|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 145
|
1. Info |
| To: | upaniṣatsapatnībādhanam | |
| From: | indrāṇī | |
| Metres: | 1st set of styles: nicṛdanuṣṭup (1, 5); anuṣṭup (2, 4); svarāḍārcyanuṣṭup (3); nicṛtpaṅkti (6) 2nd set of styles: anuṣṭubh (1-5); paṅkti (6) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.145.01 (Mandala. Sukta. Rik)
8.8.03.01 (Ashtaka. Adhyaya. Varga. Rik)
10.11.108 (Mandala. Anuvāka. Rik)
Samhita Devanagari Accented
इ॒मां ख॑ना॒म्योष॑धिं वी॒रुधं॒ बल॑वत्तमां ।
यया॑ स॒पत्नीं॒ बाध॑ते॒ यया॑ संविं॒दते॒ पतिं॑ ॥
Samhita Devanagari Nonaccented
इमां खनाम्योषधिं वीरुधं बलवत्तमां ।
यया सपत्नीं बाधते यया संविंदते पतिं ॥
Samhita Transcription Accented
imā́m khanāmyóṣadhim vīrúdham bálavattamām ǀ
yáyā sapátnīm bā́dhate yáyā saṃvindáte pátim ǁ
Samhita Transcription Nonaccented
imām khanāmyoṣadhim vīrudham balavattamām ǀ
yayā sapatnīm bādhate yayā saṃvindate patim ǁ
Padapatha Devanagari Accented
इ॒माम् । ख॒ना॒मि॒ । ओष॑धिम् । वी॒रुध॑म् । बल॑वत्ऽतमाम् ।
यया॑ । स॒ऽपत्नी॑म् । बाध॑ते । यया॑ । स॒म्ऽवि॒न्दते॑ । पति॑म् ॥
Padapatha Devanagari Nonaccented
इमाम् । खनामि । ओषधिम् । वीरुधम् । बलवत्ऽतमाम् ।
यया । सऽपत्नीम् । बाधते । यया । सम्ऽविन्दते । पतिम् ॥
Padapatha Transcription Accented
imā́m ǀ khanāmi ǀ óṣadhim ǀ vīrúdham ǀ bálavat-tamām ǀ
yáyā ǀ sa-pátnīm ǀ bā́dhate ǀ yáyā ǀ sam-vindáte ǀ pátim ǁ
Padapatha Transcription Nonaccented
imām ǀ khanāmi ǀ oṣadhim ǀ vīrudham ǀ balavat-tamām ǀ
yayā ǀ sa-patnīm ǀ bādhate ǀ yayā ǀ sam-vindate ǀ patim ǁ
10.145.02 (Mandala. Sukta. Rik)
8.8.03.02 (Ashtaka. Adhyaya. Varga. Rik)
10.11.109 (Mandala. Anuvāka. Rik)
Samhita Devanagari Accented
उत्ता॑नपर्णे॒ सुभ॑गे॒ देव॑जूते॒ सह॑स्वति ।
स॒पत्नीं॑ मे॒ परा॑ धम॒ पतिं॑ मे॒ केव॑लं कुरु ॥
Samhita Devanagari Nonaccented
उत्तानपर्णे सुभगे देवजूते सहस्वति ।
सपत्नीं मे परा धम पतिं मे केवलं कुरु ॥
Samhita Transcription Accented
úttānaparṇe súbhage dévajūte sáhasvati ǀ
sapátnīm me párā dhama pátim me kévalam kuru ǁ
Samhita Transcription Nonaccented
uttānaparṇe subhage devajūte sahasvati ǀ
sapatnīm me parā dhama patim me kevalam kuru ǁ
Padapatha Devanagari Accented
उत्ता॑नऽपर्णे । सुऽभ॑गे । देव॑ऽजूते । सह॑स्वति ।
स॒ऽपत्नी॑म् । मे॒ । परा॑ । ध॒म॒ । पति॑म् । मे॒ । केव॑लम् । कु॒रु॒ ॥
Padapatha Devanagari Nonaccented
उत्तानऽपर्णे । सुऽभगे । देवऽजूते । सहस्वति ।
सऽपत्नीम् । मे । परा । धम । पतिम् । मे । केवलम् । कुरु ॥
Padapatha Transcription Accented
úttāna-parṇe ǀ sú-bhage ǀ déva-jūte ǀ sáhasvati ǀ
sa-pátnīm ǀ me ǀ párā ǀ dhama ǀ pátim ǀ me ǀ kévalam ǀ kuru ǁ
