|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 144
|
1. Info |
| To: | indra | |
| From: | suparṇa tārkṣyaputra or ūrdhvakṛśana yāmāyana | |
| Metres: | 1st set of styles: nicṛdgāyatrī (1, 3); svarāḍārcībṛhatī (2); bhuriggāyatrī (4); satobṛhatī (5); nicṛtpaṅkti (6) 2nd set of styles: gāyatrī (1, 3, 4); bṛhatī (2); satobṛhatī (5); viṣṭārapaṅkti (6) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.144.01 (Mandala. Sukta. Rik)
8.8.02.01 (Ashtaka. Adhyaya. Varga. Rik)
10.11.102 (Mandala. Anuvāka. Rik)
Samhita Devanagari Accented
अ॒यं हि ते॒ अम॑र्त्य॒ इंदु॒रत्यो॒ न पत्य॑ते ।
दक्षो॑ वि॒श्वायु॑र्वे॒धसे॑ ॥
Samhita Devanagari Nonaccented
अयं हि ते अमर्त्य इंदुरत्यो न पत्यते ।
दक्षो विश्वायुर्वेधसे ॥
Samhita Transcription Accented
ayám hí te ámartya índurátyo ná pátyate ǀ
dákṣo viśvā́yurvedháse ǁ
Samhita Transcription Nonaccented
ayam hi te amartya induratyo na patyate ǀ
dakṣo viśvāyurvedhase ǁ
Padapatha Devanagari Accented
अ॒यम् । हि । ते॒ । अम॑र्त्यः । इन्दुः॑ । अत्यः॑ । न । पत्य॑ते ।
दक्षः॑ । वि॒श्वऽआ॑युः । वे॒धसे॑ ॥
Padapatha Devanagari Nonaccented
अयम् । हि । ते । अमर्त्यः । इन्दुः । अत्यः । न । पत्यते ।
दक्षः । विश्वऽआयुः । वेधसे ॥
Padapatha Transcription Accented
ayám ǀ hí ǀ te ǀ ámartyaḥ ǀ índuḥ ǀ átyaḥ ǀ ná ǀ pátyate ǀ
dákṣaḥ ǀ viśvá-āyuḥ ǀ vedháse ǁ
Padapatha Transcription Nonaccented
ayam ǀ hi ǀ te ǀ amartyaḥ ǀ induḥ ǀ atyaḥ ǀ na ǀ patyate ǀ
dakṣaḥ ǀ viśva-āyuḥ ǀ vedhase ǁ
10.144.02 (Mandala. Sukta. Rik)
8.8.02.02 (Ashtaka. Adhyaya. Varga. Rik)
10.11.103 (Mandala. Anuvāka. Rik)
Samhita Devanagari Accented
अ॒यम॒स्मासु॒ काव्य॑ ऋ॒भुर्वज्रो॒ दास्व॑ते ।
अ॒यं बि॑भर्त्यू॒र्ध्वकृ॑शनं॒ मद॑मृ॒भुर्न कृत्व्यं॒ मदं॑ ॥
Samhita Devanagari Nonaccented
अयमस्मासु काव्य ऋभुर्वज्रो दास्वते ।
अयं बिभर्त्यूर्ध्वकृशनं मदमृभुर्न कृत्व्यं मदं ॥
Samhita Transcription Accented
ayámasmā́su kā́vya ṛbhúrvájro dā́svate ǀ
ayám bibhartyūrdhvákṛśanam mádamṛbhúrná kṛ́tvyam mádam ǁ
Samhita Transcription Nonaccented
ayamasmāsu kāvya ṛbhurvajro dāsvate ǀ
ayam bibhartyūrdhvakṛśanam madamṛbhurna kṛtvyam madam ǁ
Padapatha Devanagari Accented
अ॒यम् । अ॒स्मासु॑ । काव्यः॑ । ऋ॒भुः । वज्रः॑ । दास्व॑ते ।
अ॒यम् । बि॒भ॒र्ति॒ । ऊ॒र्ध्वऽकृ॑शनम् । मद॑म् । ऋ॒भुः । न । कृत्व्य॑म् । मद॑म् ॥
Padapatha Devanagari Nonaccented
अयम् । अस्मासु । काव्यः । ऋभुः । वज्रः । दास्वते ।
अयम् । बिभर्ति । ऊर्ध्वऽकृशनम् । मदम् । ऋभुः । न । कृत्व्यम् । मदम् ॥
Padapatha Transcription Accented
ayám ǀ asmā́su ǀ kā́vyaḥ ǀ ṛbhúḥ ǀ vájraḥ ǀ dā́svate ǀ
ayám ǀ bibharti ǀ ūrdhvá-kṛśanam ǀ mádam ǀ ṛbhúḥ ǀ ná ǀ kṛ́tvyam ǀ mádam ǁ
Padapatha Transcription Nonaccented
