|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 140
|
1. Info |
| To: | agni | |
| From: | agni pāvaka | |
| Metres: | 1st set of styles: nicṛtpaṅkti (1, 3, 4); bhurikpaṅkti (2); saṃstārapaṅkti (5); virāṭtrisṭup (6) 2nd set of styles: satobṛhatī (2-4); viṣṭārapaṅkti (1); upariṣṭājjyotis (5); triṣṭubh (6) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.140.01 (Mandala. Sukta. Rik)
8.7.28.01 (Ashtaka. Adhyaya. Varga. Rik)
10.11.076 (Mandala. Anuvāka. Rik)
Samhita Devanagari Accented
अग्ने॒ तव॒ श्रवो॒ वयो॒ महि॑ भ्राजंते अ॒र्चयो॑ विभावसो ।
बृह॑द्भानो॒ शव॑सा॒ वाज॑मु॒क्थ्यं१॒॑ दधा॑सि दा॒शुषे॑ कवे ॥
Samhita Devanagari Nonaccented
अग्ने तव श्रवो वयो महि भ्राजंते अर्चयो विभावसो ।
बृहद्भानो शवसा वाजमुक्थ्यं दधासि दाशुषे कवे ॥
Samhita Transcription Accented
ágne táva śrávo váyo máhi bhrājante arcáyo vibhāvaso ǀ
bṛ́hadbhāno śávasā vā́jamukthyám dádhāsi dāśúṣe kave ǁ
Samhita Transcription Nonaccented
agne tava śravo vayo mahi bhrājante arcayo vibhāvaso ǀ
bṛhadbhāno śavasā vājamukthyam dadhāsi dāśuṣe kave ǁ
Padapatha Devanagari Accented
अग्ने॑ । तव॑ । श्रवः॑ । वयः॑ । महि॑ । भ्रा॒ज॒न्ते॒ । अ॒र्चयः॑ । वि॒भा॒व॒सो॒ इति॑ विभाऽवसो ।
बृह॑द्भानो॒ इति॒ बृह॑त्ऽभानो । शव॑सा । वाज॑म् । उ॒क्थ्य॑म् । दधा॑सि । दा॒शुषे॑ । क॒वे॒ ॥
Padapatha Devanagari Nonaccented
अग्ने । तव । श्रवः । वयः । महि । भ्राजन्ते । अर्चयः । विभावसो इति विभाऽवसो ।
बृहद्भानो इति बृहत्ऽभानो । शवसा । वाजम् । उक्थ्यम् । दधासि । दाशुषे । कवे ॥
Padapatha Transcription Accented
ágne ǀ táva ǀ śrávaḥ ǀ váyaḥ ǀ máhi ǀ bhrājante ǀ arcáyaḥ ǀ vibhāvaso íti vibhā-vaso ǀ
bṛ́hadbhāno íti bṛ́hat-bhāno ǀ śávasā ǀ vā́jam ǀ ukthyám ǀ dádhāsi ǀ dāśúṣe ǀ kave ǁ
Padapatha Transcription Nonaccented
agne ǀ tava ǀ śravaḥ ǀ vayaḥ ǀ mahi ǀ bhrājante ǀ arcayaḥ ǀ vibhāvaso iti vibhā-vaso ǀ
bṛhadbhāno iti bṛhat-bhāno ǀ śavasā ǀ vājam ǀ ukthyam ǀ dadhāsi ǀ dāśuṣe ǀ kave ǁ
10.140.02 (Mandala. Sukta. Rik)
8.7.28.02 (Ashtaka. Adhyaya. Varga. Rik)
10.11.077 (Mandala. Anuvāka. Rik)
Samhita Devanagari Accented
पा॒व॒कव॑र्चाः शु॒क्रव॑र्चा॒ अनू॑नवर्चा॒ उदि॑यर्षि भा॒नुना॑ ।
पु॒त्रो मा॒तरा॑ वि॒चर॒न्नुपा॑वसि पृ॒णक्षि॒ रोद॑सी उ॒भे ॥
Samhita Devanagari Nonaccented
पावकवर्चाः शुक्रवर्चा अनूनवर्चा उदियर्षि भानुना ।
पुत्रो मातरा विचरन्नुपावसि पृणक्षि रोदसी उभे ॥
