|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 143
|
1. Info |
| To: | aśvins | |
| From: | atri sāṃkhya | |
| Metres: | 1st set of styles: anuṣṭup (1-5); nicṛdanuṣṭup (6) 2nd set of styles: anuṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.143.01 (Mandala. Sukta. Rik)
8.8.01.01 (Ashtaka. Adhyaya. Varga. Rik)
10.11.096 (Mandala. Anuvāka. Rik)
Samhita Devanagari Accented
त्यं चि॒दत्रि॑मृत॒जुर॒मर्थ॒मश्वं॒ न यात॑वे ।
क॒क्षीवं॑तं॒ यदी॒ पुना॒ रथं॒ न कृ॑णु॒थो नवं॑ ॥
Samhita Devanagari Nonaccented
त्यं चिदत्रिमृतजुरमर्थमश्वं न यातवे ।
कक्षीवंतं यदी पुना रथं न कृणुथो नवं ॥
Samhita Transcription Accented
tyám cidátrimṛtajúramárthamáśvam ná yā́tave ǀ
kakṣī́vantam yádī púnā rátham ná kṛṇuthó návam ǁ
Samhita Transcription Nonaccented
tyam cidatrimṛtajuramarthamaśvam na yātave ǀ
kakṣīvantam yadī punā ratham na kṛṇutho navam ǁ
Padapatha Devanagari Accented
त्यम् । चि॒त् । अत्रि॑म् । ऋ॒त॒ऽजुर॑म् । अर्थ॑म् । अश्व॑म् । न । यात॑वे ।
क॒क्षीव॑न्तम् । यदि॑ । पुन॒रिति॑ । रथ॑म् । न । कृ॒णु॒थः । नव॑म् ॥
Padapatha Devanagari Nonaccented
त्यम् । चित् । अत्रिम् । ऋतऽजुरम् । अर्थम् । अश्वम् । न । यातवे ।
कक्षीवन्तम् । यदि । पुनरिति । रथम् । न । कृणुथः । नवम् ॥
Padapatha Transcription Accented
tyám ǀ cit ǀ átrim ǀ ṛta-júram ǀ ártham ǀ áśvam ǀ ná ǀ yā́tave ǀ
kakṣī́vantam ǀ yádi ǀ púnaríti ǀ rátham ǀ ná ǀ kṛṇutháḥ ǀ návam ǁ
Padapatha Transcription Nonaccented
tyam ǀ cit ǀ atrim ǀ ṛta-juram ǀ artham ǀ aśvam ǀ na ǀ yātave ǀ
kakṣīvantam ǀ yadi ǀ punariti ǀ ratham ǀ na ǀ kṛṇuthaḥ ǀ navam ǁ
10.143.02 (Mandala. Sukta. Rik)
8.8.01.02 (Ashtaka. Adhyaya. Varga. Rik)
10.11.097 (Mandala. Anuvāka. Rik)
Samhita Devanagari Accented
त्यं चि॒दश्वं॒ न वा॒जिन॑मरे॒णवो॒ यमत्न॑त ।
दृ॒ळ्हं ग्रं॒थिं न वि ष्य॑त॒मत्रिं॒ यवि॑ष्ठ॒मा रजः॑ ॥
Samhita Devanagari Nonaccented
त्यं चिदश्वं न वाजिनमरेणवो यमत्नत ।
दृळ्हं ग्रंथिं न वि ष्यतमत्रिं यविष्ठमा रजः ॥
Samhita Transcription Accented
tyám cidáśvam ná vājínamareṇávo yámátnata ǀ
dṛḷhám granthím ná ví ṣyatamátrim yáviṣṭhamā́ rájaḥ ǁ
Samhita Transcription Nonaccented
tyam cidaśvam na vājinamareṇavo yamatnata ǀ
dṛḷham granthim na vi ṣyatamatrim yaviṣṭhamā rajaḥ ǁ
Padapatha Devanagari Accented
त्यम् । चि॒त् । अश्व॑म् । न । वा॒जिन॑म् । अ॒रे॒णवः॑ । यम् । अत्न॑त ।
दृ॒ळ्हम् । ग्र॒न्थिम् । न । वि । स्य॒त॒म् । अत्रि॑म् । यवि॑ष्ठम् । आ । रजः॑ ॥
Padapatha Devanagari Nonaccented
त्यम् । चित् । अश्वम् । न । वाजिनम् । अरेणवः । यम् । अत्नत ।
दृळ्हम् । ग्रन्थिम् । न । वि । स्यतम् । अत्रिम् । यविष्ठम् । आ । रजः ॥
Padapatha Transcription Accented
tyám ǀ cit ǀ áśvam ǀ ná ǀ vājínam ǀ areṇávaḥ ǀ yám ǀ átnata ǀ