ayam ǀ asmāsu ǀ kāvyaḥ ǀ ṛbhuḥ ǀ vajraḥ ǀ dāsvate ǀ
ayam ǀ bibharti ǀ ūrdhva-kṛśanam ǀ madam ǀ ṛbhuḥ ǀ na ǀ kṛtvyam ǀ madam ǁ
10.144.03 (Mandala. Sukta. Rik)
8.8.02.03 (Ashtaka. Adhyaya. Varga. Rik)
10.11.104 (Mandala. Anuvāka. Rik)
Samhita Devanagari Accented
घृषुः॑ श्ये॒नाय॒ कृत्व॑न आ॒सु स्वासु॒ वंस॑गः ।
अव॑ दीधेदही॒शुवः॑ ॥
Samhita Devanagari Nonaccented
घृषुः श्येनाय कृत्वन आसु स्वासु वंसगः ।
अव दीधेदहीशुवः ॥
Samhita Transcription Accented
ghṛ́ṣuḥ śyenā́ya kṛ́tvana āsú svā́su váṃsagaḥ ǀ
áva dīdhedahīśúvaḥ ǁ
Samhita Transcription Nonaccented
ghṛṣuḥ śyenāya kṛtvana āsu svāsu vaṃsagaḥ ǀ
ava dīdhedahīśuvaḥ ǁ
Padapatha Devanagari Accented
घृषुः॑ । श्ये॒नाय॑ । कृत्व॑ने । आ॒सु । स्वासु॑ । वंस॑गः ।
अव॑ । दी॒धे॒त् । अ॒ही॒शुवः॑ ॥
Padapatha Devanagari Nonaccented
घृषुः । श्येनाय । कृत्वने । आसु । स्वासु । वंसगः ।
अव । दीधेत् । अहीशुवः ॥
Padapatha Transcription Accented
ghṛ́ṣuḥ ǀ śyenā́ya ǀ kṛ́tvane ǀ āsú ǀ svā́su ǀ váṃsagaḥ ǀ
áva ǀ dīdhet ǀ ahīśúvaḥ ǁ
Padapatha Transcription Nonaccented
ghṛṣuḥ ǀ śyenāya ǀ kṛtvane ǀ āsu ǀ svāsu ǀ vaṃsagaḥ ǀ
ava ǀ dīdhet ǀ ahīśuvaḥ ǁ
10.144.04 (Mandala. Sukta. Rik)
8.8.02.04 (Ashtaka. Adhyaya. Varga. Rik)
10.11.105 (Mandala. Anuvāka. Rik)
Samhita Devanagari Accented
यं सु॑प॒र्णः प॑रा॒वतः॑ श्ये॒नस्य॑ पु॒त्र आभ॑रत् ।
श॒तच॑क्रं॒ यो॒३॒॑ऽह्यो॑ वर्त॒निः ॥
Samhita Devanagari Nonaccented
यं सुपर्णः परावतः श्येनस्य पुत्र आभरत् ।
शतचक्रं योऽह्यो वर्तनिः ॥
Samhita Transcription Accented
yám suparṇáḥ parāvátaḥ śyenásya putrá ā́bharat ǀ
śatácakram yó’hyó vartaníḥ ǁ
Samhita Transcription Nonaccented
yam suparṇaḥ parāvataḥ śyenasya putra ābharat ǀ
śatacakram yo’hyo vartaniḥ ǁ
Padapatha Devanagari Accented
यम् । सु॒ऽप॒र्णः । प॒रा॒ऽवतः॑ । श्ये॒नस्य॑ । पु॒त्रः । आ । अभ॑रत् ।
श॒तऽच॑क्रम् । यः । अ॒ह्यः॑ । व॒र्त॒निः ॥
Padapatha Devanagari Nonaccented
यम् । सुऽपर्णः । पराऽवतः । श्येनस्य । पुत्रः । आ । अभरत् ।
शतऽचक्रम् । यः । अह्यः । वर्तनिः ॥
Padapatha Transcription Accented
yám ǀ su-parṇáḥ ǀ parā-vátaḥ ǀ śyenásya ǀ putráḥ ǀ ā́ ǀ ábharat ǀ
śatá-cakram ǀ yáḥ ǀ ahyáḥ ǀ vartaníḥ ǁ
Padapatha Transcription Nonaccented
yam ǀ su-parṇaḥ ǀ parā-vataḥ ǀ śyenasya ǀ putraḥ ǀ ā ǀ abharat ǀ
śata-cakram ǀ yaḥ ǀ ahyaḥ ǀ vartaniḥ ǁ
10.144.05 (Mandala. Sukta. Rik)
8.8.02.05 (Ashtaka. Adhyaya. Varga. Rik)
10.11.106 (Mandala. Anuvāka. Rik)
Samhita Devanagari Accented
यं ते॑ श्ये॒नश्चारु॑मवृ॒कं प॒दाभ॑रदरु॒णं मा॒नमंध॑सः ।
ए॒ना वयो॒ वि ता॒र्यायु॑र्जी॒वस॑ ए॒ना जा॑गार बं॒धुता॑ ॥
Samhita Devanagari Nonaccented
यं ते श्येनश्चारुमवृकं पदाभरदरुणं मानमंधसः ।
एना वयो वि तार्यायुर्जीवस एना जागार बंधुता ॥
