|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 10
Sūkta 148
|
1. Info |
| To: | indra | |
| From: | pṛthu vainya | |
| Metres: | 1st set of styles: pādanicṛttriṣṭup (3, 5); virāṭtrisṭup (1); ārcībhuriktriṣṭup (2); svarāṭārcītriṣṭup (4) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
10.148.01 (Mandala. Sukta. Rik)
8.8.06.01 (Ashtaka. Adhyaya. Varga. Rik)
10.11.125 (Mandala. Anuvāka. Rik)
Samhita Devanagari Accented
सु॒ष्वा॒णास॑ इंद्र स्तु॒मसि॑ त्वा सस॒वांस॑श्च तुविनृम्ण॒ वाजं॑ ।
आ नो॑ भर सुवि॒तं यस्य॑ चा॒कंत्मना॒ तना॑ सनुयाम॒ त्वोताः॑ ॥
Samhita Devanagari Nonaccented
सुष्वाणास इंद्र स्तुमसि त्वा ससवांसश्च तुविनृम्ण वाजं ।
आ नो भर सुवितं यस्य चाकंत्मना तना सनुयाम त्वोताः ॥
Samhita Transcription Accented
suṣvāṇā́sa indra stumási tvā sasavā́ṃsaśca tuvinṛmṇa vā́jam ǀ
ā́ no bhara suvitám yásya cākántmánā tánā sanuyāma tvótāḥ ǁ
Samhita Transcription Nonaccented
suṣvāṇāsa indra stumasi tvā sasavāṃsaśca tuvinṛmṇa vājam ǀ
ā no bhara suvitam yasya cākantmanā tanā sanuyāma tvotāḥ ǁ
Padapatha Devanagari Accented
सु॒स्वा॒नासः॑ । इ॒न्द्र॒ । स्तु॒मसि॑ । त्वा॒ । स॒स॒ऽवांसः॑ । च॒ । तु॒वि॒ऽनृ॒म्ण॒ । वाज॑म् ।
आ । नः॒ । भ॒र॒ । सु॒वि॒तम् । यस्य॑ । चा॒कन् । त्मना॑ । तना॑ । स॒नु॒या॒म॒ । त्वाऽऊ॑ताः ॥
Padapatha Devanagari Nonaccented
सुस्वानासः । इन्द्र । स्तुमसि । त्वा । ससऽवांसः । च । तुविऽनृम्ण । वाजम् ।
आ । नः । भर । सुवितम् । यस्य । चाकन् । त्मना । तना । सनुयाम । त्वाऽऊताः ॥
Padapatha Transcription Accented
susvānā́saḥ ǀ indra ǀ stumási ǀ tvā ǀ sasa-vā́ṃsaḥ ǀ ca ǀ tuvi-nṛmṇa ǀ vā́jam ǀ
ā́ ǀ naḥ ǀ bhara ǀ suvitám ǀ yásya ǀ cākán ǀ tmánā ǀ tánā ǀ sanuyāma ǀ tvā́-ūtāḥ ǁ
Padapatha Transcription Nonaccented
susvānāsaḥ ǀ indra ǀ stumasi ǀ tvā ǀ sasa-vāṃsaḥ ǀ ca ǀ tuvi-nṛmṇa ǀ vājam ǀ
ā ǀ naḥ ǀ bhara ǀ suvitam ǀ yasya ǀ cākan ǀ tmanā ǀ tanā ǀ sanuyāma ǀ tvā-ūtāḥ ǁ
10.148.02 (Mandala. Sukta. Rik)
8.8.06.02 (Ashtaka. Adhyaya. Varga. Rik)
10.11.126 (Mandala. Anuvāka. Rik)
Samhita Devanagari Accented
ऋ॒ष्वस्त्वमिं॑द्र शूर जा॒तो दासी॒र्विशः॒ सूर्ये॑ण सह्याः ।
