|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 147
|
1. Info |
| To: | indra | |
| From: | suvedas śairīṣi | |
| Metres: | 1st set of styles: virāḍjagatī (1); bhurigārcījagatī (2); jagatī (3); pādanicṛjjgatī (4); virāṭtrisṭup (5) 2nd set of styles: jagatī (1-4); triṣṭubh (5) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.147.01 (Mandala. Sukta. Rik)
8.8.05.01 (Ashtaka. Adhyaya. Varga. Rik)
10.11.120 (Mandala. Anuvāka. Rik)
Samhita Devanagari Accented
श्रत्ते॑ दधामि प्रथ॒माय॑ म॒न्यवेऽह॒न्यद्वृ॒त्रं नर्यं॑ वि॒वेर॒पः ।
उ॒भे यत्त्वा॒ भव॑तो॒ रोद॑सी॒ अनु॒ रेज॑ते॒ शुष्मा॑त्पृथि॒वी चि॑दद्रिवः ॥
Samhita Devanagari Nonaccented
श्रत्ते दधामि प्रथमाय मन्यवेऽहन्यद्वृत्रं नर्यं विवेरपः ।
उभे यत्त्वा भवतो रोदसी अनु रेजते शुष्मात्पृथिवी चिदद्रिवः ॥
Samhita Transcription Accented
śrátte dadhāmi prathamā́ya manyávé’hanyádvṛtrám náryam vivérapáḥ ǀ
ubhé yáttvā bhávato ródasī ánu réjate śúṣmātpṛthivī́ cidadrivaḥ ǁ
Samhita Transcription Nonaccented
śratte dadhāmi prathamāya manyave’hanyadvṛtram naryam viverapaḥ ǀ
ubhe yattvā bhavato rodasī anu rejate śuṣmātpṛthivī cidadrivaḥ ǁ
Padapatha Devanagari Accented
श्रत् । ते॒ । द॒धा॒मि॒ । प्र॒थ॒माय॑ । म॒न्यवे॑ । अह॑न् । यत् । वृ॒त्रम् । नर्य॑म् । वि॒वेः । अ॒पः ।
उ॒भे इति॑ । यत् । त्वा॒ । भव॑तः । रोद॑सी॒ इति॑ । अनु॑ । रेज॑ते । शुष्मा॑त् । पृ॒थि॒वी । चि॒त् । अ॒द्रि॒ऽवः॒ ॥
Padapatha Devanagari Nonaccented
श्रत् । ते । दधामि । प्रथमाय । मन्यवे । अहन् । यत् । वृत्रम् । नर्यम् । विवेः । अपः ।
उभे इति । यत् । त्वा । भवतः । रोदसी इति । अनु । रेजते । शुष्मात् । पृथिवी । चित् । अद्रिऽवः ॥
Padapatha Transcription Accented
śrát ǀ te ǀ dadhāmi ǀ prathamā́ya ǀ manyáve ǀ áhan ǀ yát ǀ vṛtrám ǀ náryam ǀ vivéḥ ǀ apáḥ ǀ
ubhé íti ǀ yát ǀ tvā ǀ bhávataḥ ǀ ródasī íti ǀ ánu ǀ réjate ǀ śúṣmāt ǀ pṛthivī́ ǀ cit ǀ adri-vaḥ ǁ
Padapatha Transcription Nonaccented
śrat ǀ te ǀ dadhāmi ǀ prathamāya ǀ manyave ǀ ahan ǀ yat ǀ vṛtram ǀ naryam ǀ viveḥ ǀ apaḥ ǀ
ubhe iti ǀ yat ǀ tvā ǀ bhavataḥ ǀ rodasī iti ǀ anu ǀ rejate ǀ śuṣmāt ǀ pṛthivī ǀ cit ǀ adri-vaḥ ǁ
10.147.02 (Mandala. Sukta. Rik)
