ajījanat ǀ bhadrā́ ǀ jánitrī ǀ ajījanat ǁ
Padapatha Transcription Nonaccented
ava ǀ svedāḥ-iva ǀ abhitaḥ ǀ viṣvak ǀ patantu ǀ didyavaḥ ǀ
dūrvāyāḥ-iva ǀ tantavaḥ ǀ vi ǀ asmat ǀ etu ǀ duḥ-matiḥ ǀ devī ǀ janitrī ǀ ajījanat ǀ bhadrā ǀ janitrī ǀ ajījanat ǁ
10.134.06 (Mandala. Sukta. Rik)
8.7.22.06 (Ashtaka. Adhyaya. Varga. Rik)
10.11.041 (Mandala. Anuvāka. Rik)
Samhita Devanagari Accented
दी॒र्घं ह्यं॑कु॒शं य॑था॒ शक्तिं॒ बिभ॑र्षि मंतुमः ।
पूर्वे॑ण मघवन्प॒दाजो व॒यां यथा॑ यमो दे॒वी जनि॑त्र्यजीजनद्भ॒द्रा जनि॑त्र्यजीजनत् ॥
Samhita Devanagari Nonaccented
दीर्घं ह्यंकुशं यथा शक्तिं बिभर्षि मंतुमः ।
पूर्वेण मघवन्पदाजो वयां यथा यमो देवी जनित्र्यजीजनद्भद्रा जनित्र्यजीजनत् ॥
Samhita Transcription Accented
dīrghám hyáṅkuśám yathā śáktim bíbharṣi mantumaḥ ǀ
pū́rveṇa maghavanpadā́jó vayā́m yáthā yamo devī́ jánitryajījanadbhadrā́ jánitryajījanat ǁ
Samhita Transcription Nonaccented
dīrgham hyaṅkuśam yathā śaktim bibharṣi mantumaḥ ǀ
pūrveṇa maghavanpadājo vayām yathā yamo devī janitryajījanadbhadrā janitryajījanat ǁ
Padapatha Devanagari Accented
दी॒र्घम् । हि । अ॒ङ्कु॒शम् । य॒था॒ । शक्ति॑म् । बिभ॑र्षि । म॒न्तु॒ऽमः॒ ।
पूर्वे॑ण । म॒घ॒ऽव॒न् । प॒दा । अ॒जः । व॒याम् । यथा॑ । य॒मः॒ । दे॒वी । जनि॑त्री । अ॒जी॒ज॒न॒त् । भ॒द्रा । जनि॑त्री । अ॒जी॒ज॒न॒त् ॥
Padapatha Devanagari Nonaccented
दीर्घम् । हि । अङ्कुशम् । यथा । शक्तिम् । बिभर्षि । मन्तुऽमः ।
पूर्वेण । मघऽवन् । पदा । अजः । वयाम् । यथा । यमः । देवी । जनित्री । अजीजनत् । भद्रा । जनित्री । अजीजनत् ॥
Padapatha Transcription Accented
dīrghám ǀ hí ǀ aṅkuśám ǀ yathā ǀ śáktim ǀ bíbharṣi ǀ mantu-maḥ ǀ
pū́rveṇa ǀ magha-van ǀ padā́ ǀ ajáḥ ǀ vayā́m ǀ yáthā ǀ yamaḥ ǀ devī́ ǀ jánitrī ǀ ajījanat ǀ bhadrā́ ǀ jánitrī ǀ ajījanat ǁ
Padapatha Transcription Nonaccented
dīrgham ǀ hi ǀ aṅkuśam ǀ yathā ǀ śaktim ǀ bibharṣi ǀ mantu-maḥ ǀ
pūrveṇa ǀ magha-van ǀ padā ǀ ajaḥ ǀ vayām ǀ yathā ǀ yamaḥ ǀ devī ǀ janitrī ǀ ajījanat ǀ bhadrā ǀ janitrī ǀ ajījanat ǁ
10.134.07 (Mandala. Sukta. Rik)
8.7.22.07 (Ashtaka. Adhyaya. Varga. Rik)
10.11.042 (Mandala. Anuvāka. Rik)
Samhita Devanagari Accented
नकि॑र्देवा मिनीमसि॒ नकि॒रा यो॑पयामसि मंत्र॒श्रुत्यं॑ चरामसि ।
प॒क्षेभि॑रपिक॒क्षेभि॒रत्रा॒भि सं र॑भामहे ॥
Samhita Devanagari Nonaccented
नकिर्देवा मिनीमसि नकिरा योपयामसि मंत्रश्रुत्यं चरामसि ।
पक्षेभिरपिकक्षेभिरत्राभि सं रभामहे ॥
Samhita Transcription Accented
nákirdevā minīmasi nákirā́ yopayāmasi mantraśrútyam carāmasi ǀ
pakṣébhirapikakṣébhirátrābhí sám rabhāmahe ǁ
Samhita Transcription Nonaccented
nakirdevā minīmasi nakirā yopayāmasi mantraśrutyam carāmasi ǀ
pakṣebhirapikakṣebhiratrābhi sam rabhāmahe ǁ
Padapatha Devanagari Accented
नकिः॑ । दे॒वाः॒ । मि॒नी॒म॒सि॒ । नकिः॑ । आ । यो॒प॒या॒म॒सि॒ । म॒न्त्र॒ऽश्रुत्य॑म् । च॒रा॒म॒सि॒ ।
प॒क्षेभिः॑ । अ॒पि॒ऽक॒क्षेभिः॑ । अत्र॑ । अ॒भि । सम् । र॒भा॒म॒हे॒ ॥
Padapatha Devanagari Nonaccented
नकिः । देवाः । मिनीमसि । नकिः । आ । योपयामसि । मन्त्रऽश्रुत्यम् । चरामसि ।
पक्षेभिः । अपिऽकक्षेभिः । अत्र । अभि । सम् । रभामहे ॥
Padapatha Transcription Accented
nákiḥ ǀ devāḥ ǀ minīmasi ǀ nákiḥ ǀ ā́ ǀ yopayāmasi ǀ mantra-śrútyam ǀ carāmasi ǀ
pakṣébhiḥ ǀ api-kakṣébhiḥ ǀ átra ǀ abhí ǀ sám ǀ rabhāmahe ǁ
Padapatha Transcription Nonaccented
nakiḥ ǀ devāḥ ǀ minīmasi ǀ nakiḥ ǀ ā ǀ yopayāmasi ǀ mantra-śrutyam ǀ carāmasi ǀ
pakṣebhiḥ ǀ api-kakṣebhiḥ ǀ atra ǀ abhi ǀ sam ǀ rabhāmahe ǁ