|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 141
|
1. Info |
| To: | viśvedevās | |
| From: | agni tāpasa | |
| Metres: | 1st set of styles: nicṛdanuṣṭup (1, 2); virāḍanuṣṭup (3, 6); anuṣṭup (4, 5) 2nd set of styles: anuṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.141.01 (Mandala. Sukta. Rik)
8.7.29.01 (Ashtaka. Adhyaya. Varga. Rik)
10.11.082 (Mandala. Anuvāka. Rik)
Samhita Devanagari Accented
अग्ने॒ अच्छा॑ वदे॒ह नः॑ प्र॒त्यङ्नः॑ सु॒मना॑ भव ।
प्र नो॑ यच्छ विशस्पते धन॒दा अ॑सि न॒स्त्वं ॥
Samhita Devanagari Nonaccented
अग्ने अच्छा वदेह नः प्रत्यङ्नः सुमना भव ।
प्र नो यच्छ विशस्पते धनदा असि नस्त्वं ॥
Samhita Transcription Accented
ágne ácchā vadehá naḥ pratyáṅnaḥ sumánā bhava ǀ
prá no yaccha viśaspate dhanadā́ asi nastvám ǁ
Samhita Transcription Nonaccented
agne acchā vadeha naḥ pratyaṅnaḥ sumanā bhava ǀ
pra no yaccha viśaspate dhanadā asi nastvam ǁ
Padapatha Devanagari Accented
अग्ने॑ । अच्छ॑ । व॒द॒ । इ॒ह । नः॒ । प्र॒त्यङ् । नः॒ । सु॒ऽमनाः॑ । भ॒व॒ ।
प्र । नः॒ । य॒च्छ॒ । वि॒शः॒ । प॒ते॒ । ध॒न॒ऽदाः । अ॒सि॒ । नः॒ । त्वम् ॥
Padapatha Devanagari Nonaccented
अग्ने । अच्छ । वद । इह । नः । प्रत्यङ् । नः । सुऽमनाः । भव ।
प्र । नः । यच्छ । विशः । पते । धनऽदाः । असि । नः । त्वम् ॥
Padapatha Transcription Accented
ágne ǀ áccha ǀ vada ǀ ihá ǀ naḥ ǀ pratyáṅ ǀ naḥ ǀ su-mánāḥ ǀ bhava ǀ
prá ǀ naḥ ǀ yaccha ǀ viśaḥ ǀ pate ǀ dhana-dā́ḥ ǀ asi ǀ naḥ ǀ tvám ǁ
Padapatha Transcription Nonaccented
agne ǀ accha ǀ vada ǀ iha ǀ naḥ ǀ pratyaṅ ǀ naḥ ǀ su-manāḥ ǀ bhava ǀ
pra ǀ naḥ ǀ yaccha ǀ viśaḥ ǀ pate ǀ dhana-dāḥ ǀ asi ǀ naḥ ǀ tvam ǁ
10.141.02 (Mandala. Sukta. Rik)
8.7.29.02 (Ashtaka. Adhyaya. Varga. Rik)
10.11.083 (Mandala. Anuvāka. Rik)
Samhita Devanagari Accented
प्र नो॑ यच्छत्वर्य॒मा प्र भगः॒ प्र बृह॒स्पतिः॑ ।
प्र दे॒वाः प्रोत सू॒नृता॑ रा॒यो दे॒वी द॑दातु नः ॥
Samhita Devanagari Nonaccented
प्र नो यच्छत्वर्यमा प्र भगः प्र बृहस्पतिः ।
प्र देवाः प्रोत सूनृता रायो देवी ददातु नः ॥
Samhita Transcription Accented
prá no yacchatvaryamā́ prá bhágaḥ prá bṛ́haspátiḥ ǀ
prá devā́ḥ prótá sūnṛ́tā rāyó devī́ dadātu naḥ ǁ
Samhita Transcription Nonaccented
pra no yacchatvaryamā pra bhagaḥ pra bṛhaspatiḥ ǀ
pra devāḥ prota sūnṛtā rāyo devī dadātu naḥ ǁ
Padapatha Devanagari Accented
प्र । नः॒ । य॒च्छ॒तु॒ । अ॒र्य॒मा । प्र । भगः॑ । प्र । बृह॒स्पतिः॑ ।
प्र । दे॒वाः । प्र । उ॒त । सू॒नृता॑ । रा॒यः । दे॒वी । द॒दा॒तु॒ । नः॒ ॥
Padapatha Devanagari Nonaccented
प्र । नः । यच्छतु । अर्यमा । प्र । भगः । प्र । बृहस्पतिः ।
प्र । देवाः । प्र । उत । सूनृता । रायः । देवी । ददातु । नः ॥
Padapatha Transcription Accented
