|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 146
|
1. Info |
| To: | araṇyānī | |
| From: | devamuni airaṃmada | |
| Metres: | 1st set of styles: nicṛdanuṣṭup (3, 5); anuṣṭup (4, 6); virāḍanuṣṭup (1); bhuriganuṣṭup (2) 2nd set of styles: anuṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.146.01 (Mandala. Sukta. Rik)
8.8.04.01 (Ashtaka. Adhyaya. Varga. Rik)
10.11.114 (Mandala. Anuvāka. Rik)
Samhita Devanagari Accented
अर॑ण्या॒न्यर॑ण्यान्य॒सौ या प्रेव॒ नश्य॑सि ।
क॒था ग्रामं॒ न पृ॑च्छसि॒ न त्वा॒ भीरि॑व विंदती३ँ ॥
Samhita Devanagari Nonaccented
अरण्यान्यरण्यान्यसौ या प्रेव नश्यसि ।
कथा ग्रामं न पृच्छसि न त्वा भीरिव विंदतीँ ॥
Samhita Transcription Accented
áraṇyānyáraṇyānyasáu yā́ préva náśyasi ǀ
kathā́ grā́mam ná pṛcchasi ná tvā bhī́riva vindatī́m̐ ǁ
Samhita Transcription Nonaccented
araṇyānyaraṇyānyasau yā preva naśyasi ǀ
kathā grāmam na pṛcchasi na tvā bhīriva vindatīm̐ ǁ
Padapatha Devanagari Accented
अर॑ण्यानि । अर॑ण्यानि । अ॒सौ । या । प्रऽइ॑व । नश्य॑सि ।
क॒था । ग्राम॑म् । न । पृ॒च्छ॒सि॒ । न । त्वा॒ । भीःऽइ॑व । वि॒न्द॒तीँ३ ॥
Padapatha Devanagari Nonaccented
अरण्यानि । अरण्यानि । असौ । या । प्रऽइव । नश्यसि ।
कथा । ग्रामम् । न । पृच्छसि । न । त्वा । भीःऽइव । विन्दतीँ ॥
Padapatha Transcription Accented
áraṇyāni ǀ áraṇyāni ǀ asáu ǀ yā́ ǀ prá-iva ǀ náśyasi ǀ
kathā́ ǀ grā́mam ǀ ná ǀ pṛcchasi ǀ ná ǀ tvā ǀ bhī́ḥ-iva ǀ vindatī́m̐ ǁ
Padapatha Transcription Nonaccented
araṇyāni ǀ araṇyāni ǀ asau ǀ yā ǀ pra-iva ǀ naśyasi ǀ
kathā ǀ grāmam ǀ na ǀ pṛcchasi ǀ na ǀ tvā ǀ bhīḥ-iva ǀ vindatīm̐ ǁ
10.146.02 (Mandala. Sukta. Rik)
8.8.04.02 (Ashtaka. Adhyaya. Varga. Rik)
10.11.115 (Mandala. Anuvāka. Rik)
Samhita Devanagari Accented
वृ॒षा॒र॒वाय॒ वद॑ते॒ यदु॒पाव॑ति चिच्चि॒कः ।
आ॒घा॒टिभि॑रिव धा॒वय॑न्नरण्या॒निर्म॑हीयते ॥
Samhita Devanagari Nonaccented
वृषारवाय वदते यदुपावति चिच्चिकः ।
आघाटिभिरिव धावयन्नरण्यानिर्महीयते ॥
Samhita Transcription Accented
vṛṣāravā́ya vádate yádupā́vati ciccikáḥ ǀ
āghāṭíbhiriva dhāváyannaraṇyānírmahīyate ǁ
Samhita Transcription Nonaccented
vṛṣāravāya vadate yadupāvati ciccikaḥ ǀ
āghāṭibhiriva dhāvayannaraṇyānirmahīyate ǁ
Padapatha Devanagari Accented
वृ॒ष॒ऽर॒वाय॑ । वद॑ते । यत् । उ॒प॒ऽअव॑ति । चि॒च्चि॒कः ।
आ॒घा॒टिभिः॑ऽइव । धा॒वय॑न् । अ॒र॒ण्या॒निः । म॒ही॒य॒ते॒ ॥
Padapatha Devanagari Nonaccented
वृषऽरवाय । वदते । यत् । उपऽअवति । चिच्चिकः ।
आघाटिभिःऽइव । धावयन् । अरण्यानिः । महीयते ॥
Padapatha Transcription Accented
vṛṣa-ravā́ya ǀ vádate ǀ yát ǀ upa-ávati ǀ ciccikáḥ ǀ
āghāṭíbhiḥ-iva ǀ dhāváyan ǀ araṇyāníḥ ǀ mahīyate ǁ