8.8.05.02 (Ashtaka. Adhyaya. Varga. Rik)
10.11.121 (Mandala. Anuvāka. Rik)
Samhita Devanagari Accented
त्वं मा॒याभि॑रनवद्य मा॒यिनं॑ श्रवस्य॒ता मन॑सा वृ॒त्रम॑र्दयः ।
त्वामिन्नरो॑ वृणते॒ गवि॑ष्टिषु॒ त्वां विश्वा॑सु॒ हव्या॒स्विष्टि॑षु ॥
Samhita Devanagari Nonaccented
त्वं मायाभिरनवद्य मायिनं श्रवस्यता मनसा वृत्रमर्दयः ।
त्वामिन्नरो वृणते गविष्टिषु त्वां विश्वासु हव्यास्विष्टिषु ॥
Samhita Transcription Accented
tvám māyā́bhiranavadya māyínam śravasyatā́ mánasā vṛtrámardayaḥ ǀ
tvā́mínnáro vṛṇate gáviṣṭiṣu tvā́m víśvāsu hávyāsvíṣṭiṣu ǁ
Samhita Transcription Nonaccented
tvam māyābhiranavadya māyinam śravasyatā manasā vṛtramardayaḥ ǀ
tvāminnaro vṛṇate gaviṣṭiṣu tvām viśvāsu havyāsviṣṭiṣu ǁ
Padapatha Devanagari Accented
त्वम् । मा॒याभिः॑ । अ॒न॒व॒द्य॒ । मा॒यिन॑म् । श्र॒व॒स्य॒ता । मन॑सा । वृ॒त्रम् । अ॒र्द॒यः॒ ।
त्वाम् । इत् । नरः॑ । वृ॒ण॒ते॒ । गोऽइ॑ष्टिषु । त्वाम् । विश्वा॑सु । हव्या॑सु । इष्टि॑षु ॥
Padapatha Devanagari Nonaccented
त्वम् । मायाभिः । अनवद्य । मायिनम् । श्रवस्यता । मनसा । वृत्रम् । अर्दयः ।
त्वाम् । इत् । नरः । वृणते । गोऽइष्टिषु । त्वाम् । विश्वासु । हव्यासु । इष्टिषु ॥
Padapatha Transcription Accented
tvám ǀ māyā́bhiḥ ǀ anavadya ǀ māyínam ǀ śravasyatā́ ǀ mánasā ǀ vṛtrám ǀ ardayaḥ ǀ
tvā́m ǀ ít ǀ náraḥ ǀ vṛṇate ǀ gó-iṣṭiṣu ǀ tvā́m ǀ víśvāsu ǀ hávyāsu ǀ íṣṭiṣu ǁ
Padapatha Transcription Nonaccented
tvam ǀ māyābhiḥ ǀ anavadya ǀ māyinam ǀ śravasyatā ǀ manasā ǀ vṛtram ǀ ardayaḥ ǀ
tvām ǀ it ǀ naraḥ ǀ vṛṇate ǀ go-iṣṭiṣu ǀ tvām ǀ viśvāsu ǀ havyāsu ǀ iṣṭiṣu ǁ
10.147.03 (Mandala. Sukta. Rik)
8.8.05.03 (Ashtaka. Adhyaya. Varga. Rik)
10.11.122 (Mandala. Anuvāka. Rik)
Samhita Devanagari Accented
ऐषु॑ चाकंधि पुरुहूत सू॒रिषु॑ वृ॒धासो॒ ये म॑घवन्नान॒शुर्म॒घं ।
अर्चं॑ति तो॒के तन॑ये॒ परि॑ष्टिषु मे॒धसा॑ता वा॒जिन॒मह्र॑ये॒ धने॑ ॥
Samhita Devanagari Nonaccented
ऐषु चाकंधि पुरुहूत सूरिषु वृधासो ये मघवन्नानशुर्मघं ।
अर्चंति तोके तनये परिष्टिषु मेधसाता वाजिनमह्रये धने ॥
Samhita Transcription Accented
áiṣu cākandhi puruhūta sūríṣu vṛdhā́so yé maghavannānaśúrmaghám ǀ
árcanti toké tánaye páriṣṭiṣu medhásātā vājínamáhraye dháne ǁ