Samhita Transcription Accented
pāvakávarcāḥ śukrávarcā ánūnavarcā údiyarṣi bhānúnā ǀ
putró mātárā vicárannúpāvasi pṛṇákṣi ródasī ubhé ǁ
Samhita Transcription Nonaccented
pāvakavarcāḥ śukravarcā anūnavarcā udiyarṣi bhānunā ǀ
putro mātarā vicarannupāvasi pṛṇakṣi rodasī ubhe ǁ
Padapatha Devanagari Accented
पा॒व॒कऽव॑र्चाः । शु॒क्रऽव॑र्चाः । अनू॑नऽवर्चाः । उत् । इ॒य॒र्षि॒ । भा॒नुना॑ ।
पु॒त्रः । मा॒तरा॑ । वि॒ऽचर॑न् । उप॑ । अ॒व॒सि॒ । पृ॒णक्षि॑ । रोद॑सी॒ इति॑ । उ॒भे इति॑ ॥
Padapatha Devanagari Nonaccented
पावकऽवर्चाः । शुक्रऽवर्चाः । अनूनऽवर्चाः । उत् । इयर्षि । भानुना ।
पुत्रः । मातरा । विऽचरन् । उप । अवसि । पृणक्षि । रोदसी इति । उभे इति ॥
Padapatha Transcription Accented
pāvaká-varcāḥ ǀ śukrá-varcāḥ ǀ ánūna-varcāḥ ǀ út ǀ iyarṣi ǀ bhānúnā ǀ
putráḥ ǀ mātárā ǀ vi-cáran ǀ úpa ǀ avasi ǀ pṛṇákṣi ǀ ródasī íti ǀ ubhé íti ǁ
Padapatha Transcription Nonaccented
pāvaka-varcāḥ ǀ śukra-varcāḥ ǀ anūna-varcāḥ ǀ ut ǀ iyarṣi ǀ bhānunā ǀ
putraḥ ǀ mātarā ǀ vi-caran ǀ upa ǀ avasi ǀ pṛṇakṣi ǀ rodasī iti ǀ ubhe iti ǁ
10.140.03 (Mandala. Sukta. Rik)
8.7.28.03 (Ashtaka. Adhyaya. Varga. Rik)
10.11.078 (Mandala. Anuvāka. Rik)
Samhita Devanagari Accented
ऊर्जो॑ नपाज्जातवेदः सुश॒स्तिभि॒र्मंद॑स्व धी॒तिभि॑र्हि॒तः ।
त्वे इषः॒ सं द॑धु॒र्भूरि॑वर्पसश्चि॒त्रोत॑यो वा॒मजा॑ताः ॥
Samhita Devanagari Nonaccented
ऊर्जो नपाज्जातवेदः सुशस्तिभिर्मंदस्व धीतिभिर्हितः ।
त्वे इषः सं दधुर्भूरिवर्पसश्चित्रोतयो वामजाताः ॥
Samhita Transcription Accented
ū́rjo napājjātavedaḥ suśastíbhirmándasva dhītíbhirhitáḥ ǀ
tvé íṣaḥ sám dadhurbhū́rivarpasaścitrótayo vāmájātāḥ ǁ
Samhita Transcription Nonaccented
ūrjo napājjātavedaḥ suśastibhirmandasva dhītibhirhitaḥ ǀ
tve iṣaḥ sam dadhurbhūrivarpasaścitrotayo vāmajātāḥ ǁ
Padapatha Devanagari Accented
ऊर्जः॑ । न॒पा॒त् । जा॒त॒ऽवे॒दः॒ । सु॒श॒स्तिऽभिः॑ । मन्द॑स्व । धी॒तिऽभिः॑ । हि॒तः ।
त्वे इति॑ । इषः॑ । सम् । द॒धुः॒ । भूरि॑ऽवर्पसः । चि॒त्रऽऊ॑तयः । वा॒मऽजा॑ताः ॥
Padapatha Devanagari Nonaccented
ऊर्जः । नपात् । जातऽवेदः । सुशस्तिऽभिः । मन्दस्व । धीतिऽभिः । हितः ।
त्वे इति । इषः । सम् । दधुः । भूरिऽवर्पसः । चित्रऽऊतयः । वामऽजाताः ॥
Padapatha Transcription Accented
ū́rjaḥ ǀ napāt ǀ jāta-vedaḥ ǀ suśastí-bhiḥ ǀ mándasva ǀ dhītí-bhiḥ ǀ hitáḥ ǀ
tvé íti ǀ íṣaḥ ǀ sám ǀ dadhuḥ ǀ bhū́ri-varpasaḥ ǀ citrá-ūtayaḥ ǀ vāmá-jātāḥ ǁ