dṛḷhám ǀ granthím ǀ ná ǀ ví ǀ syatam ǀ átrim ǀ yáviṣṭham ǀ ā́ ǀ rájaḥ ǁ
Padapatha Transcription Nonaccented
tyam ǀ cit ǀ aśvam ǀ na ǀ vājinam ǀ areṇavaḥ ǀ yam ǀ atnata ǀ
dṛḷham ǀ granthim ǀ na ǀ vi ǀ syatam ǀ atrim ǀ yaviṣṭham ǀ ā ǀ rajaḥ ǁ
10.143.03 (Mandala. Sukta. Rik)
8.8.01.03 (Ashtaka. Adhyaya. Varga. Rik)
10.11.098 (Mandala. Anuvāka. Rik)
Samhita Devanagari Accented
नरा॒ दंसि॑ष्ठा॒वत्र॑ये॒ शुभ्रा॒ सिषा॑सतं॒ धियः॑ ।
अथा॒ हि वां॑ दि॒वो न॑रा॒ पुनः॒ स्तोमो॒ न वि॒शसे॑ ॥
Samhita Devanagari Nonaccented
नरा दंसिष्ठावत्रये शुभ्रा सिषासतं धियः ।
अथा हि वां दिवो नरा पुनः स्तोमो न विशसे ॥
Samhita Transcription Accented
nárā dáṃsiṣṭhāvátraye śúbhrā síṣāsatam dhíyaḥ ǀ
áthā hí vām divó narā púnaḥ stómo ná viśáse ǁ
Samhita Transcription Nonaccented
narā daṃsiṣṭhāvatraye śubhrā siṣāsatam dhiyaḥ ǀ
athā hi vām divo narā punaḥ stomo na viśase ǁ
Padapatha Devanagari Accented
नरा॑ । दंसि॑ष्ठौ । अत्र॑ये । शुभ्रा॑ । सिसा॑सतम् । धियः॑ ।
अथ॑ । हि । वा॒म् । दि॒वः । न॒रा॒ । पुन॒रिति॑ । स्तोमः॑ । न । वि॒ऽशसे॑ ॥
Padapatha Devanagari Nonaccented
नरा । दंसिष्ठौ । अत्रये । शुभ्रा । सिसासतम् । धियः ।
अथ । हि । वाम् । दिवः । नरा । पुनरिति । स्तोमः । न । विऽशसे ॥
Padapatha Transcription Accented
nárā ǀ dáṃsiṣṭhau ǀ átraye ǀ śúbhrā ǀ sísāsatam ǀ dhíyaḥ ǀ
átha ǀ hí ǀ vām ǀ diváḥ ǀ narā ǀ púnaríti ǀ stómaḥ ǀ ná ǀ vi-śáse ǁ
Padapatha Transcription Nonaccented
narā ǀ daṃsiṣṭhau ǀ atraye ǀ śubhrā ǀ sisāsatam ǀ dhiyaḥ ǀ
atha ǀ hi ǀ vām ǀ divaḥ ǀ narā ǀ punariti ǀ stomaḥ ǀ na ǀ vi-śase ǁ
10.143.04 (Mandala. Sukta. Rik)
8.8.01.04 (Ashtaka. Adhyaya. Varga. Rik)
10.11.099 (Mandala. Anuvāka. Rik)
Samhita Devanagari Accented
चि॒ते तद्वां॑ सुराधसा रा॒तिः सु॑म॒तिर॑श्विना ।
आ यन्नः॒ सद॑ने पृ॒थौ सम॑ने॒ पर्ष॑थो नरा ॥
Samhita Devanagari Nonaccented
चिते तद्वां सुराधसा रातिः सुमतिरश्विना ।
आ यन्नः सदने पृथौ समने पर्षथो नरा ॥
Samhita Transcription Accented
cité tádvām surādhasā rātíḥ sumatíraśvinā ǀ
ā́ yánnaḥ sádane pṛtháu sámane párṣatho narā ǁ
Samhita Transcription Nonaccented
cite tadvām surādhasā rātiḥ sumatiraśvinā ǀ
ā yannaḥ sadane pṛthau samane parṣatho narā ǁ
Padapatha Devanagari Accented
चि॒ते । तत् । वा॒म् । सु॒ऽरा॒ध॒सा॒ । रा॒तिः । सु॒ऽम॒तिः । अ॒श्वि॒ना॒ ।
आ । यत् । नः॒ । सद॑ने । पृ॒थौ । सम॑ने । पर्ष॑थः । न॒रा॒ ॥
Padapatha Devanagari Nonaccented
चिते । तत् । वाम् । सुऽराधसा । रातिः । सुऽमतिः । अश्विना ।
आ । यत् । नः । सदने । पृथौ । समने । पर्षथः । नरा ॥
Padapatha Transcription Accented
cité ǀ tát ǀ vām ǀ su-rādhasā ǀ rātíḥ ǀ su-matíḥ ǀ aśvinā ǀ
ā́ ǀ yát ǀ naḥ ǀ sádane ǀ pṛtháu ǀ sámane ǀ párṣathaḥ ǀ narā ǁ
Padapatha Transcription Nonaccented
cite ǀ tat ǀ vām ǀ su-rādhasā ǀ rātiḥ ǀ su-matiḥ ǀ aśvinā ǀ