गुहा॑ हि॒तं गुह्यं॑ गू॒ळ्हम॒प्सु बि॑भृ॒मसि॑ प्र॒स्रव॑णे॒ न सोमं॑ ॥
Samhita Devanagari Nonaccented
ऋष्वस्त्वमिंद्र शूर जातो दासीर्विशः सूर्येण सह्याः ।
गुहा हितं गुह्यं गूळ्हमप्सु बिभृमसि प्रस्रवणे न सोमं ॥
Samhita Transcription Accented
ṛṣvástvámindra śūra jātó dā́sīrvíśaḥ sū́ryeṇa sahyāḥ ǀ
gúhā hitám gúhyam gūḷhámapsú bibhṛmási prasrávaṇe ná sómam ǁ
Samhita Transcription Nonaccented
ṛṣvastvamindra śūra jāto dāsīrviśaḥ sūryeṇa sahyāḥ ǀ
guhā hitam guhyam gūḷhamapsu bibhṛmasi prasravaṇe na somam ǁ
Padapatha Devanagari Accented
ऋ॒ष्वः । त्वम् । इ॒न्द्र॒ । शू॒र॒ । जा॒तः । दासीः॑ । विशः॑ । सूर्ये॑ण । स॒ह्याः॒ ।
गुहा॑ । हि॒तम् । गुह्य॑म् । गू॒ळ्हम् । अ॒प्ऽसु । बि॒भृ॒मसि॑ । प्र॒ऽस्रव॑णे । न । सोम॑म् ॥
Padapatha Devanagari Nonaccented
ऋष्वः । त्वम् । इन्द्र । शूर । जातः । दासीः । विशः । सूर्येण । सह्याः ।
गुहा । हितम् । गुह्यम् । गूळ्हम् । अप्ऽसु । बिभृमसि । प्रऽस्रवणे । न । सोमम् ॥
Padapatha Transcription Accented
ṛṣváḥ ǀ tvám ǀ indra ǀ śūra ǀ jātáḥ ǀ dā́sīḥ ǀ víśaḥ ǀ sū́ryeṇa ǀ sahyāḥ ǀ
gúhā ǀ hitám ǀ gúhyam ǀ gūḷhám ǀ ap-sú ǀ bibhṛmási ǀ pra-srávaṇe ǀ ná ǀ sómam ǁ
Padapatha Transcription Nonaccented
ṛṣvaḥ ǀ tvam ǀ indra ǀ śūra ǀ jātaḥ ǀ dāsīḥ ǀ viśaḥ ǀ sūryeṇa ǀ sahyāḥ ǀ
guhā ǀ hitam ǀ guhyam ǀ gūḷham ǀ ap-su ǀ bibhṛmasi ǀ pra-sravaṇe ǀ na ǀ somam ǁ
10.148.03 (Mandala. Sukta. Rik)
8.8.06.03 (Ashtaka. Adhyaya. Varga. Rik)
10.11.127 (Mandala. Anuvāka. Rik)
Samhita Devanagari Accented
अ॒र्यो वा॒ गिरो॑ अ॒भ्य॑र्च वि॒द्वानृषी॑णां॒ विप्रः॑ सुम॒तिं च॑का॒नः ।
ते स्या॑म॒ ये र॒णयं॑त॒ सोमै॑रे॒नोत तुभ्यं॑ रथोळ्ह भ॒क्षैः ॥
Samhita Devanagari Nonaccented
अर्यो वा गिरो अभ्यर्च विद्वानृषीणां विप्रः सुमतिं चकानः ।
ते स्याम ये रणयंत सोमैरेनोत तुभ्यं रथोळ्ह भक्षैः ॥
Samhita Transcription Accented
aryó vā gíro abhyárca vidvā́nṛ́ṣīṇām vípraḥ sumatím cakānáḥ ǀ
té syāma yé raṇáyanta sómairenótá túbhyam rathoḷha bhakṣáiḥ ǁ
Samhita Transcription Nonaccented
aryo vā giro abhyarca vidvānṛṣīṇām vipraḥ sumatim cakānaḥ ǀ