Padapatha Transcription Nonaccented
uttāna-parṇe ǀ su-bhage ǀ deva-jūte ǀ sahasvati ǀ
sa-patnīm ǀ me ǀ parā ǀ dhama ǀ patim ǀ me ǀ kevalam ǀ kuru ǁ
10.145.03 (Mandala. Sukta. Rik)
8.8.03.03 (Ashtaka. Adhyaya. Varga. Rik)
10.11.110 (Mandala. Anuvāka. Rik)
Samhita Devanagari Accented
उत्त॑रा॒हमु॑त्तर॒ उत्त॒रेदुत्त॑राभ्यः ।
अथा॑ स॒पत्नी॒ या ममाध॑रा॒ साध॑राभ्यः ॥
Samhita Devanagari Nonaccented
उत्तराहमुत्तर उत्तरेदुत्तराभ्यः ।
अथा सपत्नी या ममाधरा साधराभ्यः ॥
Samhita Transcription Accented
úttarāhámuttara úttarédúttarābhyaḥ ǀ
áthā sapátnī yā́ mámā́dharā sā́dharābhyaḥ ǁ
Samhita Transcription Nonaccented
uttarāhamuttara uttareduttarābhyaḥ ǀ
athā sapatnī yā mamādharā sādharābhyaḥ ǁ
Padapatha Devanagari Accented
उत्ऽत॑रा । अ॒हम् । उ॒त्ऽत॒रे॒ । उत्ऽत॑रा । इत् । उत्ऽत॑राभ्यः ।
अथ॑ । स॒ऽपत्नी॑ । या । मम॑ । अध॑रा । सा । अध॑राभ्यः ॥
Padapatha Devanagari Nonaccented
उत्ऽतरा । अहम् । उत्ऽतरे । उत्ऽतरा । इत् । उत्ऽतराभ्यः ।
अथ । सऽपत्नी । या । मम । अधरा । सा । अधराभ्यः ॥
Padapatha Transcription Accented
út-tarā ǀ ahám ǀ ut-tare ǀ út-tarā ǀ ít ǀ út-tarābhyaḥ ǀ
átha ǀ sa-pátnī ǀ yā́ ǀ máma ǀ ádharā ǀ sā́ ǀ ádharābhyaḥ ǁ
Padapatha Transcription Nonaccented
ut-tarā ǀ aham ǀ ut-tare ǀ ut-tarā ǀ it ǀ ut-tarābhyaḥ ǀ
atha ǀ sa-patnī ǀ yā ǀ mama ǀ adharā ǀ sā ǀ adharābhyaḥ ǁ
10.145.04 (Mandala. Sukta. Rik)
8.8.03.04 (Ashtaka. Adhyaya. Varga. Rik)
10.11.111 (Mandala. Anuvāka. Rik)
Samhita Devanagari Accented
न॒ह्य॑स्या॒ नाम॑ गृ॒भ्णामि॒ नो अ॒स्मिन्र॑मते॒ जने॑ ।
परा॑मे॒व प॑रा॒वतं॑ स॒पत्नीं॑ गमयामसि ॥
Samhita Devanagari Nonaccented
नह्यस्या नाम गृभ्णामि नो अस्मिन्रमते जने ।
परामेव परावतं सपत्नीं गमयामसि ॥
Samhita Transcription Accented
nahyásyā nā́ma gṛbhṇā́mi nó asmínramate jáne ǀ
párāmevá parāvátam sapátnīm gamayāmasi ǁ
Samhita Transcription Nonaccented
nahyasyā nāma gṛbhṇāmi no asminramate jane ǀ
parāmeva parāvatam sapatnīm gamayāmasi ǁ
Padapatha Devanagari Accented
न॒हि । अ॒स्याः॒ । नाम॑ । गृ॒भ्णामि॑ । नो इति॑ । अ॒स्मिन् । र॒म॒ते॒ । जने॑ ।
परा॑म् । ए॒व । प॒रा॒ऽवत॑म् । स॒ऽपत्नी॑म् । ग॒म॒या॒म॒सि॒ ॥
Padapatha Devanagari Nonaccented
नहि । अस्याः । नाम । गृभ्णामि । नो इति । अस्मिन् । रमते । जने ।
पराम् । एव । पराऽवतम् । सऽपत्नीम् । गमयामसि ॥
Padapatha Transcription Accented
nahí ǀ asyāḥ ǀ nā́ma ǀ gṛbhṇā́mi ǀ nó íti ǀ asmín ǀ ramate ǀ jáne ǀ
párām ǀ evá ǀ parā-vátam ǀ sa-pátnīm ǀ gamayāmasi ǁ
Padapatha Transcription Nonaccented
nahi ǀ asyāḥ ǀ nāma ǀ gṛbhṇāmi ǀ no iti ǀ asmin ǀ ramate ǀ jane ǀ
parām ǀ eva ǀ parā-vatam ǀ sa-patnīm ǀ gamayāmasi ǁ
10.145.05 (Mandala. Sukta. Rik)
8.8.03.05 (Ashtaka. Adhyaya. Varga. Rik)