Padapatha Transcription Nonaccented
ūrjaḥ ǀ napāt ǀ jāta-vedaḥ ǀ suśasti-bhiḥ ǀ mandasva ǀ dhīti-bhiḥ ǀ hitaḥ ǀ
tve iti ǀ iṣaḥ ǀ sam ǀ dadhuḥ ǀ bhūri-varpasaḥ ǀ citra-ūtayaḥ ǀ vāma-jātāḥ ǁ
10.140.04 (Mandala. Sukta. Rik)
8.7.28.04 (Ashtaka. Adhyaya. Varga. Rik)
10.11.079 (Mandala. Anuvāka. Rik)
Samhita Devanagari Accented
इ॒र॒ज्यन्न॑ग्ने प्रथयस्व जं॒तुभि॑र॒स्मे रायो॑ अमर्त्य ।
स द॑र्श॒तस्य॒ वपु॑षो॒ वि रा॑जसि पृ॒णक्षि॑ सान॒सिं क्रतुं॑ ॥
Samhita Devanagari Nonaccented
इरज्यन्नग्ने प्रथयस्व जंतुभिरस्मे रायो अमर्त्य ।
स दर्शतस्य वपुषो वि राजसि पृणक्षि सानसिं क्रतुं ॥
Samhita Transcription Accented
irajyánnagne prathayasva jantúbhirasmé rā́yo amartya ǀ
sá darśatásya vápuṣo ví rājasi pṛṇákṣi sānasím krátum ǁ
Samhita Transcription Nonaccented
irajyannagne prathayasva jantubhirasme rāyo amartya ǀ
sa darśatasya vapuṣo vi rājasi pṛṇakṣi sānasim kratum ǁ
Padapatha Devanagari Accented
इ॒र॒ज्यन् । अ॒ग्ने॒ । प्र॒थ॒य॒स्व॒ । ज॒न्तुऽभिः॑ । अ॒स्मे इति॑ । रायः॑ । अ॒म॒र्त्य॒ ।
सः । द॒र्श॒तस्य॑ । वपु॑षः । वि । रा॒ज॒सि॒ । पृ॒णक्षि॑ । सा॒न॒सिम् । क्रतु॑म् ॥
Padapatha Devanagari Nonaccented
इरज्यन् । अग्ने । प्रथयस्व । जन्तुऽभिः । अस्मे इति । रायः । अमर्त्य ।
सः । दर्शतस्य । वपुषः । वि । राजसि । पृणक्षि । सानसिम् । क्रतुम् ॥
Padapatha Transcription Accented
irajyán ǀ agne ǀ prathayasva ǀ jantú-bhiḥ ǀ asmé íti ǀ rā́yaḥ ǀ amartya ǀ
sáḥ ǀ darśatásya ǀ vápuṣaḥ ǀ ví ǀ rājasi ǀ pṛṇákṣi ǀ sānasím ǀ krátum ǁ
Padapatha Transcription Nonaccented
irajyan ǀ agne ǀ prathayasva ǀ jantu-bhiḥ ǀ asme iti ǀ rāyaḥ ǀ amartya ǀ
saḥ ǀ darśatasya ǀ vapuṣaḥ ǀ vi ǀ rājasi ǀ pṛṇakṣi ǀ sānasim ǀ kratum ǁ
10.140.05 (Mandala. Sukta. Rik)
8.7.28.05 (Ashtaka. Adhyaya. Varga. Rik)
10.11.080 (Mandala. Anuvāka. Rik)
Samhita Devanagari Accented
इ॒ष्क॒र्तार॑मध्व॒रस्य॒ प्रचे॑तसं॒ क्षयं॑तं॒ राध॑सो म॒हः ।
रा॒तिं वा॒मस्य॑ सु॒भगां॑ म॒हीमिषं॒ दधा॑सि सान॒सिं र॒यिं ॥
Samhita Devanagari Nonaccented
इष्कर्तारमध्वरस्य प्रचेतसं क्षयंतं राधसो महः ।
रातिं वामस्य सुभगां महीमिषं दधासि सानसिं रयिं ॥
Samhita Transcription Accented
iṣkartā́ramadhvarásya prácetasam kṣáyantam rā́dhaso maháḥ ǀ
rātím vāmásya subhágām mahī́míṣam dádhāsi sānasím rayím ǁ
Samhita Transcription Nonaccented
iṣkartāramadhvarasya pracetasam kṣayantam rādhaso mahaḥ ǀ