prá ǀ naḥ ǀ yacchatu ǀ aryamā́ ǀ prá ǀ bhágaḥ ǀ prá ǀ bṛ́haspátiḥ ǀ
prá ǀ devā́ḥ ǀ prá ǀ utá ǀ sūnṛ́tā ǀ rāyáḥ ǀ devī́ ǀ dadātu ǀ naḥ ǁ
Padapatha Transcription Nonaccented
pra ǀ naḥ ǀ yacchatu ǀ aryamā ǀ pra ǀ bhagaḥ ǀ pra ǀ bṛhaspatiḥ ǀ
pra ǀ devāḥ ǀ pra ǀ uta ǀ sūnṛtā ǀ rāyaḥ ǀ devī ǀ dadātu ǀ naḥ ǁ
10.141.03 (Mandala. Sukta. Rik)
8.7.29.03 (Ashtaka. Adhyaya. Varga. Rik)
10.11.084 (Mandala. Anuvāka. Rik)
Samhita Devanagari Accented
सोमं॒ राजा॑न॒मव॑से॒ऽग्निं गी॒र्भिर्ह॑वामहे ।
आ॒दि॒त्यान्विष्णुं॒ सूर्यं॑ ब्र॒ह्माणं॑ च॒ बृह॒स्पतिं॑ ॥
Samhita Devanagari Nonaccented
सोमं राजानमवसेऽग्निं गीर्भिर्हवामहे ।
आदित्यान्विष्णुं सूर्यं ब्रह्माणं च बृहस्पतिं ॥
Samhita Transcription Accented
sómam rā́jānamávase’gním gīrbhírhavāmahe ǀ
ādityā́nvíṣṇum sū́ryam brahmā́ṇam ca bṛ́haspátim ǁ
Samhita Transcription Nonaccented
somam rājānamavase’gnim gīrbhirhavāmahe ǀ
ādityānviṣṇum sūryam brahmāṇam ca bṛhaspatim ǁ
Padapatha Devanagari Accented
सोम॑म् । राजा॑नम् । अव॑से । अ॒ग्निम् । गीः॒ऽभिः । ह॒वा॒म॒हे॒ ।
आ॒दि॒त्यान् । विष्णु॑म् । सूर्य॑म् । ब्र॒ह्माण॑म् । च॒ । बृह॒स्पति॑म् ॥
Padapatha Devanagari Nonaccented
सोमम् । राजानम् । अवसे । अग्निम् । गीःऽभिः । हवामहे ।
आदित्यान् । विष्णुम् । सूर्यम् । ब्रह्माणम् । च । बृहस्पतिम् ॥
Padapatha Transcription Accented
sómam ǀ rā́jānam ǀ ávase ǀ agním ǀ gīḥ-bhíḥ ǀ havāmahe ǀ
ādityā́n ǀ víṣṇum ǀ sū́ryam ǀ brahmā́ṇam ǀ ca ǀ bṛ́haspátim ǁ
Padapatha Transcription Nonaccented
somam ǀ rājānam ǀ avase ǀ agnim ǀ gīḥ-bhiḥ ǀ havāmahe ǀ
ādityān ǀ viṣṇum ǀ sūryam ǀ brahmāṇam ǀ ca ǀ bṛhaspatim ǁ
10.141.04 (Mandala. Sukta. Rik)
8.7.29.04 (Ashtaka. Adhyaya. Varga. Rik)
10.11.085 (Mandala. Anuvāka. Rik)
Samhita Devanagari Accented
इं॒द्र॒वा॒यू बृह॒स्पतिं॑ सु॒हवे॒ह ह॑वामहे ।
यथा॑ नः॒ सर्व॒ इज्जनः॒ संग॑त्यां सु॒मना॒ अस॑त् ॥
Samhita Devanagari Nonaccented
इंद्रवायू बृहस्पतिं सुहवेह हवामहे ।
यथा नः सर्व इज्जनः संगत्यां सुमना असत् ॥
Samhita Transcription Accented
indravāyū́ bṛ́haspátim suhávehá havāmahe ǀ
yáthā naḥ sárva íjjánaḥ sáṃgatyām sumánā ásat ǁ
Samhita Transcription Nonaccented
indravāyū bṛhaspatim suhaveha havāmahe ǀ
yathā naḥ sarva ijjanaḥ saṃgatyām sumanā asat ǁ
Padapatha Devanagari Accented
इ॒न्द्र॒वा॒यू इति॑ । बृह॒स्पति॑म् । सु॒ऽहवा॑ । इ॒ह । ह॒वा॒म॒हे॒ ।
यथा॑ । नः॒ । सर्वः॑ । इत् । जनः॑ । सम्ऽग॑त्याम् । सु॒ऽमनाः॑ । अस॑त् ॥
Padapatha Devanagari Nonaccented
इन्द्रवायू इति । बृहस्पतिम् । सुऽहवा । इह । हवामहे ।
यथा । नः । सर्वः । इत् । जनः । सम्ऽगत्याम् । सुऽमनाः । असत् ॥
Padapatha Transcription Accented
indravāyū́ íti ǀ bṛ́haspátim ǀ su-hávā ǀ ihá ǀ havāmahe ǀ
yáthā ǀ naḥ ǀ sárvaḥ ǀ ít ǀ jánaḥ ǀ sám-gatyām ǀ su-mánāḥ ǀ ásat ǁ