te syāma ye raṇayanta somairenota tubhyam rathoḷha bhakṣaiḥ ǁ
Padapatha Devanagari Accented
अ॒र्यः । वा॒ । गिरः॑ । अ॒भि । अ॒र्च॒ । वि॒द्वान् । ऋषी॑णाम् । विप्रः॑ । सु॒ऽम॒तिम् । च॒का॒नः ।
ते । स्या॒म॒ । ये । र॒णय॑न्त । सोमैः॑ । ए॒ना । उ॒त । तुभ्य॑म् । र॒थ॒ऽओ॒ळ्ह॒ । भ॒क्षैः ॥
Padapatha Devanagari Nonaccented
अर्यः । वा । गिरः । अभि । अर्च । विद्वान् । ऋषीणाम् । विप्रः । सुऽमतिम् । चकानः ।
ते । स्याम । ये । रणयन्त । सोमैः । एना । उत । तुभ्यम् । रथऽओळ्ह । भक्षैः ॥
Padapatha Transcription Accented
aryáḥ ǀ vā ǀ gíraḥ ǀ abhí ǀ arca ǀ vidvā́n ǀ ṛ́ṣīṇām ǀ vípraḥ ǀ su-matím ǀ cakānáḥ ǀ
té ǀ syāma ǀ yé ǀ raṇáyanta ǀ sómaiḥ ǀ enā́ ǀ utá ǀ túbhyam ǀ ratha-oḷha ǀ bhakṣáiḥ ǁ
Padapatha Transcription Nonaccented
aryaḥ ǀ vā ǀ giraḥ ǀ abhi ǀ arca ǀ vidvān ǀ ṛṣīṇām ǀ vipraḥ ǀ su-matim ǀ cakānaḥ ǀ
te ǀ syāma ǀ ye ǀ raṇayanta ǀ somaiḥ ǀ enā ǀ uta ǀ tubhyam ǀ ratha-oḷha ǀ bhakṣaiḥ ǁ
10.148.04 (Mandala. Sukta. Rik)
8.8.06.04 (Ashtaka. Adhyaya. Varga. Rik)
10.11.128 (Mandala. Anuvāka. Rik)
Samhita Devanagari Accented
इ॒मा ब्रह्में॑द्र॒ तुभ्यं॑ शंसि॒ दा नृभ्यो॑ नृ॒णां शू॑र॒ शवः॑ ।
तेभि॑र्भव॒ सक्र॑तु॒र्येषु॑ चा॒कन्नु॒त त्रा॑यस्व गृण॒त उ॒त स्तीन् ॥
Samhita Devanagari Nonaccented
इमा ब्रह्मेंद्र तुभ्यं शंसि दा नृभ्यो नृणां शूर शवः ।
तेभिर्भव सक्रतुर्येषु चाकन्नुत त्रायस्व गृणत उत स्तीन् ॥
Samhita Transcription Accented
imā́ bráhmendra túbhyam śaṃsi dā́ nṛ́bhyo nṛṇā́m śūra śávaḥ ǀ
tébhirbhava sákraturyéṣu cākánnutá trāyasva gṛṇatá utá stī́n ǁ
Samhita Transcription Nonaccented
imā brahmendra tubhyam śaṃsi dā nṛbhyo nṛṇām śūra śavaḥ ǀ
tebhirbhava sakraturyeṣu cākannuta trāyasva gṛṇata uta stīn ǁ
Padapatha Devanagari Accented
इ॒मा । ब्रह्म॑ । इ॒न्द्र॒ । तुभ्य॑म् । शं॒सि॒ । दाः । नृऽभ्यः॑ । नृ॒णाम् । शू॒र॒ । शवः॑ ।
तेभिः॑ । भ॒व॒ । सऽक्र॑तुः । येषु॑ । चा॒कन् । उ॒त । त्रा॒य॒स्व॒ । गृ॒ण॒तः । उ॒त । स्तीन् ॥
Padapatha Devanagari Nonaccented
इमा । ब्रह्म । इन्द्र । तुभ्यम् । शंसि । दाः । नृऽभ्यः । नृणाम् । शूर । शवः ।
तेभिः । भव । सऽक्रतुः । येषु । चाकन् । उत । त्रायस्व । गृणतः । उत । स्तीन् ॥