Padapatha Transcription Nonaccented
vṛṣa-ravāya ǀ vadate ǀ yat ǀ upa-avati ǀ ciccikaḥ ǀ
āghāṭibhiḥ-iva ǀ dhāvayan ǀ araṇyāniḥ ǀ mahīyate ǁ
10.146.03 (Mandala. Sukta. Rik)
8.8.04.03 (Ashtaka. Adhyaya. Varga. Rik)
10.11.116 (Mandala. Anuvāka. Rik)
Samhita Devanagari Accented
उ॒त गाव॑ इवादंत्यु॒त वेश्मे॑व दृश्यते ।
उ॒तो अ॑रण्या॒निः सा॒यं श॑क॒टीरि॑व सर्जति ॥
Samhita Devanagari Nonaccented
उत गाव इवादंत्युत वेश्मेव दृश्यते ।
उतो अरण्यानिः सायं शकटीरिव सर्जति ॥
Samhita Transcription Accented
utá gā́va ivādantyutá véśmeva dṛśyate ǀ
utó araṇyāníḥ sāyám śakaṭī́riva sarjati ǁ
Samhita Transcription Nonaccented
uta gāva ivādantyuta veśmeva dṛśyate ǀ
uto araṇyāniḥ sāyam śakaṭīriva sarjati ǁ
Padapatha Devanagari Accented
उ॒त । गावः॑ऽइव । अ॒द॒न्ति॒ । उ॒त । वेश्म॑ऽइव । दृ॒श्य॒ते॒ ।
उ॒तो इति॑ । अ॒र॒ण्या॒निः । सा॒यम् । श॒क॒टीःऽइ॑व । स॒र्ज॒ति॒ ॥
Padapatha Devanagari Nonaccented
उत । गावःऽइव । अदन्ति । उत । वेश्मऽइव । दृश्यते ।
उतो इति । अरण्यानिः । सायम् । शकटीःऽइव । सर्जति ॥
Padapatha Transcription Accented
utá ǀ gā́vaḥ-iva ǀ adanti ǀ utá ǀ véśma-iva ǀ dṛśyate ǀ
utó íti ǀ araṇyāníḥ ǀ sāyám ǀ śakaṭī́ḥ-iva ǀ sarjati ǁ
Padapatha Transcription Nonaccented
uta ǀ gāvaḥ-iva ǀ adanti ǀ uta ǀ veśma-iva ǀ dṛśyate ǀ
uto iti ǀ araṇyāniḥ ǀ sāyam ǀ śakaṭīḥ-iva ǀ sarjati ǁ
10.146.04 (Mandala. Sukta. Rik)
8.8.04.04 (Ashtaka. Adhyaya. Varga. Rik)
10.11.117 (Mandala. Anuvāka. Rik)
Samhita Devanagari Accented
गामं॒गैष आ ह्व॑यति॒ दार्वं॒गैषो अपा॑वधीत् ।
वस॑न्नरण्या॒न्यां सा॒यमक्रु॑क्ष॒दिति॑ मन्यते ॥
Samhita Devanagari Nonaccented
गामंगैष आ ह्वयति दार्वंगैषो अपावधीत् ।
वसन्नरण्यान्यां सायमक्रुक्षदिति मन्यते ॥
Samhita Transcription Accented
gā́maṅgáiṣá ā́ hvayati dā́rvaṅgáiṣó ápāvadhīt ǀ
vásannaraṇyānyā́m sāyámákrukṣadíti manyate ǁ
Samhita Transcription Nonaccented
gāmaṅgaiṣa ā hvayati dārvaṅgaiṣo apāvadhīt ǀ
vasannaraṇyānyām sāyamakrukṣaditi manyate ǁ
Padapatha Devanagari Accented
गाम् । अ॒ङ्ग । ए॒षः । आ । ह्व॒य॒ति॒ । दारु॑ । अ॒ङ्ग । ए॒षः । अप॑ । अ॒व॒धी॒त् ।
वस॑न् । अ॒र॒ण्या॒न्याम् । सा॒यम् । अक्रु॑क्षत् । इति॑ । म॒न्य॒ते॒ ॥
Padapatha Devanagari Nonaccented
गाम् । अङ्ग । एषः । आ । ह्वयति । दारु । अङ्ग । एषः । अप । अवधीत् ।
वसन् । अरण्यान्याम् । सायम् । अक्रुक्षत् । इति । मन्यते ॥
Padapatha Transcription Accented
gā́m ǀ aṅgá ǀ eṣáḥ ǀ ā́ ǀ hvayati ǀ dā́ru ǀ aṅgá ǀ eṣáḥ ǀ ápa ǀ avadhīt ǀ
vásan ǀ araṇyānyā́m ǀ sāyám ǀ ákrukṣat ǀ íti ǀ manyate ǁ
Padapatha Transcription Nonaccented
gām ǀ aṅga ǀ eṣaḥ ǀ ā ǀ hvayati ǀ dāru ǀ aṅga ǀ eṣaḥ ǀ apa ǀ avadhīt ǀ