ā ǀ yat ǀ naḥ ǀ sadane ǀ pṛthau ǀ samane ǀ parṣathaḥ ǀ narā ǁ
10.143.05 (Mandala. Sukta. Rik)
8.8.01.05 (Ashtaka. Adhyaya. Varga. Rik)
10.11.100 (Mandala. Anuvāka. Rik)
Samhita Devanagari Accented
यु॒वं भु॒ज्युं स॑मु॒द्र आ रज॑सः पा॒र ईं॑खि॒तं ।
या॒तमच्छा॑ पत॒त्रिभि॒र्नास॑त्या सा॒तये॑ कृतं ॥
Samhita Devanagari Nonaccented
युवं भुज्युं समुद्र आ रजसः पार ईंखितं ।
यातमच्छा पतत्रिभिर्नासत्या सातये कृतं ॥
Samhita Transcription Accented
yuvám bhujyúm samudrá ā́ rájasaḥ pārá īṅkhitám ǀ
yātámácchā patatríbhirnā́satyā sātáye kṛtam ǁ
Samhita Transcription Nonaccented
yuvam bhujyum samudra ā rajasaḥ pāra īṅkhitam ǀ
yātamacchā patatribhirnāsatyā sātaye kṛtam ǁ
Padapatha Devanagari Accented
यु॒वम् । भु॒ज्युम् । स॒मु॒द्रे । आ । रज॑सः । पा॒रे । ई॒ङ्खि॒तम् ।
या॒तम् । अच्छ॑ । प॒त॒त्रिऽभिः॑ । नास॑त्या । सा॒तये॑ । कृ॒त॒म् ॥
Padapatha Devanagari Nonaccented
युवम् । भुज्युम् । समुद्रे । आ । रजसः । पारे । ईङ्खितम् ।
यातम् । अच्छ । पतत्रिऽभिः । नासत्या । सातये । कृतम् ॥
Padapatha Transcription Accented
yuvám ǀ bhujyúm ǀ samudré ǀ ā́ ǀ rájasaḥ ǀ pāré ǀ īṅkhitám ǀ
yātám ǀ áccha ǀ patatrí-bhiḥ ǀ nā́satyā ǀ sātáye ǀ kṛtam ǁ
Padapatha Transcription Nonaccented
yuvam ǀ bhujyum ǀ samudre ǀ ā ǀ rajasaḥ ǀ pāre ǀ īṅkhitam ǀ
yātam ǀ accha ǀ patatri-bhiḥ ǀ nāsatyā ǀ sātaye ǀ kṛtam ǁ
10.143.06 (Mandala. Sukta. Rik)
8.8.01.06 (Ashtaka. Adhyaya. Varga. Rik)
10.11.101 (Mandala. Anuvāka. Rik)
Samhita Devanagari Accented
आ वां॑ सु॒म्नैः शं॒यू इ॑व॒ मंहि॑ष्ठा॒ विश्व॑वेदसा ।
सम॒स्मे भू॑षतं न॒रोत्सं॒ न पि॒प्युषी॒रिषः॑ ॥
Samhita Devanagari Nonaccented
आ वां सुम्नैः शंयू इव मंहिष्ठा विश्ववेदसा ।
समस्मे भूषतं नरोत्सं न पिप्युषीरिषः ॥
Samhita Transcription Accented
ā́ vām sumnáiḥ śaṃyū́ iva máṃhiṣṭhā víśvavedasā ǀ
sámasmé bhūṣatam narótsam ná pipyúṣīríṣaḥ ǁ
Samhita Transcription Nonaccented
ā vām sumnaiḥ śaṃyū iva maṃhiṣṭhā viśvavedasā ǀ
samasme bhūṣatam narotsam na pipyuṣīriṣaḥ ǁ
Padapatha Devanagari Accented
आ । वा॒म् । सु॒म्नैः । श॒म्यू इ॒वेति॑ श॒म्यूऽइ॑व । मंहि॑ष्ठा । विश्व॑ऽवेदसा ।
सम् । अ॒स्मे इति॑ । भू॒ष॒त॒म् । न॒रा॒ । उत्स॑म् । न । पि॒प्युषीः॑ । इषः॑ ॥
Padapatha Devanagari Nonaccented
आ । वाम् । सुम्नैः । शम्यू इवेति शम्यूऽइव । मंहिष्ठा । विश्वऽवेदसा ।
सम् । अस्मे इति । भूषतम् । नरा । उत्सम् । न । पिप्युषीः । इषः ॥
Padapatha Transcription Accented
ā́ ǀ vām ǀ sumnáiḥ ǀ śamyū́ ivéti śamyū́-iva ǀ máṃhiṣṭhā ǀ víśva-vedasā ǀ
sám ǀ asmé íti ǀ bhūṣatam ǀ narā ǀ útsam ǀ ná ǀ pipyúṣīḥ ǀ íṣaḥ ǁ
Padapatha Transcription Nonaccented
ā ǀ vām ǀ sumnaiḥ ǀ śamyū iveti śamyū-iva ǀ maṃhiṣṭhā ǀ viśva-vedasā ǀ
sam ǀ asme iti ǀ bhūṣatam ǀ narā ǀ utsam ǀ na ǀ pipyuṣīḥ ǀ iṣaḥ ǁ