Samhita Transcription Accented
yám te śyenáścā́rumavṛkám padā́bharadaruṇám mānámándhasaḥ ǀ
enā́ váyo ví tāryā́yurjīvása enā́ jāgāra bandhútā ǁ
Samhita Transcription Nonaccented
yam te śyenaścārumavṛkam padābharadaruṇam mānamandhasaḥ ǀ
enā vayo vi tāryāyurjīvasa enā jāgāra bandhutā ǁ
Padapatha Devanagari Accented
यम् । ते॒ । श्ये॒नः । चारु॑म् । अ॒वृ॒कम् । प॒दा । आ । अभ॑रत् । अ॒रु॒णम् । मा॒नम् । अन्ध॑सः ।
ए॒ना । वयः॑ । वि । ता॒रि॒ । आयुः॑ । जी॒वसे॑ । ए॒ना । जा॒गा॒र॒ । ब॒न्धुता॑ ॥
Padapatha Devanagari Nonaccented
यम् । ते । श्येनः । चारुम् । अवृकम् । पदा । आ । अभरत् । अरुणम् । मानम् । अन्धसः ।
एना । वयः । वि । तारि । आयुः । जीवसे । एना । जागार । बन्धुता ॥
Padapatha Transcription Accented
yám ǀ te ǀ śyenáḥ ǀ cā́rum ǀ avṛkám ǀ padā́ ǀ ā́ ǀ ábharat ǀ aruṇám ǀ mānám ǀ ándhasaḥ ǀ
enā́ ǀ váyaḥ ǀ ví ǀ tāri ǀ ā́yuḥ ǀ jīváse ǀ enā́ ǀ jāgāra ǀ bandhútā ǁ
Padapatha Transcription Nonaccented
yam ǀ te ǀ śyenaḥ ǀ cārum ǀ avṛkam ǀ padā ǀ ā ǀ abharat ǀ aruṇam ǀ mānam ǀ andhasaḥ ǀ
enā ǀ vayaḥ ǀ vi ǀ tāri ǀ āyuḥ ǀ jīvase ǀ enā ǀ jāgāra ǀ bandhutā ǁ
10.144.06 (Mandala. Sukta. Rik)
8.8.02.06 (Ashtaka. Adhyaya. Varga. Rik)
10.11.107 (Mandala. Anuvāka. Rik)
Samhita Devanagari Accented
ए॒वा तदिंद्र॒ इंदु॑ना दे॒वेषु॑ चिद्धारयाते॒ महि॒ त्यजः॑ ।
क्रत्वा॒ वयो॒ वि ता॒र्यायुः॑ सुक्रतो॒ क्रत्वा॒यम॒स्मदा सु॒तः ॥
Samhita Devanagari Nonaccented
एवा तदिंद्र इंदुना देवेषु चिद्धारयाते महि त्यजः ।
क्रत्वा वयो वि तार्यायुः सुक्रतो क्रत्वायमस्मदा सुतः ॥
Samhita Transcription Accented
evā́ tádíndra índunā devéṣu ciddhārayāte máhi tyájaḥ ǀ
krátvā váyo ví tāryā́yuḥ sukrato krátvāyámasmádā́ sutáḥ ǁ
Samhita Transcription Nonaccented
evā tadindra indunā deveṣu ciddhārayāte mahi tyajaḥ ǀ
kratvā vayo vi tāryāyuḥ sukrato kratvāyamasmadā sutaḥ ǁ
Padapatha Devanagari Accented
ए॒व । तत् । इन्द्रः॑ । इन्दु॑ना । दे॒वेषु॑ । चि॒त् । धा॒र॒या॒ते॒ । महि॑ । त्यजः॑ ।
क्रत्वा॑ । वयः॑ । वि । ता॒रि॒ । आयुः॑ । सु॒क्र॒तो॒ इति॑ सुऽक्रतो । क्रत्वा॑ । अ॒यम् । अ॒स्मत् । आ । सु॒तः ॥
Padapatha Devanagari Nonaccented
एव । तत् । इन्द्रः । इन्दुना । देवेषु । चित् । धारयाते । महि । त्यजः ।
क्रत्वा । वयः । वि । तारि । आयुः । सुक्रतो इति सुऽक्रतो । क्रत्वा । अयम् । अस्मत् । आ । सुतः ॥
Padapatha Transcription Accented
evá ǀ tát ǀ índraḥ ǀ índunā ǀ devéṣu ǀ cit ǀ dhārayāte ǀ máhi ǀ tyájaḥ ǀ
krátvā ǀ váyaḥ ǀ ví ǀ tāri ǀ ā́yuḥ ǀ sukrato íti su-krato ǀ krátvā ǀ ayám ǀ asmát ǀ ā́ ǀ sutáḥ ǁ
Padapatha Transcription Nonaccented
eva ǀ tat ǀ indraḥ ǀ indunā ǀ deveṣu ǀ cit ǀ dhārayāte ǀ mahi ǀ tyajaḥ ǀ
kratvā ǀ vayaḥ ǀ vi ǀ tāri ǀ āyuḥ ǀ sukrato iti su-krato ǀ kratvā ǀ ayam ǀ asmat ǀ ā ǀ sutaḥ ǁ