vasan ǀ araṇyānyām ǀ sāyam ǀ akrukṣat ǀ iti ǀ manyate ǁ
10.146.05 (Mandala. Sukta. Rik)
8.8.04.05 (Ashtaka. Adhyaya. Varga. Rik)
10.11.118 (Mandala. Anuvāka. Rik)
Samhita Devanagari Accented
न वा अ॑रण्या॒निर्हं॑त्य॒न्यश्चेन्नाभि॒गच्छ॑ति ।
स्वा॒दोः फल॑स्य ज॒ग्ध्वाय॑ यथा॒कामं॒ नि प॑द्यते ॥
Samhita Devanagari Nonaccented
न वा अरण्यानिर्हंत्यन्यश्चेन्नाभिगच्छति ।
स्वादोः फलस्य जग्ध्वाय यथाकामं नि पद्यते ॥
Samhita Transcription Accented
ná vā́ araṇyānírhantyanyáścénnā́bhigácchati ǀ
svādóḥ phálasya jagdhvā́ya yathākā́mam ní padyate ǁ
Samhita Transcription Nonaccented
na vā araṇyānirhantyanyaścennābhigacchati ǀ
svādoḥ phalasya jagdhvāya yathākāmam ni padyate ǁ
Padapatha Devanagari Accented
न । वै । अ॒र॒ण्या॒निः । ह॒न्ति॒ । अ॒न्यः । च॒ । इत् । न । अ॒भि॒ऽगच्छ॑ति ।
स्वा॒दोः । फल॑स्य । ज॒ग्ध्वाय॑ । य॒था॒ऽकाम॑म् । नि । प॒द्य॒ते॒ ॥
Padapatha Devanagari Nonaccented
न । वै । अरण्यानिः । हन्ति । अन्यः । च । इत् । न । अभिऽगच्छति ।
स्वादोः । फलस्य । जग्ध्वाय । यथाऽकामम् । नि । पद्यते ॥
Padapatha Transcription Accented
ná ǀ vái ǀ araṇyāníḥ ǀ hanti ǀ anyáḥ ǀ ca ǀ ít ǀ ná ǀ abhi-gácchati ǀ
svādóḥ ǀ phálasya ǀ jagdhvā́ya ǀ yathā-kā́mam ǀ ní ǀ padyate ǁ
Padapatha Transcription Nonaccented
na ǀ vai ǀ araṇyāniḥ ǀ hanti ǀ anyaḥ ǀ ca ǀ it ǀ na ǀ abhi-gacchati ǀ
svādoḥ ǀ phalasya ǀ jagdhvāya ǀ yathā-kāmam ǀ ni ǀ padyate ǁ
10.146.06 (Mandala. Sukta. Rik)
8.8.04.06 (Ashtaka. Adhyaya. Varga. Rik)
10.11.119 (Mandala. Anuvāka. Rik)
Samhita Devanagari Accented
आंज॑नगंधिं सुर॒भिं ब॑ह्व॒न्नामकृ॑षीवलां ।
प्राहं मृ॒गाणां॑ मा॒तर॑मरण्या॒निम॑शंसिषं ॥
Samhita Devanagari Nonaccented
आंजनगंधिं सुरभिं बह्वन्नामकृषीवलां ।
प्राहं मृगाणां मातरमरण्यानिमशंसिषं ॥
Samhita Transcription Accented
ā́ñjanagandhim surabhím bahvannā́mákṛṣīvalām ǀ
prā́hám mṛgā́ṇām mātáramaraṇyānímaśaṃsiṣam ǁ
Samhita Transcription Nonaccented
āñjanagandhim surabhim bahvannāmakṛṣīvalām ǀ
prāham mṛgāṇām mātaramaraṇyānimaśaṃsiṣam ǁ
Padapatha Devanagari Accented
आञ्ज॑नऽगन्धिम् । सु॒र॒भिम् । ब॒हु॒ऽअ॒न्नाम् । अकृ॑षिऽवलाम् ।
प्र । अ॒हम् । मृ॒गाणा॑म् । मा॒तर॑म् । अ॒र॒ण्या॒निम् । अ॒शं॒सि॒ष॒म् ॥
Padapatha Devanagari Nonaccented
आञ्जनऽगन्धिम् । सुरभिम् । बहुऽअन्नाम् । अकृषिऽवलाम् ।
प्र । अहम् । मृगाणाम् । मातरम् । अरण्यानिम् । अशंसिषम् ॥
Padapatha Transcription Accented
ā́ñjana-gandhim ǀ surabhím ǀ bahu-annā́m ǀ ákṛṣi-valām ǀ
prá ǀ ahám ǀ mṛgā́ṇām ǀ mātáram ǀ araṇyāním ǀ aśaṃsiṣam ǁ
Padapatha Transcription Nonaccented
āñjana-gandhim ǀ surabhim ǀ bahu-annām ǀ akṛṣi-valām ǀ
pra ǀ aham ǀ mṛgāṇām ǀ mātaram ǀ araṇyānim ǀ aśaṃsiṣam ǁ