Padapatha Transcription Nonaccented
indravāyū iti ǀ bṛhaspatim ǀ su-havā ǀ iha ǀ havāmahe ǀ
yathā ǀ naḥ ǀ sarvaḥ ǀ it ǀ janaḥ ǀ sam-gatyām ǀ su-manāḥ ǀ asat ǁ
10.141.05 (Mandala. Sukta. Rik)
8.7.29.05 (Ashtaka. Adhyaya. Varga. Rik)
10.11.086 (Mandala. Anuvāka. Rik)
Samhita Devanagari Accented
अ॒र्य॒मणं॒ बृह॒स्पति॒मिंद्रं॒ दाना॑य चोदय ।
वातं॒ विष्णुं॒ सर॑स्वतीं सवि॒तारं॑ च वा॒जिनं॑ ॥
Samhita Devanagari Nonaccented
अर्यमणं बृहस्पतिमिंद्रं दानाय चोदय ।
वातं विष्णुं सरस्वतीं सवितारं च वाजिनं ॥
Samhita Transcription Accented
aryamáṇam bṛ́haspátimíndram dā́nāya codaya ǀ
vā́tam víṣṇum sárasvatīm savitā́ram ca vājínam ǁ
Samhita Transcription Nonaccented
aryamaṇam bṛhaspatimindram dānāya codaya ǀ
vātam viṣṇum sarasvatīm savitāram ca vājinam ǁ
Padapatha Devanagari Accented
अ॒र्य॒मण॑म् । बृह॒स्पति॑म् । इन्द्र॑म् । दाना॑य । चो॒द॒य॒ ।
वात॑म् । विष्णु॑म् । सर॑स्वतीम् । स॒वि॒तार॑म् । च॒ । वा॒जिन॑म् ॥
Padapatha Devanagari Nonaccented
अर्यमणम् । बृहस्पतिम् । इन्द्रम् । दानाय । चोदय ।
वातम् । विष्णुम् । सरस्वतीम् । सवितारम् । च । वाजिनम् ॥
Padapatha Transcription Accented
aryamáṇam ǀ bṛ́haspátim ǀ índram ǀ dā́nāya ǀ codaya ǀ
vā́tam ǀ víṣṇum ǀ sárasvatīm ǀ savitā́ram ǀ ca ǀ vājínam ǁ
Padapatha Transcription Nonaccented
aryamaṇam ǀ bṛhaspatim ǀ indram ǀ dānāya ǀ codaya ǀ
vātam ǀ viṣṇum ǀ sarasvatīm ǀ savitāram ǀ ca ǀ vājinam ǁ
10.141.06 (Mandala. Sukta. Rik)
8.7.29.06 (Ashtaka. Adhyaya. Varga. Rik)
10.11.087 (Mandala. Anuvāka. Rik)
Samhita Devanagari Accented
त्वं नो॑ अग्ने अ॒ग्निभि॒र्ब्रह्म॑ य॒ज्ञं च॑ वर्धय ।
त्वं नो॑ दे॒वता॑तये रा॒यो दाना॑य चोदय ॥
Samhita Devanagari Nonaccented
त्वं नो अग्ने अग्निभिर्ब्रह्म यज्ञं च वर्धय ।
त्वं नो देवतातये रायो दानाय चोदय ॥
Samhita Transcription Accented
tvám no agne agníbhirbráhma yajñám ca vardhaya ǀ
tvám no devátātaye rāyó dā́nāya codaya ǁ
Samhita Transcription Nonaccented
tvam no agne agnibhirbrahma yajñam ca vardhaya ǀ
tvam no devatātaye rāyo dānāya codaya ǁ
Padapatha Devanagari Accented
त्वम् । नः॒ । अ॒ग्ने॒ । अ॒ग्निऽभिः॑ । ब्रह्म॑ । य॒ज्ञम् । च॒ । व॒र्ध॒य॒ ।
त्वम् । नः॒ । दे॒वऽता॑तये । रा॒यः । दाना॑य । चो॒द॒य॒ ॥
Padapatha Devanagari Nonaccented
त्वम् । नः । अग्ने । अग्निऽभिः । ब्रह्म । यज्ञम् । च । वर्धय ।
त्वम् । नः । देवऽतातये । रायः । दानाय । चोदय ॥
Padapatha Transcription Accented
tvám ǀ naḥ ǀ agne ǀ agní-bhiḥ ǀ bráhma ǀ yajñám ǀ ca ǀ vardhaya ǀ
tvám ǀ naḥ ǀ devá-tātaye ǀ rāyáḥ ǀ dā́nāya ǀ codaya ǁ
Padapatha Transcription Nonaccented
tvam ǀ naḥ ǀ agne ǀ agni-bhiḥ ǀ brahma ǀ yajñam ǀ ca ǀ vardhaya ǀ
tvam ǀ naḥ ǀ deva-tātaye ǀ rāyaḥ ǀ dānāya ǀ codaya ǁ