Samhita Transcription Nonaccented
aiṣu cākandhi puruhūta sūriṣu vṛdhāso ye maghavannānaśurmagham ǀ
arcanti toke tanaye pariṣṭiṣu medhasātā vājinamahraye dhane ǁ
Padapatha Devanagari Accented
आ । ए॒षु॒ । चा॒क॒न्धि॒ । पु॒रु॒ऽहू॒त॒ । सू॒रिषु॑ । वृ॒धासः॑ । ये । म॒घ॒ऽव॒न् । आ॒न॒शुः । म॒घम् ।
अर्च॑न्ति । तो॒के । तन॑ये । परि॑ष्टिषु । मे॒धऽसा॑ता । वा॒जिन॑म् । अह्र॑ये । धने॑ ॥
Padapatha Devanagari Nonaccented
आ । एषु । चाकन्धि । पुरुऽहूत । सूरिषु । वृधासः । ये । मघऽवन् । आनशुः । मघम् ।
अर्चन्ति । तोके । तनये । परिष्टिषु । मेधऽसाता । वाजिनम् । अह्रये । धने ॥
Padapatha Transcription Accented
ā́ ǀ eṣu ǀ cākandhi ǀ puru-hūta ǀ sūríṣu ǀ vṛdhā́saḥ ǀ yé ǀ magha-van ǀ ānaśúḥ ǀ maghám ǀ
árcanti ǀ toké ǀ tánaye ǀ páriṣṭiṣu ǀ medhá-sātā ǀ vājínam ǀ áhraye ǀ dháne ǁ
Padapatha Transcription Nonaccented
ā ǀ eṣu ǀ cākandhi ǀ puru-hūta ǀ sūriṣu ǀ vṛdhāsaḥ ǀ ye ǀ magha-van ǀ ānaśuḥ ǀ magham ǀ
arcanti ǀ toke ǀ tanaye ǀ pariṣṭiṣu ǀ medha-sātā ǀ vājinam ǀ ahraye ǀ dhane ǁ
10.147.04 (Mandala. Sukta. Rik)
8.8.05.04 (Ashtaka. Adhyaya. Varga. Rik)
10.11.123 (Mandala. Anuvāka. Rik)
Samhita Devanagari Accented
स इन्नु रा॒यः सुभृ॑तस्य चाकन॒न्मदं॒ यो अ॑स्य॒ रंह्यं॒ चिके॑तति ।
त्वावृ॑धो मघवंदा॒श्व॑ध्वरो म॒क्षू स वाजं॑ भरते॒ धना॒ नृभिः॑ ॥
Samhita Devanagari Nonaccented
स इन्नु रायः सुभृतस्य चाकनन्मदं यो अस्य रंह्यं चिकेतति ।
त्वावृधो मघवंदाश्वध्वरो मक्षू स वाजं भरते धना नृभिः ॥
Samhita Transcription Accented
sá ínnú rāyáḥ súbhṛtasya cākananmádam yó asya ráṃhyam cíketati ǀ
tvā́vṛdho maghavandāśvádhvaro makṣū́ sá vā́jam bharate dhánā nṛ́bhiḥ ǁ
Samhita Transcription Nonaccented
sa innu rāyaḥ subhṛtasya cākananmadam yo asya raṃhyam ciketati ǀ
tvāvṛdho maghavandāśvadhvaro makṣū sa vājam bharate dhanā nṛbhiḥ ǁ
Padapatha Devanagari Accented
सः । इत् । नु । रा॒यः । सुऽभृ॑तस्य । चा॒क॒न॒त् । मद॑म् । यः । अ॒स्य॒ । रंह्य॑म् । चिके॑तति ।
त्वाऽवृ॑धः । म॒घ॒ऽव॒न् । दा॒शुऽअ॑ध्वरः । म॒क्षु । सः । वाज॑म् । भ॒र॒ते॒ । धना॑ । नृऽभिः॑ ॥
Padapatha Devanagari Nonaccented
सः । इत् । नु । रायः । सुऽभृतस्य । चाकनत् । मदम् । यः । अस्य । रंह्यम् । चिकेतति ।