rātim vāmasya subhagām mahīmiṣam dadhāsi sānasim rayim ǁ
Padapatha Devanagari Accented
इ॒ष्क॒र्तार॑म् । अ॒ध्व॒रस्य॑ । प्रऽचे॑तसम् । क्षय॑न्तम् । राध॑सः । म॒हः ।
रा॒तिम् । वा॒मस्य॑ । सु॒ऽभगा॑म् । म॒हीम् । इष॑म् । दधा॑सि । सा॒न॒सिम् । र॒यिम् ॥
Padapatha Devanagari Nonaccented
इष्कर्तारम् । अध्वरस्य । प्रऽचेतसम् । क्षयन्तम् । राधसः । महः ।
रातिम् । वामस्य । सुऽभगाम् । महीम् । इषम् । दधासि । सानसिम् । रयिम् ॥
Padapatha Transcription Accented
iṣkartā́ram ǀ adhvarásya ǀ prá-cetasam ǀ kṣáyantam ǀ rā́dhasaḥ ǀ maháḥ ǀ
rātím ǀ vāmásya ǀ su-bhágām ǀ mahī́m ǀ íṣam ǀ dádhāsi ǀ sānasím ǀ rayím ǁ
Padapatha Transcription Nonaccented
iṣkartāram ǀ adhvarasya ǀ pra-cetasam ǀ kṣayantam ǀ rādhasaḥ ǀ mahaḥ ǀ
rātim ǀ vāmasya ǀ su-bhagām ǀ mahīm ǀ iṣam ǀ dadhāsi ǀ sānasim ǀ rayim ǁ
10.140.06 (Mandala. Sukta. Rik)
8.7.28.06 (Ashtaka. Adhyaya. Varga. Rik)
10.11.081 (Mandala. Anuvāka. Rik)
Samhita Devanagari Accented
ऋ॒तावा॑नं महि॒षं वि॒श्वद॑र्शतम॒ग्निं सु॒म्नाय॑ दधिरे पु॒रो जनाः॑ ।
श्रुत्क॑र्णं स॒प्रथ॑स्तमं त्वा गि॒रा दैव्यं॒ मानु॑षा यु॒गा ॥
Samhita Devanagari Nonaccented
ऋतावानं महिषं विश्वदर्शतमग्निं सुम्नाय दधिरे पुरो जनाः ।
श्रुत्कर्णं सप्रथस्तमं त्वा गिरा दैव्यं मानुषा युगा ॥
Samhita Transcription Accented
ṛtā́vānam mahiṣám viśvádarśatamagním sumnā́ya dadhire puró jánāḥ ǀ
śrútkarṇam sapráthastamam tvā girā́ dáivyam mā́nuṣā yugā́ ǁ
Samhita Transcription Nonaccented
ṛtāvānam mahiṣam viśvadarśatamagnim sumnāya dadhire puro janāḥ ǀ
śrutkarṇam saprathastamam tvā girā daivyam mānuṣā yugā ǁ
Padapatha Devanagari Accented
ऋ॒तऽवा॑नम् । म॒हि॒षम् । वि॒श्वऽद॑र्शतम् । अ॒ग्निम् । सु॒म्नाय॑ । द॒धि॒रे॒ । पु॒रः । जनाः॑ ।
श्रुत्ऽक॑र्णम् । स॒प्रथः॑ऽतमम् । त्वा॒ । गि॒रा । दैव्य॑म् । मानु॑षा । यु॒गा ॥
Padapatha Devanagari Nonaccented
ऋतऽवानम् । महिषम् । विश्वऽदर्शतम् । अग्निम् । सुम्नाय । दधिरे । पुरः । जनाः ।
श्रुत्ऽकर्णम् । सप्रथःऽतमम् । त्वा । गिरा । दैव्यम् । मानुषा । युगा ॥
Padapatha Transcription Accented
ṛtá-vānam ǀ mahiṣám ǀ viśvá-darśatam ǀ agním ǀ sumnā́ya ǀ dadhire ǀ puráḥ ǀ jánāḥ ǀ
śrút-karṇam ǀ sapráthaḥ-tamam ǀ tvā ǀ girā́ ǀ dáivyam ǀ mā́nuṣā ǀ yugā́ ǁ
Padapatha Transcription Nonaccented
ṛta-vānam ǀ mahiṣam ǀ viśva-darśatam ǀ agnim ǀ sumnāya ǀ dadhire ǀ puraḥ ǀ janāḥ ǀ
śrut-karṇam ǀ saprathaḥ-tamam ǀ tvā ǀ girā ǀ daivyam ǀ mānuṣā ǀ yugā ǁ