Padapatha Transcription Accented
imā́ ǀ bráhma ǀ indra ǀ túbhyam ǀ śaṃsi ǀ dā́ḥ ǀ nṛ́-bhyaḥ ǀ nṛṇā́m ǀ śūra ǀ śávaḥ ǀ
tébhiḥ ǀ bhava ǀ sá-kratuḥ ǀ yéṣu ǀ cākán ǀ utá ǀ trāyasva ǀ gṛṇatáḥ ǀ utá ǀ stī́n ǁ
Padapatha Transcription Nonaccented
imā ǀ brahma ǀ indra ǀ tubhyam ǀ śaṃsi ǀ dāḥ ǀ nṛ-bhyaḥ ǀ nṛṇām ǀ śūra ǀ śavaḥ ǀ
tebhiḥ ǀ bhava ǀ sa-kratuḥ ǀ yeṣu ǀ cākan ǀ uta ǀ trāyasva ǀ gṛṇataḥ ǀ uta ǀ stīn ǁ
10.148.05 (Mandala. Sukta. Rik)
8.8.06.05 (Ashtaka. Adhyaya. Varga. Rik)
10.11.129 (Mandala. Anuvāka. Rik)
Samhita Devanagari Accented
श्रु॒धी हव॑मिंद्र शूर॒ पृथ्या॑ उ॒त स्त॑वसे वे॒न्यस्या॒र्कैः ।
आ यस्ते॒ योनिं॑ घृ॒तवं॑त॒मस्वा॑रू॒र्मिर्न निम्नैर्द्र॑वयंत॒ वक्वाः॑ ॥
Samhita Devanagari Nonaccented
श्रुधी हवमिंद्र शूर पृथ्या उत स्तवसे वेन्यस्यार्कैः ।
आ यस्ते योनिं घृतवंतमस्वारूर्मिर्न निम्नैर्द्रवयंत वक्वाः ॥
Samhita Transcription Accented
śrudhī́ hávamindra śūra pṛ́thyā utá stavase venyásyārkáiḥ ǀ
ā́ yáste yónim ghṛtávantamásvārūrmírná nímnáirdravayanta vákvāḥ ǁ
Samhita Transcription Nonaccented
śrudhī havamindra śūra pṛthyā uta stavase venyasyārkaiḥ ǀ
ā yaste yonim ghṛtavantamasvārūrmirna nimnairdravayanta vakvāḥ ǁ
Padapatha Devanagari Accented
श्रु॒धि । हव॑म् । इ॒न्द्र॒ । शू॒र॒ । पृथ्याः॑ । उ॒त । स्त॒व॒से॒ । वे॒न्यस्य॑ । अ॒र्कैः ।
आ । यः । ते॒ । योनि॑म् । घृ॒तऽव॑न्तम् । अस्वाः॑ । ऊ॒र्मिः । न । नि॒म्नैः । द्र॒व॒य॒न्त॒ । वक्वाः॑ ॥
Padapatha Devanagari Nonaccented
श्रुधि । हवम् । इन्द्र । शूर । पृथ्याः । उत । स्तवसे । वेन्यस्य । अर्कैः ।
आ । यः । ते । योनिम् । घृतऽवन्तम् । अस्वाः । ऊर्मिः । न । निम्नैः । द्रवयन्त । वक्वाः ॥
Padapatha Transcription Accented
śrudhí ǀ hávam ǀ indra ǀ śūra ǀ pṛ́thyāḥ ǀ utá ǀ stavase ǀ venyásya ǀ arkáiḥ ǀ
ā́ ǀ yáḥ ǀ te ǀ yónim ǀ ghṛtá-vantam ǀ ásvāḥ ǀ ūrmíḥ ǀ ná ǀ nimnáiḥ ǀ dravayanta ǀ vákvāḥ ǁ
Padapatha Transcription Nonaccented
śrudhi ǀ havam ǀ indra ǀ śūra ǀ pṛthyāḥ ǀ uta ǀ stavase ǀ venyasya ǀ arkaiḥ ǀ
ā ǀ yaḥ ǀ te ǀ yonim ǀ ghṛta-vantam ǀ asvāḥ ǀ ūrmiḥ ǀ na ǀ nimnaiḥ ǀ dravayanta ǀ vakvāḥ ǁ