10.11.112 (Mandala. Anuvāka. Rik)
Samhita Devanagari Accented
अ॒हम॑स्मि॒ सह॑मा॒नाथ॒ त्वम॑सि सास॒हिः ।
उ॒भे सह॑स्वती भू॒त्वी स॒पत्नीं॑ मे सहावहै ॥
Samhita Devanagari Nonaccented
अहमस्मि सहमानाथ त्वमसि सासहिः ।
उभे सहस्वती भूत्वी सपत्नीं मे सहावहै ॥
Samhita Transcription Accented
ahámasmi sáhamānā́tha tvámasi sāsahíḥ ǀ
ubhé sáhasvatī bhūtvī́ sapátnīm me sahāvahai ǁ
Samhita Transcription Nonaccented
ahamasmi sahamānātha tvamasi sāsahiḥ ǀ
ubhe sahasvatī bhūtvī sapatnīm me sahāvahai ǁ
Padapatha Devanagari Accented
अ॒हम् । अ॒स्मि॒ । सह॑माना । अथ॑ । त्वम् । अ॒सि॒ । स॒स॒हिः ।
उ॒भे इति॑ । सह॑स्वती॒ इति॑ । भू॒त्वी । स॒ऽपत्नी॑म् । मे॒ । स॒हा॒व॒है॒ ॥
Padapatha Devanagari Nonaccented
अहम् । अस्मि । सहमाना । अथ । त्वम् । असि । ससहिः ।
उभे इति । सहस्वती इति । भूत्वी । सऽपत्नीम् । मे । सहावहै ॥
Padapatha Transcription Accented
ahám ǀ asmi ǀ sáhamānā ǀ átha ǀ tvám ǀ asi ǀ sasahíḥ ǀ
ubhé íti ǀ sáhasvatī íti ǀ bhūtvī́ ǀ sa-pátnīm ǀ me ǀ sahāvahai ǁ
Padapatha Transcription Nonaccented
aham ǀ asmi ǀ sahamānā ǀ atha ǀ tvam ǀ asi ǀ sasahiḥ ǀ
ubhe iti ǀ sahasvatī iti ǀ bhūtvī ǀ sa-patnīm ǀ me ǀ sahāvahai ǁ
10.145.06 (Mandala. Sukta. Rik)
8.8.03.06 (Ashtaka. Adhyaya. Varga. Rik)
10.11.113 (Mandala. Anuvāka. Rik)
Samhita Devanagari Accented
उप॑ तेऽधां॒ सह॑मानाम॒भि त्वा॑धां॒ सही॑यसा ।
मामनु॒ प्र ते॒ मनो॑ व॒त्सं गौरि॑व धावतु प॒था वारि॑व धावतु ॥
Samhita Devanagari Nonaccented
उप तेऽधां सहमानामभि त्वाधां सहीयसा ।
मामनु प्र ते मनो वत्सं गौरिव धावतु पथा वारिव धावतु ॥
Samhita Transcription Accented
úpa te’dhām sáhamānāmabhí tvādhām sáhīyasā ǀ
mā́mánu prá te máno vatsám gáuriva dhāvatu pathā́ vā́riva dhāvatu ǁ
Samhita Transcription Nonaccented
upa te’dhām sahamānāmabhi tvādhām sahīyasā ǀ
māmanu pra te mano vatsam gauriva dhāvatu pathā vāriva dhāvatu ǁ
Padapatha Devanagari Accented
उप॑ । ते॒ । अ॒धा॒म् । सह॑मानाम् । अ॒भि । त्वा॒ । अ॒धा॒म् । सही॑यसा ।
माम् । अनु॑ । प्र । ते॒ । मनः॑ । व॒त्सम् । गौःऽइ॑व । धा॒व॒तु॒ । प॒था । वाःऽइ॑व । धा॒व॒तु॒ ॥
Padapatha Devanagari Nonaccented
उप । ते । अधाम् । सहमानाम् । अभि । त्वा । अधाम् । सहीयसा ।
माम् । अनु । प्र । ते । मनः । वत्सम् । गौःऽइव । धावतु । पथा । वाःऽइव । धावतु ॥
Padapatha Transcription Accented
úpa ǀ te ǀ adhām ǀ sáhamānām ǀ abhí ǀ tvā ǀ adhām ǀ sáhīyasā ǀ
mā́m ǀ ánu ǀ prá ǀ te ǀ mánaḥ ǀ vatsám ǀ gáuḥ-iva ǀ dhāvatu ǀ pathā́ ǀ vā́ḥ-iva ǀ dhāvatu ǁ
Padapatha Transcription Nonaccented
upa ǀ te ǀ adhām ǀ sahamānām ǀ abhi ǀ tvā ǀ adhām ǀ sahīyasā ǀ
mām ǀ anu ǀ pra ǀ te ǀ manaḥ ǀ vatsam ǀ gauḥ-iva ǀ dhāvatu ǀ pathā ǀ vāḥ-iva ǀ dhāvatu ǁ