त्वाऽवृधः । मघऽवन् । दाशुऽअध्वरः । मक्षु । सः । वाजम् । भरते । धना । नृऽभिः ॥
Padapatha Transcription Accented
sáḥ ǀ ít ǀ nú ǀ rāyáḥ ǀ sú-bhṛtasya ǀ cākanat ǀ mádam ǀ yáḥ ǀ asya ǀ ráṃhyam ǀ cíketati ǀ
tvā́-vṛdhaḥ ǀ magha-van ǀ dāśú-adhvaraḥ ǀ makṣú ǀ sáḥ ǀ vā́jam ǀ bharate ǀ dhánā ǀ nṛ́-bhiḥ ǁ
Padapatha Transcription Nonaccented
saḥ ǀ it ǀ nu ǀ rāyaḥ ǀ su-bhṛtasya ǀ cākanat ǀ madam ǀ yaḥ ǀ asya ǀ raṃhyam ǀ ciketati ǀ
tvā-vṛdhaḥ ǀ magha-van ǀ dāśu-adhvaraḥ ǀ makṣu ǀ saḥ ǀ vājam ǀ bharate ǀ dhanā ǀ nṛ-bhiḥ ǁ
10.147.05 (Mandala. Sukta. Rik)
8.8.05.05 (Ashtaka. Adhyaya. Varga. Rik)
10.11.124 (Mandala. Anuvāka. Rik)
Samhita Devanagari Accented
त्वं शर्धा॑य महि॒ना गृ॑णा॒न उ॒रु कृ॑धि मघवंछ॒ग्धि रा॒यः ।
त्वं नो॑ मि॒त्रो वरु॑णो॒ न मा॒यी पि॒त्वो न द॑स्म दयसे विभ॒क्ता ॥
Samhita Devanagari Nonaccented
त्वं शर्धाय महिना गृणान उरु कृधि मघवंछग्धि रायः ।
त्वं नो मित्रो वरुणो न मायी पित्वो न दस्म दयसे विभक्ता ॥
Samhita Transcription Accented
tvám śárdhāya mahinā́ gṛṇāná urú kṛdhi maghavañchagdhí rāyáḥ ǀ
tvám no mitró váruṇo ná māyī́ pitvó ná dasma dayase vibhaktā́ ǁ
Samhita Transcription Nonaccented
tvam śardhāya mahinā gṛṇāna uru kṛdhi maghavañchagdhi rāyaḥ ǀ
tvam no mitro varuṇo na māyī pitvo na dasma dayase vibhaktā ǁ
Padapatha Devanagari Accented
त्वम् । शर्धा॑य । म॒हि॒ना । गृ॒णा॒नः । उ॒रु । कृ॒धि॒ । म॒घ॒ऽव॒न् । श॒ग्धि । रा॒यः ।
त्वम् । नः॒ । मि॒त्रः । वरु॑णः । न । मा॒यी । पि॒त्वः । न । द॒स्म॒ । द॒य॒से॒ । वि॒ऽभ॒क्ता ॥
Padapatha Devanagari Nonaccented
त्वम् । शर्धाय । महिना । गृणानः । उरु । कृधि । मघऽवन् । शग्धि । रायः ।
त्वम् । नः । मित्रः । वरुणः । न । मायी । पित्वः । न । दस्म । दयसे । विऽभक्ता ॥
Padapatha Transcription Accented
tvám ǀ śárdhāya ǀ mahinā́ ǀ gṛṇānáḥ ǀ urú ǀ kṛdhi ǀ magha-van ǀ śagdhí ǀ rāyáḥ ǀ
tvám ǀ naḥ ǀ mitráḥ ǀ váruṇaḥ ǀ ná ǀ māyī́ ǀ pitváḥ ǀ ná ǀ dasma ǀ dayase ǀ vi-bhaktā́ ǁ
Padapatha Transcription Nonaccented
tvam ǀ śardhāya ǀ mahinā ǀ gṛṇānaḥ ǀ uru ǀ kṛdhi ǀ magha-van ǀ śagdhi ǀ rāyaḥ ǀ
tvam ǀ naḥ ǀ mitraḥ ǀ varuṇaḥ ǀ na ǀ māyī ǀ pitvaḥ ǀ na ǀ dasma ǀ dayase ǀ vi-bhaktā ǁ